بداية

رواية ليتها من جفاها تستفيد -16

رواية ليتها من جفاها تستفيد - غرام

رواية ليتها من جفاها تستفيد -16

**عند البنات **
جالسين في الحوش الساعه 1 بالليل
سلمى: ملل اف
سميه: لااااا عيب حقوق الطبع محفوضه
سلمى:أي حقوق؟؟؟
سميه : هذي كلمة شوق محد يقولها
شوق: انتوا خلوني بحالي
رهف: وش رايكم نسوي سباق؟؟
سلامه: الله وناسه .... انا موافقه
البنات : يالله
سلامه: انا اول
سميه: يالله انا اتحداك
وبدا السباق وفازت سلامه
رهف: انا مع سلمى
وبدا السباق وفازت سلمى
شوق: انا مع ذوق
بدا السباق
وهم جالسين يتسابقون انفتح الباب و........ طااااخ (تصادم ارضي) كانت بتطيح بس حد مسكها
ذوق: وجع يا ........ وسكتت
البنات:؟؟؟؟؟؟؟؟؟؟؟؟؟؟؟؟؟؟؟؟
.....: سلامتك
ذوق: عــــ....عبدالرحمن!!!!!!!
عبدالرحمن:ههههههه وش فيك تركظين
شوق: هـــــي هد اختي ...
البنات؟؟؟؟؟؟؟؟؟؟؟؟؟؟؟؟؟
عبدالرحمن انتبه ان للحين وهو ماسك ذوق وهدها بسرعه:
آسف
شوق:انت وش جابك الحين ..... ماتشوفنا مشغولين؟؟
عبدالرحمن: الله والشغل .... وش الشغل اللي عندكم؟
شوق: جالسين نلعب
عبدالرحمن: ابغى العب معكم
شوق: خلصت خلاص تعبنا شوفني انا تعبانه
عبدالرحمن: انتي ماتتعبين انتي تتعبين بلد
شوق: قول مشاء الله لاتجيني عين منك ........ يمه جتني عين ...... وتسوي روحها تطيح ..... شفت تعبت قول مشاء الله
عبدالرحمن: صدق مجنونه اذلفي لو انك مو اختي كان رميتك في الزباله
شوق: اوريك اذا خليتك تاخذ ذوق
عبدالرحمن: فديت هالطاري وباخذها غصبا عنك اذلفي عني
... وراح عنها
البنات: ههههههههههههههههههه والله وتهزأتي ياشويق
سلمى: ههههه المهم حنا لازم نروح اخوانك هنا
سميه: ايه صدقها سلوم لازم نروح
رهف: اجلسو وش وراكم؟
سلامه: انا بجلس مو رايحه الا الفجر
شوق وذوق:وحنا بعد
رهف: انتوا اجلسو وش تسوون في بيوتكم؟
سميه: خلاص بنجلس
رهف: اجل خلونا نروح نطالع فلم رعب
ذوق: جبتيها
شوق: لا انا اخاف
سميه: سوي زي كل مره الزقي في رهف
شوق: بدون ماتقولين
وراحوا البنات غرفة رهف يطالعون فلم وطبعا اللمصابيح مطفيه لزوم الرعب
....
"اليوم الثاني"
هالوقت الحريم متجمعين عند ام عبدالله
ام عبدالله: حياكم تو مانور البيت
ام عبدالرحمن: منور بأصحابه
ام عبدالله: الا اقول ياام ذياب ماقال ذياب متى بـجي مع زياد؟
ام ذياب: لا ماقال
ام زياد: يقول زياد بعد يومين اذا خلصوا شغلهم
جوري: السلام عليكم
الكل: وعليكم السلام
جوري: انا اقول ليه بيتنا منور
ام زياد: تسلمين ياجوري
ام عبدالله: جوري يمه خواتك ماصحوا
جوري: الله يهديك يايمه وين يصحون الى الساعه 6 مابعد ينامون وتوها الساعه 7
ام عبدالرحمن: هذي حالتهم سهر بالليل ونوم في النهار...امس شكلهم مشتطين ضحك ولعب في الحوش
ام ذياب: الله يحفظهم
جوري: شدي حيلك وجيبي لذياب بنوته
ام ذياب: هههههههه
جوري: اقول خالتي ماشفتي اذا كان بنت ولا ولد
ام ذياب: مو معلمه
جوري: يعني شفتي؟
ام ذياب:ايه بس مو معلمتك
جوري: عرفنا بنت
ام ذياب: يمكن ولد
جوري: بنت وقولي انا ماقلت
ام ذياب: الي يجي حياه الله
ام عبدالرحمن: الله يقومك بالسلامه ويسهل عليك
ام عبدالله: حياكم على الفطور
...
*** في الرياض ***
وليد جالس في المطار مع اهله ينتظرون رحلتهم الى جده
ام وليد: ياولدي كأنهم تأخروا علينا
ريم: يمه قالو الطيران بعد شوي ...خلاص ها نادوا قومو خلونا نركب
فارس: ها ريوم اشوفك متحمسه
ريم: من زمان مارحنا الحرم ايام مع خوالي
....: ومن قال حنا مو رايحين معكم
لفو على الصوت
رغد: خالي راشد
خ_ راشد: هههههههه مفاجاه
فارس: خالي الله يهداك وينكم بطيتوا
خ_ راشد: والله العيال ياالله صحوا من نومهم
فارس:خلونا نروح قبل ماتطير عنا الطياره
وليد:توكلنا على الله
........
في لندن عندهم الساعه 4المسى
اما في الرياض الساعه 7المغرب
اثنين جالسين في المقهى عند ربعهم
طلال:زياد متى راح تروحون عند اهلكم
زياد: مدري يمكن بكره اوالي بعده
ذياب: انا ودي اليوم قبل بكره
بدر:ههههههه ايه مو قادر يصبر عن فراق غناته
ذياب: فديت هالطاري
زياد: الحين فديت هالطاري مدري من مزعلها وسافرت ولا راضاها
بدر: لاماصدق
ذياب: ماكنت قاصد عرفت ان مو رايحين معهم وزعلت
طلال: انت ماقلت لها من قبل؟؟
ذياب: لا ماقلت
زياد طلع موبايله
طلال: وش تسوي ؟؟
زياد اسفهه ودق على رقم
زياد:هلا وغلا هلا بهالصوت وراعيته
سلامه: زيووووود اخبارك وينك ماتسأل ماكأن عندك اخت في لندن والله اشتقت لك
زياد: ههههههه شوي شوي بالعه راديوانتي انا بخير غناتي والله كنت مشغول كثير
ربعه علامات الاستفهام على وجيههم
زياد: ههههه انتي اخباركم وطمنيني عنك وعن الباقي؟؟
سلامه: كلنا بخير
رهف سحبت السماعه منها
رهف: هلا زيووووووود اخبارك؟؟
زياد:انتوا وش زيود عطيتكم وجه
رهف: مالت صدق انك مو وجه تدلع
زياد:ههههه اخبارك؟؟
رهف: بخير وانت؟
زياد:بخير بسماع صوتكم
رهف: احم اكيد لما تسمع صوتي بتكون بخير دامنى رهف بنت محمد
زياد: اقول لاتطيحين علينا الحين
الا اقول وش سويتوا شكلكم طلعتوا لهم قرون بخبالكم
رهف: لا لسى مابعد نطلع خبالنا كله نخلي شوي لما تجي نكمله فيك
زياد:هههههههه اقول رهف شكلنا بنجي ونشوفهم مجانين
رهف: عادي لاتستغرب
ذياب من سمع الاسم تغير ملامح وجهه
ولاحظ هالشي بدر الي كان جالس جنبه
زياد: يالله لاتخسريني اذلفي
رهف: مالت عليك انقلع ولااشوفك جاي لندن
زياد: هههه يالله باي
رهف:بايات
طلال: ههههههه تصدق حسبناك تكلم بنت
زياد: وانا كنت اكلم بنت
طلال: مو هذي بنت عمك
زياد: ايه
طلال: اشوفها عادي تكلمك ولابعد انت داق رقمها
زياد: ماكنت داق رقمها كنت داق رقم اختي وهي خذت السماعه منها بعدين رهف انا اعزها مثل اختي
بدر: بس الي يشوفك يقول يكلم خطيبته مو بنت عمه
زياد: هههههههه خطيبتي كان يذبحنا ولد العم
طلال: ليه هو وش دخله
زياد: هذي غناته
ذياب اخيرا تكلم: اخبارهم؟؟
زياد: تمام شكلهم مبسوطين كثير
ذياب: اهاااااااا
زياد تو انتبه لشي غريبه رهف ماسألت عن ذياب
زياد: اقول انا ماشي... تروح معي ذياب
ذياب : ايه جاي معك
في السياره
ذياب: زياد رهف ماسألت عني
زياد مايبغى يكسر خاطره وكذب عليه: الا تسلم عليك وقالت انتبه لك
ذياب: زياد حنا بكره لازم نروح لندن
زياد: من جدك.. والشغل
ذياب: نكمله هناك ونرسله للشركه بالايميل انا مو قادر اصبر
زياد: خلاص دق على الخطوط شوف لنا حجز
ذياب: الحين اكلمهم
كلمهم ومن حسن حظهم لقوا حجز
........
سلامه: رهيف غريبه ماسألتي زياد عن ذياب
رهف: وليه اسأل عنه ؟؟
شوق: هيه رهيف انتي مسخنه ولمست جبينها لا مافيك حراره
رهف: اذا ماسألت اكون مسخنه لاارتاحي انا بخير بس خليه يعرف اني مو ميته عليه
سلامه: لا البنت موصاحيه
رهف: اقول سكروا السالفه وخلونا نطلع للسوق
ذوق: يالله نروح ماعندنا شي
وراحوا قالوا لامهاتهم طبعا ماوافقوا الا لما احمد ومحمد راحوا معهم
شوق: واااااااو وناسه
رهف: انتي جنيتي وش وناسه ؟؟؟
شوق: عادي اشتهيت اقولها
رهف: اقول احمد؟
احمد: نعم
رهف: ماتدل مستشفى المجانين
احمد: ليه؟؟؟
رهف: لابس في وحده تبغي تروح هناك
وتسكن عندهم عشان يعالجونها
احمد: من ؟؟؟
محمد: اكيد شويق
سلامه: ماشاءالله عليك وش دراك انها اختك
محمد: هي من زمان يبغي لها تنقط في مستشفى المجانين
سميه:هههههههههههه مسكينه ياشوق
شوق: عمى يالحمير
سلمى: ههههههههه
شوق: وانتي ليه تضحكين يالحماره
سلمى: هههههه انتي شوفي شكلك بعدين تعالي تكلمي
رهف: اقول بنات شوفوا من قدامنا
البنات شهقواااااا
ذوق: هم؟؟
رهف: ايه هم
شوق: فديت هالشوفه والله
سميه:شويق اسكتي
شوق وهي تهمس في اذن سلامه:سلامه حبيته
سلامه: شوق انطمي
الاولاد جو جهة البنات والبنات خافوا لان احمد ومحمد معهم
فيصل: هلا احمد وش تسون هنا ؟
البنات:؟؟؟؟؟؟؟؟؟؟؟؟؟؟؟؟؟
محمد: ابد سلامتك بس جينا مع البنات
فيصل: الله يعينكم
محمد: ههههههههه لاتتعب رجولكم
احمد: قل بنتكسر مو نتعب
محمد: اقول انتوا طالعين
فيصل: لا تونا جايين
محمد:اهااااااا اوكي اجل خلونا نشوفكم اليوم
فيصل: لاااااااا امس حنا عندكم انتوا تعالوا لنا اليوم
احمد: اوكيه اقول للشباب ونجي
محمد: حياكم
وراحوا عنهم
رهف استلمت اخوها بالاسإله
رهف: احمد من هالاولاد؟
احمد: ربع عبدالرحمن
رهف: اهااااااااااا
شوق: حضك يارهيف ربع اخوك يعني يمكن يخطبونك
رهف طالعت شوق بنظره خلتها تسكت
....
فيصل: البنات الي مع احمد مو البنات الي شفناهم في الطائره
محمد: الا هم
فيصل: تتوقع خواته
محمد: يمكن
فيل اهااااااااااا ... مشاء الله عليها جميله ومااتوقع انها مخطوبه
محمد: فيصل
فيصل: هلا
محمد: وش فيك لي ساعه اناديك؟
فيصل: ولا شي خلنا نروح
........
شوق: انا ابغى هذا حلو عاجبني
سلامه: قالك محجوز
سميه: شكلها ماتفهم
ذوق: حبيبتي شوق قالك محجوز
شوق: ابغاه يعني ابغاه
سميه: رهف قولي لها شي
رهف: هاااا..خلوها تولي خلونا ندخل هالمحل
دخلوا البنات وصدفه تلاقوا بفيصل ومحمد
رهف راحت عند الساعات وشافت وحده وعجبتها ولبستها
....:حلوه عليك
لفت رهف وشافته وراها
فيصل: ذوقك حلو ممكن تختاري لي ساعه
رهف: احترم نفسك لو سمحت
فيصل: بس انا ماقلت شي
مشت رهف وتركته
محمد: فيصل وش رايك في هالساعه
فيصل: حلوه وربي تجنن
محمد: نعم
فيصل: ها ... ايه حلوه حقت بنات
محمد: بس هي ولاديه
فيصل: حلوه خذها
محمد: منت على بعضك
فيصل ااااه ياصديقي ماسوت فيني بنت الناس خير
طلعوا وشافوا رهف عند احمد
احمد: اشوفكم هنا
فيصل: ايه لسى موجودين
محمد: وش تسون هنا
فيصل: محمد يبغى يشتري له ساعه
احمد: وانت يافيصل ماتبغى تشتري
فيصل: لا انا مابغى اشتري شي
سمعوا صراخ من وراهم
لفوا جهة الصوت شافوا شوق تصارخ
محمد راح لاخته
محمد: عمى فشلتينا
شوق: ياحمار مر كلب جنبي
رهف: ههههههههههههه طيب وش فيها
محمد: فشلتينا عمى
سميه مو قادره تمسك نفسها وجلست من كثرالضحك
محمد: رهف خذيها لاتفشلنا
رهف: قومي اوديك دورة المياه تغسلي وجهك
شوق: لااااااااااا ماابغى ماابغى اروح محل بظل هناااا
سلمى: شويق عمى لاتصارخي خلينا نروح
شوق: لااااااا ماابغى ماابغى
ذوق: شوق الكلب راح
شوق: كذابين هو راح هالجهه ماابغى اروح
سميه:طيب نروح البيت
شوق: ماابغى اروح محل
رهف: امشي عمى خلينا نروح
شوق: لاااااااااااا ماابغى يعني ماابغى
سلامه: هههههههه والله انك بزره يالله بنروح البيت
شوق: قلت لكم ماابغى اروح مكان بضل هنا
رهف: اجلسي حنا بنروح والكلب بيرجع مره ثانيه
شوق : ها.. كلب تعالوا بروح البيت معكم
...
محمد: ههههههههههه
فيصل: وش فيهم؟؟
محمد: اختي مر جنبها كلب وصرخت
احمد: وش سويت فيها
محمد: خليت اختك رهف تمسكها
فيصل : ههههه البنات دلوعات
احمد: عن اذنك راح نمشي اختي تناديني
فيصل لف وراه شاف احمد يروح لهااا
رهف اسمها رهف واخت عبدالرحمن
.....
رجعوا البنات
وراحوا بيت عمهم متعب كانوا الكل هناك
ام عبدالرحمن: وانتي ماتملين من الساعات
رهف: ماما تدرين فيني اموت في الساعات
جوري: هههههههه خالتي خليها توسع صدرها
رهف: انا جايعه خالتي مافي شي حدي جوعانه
ام ذياب: ههههه روحي المطبخ وشوفي
سميه: كلنا مو بس هي
رهف: قوموا معي
ام عبدالرحمن: هههه الله يهديها
ام ذياب: خليها على راحتها
جوري : بكره انا بروح السوق وش رايك تجين معنا خالتي
سلمى: حنا بنروح معك
مي: انتوا منتوا رايحين
سميه: ليه؟؟
هند: توكم جاين وش تبغون بعد
رهف: اقول حنا نروح مع جوري انتوا خلوكم مع عيالكم
هند: عيالنا نخليهم مع جداتهم
رهف: اف روحوا ميتات عليكم
سميه: المهم اليوم الجمعه في بيتنا تجون معنا
مي: يالله نجرب خبالكم
رهف: التذكره بميه لو سمحتي
جوري: ميه عاد
رهف: انتي عليك خصم لانك زوجة ولودي
جوري: رهيف
رهف: وش فيك منتي زوجة ولودي ولا غيرتك طلعت خخخخ انتي زوجة ولودي
جوري: رهيف عمى
رهف: تدرين انهم راحوا مكه لا صح شفتي انه حبيبي وهو بس زوجك
جوري فورت ورمت مخده على وجه رهف الي خلتها ترجع على ورى وتطيح فوق سميه
سميه: عمى قومي
رهف: واااااو عجبني الوضع مني قايمه
سميه: رهيف عما قومي بمووووت امي الحقيني
رهف: الحقوها ياقوم سوف اقتلها
سلمى: قومي عنها
سلامه: احسن لك تقولي وصيتك قبل ماتموتي
سميه: مي الحقيني
ذوق: اشك انها تقوم
سميه: مالت عليك اخت على الفاضي وانتي قومي عمى خنقتيني
رهف: هههههه بقوم لاتموتي علينا
وقامت رهف وجتها مخده من سميه
رهف: امي شوفيهم يظربوني
طرااااااخ في راسها من هند
رهف: يااغبيه بعدين يجيني ارتاج في المخ بعدين مااعرفكم
ضربه ثانيه على راسها من شوق
رهف: ااه ياراسي من انتم ومن اكون ااااه لااعرف من اكون لقد فقدت الذاكره
ضربه من سلامه
رهف: اااااااه لقد عرفتكم عادت الي ذاكرتي ... بعدين كأن خذتوها حلى
الكل:ههههههههههههههه
رهف: يالله ايدكم على ميه ماأمثل ببلاش
ام عبدالرحمن: تعالي عندي
راحت رهف عند امها
رهف: يمه تدرين اني اشتقت لك
ام عبدالرحمن: اشتاقت لك العافيه
ذوق: كلمتوا ود وعبدالله
ام عبدالله: لا ماكلمناهم
رهف: يالله بدق عليهم
دقت رهف على جوال اختها
ورد عبدالله
عبدالله: الوو
رهف وهي تصارخ: عبوووووووووووووود كيفك اخبارك واخبار اختي واخبار سويسرا يالله مع السلامه
وسكرت السماعه في وجهه
الكل استغرب من حركتها الا البنات عارفين خبالها
ام عبدالله: وش فيك سكرتي
رهف: لا عادي خليه هو يدق
شوي ودق عليها
رهف: احم الووو
عبدالله: ههههههه خبله ليه سكرتي
رهف: الله يسلمك بس عشان ماتخسرني
هو صدق كلا الحالتين فيه خساره بس يالله تفدا اختي
عبدالله:هههههه وش اخبارك؟؟
رهف: كلنا تمام كلهم عندي وحاطه سبيكر
عبدالله: كيفكم كل عندهاا؟
الكل: بخـــــــــيـــــر
عبدالله: من عندك؟؟
رهف: ماما ومامتك وخالتي
وسميه وسلمى وهند ومي وانا وذوق وجوري وشوق وسلامه
عبدالله: اهاااااااا..غريبه مو طالعين انتوا
رهف: لا تونا جايين المهم خلصنا وين ود
ود: الوووووو
رهف: هلا وغلا هلا بحبيبتي هلا باختي كيفك
ود: هههههههه انا توقعت اني اجي واشوفك عقلتي
رهف: لا مايصلح اعقل بعدين اطيح من عين العصابه
ود: ههههههه اخباركم يالعصابه
البنات: كلنا بخير ياعروستنا نمبر ون
ود:واخباركم يابنات
البنات جوري وهند ومي: بخير
ود: ماما وخالاتي اخباركم؟؟
الحريم: بخير دامك بخير
رهف: يالله مع السلامه نشوفكم بخير تطمني عليهم يالله روحي لايكفخني زوجك
بس لاتنسون اهم شي هديتي
ود: هههههههههههه يالله باي
رهف: باي
جوري: عن اذنكم انا بروح
رهف: سلمي على حبيبي
جوري: انقلعي
رسلت جوري لوليد رساله
عليم الله من شفتك وانا ما دمعت لي عين
اطير من الفرح وانسج مشاعركلها الحان

اعيش لحاظري وامسي..اعوض بالفرح فرحين
بعد ما كانت ايامي تعاند قسوه الحرمان


نعم انته الذي اهوى نعم يا بارق الخدين
تزلزل كل شي فيني برمش عيونك الفتان


تبدل خافقي بحبك وزانت دنيتي ضعفين
وصرت الكاتب الشاعر وصرت العاشق الفنان


انا هايم هيامٍ فيك يشهد له ليوم الدين
تصور كل ما اشوفك احس اني بعد ولهان


أسابق حالي لحالي عساي ارضى عيونك زين
واكون لدنيتك شمسٍ واكون لخافقك شريان


احبك يا شعاع الشمس واجمل ما رأته العين
احبك حيل يالغالي فدتك الروح والاشجان


انا جيتك وانا كلي احاسيس ومشاعر لين
تداعب مهجتي وتغرس ورودك داخل الوجدان


انا جيتك انا جيتك وكلي غرام سنين
ولا افكّر باحد غيرك ولا غيرك احب انسان


بعدها دق عليها
وليد: هلا حياتي
بعد ماسكرت ود من اختها
ود: ههههه ياحليلها ماتغيرت
عبدالله: اختك شمعة بيتكم تذكرين يوم يمرض ذياب كان بيتكم سكوت مافيه حركه
ود: صدقت هي مسويه في البيت حركه وجو
عبدالله: اذا جتنا بنت ان شاءالله تطلع عليها
ود: عشان تشيبنا
عبدالله: هههههه فديتك ان شاء الله تطلع مثلك هاديه وجميله
ود: فديت روحك حبيبي
......
"اليوم الثاني "
اقلعت الطائره من السعوديه الى لندن حامله معها اجمل ابطالنا
ذياب: متى نوصل يازياد متى
زياد: ههههه تونا متحركين ياولد الحلال
ذياب: بنام واذا وصلنا جلسني
زياد: لابخليك نايم وبنزل عنك واخليك ترجع السعوديه
ذياب: اعرفك نذل تسويها خلاص مو نايم
زياد:هههههههه

يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -