بارت مقترح

رواية وفاء لقلبه -16

رواية وفاء لقلبه -2

رواية وفاء لقلبه -16

ريم..غاليه صح انتي قايله لي قبل ماتحبين المكياج الثقيل ليه تحطينه
التفت فارس على غاليه ورفع حاجبه وقام..اجل حاطته عناد
طلع فارس والتفت غاليه على ريم..ليه تقولين
نوره ..ياحركات غاليوه تعاندين اخوي بس ماهقيته يهتم بالمكياج والله مو سهل
غاليه. باارتباك .لا مو عناد بس حبيت اغير
ام فارس ..قومي نوره اتصلي على ام بدر شوفي وينها وخلو البنيه بحاله مااحد
مخرب عليها الا انتي يانوير
قامت نوره وهي تضحك لان امها تكره مواضيع المكياج .....
اول الواصلين لبيت فارس كان تركي الي اصر عليه فارس يحضر وكان
خجلان لما استقبله فارس واحمد عن الباب
فارس باابتسامه..هلا والله حيا الله تركي
تركي..الله يحيك
فارس ويأشر على احمد..اخوي احمد تركي معنا بالشركه
احمد باابتسامته ..هلا والله
تركي..هلا والله فيك
فارس..وين الاهل ماقلت لك خلوهم يجون معك
تركي باابتسامة اعتذار..حاولت بس يقولون يستحون
فارس..افا بس يالله المره الجايه تفضل حياك الله
دخل فارس للمجلس مع تركي واحمد وانفتح الباب بسرعه
فهد ويضحك لما شاف تركي..ههههه عادي تركي بالمكتب شئ وهنا شئ
ثاني
تركي يبتسم..هلا استاذ فهد
فهد وكشر..لا فهد بس شلونك تركي
تركي بخجل..تمام الحمد لله
فهد التفت على فارس..طفشتني بحياتي وين جوالك ليه ماترد بذبحك انا
فارس ..ماادي الظاهر بالصاله نسيته
فهد..انت انسان ترفع الضغط
فارس ...طيب وش تبي
فهد ويجلس..ماابي شئ خلاص ماينفع المهم ابو ثامر وينه ماجاء
احمد..لا جاء بس موزينه
فهد..ههههه هلا احمد نسيت اسلم عليك
احمد..صباح الخير كنت ابزعل لو اني ماشفتك من ساعه
فهد..اجل اشوى اني شايفك كله ولازعل المعرس
فارس التفت على تركي..خطبته الاسبوع الجاي
تركي يبتسم له..الف مبروك الله يوفقك
احمد ..الله يبارك فيك
وصل الخال محمد وعياله وبعد ام بدر وعيالها واخره سامي واهله اجتمعت
العايله كلها وجان المجلس مليان بجو المحبه الي خلا تركي يتمنى يكون ولدهم
..دقايق ووصل ابو ثامر وبعده وصل العم عبدالكريم وفرحوا فيه كل العايله وكانوا
مبسوطين لان فارس كان مبسوط اكثر من الكل ..

عند الحريم كانت حصه وبنتها مستحين من الكرم الي بهالعايله
حصه..ماقصرتوا والله خجلتونا
ام فارس..ماسوينا شئ انتم من اهلنا ابو ثامر غالي علينا
حصه..الله يخليك يارب

عند البنت كانت عهد غصب عنها تضحك معهم وخاصة مع ديما الي من اول
ماوصلت وهي تحاول تكسبها وقدرت بسهوله لان عهد انسانه شفافه وقلبها
ابيض ..

من بين البنات اخذت جواله وطلعت هذي غاليه كانت تقاوم حتى ماتفتح جوال
فارس لكن باالخير قررت تفتحه وتشوف مسجاته ....


الجزء الثامن عشر

طلعت غاليه وجلست بالمجلس الصغير ومسكت جوال فارس حاولت بس ماقدرت
حست انه مو من حقهاانها تفتح هالجهاز ظلت تقلب وتقلب بس بالاخير قررت
ماتفتحه طلعت من المجلس بس صادفت فارس من الباب الخلفي واشر لها راحت له


فارس..غاليه جوالي بالصاله الظاهر
مدت يدها واعطته الجوال واستغرب وناظرها نظرة شك ابتسمت غاليه
..بصراحه كنت بفتحه بس والله مافتحته حسيتها لقافه
فارس ويهز راسه ويبتسم..لاتكونين صريحه بكل شئ
غاليه بشكل طفولي ..يعني لو قلت فتحته مابتعصب
فارس ..الا بعصب
غاليه..خلاص وانا صادقه ماكذبت
فارس يبتسم ..المهم كيف الوضع ان شاء الله الام وبنتها مرتاحين ومانقصهم شئ
غاليه من غير نفس..مرتاحين
فارس ويناظرها بتركيز ..وليه تقولينها كذا
غالية..وش هالاهتمام المبالغ فيه كل هالعزيمه عشانهم وبعد تتطمن عليهم
فارس يبتسم..تعودنا عالكرم
غاليه من غير نفس ..طيب
فارس..هههههههههه قلنا لاتكونين صريحه بس ليه معصبه ماعجبوك والا
معصبه من شئ ثاني
غاليه وتضرب رجها علىالارض بشكل خفيف ..مو مهم رائي فيهم المهم انت
تطمن انهم مرتاحين عالاخر
فارس ويركز عالارض وبعدها رفع راسه ..ماابي اأول هالرد على شئ ثاني بس
هالبنت وامها مكانتهم من مكانت الرجال الي احترمه اكرميهم ياغاليه انتي صاحبة
بيت زين
غاليه بقهر..ان شاء الله تبي اقول لهم فارس يسلم عليكم بعد
فارس وعصب..غاليه شفيك
غاليه..ولا شئ هالاهتمام وسكتت بعدين قالت اسفه
فارس وهو ماشي ومعصب منها ..كبري عقلك ولايروح فكرك لشئ ثاني اتوقع
انك تعرفيني من خلال هالفتره حتى لوفتره قصيره تعرفين ان البنات اخر اهتمامي
غاليه وندمت على عدم تحكمها بمشاعرها ..طيب اسفه
فارس وحس بندمها وطنش ..ماعلينا شوفي اذا العشاء جاهز عطينا خبر
غاليه بندم ..اان شاء الله


ابتسمت غاليه لنفسها حست انها بالغت برد فعلها ومو معقوله تكون تغار بس
وقفت عند هالكلمه وقالت ليه لا احتمال الا اكيد فارس حتى لو ماحبني فهو له
مكانه عندي واحساسي طبيعي يمكن مايكون فيه مشاعر تصل لدرجة الحب
بس يمكن احس ان فارس من حقي تملك المرأه ظهر بلحظه عند غاليه اعجبها
هالاحساس ماخافت من غيرتها بالعكس حست انها شئ حلو بحياتها انها تغار
بس البنيه مالها دخل خلني ارجع عندهم واوسع صدري


عهد وبراحه كبيره ..بصراحه انبسطت معكم
نوره وهي مبسوطه ..عهد انتي فله
عهد وتضحك على نوره واسلوبها
دانا وتناظر نوره ..نوير خلي المصطلحات هذي بعدين
نوره وتوقف..اسمعوا الاسبوع الجاي والتفت على هند ..لاتنحرجين عادي
المهم شبكتها علىااخوي وانتي اول المعزومين يمكن يعجبك اخوي الثاني
ههههههههههههههههه ضحكت ماكملت لان غاليه رمت عليها المخده
عهد باايتسامه ..ليه رميتها
ديما..ايه زوجها بس ملكه مابعد تزوجوا
عهد باابتسامه ..الله يوفقك
ريم وتلتفت لهند ..هند اخوي بينجن وش انتي مسويه له اعترفي
هند بدلع..ان ماسكتوا بطلع
غاده..اتركوها بحالها حرام احرجتوها
ديما وتصرخ..صح بعد غاده
غاده تقاطعها...اسكتي
ديما وتضحك..مابسكت غاده حنت على روميو وافقت على سالم ولد عمي
نوره ..كلوووووووووش عندنا زواجات بالاجازه
غاده بحياء..زواجي باايام العيد مو بالاجازه
ريم وتبتسم..الف مبروك الله يوفقك
الكل بارك لغاده وتمنى لها التوفيق

انتهت العزيمه حلوه قدرت تتأقلم عهد مع البنات بسرعه وهذا لان الطرفين
يملكون طيبه تسهل هالتعارف ..

طلع احمد غرفته ينام ..وراكان طلع مع تركي وبندر..اما محمد طلع للبيت
وتحديدا غرفته حتى يكلم دلال ..سامي طلع للبيت حتى ياخذ رائي اخته بعهد .
.اما عبدالله فما حضر من اصل ..

ولاظل بالمجلس غير فهد وفارس لان الاثنين عندهم كلام يقولونه لبعض

فهد ويشيل شماغه ..تكلم
فارس..خلاص بتمم زواجي بعد زواج احمد حيكون مختصر بالبيت
فهد يبتسم..زين والله بس ليه كأنك مو مبسوط
فارس ويدخل يده بشعره..لا مقتنع خلاص بس اخاف هالبنت تقلب حياتي اللي
تعودت عليها
فهد يبتسم..اكيد لو قلبتها بتكون للاحسن عطها فرصه ووانت بعد ماتدري يمكن
تكونهالبنت هي الفرحه الحقيقه بحياتك
فارس ..الغريب انك ضابط وهذا كلامك
فهد بصوت حاد..ليه والضابط ماعنده قلب
فارس ويضحك..اسفين بس انا مشكلتي بديت اتقبلها مثل ماهي وهذا غريب انا
متعود اني مااتقبل احد الا اذا كان مثل ماانا ابيه
فهد ويبتسم..ودي اقول السبب بس اخاف تطردني وانا ابيك بموضوع مهم
فارس ويسترخي عالكنبه ..هو انا مااضمن اني مااطردك لكذا قوله قبل ماتطلع
وعطنا موضوعك
فهد ويتنهد..موضوعي عندك وطلبي عندك
فارس..ابشر
فهد..انا بتزوج واخترت ريم اختك
فارس استغرب وركز على فهد بعدين غير عينه وسكت خمس دقايق
فهد بكل ثقه ..شفيك
فارس ويتعدل..اسمعني فهد مابقول لك بسألهم وارد لا ولابقول انك تنشرى لا
لانك عارف كل هالشئ الي بقوله لك انت متاكد من اختيارك لريم فكرت زين
فهد استغرب..قصدك اننا مانناسب بعض
فارس ويعدل جلسته ويكون مقابل فهد ..ايه اسمعني انا بقول لك رائي ريم
اختي كاتبه تألف كتاب وتكتب مقالات ولما طلبت رائي قلت لها موافق واذا بتكتبين
بااسمك الحقيقي ماعندي مانع لكنها رفضت وفضلت الاسم المستعار السؤال هل
بترضى انها تكون كاتبه هذا الي انا اخاف تتعارض انت وياها ريم ذاتها واحساسها
بنفسها بقلمها بالكتابه وانت غيوووووور انااعرفك واتوقع هنا بتكون نقطة خلاف
هل بترضى انها تعمل مداخله بقناة او لقاء بمجله على فكره عرض عليها هالشئ
وهي رفضت قالت انا لسى ببداية الكتابه


فهد ويتنهد ..فكرت بكلامك وغيرتي ماتعني اني انسان متزمت بالعكس يسعدني
ارتبط باانسانه لها كيانها وفكرها لانها بالنهايه بتكون ام لعيالي وهي الي بتربيهم
معي وهالشئ بينعكس عليهم فارس انا موافق انها تكتب وتستمر على ماهي عليه
وصدقني فكرت كثير واخيرا قررت واذا انت تشوف ان الغيره تتعارض مع حرية
الرأي بحدود الدين فهذا شئ ثاني
فارس ..لا بالعكس انا احترم هالنقطه منك لكن اتمنى فعلا تكون فكرت فيها كثير
لان هذا شرط ريم الاساسي للزواج انها تظل على ماهي عليه تكتب وتنمي موهبتها
ولايجبرها على ترك هالهوايه
فهد يبتسم..مقتنع وفكرت كثير


فارس يبتسم..اذا كذا ماعندي مانع نسألها ونشوف
فهد ويبتسم..واذا وافقت بصراحه انا ابي اشوفها
فارس رفع حاجبه..طيب وطلبات ثانيه استاذ فهد
فهد,,,هههههههههههههه لا شكرا بس هالموضوع بيني وبينك امي لاتدري
يعني لاتقول لخالتي حتى لو لا سمح الله ماتم الموضوع مايكون فيه أي شئ
فارس ..ان شاء الله قلي السبب الحين
قام فهد واخذ شماغه وهو مبتسم ..بقوله وانا طالع لاني متاكد بتطردني لكذا
خلني اطلع بكرامتي
فارس. ويضحك .الله يستر منك قل لااطردك الحين
فهد وهو عند الباب ..من زمان قريت مقوله عجبتني تقول الحب الحقيقي ان تحب
الحبيب بعيوبه لا ان تغييره ثم تحبه
فارس ..هههههههههههههههاي مستحيل احب ولابعد حب حقيقي
فهد يغمز له ..كل شئ جايز بوقتنا يالله تصبح على خير


طلع فهد وترك فارس بحيره ياترى كلام فهد صح وهو بدأ يحب غاليه ولاول
مره يتذكر غاليه على انها بنت تذكر شعرها كان اغللب الوقت مرفوع مع خصل
مبعثره على وجهها وواضح انه مصبوغ لانه مخصل ..عيونها حلوه ملامحها
هاديه جدا فيها جاذبيه اكثر من الجمال جسمها رويان وطولها معقول انسانه
عاديه بنظر الكثير لكن بنظر فارس حلوه لانه مايحب الجمال ودائما يقول صدق
من قال الملح يغلب الزين ..ابتسم على تفكيره والمسار الي راح فيه لكن قال لنفسه
وهو طالع عادي تفكير طبيعي باانسانه باارتبط فيها بعد اشهر قليله ..

في بيت ام سامي كان سامي مع خواته


سامي بتوتر ..تناسبني والا لا
ديما بحيره ..مااتوقع
غاده. وتركز على اخوها .ولاانا
سامي بخيبة امل ليه.
ديما ..سامي انت تبي بنت حركه مو مثل عهد
غاده تبتسم ..بالعامي ملكعه
سامي..هههههههههه حرام ليه حكمتوا علي كذا
ديما..لان هالنوعيه الي تعجبك عهد حلوه وطيبه بس حياويه وهاديه وهالنوعيه
ماتعجبك
سامي وبااصرار ..بس انا ابيها
غاده وهي قايمه..فكر لاتندم ياسامي لان الشكل مو كل شئ انا اشوف شخصيتها
عكس الي انت تبي
سامي ..بس انا ارتحت لها
دانا..استخير والله يختار لك الي فيه الخير
سامي ان شاء الله
طلعوا البنات وتركوا سامي بصراع مابين رائيهم بالبنت واحساسه تجاها ..


دخل البيت وحصل نوره
فارس.مستغرب .ليه مانمتي
نوره ..بطلع الحين كنت ادور جوالي
فارس.. اوكي تصبحين على خير
طلع وصادف ريم وغاليه نازلين من الدرج
فارس ويناظر رهم باابتسامه ..بعد انتم تدورون جوالاتكم
ريم مستغربه..لا ليه
فارس..اجل وين رايحين
ريم..بنأكل حلا تبي ؟
وقف فارس وناظر جسمه ورفع راسه باابتسامه..مو شينه بس هاتيه بالصاله
فوق لاني مستحيل انزل
ريم..اوكي اجل بنطلع عندك تتحملنا نجلس معك
فارس ..طيب احمد نام
ريم وهي تضحك..يقول بينام بسرعه عشان يجي الاسبوع الجاي
فارس وهو طالع رمى شماغه على ريم الي مسكته بسهوله..ارمي عالخدامه
بطريقك
ريم مكشره..حطه بسلة الغسيل بغرفتك مافيني اطلع فوق
فارس وطنش ..مالي خلق اشيل شئ
ضحكت غاليه وخذته..انا بطلعه وانتي جيبي الحلا
ريم ..اوكي
مشى فارس ولاحس بغاليه الي كانت ماسكه شماغه وصل لدور الثاني وكملت
غاليه التفت عاليه
فارس يبتسم..مشكوره غاليه
غاليه من غير ماتلتفت..العفو
جلست خمس دقايق فوق تنتظر ريم توصل وسمعت صوتها ونزلت بس ريم
وقفت ماطلعت وغاليه شافها فارس ونزلت وجلست بالصاله كانت ماسحه
المكياج ورافعه شعرها ولابسه جلابيه اورنج وتفاحي ..
فارس وبتركيز احرجها ..فرق السماء عن الارض شكلك بالمكياج والحين
غاليه وحبت تقهره ..اكيد بالمكياج احلى
فارس..طبعا لا الحين احلى
غاليه تبتسم..بالعكس
فارس..اتمنى انك فعلا تعانديني لاني فعلا مااتخيلك بهالمكياج
غاليه سكتت وظل فارس يتأملها وهي انحرجت وحاولت تلهي نفسها بجوالها
فارس..عندك بلوتوث
غاليه..ايه
فارس..واسمك شو
غاليه ارتبكت بس قالت بالاخير..عذراء الحب
تغيرت ملامح فارس وعدل جلسته..اسم غريب بس حلو عذراء الحب اسم جميل
هذا يعني انك ماقد حبيتي
ريم تقطع حوارهم وهنا انقهر فارس وارتاحت غاليه ..احلى حلا لاحلى وقفت
بعدين ابتسمت والتفت على فارس ..ودي اقولها بس لاتزعل وانتي لاتعصبين
لاحلى مخطوبين
ضحك فارس وابتسمت غاليه ووصلت نوره وقلبت الجلسه ضحك لحد ماوصلت
عند كلمتها لعهد لما قالت لها يمكن يعجبك اخوي وهنا عصبت غاليه
غاليه..نوره اذا قلتيها والله مااكلمك
فارس وانقهر..ليه شقايله غاليه
لما بدت نوره تحكي قامت غاليه بتطلع بس مسك فارس يدها وهالحركه كانت
صدمه لفارس وغاليه اما نوره سكتت لان فارس اشر لها تسكت
فارس ويأشر لغاليه جنبه..اجلسي خلاص مابتقول
شئ حتى فارس توتر من مسكة يدها ومن قربها بس بسرعه سيطر على نفسه
وكان طبيعي بعكس غاليه الي بين عليها الخجل
جلست غاليه جنب فارس وكانت هذي اول مره من اشهر تجلس بهالقرب من
فارس احساس الخوف الطبيعي الي ممكن تمر فيه أي بنت لما تجلس جنب أي
شاب وتضاعف هذا الاحساس عند غاليه بسبب علاقتها مع فارس بااعتبار انه
زوجها شرعاً ..
نوره تبتسم..غاليه بنفسي خليني اقول
فارس ..خلاص نوره خليها براحتها
ريم بهدوء..غاليه شرايك بعهد
هنا ركز فارس على غاليه حتى يسمع رائيها بسب كلامها معه عنهم
غاليه ..ماعليها حليوه
نوره..بالعكس بس انتي كنتي سرحانه وغمزت لها
ضحكت غاليه..نوير فكيني اليوم من شرك
ريم وتبتسم..بصراحه نوره صادقه غاليه اليوم مو معنا بعالم ثاني شصاير
سكت غاليه وحس فارس انها انحرجت فقام ..يالله انا بروح ومشكورين عالحلا الحلو
ريم ..وين مابقى غير ساعه عالصلاة بتنام
فارس ..لا بتصفح لي كتاب لحد الاذان
نوره تبتسم له ..قصدك ان الكتاب ابرك من مقابل وجيهنا
فارس..ههههههههه لا مو القصد بس عشان تأخذون راحتك بالحش كالعاده
ريم وتبتسم..خلاص حشينا
فارس ابتسم..ريم ابيك موضوع مهم بس مو وقته الحين ذكريني بكرا
نوره..ياسلام واحنا يعني
فارس ..نوير انتي متى بتعقلين
نوره استحت..طيب ابي اعرف
فارس ..هاللقافه خليها عنك المهم يالله تصبحون على خير
راح فارس عن الصاله بس مازال يمشى مابعد دخل غرفته والتفت نوره على
غاليه الي تضحك وقامت بسرعه
نوره فارس راح لعنده وكلمته بأذنه..الله يخليك بقول لغاليه اني قلت لك
فارس ويهز راسه ويبتسم..لاحول ولاقوة الا بالله ليه طيب
نوره بزعل..عشانها تضحك علي
فارس التفت على غاليه وحصلها مركزه عليها وضحك ورجعت نوره وعلى
طول ضربتها غاليه..احلفي انك قلتي له
نوره..حسبي الله عليك ماقلت له شئ بس بقول له
غاليه بااستهتار..قولي
نوره وتوقف..غاليوه لاتتحديني
غاليه وتضحك..عادي
راحت نوره بتجاه غرفة فارس ونادتها غاليه بس طنشت ودخلت للمكتب وحصلت
فارس عالكمبيوتر
نوره..فارس
فارس وهو يقرأ ..نعم
نوره..غاليه تقول عادي اقول لك
فارس ويلتفت عليها..وانتي ليه مصره تقولي خلاص كيفها
نوره..لا انا مابقول بس بلعب عليها لكذا دخلت غرفتك عشان تضبط كذبتي
فارس عصب..نوير قولي السالفه والحين
نوره وبسرعه ..اخاف تزعل بس انا قلت لك عشان اللعب عليها يعني مابقول
بس كذا
فارس وبصوت اعلى شوي ..قولي السالفه اقولك وبسرعه والا قمت عليك
نوره عرفت ان فارس عصب وقالت خليني اقول له واريح عمري وقالت له الموضوع
فارس ..طيب روحي وخلي غاليه تجي لي
نوره خافت ..ليه
فارس..نوره انا رايق لاترفعين ضغطي
نوره وراحت له وحبت راسه وضحكت وطلعت


بالصاله كانت ريم وغاليه يسولفون وجتهم نوره وهي مبتسمه
نوره..والله غصبني اقول انا كنت بلعب عليك
غاليه..عادي
نوره ..يعني مازعلتي
غاليه..لا انا ماكنت ابيك تقولين له وانا جالسه والا الموضوع ماهمني
نوره وتجلس,,طيب روحي يبيك
شهقت غاليه..قولي له نامت
مسكتها ريم..روحي وخليك قويه
غاليه..ماابي اخاف
نوره..والله عادي ومبسوط
راحت غاليه وطقت الباب وحصلت فارس مازال عالكمبيوتر وقال لها تتفضل
بس الفضول ذبح غاليه وحبت تعرف شويقرأ دائما جالس على هالجهاز
وجلست بالكرسي الي يخليها تشوف الموقع حس فارس انا مركزه معغه وهو
يكتب والتفت عليها بسرعه ونزلت راسها تعدل فارس ولف وجه لها
فارس..هذا موقع انا اكتب فيه
غاليه وبسرعه ..تكتب فيه شو اسمه
ابتسم فارس..ليه
غاليه وتغير عينها ..حب استطلاع
فارس ويركز عليها ..اسمه غروب الشروق
غاليه وتلتفت له ..اسم غريب
فارس وتسند ..وين الغرابه
غاليه وترفع خصل من شعرها..لما تجمع الالم مع الامل تكون فعلا انسان غريب
فارس..بس الغروب مو دايم يعني الالم
غاليه وتحاول ماتحط عينها بعينه..بس الغروب يعني الفراق
فارس..الغروب بعده شروق يعنيي فراق مؤقت
غاليه..واحيانا مايكون فيه شروق وتكون شمس وغابت ولاعادت
فارس..ليه نبرة الحزن
غاليه..مو حزن بس ذكريات
فارس..انتي ماتكتبين بمنتديات
غاليه..لا اقرا
فارس..شيكي على هالمنتدى واذا عجبك شاركي
غاليه بتلقائيه..وانت شو اسمك
فارس يبتسم ابتسامه حلوه ..بتركه لذكائك تكتشفينه
غاليه..اوكي قالت لي نوره انك تبيني
فارس ويقوم ويجلس قبالها بطريقه خلت غاليه ترتجف من الخوف
فارس ..ماابي شئ حبيت اسولف معك
غاليه مستغربه..متأكد
فارس يبتسم..عندك شك
غاليه..بصراحه غريبه
فارس..محتاج افهمك
غاليه..بس بالصاله نجلس احسن
فارس..احنا بالمكتب بعيدين عن الغرفه الا صح انتي ماشفتي جناحي
غاليه بخوف..مو لازم
ضحك فارس وقام ونادى ريم
ريم..ايوه
فارس ..ادخلي مع غاليه جناحي تشوفه ماتبي تدخل معي
ريم باابتسامه..يالله تعالي
غاليه منحرجه ..مو لازم
ريم تسحبها ..تعالي بس

تعدوا المكتب لممر صغير وفتحوا الباب كانت غرفه وصاله مفتوحه على بعض
لكنها رائعه بكل ماتعني الكلمه من معنى بعيده كل البعد عن شخصية فارس الي
تعرفه غاليه فيها حياة وجمال وامل لونها بيج والصاله اورنج والصوره لخيل
بالصاله موقعه بتوقيع صدم غاليه فارس محمد (الجامح) وباب صغير جنبه


غاليه ..هذا الحمام
ريم باابتسامه..لا هناك الحمام
غاليه..اجل شو هنا
ريم توترت ماعرف شو تقول
فارس ومتسند عالباب..هنا مرسم صغير لي


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -