بداية

رواية واخيرا حبينا بعض -1

رواية واخيرا حبينا بعض - غرام

رواية واخيرا حبينا بعض -1

حبينا بعض
روايه رومانسيه
جريئه واايد
الكـــــاتبة : مفتـــــــون قلبي
منتديات غرآم
في بيت أبو مصعب (الساعه 6 الصبح)
كانت الشمس مشرقه تنور الدنيا بنورها وعلى احد النوافذ منزل أبو مصعب كانت مرام نايمه او نقدر نقول في سابع نومه دخلت عليها امها وراحت لي عندها : يمه مرام يلا حبيبتي قومي الساعه الحين 6 بتتاخرين يلا
مرام بصوت نايم : انزين انزين بس 5 دقايق واقوم
(مرام حلوه بمعنى الكلمه سمره فاتحه واايد لدرجه توصل الى البياض وعيونها مكحله ولونها عسليه وخشمها صغير يناسب ملامح وجها الطفولي وشفاتها ورديتين غامجين متوسطين وعمرها17 سنه )
ام مصعب تهز راسها : يعني 5 دقايق بتشبعج نوم يلا قومي علشان ما تتاخرين على المدرسه
مرام بتعب وتكاسل والنوم في عيونها قامت ودخلت الحمام وهي تتحنده : اففففففف متى اخلص مدرسه مليت
ام مصعب وهي تطلع من الغرفه : وي من حلاه قعدت البيت عاد يلا بسرعه يمه لا تتاخرين.
بعد ما طلعت ام مصعب من بنتها راحت وقعدت ويا أبو مصعب يتريقون( ام مصعب : ربت منزل وتحب عيالها وايد واكثر شي تدلع ولدها العود مصعب وعمرها 44 سنه.)
كان مصعب معاهم (مصعب شخص وسيم بنيته الجسديه عريضه وفيها عضلات وهو من الطراز الشوي قديم ومتشدد شوي بدين عمره 24 سنه )
ام مصعب وهي تصب الجاي حق أبو مصعب : اففف تعبتني هل المرام وايد تحب النوم
أبو مصعب وهو ياخذ منها الجاي : الله يعينه ويعين الي بياخذها
ام معصب وهي تطالع مصعب وتضحك : ههههههههههههههههه اي الله يعينه وان شاء الله نشوفها عروس بس خل مصعب بالاول يعرس لانه هو البجر واكيد يبي يفرحني
(أبو مصعب رجل شديد وصارم ويحب عياله وايد وعمره 49 سنه).
مصعب مثل كل مره يحاول يتهرب من طاري الزواج : اقول يبا انا اليوم لازم اروح من وقت المكتب تعرف وايد اشغال عندي يلا مع السلامه
قام من مكانه على طول وطلع من البيت قبل ما يقولون له مع السلامه
ام مصعب الي تضايقت من الخاطر على مصعب : ياربي
أبو مصعب وهو ينزل الجاي : سمعيني يا شيخه اذا ولدج يبي يتزوج بيتزوج لا تعورين راسج وقلبج يا شيخه (ام مصعب اسمها شيخه) في هذا الوقت نزلت مرام وهي لابسه زي المدرسه الكحلي الازرق الغامج ولامه شعرها ذيل حصان ومنزله قذله وكانت لابسه شنطتها وهي تمشي للباب بتطلع من البيت : يلا مع السلامه
ام مصعب واأبو مصعب : تريقي بالاول
مرام : يبا يما تعرفون انا ما احب اتفطر ايام المدرسه
أبو مصعب : شالطبع يلا تعالي تريقي
ام مصعب : لا تحاول ماراح ينفع معاها عنيده وراسها يابس
مرام وهي طالعه : يلا بااااااااااي
اأبو مصعب وام مصعب : مع السلامه
--------
بيت أبو سعد (الساعه 9ونص)
في بيت أبو سعد وبالتحديد غرفه سعد كان يتكلم في التلفون سعد وهو مغمض عيونه ومنسدح على السرير : حياتي ولهت عليج ودي اشوف عيونج الحلوه
البنت بصوت دلع : ههههههههههه انا بعد يا حياتي متولهه لك من زمان ما شفتك بس تعرف ظروفي في هاليومين ما اقدر
سعد وهو يتنهد بصوت عالي :اقول رغوده حياتي
رغد: هلا آمر عمري
سعد وهو يعدل في قعدته : انا بصراحه خلاص ما اقدر انتظر اكثر حياتي وراح اتقدم لج ولي فيها فيها
رغد طايره روحها من السعاده والوناسه : صج حياتي
سعد وبنبره رومانسيه : اكيد يا عمري اكيد
رغد وبصوت فرحان : يالله اشكثر انا مستانسه
سعد : خلاص عيل انا اليوم بكلم الاهل
رغد : طيب حياتي
سعد: طيب ان شاء الله انا الحين باروح الشغل اكلمج بعدين
رغد: ان شاء الله باي حياتي
سعد : رغد
رغد : هلا بعيون رغد
سعد : انا احبـــــــــــــــــــــــــــج
رغد : ...........................
سعد: رغد انتي معاي
رغد : اي معاك
سعد : انا احبــــــــــــــــــــــــج
رغد : وانا
سعد: وانتي شنو
رغد : مثلك
سعد : شنو مثلي
رغد :انت تعرف يلا اخليك الحين علشان ما تتاخر على الشغل يلا باي حياتي
سعد: اوكو باي عمري
( سعد انسان رومانسي وايد وطيب ويشتغل مع اأبوه بالشركه وهو اكبر من اخته واخوه و عمره 25 سنه ودوم يحب يتسبب في اخوه ...سعد يهبل بكل معنى << يعني تحطيم وسكسوكته عذااااااااب . بالإختصار (معذب قلوب.). شعره بني فاتح وعيونه عسليه فاتحه ماااااااايله للذهبي ...
شعره طويل شوي لين تحت أذنه . وعنده سكسووووووكه تجننننن وعنده غمازه على خده اليسار ..
عيونه عسليه )
( اما رغد فهي وايد بنت نعومه وخجوله ورومانسيه وحلوه كلها انوثه وتجذب الكل وعمرها 20 سنه
شعرها أسود طويل وعيونها سوده وواسعه وبياضها بياض الثلج)
سكر سعد التلفون وهو فرحان ومن كثر الفرح ضم التلفون وقام يحببه وبعد الجنون طلع من غرفته في الصاله كانت ام سعد وسلطان يتفطرون
سعد : صباح الخير
ام سعد +سلطان : صباح النور
قعد سعد علشان يتفطر :الى وين اأبوي يما
ام سعد : اأبوك راح الشغل يقول وايد عنده اشغال تريق بسرعه وطلع
سلطان : اي احسن من سعد راقد لي هالحزه ولا كانه عنده دوام اليوم
سعد : عشتوا اقول اسكت واكل تبن احسن لك وانسرد لا اعطيك بوكس الحين
سلطان : افففففففففففففف خلاص شبعت انا باروح الجامعه احسن لي باي
ام سعد : تو الناس
سعد : خليه يمه احسن يفكنا من لسانه
سلطان : يما شفتي ولدج شيقول عني
ام سعد : الله يهداك يا سعد ليش تقول له جذي
سعد : انا ما قلت شي غلط علشان يزعل
سلطان : اففففف شكله اذا قعت زياده بتزيد عندي الغثه يلا باي وطلع سلطان من البيت اما ام سعد فقعدت تعاتب ولدها سعد على الي سواه حق سلطان
(سلطان : عمره 19 سنه ودوم يتهاوش مع اخوه وبعدين يتراضون ويصيرون سمنه على عسل هو انسان حبوب وكومدي ودمه خفيف ومغازلجي من الدرجه الاولى يخقق مرررره <<< انقلبت اللهجه خخخخخخخ وعنده سكسوكه
عذااااااااااااااب .... يميل للبساطه في كل شي ...شعره أسود نااعم وعيونه عسليه ناعسه وشخصيه مرحه وااااااايد وغشمرجي والباقي راح تعرفونه من احداث القصه)
(ام سعد : تحب زوجها وعيالها وايد وهي كبيره بسن ومريضه
بمرض القلب وعمرها50 سنه)
ام سعد : شفت اسويت اكاهوا طلع وهو زعلان
سعد : بطقاق لا تعورين راسج يما المهم يما انا ابيج في موضوع
ام سعد : خير ان شاء الله
سعد وهو يناظر الفراغ : يمه .... ابي... ابي
ام سعد وهي عاقده حواجبها : تبي شنو يمه
سعد : انا يمه قررت اكمل نص ديني واتزوج
ام سعد الي طارت من الفرح : هذي الساعه المباركه مبروك يا نظر عيني
سعد استانس لوناسه امه : تسلمين الله يبارج فيج يمه
ام سعد وبفرح : خلاص اليوم بكلم اأبوك علشان نزوجك واذا على البنت انا بدور لك بنت الحلال الي تناسبك وتسعدك يما
سعد وهو يقوم من مكانه : لالا يمه
ام سعد وهي مستغربه : ليش!!
سعد يحرك يده في الهواء على دليل الشرح : انا يمه الي حبيت اقوله انه مالا داعي تدورين لانه البنت موجوده
ام سعد وهي تناظره على طرف عيونها والابتسامه شاقه حلجها : البنت موجوده هاااااا من ورانه
سعد وهو يبتسم حق امه : يمه لاتحرجيني
ام سعد وهي تضحك: ههههههههههههههههه فديته الي ينحرج انزين قولي من هذي البنت يعني عروستنا
سعد: هذي بنت اسمها رغد راشد الـ.....
ام سعد : والنعم انزين قلت حق اأبوك
سعد : يما انا قلت لو انتي تقولين له احسن
ام سعد : ابشر ان شاء الله خير يما يلا الحين روح الشغل لا تتاخر اكثر
سعد وهو يحب راس امه : ان شاء الله
طلع سعد من البيت وام سعد تدعي له بالتوفيق
--------
في الجامعه (الساعه11 الصبح)
كان حمد توه طالع من المحاظره مع ربعه
حمد : اففففففف حشى اليوم المحاظرات ماتخلص الى بطلعت روح
خالد (صديق حمد): اي والله صدقت
وليد(صديق حمد): طيب عيل شباب خلونا نروح الكافتيريا احسن لنا
الشباب كلهم : يلااااااا
راحوا الشباب الكافتيريا وقعدوا يم طاوله كله فيها بنات كانوا البنات يطالعون الشباب واكثرهم حمد (حمد وسيم يشبه اخته مرام شعره ناعم لونه بني غامج واسمر اللون لكن فاتح وبنيته الجسديه قويه وهو مفتول العضلات مثل اخوه مصعب وعمره22 سنه) في الجهه الثانيه كانت نوره مع صديقتها طالعين من المحاظره
نوره : اقول ساره
ساره : هلا قولي
نوره :شرايج تين اليوم بيتنا علشان ندرس مع بعض حق الاختبار تعرفين انا ما ينفع معاي الدراسه بروحي
ساره وهي تضحك : هههههههههههه والله انتي شي بصراحه كانج ياهل صغيره لازم حد يدرسها و يوقف فوق راسها
نوره وهي تسوي روحها زعلانه : انا اوكو ايي منج اكثر يا ساره مشكوره يا الغلا
ساره وهي تراضي نوره: ويه عليج فديتج ياحياتي والله
في هالحظه دق جوال ساره شافت ساره التلفون(خلود) ساره وهي تبوز حق نوره : اففففففففف هذي خلود الهبله
نوره: انزين ردي ساره وهي ترد : الوو هلا والله ههههههههه والله انتي الي ما تسالين..هااا .... اي اي انا ونوره تونا طالعين من المحاظره......اوكو وين انتوا.......خلاص الحين يايين ... باي
سكرت ساره من خلود سالتها نوره: خير شتبي
ساره وهي تتافف: افففففففف تقول تعالوا قبل لايفوتكم
نوره وهي تعقد حواجبها : ليش شنو بفوتنا
ساره : والله ما ادري بس قلت لها بنروح لهم
نوره : عيل يلااا
(نوره بنت حبابه وكول وايد نعومه وحلوه وشخصيتها الكل يحبها وعمرها 18 سنه وهي فتاة رااااائعه جدا وحلوه .. شعرها أسود طويل وعيونها سوده وواسعه ...هبوووله واايد...
بس حنونه واايد وحساسه وواعيه واعقل وحده من البنات)
(ساره صديقه نوره بروح من ايام المدرسه ودوم مع بعض بس للاسف السنه الجامعه صارت محاظرات ساره تختلف مع نوره وما تكون معاها الا في محاظره وحده وعمرها 18 سنه وجميله وايد بس السانها طويل)
راحوا ساره ونوره الكافتيريا وقاموا يدورون على البنات شافوا طاوله عوده كلها بنات ويمهم طاوله كلها شباب والحاله مصخره لدرجه انه نوره وصديقتها ساره استحوا يروحون يقعدون معاهم ساره بصوت اشبه للهمس : نوره شنو بنقعد معاهم
نوره :هههه والله ضحكتيني اكيد لا يلاا يبا نمشي مالي انا على هالسوالف اخاف احد يشوفنا مع هالبنات ويقولون عنا حجي
ساره : اي والله وانتي الصاجه يلا نمشي
نوره: مشينا
توهم بلفون الى صوت وحده من البنات تصارخ بسمهم : سااااااره نوووووره في هالحظه ساره ونوره انصدموا يقولون في روحهم فشلتينا الله يفشلج فضحتينا.. نوره تطالع ساره: بل بل بل حشى فضحتنا بصوتها الحين ما اعتقد احد في الجامعه ماعرف اسمنا
ساره وهي تهز راسها :اي والله
في الطرف الثاني كانوا الشباب يدورون ساره ونوره الي ياهم فضول يعرفون من هم وانصدموا يوم عرفوا ساره ونوره لانه شكلهم محترمين ولابسين شيلات ومحتشمين في لبسهم يعني مو راعين سوالف وخصوصا حمد الي تفاجأ بنوره بنت عمه طبعا ما يحتاي اقول لكم شلون شكل نوره وساره بهل اللحظه ويهم طماط ويطلع منهم شرار من الحمق الي هم فيه والموقف المحرج الي ما ينحسدون عليه تجدموا لطاوله البنات وحده من البنات راحت لهم تسلم وانصدمت منهم لانهم صدوا عنها وراحوا حق خلود الي هي صارخت عليهم
ساره وهي تصر على ضروسها : خلود شالحركه الي سويتيها انتي ماتستحين انتي لين متى بتمين جذي تدرين هذا الي سويتيه يسمونه قلة ادب ومحد يسوي مثله الا الي ما تربه ما خليتي احد في الجامعة ما سمع وعرف اسمي واسم نوره
خلود وهي رافعه حاجب : نعم عفوا شقلتي انا شنو
نوره وهي تطالعها من فوق الي تحت : اعتقد سمعتي شقالت ساره مالا داعي تعيد وتزيد ياخلود هانم
خلود عصبت وقامت ولزقت بساره ونوره وهي تهمس لهم : انا ماسويت شي غلط اولا ثانيا انا ما اسمح لكم تكلموني بهالطريقه اوكو
(خلود بنت والعياذ بالله وايد شايفه نفسها ومغتره بعمرها على انها بنت عاديه يعني مو جميله ولا هي بكريها لكن مقبوله وتحب تلفت انظار الشباب وهي من النوع الي عادي يبيع عمره وهي بعمرساره ونوره)
نوره وهي تستهزء فيها :وثانيا شنو يا ابله مفيده
ساره تبي تحر خلود : هههههههههه حلوه منج يا نوره
نوره وهي تطالع خلود بكل احتقار: سمعيني بلا هالحركات بايخه مثل ويهج اوكو اولا وثانيا انا انسانه ما ابي انزل مستواي لي مستواج
خلود بصوت يرتفع تدريجيا: وثالثا يا نوره محمد يا آنسه الشرف
نوره ما استحملت وعطت خلود كف حار خلا خدها يصير حمر الكل مستغرب ويطالع الي قاعد يصير
اما خلود من الاحراج حاولت تسحب شيله نوره علشان تحرجها مثل ما هي حرجتها لكن في صوت منعها وهو صوت حمد :لا تفكرين لانج راح تندمين اذا حاولتي فاهمه >>>>> هههههههه اكيد تبون تعرفون حاله الشباب والبنات وخصوصا نوره <<< الاندهاش وعلامات الاستفهام تعلو وجوهم
خلود وهي تطالع حمد من فوق لي تحت : نعم انت اشتبي وشلك دخل في السالفه هذا شي ما يعنيك انت فاهم
حمد وهو يبتسم بستهزاء ويطالعها مثل ماهي تطالعه:شلون مالي دخل وهي بنت عمي ما تفهميني
الكل مستغرب من هل الموقف<< ههههههه هذا مو موقف هذا مسرحيه هههههه
نوره حبت تهدي الوضع الي ما ينسحد عليه احد ولانها هي السبب: خلاص مالا داعي مثل هالكلام يا ولد عمي وانتي (تطالع خلود) سمعيني زين ضبطي حالج مره ثانيه لان الي ياي لج اعظم اذا كررتي الي سويتيه باي
سحبت نوره يد ساره وطلعوا من الكافتيريا ونوره منحرجه وايد بسبب الموقف الي صار لها ما تدري هي شلون صارت عندها هالشجاعه والكل الي في الكافتيريا !!؟؟!! <<<ههههههههههههه لا تعليق
اما حمد فالحق نوره
--------
في الباركات الجامعه
نوره توها واصله السياره بتركبها وقفها صوت حمد يناديها : نوووووووره
لفت نوره لحمد وهي منحرجه وتبتسم: هلا
حمد رد لها الابتسامه : اهلين فيج يا بنت العم بس انا حبيت اعرف اذا انتي زعلانه
نوره وهي منزله راسها وتهزه بمعنى لا : لا بالعكس انا اشكرك لانك نقذتني من موقف لو مو انت جان الله واعلم بالموقف الي كنت راح اكون فيه
حمد في داخله متشقق من الوناسه : لا ولو انتي بنت عمي لو اي احد كان مكاني كان سوى الي سويته لج واكثر بعد واحنا اهل لا تنسين
نوره وهي تبي تركب السياره بسرعه من الاحراج الي هي فيه : من طيب اصلك يا ولد العم طيب انا باروح الحين البيت تامر على شي
حمد وفي خاطره ( اي قعدي معاي بعد شوي): لا ما يآمر عيج عدوا ابي سلامتج
نوره وهي تركب السياره : عيل مع السلامه
-------
في بيت أبومشاري (الساعه2 الظهر)
كان الكل يالس في صاله بعد الغدى يسولفون
أبومشاري: اليوم شغل وايد في الشركه يا مشاري وفي سفرة عن قريب وانا ماقدر فليش انت ماتروح بدل عني
أبو مشاري رجل طيب وحنون لكنه عصبي وايد وعمره 48 سنه))
هيام زوجه مشاري بنت خاله :وين بيسافر وهدني ابروحي ..اخاف يحصل وحده اهناك وتعجبه <<< مسكينه خايفه يضيع من يدها ههههههه
( هيام متزوجه من مشاري حلوه شعرها طويل ولونه اسود ناعم على شكل ويفي وعيونها شوي وساع ولونها بني هي بيضه وشفايفها شوي كبار وقزمه عكس مشاري وجسمها 100%يعني يهبل وعمرها 23 سنه وايد تغير ولسانها أطول منها بس حبوبه وقلبها طيب وراح تعرفون اكثر من الاحداث)
الكل:هههههههههههههه
أبو مشاري يطمنها:هههههه لا ياأبوج لاتخافين البنات هناك مو حلوين كثرج
مشاري يبي يقهرها: من يبه .. اصلا كل البنات الي في العالم حلوين ويننون بعد
(مشاري زوج هيام وايد شخصيه وهيبه يعني ريال رزين ويحب هيام واايد لدرجه الادمان وعمره 27 سنه مشاري يهبل بكل معنى الكلمه وعنده جسم رياضي كوول شعره بني فاتح وناعم وعيونه عسليه ناعسه تذبح واهم شي اذا حط في باله شي ما يرتاح إلا اذا حصله وهو له دور مهم جدا مع الاحداث راح تعرفونه و متزوج حاليا<<<خخخخ ليش وين قاعدين في السينما يعرض حاليا خخخخخخخخخخخخخخخخ )
هيام توقف وتتخصر: لا والله احلف بس ... جفت جفت عمي
ام مشاري وهي تضحك :ههههههههه مشاري لا تقهر مرتك ترى زعلها جايد ههههههههه
(ام مشاري : كانت استاذه في مدرسه ثانويه للبنات تركت شغلها علشان عيالها وايد تحبهم وتخاف عليهم حتى من نسمت هواء وعمرها 41 سنه)
جنان :اي يبه خاف على روحك يمكن ترتكب فيك جريمه ترى انا اعرفها <<< الاخت متاثره بالافلام
(جنان آه وما ادراك ما جنان .. تجنن الواحد لسانها طويل وملقوفه وقت ما يكون مزاجها صالح لطوالت السان لحد يكلمها ترى ما يسلم وهي بنت ولا اروع جمال ودلال ونعمومه بس هبله شوي وعمرها 19 سنه جنان عليها جمال جدا يهبل الواحد لاشافها يدوخ شعرها بني فاتح قريب من الاشقر وطويل لين نص ظهرها وعيونها ذهبيه فاتحه (عذاااب) وعندها ذوق كوووول بعض الاحيان عليها بحركات هبااااله وطوالت السان بس حبوبه وااايد وحساسه وعقلها اكبر منها )
هيام:لاوالله تعالي دلدقيني بعد ما امصخ دمج يا الماصخه
جاسم: هههههه خلاص جنان اكلي شكر علشان يصير فيه شيره
هنادي:لالا ملح احسن علشان يسهل الهضم
الكل:هههههههههههههههههههههههههه
(جاسم دمه خفيف وايد ويحب يتطنز ويتشمت هههه عنده هوايه في رفع الضغط ويدرس في الجامعه وعمره 20 سنه ووسامته خطيييييييييره بصراحه يسحر جاسم يخقق مره<<<< انقلبت اللهجه خخخخ وعنده سكسوكه عذاااااب شعره اسود نااعم وعيونه لونها غريب عسليه على ذهبيه على بني وناعسه زي اخوه يميل للبساطه في كل شي مرح وايد وغشمرجي وراح تعرفون الباقي مع الاحداث)
(هنادي ناعمه بشكل وماتقل عن مستوى بالجمال بس بشرتها برونزي وفيها نعومه وعمرها 18 سنه وحركاتها طفوليه وفيها شويه هباله من جنان ومتدينه مو وايد بس ما تحب الحش وملابسها كلها ساتره وما تأخر صلاتها و دوم تسمع محاظرات دينيه)
هيام اهني عصبت وراحت دارها اما مشاري فقعد يضحك ويسولف مع هله وله كأنه في شي
--------
في بيت أبو سعد (الساعه 10 ونص المساء)
كانت ام سعد مع اأبو سعد في الصاله يسولفون ويضحكون اما سعد فكان في غرفته ومتوتر ومو عارف شنو راح يسوي إذا اأبوه ما رضى ((الله يستر)) نرجع لام سعد الي بدت تخبر اأبو سعد عن القرار سعد بالزواج
ام سعد وهي تطالع أبو سعد:اليوم كلمني سعد في سالفه وانا فرحت وايد
أبو سعد وهو مستغرب: شسالفه
ام سعد والابتسامه تعلوا ويها: مثل منت عارف الاعيال كبروا وصارو في سن الزواج .. عاد اليوم يه سعد لي وقال انه يبي يتزوج واعتقد انه هذا شي يفرح الكل وخصوصا لنا
أبو سعد وهو مستانس من الخبر:والله هذي الساعه الباركه الي نفرح في سعد ونشوف مرته وعياله ان شاء الله
ام سعد وهي تضحك :ههههههههههه مرته ماقلنا شي عاد اعياله هههههههه.. يا سالم ((أبو سعد هو نفسه سالم)) خل الولد يعرس وبعدين قول العيال ههههه
أبو سعد:ههه ماعلينا احنا .. المهم العرووس هو اختارها وله قال لج انتي تدورين له
ام سعد وهي تهز راسها:والله ولدك هو المختار البنت وخطط وخلص ...يعني احنا مالنا غير نخطبها رسمي
أبو سعد:اهاااا والله منت بهين يا سعوود .. طيب من هذي البنت
ام سعد وهي تحاول تتذكر: امممممممم اسمها رغـ ـ ـ ـ ـد راشـ ـ د الـ.... رغد راشد الـ.... هذا هو اسمها
أبو سعد وهو يحاول يعرف العايله : رغد راشد الـ..... ماسمعت عنه من قبل
ام سعد:والله هذا ولدك روح وشوفه واساله .. انا خلاص الي تشور فيه انا راضيه عنه.... ويالله تصبح على خير لاني باروح انام
أبو سعد: وانتي من اهله .. بس قبل لاتنامين في طريجج قولي حق سعد ايي لي
ام سعد :وهي تركب الدري : ان شاء الله
أبو سعد انسان متفهم وذو شخصيه وكلمته تمشي مهما كانت))
--------
في غرفه سعد
((الخوف والقلق)) فهو مو عارف شنو راح يصير لو اأبوه مارضى كان قاعد على السرير وهو يحرك ريله بتوتر ويفرك يدينه ببعض ويعض على شفايفه من الخوف مايدري شنو المصير الي راح يصير فيه وفي هذي اللحظه دق الباب ونفتح ودخل شخص الي كان ينتظره سعد امه ... راح عندها على طول:ها يمه بشري اصار
ام سعد حبت شوي تمازحه: والله شاقول لك ياوليدي شكله مالك نصيب فيها
اهني سعد سكت وماتكلم وتصنم مكانه لدرجه ام سعد لامت نفسها فقالت له:يمه سعد انا امزح معاك اصلا اأبوك مستانس بس يبيك تحت علشان يكلمك في الموضوع اصلا هو واضح عليه الموافقه يعني لا تخاف
سعد ارتاح لكلام امه حب راسها وطلع من الغرفه ونزل وراح لصاله مكان مااأبوه قاعد راح له وحب راسه وقعد يمه وتكلموا في السالفه
أبو سعد: تبي تعرس هذي الساعه لمباركه بس البنت تقول امك انت تعرفها ... من عائلة من هذي ؟؟
سعد بخوف وقلق : من عائله راشد الـ .....
بوسعد : ماقط سمعت عنها
سعد : مو مهم عايلتها بس ترى البنت يبا اخلاق
بوسعد : اكيييييييد بس انا العائله تهمني
سعد والحزن بين في وجها ... : يبا انا غيرها ماراح اخذ انا احبها وااايد
بوسعد: الحب مو كل شي
سعد : يبا لا تستعجل في قرارك
بوسعد : اصلن من متى انا افكر اني ازوج عيالي عشان فلوس او عشان مراكز المهم سعادتك بس كنت ابي العب شوي في اعصابك هههههههههههه
سعد مومصدق حس ان راح يطيير من الفرح : يبا من صجك
بو سعد : اي ههههههه لاتموت علينا ربي يوفقك وشوف عيال عيالك
سعد قام وبوس يد ابوه وراسه
بوسعد : هاااا متى تبينا نروح نخطبها لك
سعد من غير تفكير : اليوم
بوسعد : بس الحين فاليل
سعد نسى كل شي من الفرح . : اي صح <<< يقولها من غير شعور
بوسعد : هههههههه لا شكلك رايح فيها كل هذا حب
سعد :هههههههه احس اني بعيش بسعاده مع هالبنت يبا
بوسعد : خلاص روح نام وان شاء الله البنت تكون من نصيبك
.......
سعد وين ايله نوم من الوناسه
بوسعد: بارك حق ولده وسعد طار من الفرح حب راس اأبوه وراح غرفته وقعد يفكر في رغد لين مانام من كثر التفكير
في اليوم الثاني كانت عائله أبو مصعب وأبو سعد وأبو خليل يجهزون ويحظرون روحهم علشان يروحون بيت أبو مشاري
--------
في بيت أبو مشاري (الساعه 12 ونص الظهر بعد صلاه الجمعه)
كانت التجهيزات لليمعه مع الاهل وكل شخص مشغول.. ام مشاري في المطبخ تطبخ وجنان وهنادي يرتبون الصاله للرجال ويساعدون امهم في ترتيب غرفه الطعام واما الشباب فكانوا يتجهزون ولا مهتمين لشي وبعد فتره وصل الكل لبيت أبو مشاري وصار السوالف والضحك في الصاله كانوا البنات متيمعات على جهه والحريم على جهه ثانيه واما الشباب و الريايل فكانوا في الميلس الخارجي للبيت
--------

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -