بارت مقترح

رواية وطال انتظاري -12

رواية وطال انتظاري - غرام

رواية وطال انتظاري -12

دخلت ريوف بيت عمها بو منيرة وبداخلها ألم يتجسد بعبرة تحرق جفنها
تذكر الاحداث اللي جرت لها بهالبيت والاضطهاد اللي لقته من حرمة عمها
وتعصب عمها لرايه بإنه جدتها تبقى ببيتهم وهي تروح لبيت عمها بو راشد
تنهدت:"وينك يا جدي وينك...؟؟"
جلست ريوف مع بنات عمها وبعد فترة جابوا الغذى وتغذوا
وبعد فتره طلعوا ورجعوا بيتهم
دخلت ريوف غرفتها فصخت عباتها وفتحت شنطة المدرسه وذاكرت دروس بكره ورتبت المواد مثل الجدول اللي عطوهم اياه....
انتبهت لورقة بالشنطه تذكرت انها خذت رقم هند ووعدتها انها تتصل لها
خذت جوالها ودقت ع رقم هند
ريوف:مرحبا
هند:.........
ريوف:الو هند؟؟
...صوت ولد:مرحبا
قفلت ريوف خايفة
ريوف:"لا يكون الرقم خطأ"
رن تلفونها الرقم اللي اتصلت عليه رقم هند
ردت وسكتت...
الولد:ياحلوك تبين هند؟؟؟
قفلت ريوف الخط
ويرن مره ثانية ولا ترد وتعطيه مشغول
ودقايق يجيها مسج:- هاهاهاي انا هند ردي علي حبيت امزح معك شوي-
رن تلفونها مره ثانية وردت وسكتت سمعت صوت ضحك هند وعرفتها
ريوف ابتسمت بطمئنان:الله يرج بليسك
هند وهي تضحك:ليه خوفتك؟؟
ريوف:ايوه مت من الخوف
هند:خلاص انا بصير ممثله كفاية عندي موهبة تغيير الصوت
ريوف:انتي مهب صاحية ابد
هند:طالعه عليك وش اسوي... طيب اتركي هالهرج عنك وش اخبارك؟
ريوف:شوي متضايقه
هند:ووش اللي مضايقك يابعد تسبدي؟؟
ريوف:ذكرى قديمة خذتني
هند:فضفضي وخففي على يور هارت لي يا بعدي وانا مستعده استمع فور يور استوري
----
راشد حاس بالزهق
طلع من غرفته لغرفة اخته جلنار
راشد ضرب الباب وخش
راشد ببتسامة:صباح العصر
ابتسمت جلنار
راشد:اخبارك؟
جلنار:بخير.. اخبار رائد؟؟
راشد:تمام... اتصل له تكلمينه؟؟
جلنار:ايوه مفتقدته هو كان كل يوم يجي يمرني بغرفتي،، وهالحين.....
راشد استغرب ماكان يلاحظ هالشي بالمره كان يحس ان رائد هو اقلهم اهتمام بجلنار بس كلام جلنار يبين العكس
اتصل راشد برائد
راشد:Hello
رائد:hi
راشد:How are you??
رائد:I'm fine,, you?!
راشد:good,, Raed!!
رائد:Hello
راشد:my sister want to talk with you..
رائد:really!!
راشد:yes..,
رائد:where is she??
راشد:just one minute
رائدk no problem ,, I'm on line
.._ ما شاء الله عليهم الاخوان يحبون يستظرفون_..<< تعليق استعباطي خارج عن اطار القصه هع هع
جلنار:هلا
رائد:اهلين جلنار اخبارك؟؟
جلنار:بخير انت اخبارك؟؟؟؟؟
رائد:تمام بعد ما سمعت صوتكم
----
جواهر:اتصلت لخالد
ام ندى:ووش قال؟؟
جواهر:بيستأذن وبينزل بكره بيجي
ام ندى:صج؟؟؟
جواهر:ايوه
ام ندى:وايش قلتي له بعد؟؟
جواهر:اشياء
ام ندى:وش هي هالاشياء
جواهر:اشيـــــــاء ...
ام ندى:الله يستر من هالاشياء
------
نورة ببيت اهلها حالتها متأزمة
بس وجود سعود لجانبها مخفف عليها أوجاعها
ام نورة:ما يصير يا نورة اللي تعملينه بنفسك لا تاكلين ولا تشربين
نورة والدموع بعينها:يمه بليز اتركوني بحالي،، اللي فيني كافيني
ام نورة:يابو نورة تعال شف بنتك بتموت اذا تركناها على ذا الحال
بو نورة:بنيتي خلاص اللي صار لك مقدر ومكتوب وانتي مهب اول بنت ولا اخر بنت يطلقها زوجها،، وانتي يا نورة توك صغيره بالثلاثة وعشرين اربعه وعشرين العمر قدامك
نورة:يبه يبه لا تتركني بأوهام وخدع وهذا كله حكي عشان تخفف عني بس انت تزدني يبه محد حاس بي
تضم سعود وتبكي
نورة:اتركوني لوحدي هالحين الله يخليكم
ام نورة متأثره بقوة بحال بنتها ولكن ماباليد حيلة
طلع بو نورة من غرفة نورة
ام نورة:آخذ سعود عنك
نورة بصوت مبحوح:لا يمه اتركيه عندي
طلعت ام نورة وظلت نورة تبكي وسعود يبكي معها
سعود:ماما لا تبكين
نورة:حبيبي ((تضمه اكثر))
سعود:ماما انا احبك بس لا تبكين
-------
سمر وبو عبد الرحمن بروما
صالح:سمر انتي مرتاحة معي
سمر ببتسامة:ايوه
صالح:وش فيك هالايام ابتسامتك باهته وحاس انك مش مرتاحة معي
سمر:لا بس مشتاقه لهلي
صالح:بس؟؟
سمر:ايوه
صالح:متأكده؟!! مافي شي ثاني
سمر:ايوه متأكده
صالح:بسيطه كلها يومين وبنرد،، عجبتك ايطاليا؟؟
سمر:ايوه مره حلوة وخصوصا فينيسا كانت خيال اكثر مدينة عجبتني
صالح:تبين آخذك لها مره ثانية؟
سمر متعجبة:والله قل والله
صالح:والله اذا تبين من بكره نأجل الرجعه ونطلع لفينيسا
سمر:لالالا.. مره ثانية بإذن الله انا اشتقت لأهلي كثير
صالح ببتسامة:يا حلوك..
ابتسمت سمر بخجل
صالح:مره ثانية تعرفين وين باخذك
سمر:وين؟
صالح:مفاجأه
سمر:يووه قل لي وين وين
صالح:الا صح بسألك انتي تبين تكملين دراستك بالجامعه ولو اني اشوفه ماله الامر من لزوم
سمر:الا انا ابي آخذ الشهادة الجامعية بالاول
صالح:اوكي مو مشكله،، بس الدراسة بدت بجامعتك ولا بعد
سمر:لا بعد باقي سبوع
صالح:اها.. تبين تكلمين اهلك تعلمينهم عن موعد العودة؟
سمر:لالا ابيها مفاجأه،، الا منو بيجيبنا من المطار
صالح:التاكسي
سمر:ومتى راح نوصل
صالح:تقريبا حوالي الساعة ثمانية ونص تسع بالليل
سمر قالتها بعفويه:صويلح .. (سكتت فتره مستحيه) بطلبك طلب بس لا تردني
صالح:من عيوني
سمر استحت:تسلم عيونك يالغالي،، بس ابي على طول انزل بيت هلي
صالح:غالي والطلب رخيص
--------
وصل خالد البيت
خالد فتح الباب كان متوقع يشوف سعوود بالصاله مع خالته وخواته
كانت جواهر لابسه عبايتها وماسكه شنطتها بتروح المدرسه
خالد وعلامات التعب باينه بوجهه:الا وين سعود
ندى سكتت
جواهر وقفت وراحت عند خالد:هذا هو الامر المهم اللي بغيتك تجي عشان تتصرف،، لأن سعود مع نورة
خالد بستنكار:إيــش!!
خالد عصب بقوة كفاية التعب والارهاق اللي فيه خلاص وصل حده
خالد:ومن متى هو مع نورة؟؟؟
كلهم سكتوا خايفين من نبرة خالد
خالد يصرخ:ما تسمعون؟؟ انخرستوا !! من متى ولدي مع نورة
ندى بخوف:لا تعصب لا تعصب صار له كذا يوم بس
خالد يصرخ بوجه ندى:وانتي ليه ما قلتي لي يوم اتصلتي لي انه سعود مع نورة
ندى:خفت لا تعصب ويزيد الامر واعطي الامور اكبر من حجمها خالد اهد...
خالد طلع شقته بسرعه واخذ مفاتيح سيارته
ام ندى:يا ويلي لا يصير بأخوكم شي ندى سوي شي هديه
ندى تصرخ بوجه جواهر:كله منك يام المشاكل
وتصعد فوق لشقة خالد
تكتفت جواهر من غير اكتراث وعملت حركه غرور بعينها
ندى:خالد خالد الامر ما يستاهل كل ذا انت اهدئ
خالد يصرخ:ابتعدي عني ومحد له خص بحياتي اتصرف فيها بالطريقه اللي تعجبني
ندى:انت تعبان ارتاح وبعدين تصرف
خالد يرمي ندى من طريقه:يوووه انتي ابتعدي عني
ينزل ويطلع من البيت ويركب سيارته
ويشغلها ويقفل الباب بكل قوته حتى انه كنه باب السيارة بيتصدع والسيارة تهتز
سرع بأقصى سرعته
فجأه تطلع عليــــــــــــــه سيارة و...


**


لو يغيب الليل في كهف الهجير...
ماتغيب بوسط روحي طلتك...
انت وحدك..مالك بقلبي نظير..
لو يغيب الكون..تبقى دنيتك..
مدري كيف العمر من دونك يصير..
ياحياتي حيل مشتاق لشوفتك..


رائد


-------




يشغلها ويقفل الباب بكل قوته حتى انه كنه باب السيارة بيتصدع والسيارة تهتز
سرع بأقصى سرعته
فجأه تطلع عليــــــــــــــه سيارة و... يتجاوزها
ويوقف سيارته عند باب بيت نورة وينزل من السيارة ويضرب الجرس
يطلع له بو نورة زوج خالته
بو نورة:السلام عليكم
خالد:وعليكم السلام،، كيف الحال؟؟
بو نورة:بخير الحمدلله انت شلونك؟
خالد:تمام،، ممم بغيت سعود يا عم
بو نورة:سعود عند امه
خالد:طيب وانا ابوه وبغيته
بو نورة:طيب بشوفه تفضل
خالد:لا مشكور انا انتظره هنا
بو نورة:براحتك
دخل بو نورة عند غرفة نورة
بو نورة:نورة
نورة:هلا يبه
بو نورة:خالد برى يبي سعود
نورة لما سمعت هالحكي انصدمت:وشلون جا هو مو المفروض يكون بشغله
بو نورة:مدري يا بنيتي بس هو الظاهر انه مستأذن ولا شي
نورة:لا يبه سعود ما بتركه عند خالد انا امه والمفروض يكون عندي
بو نورة:استهدي بالله يا بنتي وجيبي سعود خل آخذه لأبوه
نورة تضم سعود:لا يبه سعود ماراح يطلع من هنا لالا
بو نورة:لا حول ولا قوة الا بالله
طلع بو نورة حق خالد
بو نورة بأسف:يا ولدي مدري وش اقولك بس نورة مش راضيه تترك سعود
خالد عصب:نعم وهو على كيفها ولا على كيفها .... سعود يجيني هالحين يجيني ولا تكون المحاكم من بينا
بو نورة:استهدي بالله يا ولدي وحنا اهل وماله داعي الفضايح والمحاكم ووجع الراس
خالد:طيب خل تعطيني ولدي وانا مستعد انه ماراح تشوفوني بعد هاليوم،، ابي سعود يا عم بالطيب
...
بغرفة نورة ..
نورة تلبس عباتها
ام نورة فاتحة عينها:وين طالعه يا نورة؟؟؟
نورة:طالعه اتفاهم مع هذا الانسان معدوم الاحساس
ام نورة:نورة ما يصير اللي تسوينه انتي هالحين في العده
نورة وهي تتغطى:بروح آخذ حقي وأدافع عن نفسي وولدي
...
فجأه تجي حرمة متغطيه عرف خالد ان هذي نورة
نورة بصوت مبحوح:اذا كنت تبي سعود انا كمان ابيه ومثل ما انت ابوه انا امه،،..
قاطعها ابوها:يا ولدي يا خالد انت تروح شغلك شهر وترجع شهر عندي حل ان شاء الله يرضي الطرفين
خالد:ووش هو؟
بو نورة:يكون سعود معك الشهر اللي تكون فيه موجود والشهر الثاني يكون عند نورة،، ولا وش رايك؟؟
خالد وهو رافع حاجب:موافق بشرط
بو نورة:سم
خالد:الولد الجاي بعد 40 يوم من ولادته يكون معي...
نورة هنا صرخت:لا..لااا مستحيل
-----
في الفصل:
هند تكلم ريوف:اففف ياربي ما احب حصة الكيمياء
ريوف بصوت واطي:هصص لا تسمعك الاستاذه
هند:خل تسمع انا ابي اطلع من الحصه بأي طريقه بس هالابلى صماء ما تسمع ولا بذمتك هالسوالف كلها اللي نسمعها من الصف اللي ورى واللي قدام وهي ابد ولا هي بحاسه ياربي لا تبلانا
فجأه تلقى ريوف ورقه عند درجها وحده من البنات رمتها عليها ولكن ما انتبهت هي من اللي رمتها لانها كانت مشغوله بالحكي مع هند
خذتها فتحتها.. .. فتحت عينها بقوة من اللي شافته استغربت ياربي من اللي عامل كذا
يفاجأها صوت الاستاذه لولوة:وقفي...ريوف وش عندك؟؟
هند انتبهت للي بيد ريوف وحست ان بتصير لها مصيبه لو ما تصرفت بسرعه
ريوف وقفت برتباك:هاا..ولا شي يا استاذه ولا شي
هند تداركت الامر بسرعه وعطت ريوف ورقه فاضيه وخذت من يد ريوف هذيك الورقه من غير ما تحس الاستاذه بشي
لولوة:وريني إياها بشوف
عطتها ريوف الورقه
فتحتها الابله وطالعت في ريوف باستغراب
لولوة:ثاني مره لا تنشغلين عن الحصه بشي فاااهمه << هذا حال المعلمات بس يتفلسفن على اللي يخصهم واللي ما يخصهم طبعا مش كلهم البعض منهم ((هع هع بإستثناء أمي من المعلمات اللي بالدنيا كلهم خخخخ))
ريوف:ان شاء الله يا استاذه
لولوة:اجلسي
ريوف جلست وتنهدت بعمق ودها لو تحضن هند؛ هالجميل ماراح تنساه لها
ريوف بصوت واطي:شكرا
هند:ولو شدعوه ما سويت شي بس هالمره كوني اكثر حذر يعني أي ورقه تلقينها طنشيها ولا تجيبين خبرها وبما إنك ما شاء الله بنت جديده ولفتت الجميع من اول حضور بالمشاركه الفعاله لازم بتلقين خصوم يبون يشوهون صورتك بأي طريقه
ريوف كانت تصغي لكلام هند بانتباه تحس ان اول مره تسمع لها شي جاد....
----
نورة بالحمام – اكرمكم الله –
خلاص تعبانه من الحكي اللي سمعته من خالد ونفسيتها متأزمه بشكل غير طبيعي
تبكي ما تبي هذا الجنين اللي ببطنها يطلع ويتعذب
لان حال سعود معذبها بالله عليكم وش ذنبه هالطفل!
فما تبي تجيب الطفل الثاني ويأنبها ضميرها عليه مثل ما هو مأنبنها على سعود المسكين
كانت تطالع بوجهها بالمرايه
رشت كل المكان بمويه بعدين خذت الشامبوو والصابون وكبته بالارض
ودمعتها بخدها
لآخر لحظة تراجعت وضربت بيدها المراية وكسرتها وصارت يدها تنزف
تعوذت من الشيطان طلعت من الحمام واستغفرت ربها
كانت راح تكون مجرمة تقتل جنين ماله ذنب
تحرمه من حقه انه يعيش وحتى لو كانت الظروف صعبه
بكره ربي يفرجها ان شاء الله
------
بعد مرور كذا يوم على الاحداث اللي راحت؛؛..
نادية تو واصلة بيت اهلها...
دخلت البيت لقت امها بالمطبخ
نادية:السلام عليكم
ام محمد:وعليكم السلام ورحمة الله وبركاته
نادية:اخبارك يمه؟؟
ام محمد:والله بخير انتي اخبارك واخبار زوجك و بسمه فديتها الا صج وينها؟
نادية:كلنا بخير وعافية وبسوم عند عمتي خذتها اليوم
لحظة صمت
ام محمد:أيــــــــــــــــه احس البيت فضى من بعد طلعت بنيتي سمر،، انتي مشغوله بزوجك وبنتك وماعاد تجين مثل اول ومحمد يروح الجامعة يرجع تعبان ياكل له شوي وينام ويطلع وهكذا يعني ما اشوفه كثير وبو محمد من تزوجت سمر احسه وكنه مهب على بعضه دايم برى البيت ما يحب يجي البيت وما يلقاها
نادية:لا تلومينه يمه سمر كانت طول وقتها مع ابوي اكيد راح يفتقدها ويحزن هي كانت عامله جو وكذا
ام محمد:يلا خليها على الله،، الا ما تدرين سمر متى بترجع؟
نادية تمسك الطماطم وتقطعه:لا والله ما قالت لي
ام محمد تبي تغير الموضوع لان حتى هي مفتقده وجود سمر وتحس ان دمعتها بتنزل لكن تداركت الامر بسرعه:اتركي عنك خل انا اسويه
نادية:وش فيها يمه لو ساعدتك شويه
ام محمد نزلت دمعتها
نادية انتبهت لأمها:خلاص يمه بكره ان شاء الله بتجينا وبتونسها ولا تكدرين خاطرك،، تلقاها هالحين متونسه وانتي تضايقين نفسك انا اعرفها سمروه ما تفوت على نفسها شي
ام محمد:يا بنتي الناس طبايع واختك احس انها بعد الزواج راح تتغير طبايعها
نادية:كل الناس كوووم واختي سمر كووووووم،، دهور الدنيا كلها ما تغير طبايعها
ام محمد:يوم صار لها الحادث ان شاء الله آخر السوء شفتي حالها وش صار
نادية:لكنها ردت لطبيعتها وهذا شي ثاني وخصوصا انها كانت فاقده بالحادث صديقتها يعني هذا اللي زادها
تحط ام محمد المقلى فوق الفرن
دقايق الا يسمعون صوت محمد داخل
دخل المطبخ
محمد:مساء الخير؛؛ وش صاير ام بسمة عندنا؟؟
ابتسمت نادية:هلا محمد
محمد: كح كح وينك يالمغبره ما تنشافين
نادية:اجي يا بعدي بس ما تكون موجود
محمد فاتح عيونه:لا الليله فيه شي ... اكيد تبيني اوصلك لمكان زوجك مشغول ولا شي – يا بعدي – غريبه منك اول مره اسمعها لا يكون مسخنه ولا شي
ام محمد:وش فيك على اختك اكلتها ههههه
نادية:والله ما اعرف لكم ان قلت لكم كلام شين ما عجبكم وان قلتلكم كلام طيب ماسركم وش تبوني اعمل لكم
محمد:اسمع ياختي هالايام يمدحون السكوت هههههههههههههههههه
نادية:ههههه الله يرج بليسك
محمد:ممممممممممممممممممم الا وش طابخه لنا يام محمد الليله
ام محمد:تعال و شوف
جا محمد جنب امه:يم يم هذي الطبخه اللي تحبها سمروه
نادية:تزوجت البنت وانت تسميها سمروه حسافه مهب موجوده حق نشوف الذبحه
محمد:أي انتي تفرحين بهالسوالف ادري عنك خابزنك
ام محمد:راح دور سمر وهالحين جا دور نادية بالذبايح
نادية:شدعوه يمه ذبايح انا ومحمد سمن على عسل
محمد يبتسم ويعمل نفسه كنه بريء
ام محمد تطالع فيهم:هيه باين اقول اتصلوا حق ابوكم يجي يتعشى
نادية:طيب
تتصل نادية حق ابوها ولا يرد
الجرس رن طلع محمد يشوف منو
نادية:غريب ما يرد
...
عند باب البيت
محمد رافع حواجبه بستغراب:سمــــــــــر!!
فتحت سمر وجهها وابتسمت ودخلت
سمر ماسكه عبرتها:اشتقت لكم
تضم محمد اخوها وتبكي
محمد تأثر يبي يغير اتجاه الموضوع:سمرووه عن الافلام الهندية
تبعتد عنه وتضربه وهي تمسح دموعها وببتسامه تقوول:الله يرج بليسك ما تغيرت ما عندك رومااانصيه
محمد:الله يعني تزوجتي وصرتي من اهل الرومانصيه على قولتك وتكبرتي علينا
سمر:هيه عن الحكي الزايد حمدووه
محمد:أي هذي سمروه ولا قبل وحده مخبصه تبحث عن الرووومانصيه
سمر:هالحين بتمسكها علي يلا خل اشوف امي وابوي
محمد:تفضلي تفضلي يا اختي العزيزه ولكن البيت مو بيتك لا تستانسين
سمر تضرب محمد فوق راسه وتدخل تركض للمطبخ:بوووووو
ام محمد:بسم الله،، - نتنتبه ان هذي سمر- وين انا بحلم سمر!!
نادية وهي حاطه يدها على قلبها:سمر متى جيتي؟
سمر تضحك:تو رجعت من المطار وقلت لصالح ينزلني هنا
تروح سمر وتضم امها...
يدخل محمد:الله الله يا عيني ع الرووومانصيه


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -