بارت مقترح

رواية وطال انتظاري -13

رواية وطال انتظاري - غرام

رواية وطال انتظاري -13

يدخل محمد:الله الله يا عيني ع الرووومانصيه
تضحك نادية من حكي محمد وتكمل:الحمدلله ع السلامة يا قاي من السفر وحشتني الابتسامة ووش الامر
ريوف متجهه الى غرفتها تو مخلصه عشا
سمعت صوت راشد:ريوف
ريوف هنا خفق قلبها يوم سمعت طاري اسمها على لسان راشد:هلا
راشد ابتسم
مايدري انه الانسانه اللي قباله ما تقدر تتحمل تشوفه يبتسم وتذوب بسحر ابتسامته
راشد:اخبارك مع ثالث؟؟ والمدرسه الجديده
ريوف فرحانه ودها تطير من الوناسه:بخير
تمنت لو انها تطول بالحكي مع راشد وتاخذ وتعطي معه بالسوالف
راشد بتردد:الا بغيت أسألك عن شي
ريوف مستغربة:وش هو؟
راشد:الظرف اللي عطيتك اياه
ريوف توقعت كل شي الا هالسؤال ووش جاب طاري الظرف هالحين
ريوف:وش فيه؟؟
راشد:قبل كم يوم رائد سألني عنه قال لي أسألك اذا فتحتينه او لاء
ريوف سكتت...
راشد:وش فيك ساكته... فتحتي الظرف او لا؟؟
ريوف برتباك:أأ..لا ما فتحته....
**
وحدها الذكرى الجميلة تجعلني لاأنساك
أتذكرك فأعرف أن لدي كنز ليس مع كل البشر
واتذكر ابتسامتك فأعرف أن للاحزان نهاية
واتذكر قلبك فأعرف أن في الدنيا واحة بيضاء
تزخرفها اشجار الصدق وتنيرها اقمار الوفاء
سمــــــــــر
راشد:وش فيك ساكتة... فتحتي الظرف او لا؟؟
ريوف برتباك:أأ..لا ما فتحته....
رفع راشد حاجب:طيب وليه ما فتحتينه؟؟!
ريوف ما عرفت وش تجاوب تذكرت حكي جواهر من آخر مكالمة متردده تقوله او لا
ريوف:اسمعني يا راشد،، انا ((سكتت))
راشد:خير انتي ايش
ريوف:خلاص خلاص ولا شي
راشد:لا كملي ابي اعرف انتي ايش
ريوف:معليش مره ثانية
راشد:اوكي براحتك تصبحين على خير
ريوف:وانت من اهل الخير
مشت ريوف لغرفتها ودخلت وقفلت الباب وخذت تلفونها بتتصل حق جواهر لقت ثلاث مكالمات من رقم خالد تعجبت هي من فتره ما كلمته ولا كلمها وش جاب طاريها هالحين
دق رقم خالد ورفعت
خالد:الوو الريم؟؟
ريم:هلا خالد
خالد:اخبارك؟
ريم:بخير
لحظة صمت
خالد:وش فيك ساكته؟
ريم:الا مستغربة اتصالك
خالد:كانت عندي شوية ظروف
ريم:اهاا،، الله المستعان
خالد يبي يغير الموضوع:الا بديتي دراسه؟؟
ريم:ايوه..
خالد:ليه انتي بأي جامعة يعني وش تخصصك
ريوف تورطت ما عرفت وش تقول
ريم:معليش خالد اختي تناديني هالحين اكلمك وقت ثاني باي
قفلت ريوف وتنهدت واتصلت حق جواهر
----
سمر:يمه.... ابوي خذا مفاتيح البيت معه؟؟؟
ام محمد:لا مش من عادته ياخذهم معه لان الباب يظل مفتوح او حتى لو قفلناه حنا موجودين،، ليه السؤال؟؟!
سمر:ابي اعمل مفاجأه حلوة لأبوي
ام محمد:الله يستر من مفاجآتك
سمر تغمز:لا تخافين يمه
تطلع سمر تقفل الباب وهي تدري ان ابوها بيجي هالحين لان اتصلوا له عشان العشا
تنتظر بالصاله رن الجرس وتركض تفتح الباب
سمر ببتسامة كبيره بقد الديره (هع هع):يبـــــــــــــــــه
--------
صباح يوم ثاني بمدرسة الثانوية للبنات
في وقت الفسحه البريك
هند وريوف جالسين مع بعض
هند وهي تاكل فطيرتها:وش فيك عسى ما شر اليوم احسك مهب ع بعضك وحتى الاكل ما شريتي لك شي من المقصف
ريوف:مدري متضايقه
هند:ياختي هونيها وتهون والدنيا ما تستاهل ضيقك وكدرك
ريوف تمسح براحة كفها وجهها:طيب يا هند ابي اعرف لو انتي تحبين شخص وتحسين انه يميل لك نوعا ما بس لا انتي صارحتينه بحبك ولا جت فرصه مناسبة تعرفين فيه مشاعره تجاهك وجا انسان صارحك بحبه واعلن حبه فالشخص الاول اصبح وكنه يتجاهلك احتراما لمشاعر الشخص الثاني ولكن انتي ما تكنين أي مشاعر لهذا الانسان غير الاخوه والاحترام وبتصرفه هذا انتي كرهتينه بشكل كبيـــر..،، وشلون تتصرفين؟؟
هند:اسمعي يا ريوف اللي يحبك وانتي ما تحبينه مع المعاشرة الطيبه وكذا مع الايام بتكنين له مشاعر حتى لو ماكانت حب وراح تكبر هالمشاعر لانه بيحاول يحتويها وصدقيني راح تحبينه اذا انتي رغبتي تنعمين بالسعادة،، لكن على عكس اللي تحبينه وهو ما يحبك او ما يحمل بداخله مشاعر لك
قاطعتها ريوف:اقدر احتويه وبالمعاملة الطيبه
قاطعتها هند:لا يا ريوف هو اذا صدك بتنجرحي فأي معاملة طيبة بتعاملينها اياه اذا انجرحتي
ريوف:بس انا ما اعرف وش هي نوعية المشاعر اللي يكنها تجاهي
هند ابتسمت:اذا عرفتينها هذيك الساعه لك الحمد يارب وتعالي بشريني ولا تنسيني بكيلو من باتشي "patchi" هع هع
------
سمر جالسة قبال التلفزيون تحس بملل اليوم طلع صالح
تقلب بالقنوات تبي تشوف شي يسليها
التلفزيون يزهق تفكر بشي يطرد هالزهق
اتصلت بنادية
نادية بصوت كله نووم:الووو
سمر:الوو وانتي كله نايمة الله يدفع البلا
نادية:انتي اللي وش مصحيك من صباح الله
سمر:الزهق
نادية:ليه وين زوجك؟
سمر:خلاص طلع يداوم بشغله
نادية:بتطبخين غذى؟؟!
سمر:مدري ما اعرف انا
نادية:ما زهقتين من اكل المطاعم!!
سمر:الا،، امي قالت لي متى ما بغيت وجبة اتصل وهي راح ترسلي
نادية:كسلانه اعتمدي على نفسك
سمر:انا مش كسلانه لكني مااعرف
نادية:ما يبي لها عقل خذيلك كتب طبخ وتصرفي
سمر:هالحين ما عندي
نادية:والنت؟؟
سمر:صح بدخل النت
نادية:الله يخلي google فاك ازماتنا
سمر:وينهم عنك هالشركه عامله دعاية لهم هع هع
نادية:ما شاء الله ما يحتاجون دعايتي ما اعتقد فيه شخص يدخل النت ما يعرف google ولا ما حصله الشرف يتعرف عليه
--------
رائد جالس بغرفته على سريره
"حرام عليك يا ريوف ليه ما اتصلتي لي ولا مره من وصلت هنا،، انا دقيت عليك كذا مره من وصلت ولا رديتي ورسلت لك رقمي الجديد الخارجي ولا فيه ابد،، معقول تكون نستني!! وشلون وهي تحبني.. آه لو بس اعرف وش فيك يا ريوف يا معذبتني"
وينك .. ؟؟


غصون القلب ماتت
من الشـوق




عافت جميع الخلق
تطلب وصالك ..!!
----
اليوم الاربعاء
رجعت ريوف من المدرسة
لوحدها مع السواق لان فيصل نزل بيت صديقه بيتغذى معه
دخلت الصاله وهي منهكة من المدرسة والحر
لقت قبالها راشد وحست ان التعب كله انزاح
ريوف:السلام عليكم
راشد ببتسامة:وعليكم السلام
ريوف:الا جاي اليوم مبكر من الجامعة
راشد:لا انا ما رحت الجامعة اليوم
ريوف بخوف:ليه عسى ما شر..!
راشد:الشر ما يجيك يا بنت العم بس اليوم اووف
ريوف:اهاا،، يا بختكم يا الجامعات كذا الحركات ولا بلاش
راشد:خلاص ما بقى عليك شي وتصيرين من اصحاب الجامعات
ريوف تتنهد:يالله تعدي هالسنة بخير وبنسبة طيبه،، الا وين خالتي؟؟
راشد:مدري من صحيت من النوم ما لقيتها الظاهر طلعت عند الجيران او شي كذا
ريوف جلست على الكنبة:اف الدراسة تعب
راشد:الله المستعان،، قبل شوي اتصل لي رائد
سكتت ريوف من جاب راشد طاري اخوه
التفت راشد لريوف:ما تبين تعرفين وش اخباره؟
ريوف:ايوه صح وش اخباره؟
راشد شاك بأمر ريوف قطع ظنونه وقال بباله يمكن هي ما تحب تسأل عنه كثير وتعرف اخباره لان هالشي يضايقها وهي من هذا النوع
راشد:بخير يسلم عليك
ريوف:الله يسلمه
لحظات صمت
راشد:بس عتبان عليك (سكتت ريوف) (كمل كلامة) يقول انك ما تردين على اتصالاته ورسايله،، .. لحظة ريوف بيني وبينك انا ابي اعرف ليه تجافينه هو تغلي ولا ايش؟! قولي لي اللي بخاطرك وتطمني ما اوصل شي لرائد اذا ما تحبين انه يوصله شي من الحكي اللي تقولينه
ريوف مب عارفه وش ترد ع راشد:لا يا راشد السالفة مش كذا اصلا
راشد:اجل..! علميني وش السالفة؟؟
ريوف سكتت
راشد:وين رحتي؟
ريوف:الســـالفة السالفه هي..أ.....أأ
راشد قاطعها:ريوف فتحتي الظرف؟؟؟
ريوف تذكرت سالفة الظرف وخافت وش ترد...:أأ..لا
راشد فاتح عينه:ليه؟؟
ريوف:نسيت
راشد:ريوف سمعيني فيه سؤال يجول بخاطري من فتره وبودي اسألك بس ما جات الفرصة المناسبة وهالحين هي انسب فرصة
ريوف:وش هو؟؟
راشد:ريوف انتي تحبين رائد ولا لاء؟؟؟!
تورطت ريوف هالحين وش بتسوي ووش بترد على راشد باين عليه جاد كثير وهذا طبع راشد الغالب
ينفتح باب الصالة وتدخل ام راشد
تحس ريوف ان هذي وكنه فرصة جتها حق تهرب من الاجابة بأسرع ما يمكن
سلمت على ام راشد
ريوف:عن اذنكم انا طالعه ابدل ملابسي
ام راشد:اذنك معك يا بنيتي
طلعت ريوف وحطت يدها على قلبها يوم وصلت غرفتها
خذت لها دش وانتعشت
طلعت عند دولابها وخذت جوالها لقت مكالمتين من خالد ،، اتصلت له... رد خالد بسرعه
خالد:ولهت عليك
استغربت ريوف من رد خالد ما تظن انه خلاص تعلق بها لهدرجة غريب هالخالد امره وعجيب
ريم:وانا كمان
خالد:انتي ايش؟
ريم:مشتاقتلك
خالد:سمعيني اياها مره ثانية بنغمة حلوة وفيها طاري اسمي
ريم:"والله ما عنده سالفة،، بمشي على حكي جواهر باني اجاريه واشوف نهايتها لان مليت هالسالفة".. مشتاقتلك يا خالـــــــــــــــد ولهانــــــــه عليــــك مــــــــــــــــــــــــــــــــــــــــــــــوت
خالد:يسلملي هالصوت حبيبي
ريوف انحرجت اول مره تسمع هالكلمة من خالد هذا دليل اخر انه متعلق فيها ويحاول يبين لها هالشي
ريم:الله يسلمك
خالد:ريم
ريم:هلا
خالد:انتي مخطوبة او مرتبطه ولا ايش؟؟ ابي اعرف عنك هالشي
ريم حست ان خالد ممكن يفكر فيها تبي تصرف نظره عن هالموضوع:هو مش مرتبطة بس ولد عمي يبيني
خالد:وانتي تبينه؟؟
ريم:ممممممم مدري
خالد:شلون ما تدرين؟
ريم:مدري
خالد:لا صج انتي تبينه ولا ما تبينه
ريم:اذا اهلي يبونه فالراي رايهم مش رايي
خالد وهو معصب:ليه اهلك اللي بيتزوجونه ولا انتي ،، لازم يكون لك رايك المستقل
ريم:طيب لا تعصب،، واذا قلت لك يمكن لو تقدم لي ما القى مشكلة في اني اوافق؟؟
خالد:واذا تقدملك شخص ثاني قبل ما يتقدملك ولد عمك
ريوف حست ان خالد جاد بالامر وتحس انها بتتورط بالسالفة،،..
ريم:معليش استأذن خالد هالحين،، اكلمك بعد شوي باي
خالد:باي
اتصلت ريوف لجواهر دايركت
جواهر:هلا
ريوف:لحقي جواهر
جواهر:خير
ريوف:خالد اخوك
جواهر:وش فيه؟؟
قالت ريوف حق جواهر كل شي
جواهر:ووش فيه هالامر اذا هو يبيك على سنة الله ورسوله وخالد اخوي وانتي عارفته اللي تعيفه تخسر عمرها
ريوف وهي رافعه حاجب:ايش؟؟ جواهر مش هذا اتفاقنا من البداية
جواهر:ياخي وش اسوي اذا الرجال يبيك وهو هالحين مطلق حرمته يعني وش فيها لو فكر يستقر
ريوف:ايش !! خالد طلق حرمته ؟؟ ومتى
جواهر:من فتره طويله شوي
ريوف:حراام والسبب اتمنى ما يكون (تذكرت ريوف هذاك اليوم اتصلت لخالد ورفع ولا تكلم بعدين قفل بوجهها وجتها رسالة جواهر تشكرها بعد الاتصال بفتره قليله يعني كذا ساعه.. هنا فهمت) لالا يعني حنا سبب طلاق اخوك وهدم بيته
جواهر:لا
ريوف وتحس بالذنب وهي خايفه:الا الا انا فهمت كلشي – تدمع عيونها – ياربي انا وش سويت بدنيتي ياربي،، هدمت بيت اخوك يا جواهر بيديني انا السبب ياربي
جواهر:لا مش انتي السبب هو قبل خالد ونورة مش على وفاق ومشاكل دايمة
ريوف:ولو بس الامر ما وصل للطلاق الا يوم حنا تدخلنا فيه
جواهر تبي تغير الموضوع:ع العموم كذا افضل وسبق وقلتلك انا اشوف هالشي صح وهالحين اللي ابيه منك اذا خالد صارحك انه يبيك مباشر انك تقولين له انك اصلا عمرك مش 20 وتقولين العمر الصحيح وانك مش ريم انك ريوف عبد الله
ريوف:ايش؟؟؟لا لا مستحيل اقول كذا واذا انتي تبين تعملين هالشي قوليه بنفسك وكافي اللي عملناه بالرجال حرام يا جواهر خافي ربك
جواهر:ليه انتي كمان ما تخافين ربك باللي راح تعملينه برائد واللي خططناله ولا هذا شي وذاك شي ثاني؟؟؟


**
أغيب .؟!!




وآخذلي مع الوقت
وقفـات ،،


رغم الغياب ..


[[ حبكم ]]




مانكرته ..!!


رائــــــــــــــــد


-------

ريوف:ايوه ذا شي وهذاك شي ثاني وخصوصا ان خالد اخوك
جواهر:اخوي واعزه واعرف مصلحته وان هالشي اللي عملته كان المفروض من زمان يصير لان ميه بالميه من صالحه ذا الشي
ريوف:طيب وبكذا سالفة اخوك خالد خلصناها نبي نتفرغ حق سالفة رائد
جواهر:اوكي هالحين بوضحلك الامر وان الخطط مترابطه مع بعضها البعض ومركبه كل خطه على الثانية
ريوف:وشلون؟
جواهر:خالد بس يعرف من انتي راح يتقدملك
ريوف باستنكار:ايش؟؟
جواهر:بليز خل اكمل من غير مقاطعه،، اذا تقدملك انتي بتوافقي اذا وافقتي عمك ماراح يقول شي لان لا ابوه ولا امه يعرفون انه يبيك وبكذا اذا رجع رائد وعرف انك مخطوبة وهالشي جاي منك بموافقتك بيكون اكبر تحطيم له ولقلبه خصوصا انه يحبك بصدق واللي بيعذبه اكثر واكثر فترة خطوبتك وانتي جالسة عندهم تكلمين خالد وتتكلمين عنه ويجي يزورك ويطلع معك،، هذا غير طبعا انه لو حاول يعرف منك اسباب موافقتك بيكون افضل لانك راح تواجهينه وتقولين له اني اصلا ما حبيتك وكذا
ريوف:طيب راشد يعرف ان اخوه يبيني
جواهر:اوكي لو فرضنا انه علم ابوه برغبة رائد،، عمك بيجيك بيعلمك برغبة ولده وبيعرف رايك ومستحيل انه يتدخل بقرارك
ريوف:طيب تخطيط ممتاز ولكن وشلون اوصل حق راشد
جواهر:ايش؟ اسمحي لي مستحيل ازرع حب بقلب انسان لانسان ثاني الله اعلم وش تكون مشاعره تجاهك هذي صعبه ولو اظل بطول عمري كله احاول ماراح اوصل لنتيجة... انتي مو تبين تنتقمين من رائد!! هذا انا خططت لك كلشي
--------
سمر جالسة ع النت بجهاز زوجها صالح
لقت لها كم موقع طبخ تصفحت الطبخات الموجوده وصارت تقراهم وابسط طبخه لقتها طبعتها وقفلت الجهاز اتصلت لصالح
صالح:مرحبا
سمر:مرحبتين
صالح:ها شلونك زهقانه متضايقه؟؟؟
سمر:يعني شوي بس اكيد البيت مش حلو من دونك
صالح:يلسملي كلامك الحلو حبيبتي
سمر:الله يسلمك يا بعدي بس حبيت اخبرك وانت راجع لا تجيب غذى من المطعم
صالح:ليه؟؟ ناوية نموت جوع!!
سمر:هههه لا شدعوه،، بس بطبخ اليوم انا
صالح:صج؟؟ اجل برد بدري ابي اشوف وشلون حالك بالمطبخ
سمر:لالا ماله داعي الفضايح خل ترد والاكل جاهز ما ابيك تشوف حوستي
صالح:اوكي براحتك
سمر:تامرني على شي
صالح:سلامتك سماري وانتي ما تبين شي؟
سمر:لا صنكيوو
صالح:ههههههه
----
غفت عيون ريوف للحظات...
كانت تركض بقوة هربانه من شي
واصتدمت بشخص ملامحه مش باينه... رفعت راسها
ريوف:من انت؟؟
...: انا ابووك
ريوف:يبه!!
فجأه اختفى...
ريوف ظلت تمشي لقت جدها ركضت عنده بسعاادة
دخلت نفق وهو ما توقف ظل صاد عنها ويمشي
ريوف تصرخ:يبـــــــــــــــــــــــــــــــــــــــــــ ـــــــه يبــــــــه.. اوقف يبه الله يخليك لا تبتعد عني
ظل جدها صاد عنها ويمشي
وهي تركض تحاول توقفه
ريوف:يبه انا ريوف التفت لي لا تصد عني
فجأه تتعثر وتطيح ع الارض هنا تبكي لان جدها تحرك واختفى من نظرها
..
تقوم من على سريرها منفزعه وتتحسس خدها تلقى فيه دموع
ريوف:جدي صاد عني جدي صاد عني
تبكي ريوف بشدة
طلعت ريوف من غير شيله من غرفتها تركض وهي تبكي وتصرخ
لقاها فيصل راح لها وهو خايف اول مره يشوفها بذا الشكل
فيصل:خير ريوف وش فيك؟؟
ريوف مش عارفه تتكلم اتذكرت الحلم اللي شافته وبكت اكثر كانت تبي تمشي عن فيصل
فيصل:ريوف استهدي بالله وش له ذا كله!! ع الاقل دخلي غرفتك لبسي شيلتك لا يطلع راشد ويشوفك كذا بعد ما يصير
ريوف كانت بخاطرها تقول شف ذا الفاضي انا في ايش ولا ايش
ريوف وصوتها مبحوح:وين خالتي؟
فيصل:بغرفتها بناديها لك وانتي دخلي غرفتك


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -