رواية وطال انتظاري -15
ريوف:شفتي وشلون الدنيا آه وش اقول وانا حالي كذاهند:احتسبي واصبري
ريوف:فيه بنت بالعالم ما تعرف اسم ابوها ما تعرفه .. ما تعرف من يكون!! ليتني ما انوجدت بهالدنيا
هند:ريوف حبيبتي ما يصير تقولين كذا تعوذي من ابليس
يرن جرس انتهاء الفسحة
هند:يلا تعالي معي غسلي وجهك وخل نركب الفصل
----
بكفتيريا الجامعة راشد يكلم تلفون
راشد:انا بخير يا عبوود بخير وحاس الدنيا مش واسعتني من السعادة
عبد الرحمن:الله يجعل كل ايامك سعادة وبهجة ليه وش حاصل بشرني خل افرح معك
راشد:اتصلت بي اتصلت بي
عبد الرحمن بإستغراب:من هي؟
راشد:جوااهر..
الرحمن بإستغراب:من هي؟
راشد:جوااهر..
عبد الرحمن:جواهر!!
راشد:ايوه جواهر جواهر
عبد الرحمن:ووش اللي جابها هالحين وش تبي منك بعد اللي عملته فيك!!
راشد:فديتها جت تعتذر وتشرح لي الموقف وشلون هي نادمة بعد اللي قالته لي
عبد الرحمن:وان شاء الله انت مصدقها
راشد:وليه لا
عبد الرحمن:اقول راشد عن العبط ...،، هالبنت تلعب بعقلك وهي اصلا ما بيوم فكرت فيك صدقني يا راشد هالنوعية من البنات معروفه
راشد:لا جواهر غير غير والله انت اللي صدقني وليه يعني تظن فيها ظن السوء،، وبعدين ياخي احمل اخاك المؤمن على سبعين محمل
عبد الرحمن:رشود ما هقيتك بهالضعف اللي اعرفه عنك رجال ما تهزك كلمة أي شخص
راشد:وانا كذلك،، وبعدين يا عبود ما بقى لي شي واخلص الدراسه واتوظف وبعدين ..
عبد الرحمن:بعدين ايش؟
راشد:بعدين افهمها ياخي
عبد الرحمن:راشد اعقل اعقل
راشد:تهقى اني غلطان!!
عبد الرحمن:ونص كمان
راشد:والله اني اثق بكلامك اكثر من ما اثق بتفكيري
عبد الرحمن:اللي ابيه منك هالحين تغير رقمك وتنسى هالبنت وتصد عنها مثل ماهي صدت عنك وجافتك وعذبتك
راشد:صعبه اني اغير رقمي والكل يعرفه
عبد الرحمن:بس مهب اصعب من انك ترد حق جواهر،،.. مسج واحد لكل شخص كفيل بإنه تعلمهم بإنك غيرت رقمك وتعطيهم رقمك الجديد
-----
في الفصل
البنات يتجهزون بيطلعون ع البيت
هند وهي تلبس عبايتها:وش رايك تجين عندي اليوم تتغذين ببيتنا وتشوفينه واعرفك على فريق كرة القدم اللي عندنا
ريوف ساكته وهي تلف شيلتها:مدري ما عطيت خالتي خبر
هند:مو مشكله اطلعي الادارة واتصلي لها ...
ريوف:طيب بشرط تجين معي
هند:ومن متى ما جيت معك من دخلتي المدرسه وانا الرفيق الرسمي في كل مكان
ريوف تحمل شنطتها:يلا مشينا اعرف سواليفك ان فتحني ثمك ماراح نخلص
طلعوا من الفصل متجهات للأدارة
----
سمر اليوم ببيت اهلها جاية تتغذى معهم
سمر:وينك يا أم بسمة الدبه تلفونك ازعجنا
تجي نادية وبيدها رضاعة بنتها وتاخذ تلفونها
محمد نازل من غرفته
سمر:صباح الظهر تو الناس كان ما صحيت،، كنت راح اركبلك ازعجك واصحيك بس مدري وش اللي شغلني عنك
محمد:يالله بطول البال سمر اليوم عندنا الله يعينا
سمر:هيه احترم نفسك وبلاش هالحكي عني
محمد:انا ابي اعرف انتي ليه كذا تسولفي كثير ما تملي اقول ورى ما تقلبي وجهك وتعطينا مقفاك!! بلاك غاثتني
سمر:انا مش غثه بعدين انت ليه اليوم ما رحت الجامعه
محمد:اليوم اوووف عندي،، وانتي ليه بعدك ما داومتين بالجامعه حشى وش هالجامعة اللي ما بدت دوامها
سمر:هيه تراني ما ارضى على جامعتي الحبيبه بعدين انا داومت واليوم الجدول ظهر يعني ارجع بدري
محمد:وان شاء الله كل يوم جدولك بيصير فيه ظهر بتجين عندنا
سمر وهي تدلع:طبعا طبعا وهل في ذلك ادنى شك
محمد:اجل رحنا فيها الحمدلله ماراح نلتقي الا نادر واذا صادف التقينا بغير جدولي او باخذ لي كم ماحضره زياده
سمر:الله والعلم من يسمع الدافور اللي عندنا
-------
ريوف تدخل مع هند بيتهم تظل متغطيه ..
تدخلها المجلس
هند:ثواني انتظري بنادي على الفريق
تطلع هند تنادي على خواتها حق يدخلون لريوف وهي تطلع تبدل ملابسها وتجيب حق ريوف شي تلبسه
ريوف مستحية من خوات هند سولفوا معها شوي وطلعوا
تدخل هند
هند:هاا شفتينهم طبعا هذول مش كلهم فيه اللي متزوجات ومش موجودات هنا واللي دوامهم جامعات درزن درزن
ريوف:الله يرج بليسك قولي ما شاء الله ،، الله يزيدهم
هند:اقول ما شاء الله بس الله لا يزيدهم وين نوديهم بعدين هع هع يصير عندنا ازدحام سكان مشكله.. الا صح اذا صار عندنا ازدحام واختناق سكاني نرسل شوي بيت خالتي ام محمد قريبين منا وما شاء الله بيتهم فاضي هالحين ما عندهم الا محمد ندووي متزوجه وسمروه الهبله تو تزوجت هالحين.. اما اللي عندنا ما ينعدون وكلهم بنات ما فيه الا وليدوه اللي راز خشته بالنص مدري وش جابه
ريوف:بالعكس حلوو يصير عندك خوات
هند:ايوه حلو اذا وحده ثنتين مش عشرين
ريوف:ذكري الله
هند:لا اله الا الله
- طبعا هند ما عندها عشرين اخت بس تستخدم صيغ المبالغة كثير -
----
رائد وبطي ماخذين لهم كافي يشربونه بالحديقه والجوو مره بارد وحلووو
بطي:يا سلااام ع البرااد
رائد:شف من هنااك
بطي:منوووه؟
رائد:د. ديفيد
بطي:هيـــــــــــه يا حلوه يالس يقرى المثقف
رائد:تعال تشوف اللي اشوفه
بطي:شوه
رائد:مو كنه الكتاب اللي بيده يقراه عربي
بطي:هيه صحيح تصدق انا شاك بهالريال انه عربي
رائد:يمكن مهوب عربي بس يتعلم العربيـــه
بطي:طيب وليش يتعلم العربي
رائد:يمكن يكون مسلم،، صدقني هالرجال انا شايفه بمكان بس وين ويــــــــــــن يا رائد اذكر زين وين يا رائد وين وين وين
بطي:شوو رايك اصوره لك وتيلس تطالع بالصور لين تكتشف وين شفته
رائد:اتز قوود ايديا..
رائد في لحظة عرف ليه هو يحس وكنه ملتقي بهذا الانسان من قبل عرف السبب عرفه عرفه
-------
نورة مستلقية بفراشها في المستشفى
تقلب بالقنوات حاسه بملل تبي تتحرك بس الطبيب مانعها من الحركة
فجأه يدخل سعود وبيده ورده بيضه ومعه ام نورة مرتسمه على شفتها اكبر ابتسامه
نورة بفرح تفتح ذراعينها:سعود حبيبي
يركض سعود لين يجي عند امه يضمها ويبوسها ع خدها ويعطيها الورده
نورة:يا عمري يا قلبي يا روحي سعود انت،، ياربي يحفظك ويحرسك ويجي اليوم اللي اشوفك فيه قبالي رافع راسي متى يا قلبي افرح فيك متى اشوفك معرس و ازفك بنفسي لعروستك متى حبيبي متى
سعود:اذا كبرت ماما
نورة:متى راح تكبر حبيبي؟؟
سعود:ممممم بعد بكره
نورة تضحك من خاطرها على براءة سعود وتضحك معها امها:وليه يا حبيبي مش بكره ليه تأجله حق بعد بكره
سعود:عشان بكره بروح الروضه وبعد بكره بروح المدرسه واذا رحت المدرسه يعني كبرت
ام نورة:نورة انا طالعه بعد شوي برجعلك طيب
نورة:طيب
تطلع ام نورة
تكمل نورة سواليفها مع سعود
نورة بصوت طفولي:سعود تدري ان ماما عندها هنا اخو او اخت حق سعود
سعود يهز راسه بإيجاب
نورة:انت تبي اخت او اخو؟
سعود:مدري
نورة:قل معي
سعود:ايش؟
نورة:اللي يجي من الله حياه الله
سعود:اللي يجي من الله حياه الله
نورة كانت تعرف ان اللي ببطنها توأم ولد وبنت بس ما حبت تخبر سعود تبيه مفاجأه له
طبعا سعود مع نورة لان خالد طلع الشغل
نورة حاولت تتناسى خالد وتطوي الصفحة اللي عاشتها معه ،،خلاص تعيش حياتها مع ولدها سعود والطفلين اللي جاينها بالطريق
----
راشد تو راجع من الجامعه بسيارته
بيدخل البيت لقى سيارة السواق ونازله منها ريوف
بشنطتها ومعها كيس
راشد:ريوف
ريوف انتبهت لوجود راشد:هلا
راشد:وش جابك هالحزه ليه وين كنتي؟
ريوف تضايقت من نبرة راشد:كنت اتمشى مع بوي فريند
راشد رافع حاجبه
ريوف:يعني وين بكون ... كنت ببيت صديقتي تغذيت معها اليوم وعطيت خالتي خبر
تدخل ريوف مع راشد البيت
راشد:ريوف وش فيك؟
ريوف تتنهد:"توك تحس بي ياالظالم" ما فيني شي
راشد:الا حاسك هالايام متضايقه كثير ومهب على بعضك
ريوف تذكر كلام عمها بو راشد والصدمه اللي جاتها من الامور اللي تو تعرف عنها
راشد:وش فيك ريوف تكلمي
ريوف والدمع يغشي عينها ويحجب الرؤيا:كلام كثير بداخلي كنت ابي اقوله بس للأسف مالقيت من ينصت له
راشد:انا مستعد انصت لكل كلمة ولكل حرف انا مثل اخوك يا ريوف ما ابيك تخبين عني أي شيء
ريوف حزت بخاطرها هالكلمتين
مثل اخوك ... مثل اخوك ... مثل اخوك
ريوف وهي تحاول تتجاهل راشد:للأسف جيتني متأخر أنا خلاص انتهيت ماعاد فيني طاقه ابث همومي لحد
لاتسألوني وش جرى في حياتي ..
خلوا همومي بالحشا مستقره...
الصمت ثوبي والمواجع عباتي...
والحزن كله وسط قلبي مقره..
لو أستعين بواقعي وذكرياتي..
أحيا وأموت بالثانيه ألف مره..
همي تجمع من جميع الجهات تجاوز
,,حدود الفلك والمجره,,
دخلت ريوف اللفت وعلى خدها عبره وتركت راشد حيران ومتعجب من نبرتها وش اللي جرى الله العالم
وصلت عند غرفتها ورمت بثقلها على سريرها تبكي بألم تبكي وتبكي
ليه يا دنيا تعملين بي كذا
ليه اصبحت صفحة مجهوله
تنطوي ولا تلقى من يفتحها يشوف وش تحتويه هالصفحه
اصبحت ذكرى منسيه محد يذكرها
محد لها
محد يوضح لها هي وش بذا الكون
وليه كلما بغيت اعرف عن ماضيي الامور تتعقد واكتشف اشياء خطيره
اخاف استمر بالبحث والقى اللي يفجعني
ولكن ما بودي اسكت واظل طول حياتي نقطه مجهوله في صفحات الحياه
يارب ساعدني يارب يارب يارب
بعد ما هدت شوي قامت وفصخت عباتها وفتحت شنطتها وكتبت وظايفها وذاكرت ورتبت مواد حق بكره ع حسب الجدول اللي عندها
وهي ترتب شنطتها
تفكــــــــــر
ابوي الظاهر توفى قبل لا انا انولد وامي توفت وهي تولدني يمكن كذا وبعدين جدي المرحوم سجلني بإسمه عشان كذا
ولا يمكن اسباب ثانية دعته انه يسجلني بإسمه
الليله القى عمي ع العشى وآخذ منه موعد بالحديث عن موضوعي ... اكيد هو يعرف عني أشياء كثيره لازم اعرفها كلها
قامت بتثاقل للحمام – اكرمكم الله – غسلت وبدلت وطلعت تتشيل
بتنزل عند المسبح تغير جووو
طلعت للمسبح ذكرت بهاللحظات رائد .. اول ما جات هنا يوم كان يبي يرميها بالمسبح
ابتسمت ابتسامة باهته
وتحركت عن المسبح
وهي تتمشى انتبهت ان باب مشتل راشد مفتوح .. اقتربت وطلت ما لقت حد
دخلت
هي ترتاح كثير لهذا المكان
صارت تتأمل وتتمشى فيه وهي ضامه يدينها
تسرح بعالم الذكريات
ريوف صغيره:بابا بابا بابا – تقصد جدها –
بو سعد:احلى ريوفه بالدنيا ربي يحفظك ويجي اليوم اللي القاك فيه كبيره عروسه افرح فيكي
ريوف:بابا اذا كبرت بصير مغنيه
بو سعد:ايش هالكلام يا ريوف الغناء حراام يا بنتي .. صحيح صوتك حلو لكن ما يصلح تكونين مغنيه
ريوف:اجل وش اصير؟
بو سعد:ابيك تصيرين طبيبه تعالجين الناس المريضه
ريوف:خلاص بابا ولا يهمك بصير طبيبه
...
ترسم على محياها ابتسامة بسبب الجولة اللي خذتها بذكريات الطفولة والبراءه
فجأه تحس أن وكنه شخص دخل المشتل
تلتفت...
**
أسقيني كاس القهر من تغليك
كمل
كمل جميلك وإسقيني شربة الموت
ريوف
-------
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....
فجأه تحس أن وكنه شخص دخل المشتل
تلتفت...
تلقى الخادمة جاية تناديها تلفون لها
تمشي ريوف بخطوات تلقائية لين توصل للصالة
تلقى السماعه مرفوعه
تاخذها
ريوف:الو مرحبا
هند:وينك الله يرج بليسك قطعت جوالك من الاتصال وابد لا حياة لمن تنادي
ريوف:ايوه نسيته فوق وطلعت عنه
هند:شطوورة بارك الله في العقل.. اقول اطلعي فوقك مع خشتك وعلميني وشلون نحل المسأله رقم 6 ص 38 في الفيزياء
ريوف:طيب ثواني وطالعه فوق
هند:باي يلا خسرت ابوي فاتوره
----
راشد ماسك جواله
ارسل مسج حق جواهر..
قريبا بفارقك
وأعذريني على الفرقا
ماكنت ناوي أتركك
بس هاذي الأيام وغدرها
وهذا اللي يبيه القدر
إفتحي صفحة مع غيري وعيشي أيامك الحلوه هي سنين مرت بحلوها وبمرها اسمحي لي غصب عني برحل من حياتك...
وصله مسج...
تهددني في الرحيل هددني
مردك لي صدقني
لا تقول البديل اتحداك تبدلني
هو قلب واحد
هو احساس واحد
هو انا وبس انا تعشقني
ولو الف غيري
مردك لي يا طيري
عرفت ليش لأنك انت تحبني
ولا يمكن تخليني
رسل لها مسج..؛؛
ابشرك جرحك ثمن غلطتي فيك
ولا انت ما تجبر على حبك انسان
اليوم لا بشكي ولا بندم ابكيك
فعلك مضارع بس حبك خبر كان
على نجاح الدور والفلم اهنيك
انا اشهد انك كنت بارع وفنان
حطمت من يهواك دايم ويغليك
وانا اليوم لا افكر فيك ولا بفلان
مسح رقمها وقفل جواله وطلع الشريحه ذي لان خزن الارقام كلها بجهازه وكسرها وحط الشريحة الجديده
واشتغل يرسل مسجات يعلمهم برقمه الجديد
راشد بهذي الخطوه بدى يتقبل انه جواهر ماضي مستحيل يتجدد في حياته
خلاص جرحت وهانت وصدت وانتهت
واليوم انت يا راشد عيش حياتك وانساها
الماضي اللي راح مات وحنا عيال اليوم يا راشد
ابدأ من جديد
تنهد وحس كنه حمل كبير وثقيل انزاح من صدره
يبي يشكر هالانسان من كل قلبه هو الوحيد بالعالم يفهمه
ويعرف مصلحته
عبد الرحمن ماراح انسالك هالجميل طول عمري...
------
رائد يا حلوه اجتماعي
تعرف على ناس كثيرين بالجامعه
حتى اللي يشتغلون بالجامعه تعرف عليهم
ما شاء الله عليه والكل استلطفه وفرح به وبتعرفه عليه
جالس مع اللي واحد من اللي يشتغلون بالملفات وكذا..
Raed: how many year you work in here??
Jon:mmm…mm.. maybe 17 year or more..
Raed h .. very good
Jon:how are you in today??
----
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك