بارت مقترح

رواية واخيرا حبينا بعض -2

رواية واخيرا حبينا بعض - غرام

رواية واخيرا حبينا بعض -2

في بيت أبو مشاري (الساعه 12 ونص الظهر بعد صلاه الجمعه)
كانت التجهيزات لليمعه مع الاهل وكل شخص مشغول.. ام مشاري في المطبخ تطبخ وجنان وهنادي يرتبون الصاله للرجال ويساعدون امهم في ترتيب غرفه الطعام واما الشباب فكانوا يتجهزون ولا مهتمين لشي وبعد فتره وصل الكل لبيت أبو مشاري وصار السوالف والضحك في الصاله كانوا البنات متيمعات على جهه والحريم على جهه ثانيه واما الشباب و الريايل فكانوا في الميلس الخارجي للبيت
في ميلس الرجال
جاسم وهو شاط عمره : والله انك مينون شلك في عوار الراس
حمد وهو يضحك : ههههه انا يا الدب اراويك
خليل وهو ميود روحه من الضحك: بس والله بطني عورني من الضحك تكفى يا جسوم ترى شكلك تحفه وانت مشتط
(خليل اخو نوره عمره 23 سنه ويشتغل في بنك ومعاشه زين ودوم يحب يضحك وما يحب انه يكون جدي وايد)
مصعب: ههه ... شفيكم انتوا اخوي ماقال شي علشان كل هالمشكله الي شاط عمره والي يضحك والله انكم تحف
سلطان: اي والله ماقال شي غلط كلامه كله صح
سعد: اقول خلاص سكروا السالفه
أبو مصعب وهو عاقد حواجبه: خير شسالفه الي تبي تسكرها يا سعد
سعد: والله يا عمي السالفه مافيها شي بس الآراءات تختلف
أبو مصعب: انزين قول لي يا سعد شنو السالفه
سعد: والله ولدك حمد يقول يفكر بعد ما يخلص هالكورس في الجامعه بيدرس برع بس الشباب في الي يقول له ما يصلح لك لانك عازب اولا وثانيا مجموعك مو لي هناك وفي من يوافقه
أبو مصعب وهو يضحك : هههههه لا والله عادي اصلا احسن له ينفع روحه وبعدين مجموعه زين بالعكس بـ90 يعني وايد زين واذا على انه عازب فهذا عادي واذا يبي يتزوج وبعدها يسافر فهذا احسن له وانا ما عندي مانع
حمد قام وحب راس اأبوه : مشكور يا يبه والله مايحرمني منك
جاسم وهو يطلع من الميلس : والله بكيفك يا حمد بس والله ملل الدراسه برع على العموم الله يوفقك
مصعب : جسوم وين رايح انت
جاسم: لا بس بروح حق الي تفهمني مرام اختك ابيها في سالفه لا تخاف ماراح اكلها هههههه
مصعب وهو يبتسم له: انزين روح لها لاتتاخر عليها بس
طلع جاسم من الميلس وراح داخل البيت كان الكل قاعد في الصاله بس البنات على زاويه تحنحن جاسم وانتبهوا له البنات وتحجبوا طبعا ماعدا مرام <<< الاخت مو متحجبه تقول انها توها صغيره خخخخ
-------
في الصاله البيت
جاسم راح حق البنات : السلام عليكم
البنات: وعليكم السلام
جاسم: اشلونكم عساكم بخير
البنات: الحمد الله
مرام وهي تطالعه ومبوزه : خير شتبي
جاسم وهو يرفع حاجب: شفيج انتي ليش تكلميني جذي
مرام وهي تطلع لسانها: بكيفي
جاسم وهو يضحك عليها : هههههههه انتي ما تستحين على ويهج اقول قومي ابيج في موضوع مهم جدا جدا يلا بسرعه
جنان وهي تناظرهم: والله خوش شي يعني كل مره نجتمع مع بعض قلت لها تعالي ابيج في موضوع مهم الي ابي اعرفه شالمواضيع الي بينكم هااا
مرام وهي تقوم: اقول جنان يلا هذا شي ما يخصج يلا قلبي ويهج
جنان : اي صفحه
مرام: الاخيره علشان افتك منج <<< قويـــــــــــــــة ههههه
جاسم وهو يضحك: ههههههههه زين تسوين فيها هههههههه ويووووو حرقوا ويهاااا ههههههههههه
--------
في غرفه الطعام
راحت مرام وجاسم بعيد عن الحريم و البنات في غرفه الطعام مرام وهي تيلس على الكرسي: خير ياأبو الخير غرد شالموضوع المهم
جاسم وهو يبتسم لها : مرام انـــــــــا احـــــــب
مرام تشققت: والله والله من ذي والله شي بعد جسوم يحب
جاسم وهو مازال يبتسم لها: والله هي حلوه وحلوه شوي عليها
مرام وهي تناظره بخبث: لايكون ساروا
جاسم وهو يبتسم اكثر<<< الاخ يوزع ابتسامات ههههه: اي سارونه
مرام وهي تضحك: ههههههههههههههه واي بطني ههههههههههههههههههههههههههههههههههههه
جاسم: مرام ليش تضحكين انا ماقلت شي غلط او يضحك
مرام وهي تلعب بشعرها: ومن متى انت تحبها ابي اعرف يعني قبل كنت تكرها وماتدانيها وكله تتهاوش معاها في الجامعه والحين تقول لي انك تحبها ههههه والله انك تحفه يا خيوووه
جاسم وهو يعدل قعدته: والله شاقول لج يا مرام انا من نفسي مستغرب من مشاعري تجاها والله انها سحرتني بس احبها والله احبـــــــــــــــهااااااااا
مرام: انزين انت قت لها
جاسم وهو مبوز: لا حاولت بس ماقدرت وتخيلي زادت اهواشنا اكثر من قبل يوم عرفت اني احبها
مرام: مايصير جذي يا جاسم يمكن هواشك معاها راح تزيد الموضوع تعقيد اسمع مني وحاول انك تهدي الي بينك وبينها وتصارحها بكل شي تكن لها بقلبك
جاسم: راح احاول واتمنى تسمع مني وتطلع هي بعد تحبني
مرام وهي ترفع يدها وتدعي:آآآآآآآآآآآآآآمين يارب العالمين
وبين السوالف والضحك كانت ام مشاري داخله غرفه الطعام وطالعت الفرحه الي في ويه ولدها جاسم الي كان مو على بعضه من جم من يوم بس يوم قعد مع مرام تغير وصار يضحك معاها ويمزح ((في قلب ام مشاري:آه لو يكون الي في بالي صح وان شاء الله باذن الله راح يتحقق))
مرام وهي تضحك على الهايم جاسم انتبهت حق ام مشاري وقامت تساعدها: عنج عمتي
ام مشاري تعطي مرام الصحن الي بيدها : حطي يمه على صوب هذا (وتلف تطالع جاسم) يمه جاسم
جاسم: هلا يمه
ام مشاري بخبث: اشوفك مستانس اليوم عكس امساعه وامس هل كثر متاثره عليك مرام
مرام تطالع جاسم وهي تبتسم بس من داخلها ميته من الضحك عليه اما جاسم فبتسم وقام وقبل لا يطلع قال حق امه: اقول يمه
ام مشاري وهي تناظر مرام وجاسم: قول يمه خير
جاسم: اذا ممكن يمه تقولين حق ام مصعب انها تخلي مرام اليوم تنام عندنا لانه بكره اجازه
ام مشاري وهي تناظر مرام ومبتسمه: اي وليش لا
اما مرام فكانت منزله راسها مو لانها مستحيه بس علشان ما تبين حق ام مشاري انها ميته ضحك
<<<<<<<<<(( اكيد مستغربين شالسالفه بين مرام وجاسم هم ابناء عم بس بحسبت اخوان يعني مرام تحب جاسم وتعتبره مثل اخوها وجاسم بعد وهم يقولون كل شي حق بعض من يوم وهم اصغار بس العائله كلها تحسب انه اهم يحبون بعض وخصوصا ام مشاري))
--------
في الصاله (في نفس الوقت)
كانوا البنات قاعدين سوالف وضحك <<< ما اجذب عليكم السوالف كلها عقره بخلق الله
جنان وهي متربعه: تخيلوا تطلقوا بعد 4 اشهر
هيام وهي تشهق: هـــــــــــــ والله بس انا الي اعرفه انهم متزوجين عن حب
نوره وهي ترفع يدها وتحمد الله وتستغفر: ما ابي احط في ذمتي بس انا سمعت سمعت يعني مو اكيد والله اعلم بس الناس تقول انها يوم خذها ريلها طلعت مو بنت ويوم الدخله جذبت عليه وقالت انه فيها الدوره وكل ما يبي يلمسها عطته عذر لين دخل عليها بالقوه وعرف انها مو بنت
هنادي وهي تسد اذونها: استغفر الله استغفر الله بس بس خلاااص لا تتكلمون عن خلق الله مو زين والله مو زين
جنان وهي تتهفف: اففف ياربي انتي وايد متعقده
هنادي وهي قايمه: اروح اقعد مع النسوان احسن لي
وراحت
--------
عند الحريم
هنادي على طول تربعت يم ام مصعب وهي تستغفر طالعتها ام مصعب وهي تبتسم: شفيج حبيبتي
هنادي وهي تبتسم: ما في شي خالتي بس بصراحه ينرفزون كله عقره بخلق الله استغفر الله
ام مصعب وهي تضحك: ههههه والله انج تذكريني في مصعب نفس الطبع سبحان الله هههه
هنادي بادلت ام مصعب الابتسامه بخجل وهي تقول في قلبها "فديته وفديت طبعه انا"
--------
في ميلس الرجال
كانوا حاطين الغدى وكان الكل يتغدى وبشهيه بعد وكل واحد يمدح الاكل
أبوخليل: والله خوش طباخ
محمد: اكيد مو هذا طباخ عمتي
أبومشاري: ادري انه طباخ مرتي حلو
سلطان: احم احم
الكل: ههههههههههههههههههههههههههههههههههه
(محمد اخو مصعب وحمد ومرام حبوب بس مشكلته بسرعه يتاثر من الي حواليه وعمره 16 سنه وما يشابه خوانه جماله عادي وراح تعرفون اكثر مع الاحداث)
في غرفه الطعام كانوا الحريم والبنات يتغدون واستقلت ام مشاري علشان تكلم ام مصعب
ام مشاري وبصوت منخفض محد يسمعها الى ام مصعب بسبب السوالف والضحك: اقول يا ام مصعب
ام مصعب وهي تنزل الصحن: خير يا ام الخير
ام مشاري: كل الخير ان شاء الله بس حبيت اقول اذا مافي مشكله خلي مرام اليوم عندنا هي تبي تقعد معانا وبكره اجازه
ام مصعب: والله انا ما عندي مانع بس لازم تقول حق اأبوها وما اعتقد انه بيرفض
ام مشاري: خلاص عيل انا بخبره
--------
في المطبخ بعد الغدى
كانوا البنات ينظفون ويغسلون الصحون هيام كانت تغني وهي تغسل: حبيبي خلاص خلاص خلاص .. انا آسف خلاص ..ياروح قلبي خلاااااااااص ..انا آسف خلاص
نوره تضحك: ههههههههههه اقول هيام ترى صوتج مزعج حده
هيام وهي تطالعها بنص عين: احم احم اصلا انتي تتمنين صوتي
ترى بتكبرين وبتعيزين مثل صوتي ما راح اتحصلين فديتني انا
نوره وهي للحين تضحك: ههههههههه اكيد ماراح احصل مثل صوتج لانه صوتج صوت مرعب مثل افلام الرعب كاااااااااااااااك
البنات : هههههههههههههههههههههههه
هيام وهي تحرك شفايفها يمين ويسار كانها مصريه : ويييييييييي عشتوا
نوره: اقول هيام تتذكرين ايام قبل زواجج
هيام تتنهد:آآآآآآآآآآآه وشلون انسى صج كانت ايام يمكن كنت اكرها بس الحين لا مستحيييل اكرها
هنادي: ليش يعني شنو المميز الي فيها
جنان: اي صح شنو قبل كنتي ولاشي بس بعد ما تزوجتي اخوي صرتي شي
هيام تتخصر: حلـــــــــــــــفي بـــــــــس
البنات:هههههههههههههههههههههههههههه
نوره: اصلا انتوا ما تدرون
مرام: شنو الي احنا ما نعرفه
هنادي: بل عن اللقافه
مرام تضرب هنادي بمزح: جـــب انتي مالج خص يا الملقوفه
هيام تطالعهم وهي تبتسم تذكرت قبل زواجها وبعده صج انه ما خذ لها فتره طويله من تزوجة
جنان وهي تدز هيام: هيامووو هااااالوووهاااااااا وين رحتي الي ماخذ عقلج يتهنه فيه
هيام:آآآآآآآآآآآآآآآآآآآآآآآه (تتنهد بصوت عالي)
هنادي: هو اشفيج
هيام: تابون تعرفون قصتي مع اخوكم
جنان: في قصه بعد مع اخوي وحنا ما ندري
نوره وهي تضحك: هههه الى قولوا قصص ما تدرون عنها
مرام: يعني انتي تعرفين كل القصص يا نوره
هيام وهي تطالع نوره وتبتسم: اي كنت كل شي اقول لها
نوره تتخصر: هااااا كنتي بـــــس
هيام وهي تضحك: هههههههههه ومازلت لاتزعلين بس
هنادي: افففف يلا قولي تراج لوعتي جبدنا تحجي (جبدنا يعني كبدنا هههه يعني الكبد)
هيام:طيب بس هي طويله وااايد يعني يبيلها قعده
الكل: الصاله يلاااااااا
هيام وهي تضحك: ههههههههه والصحون
جنان: بعدين لاحقين عليهم يلااا امشي
طلعوا البنات من المطبخ وراحوا الصاله وقعدوا هيام وهي تبتدي في سرد القصه: الله يسلمكم قبل لا انخطب من مشاري كنت ما احبه ولا اطيق اسمع اسمه حتى يمكن تسالوني ليش يمكن لاني كنت احسه انسان مغرور وشايف نفسه وجدي وااايد ومتفلسف حتى كنت اسميه الدب المتفلسف ههههه المهم مره كنا في عزيمه في بيت عمي أبوخليل وكنت قاعده معاكم سوالف بعدين امي نادتني وطلعت لها وما كنت ادري انه مشاري موجود قالت امي لي ابيج بموضوع قلت لها خير قالت لي ولد عمج طالب يدج ها شنو رايج قلت لها وانا مستغربه : من هذا يمه أي ولد عم انا عندي وايد أولاد عم قالت امي: مشاري قلت لها لاشعوريا: وعععععععع انا اخذ هالدب المتفلسف(الكل ضحك عليها:هههههههههه
جنان: بل قويه ذي هههه مسكين اخوي
هيام: انتي سمعي بعدين علقي انزين المهم يوم قلت جذي على طول طلعت من الصاله في طلعتي شفته يطالعني من فوقي لي تحتي وكانه يبي يعطيني كـف بس انا تجاهلته ومشيت عنه بس وقفني شي خلاني استغرب منه مشاري كان ماسك يدي وهو يقول لي : ليش تعذبيني يا هيام انا شنو سويت لج
رديت عليه: هد يدي يا مشاري
مشاري: بهدها بس بالاول قولي لي ليــــــــــش
هيام: بس جذي بكيـــــــــــــــــفي
هد مشاري يدي وبعدها مشى عني ومن يومها ما شفته ابد في العزايم يمكن تم حوالي 4 اشهور ما سمعت عنه شي ولا حتى شفته لكن في يوم كنت في الميلس انظفه دخل علي اأبوي وقال لي : هيام هدي الي بيدج وتعالي قعدي ابيج في موضوع
انا رحت له وقعت يمه: خير يبه .. مسك اأبوي يدي بحنيه وقال لي: اذا تحبيني يا هيام وافقي
طبعا انا استغربت وقلت له: على شنو اوافق
قال لي اأبوي بنفس النبره: على انج تتزوجين مشاري
طالعت اأبوي و انا مستغربه ومو عارفه شاقول او اسوي تميت ساكته وما رديت وقلت شي بعدين اأبوي قام بيطلع من الميلس لكن قبل لايطلع قلت له: ليش يا يبه
طالعني اأبوي في ذيج اللحظه وياليتني ما طالعته كانت عيونه مليانه دمووع استغربت منه وقلت في قلبي اكيد انا السبب وقفت وتجدمت منه ومسكت يده وقلت له بصوت كان مليان حزن في ذيج اللحظه : يبا ليـش الدموع في عيونك
قال لي وهو منزل راسه: انا اليوم كلمت مشاري وقال لي انه راح يسافر عن البلده اذا انتي مارضيتي تتزوجينه وهذا الشي راح يؤدي الي مشاكل في العائله وانا ما حبيت ارد ولد اخوي وبعدين مشاري خوش ريال ينشد فيه الظهر وله فضائل وايد علينا وانا يوم دريت من امج ردج خفت انه العائله تتشتت وانتي مالج الى ولد عمج يا بنتي
طبعا انا كنت طول الوقت اطالع الفراغ واحاول استوعب الحجي وبعدين جمعت شجاعتي وقلت له وكلي توسل: يبا الله يخليك لا تجبرني على شي انا ما ابيه
قمت اردد هذي الكلمه وانا اصيح وصار شي الي ما توقعته اأبوي عصب وصرخ علي وقال لي : هياااااااام بــس عاد ترااج زوتيها انا ييتج بطيب لكن الظاهر ما ينفع معاج هالاسلوب انا قلت كلمتي راح تتزوجينه يعني راح تتزوجينه والا والله والله لاانتي بنتي ولا انا اعرفج
بعدها طلع وخلااني في حاله شبه منصدمه كنت واقفه احاول استوعب الكلام الي قاله لي اأبوي وبعد الاستوعاب قعت اصيح وانا اقووول اكرهك يا مشااااري اكرهك بكل معنى اكرهك وعمري ما رااح احبك(هنادي: يعني انتي تكرهين اخوي يا هيام
هيام وهي تطالعها بشمئزاز: اقووول بتنجبين وله لا.. قلت لحد يقاطعني سمعي بعدين علقي
مرام تضرب هنادي بمزح: ويعيييه سكتي بلييييييييييز خلينا نسمع السالفه في ذي اللحظه دق جوال هيام رفعته هيام علشان تطالع من المتصل شافت (حبيب قلبي) طالعت البنات وبعدين قامت من مكانها وراحت برع في حديقه البيت
--------
في الحديقه ( الساعه 4 وربع العصر)
هيام : هلا حياتي
مشاري: هلا هلا بنور عيوني اشتقت لج
هيام: ههههه الي يسمعك يقول انا مسافره
مشاري : والله ولهت عليج من امس وانتي ما تكلميني ولا حتى تعطيني ويه
هيام: والله محد قال لك تقول الي قلته
مشاري: والله كنت امزح معاج انا اصلا عمري ماشفت ولا راح اشوف غيرج يا قلبي
هيام: مشاري انت وين فيه الحين
مشاري: في وين يعني في الميلس ليـش
هيام: لابس وايد هدوء يعني ما اسمع ازعاج
مشاري : تبين الصراحه
هيام: اكيد انت مو بالميلس
مشاري وهو يبتسم: اممممم لفي وراج
هيام لفت وشافت ظل شخص بس بعد ما جدم عرفته مشاري سكرت التلفون وجدمت منه
هيام وهي تتخصر: من متى انت هني
مشاري وهو يلمس خصرها وجدمها ناحيته: من يوم ما قلتي هلا حياتي يا حياتي انتي
هيام وهي تنزل راسها وهي مبتسمه: مشاري هدني اخاف احد يطالعنا
مشاري وهو يبتسم بخبث: ماراح اهدج لين تعطيني بوسه محترمه
هيام وهي تحاول تبعد عنه: مشاري هدني والله اخاف احد يطالعنا
مشاري ماسكها ومو راضي يتركها:اول شي عطيني بوسه وبعدين عادي حلالي
وقربها اكثر الى بصوت هنادي:احم احم ما اقدر انا على طيور الحب والله لو ادري جان ماقطعت عليكم الجو الرومانسي
هيام اهني صار ويها طماطه ودزت مشاري باقوى ما عندها وهربت من المكان الي داخل البيت طبعا مشاري ضحك عليها بخفه وبعدين طالع هنادي: اقوول هنوي شتوقيت الي عليج هااا اكاج خربتي علي كنت راح احصل بوسه محترمه لكن انتي خربتي علي زين جذي
هنادي وهي تضحك: ههههه سوري مو قصدي لو كنت ادري انك راح تحصل بوسه جان ماقطعت عليكم يا طيور الحب خخخخخ
مشاري: انزين بسج اطناز علي المهم اشتبين انتي
هنادي : مو انا ابيك ماما هي تبيك قالت لي اناديك عاد انا ماحبيت اروح الميلس فيت حق هيام لاني كنت اعرف انك تكلمها في الفون فقلت اقول لها علشان تخبرك
مشاري: طيب الحين انا بايي قولي حق الوالده اني ماراح اتاخر عليها يلا الحين عطيني مقفاج يا الدبه
هنادي تذكرت اللقب الي قالته هيام عن مشاري وضحكت
مشاري وهو يبتسم: بل هالكثر عاجبج اللقب الدبه
هنادي وهي تناظره: لا بس عجبني لقبك الدب المتفلسف
مشاري تذكر يوم هيام رفضته اول ما خطبها وضحك ومشى عن هنادي
--------
في الصاله
كانوا البنات قاعدات ومبوزات على هيام لانها رافضه تكمل
مرام : انزين ليش ماتبين تكملين
جنان: هياموا بلا سخافه
هيام: طيب باكمل بس مو اليوم يعني كل مره نجتمع فيها بكمل لكم لانه علينا صحون وايد في المطبخ والحين بعد بنسوي العشا يلا دخلت هنادي في ذيج اللحظه وراحت عند البنات
هنادي: لاتقولون لي انها قالت الباقي وانا مو موجوده
مرام:ههه اصلا الاخت الفاضله مو راضيه تكمل تقول ماراح اكمل لانه كل مره نجتمع فيها راح اقول لكم الباقي
هنادي: أي احسن بعد لان ورانه شغل الحين بالمطبخ
راحو البنات المطبخ يغسلون ويجهزون العشا مع ام مصعب وام سعد في حديقه البيت كان مشاري واقف مع امه
------
في الحديقه (الساعه 5المغرب)
ام مشاري: يمه مشاري روح قول حق عمك أبومصعب اني ابيه وانا انتظره هني
مشاري: ان شاء الله يمه يلا تامرين على شي ثاني
ام مشاري: لا يمه تسلم
راح مشاري عن امه
--------
في المطبخ
البنات قاعدين يساعدون ام مصعب وام سعد في المطبخ
جنان: اففففففف والله ملل خاطري اروح عرس
مرام:اي انا بعد خاطري
هنادي: اي بس العائله حزره محد يبي يعرس
هيام: ههههههههه خلاص عيل انتي عرسي
هنادي وهي تقطع البطاطس: حلفي بس لاحياتي توني صغيره
ام سعد وهي تحمس البصل: ان شاء الله جريب بتروحون عرس و عرس ولدي بعد
ام مصعب وهي تبتسم: ان شاء الله ومن متى ناوي
ام سعد: والله هو كلمنا امس واحنا ان شاء الله بنروح نخطبها بعد بكره
هيام وهي مستانسه حدها: والله شي اخوي يعرس إلا (تلتفت على امها) ماقلتي لي من ذي يعني انا اعرفها يعني هي من العائله الكريمة
ام سعد وهي تناظر جنان: لا معني كنت اتمناها حق وحده بس شكله مافي نصيب
جنان وهي تبتسم: والله اهم شي نروح عرس وله لا عمتي
ام سعد وهي تبتسم لجنان: بلا
--------
في الحديقه (6 ونص المغرب)
توه واصل أبو مصعب وراح وجلس يم أخته : السلام عليكم
أم مشاري : وعليكم السلام شخبارك يا اخوي
أبومصعب :ههه مع انج سالتيني من قبل بس الحمد الله بخير وصحة وعافيه
أم مشاري: دوم يا رب
أبومصعب : تسلمين إلا ما قلتي لي خير إن شاء الله قال لي ولدج انج تبيني عسى ما شر
ام مشاري وهي تبتسم: ما شر ان شاء الله كل الخير يا وجه الخير بس بغيتك تخلي مرام اليوم عندنا لانه بكره اجازه والبنات يبونها معاهم وجاسم يقول انهم بكره بيطلعون وهي تبي تطلع معاهم
أبو مصعب : والله البنت بنتج مثل ماهي بنتي وانا ماعندي مانع بس امها راضيه
ام مشاري: أي انا قلت لها وهي ماعندها مانع ابد بس قالت لي الراي راي اأبو مصعب
اأبو مصعب: خلاص خليها تقعد عندكم الليله
في ذي اللحظه قطعت عليهم نوره : هلا هلا بعمي شخبارك
أبو مصعب يحب نوره: هلا بيج يا بنتي انا الحمد الله بخير وانتي شلونج وشخبارج
نوره: الحمد الله بخير أي صح تذكرت عمي روح الميلس تعشى لانه تونا حاطين العشى يعني الحق عليه
أبو مصعب وهو يضحك: ههههههههههههههه نفس ذيك المره يوم اني تاخرت في المسيد يلا عيل فمان الله خلني الحق قبل لا يخلصونه سلام
ام مشاري وهي تقوم: يلا انا بعد خليني الحق على الاكل ههههه
نوره وهي تضحك:هههههههههههههههههههههههههههههههه
تعشى الكل وبعد العشى صار السوالف وضحك وبعد ساعه 10ونص الكل راح بيته طبعا ماعدا مرام لانها بتبات بيت عمتها
طبعا بعد ما الكل راح قعدوا البنات ينظفون البيت ويساعدون ام مشاري وعلى الساعه 11 خلصوا راحت ام مشاري علشان تنام وتريح والبنات قعدوا سوالف وضحك وبعد فتره انسحبت هيام وظلوا هنادي وجنان ومرام وبعدين انظم لهم جاسم وقعدوا يطالعون فلم رومانسي حزين
------
في غرفه مشاري وهيام
كان مشاري جالس على السرير دخلت عليه هيام وابتسمت له مشاري وهو يطالعها ويبتسم: وين رحتي من امساعه وانا انتظرج
هيام: سوري حبيبي بس كنت مع اخواتك واخروني
قام مشاري وتجدم من هيام وقربها لي عنده وهو ماسك خصرها وحب جبهتها وقعد يطالعها ويبتسم: تدرين يا حياتي احس اني مشتاق لج وااااايد
هيام وهي تبتسم بخجل: كله لاني امس ماكلمتك وزعلانه عليك
مشاري وهو يبوس خدها : اي
هيام: حبيبي خلنا ننام الحين يلا انا تعبانه اليوم
مشاري ابتسم بخبث: أي يلا
هيام"ياويلي ياليتني ماتكلمت" ومسكها من يديها ووداها لعند السرير
وفتح ازرت قميصه وجربها منه ومسكها من خصرها وحرقها بانفاسه القريبه جت بتروح الحمام مسكها: وين
هيام: بروح الحمام
مشاري: طيب بس انا لحد الحين ما ذقت العسل(وغمز لها)
احمرت خدودها من كلمته هيام: ...............
مشاري ابتسم بخبث وهو يسحبها لين حضنه وجرب منها لدرجه تلامست صدره بصدرها وبعدها رفع راس هيام وهو يشم شعرها ويغمض عيونه كانت انفاااااااس هيام ناااااااار عليه ما قدر يقاومها صار ينزل بشفاته على ويه هيام وهي مغمضه عيونها وهو يبوس خشمها وخدودها ليما وصل لشفايفها تم مشاري يتنفس هني بصوت عالي وهيام تقربت منه اكثر ما قدر يستحمل وقرب منها وهو يبوس شفايفها وهي مستسلمه له وراضيه وتبادله الشعور و تلعب بشعره وبعدها هو دخل اصابعه في شعرها ولفه على اصبعه وهو يشمه قرب شفايفه عند رقبتها وصار يتنفس على رقبتها وبعدين طبعت بوساته تركت اثر واضح من قوتها شوي بس مشاري قرب منها لدرجه هي طاحت على السرير وهو نزل لها وبحركه سريعه منه قدر يسحب مشبك الشعر من راس هيام وباس شفتينها وخدودها ورقبتها ماخلا مكان ما بوسه كانوا عايشين حاله حب .*.*.*.*.*. ^_^
--------
في غرفه جاسم (الساعه 12 ونص)
كان جاسم قاعد على السرير يفكر بساره
جاسم: آآآآآآآآآآآآه يا ساره ليتج تحسين في قلبي الي صار يحبج الى يعشقج موووووووووت انا لازم اعترف لها عن حبي لها لااازم
هذا نهاية البارت ان شاء الله نال اعجابكم وكان طويل
--------
اليوم الثاني في بيت أبو مصعب (الساعه 9 الصبح)
مصعب كان قاعد يتفطر مع امه واأبوه
أبو مصعب : هههههههه والله اليوم احس انه غريب مافي ازعاج ابد
ام مصعب: ههههههههه أي لانه مرام مو موجوده ما شاء الله عليها وااااااايد حركيه
مصعب: جان زين تتم في بيت عمتي ام مشاري على طول
أبو مصعب وام مصعب طالعوه وهم مستغربين منه
ام مصعب: مصعب انت شتقول في احد يقول حق اخته جذي
مصعب: يما لا تفهميني غلط بس انتي تعرفين ازعاج بنتج وحركاتها وانا انسان ما احب الازعاج فقط لا اكثر
ام مصعب وهي تهز راسها: ما اقول الى الله يعين بكره ان شاء الله لما تتزوج وتيب اعيال شبت سوي والله ياخوفي تقطهم من الدريشه
أبو مصعب: هههههههههه شفيج الله يهداج بس كليتي الولد ما يسوى عليه الي قاله علشان تعطينه كل هل محاظره وبعدين خلي بالاول يعرس بعدين يبي سيرت الاعيال مع اني بديت اشك انه ولدج بيتزوج
مصعب الي كان يشرب الجاي ويوم سمع كلام اأبوه غص وقام يكح: كح كح كح
ام مصعب وهي رافعه حاجب: لالا شنو ما يتزوج لا ان شاء الله بيتزوج وبنشوف اعياله صح يا مصعب
مصعب الي ارتبك في مكانه (ياربي شالوهقه) : احم احم..... أي أي اكيد يما...... طيب انا تاخرت على الدوام يلا مع السلامه
طلع مصعب بسرعه من البيت اما ام مصعب : اففففففففففف هذا وبعدين معاه.... انا ابي اعرف هو ليش كلما يبنه سالفة الزواج تلخبط ويتهرب بس ابي اعرف اففففففففف
--------
في سياره مصعب
مصعب : اففففففففف ياربي انا شاسوي الحين متى اخلص من هالسالفة والله مليت وين ما اروح فتحوا معاي هالسيره افففف
آآآآآآآآآآآآآآآآخ لو تدرين يا يما اني اشكثر عانيت من الزواج واني ما اقدر اتزوج لاني ما اقدر احب واعيش والمس وحده غير حبيبتي وعمري وكل حياتي ودنيتي آآآآآآآآآآه وينج يا قلبي والله اشتقت لج ولصوتج قطع عليه افكاره صوت تلفونه وشاف المتصل صديقه طلال ورد : الو
طلال : الو السلام عليكم
مصعب: وعليكم السلااااام هلا والله
طلال: هلا بيك
مصعب: شخبارك
طلال: الحمد الله انت شخبارك وشمسوي
مصعب: آآآآآآه الحمدالله عايش بس مهموم يا خوي مهموم
طلال: افااااااا عسى ما شر
مصعب: اليوم الوالده مثل كل مره يابت سيره الزواج تبيني اتزوج
طلال: يا مصعب والله الي تسويه بروحك حرام خلاص البنت وراحت انت عيش حياتك
مصعب: تدري انت يا طلال ما اقدر والله ما اقدر
طلال: الله يهديك المهم انت اشرايك تمر علي اليوم
مصعب: صار بس متى
طلال: امممممممم اشرايك بعد صلاه المغرب
مصعب: تم عيل بعد صلاه المغرب في مكانه
طلال: ههههههههه أي أي اوكي يلا اشوفك على خير
مصعب: يلا مع السلامه
--------
في بيت أبو سعد (الساعه 12 الظهر)
سلطان قاعد مع سعد يراويه صور بنات في مبايله
سلطان: شوف ذي البنت هذي الله يسلمك جفتها في مجمع السيف
خطيره بصرااااااااااااحه جريئه واااااااااااااااايد تخيل تعرفت عليها وبعد اسبوع عزمتها في مطعم الابراج هي وخالد ورفيجي خلود اول ما شافها انعجب فيها وقال لها تخيل جدامي يم عيني والله والله ما اجذب قالت له اذا تبيني ما عندي مانع حتى لو ما بتتزوجني بس ليله وحده
سعد وهو مبطل عيونه و بوزه ومفهي: هاااااااااااا!!!!!!!!!!!!
سلطان ضحك يوم جاف ويه سعد: ههههههههههههه شفيك هههههههههه والله ما اجذب
سعد: طيب وبعدين شسوى خلود
سلطان: ولا ابلين اصلا خلود ما صدق على الله قال لها بعد العشى بنروح الشقه وفعلا خلصوا عشى على طول راحوا الشقه
سعد وهو يبلع ريجه: طيب وبعدين
سلطان وهو يهز كتفه: نام معاها ويوم الثاني كل واحد بطريج
سعد وهو يطالع سلطان بشك: وانت قط مره نمت مع وحده
سلطان: لالا والله لا انا مستحييييييييييييل اسويها انا اكلم أي اطلع معاهم أي المس يدهم أي بس انام معاهم هذي من سابع المستحيلات بصراحه انا اخاف يكونون امرضى وله فيهم بلاه
سعد: احسن لك وانا اشوف لو انت تبعد عن هالسوالف وايد احسن لك
--------
في بيت ام مشاري (الساعه 3 العصر)
مرام وجنان وهنادي قاعدين في الصاله سوالف وضحك
الى يأذن الاذان:الله اكبر الله اكبر .......
هنادي: الله اكبر يلا قوموا خل نصلي مو زين نأخر الصلاه
جنان: طيب نطري شوي اعنبوا توه مأذن
هنادي:لالا ما يصير نأخر الصلاه لازم في وقتها

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -