رواية واخيرا حبينا بعض -3
في بيت ام مشاري (الساعه 3 العصر)مرام وجنان وهنادي قاعدين في الصاله سوالف وضحك
الى يأذن الاذان:الله اكبر الله اكبر .......
هنادي: الله اكبر يلا قوموا خل نصلي مو زين نأخر الصلاه
جنان: طيب نطري شوي اعنبوا توه مأذن
هنادي:لالا ما يصير نأخر الصلاه لازم في وقتها
مرام وجنان ما حبوا يجادلون مع هنادي لانهم يعرفون انها انسانه متدينه وبعد ما صلوا قعدوا في الصاله سوالف وضحك
مرام: اقول ما اسمع حس عمتي وينها
هنادي: في حجرتها توني رايحه لها وجفتها تصلي ويمكن نامت
جنان:الحين هي نايمه وما راح تقعد الا الساعه 5 ونص وبعدين بتطلع
مرام : اهاااا وعمي
جنان: قاعد مع الشياب الجيران هذي سالفته كل سبت يقعد معاهم لين الساعه 10 وبعدين يرجع وينام
هنادي: بختصرعليج السؤال جسوم طالع مع ربعه وهيام ومشاري عصافير الحب طالعين عاد وين ما ادري
مرام: افااااااا يعني الكل طالع يستانس الا احنى في البيت
هنادي: جفتي شلون
مرام: شرايكم اليوم نروح السينما في افلام فضيعين توهم نازلين
جنان: والله فكره
هنادي: أي بس في مشكله من بودينه
مرام: مالت عليج يعني منو جسوم
جنان: أي يعني منو خليني اروح ادق عليه
راحت جنان تتصل على جاسم اما مرام وهنادي فضلوا في الصاله
مرام: اقول هنوي
هنادي:هممم
مرام: شخبار ولد عمج المزيون
هنادي: وععععع هذي مزيون صج ما عندج ذوق ونظر لو قايله لي مثلا اخوج مصعب جان قلت أي معاها حق مزيون مو عبود
مرام وهي تبي تأكد من شكوكها: وعععععع الحين تبين تقنعيني انه اخوي الغثه هذا مصعبوا مزيووون وععععع صج ما عندج ذووووق هذا اصلا من احد يطالع في ويهه ينغث
هنادي الي عصبت: هي انتي وععععع في عيونج بلاه الحين انتي تبين تقنعيني انه عبود احلى من مصعب والله ما عندج ذوق قالت شنو قالت وععععع ويعييييه ان شاء الله
مرام وهي رافعه حاجب: هنوي ويعيييييه اشفيج انتي تفاعلتي ترى انا امزح معاج الي يقول اخوج حشى مو اخوي
هنادي: احم لالا هههههه انا....بس..آآآ...امممم
قاطعتها مرام: بس بس دخيلج سكتي مو عارفه تقولين كلمتين على بعض.... هنوي انا ودي بصراحه اسألج سؤال من زمان ودي بس كنت متردده بس الحين انا تأكدت
هنادي (الله يستر): احم اسألي
مرام: هنوي انتي تحبين اخوي مصعب؟؟؟
هنادي وكأنه احد كب عليها ماي باااارد : هااااااا!! أ..نـ..ـاا أنا
مرام: أي انتي ولا تنكرين انا كل مره احس فيج كل ما يبنا طاريه فهيتي وكل ما شتمناه دافعتي وكل ما شفتيه سرحتي هنوي صارحيني ترى والله انا ما راح اضربج ولا شي بالعكس انا راح افرح وااااايد
هنادي الي ارتاحت من كلام مرام: احم بصراحه يا مرام أي انا أ..حـ..ـبـه
مرام ابتسمت:وانا اوعدج اني اساعدج في انه ياخذج انتي وبس وعد وانتي تعرفين بنت خالج شنو تقدر تسوي
وقطعت عليهم محور الحديث ازعاج جنان: كلوووولوووووش إيييييهااااااااااااااااااااا وافق وافق يلا قوموا قوموا
مرام: هههههههه اشفيج استخفيتي
هنادي: بس بس ههههه دخيلج بنقوم بس سكري هل الازعاج تكفين
--------
في بيت أبو زياد (في نفس الوقت)
مي كانت لابسه برموده سوده وبدي ابيض في كتابات وشخابيط بلون الرصاصي ومسويه شعرها سبايكي بس نعوم ولابسه تراجي صغار وساعه اسبورتيه وجوتي اسود في خطين على برد بلون الابيض يعني شكلها كوووول وطفولي
مي وهي تلاحق صديقتها منيره في الصاله كأنهم يهال: منور يا حماره هاتي تلفوني منوور
منيره وهي تركض فوق وتضحك: ههههههههههه لالالا اذا تبينه تعالي لي ههههههههه
(منيره صديقه مي بروح اول سنه مع بعض يدرسون وهي تيلس يمها في الصف وعلاقتهم وايد كلووووس .. شعرها أسود طويل ودبدوبه شوي وفيها ملوحه يعني حلوه بس مو احلى من مي لانه مي احلى منها بوايد...هبوووله واايد)
(مي عمرها16 سنه ملامحها طفولية واايد بس عندها مشكله انها دايما تتصنع القوه والقسوه والخشونه تعتقد انها راح تكون بجذي قويه الى انها حساسه وايد وحنونه وبسرعه تتاثر يعني قلبها رهيف وفيها نعومه بصوتها وتصرفاتها ولكن هي تحاول كثر ما تقدر تتصنع الخشونه شعرها بوي لونه اسود ولون بشرتها بيضه وحواجبها شوي عراض وكانهم محفوفين ويناسب ويها وشفايفها شوي كبار ولونهم وردين غامجين وجسمها حلو واايد امها
اول ما ولدتها توفت لان صار لها نزيف وما قدروا يوقفونه وهي
وحيدة اأبوها "مع الاحداث الروايه راح تعرفون قصتها")
مي : اففف منج يا منور الحين انا يايتج صبري علي
منيره خافت من مي ودخلت غرفتها وقفلت الباب وهي تضحك: هههههههههههههههه يلا راويني شنو بتسوين الحين
مي قامت تركض على الدرج لانه طويل بس كانت عيونها تطالع تحت بس فجأه طرااااااااااااااااااااااااااااااااخ ضربت بشي شوي طويل وضخم <<< مو ضخم بس ضخم بنسبه لجسمها الطفولي
وكانت بطيح على ورى بس زياد مسكها من خصرها وبقوه وقال: بسم الله عليج
مي انصدمت وما عرفت شتسوي وانحرجت اما زياد فكان يطالع في ملامح ويها وتم لحظات وهو يناظر فيها ومي صار تنفسها صعب وويها حمر من خجل اول مره يصير فيها مثل هالموقف ولا وفي بيت صديقتها والي اول مره تزورها اما زياد فقربها لعنده لدرجه تلاصقة فيه وقال لها: تعورتي
مي خلاص ماقدرت حطت يدينها على صدره ودزته بشويش وراحت ركض من عنده .... اما زياد فمسك صدره وهو يحس نفسه فرحان وما قدر يمسك ضحكته: ههههههه شفيني كأني اول مره في حياتي اطالع بنت هههههههههههه كمل طريجه وطلع من البيت وهو فرحااان اما مي فراحت عند غرفه منيره وقلبها يطق اطبول ومو مستوعبه الي صار
(زياد عمره 20 سنه رزه وشخصيه وانسان يحب الاكشن والمغامرات رومانسي من الدرجه الاولى ويدرس في الجامعه ويصير اخو منيره العود )
-------
في سياره جاسم (الساعه 6 ونص المغرب)
جاسم يتصل على جنان : الو
جنان: الو لحظه الحين نازلين
جاسم: انزين يلا باي
وبعد دقيقتين ركبوا البنات السياره ... الكل: السلام عليكم
جاسم: وعليكم السلام لا جان ماييتوا بعد
جنان:اففففف جسوم خلاص ما صارت تأخرنه دقيقه افففف
جاسم حقر جنان لانه هي تكره احد يحقرها وهو يبي يقهرها: اقول مرام شنو ودج تسمعين
مرام وهي تضحك لانها عرفت قصد جاسم: ههههههههه حط راشد الماجد
جنان الي فعلا عصبت من تجاهل اخوها عنها وبوزت وهي ساكته ولا نطقت بشي لين وصلوا مجمع السيف
--------
عند البحر (في نفس الوقت)
كان مصعب جالس يم طلال يشكيله همه : آآآآه يا طلال والله مو عارف شاسوي
طلال وهو يربت على كتف مصعب: هونها وتهون يا خوي والله الي تسويه بروحك مو زين .... يا اخي عيش حياتك بسك تفكير فيها هي راحت والله يرحمها ... انت ليش ما تتزوج يمكن تنسى
مصعب: ما اقدر يا طلال ما قدر .. ما اقدر اتخيل نفسي مع انسانه غيرها
طلال: بس انت بجذي راح تشكك هلك هذا اولا ..ثانيا انت تعذب نفسك وهذا مو زين لك والله ما يرضى بانه العبد يعذب نفسه
قلنا ازعل ما يخالف ازعل عليها بــــــــــس مو جذي لدرجه تعذب نفسك وحارم هلك من انهم يشوفونك معرس ويفرحون فيك....
مصعب: آآه قلبي تعبت والله تعبت
طلال وبنرفزه: افففففففف وبعدين معاك انت لين متى بتظل جذي ايي لك شمال تروح لي غرب ايي لك غرب تروح لي شرق مو حاله والله افففففففففف ... انا من امساعه للحين شاقول من احاجي اففف
مصعب: يا طلاااال يمكن انت تشوف الي تقوله سهل لكن الفعل صعب
طلال: اسمع كلامي وما راح تخسر انت فكر فيها شوي وخذها بالعقل هل الي تسويه بوصلك حق نتيجه وهل بتكون لصالحك؟
وبعدين انت عاجبك هالوضع؟؟ ووين موقع امك وهلك من الاعراب ؟؟ انت لا تفكر فيها بس علشان نفسك فكر فيها علشان امك المسكينه الي ودها تشوف عيالك فكر يا مصعب فكر ولا تحطم حياتك بيدك
--------
في مجمع السيف (الساعه 7 الليل)
عند السينما 1 كانوا مرام وجنان وهنادي وجاسم يشوفون الافلام وصارت مشكله كل واحد يبي يشوف شي
جاسم بنرفزه: افففف وبعدين يعني يلا اتفقوا وفكوني
مرام: انا ابي اشوف فلم THE UNINVITED
اكشن ورعب
هنادي وجنان في نفس الوقت:لالا نبي فلم الدادا دودي كوميدي ورومانسي
جاسم : افف طيب مرام متى يبدأ الفلم
مرام وهي تشوف الوقت: اممم الساعه 8
جاسم وهو يطالع خواته: وانتوا
جنان: بعد 8 (وتبتسم وترمش عيونها)
جاسم وهو يطالع الي رايح والي جاي ويفكر بالحل فجأة وقف تفكيره وسرح وما صحى من سرحانه الا بصوت مرام: جسوم اشبلاك اشفيك
جاسم وهو يبلع ريجه: سـ...سـا..ره
مرام وهي مستغربه: شلي دخلها الحين اقولك اشفيك تقول ساره اشفيها
جاسم وهو يأشر على بنتين واقفين يطالعون الافلام المعروضه: هذي الي لابسه احمر هـ..ـي نفسهـ..ـا سـ..سـاره
مرام وهي تطالع للمكان الي اشر عليه وشافت بنت معطتها ظهرها ومجابلتها بنت لابسه احمر وكانت حلوه وبعد لحظات لمحت البنت الي كانت معطتها ظهرها وعلى طول ابتسمت وراحت لهم اما جاسم فتدوده وما عرف شيسوي وبعد لحظات لحقها
مرام وهي تبتسم لهم : قوه نوره
نوره وهي تطالع مرام وتبتسم: هلا هلا ببنت عمي شخبارج
مرام: تماموو عال العال يسرج الحال ومن صوبج
نوره وهي تضحك: ههههههههه عدة لغات الحمد الله انا تمام
اوه اوه جاسم ولد عمتي هني بعد هلا هلا شالصدفه الحلوه
جاسم وهو يطالعها ويرد يطالع ساره : احم .. هههه لا بس انا يايب خواتي ومرام يبون يدخلون فلم
نوره: اهاا .. أي صح نسيت اعرفكم على صديقتي ساره
مرام وهي تسلم على ساره: تشرفنه وانا اسمي مرام
ساره وهي تبتسم: هلا بيج تشرفت بمعرفتج
مرام: تسلمين
نوره وهي تاشر على جاسم: وهذا ولد عمتي جـ..
قاطعتها ساره وهي تبتسم: جاسم.. شخبارك
جاسم وهو يبتسم: بخير انتي شخبارج
ساره: تمام
نوره: لحظه لحظه انتوا اشعرفكم ببعض
ساره: تتذكرين الي كنت اقول لج عنه معاي في بروجكت
نوره وهي مبطله عيونها: هااا قولي والله
ساره الي انحرجت شوي لانه جاسم كان يطالعها : والله
توه جاسم بيتكلم الا قطع عليه صوت جنان: وينكم انتوا اشـ.. اوه اوه نوره هلا والله
نوره: ههه هلا فيج
هنادي: هلا نوره شخبارج
نوره: تمام وانتي
هنادي: تمام
نوره: أي فلم بتدخلون
مرام: THE UNINVITED
جنان وهنادي: لا الدادا دودي
ساره: ههههههههه مثل حالتنا انا ونوره هي تبي الدادا دودي وانا ابي THE UNINVITED
مرام وهي تطالع جاسم الي سرحان في ساره ابتسمت بخبث: انا عندي حل يرضي الكل <<<(طبعا شددت على يرضي هههههههههههه)
اممم مدام الفلمين يبتدون في نفس الوقت شرايكم ندخلهم يعني انا وجاسم وساره ندخل THE
UNINVITED
وهنادي وجنان ونوره الدادا دودي
الكل حب الفكرة وطبعا جاسم استانس وايد خصوصا انه ساره راح تكون معاه وراحوا خذوا لهم تذاكر وبعدين راحوا وقعدوا سوالف وضحك لين صار موعد الفلم ومرام سوت حق جاسم جو خلت ساره تقعد يم جاسم <<<< هههههههههه والله مو هينه
--------
في بيت أبو سعد (الساعه 11 الليل)
في غرفه سلطان كان سعد جالس مع اخوه سلطان سوالف وضحك وبعض الاحيان هواش بس وناسه^-^
قطع عليهم هالجو صوت تلفون سعد المتصل (حبيبتي)
سعد اول ما شاف اسم المتصل ابتسم وسلطان قعد يضحك عليه: ههههههههههههه ما اقدر انا عليك يا شيخ بجد تراك خليتني اموت من الضحك انا هههههههههه
سعد وهو يرفع حاجب: ما اقدر على اللهجه السعوديه انا
سلطان: فديتهم هم ولهجتهم والله جوناااان عسسسسسسل على قلبي رد رد
سعد: اممممم لا ما راح ارد ابيها تشتاق لي فديتها وبعدين باجر بنروح نخطبها مع اني مشتاق لها بس بعد
سلطان وهو يضحك: هههههه والله الي اعرفه من خبرتي انه البنات هم الي يسون جذي علشان الريال يشتاق مو انت العكس ههههه
سعد وهو يبتسم: انا غيييييير وبعدين تكفى لاتقعد تتفلسف علي
--------
اليوم الثاني (الساعه 7 ونص الصبح)
في بيت أبو مشاري وخصوصا غرفه مشاري وهيام
مشاري الي قعد من وقت دخل الحمام ياخذ له دوش وبعدها طلع وهو لابس الروب وراح يقعد هيام الي للأن هي بسابع نومه مشاري اول ما شافها قرب عندها ونزل لمستواها وهمس وهو يمسح على شعرها: حبيبي قومي بسج نوم يلا
هيام الي من حست فيه فتحت عيونها بشويش ولما شافته ابتسمت: صباح الخير حبيبي
مشاري قرب منها اكثر وطبع بوسه على خدها: صباح النور حياتي صباح الحب والعشق صباح العسل صباح الـ..
قاطعته هيام وهي تحط يدها على شفايفه : بس بس لين متى هههه
مشاري باس اصابعها الي على شفاته وهي على طول شالت يدها: عسسسسسسسسسسسل والله عسسسل
هيام انحرجت منه وخصوصا وهو يطالعها وكانها ما عليها شي وعلى طول قامت الى هو ماسك يدها: وين
هيام: يعني وين بروح حبيبي الناس لما تصحى من النوم وين تروح
مشاري يسوي نفسه يفكر: امممم أي عرفت
هيام تسايره وكأنه طفل: شاطر يلا قول لي وين
مشاري وهو يبتسم بخبث: انا اقول لج وين وسحبها وقعدها على حضنه
هيام وهي مو عارفه شتسوي: اممم مشاري حبيبي مو وقته وبعدين انت توك ماخذ دوش وانا بعد لازم اخذ دوش وانت بعد لا تنسى وراك دوام فـ بلييييييييز هدني خلني اروح
مشاري وهو يبتسم بخبث اكثر: اذا على الشغل عادي نسيتي اني اشتغل مع اأبوي عااادي حياتي و اذا على الدوش فـ اقدر اخذ دوش ثاني وهو بيكون الاحلى لانه بيكون معاج
هيام تلون ويها: مشاااااري (لهجتها طلعت دلع خلت مشاري يدوخ منها)
مشاري وهو يبوس جبهتها: عيون وروح مشاري
هيام: حبيبي والله مو وقته
مشاري: الا وقته ونص على طول سدحها على السرير وهي تترجى فيه لكن لا حياة لمن تنادي ........................
--------
في بيت أبو مصعب (في نفس الوقت)
مرام توها جاهزه علشان تروح المدرسه لانها ما رجعت امس الا متاخره وبدل ما تنام قعدت على النت فنامت متاخره وقعدت متاخره وبعد ما طلعت من البيت طلع وراها حمد لانه عنده محاظره تبدا الساعه 7 ونص طلع مستعيل ومصعب قعد وقت اذان الفجر وصلى ورد نام وما راح يقعد الا الساعه 8 ونص بالكثير لانه دوامه يبتدي الساعه 9 ونص
--------
في الجامعه (الساعه 7 ونص الصبح)
حمد كان مستعيل ويمشي بسرعه يخاف انه الدكتور دخل الساكشن قبله وبدا المحاضرة وهو شبه يركض صعق إلي جدامه وكانت خلود
حمد وهو مستعيل: آه سوري
خلود وهي تتميع: لالا عادي إلى شخبـ..
ماكملت لانه حمد تركها ومشى بسرعه ودخل الساكشن ماله وطنشها وهي هني عصبت : ما ادري على شنو مصدق روحه هين اراويك عيل انا تهدني وتمشي ولا وتحقرني ولا كأني اكلمك اراويك
--------
في بيت أبو زياد (الساعه3 العصر)
في الصاله كان زياد قاعد يطالع التلفزيون لكن الحقيقه انه كان سرحان في عالم ثاني قطع عليه تفكيره صوت اخته منيره: زيووود ويعييه اكلمك انا اشفيك
زياد وهو يتعدل في جلسته: افففف نعم خير اشتبين
منيره وهي ترمش هدب عيونها بسرعه: ابيك اليوم توديني بيت رفيجتي
زياد وهو يتهفهف: اففف ومن ذي بعد لا يكون الطويله المعصقله ولا ذيج الدبه السوده ولا ام الكشه والكرش
منيره وهي تضحك على تعليقات اخوه: ههههههههه لالا ولا وحده منهم هههههههه والله عليك تعليقات ههههههههه بصراحه تحـــفه ههههههههه
زياد: ههه طيب اذا ولا وحده عيل منو انا خبري هذيله ربعج
منيره: لالا هذي الله يسلمك غييير مميزه الي الله يسلمك يات لي امس
زياد على طول طالع منيره ويحس انه فرحان ما يدري ليش بس يحس بشي يجذبه للبنت : الي شعرها قصير وعيونها سودة وحلوه
منيره وهي تطالعه من فوق لي تحت: اوه اوه بعد تتذكر لون عيونها والله منتي بهينه يا مي
زياد بدون شعور: حتى اسمها حلو
منيره ماقدرت تمسك ضحكتها: هههههههههه واي بطني ههههههههههههههههههههههههههههههههههه
--------
في بيت أبو سعد (نفس الوقت)
كانوا يجهزون روحهم علشان بروحون يخطبون رغد حق سعد اليوم وسعد الدنيا مو سايعته من الوناسه وكان اول واحد يتجهز فيهم وكل دقيقه يصرخ: يلاااااااا تأخرناا حشى شتسووون يلاااااا
اأبو سعد وهو يهز راسه: اركد يا ولد ليش مستعيل على رزقك ترى مو زين الحنة
ام سعد وهي تنزل من الدري: هههه خله منك الولد ملحوس مخه خلااص لا تاخذ منه لا حق ولا باطل
سلطان وهو ينزل ورى امه: هههههه يلا انا خلصت
وراحوا الكل وركبوا السياره وكان أبو سعد هو الي يسوق وفي الطريج ام سعد: اقول سالم (أبو سعد هو اسمه سالم) مر على هيام قالت تبي تروح معانا
سعد: يما مو لازم ترى تأخرنا والله
ام سعد: هههه لالا توه الناس اشفيك انت اصلا هم راح يستغربون منا لانه رحنا لهم من وقت بيقولون هذا ما صدقوا على الله يزوجون ولدهم
سكت سعد وما علق ومر أبو سعد بيت أبو مشاري وخذوا هيام معاهم
--------
في بيت أبو مصعب (الساعه 4 العصر)
في غرفه مصعب كان مصعب توه مخلص الصلاه العصر لانه كان نايم وفاتته وقعد يقرأ قرآن كم صفحه وبعدين طلع من غرفته ونزل للصاله وهو للحين على الدرج سمع امه تكلم مرام أخته
ام مصعب: والله ودي أشوف أعياله بس اخوج عنيد وما يبي يبرد قلبي وأنا أشوفه معرس وإلا أشوف عياله
مرام وهي تتنهد: الله يهديه بس أنا إلي مستغربه منه ليش اهو رافض فكره الزواج ودوم يتهرب يعني بصراحه يما انا بديت اشك فيه يعني غريبه انه واحد كبر اخوي ما يبي يتزوج ولا المشكله هو متدين يعني يعرف انه الزواج نص الدين
ام مصعب: بصراحه ولا اكذب عليج حتى انا بديت اشك ما ادري ليش بس شي غريب كل ما يبت طاري الزواج يتهرب
عكس قبل لايسافر ويروح يزور صديقه الي يتعالج برع كان دوم
اذا ايب طاري الزواج يبتسم ويقول ان شاء الله جريب
آآآآه يا حسرت شبابه بس مضيعه في العزوبيه اكوه سعد الي اصغر منه ان شاء الله بيخطب اليوم وبيتزوج وولد جارنا أبو صلاح هم ولده اصغر من اخوج متزوج وعنده ضنه واخوج يا حسرتي عليه بس
مصعب الي كان واقف في مكانه ويسمعهم حس بالحزن لانه هو ما يدري شنو يسوي يتزوج ويسعد امه واهله ويعذب نفسه وينقض بوعده لحبيبته او يريح نفسه ويوفي بوعده ويخلي امه تتحسر عليه وعلى شبابه هو بين نارين نار حبيبته الي طول الوقت في باله ونار امه الي يطلب رضاها وبين افكاره سمع تلفون البيت يدق وردت امه: الو ..هلا والله هلا بأم سعد ...تمام
الحمد لله انتي شخباج ... الحمد لله العيال تمام ... خير .. لالا مبروووك وان شاء الله تشوفين عياله وعقبال ولدج سلطان بعد...هههه تسلمين...آآآآآمين الله يسمع منج يا رب ... هههه ان شاء الله .. يلا مع السلامه
سكرت ام مصعب التلفون وتنهدت بقوه: آآآآه
مرام وهي مستغربه: يما شفيج
ام مصعب: خليها على الله .. المهم ام سعد توها تكلمني وتقول انه سعد خطب البنت وبعد اسبوعين الملجه وداقه علشان تبشرنا وتعزمنا على ملجه ولدها سعد يوم الخميس
مصعب الي تضايق ورد ركب الدرج وراح غرفته
و
مرام الي استانست من قلب: يااااي واخيرا في عرس ههه.. الا يما شلون وافقوا عليه بهالسرعه
ام مصعب وهي تهز كتوفها: والله ما ادري بس الي اعرفه انه ام سعد قالت لي آخر مره انه هالبنت تصير اخت رفيجه ويمكن لانهم يعرفونهم والبنت تبيه فوافقت
-------
في بيت اأبو مي (في نفس الوقت)
كانت مي قاعده تطالع التلفزيون في الصاله واأبوها توه راجع من الشغل اول ما شافها كشر: السلام عليكم
مي:.....
أبو مي :اقوووول السلام عليكم
مي بدون ما تطالعه وتتصنع البرود وعدم المبالاه: وعليكم السلام
أبو مي ما يحب هالاسلوب وعصب على ردها البارد له
وتجاهلها وعلى طول راح لها ويودها من شعرها وقال بغضب: انتي سمعيني عااااااد موو كل مررره ارد واعييييد سااااامعه قلت لج هدي هالاسلوووب عنج ودزها على الكرسي مره ثانيه وطلع وراح حجرته اما مي فكانت تحس بالحزن على حالها عايشه بلا ام ولا اب على انه عايش لكن عمرها ما حست بحنانه نزلت منها دمعه كسيره حزينه على خدها وعلى طول مسحتها وقامت ووقفت وهي تقول في نفسها "لا انا ما راح اصيح انا قويه ومحد يقدر يكسرني انا مو محتاجه له ولا لغيره" وراحت حجرتها
(أبو مي كان انسان حنون قبل لاتموت زوجته لكن بعد موتها كره كل شي وصار قاسي وخصوصا على مي لانه دايما يقول انها هي السبب في موت امها ودوم يتهاوش معاها ويضربها ويقسي عليها ولا يسأل عنها بعض الاحيان ما يجوف ويها اشهور ولا هو مفتكر بالعكس كل ما تطلع من البيت يقول روحه بلا رده)
--------
في بيت أبو سعد (الساعه 6 المغرب)
سعد الدنيا مو سايعته من الوناسه الي هو عايش فيها يحس انه ملك كل شي في الدنيا ومزعج امه واأبوه كل ساعه يقول لهم: يما والله اسبوعين وايد يبا (ويلف على اأبوه) انا قلت لك قول لهم يوم الخميس هذا مو الي بعده
أبو سعد وهو يهز راسه ويضحك على ولده: ههههههههه ياأبوك شفيك مستعيل بكره ان شاء الله بتتزوج مو زين الحنة وبعدين اسبوعين ترى ما تكفي علشان البنت تجهز حالها احمد ربك انهم رضوا انه الملجه تصير بعد اسبوعين
--------
في سياره زياد (في نفس الوقت)
كان موقف زياد سيارته يم بيت أبو مي موصل اخته منيره
منيره: اففففف ياربي شلون الحين ادق عليها
زياد لف لها: شفيج شسالفه
منيره:ابي ادق عليها علشان تيي تفتح لي الباب بس ما عندي رصيد نسيت اشحن
زياد وهو يعطيها تلفونه: مو مشكله دقي عليها من تلفوني
منيره خذت تلفون اخوها ودقت على مي وبعد ما ذبحت تلفون مي من كثر ما يرن ردت: الو
منيره وهي معصبه: وينج انتي ليش ما تردين هااا
مي وهي تبعد التلفون من اذونها: ويعيييه ان شاء الله ترى اسمعج وبعدين انا ما ارد على ارقام غريبه
منيره: انزين المهم انا عند الباب تعالي فتحيه يا مال الاضعفه
مي: جــــب لا تغلطين باي
سكرت مي من منيره وراحت وعدلت نفسها بشكل سريع ومهمل وطلعت برى علشان تفتح الباب ويوم فتحته جافت رفيجتها طالعه من السياره سوده موديل 2008 همر جيب
مي وهي تسلم على رفيجتها وتبتسم لها: هلا والله بالكريها منور
منيره: كريها بعينج وحلوه بعين الناس "تحرك حواجبها"
مي وهي تسكر الباب وتضحك وقبل لا تسكره كله جافت اخو منيره للحين موقف سيارته وفاتح الدريشه الي مجابلتها ويبتسم لها هني مي تذكرت الموقف الي صار لها وابتسمت لزياد بطريقه تضحك وسكرت الباب اما عند زياد فما قدر يمسك ضحكته على حركة مي لانها بجد تضحك وبعدين حرك سيارته وهو يقول في نفسه "والله انها حلوه واحس انها مرحه وايد بس في شي يخرب عليها لبسها وحركاتها احس انها تتصنع الدفاشه وكأنها تقلد ولد"
--------
بعد ما مر اسبوع ما صارت احداث تذكر عن ابطال القصه غير انه سعد مستانس حده ويتمنى تعدي الايام بسرعه علشان يملج على حبيبته رغد و حمد الي كل يوم تتلصق خلود فيه وهو مطنشها وجاسم كل يوم يقول انه بيعترف حق ساره ووقت ما تصير عنده فرصه يتراجع ليش ما يدري والبنات كل يوم يروحون السوق الي يشوفهم يقول انهم هم العروس وهيام ومشاري عايشين بسعاده مثل عصافير الحب على قولت هنادي ومي كل يوم يمر عليها
مع اأبوها تحس بالحزن والكآبه لدرجه انها خايفه لا تنهار من كتمانها للحزن حتى مع نفسها واأبوها الي طلع بشغله جديده وماعد يرجع للبيت الى في نص الليل وسلطان الي تعرف على وحده في السوق وصار دوم يكلمها ويطلع معاها وزياد الي قرر انه يرسل اوراقه للجامعه الي في بريطانيا لانه ناوي يخلص دراسته هناك لمده 4 سنوات
ومصعب الي خذاله فتره طويله وهو يفكر بسالفه الزواج وبعد تفكير قرر انه يتزوج علشان يفرح امه وبعد اسبوع قال حق امه انه يبي يتزوج وامه استانست وااايد وقالت له راح ادور لك على وحده تناسبك وبعد يوم قالت ام مصعب حق مرام علشان تساعدها انها تحصل وحده حلوه واخلاق
--------
في بيت أبو مصعب (الساعه 2 الظهر يوم الخميس)
في الصاله .. مرام: اهااا يعني تبين وحده حلوه ومؤدبه ومتدينه و ماتحب العقره مثل خيوه وما تأخر صلاتها هم مثل خيوه و طيبه وتنحب بسرعه وتسمع الكلام لانه خيوه ما يحب احد يعانده
ام مصعب: اي والله يبيله وحده جذي بس ما اعتقد انه بنحصل وحده فيها كل هالمواصفات الزينه
مرام باصرار: إلا بنحصل
ام مصعب وهي تعدل جلستها: من ؟؟
مرام: امممممم هنادي هي الي تناسب اخوي مصعب
ام مصعب: اي بس هي وااايد صغيره عليه
مرام: يـــــــما بس ماراح نحصل له وحده احسن منها وبعدين الجريب اولى من البعيد وهي تناسب اخوي وايد وانتي تعرفينها زين
ام مصعب: اي والله ما في احسن منها كامله والكمال لله وانا اليوم بقول حق اخوج واشوف رايه
مرام على طول: لالا يــــما
ام مصعب وهي مستغربه: لـــيش !!!!
مرام: يما انتي تدرين انه مصعب بيقول انها صغيره عليه وايد وما يبيها
ام مصعب: انزين والحل يعني لايكون تبيني ازوجه وهو ما يدري
مرام: ههه لالا يـما مو جذي قصدي بس قبل لا تقولين له خليه يشوفها ادري انج بتقولين انه احنا عايشين في البحرين مو في السعوديه انه البنات متنقبات لا بس انتي تعرفين انه مصعب من يلمح بنت جدامه على طول يقض النظر خبرج الاخ واايد متدين وعلشان جذي فاكيد هو بيرفض بسبب صغر سنها بالنسبه له بس لو هو طالعها حلوه وسمع عنها كل الزين بالاول وبعدين تقولين له انج تبين تخطبينها بجذي اكيد راح يوافق من دون ما يفكر بعمرها
ام مصعب الي فعلا عجبها كلام بنتها و اقنعها:
اي والله وانتي الصاجه بس شلون نخليه يشوفها وبعدين انتي تعرفين هنادي خجوله وايد شلون بتقبل تكون معاه في نفس المكان
مرام وهي تبتسم بخث: انا اقول لج سمعي ...........
--------
في بيت أبو عبدالرحمن (الساعه 3 العصر)
رغد قاعده تحن فوق راس اأبوها علشان يوديها السوق لانه ما بقى شي على الملجه غير اسبوع ويومين
رغد: يـــــــــبا والله بقى علي اغراض وايد وابي اخلص بسرعه ترى ما يمدي
أبو عبدالرحمن: طيب طيب خلاص الحين بقوم وبوديج اففف منج حنانه
رغد باست اأبوها على راسه وهي تبتسم: فديتك والله يا احلى بابا في الدنيا
( اما رغد فهي وايد بنت نعومه وخجوله ورومانسيه وحلوه كلها انوثه وتجذب الكل وعمرها 20 سنه
شعرها أسود طويل وعيونها سوده وواسعه وبياضها بياض الثلج سبق وذكرت)
(أبو عبدالرحمن انسان متواضع وايد ويحب عياله وما يحب يقصر بحقهم ابدا)
رغد الي فرحت من قلب لانه اأبوها اخيرا قرر انه يوديها السوق لانه ما بقى شي على الملجه وهي لحد الحين ما خلصت نص الاغراض وهي راكبه الدري الى اخوها عبدالرحمن طالع في ويها:هلا بعروستنا
رغد الي انحرجت شوي: هلا بيك .. وين رايح
عبدالرحمن: بروح القهوه
رغد: اهاا طيب مع السلامه سوري بس مستعيله بروح اجهز نفسي لاني بروح السوق
عبدالرحمن: ههه معذوره يلا بااااي
وطلع عبدالرحمن من البيت اما رغد فراحت تبشر خواتها علشان يجهزون روحهم
(عبدالرحمن عمره 24 سنه اكبر اخوانه ويصير صديق سعد بروح وخطيب رغد حاليا شخصيه ورزه وعزابي ودوووم في القهوه)
--------
بيت أبو مشاري (الساعه 10 الليل)
كان الكل نايم ماعدا هيام ومشاري وجاسم كانوا يطالعون فلم رعب حده يخرع وبعد ما خلص الفلم قام مشاري وطفى الكهرباء : يلا بسكم سهر قوموا
هيام وهي تعدل شيلتها وتقوم: اي والله عيوني بروحها تسكر ابي انام
جاسم وهو يقوم بعد من مكانه: يلا تصبحون على خير
وراح لغرفته واول ما حط راسه على المخده ناااااااااااااام
اما عند مشاري وهيام فراحوا قسمهم الي في الطابق الثاني وهم يدخلون الصاله مشاري كان جدامها أبوايد دخل الغرفه وهي للحين ظلمه وكان يبي يخرع هيام فتم ينتظرها لين تدخل علشان يخرعها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك