بارت مقترح

رواية وفاء لقلبه -15

رواية وفاء لقلبه -2

رواية وفاء لقلبه -15

فارس ..اسمعي غاليه انا رافض الزواج كمبدأ لاسباب احب احتفظ فيها لنفسي لكن
طالما صار وانتي بنت عمي مابلاقي احسن منك راح يستمر زواجنا وراح نتممه لكن انا اقولها لك من الحين انا انسان مااعرف احب مو ماابي مااعرف لكذا راح تلاقين الي الي يرضيك الا المشاعر راح احترمك واقدرك لكن غير كذا مابكذب عليك واقول راح تحصلين مني حب انا صريح واعذريني
غاليه وتمسح دموعها..بس انا ماابي احس انك مجبور
فارس بهدوء..انا مافيه احد يجبرني فارس مااحد يجبره قراري كان مني وبعد
تفكير اذا انتي راضيه فيني رغم كل عيوبي انا مستعد
غاليه وبتردد..بس انا خايفه
فارس..من
غاليه..من كل شئ
فارس..قصدك خايفه مني
غاليه ..خايفه من حياتي معك
فارس..اسمعي غاليه انتي خذي وقتك وفكري وقرارك انا انتظره
غاليه بتردد..سلطان للحين يزورك
فارس وعقد حواجبه ..ليه السؤال
غاليه..حلمت حلم شين وخفت
فارس..سلطان كان عامل فلم فاشل معي كشفه لما تكلم عنك وقال انه مستعد
يتزوجك اذا ماابيك
غاليه..كنت متوقعه
فارس..لايهمك انتهت علاقتي معه كنت العب على نفسي اقول يمكن عقل
لكن للاسف كان يخطط على شئ ثاني
غاليه وقامت..طيب انا بطلع بس انت طلبت تتزوجني عشان رجعت اختلفت
مع سلطان
فارس..امي لاتعرف شئ عن كل الي صار هذا اولا وثاني شئ امحي سلطان
من قاموس حياتك وثالثا انا قلت لك هذا قراري مادخل بأي شئ انتي فكري وخلي
ريم تبلغني بالخبر
غاليه بااستغراب..ليه ريم
فارس يبتسم..طيب انتي بلغيني
غاليه ابتسمت..ايه انا ببلغك عن ذنك
طلعت غاليه وجلس فارس عالكرسي بكل قوته يفكر بالي صار له حطته الظروف
بهالموقف سمع كلامها وماقدر ولاعنده حل الا انه يتمم الزوج مهما كانت
الظروف فكر وحصل انه اذا طلق غاليه صعبه بتكون طليقته ومعه بنفس البيت
واذا راحت لخوالها بيكون خان الامانه الي امنه عليها عمه وهذا مو طبعه وشاف
ان الحل الوحيد انه يصون الامانه ويرحم هالبنت اليتيمه ويتزوجها ..


اما غاليه ماتنكر انه رغم قرارها انها تروح بيت خوالها الا ان قرارفارس
اسعدها كثير فارس بالنسبه لغاليه حلم لازم تحصله فكرت وقالت وش الي
يخليني اضمن اني اذا تطلقت وتزوجت غيره يحبني عالاقل فارس شفت اسلوبه
وتعامله انسان محترم يعني بقدرني كاانسانه وبنت عم وزوجه وام لعياله ابتسمت
وضحكت وقالت لنفسها يالله ياغاليه ممكن بعد سنه تكونين ام وام لعيال فارس
الي صار بالفتره الاخيره حلم لها ابتسمت وقررت توافق لكن قالت بتقول لفارس
بكرا الصباح وهو طالع لدوام بتنتظره بالصاله الي فوق قبل ماينزل .. لكن سمعت
خبر ببيت ام فارس خلاها تغير الوقت الي بتقول لفارس فيه قرارها رغم ان
السبب بسيط الا انه عند غاليه مهم..

عند نوره وريم كان فيه نقاش حادبينهم
نوره معصبه..اخوك خبل ليه بيطلاقها
ريم ..وانا وش دراني اخوك وهذا تفكيره
نوره ..يرفع الضغط
ريم..والله ياهو قال كلام اخر انسان توقعته يقول كذا
نوره..ليه اكيد فيه سبب
ريم..مااعرف بس الي اعرفه ان غاليه تبيه
نوره بحماس..تحبه
ريم..يمكن مااعرف
نوره..ههههههههههه والله خبله فارس ينخاف منه ماينحب
ريم..حرام عليك فارس انسان راقي غصب تحبه
نوره..انا ماانكر هالشئ بس بعد احاسيس مافيه
ريم..يمكن تخليه يحس
نوره وهي قايمه..اشك اخوك قاسي والقسوه فنه الي يتقنه
ريم..حتى القسوه تكون حلوه احيانا اذا هي من دافع الحب
نوره..لاتفلسفين الامور بليز يايحب يالا اما هالكلام كلام كتب
ريم وتضحك وتطلع مع اختها..كلام كتب صح بس رائع
نوره وتدفها..امشي بس يالله

وصل خبر موافقة هند على احمد وكانت الدنيا مو سايعتهم الاثنين من الفرحه
اجمل شئ بالدنيا انك تفكر بشخص وتتمناه وتحصله وهالشئ امنيه بعيده عن
الحب لان الحب جميل حتى لو ماتم ..

وصل الاربعاء سريع وكان اسبوع ثقيل عالبعض بس هاليوم كان غير كان في
بيت ام فهد اليوم شبكة وملكت محمد ودلال

دلال وهي قمه بالانوثه جالسه ومتوتره ..انا احس شوي وبموت
ريم بكل اناقه..عادي شعور طبيعي اهم شئ لاتشدين اعصابك
نوره..كلوووووووووووش مبروك بنت خالتي عقبالي يارب
هند..ان شاء الله بتأخذين اخوي
نوره بسرعه..وع مين
هند وتضربها..وع عليك وشفيهم اخواني
نوره تبتسم بخجل..مافيهم شئ بس ماابيهم
هند وتضحك..والله مابتحصلين مثل بندر
نوره وتغير وجهها..عالاقل عبدالله اهون بندر ليه حرام عليك
هند..هههههههههه وينه يسمعك
ديما..مبرووووك ياعروسه
دلال..انا بموت لاتباركون لي تذكروني
دانا...يالله دلال انزلي فهد يقول ادخلي المجلس
دلال..ليه
دانا وتضحك..وقعي على دفتر وفاتك
ريم..ههههههههه حرام لاتخوفونها يالله دلال

دخلت دلال المجلس ووقعت العقد وبارك لها اخوها وطلعت للمعازيم الي كانوا
اهلها كانت مختصره كثير شغلوا المسجل وبدوا يضحكون ويرقصون وشوي
دخل ابو محمد ومحمد وفهد الي وقف بعيد ولاحب يدخل بس وقف عند باب
المجلس يتأمل اخته لكنها ماقدرت وراحت بسرعه وحضنته وحضنته وهو يضحك
فهد ..دلال خلاص
التفت على محمد الي كانوا محرج ومبسوط..محمد هذي اول دمعه بحضورك واخر
دمعه مااوصيك
محمد ويأشر على عيونه..من عيوني بس رجع زوجتي لمكانها
ابتسم فهد..مابرجعها بس افضل تجلسون مع بعض بالمجلس الثاني والا شرايك
ياخالي
ابو محمد ويبتسم..هذا الرائي السنع
طلعت دلال مع محمد وفهد للمجلس الثاني ورجع فهد سلم على امه وخالاته وطلع

دلال كانت عينها بالارض اما محمد كانت يتأملها بصمت بالاخير ضحك
محمد..انا شفتك مابتشوفيني
ابتسمت دلال بحياء ورفعت راسها ثانيه ونزلته
محمد..مبروك
دلال بصوت شبه مختفي ..الله يبارك فيك
محمد..اخيرا دلال كنتي نجمه عاليه بصعوبه وصلتك اليوم اضويتي حياتي
ماقدرت ترفع راسها دلال قام محمد وحب راسها..انا عارف انك مستحيه ولابزيدك
بطلع الحين وبينا الو توصين على شئ
دلا بحياء وقفت..سلامتك


طلع محمد ودخلو البنات والتفت دلال على ريم وبصوت واطي..والله ماتوقعته
كذا حليو وجريئ
ريم..ههههههههههههه هذا اولها
دلال بحياء..اسكتي وجع


انتهت الشبكه بعد ماقدرت تدخل الفرح بقلب دلال ومحمد نقطة تحول بالاحساس
والحياة الليله لدلال ومحمد الليله غير واحساسها وكل المشاعر فيها تنبض
للحب ومن اجل الحب ايه الحب الي انولد لحظة ماارتبط اسم دلال بمحمد لحظة
ماتمت الشبكه ارتبط هالاسمين بسرعه برباط الحب الي يبدا حب وينتهي وحب
والحياة كلها حب ان شاء الله لهم ..


الجزء السابع عشر


رجعوا من الشبكه مبسوطين وبالصاله في بيت ام فارس قبل مايتفرقون


احمد بأبتسامه ..يمه خلاص بملك كلمي خالي
فارس ويلتفت له ..ههههههههههه الظاهر محمد شجعك
احمد يبتسم..يااخي الاحساس حلو نعمه والله من عند الله يافارس
سكت فارس لان حس ان احمد يقصده بهالكلمه لكن ام فارس ردت على احمد
ام فارس وهي تمشي بتجاه غرفتها ..الله يفرحني فيكم كلكم يارب ان شاء الله من
عيوني بكلم اخوي بكرا
احمد حب راس امه ..تسلمين يالغاليه يالله تصبحون على خير
نوره ووقفت بنص الصاله ويدها على خصرها ..احمد ابي عشاء
احمد وهو طالع عالدرج ..يجيب الله فقع ليه ماتعشيتي هناك
نوره بحزن..ماكنت مشتهيه
ريم وتناظر اختها وبوجهها ابتسامه ..عندك المطبخ
نوره..يووووووووو مالي خلق
ام فارس وهي رايح لغرفتها..نومي جايعه اجل
ريم وتطلع مع احمد ..مثل ماقالت امي
غاليه ووهي مازالت متغطيه ..فارس ممكن اكلمك شوي
نوره. بخيبة امل .طيب بروح اسوي لي اكل تبون
فارس..لا
غاليه ..تسلمين
فارس تعالي للمكتب غاليه احسن
طلعت غاليه وفارس وضحكت نوره على فارس وقلدته ..يقول تعالي للمكتب كنها
سكرتيره عنده مو زوجته خبل اخوي الحمد لله الله لايبلاني بواحد مثله

الكل طلع غرفته يرتاح اما ريم طلعت غرفتها وقتحت ملفها وبدت تكتب كانت تحس
انها مشتاقه للكتابه ولهانه على الحروف مسكت القلم وكتبت العنوان ..


((تواضع الملوك))


اخترت ان تكون هذه الصفحه بيضتاء ببياض عطاءك وبصفاء قلبك وبطهر افعالك ..
فهد بن عبدالعزيز ايها الراحل الكريم كنت كريم باابتسامتك وتواضعك قبل ان
تكون كريم باافعالك
لم تكن انسان اخذته الدنيا والجاه والمال والسلطه عن الانسانه بل كنت انسان
قبل ان تكون حاكم وكنت اب قبل ان تكون ملك ..
لااعلم اشعر انني مقصره مها كتبت ومها جمعت لكنني اشتاق للكتابة عنك اشتاق
ان اقول خادم الحرمين الشريفين فهد بن عبدالعزيز احتاج ان ارى فهد الاب
والقائد والمعلم والمربي احتاج ان اقرا عطاءك حتى اعلم ان التواضح هو اساس
حب الناس وقبولهم فقد رأيتك كثيرا وسهرت اتتبع اخبارك كثير كنت افتخر
وانا اتابع اخبار وسفراتك ومن تستقب ومن تودع حتى قرارات مجلس الوزراء
وكلماتك كان لها صدى عندي مثل غيري من ابناء شعبك كانت كلماتك كتب نتعلم
منها الكثير رحمك الله واسكنك فسيح جناته


بالمكتب عند فارس دخلت غاليه وشالت الغطاء واستغرب فارس شكلها لانها
كانت عامله مكياج ماعجبه


فارس وعقد حواجبه وبشكل عفوي طلعت الكلمه ..الله وش هالمكياج
غاليه ..هههههههه عادي توقعت مايعجبك لانه ثقيل
فارس ورفع حاجبه ..وليه توقعتي
غاليه وتحط الطرحه على كتفها وشعرها تحت العبايه ..لانه ماعجبك على
اللممثله بالتلفزيون
فارس بشبه ابتسامه ..عندك دقة ملاحظه فعلا انا مااحب المكياج الثقيل احب
البنت تكون طبيعيه اكثر
غاليه وبلحظة تفكير حبت تغير الموضوع بسرعه ..مابعطلك المهم قلت بقول لك
ر ئيي امس بس فضلت اخليه اليوم
فارس مستغرب..ليه اليوم تحديدا
غاليه بخجل غريب..ماادري حبيت اقوله وانا كاشخه
ضحك فارس من قلبه وهالضحكه مافاتت نوره الي راحت ركض تبشر ريم الي
فرحت وتمنت لهم الخير


غاليه بخجل..اعرف سبب غبي بس والله حلو لي عالاقل
ابتسم فارس..طيب واش رائيك
غاليه..طبعا موافقه رغم كل شئ صار
فارس وهي عينه عليها ..اغرب انسانه شفتها بحياتي انتي
قامت غاليه ..حتى لو هالغرابه مش حلوه المهم تميزني والتميز حلو
فارس.اكيد حلو المهم ليه قلتي رغم كل شئ ممكن اعرف السبب او القصد من
هالكلمه
غاليه وتعطي فارس ظهرها ..ياولد عمي رغم كل شئ يعني رغم الجروح نرضى
بالعلاج ولو نسبة الشفاء منه قليله
فارس مستغرب..غاليه ممكن تكلميني وجه لوجه مااحب احد يكلمني معطيني
ظهره
التفت غاليه ووقفت قريبه منه من الجهه المقابله واشر فارس بيده وجلست
..تكلمي من مين الجروح وايش العلاج
غاليه وبشوية خوف..اتكلم عادي مابتزعل او تعصب
فارس يبتسم..لا قولي اسمعك
غاليه وتنزل عينها..الجروح منك والكلام الي سمعته منك
فارس ..بس انا اعتذرت وانتي قبلتي
غاليه وترفع عينها بسرعه..فارس لازم نقل بس صعبه ننسى وهذا للاسف طبعي
اسامح بسرعه بس الجرح ينزف
سكت فارس واحتار شو يقول لها لكنه رفع راسه وحس ان غاليه حزينه فعلا
ومجروحه منه..اعرف ان الي صار صعب عليك بس شوفي غاليه اقولها الحين
بيني وبينك بس الله سبحانه وتعالى الي شاهد علي اني مااجرحك بيوم بس انسي
الي صار
غاليه وترفع راسه..الله يعين ان شاء الله الحين اسمح لي اروح
فارس..يعني مو زعلانه
غاليه بشبه ابتسامه..لا
فارس يبتسم ..اجل بعد شبكت احمد يكون زواجنا
وقفت غاليه واحمر وجهها ولاعرفت وش تقول وهالشئ اعجب فارس الي انبسط
على ارتباكها بس ردت بسرعه وهي طالعه..طيب


ابتسم فارس ابتسامة هزيمه لكن بالاخير قرر يستسلم للموضوع ويقبل فيه واخذ
على نفسه عهد انه يصون بنت عمه ويقدرها مهما كانت الظروف


في بيت ام سامي كان سامي سرحان ويفكر ياترى ليه هالانسانه احتلت هالمساحه
من تفكيري معقوله انا غبي لهالدرجه مجرد اني شفت بنت حبيتها فيه مليون بنت
كاشفه عندنا ليه ماحبيتها يمكن حبيت ضعفها او خوفها لا اكيد اعجبني اني انا
كنت مسؤل عنها لو لمدة يوم مستحيل اصلا اكون حبيتها مستحيل انا تسرعت
باهالاعتراف نفسي كيف احب بهالسرعه مستحيل قطع عليه هالتفكير التناقض
جود اخته


جود وهي تمسح دموعها ..سامي امي تصيح
سامي وتعدل بسرعه..ليه وينها فيه
جود..عند البنات
قام سامي وراح غرفة البنات وانصدم من شكل امه الي كان من السكين بصدر
سامي كان موته ولايشوف دمعة امه وخواته
سامي ويحضن امه..من الي تجراه ونزل دموعك يمه
غاده بحزن ..امي تبي وسكتت
سامي ويلتفت لها ..قولي يمه شفيك عيوني لك
ام سامي ..ابي اتطمن عليكم انا المرض خلاص هدني ابي اتطمن عليكم
حضنها سامي ..ياجعل يومي قبل يومك
ام سامي..بسم الله عليك الله يخليك ياولدي لاتدعي على نفسك انا ابي هالبنت
ترضى وتتزوج واتطمن عليها وعليك ودي اموت مرتاحه
ديما وتمسح دموعها..يمه وشجاب طاري الموت الحين المرض ثابت وانتي
ملتزمه بعلاجك حرام عليك
غاده وتجب راس امها..موافقه يمه موافقه ووسالم ولد عمي مابحصل مثله
سامي ويضحك..هههههههههههه اخيرا حنيتي على روميوا
غاده..كنت بحن بس قلت اعذبه شوي
ديما..حرام عليك مسكين
ام سامي..موافقه من قلبك وعقلك والا بس كلام
سامي ويبتسم ..غبيه اذا ماوافقت على واحد كلنا نعرف انه يموت بالارض
الي تمشي عليه بعدين يااختي يقول لك خذ من يحبك ولاتأخذ من تحب
استحت غاده وضحك سامي ومسح دمعت امه واتصل على ولد عمه يبشره


في عالم ثاني عالم حلو بكل تاكيد يمكن لانه جديد او يمكن لانه طبيعي او لانه
احساس الحب الجديد الحب الاول الحب العفيف احساس الحب المميز حتى
بخوفه كانت دلال ومحمد يقضون وقتهم مع بعض بعيد عن أي تقيد او خوف
يقضون وقتهم بالتخطيط والتفاهم على حياة تنتظرهم وعلى مستقبل كل خططهم
تقول انه جميل تحدد زواجهم بأول الاجازه وانشغلت دلال بالتجهيز ..




اما فارس فرجع يكمل شغله وحاول يطنش موضوع غاليه ويرضى فيه بس
مايعرف ليه بدت تحتل جزء من تفكيره مو حتى تكون لها مكانه لا احتلت
هالمساحه وبدت بعفويتها تغير قناعه قويه عند فارس وهالشئ خوفه لكنه
قرر يتناسى الموضوع ولايعطيه بال .....




احمد معصب ..انت خبل
سامي..قول الي تقوله المهم ابي اخطبها
احمد ويهز راسه..منت صاحي شلون وش تعرف عنها عشان تخطبها
سامي..وصيت العيال بالكويت يسألون عنها ومدحوها قالوا محترمه واخلاقها
وامها طيبه
احمد..انا اشوفك متسرع بهالخطوه صراحه اسمع فارس عازمهم يوم الاربعاء
عندنا وقل لاحد خواتك تشوفها وكيف هي تصلح لك او لا
سامي وعصب..خواتي وش دخلهم
احمد بصوت اعلى..لا رح انت واجلس معها احيانا احس انك غبي يااخي لاترفع
ضغطي وانت فلسفة الحب الغريبه سامي شغل مخك
سامي..اف ماابي خواتي يدرون بس الظاهر مالي الا ديما هي اجرأ من غاده
احمد..اهم شئ السريه التامه عشان مايطلع عليك كلام وانتبه تتسرع لان بنات
الناس مو لعبه بيدك
سامي وتضايق من كلام احمد..يصير خير


في بيت ابو ثامر كانت حصه تسولف مع عمها
حصه..عشنا بالكويت احلى ايامنا عطتني اكثر مما عطيتها هالديره
ابوثامر..وان شاء الله بتعيشون هنا احلى ايام وبنروح للكويت مابنقطعها
حصه..تصدق ياعمي انت شلت عني حمل كبير بس مشاء الله هالعيال الي ساعدوك
جيرانك
ابو ثامر..انا من سنين سكن عندنا بالحاره فارس كل الي بالحاره كانوا مستغربين
من هالشاب وبأسبوع ملك قلوب الشياب قبل الشباب بااخلاقه كنت اشوفه بالمسجد
ويسلم علي مثل ولدي ويروح وبيوم العيد كنت بالبيت ماعندي احد اعايده
ويعايدني رن الجرس ولما فتحت كان فارس عايدني و قتها حزنت وبان حزني
ولقيت نفسي من غير احساس اقول له قصتي ومن يومها وهو مثل ولدي اذا
زعل جاء ورمى همه علي واذا احتجته احصله عندي عديته ولدي ولاقصر
معي عرفت خاله وعياله وكل اهله وصرت واحد منهم بكل الاعياد والمناسبات
حتى ايام رمضان اكثر الايام يفطر معي هو او احمد اخوه رجال مشاء الله عليهم
حصه..الله يحفظهم يارب والولد الي جاء الكويت منهو
ابو ثامر..هذا سامي ولد خالة فارس رجال ماعليه كلام ساعدنا عشان له
معارف بالكويت
حصه..مشاء الله عليه محترم
ابو ثامر..الله يوفقه الا وين عهد
حصه..تلبس وتزين عشان العزيمه في بيت فارس
ابو ثامر ويبتسم..قولي بيت ام فارس مايحب احد يقول بيت فارس
حصه..مشاء الله عليه

في بيت ابو محمد كانت هند معصبه بغرفتها


هند..شلون اروح بيتهم وهو خاطبني
مها وتصلح شكلها ..عادي
هند بصوت عالي ..لا مو عادي امي عصبت تقول لازم تروحين
مها ببرود..وهي صادقه
هند بقهر..اف تقهرون
مها بصوت عالي..انتي خبله هذا بيت عمتك بعدين مابتشوفينه ليش معصبه
خلصينا وقومي البسي
هند قامت تلبس وهي مو راضيه عن روحتها


في بيت ام سامي كان سامي يأكد على ديما
ديما..والله فهمت خلاص حتى قلت لغاده
سامي..مايهمني الشكل انا شفتها ومقتنع بس اهم شئ اخلاقها وشخصتها
حضورها
ديما بملل..طيب خلاص
سامي..خلا ص يالله استعجلوا
ديما بملل..طيب

اما في بيت ام فارس كانت امه وفارس بالصاله يسولفون


ام فارس..كلمت اخوي ووافق يقول اذا يبي شبكته الاسبوع الجاي موافق واحمد
وافق
فارس ..الله يوفقهم
ام فارس بحزن..وانت
فارس ويلتفت عليها ..وانا بعدهم
ام فارس باابتسامه ..والله بتتزوج بنت عمك
فرح فارس لفرحت امه..ايه يمه
ام فارس ..الله يكملك بعقلك هذا الكلام الزين والله انه ضايق صدري على هالبنيه
وساكته مااعرف شقول بس فرحتني بكلامك
نوره..أي كلام
ام فارس..ان شاء الله شبكت احمد الاسبوع الجاي وبعده زواج فارس من غاليه
فارس وبسرعه ..بعد زواج احمد مو شبكته
نوره..المهم انك بتتزوج الف مبروك ماقلتوا لي شرايكم بشكلي
ام فارس ماعجبها..وراك مسويه بوجهك كذا
نوره..عادي يمه متوقعه انه مابيعجبك
تدخل ريم ..مساء الورد ماوصل احد
فارس..هذا الشكل الي مايتعب النظر
كشرت نوره..شدعوه يعني عورتك عيونك مني
فارس ويبتسم..انتي تعرفين اني اكره المكياج
نزلت غاليه وهي على اخر درجه وضحكت نوره
غاليه..لهالدرجه شكلي شين
ريم..ماعليك منها توها متهزءه
غاليه تبتسم لها ولاانتبهت لفارس لانه عند الدرج..من مهزءك
نوره..من غيره يعني زوجك
التفت غاليه للمكان الي اشرت عليه نوره واحمر وجهها من وجود فارس
ومن كلمة نوره حاولت تتغلب على خجلها بس بين على وجهها..ليه
نوره..يقول مكياجي متعب لنظر
غاليه وتنزل وتجلس معهم..عادي تقبلي الراي الاخر
نوره وتلتفت لفارس..بنشوف تتقبل هي او لا شرايك بمكياجها
فارس ويناظر غاليه..سبق وقلت لها رائي
نوره وتلتفت عليها..متى شافك اصلا المهم وش رايه
غاليه وتبتسم..ماعجبه
نوره وتضحك..ومبسوطه
غاليه..احترم رائيه
ريم..غاليه صح انتي قايله لي قبل ماتحبين المكياج الثقيل ليه تحطينه
التفت فارس على غاليه ورفع حاجبه وقام..اجل حاطته عناد
طلع فارس والتفت غاليه على ريم..ليه تقولين
نوره ..ياحركات غاليوه تعاندين اخوي بس ماهقيته يهتم بالمكياج والله مو سهل
غاليه. باارتباك .لا مو عناد بس حبيت اغير
ام فارس ..قومي نوره اتصلي على ام بدر شوفي وينها وخلو البنيه بحاله مااحد
مخرب عليها الا انتي يانوير

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -