بداية

رواية ليتها من جفاها تستفيد -10

رواية ليتها من جفاها تستفيد - غرام

رواية ليتها من جفاها تستفيد -10

في بيت بو عبدالرحمن
دقت رهف على زياد
رهف: هلا زياد
زياد: اهلين رهف اخبارك؟؟
رهف: بخير .....ز اخبار ذياب؟؟
زياد: انا اليوم رحت المستشفى وسألت عن ذياب
رهف: وش قالك؟؟
زياد: يقول ان نفسيته تعبانه وانه مو مستجيب لاي علاج
رهف: يعني؟
زياد: يعني يارهف نفسيته تعبانه وماحد يعرف ليه
رهف: امممممممم خلاص مشكور زياد واسفه ان ازعجتك
زياد: وش هالكلام يارهف
رهف: اوكيه مشكور
زياد: ماقلت لك خالتي ام ذياب حامل
رهف: احلف من قالك
زياد: عمي متعب قال لي
رهف: اقول خلني اروح ابشر الي عندنا
زياد: اوكي مع السلامه
رهف: مع السلامه
...
رجعت رهف الصاله
رهف: الا وين امي
عبدالرحمن: انا بروح عند الربع تامرون بشي
الكل: سلامتك
عبدالرحمن: الله يسلمك
احمد: وانا بعد بروح ارتاح شوي عن اذنكم
رهف: تعال انت معه بقول لكم شي
احمد: وش عندك
رهف: خالتي ام ذياب حامل
عبدالرحمن: كذابه من قالك؟؟
ود: صدق من قالك؟؟
رهف: زياد قالي
ود: زياد وش دراه؟؟
رهف: عمي متعب هو الي قاله
احمد: ان شاء الله تكون بنت
الكل: ان شاء الله
ود: بروح اعلم امي
رهف: هههههههه روحي
رن جوال رهف
رهف: الوووو
سميه: هلا رهف
رهف خافت من لهجة سميه: هلا سميه
سميه: كيفك؟؟؟
رهف: تمام وانتي؟؟
سميه: بخير .... رهف
رهف: هلا
سميه: رهف امممممممم بقولك شي بس لاتزعلين انتي تبين اخوي او لا انتي تاخرتي برد علينا
رهف الله يخليك اخوي تغير وانتي تقدرين ترجعينه بموافقتك
رهف: اسفه سميه ماقدر اسوي لك شي ردي ان شاء الله بتسمعينه من امك
سميه: اااااه والله اتمنى ان ياسر يرجع مثل اول
رهف: سميه اخليك انا الحين
سميه: اوكي باي
رهف: باي
راحت رهف لامها عشان تقول قرارها النهائي
ام عبدالرحمن: انتي واثقه
رهف: يمه قراري هذا انا متاكده منه
ام عبدالرحمن: خلاص اجل انااليوم اكلم مرت عمك واقول لها
رهف: عن اذنك
........
الجزء التاسع عشر
كل نظره لغيرك عينك بحقك
أحسبها خيانه وكل لمسه لغير
ايدينك فيها لك ظلم واهانه
....
يوم جا العصر
الكل راح المستشفى يزور الخاله ريم
في المسشفى
.....
ام عبد الرحمن: هلا وغلا هلا بأم ذياب
اخبارك؟...... مبروك
ام ذياب: هلا بأم عبدالرحمن و الله يبارك فيك
ام ياسر:مبروك يا ام ذياب
ام ذياب: الله يبارك في حياتك
ام ياسر: كيفك الحين؟؟
ام ذياب: الحمدلله
ام عزام: اخبار ذياب ؟؟
ام ذياب: والله مدري ابوه مو راضي يعلمني عنه شي
ام عزام: وش صار فيه ؟؟؟
ام ذياب: العلم عند الله هو له اسبوعين مدري وش فيه كله جالس في البيت
ام عبدالله: الله يقومه بالسلامه.
...
عند ذياب
الدكتور: هلا بالاخ زياد
زياد: هلا فيك ....... بشر يادكتور
الدكتور: والله مدري وش اقولك حالته نفس ماهي
زياد: طيب نقدر ندخل عليه؟؟
دكتور: ايه تقدرون
زياد: مشكور
بعد ماراح الدكتور عنهم
راح زياد عند رهف
رهف: ها زياد وش قال؟؟
زياد: حالته نفس ماهي
رهف: طيب نقدر نشوفه
زياد: قال تقدرون بس
رهف: بس وش؟؟؟
زياد: انتي لا
رهف: نعم .....وليه
زياد: عشان ...يصفى لك الجو بعدين
رهف: مالت عليك خوفتني
زياد:ههههههه يالله اخليك
رهف: الله معاك
وراحو الكل عند ذياب اما رهف راحت عند خالتها
...
عند مروة صديقة رهف
جالسه تكلم رغد
مروة: اقول رغد رهف وش اخبارها
رغد: تمام توني من كم يوم مكلمتها
مروة: وش اخبار ذياب ولدعمها
رغد: تقول مافي جديد على حالته
مروة: الله يعين اهله .... الا سمعت ان امه حامل
رغد: حتى انا سمعت ....الا وش رايك نروح نزورها
مروة: فكره بس هم في أي مستشفى
رغد: نكلم رهف ونسالها
مروة: صار ...... رغود اخليك الحين
رغد: اوكي مع السلامه
مروة: مع السلامه
.....
نرجع للمستشفى
بعد ما طلعوا الرجال من ذياب
والكل راح بيته طبعا الا رهف وسلامه
دخلت رهف على ذياب
بالاول كانت خايفه بس زياد شجعها
شافت الاجهزه اللي عليه
دمعت عيونها تحس انها السبب الي هو فيه
قربت منه ومسكت يدينه
رهف: ذياب ....ذياب
ذياب انا اسفه اني سويت فيك كذا
ما كنت اتوقع ان الحاله توصل لهذا المستوى
تدري اني رفضت ياسر ماراح حد يفرقنا
ذياب انا لك انت ...انت وبس
ذياب قوم امك حامل بجيك اخو او اخت
قوم اذا ما كان عشاني عشان امك المسكينه
وعشان ابوك الي من طحت وهو مو على بعضه
حست رهف ان ذياب بدى يحرك يده
ذياب ... ذياب تسمعني
طلعت بسرعه من الحجره خبرت زياد
الي من سمع راح للدكاتره وقالهم
دخل الدكتور وليد عشان يتطمن عليه
بعد ما طلع
زياد: ها دكتور بشر
الدكتور: الحمدلله تحرك وصحته ان شاءالله تتحسن هاليومين
زياد: الحمدلله
الدكتور: روح بشر ابوه
رهف: انا بروح ابشره
راحت رهف تعلم عمها
الدكتور : اخته؟؟؟
زياد: لا بنت عمه
الدكتور: شكلها مهتمه فيه كثير
زياد: تقدر تقول كذا
.......
نرجع لرهف و سلامه الي راحوا يبشرون عمهم
رهف: عمي...... ذياب ....ذياب
بو ذياب: وش فيه ذياب؟؟
رهف: ذياب يا عمي ......ذياب تحرك
ام ذياب: ذياب تحرك...... لك الحمد والشكر
بو ذياب: احلفي من قالك
رهف: انا.. وسكتت ...قصدي الدكتور قال لنا
والا يدخل عليهم زياد
ام ذياب: زياد يمه صدق الي تقوله رهف
زياد: وش قالت رهف هذي ياما تقول
ام ذياب: زيود مو ناقصتك
زياد:هههههههههه ايه صدق ذياب تحرك
بو ذياب: لك الحمد والشكر
ام ذياب: اقدر اشوفه
زياد: لا ان شاءالله بكره او الي بعده يصحى ونخليك يا خاله تشوفينه
بو ذياب: عن اذنكم بروح اصلي ركعتين شكر لله
زياد: وانا بروح اودي رهف وسلامه بيتهم وبروح اريح
ام ذياب: مشكورين ما قصرتوا
رهف: لاتقولين كذا يا خالتي قمنا بالواجب
زياد: صح كلام رهف بعدين هذا ذياب الغالي
ام ذياب: الله يخليكم لبعض
الكل: اميييييييييين
.......
الجزء العشرين
آه من هـير الحبايب
آه قلبي دوم ذايب
آه لولا الـــحب فني
آه ما يتــني مصايب
صابني ضـــــرب الودادي
والـهوى تـيــــم فـوادي
.....
بعد ما راحوا رهف وزياد
زياد:اقول رهف وش شعورك الحين ؟؟؟
رهف: مالك دخل
زياد:افا الحين انا مالي دخل
رهف: هههههه كنت امزح
زياد:هههههههههه
رهف: صدق زياد مشكور على كل الي سويته
زياد: لك عيوني ان طلبتي
رهف: لا خل عيونك لك عشان تطالع زوجت المستقبل
زياد: خليها هي تجي بالاول
رهف : تجي ها ..هي موجوده
سلامه: ههههههههههه ايه موجوده
زياد: موجوده....... مين تقصدون؟؟
سلامه: علينا زويد
زياد: لا جد مين؟
رهف: بذمتك ما تحبها
زياد: بلوحك الحين من السياره تكلمي عدل
رهف: اقصد شوق
زياد: مين قال اني احب شوق
رهف: العصفوره
سلامه: الا تحبها لا تكذب
زياد: رهف تكلمي لا بكف اطير لك وجهك
رهف: خبل تسويها وبعدين ماحد قالي انا حسيت
زياد: اقول حسك غلط لاني مااحب شوق
رهف: كيفك اذا بغيت تقول تراني موجوده
زياد: انزلي وصلنا بيتكم ولا حلت لك القعده في السياره
رهف: عاد من حلات سيارتك عشان اجلس فيها
زياد: اوريك اذا خليتك تركبينها مره ثانيه
رهف: غصبا عنك بركبها
سلامه: رهف ماعليك منه يحبهاااااااااا
زياد: سلاموه بنزلك معها
رهف: زياد انت تحبها صح
ونزلت بدون ماتسمع رد زياد
......
دخلت رهف بيتهم وهي مستانسه وتغني
لك بخافي القلب مدهالي
جاري بمجرا شراييني
والجفا منك طرا حالي
وين عهد بينك وبيني
لو فراقك يالغلا طالي

أحمد:اوووووووووووه رهوف مستانسه
وش عندك
رهف : ههههههههه ولا شي عن اذنك بروح حجرتي
أحمد: الحمدلله والشكر انا اشك ان فيك جني
دخل عليه عبد الرحمن وياسر توهم راجعين من ربعهم
عبد الرحمن: من هذي الي فيها جني؟؟؟
أحمد: اختك المرجوجه
عبد الرحمن: أي وحده فيهم؟؟
احمد: رهيف داخله البيت مستانسه ولا تغني بعد
عبد الرحمن: عادي تقلب الجو عندها
ياسر:هههههههههه ليه هي مدينه تتقلب جوها
العنود نزلت لهم تركض : اقووووووووووووووووول
عندي لكم بشاره
احمد: ما اتوقع وراك بشاره انتي وراك مصايب
العنود: مالت عليك وبعدين من كلمك انت انا اكلم عبدالرحمن وياسر
ياسر: وش عندك؟؟
العنود: البشاره اول
احمد: قولي لا بكف
العنود: عناد مو قايله بروح عند رهف و ود احسن من مقابلتك
عبد الرحمن: احمد خلاص خلك منها وانتي وش عندك؟
العنود: خلاص بقول كسرتو خاطري
ياسر: اقول عنود بتقولين ولا كيف
العنود: خلاص بقول ... ذياب
ياسر: وش فيه؟؟؟
العنود وهي تصارخ: تــــــــــــــــحــــــــــــــــرك
احمد: عمى صخيتي اذني
ياسر: من قالك؟؟؟
العنود: رهف قالت لود وانا سمعتها وجيت اقولكم
ياسر:...
احمد: اجل وناستها بسبت ذياب
عبدالرحمن: اكيد بتستانس عشان ولد عمها
نزلت لهم رهف : هااااااااااي شباااااااب
احمد: ندري قالت لنا عنيد
رهف لفت لعنود: وانتي وش دراك؟
العنود: سمعتك تقولين لود
ياسر: عن اذنكم
احمد: وش فيه
عبدالرحمن: مدري ....المهم انا بروح حجرتي ارتاح شوي
احمد: وانا بعد بروح للشباب
العنود: وانا بعد بروح للشباب
احمد:وش قلتي؟؟؟
العنود: قصدي بروح لود
رهف: هههههههههههه والله انك سوالف يا عنيد
العنود: طالعه عليكم
رهف: قدامي خلينا نروح لاختك
العنود: بااااااااااااي حموووووود
احمد: حمود في عينك اصغر عيالك
العنود: لا اصغر اخواني بس انا اصغر منك
لحظه انا اصغر منك يعني انت مو اصغر اخواني
لحظه خلني افكر امممممممممممم
ماعرفت اذا لقيت الحل قلت لك
بس لحظه اتعب عمري افكر عشانك ليه
اخاف عقلي يتعب بعدين يحتاج تعبأه واذا عبيته
بجلس في الغرفه اعبيه لا مو مفكره خلاص
باااااااااااااي حمووووووود
رهف واحمد:هههههههههههههههههههههه
ود:ههههههههههههههه عنود من وين جايبه هالكلام
العنود: اووووه انتي هنا ياأختي العزيزه
ود: لا هناك
العنود: اجل باي بروحلك...... الا ماقلت لك
ود: خير؟؟؟
العنود: امي نايمه
ود: عارفه
العنود: عارفه انك تدرين بس اجدد الخبر
الكل:ههههههههههههههه
احمد: اقول انا بروح اذا جلست مو رايح للشباب
العنود: حتى انا بروح معك اخاف يعطلوني عن الشباب
احمد:عنيد
العنود: ان شاءالله
الكل:ههههههههههههههههه
........
في مكان ثاني بعيد عن السعوديه واراضيها
جالس على البحر مشتاق لاهله
خمس سنوات وهو في هالبلاد
سيف: سعود وش فيك؟؟
سعود: اااااااااااه يا سيف مشتاق لاخواني
سيف: مابقى غير الشهاده ونرجع ان شاءالله قريب
سعود: متى قالو يطلعونها
سيف: سمعت بعد يومين
(بعد الترجمه)
نيكي: هاااااااااي
سعود وسيف:هااااااااااااي
نيكي: لما لم تذهبوا للحفل
سعود: سوف نأتي الآن
نيكي: أسرعا قبل أن يبدأ الحفل
سعود: اوكي
........
اليوم الثاني
في بيت بو عبدالله
الكل صحى من النوم وجالسين يفطرون
بو عبدالله: ذوق اخبار الدراسه؟؟؟
ذوق: الحمدلله
بوعبدالله: يمه ذاكري زين وجيبي النسبه الي ترفع الراس
ذوق: ماطلبت شي يايبه وبعدين بنتك الي هي انا ماينخاف عليها
شوق: وش معنى ذوق الي تسألها؟؟؟
عبدالله:بدت الغيره
محمد: حتى انا ماسألني لانه عارف انا وانتي اذكيه وهذي مو ذكيه
جوري: قصدك العكس
شوق: يبه شوفهم
ام عبدالله: بسكم من الصبح هواش
الكل:ان شاء الله
وجلسوياكلون ويسمعون حد يضحك
التفتوا شافو محمد جالس يضحك
ام عبد الله : انت ليه تضحك حد قايل نكته
محمد وهو يضحك: لا بس اشكال عيالك وهم ساكتين يضحك
عبدالله: وانت اجل مين مو ولدها
محمد: الا ولدها بس ههههههههه..... خلاص مقدر بطني
شوق: مافي شي يضحك ياالسخيف
ام عبدالله: الحمدلله والشكر جن الولد
جوري: اقول انا رايحه مع السواق
ذوق : انا بجي معك
شوق: وانا بعد
جوري: وانت؟
محمد: انا بروح مع عبدالله
......
الكل راح دوامه
في الجامعه عند سميه وسلمى
سميه: اقول سلوم
سلمى: هلا
سميه: وش رايك تجين بيتنا تتغديت
سلمى: خليها مره ثانيه
سميه: وليه وش عندك؟؟
سلمى: ماعندي شي بس..
سميه: خلاص بتجين يعني بتجين
سلمى : خلاص ادق على امي واقول لها
سميه: يالله قدامي خلينا نروح المحاظره
سلمى: اف مو مشتهيه احضرها
سميه: نستحمل شوي وش نسوي بعد
سلمى: انا محاضره 4العصر مو حاضرتها
سميه: وانا معك..... بس الحين خلينا نروح
سلمى: يالله
........
في الشركه عند زياد
زياد جالس مع طلال هو مهندس في شركتهم
طلال: وش قلت؟؟؟
زياد: خلاص حنا نتفق معهم ونشوف
طلال: خلاص والتخطيط جاهز
زياد: اوكي خلاص
طلال: زياد اخبار ذياب؟؟؟
زياد: الحمدلله تحرك وانا بروح اليوم له
طلال: الحمدلله
...
في المستشفى
ام ذياب: حمدلله على سلامتك يا ولدي
ذياب: الله يسلمك يا يمه
بو ذياب: خوفتنا عليك ياولدي
ذياب: اسف يبه
ام ذياب: وش صار فيك ياولدي؟؟
ذياب وهو يغير الموضوع: يمه زياد جا زارني ؟
ام ذياب: زياد يايمه كل يوم يكون عندك ماقصر حتى عيال عمك ماقصرو بعد
بو ذياب: الكل زارك يا يبه حتى البنات زاروك
ذياب: امممممممم
يسمعون دق على الباب
بو ذياب: ادخل
دق دق دق
بو ذياب: تفضل
دق دق دق
بو ذياب: لا تدخل
زياد:ههههههههههههه
بو ذياب: زيوود
زياد: هههه سوري عمى
ذياب: ههههههه انت لحد الحين على حركاتك
زياد: كأني اسمع صوت ذياب
ذياب: ههههه
زياد: ههههههههه ...وهو يسلم على ذياب:الحمدلله على السلامه
ذياب: الله يسلمك
زياد وهو يهمس في اذن ذياب: خوفتنا عليك وخوفت حبيبت القلب
ذياب : اخبارها؟؟
زياد: تمام بس من درت عنك وهي حالتها حاله
ذياب: امممممممممم
بو ذياب: انتوا وش تقولون
زياد: عمي ولدك يسأل من انتوا
ذياب: حد مايعرف اهله ياالسخيف
ام ذياب: اشوفكم كلمة السخيف ماتطيح من لسانكم
زياد: هذا ذياب كله يقولها وانا تعودت عليها من كثر ما يقولها
ذياب: زيااااااد
زياد: ممكن تكرمنا بسكوتك
ذياب: زين تعرف انك مزعج
زياد: عندي لك سوالف بس بعدين اقولك
ذياب: اوكي
وجلسو سوالف وضحك على ذياب
راح زياد بيتهم عند الساعه 12 الظهر
......
مر اسبوعين وذياب طلع من المستشفى
واليوم ابوه مسويله عزيمه بمناسبه خروجه من المستشفى
.....
ود: يالله رهف الكل خلص الا انتي
رهف: مالي خلق اروح معكم
ود: عمي بيزعل عليك
رهف: مالي خلق قولوله تعبانه
ود: رهف وش صاير؟؟
رهف: مو صاير شي بس مالي نفس
ود: رهف روحي تجهزي ولا تبغين خالتي وعمي يزعلون عليك.... او خايفه من مواجهت ام ياسر
رهف:لا مو خايفه... طيب خلاص اطلعي خليني أجهز
بعد ما خلصت ولبست نزلت
ود: هذي الي ماتبغي تروح
العنود: ههههههههههههه اجل اذا تبغين تروحين وش تسوين
رهف: يمه شوفيهم
ام عبدالرحمن: ماعليك منهم فديت بنتي تعالي اقرأ عليك لاحد يعطيك عين
رهف: هههههههه يمه لاتبالغين
ود: وش عليك الكل مدلعك اما حنا مالت كأنى عيال البطه السوده
العنود: لو سمحتي تكلمي عن نفسك اصلا انا دلوعة البيت ماحد ينافسني في الدلع
ود: ايوه اموت على الي شايفين نفسهم
العنود: ماعليك اعجبك
ود: من قال انك تعجبيني
العنود: غصبا عنك
رهف: وش رايكم كل وحد تمسك شعر الثانيه وتتضاربون بالجزم
العنود: عن نفسي ما عندي مانع
ود: لا ياحياتي مو بايعه عمري اتضارب مع هذي
العنود: هذا الي ناقص بعد تمدين يدك علي
ود:هههههههههههه والله ياعنيد لسانك يبغاله قص
العنود: عادي قصيه واسويله خياطه
الكل:هههههههههههههههههه
ام عبدالرحمن: يالله مشينا
الكل ركب السياره
طول الطريق ورهف خايفه انها تواجه ذياب
......
وصلوا بيت بو ذياب وكان
عبدالله وزياد وياسر وذياب واقفين في الحوش
نزل عبدالرحمن يسلم على عيال عمه

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -