رواية وطال انتظاري -14
ريوف كانت بخاطرها تقول شف ذا الفاضي انا في ايش ولا ايشريوف وصوتها مبحوح:وين خالتي؟
فيصل:بغرفتها بناديها لك وانتي دخلي غرفتك
دخلت ريوف غرفتها وهي كلما تذكرت الحلم بكت اكثر
دقايق تجيها ام راشد مفزوعه
ام راشد:عسى ما شر يمه وش فيك طمنيني
تروح عندها ريوف تضمها ام راشد وتبكي ريوف وتشهق
ام راشد:لا تخوفيني عليك تكلمي وش فيك
ريوف:أبيك تاخذيني عند جدتي ابيك تاخذيني عندها
ام راشد:ان شاء الله يمه باخذك باخذك بس لا تعملين بنفسك كذا،، غسلي والبسي عباتك وانا انتظرك طيب
نورة بالمستشفى حالها زاد بعد ما اخذ خالد سعود عنده
جالها انهيار
بو نورة:دكتور طمني على بنتي
الدكتور:هي دلوئت بين اللي واعيه ومش واعيه وحالها زا ممكن يأسر ع الاقنه
بو نورة:وشلون؟
الدكتور:للأسف ممكن تفئد الاقنه بتاعها ازا هيا ما حاولتش تخفف على نفسها من اللي هيا تفكر فيه
تجي ام نورة وهي تبكي متغطيه
ام نورة:بو نورة طمني على بنتي وش فيها
بو نورة:ادعي لها واستهدي بالله ان شاء الله ما فيها الا كل خير وعافية
-------
وصلت ريوف بيت عمها
دخلت ع جدتها وظلت معها لوحدهم
راحت ريوف وضمت جدتها وصارت تبكي
ام سعد:خلاص ريوف بنيتي بسك بكا،، وش فيك تكلمي
ريوف قامت من حضن جدتها وصارت تمسح دموعها وتتكلم
ريوف:يمه قبل شويه التقيت بجدي بالمنام ولقيته صاد عني يا يمه صاد عني – تبكي ريوف اكثر واكثر-
ام سعد:بس يمه بس تعوذي من الشيطان الرجيم،، جدك المرحوم كان يحبك ويعزك وان شاء الله ما فيه الا العافية قومي توضي وصلي لك ركعتين ادعي فيهم بالرحمة لجدك
ريوف:ان شاء الله يمه
قامت ريوف وتوضت وصلت ودعت ربها بالمغفره والرحمة لجدها بو سعد
يوم انتهت راحت لجدتها
ريوف جلست ع الارض:يمه بخاطري شي بغيت اسألك عنه
ام سعد:وش هو؟؟
ريوف:انا بالحلم لقيت ابوي عبد الله بس ملامحه مش باينه،، يمه انا ابي صورة لابوي عبد الله اذا عندك لان انا بعمري ما لقيت له صورة
ام سعد:مدري وش اقولك يا بنيتي
سكتت ريوف تسمع كلام جدتها
ام سعد:جدك المرحوم حرق كل صور ابوك
ريوف فاتحه عينها باستغراب ومنصدمه كان عندها امل انها تلقى ولو ع الاقل صورة وحده لابوها:وليـــــــه يعمل كذا ليه؟؟
ام سعد تبي تتدارك الموضوع:كان ما يبي يشوفك تتعذبين اذا احتفظتي بصور ابوك كان يبي يعوضك عنه
قاطعتها ريوف:بس انا من حقي اعرف شكل ابوي،،.. حرام عليكم حتى امي ما اعرف عنها أي شي ولا اعرف اذا كان لي خوال وخالات – تنهدت وبكت بحرقة الم- اجل ابي اعرف اهل امي ع الاقل اعرف شكلها اذا كانوا محتفضين بصور لها
ام سعد:لا يا ريوف قفلي الموضوع ذا طيب
استغربت ريوف من رد جدتها وشكت بالموضوع ليه جدتها انقلبت كذا يوم سألت هي عن امها واهلها..
ريوف لاول مره بحياتها تسأل وتستفسر عن ماضيها
الكل ظن انها نسته بس ريوف تناسته لجل خاطر الكل وهالحين هي تحن حق ماضيها وتبي تعرف اكثر عن امها وابوها اللي تحس انها مجهوله وماراح توضح لها صورة بالكون الا اذا عرفت ماضيها وعرفت اكثر عن اهلها
ريوف:ليه يمه؟؟ هو من حقي اعرف عن اهل امي
ام سعد تصرخ:ريوف هالموضوع قفليه وثاني مره ما ابيك تسألين عن اهل امك فاهمه..!
ريوف بستسلام:ان شاء الله
--------
يداوم رائد لأول يوم بالجامعة
طبعا جامعاتهم مختلطة بنات وشباب،،.. حاس رائد بغربة بقوه لان مش متعود ع ذا الشي
ما يعرف حد عبد العزيز تخصص ثاني يختلف عن تخصصه يمكن يلتقون بكم محاضره
جلس رائد هذي اول محاضره
جا المُحاضر
حس رائد وكنه يعرف ذا الرجال من فتره
المهم الاستاذ عرفهم على نفسه بالانجليزي اسمه ديفيد
رائد طول المحاضره وهو يراقب حركات الاستاذ وملامح وجهه يحسه مهب غريب عليه وكنه ملتقي به من قبل
رائد عرف له كم واحد من جنسيات مختلفه
بس اللي جالس جنبه ع طول باين من شكله انه خليجي
رائد:السلام عليكم
بطي:وعليكم السلام ورحمة الله وبركاته
رائد:انت خليجي صح؟
بطي:أي من الامارات اخويه
رائد:والنعم بأهل الامارات الطيبين،،.. اخبارك هنا وش مسوي
بطي:والله طيب بس السكن بعيد عن الجامعه ما عيبني وبدور لي غيره
رائد:انا سكني هنا قريب مره وفيه غرف فاضيه
بطي:صج؟! والله زين – عطا رائد ورقه – اكتب لي العنوان لو سمحت
رائد:من عيوني
كتب رائد لبطي عنوان سكنه واسم الشارع وكذا
رائد:تصدق
بطي:شوو
رائد:هذا المحاضر حاس كني شايفه من قبل
بطي:شو فيها ربك يخلق من الشبه اربعين
رائد:كلامك صح
بطي:ياي لبروحك هني ولا مخاويلك شباب
رائد:الا جاي مع جماعة من جامعتي اللي ابتعثني.. وانت؟
بطي:لا انا ياي هني ادرس على احساب ابويه الله يحفظه،، مبين من رمستك انك خوش ريال
رائد يبتسم:تسلم حبيبي والله
بطي:انته اول مره تي امريكا؟
رائد يضحك:انا اول مره بحياتي اطلع اسافر مكان
بطي:شوو غريب والله اول مره تسافر؟؟ ليش
رائد:عندي اخت مريضه ظروفها ما تسمح لنا نسافر عشان كذا ما عمرنا سافرنا برى
بطي:شوو استوالك يوم ركبت الطايره
رائد وهو مبتسم:عدت على خير يا خووك
بطي:عندك اخوان؟
رائد:ايوه عندي اثنين راشد الكبير اكبر مني بـ3 سنوات و فيصل اصغر مني بـخمس وانت؟
بطي:انا اكبر اخواني وعندي اثنين توأم اصغر عني وأخت وحده
رائد:انا برضو عندي اخت وحده اصغر مني،، كمان بنت عمي اصغر مني وساكنه عندنا
بطي:حق شوه ساكنه عندكم؟؟
رائد:مسكينه ابوها وامها متوفين وهي صغيره وكانت تعيش ببيت جدي وجدتي تربت عنده يوم كبرت بس هالسنه او اللي راحت توفى جدي،، عمي سعد خذاهم عنده هي وجدتي بس ما ارتاحت معهم وجت بيتنا وهي عايشه معنا هالحين
بطي:الله يكون بعونها جم عمرها
رائد وهو يتذكر:كذا 17 ولا 18 سنه
بطي:صغيره،، واهل امها ما يتخبرون عنها يبغونها تعيش عندهم؟؟
رائد:اهل ابوها اولى وعمومها اولى
بطي:عارف بس تصير وايد اهل الام ياخذون البنيه
رائد:بيني وبينك انا اهل امها ما سمعت طاريهم بالمره ولا اعرف وش سالفتهم اصلا
بطي:اهاا،، طيب وبنت عمك هذي محيره حقك لو حق اخوك؟؟
رائد يفكر وش يجاوب
في هاللحظات كان اللي جنب بطي يدفعه
بطي:هيه شوو تبا انته شوو مستوي؟! صح نسيت ما يفهمونا... what's happen??! what's happen??!
..:you,, stay on my book
بطي:هيه حصل خير اخويه sorry
رائد كان مستانس كثير يومنه تعرف على بطي لانه باين عليه طيب كثير وحباب،، التعارف في الغربه كنز
-----
ريم ردي علي
بكره انا طالع الشغل
ابي اكلمك ضروري
يدق تلفونها ولا تجاوب .....
تسترخي على سريرها وهي تسمع تلفونها يرن وتكابر ما ترد
ريوف خلاص انتي خطيتي كثير وتجاوزتي اكثر وجا اليوم اللي تاقفين فيه مع نفسك وتحاسبينها على اخطاءها وتصححينها
انا لازم ارجع ريوف اللي جدي يفتخر بي ويرفع راسه مش يصد عني
هالحين بس عرفت سبب صده مني بسبب النوايا اللي ناويتها
يارب تسامحني على اخطائي يارب يارب
جوالها ما سكت ظل يرن ويرن ويرن
خذته رفعت وتنهدت
خالد بعصبيه:وينك وش ذا الصد؟
ريم:آسفه اهدأ لا تعصب
خالد:طيب،،..
ريم:خالد ابي اقولك شي
خالد:انا اللي ابي اقولك شي
ريم:خل ابدأ انا بعدين انت
خالد:طيب مش مشكله تفضلي
ريم:خالد انا اخطيت بحقك وكنت بخطي بحق انسان ثاني بس انتبهت لنفسي وصحيت للي اعمله،، - خالد ساكت يسمع وش تقول – انا مش ريم ولا عمري 20 سنه
خالد منصدم:اجل من تكونين
ريم:خالد بقولك شي ان هذي خطه مدبره من اختك اني اكلمك وهي كانت تعطيني كل كلمة انطقها يعني بالمختصر هي تفصل وانا البس مثل ما يقولون لان كنت طالبه منها طلب فاستغلت طلبي بكذا،،.. ياربي...،، انا ما حبيت اتمادى اكثر لمن شفت ان الامور قاعده تزيد وحنا نخطئ وعيت لنفسي وجيت اعتذر قبل لا يصير شي اكبر
خالد كان مستغرب ومش مصدق اللي يسمعه:طيب أي اخت؟؟
ريم:جواهر
خالد:يعني انتي ريوف؟؟
ريوف:ايوه انا ريوف وانا اسفه واعتذر ع اللي صار كنت ما ابي اكمل هالسالفة بس جواهر هددتني بان المكالمات كلها مسجله بجهازها
خالد رافع حاجب:أيــــــــــــــــــــــش!! لحظة لحظة بتأكد
صار خالد يحوس بالجهاز ولقى ان كلام ريوف صح
خالد بعصبيه:ايوه صح المكالمات مسجله
ريوف تدمع عينها:وربي اسفه اسفه كان الموضوع خارج عن يدي وكنت اقول لجواهر ان ذا خطأ ما يصلح بس تقولي ان هي اعرف بمصلحتك
خالد يصرخ:خلاص كافي مبررات تافهه
ريوف بأسف تبكي:آسفه آسفه
خالد يصرخ بقوه:بالله عليك وين اصرفها ذي اسفه،، وين اسامحك !! اولا لعبتي بمشاعري وهذا اللي لا يمكن اسامحه وثانيا انهدم بيتي وتركت زوجتي والسبب ...... وثالثا مستقبل ولدي سعود تشتت بين ابو وام مطلقين
ريوف:والله ما كنت ادري بذا الشي والله يا خالد انا آسفه آسفه وارجوك سامحني لان ماكنت
يقاطعها خالد:اسفك بإيش راح يفيدني بايش
ريوف وهي متقطعه بكا:خلاص خالد مستعده اعمل اللي تبيه بس بشرط انك تسامحني،، ورب الكون متندمه وحاسه بالذنب وان اللي قاعد يصير كله بسببي انا وبس آه لو تعرف بحجم الالم اللي بداخلي
-------
راشد بغرفته على سريره
يرن تلفونه
رقم
راشد:مرحبا
..صوت انوثي:مرحبتين
راشد:خير من معي؟
...:معقول تكون نسيت صوتي
راشد:ليه انا اعرفه حق انساه!! اقول لا تطولينها وش تبين اختصري الموضوع
..:انت راشد صح
راشد:ايوه من انتي؟
...:جواهر
راشد من جا طاري جواهر حس بقلبه ينبض بقوه
راشد:جواهر..!
جواهر:ايوه
راشد:وشاللي جابك بعد السنين اللي مضت بعد ما اعترفتي لي بانك ما تحبيني بعد اللي صار بينا
جواهر:انت يا راشد ما زلت تحبني صح؟
راشد ارتبك وش تقول ذي:لا انا اصلا نسيتك
جواهر:واضح والدليل ان ولا بنت قادره تدخل لقلبك
راشد:من قال هالحكي؟
راشد يبي يبين لها ان هو اصلا مش مهتم فيها ولكن قلبه يقول غير
جواهر:انا جواهر واقوله
راشد:وش تبين هالحين
جواهر:انا لمن التقيت بك ذاك اليوم حسيت وان فيه كلام كثير تبي تقوله حقي،، بس عيونك كانت تقول اكثر واكثر،، واللي جرى من بينا في الصغر انتهى وحنا عيال اليوم ونقدر نفتح صفحة جديده ابدأها انا بإعتذار لك ع اللي جرى
شبيسوي راشد هل بيردها او..
راشد:جواهر انتي تحبيني؟
جواهر:ايوه فديتك واموت فيك ،، السنين اللي مضت اثبتت لي اني كنت مجرد طفله غبيه يوم قلتلك هذاك الحكي.. بس ابي اعرف انا ايش مكانتي عندك هالحين
راشد:جواهر انتي الحب الاول والاخير ورجوعك زاد من غلاك ومحبتك بقلبي،، ورب الكون اني احبك احبك والدليل مع اللي عملتيه بي ما زلت اذكرك ولا نسيتك ظليتي بقلبي محفورة ما تهتز بداخلي الصورة،، لمن ابتعدت عنك حسيت بفراغ كبير وبحزن عميق..،، جواهر السنه على حد علمي انها الاخيره لك في المدرسه صح؟
جواهر:صح
راشد:وانا ما بقى لي الا نصف ترم هذا واخلص واتوظف بعدين بخطبك وبتزوجك،، وش رايك؟
جواهر:وايش بيكون رايي!! انا بلقى افضل من حبيبي وين؟
------
ريوف ماراحت المدرسة لان كانت نفسيتها ما تسمح لها بشي
اتصلت لها هند تسأل عنها وطمنتها ريوف انها بخير
طبعا خالد طلب من ريوف انها تتصل حق نورة وتقول لها ان هي كانت ما تعرف خالد اصلا ولا هو يعرفها بس بالصدفه دقت ع الرقم وقالت الوو الوو خالد وينك يعني هي كانت تبي خالد ثاني واللي جرى مجرد خطأ وصدفه طبعا نورة ما عرفت ريوف يعني ظلت الصورة مجهوله واعتذرت لنورة طبعا ونورة بما انه قلبها ابيض وع نيتها تفهمت الموقف
نورة مكتسبة من صفات خالد انها تعصب بسرعه ولكن مهما قالت بغضبها يظل قلبها ابيض ما تحمل حق احد شي
نورة في المستشفى تفكر بكلام البنت اللي اتصلت لها قبل شويه
يمكن تكون صادقه ويمكن تكون العكس
وش يضمن لها ان هالحكي حقيقه...
طيب ولو طلع صح يعني هي راح تطلع ظالمة لان تسرعت بالحكم على خالد
اندوش راسها من التفكير وحطت راسها ع المخده وراحت بسابع نومة
-------
رائد نزل تحت في العمارة يستقبل بطي
رائد:هلا و مرحبا تو ما نور المكان..
بطي:منور بوجودكم...،،
رائد يحمل مع بطي اغراضه
بطي:اتركهم عنك اخويه انا بحملهم
رائد:شدعوه معليش بحملهم معك
طلعوا للطابق الثالث اللي رائد ساكن فيه كانت غرفة بطي بنفس الطابق
حطوا اغراضه
بطي:شوو رايك نسير برع عسب نغير جو؟!
رائد:وين؟؟
بطي:anywhere
رائد:طيب
-----
في المطعم اثنين جمعتهم السعادة واحتوتهم وسط هالكون
يتعشون
صالح:اليوم اتصل عبد الرحمن
سمر:اخباره وش مسوي؟؟
صالح:والله بخير متصل يعطيني خبر بموعد اجازته اللي بيرجع فيها
سمر:متى؟
صالح:بعد خمسة سته شهور
سمر:تصدق كلمره ابي أسألك سؤال وانسى..
صالح:وشهو؟
سمر:انت علمته انك تزوجت
صالح وهو يحوس بالطبق اللي قباله:لا
سمر:ليه؟؟
صالح:بعدين تعرفين
سمر:متى بعدين!! عفيه قولي هالحين
صالح:لا بعدين
سمر:ليــــــــــــــــــــه!!
صالح بنرفزه:قلتلك بعدين يعني بعدين
سمر بنبره حزينه:اوكي براحتك مشكور يالغالي ويجي منك اكثر
صالح:سمر حبيبتي اسمعيني
سمر ساكته وهي ماسكه عبرتها اول مره بحياتها حد يصرخ عليها او يتنرفز منها،، تعودت سمر ع الدلع وان الكل يقول لها لبيه يعني مهما تحن وتعند يستجيبون لها وتطلع هي المنتصره بالنهاية هالحين هي مازالت تتبع هالسياسه ولكنها خطأ ميه بالميه وتعطي نتائج سلبيه مثل ماصار بالموقف هالحين
صالح:لمن اقولك شي بعدين اعرفي انه بيجيك بعدين مهب لازم تكررين وتعيدين وتصرين على موقفك بعدين اتنرفز عليك وانا مهب حاب اني اضايقك
سمر بصوت مخنوق بعبره:وانا كمان ما احب اضايقك وانرفزك عشان كذا راح اسكت وخلاص ما يخصني امورك انت وولدك
صالح:سمر من غير دلع انتي كبيره هالحين وما يصلح لك الدلع
سمر:الا مش كبيره
صالح:سمر ما يصير اقل كلمة تزعلك وشلون بنتفاهم اذا ظلينا كذا،، لازم تكبرين
سمر:اظن انك خذيتني وانت عارف اني صغيره وان انا رابيه ع الدلع لان انا اصغر عيال ابوي
صالح:ايوه عارف ذا الشي وانا خذيتك وانا عارف ذا الشي بس الدلع ما يصلح بكل الامور فاهمتني؟
--------
خالد بشغله يفكر بنورة ويفكر بسعود ويفكر بجواهر ويفكر بريوف
آه من وين طلعت لي هالريوف وليه جواهر تعمل كذا
يعني مصره تبيني آخذ ريوف
بس ليه ريوف لما اعترفت ما خافت من تهديد جواهر لها
اكيد انها متندمه واضح
بس لازم تتعاقب هي و جواهر حق يعرفون ان اللي عملوه خطأ كبير
وان مش لازم كل الامور تمشي على رغبتهم وهواهم
والضحيه الناس اللي حوالينهم ما يهمهم وشاللي يجري لهم
ونورة معقول تكون صدقت كلام ريوف ولا هي عندها شك بي
ولكن بأي حال خلاص اللي بيني وبين نورة انتهى بذا الطلاق
لازم اتخذ قراري هالحين
افكر بمستقبل سعود والولد او البنت اللي جاي/ة بالطريق
يذكر كيف كانت نورة بقلبه وهالحين هي ولا بشي
حتى ما يحن لها مجرد حنين بسيط
بس اللي طلبه من ريوف انها تروح وتقول حق نورة هالحكي مش عشان انه هو يبيها او يفكر في انه يرد لها مع ان هذا الشي مستحيل يحصل ما يقدر يرد لها حتى لو يبيها
هو طلب هالشي حق يوهم نورة انها الغلطانه بإتخاذ قرار الطلاق فيطيح الخطأ كله عليها وان صورته ما تهتز عند نورة
لان خالد يهتم ان صورته ما تهتز ولا تتغير عند أي انسان مهما كانت نوعية العلاقه اللي تربطهم ببعض
خلاص انا لازم اكرس حياتي اربي سعود واخوه او اخته
اظن ان الزواج مهوب حل لصالح ولادي
وش يضمن لي بان اللي اخذها تعاملهم وتحبهم مثل ما انا راح اعاملهم وراح احبهم
------
صباح يوم جديد...
وقت الفسحه
ريوف طالعه من غرفة الاخصائية الاجتماعية والمرشدة الطلابية
استقبلتها هند ...
هند:ها ريوفوه خير وش تبي فيك المعقده؟؟
ريوف:حرام عليكم ليه تسمونها كذا وش فيها الحرمه بالعكس حبابه وطيوبه
هند:ما علينا اخلصي وش كانت تبيك فيه؟
ريوف:تسألني عن سبب خمولي في الدراسه هالايام وكذا
هند:اهاا،، تصدقين حتى انا لاحظت هذا الشي.. ريوفوه مع انك هبله بعض الاحيان الا انك ذكيه احيانا كثيره فلا تخربين على نفسك وخل هالسنه تعدي وتاخذين النسبه وبعدين تفرغي للامور الثانية
ريوف:شسوي انا ما احكم الظروف ظروفي تحكمني
هند:ما تبين تاخذينلك شي من المقصف؟؟
ريوف:مالي نفس شي
هند:ريوف وش فيك وش اللي مكدر خاطرك والله اذا شفتك بذا الحال يضيق صدري مع ان معرفتي بك تو بسم الله بالله الا اني بسرعه تجاوبت معك وارتبطت بك
ريوف:حتى انا ارتحت لسواليفك كثير واحسك اقرب انسانه لي بهالايام احس الكل بعيد عني،، شي بداخلي مكبوت بودي لو اظهره وارتاح... صدمه جتني يا هند زلزلة كياني وقلبت احساسي
هند:ريوف انتي بالعمر صغيره بس شايله هموم اكبر عنك بديره
ريوف والدمعه بعينها:اكره نفسي..،، ليه طلعت ع الدنيا مجهوله لمن أسأل عن ماضيي الكل يتحاشى الاجابة على اسألتي ليه يبوني اظل طول عمري مجهوله ما اغير النظره لنفسي ابد ليه،، انا بعلمك وش صار لي
هند:تفضلي يا بعدي خففي على نفسك شوي
ريوف:اسمعي ...
...
ريوف:عمي بغيتك بطلب
بو راشد:تفضلي عيوني لك كم ريوف عندي انا
جلست ريوف قبال عمها في مكتبه
ريوف:عمي انا بغيت اعرف شي عن اهل امي وعن ماضي ابوي ،، أي شي عن امي وابوي ابيه انا.. اكيد انت تحتفظ باوراقي الرسميه ...عمري ما اطلعت عليهم انا ..،،كان جدي الله يرحمه محتفظ بهم
بو راشد:ريوف حبيبتي انتي هالحين كبيره وواعيه بقولك شي مفروض كنتي تعرفينه من زمان
ريوف:وش هو؟؟
بو راشد:ابوي الله يرحمه مسجلك بإسمه يعني انتي بالاوراق الرسميه تعدين بنته
ريوف منصدمة:عبدالله اجل يصير منهو؟؟
بو راشد:ريوف انتي بما إنك ما تسألين ولا شي ما انتبهتين لذا الشي بإن اسمي انا نواف عبد الله واخوي سعد الكبير بو منيرة سعد عبد الله .،، يعني ابوي بو سعد اسمه عبد الله
ريوف منصدمه مش معقوله طيب ليه جدها يعمل كل ذا ليه حاول يدفن الماضي اللي يخص ريوف بأي طريقه
ريوف:ليه جدي عمل كذا؟؟
بو راشد:اللي كنا نعرفه منه يبي ما يربطك بأي ذكرى قديمة تحزنك
ريوف تضحك بألم تضحك على هالامور اللي اول مره بحياتها تسمعها تضحك على ماضيها المجهول وعلى حالها المحزن
ريوف:يعني حتى اسم ابوي ما اعرفه
تحس ان الامور قاعده تزيد وتتشابك
ريوف:طيب متى توفى ابوي ومتى توفت امي؟؟ عمي رجاء قولي الحقيقه
بو راشد:بنيتي ريوف هالموضوع كبير ويبيله تفرغ،، يوم بجلس معك وبعلمك بكل شي طيب
ريوف بنبرة يأس:ان شاء الله
....
ريوف:شفتي وشلون الدنيا آه وش اقول وانا حالي كذا
هند:احتسبي واصبري
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك