بداية

رواية وه فديتك -1

رواية وه فديتك - غرام

رواية وه فديتك -1

رواية وهـ فديتك ..
للكاتبة : أتعبني إحساسي ..
منتديات غرام | أقلام لا تتوقف عن الإبداع
بســـم الله
هاذي روايتي الاولى اتمنى ان تعجبكم
* الــــــــبــــــ1ـــــــارت الاول *
الام اسمها هوازن عمرها 69 سنه زوجها متوفي عندها ولدين بنات اكبر واحد محمد عمره 49 سنه متزوج 2 عنده من الزوجه الاولى بنت وحده اسمها ليان عمرها21سنه . بعدين لجين عمرها 42 سنه عندها بنتين وولدين اول واحد مبارك عمره 24سنه بعدين وفاء عمرها 21سنه بعدين راكان عمر6 سنه بعدين لميس عمرها 14سنه.بعدين فواز عمرهـ 40 سنه عنده بنتيين اكبر وحده ساره عمرها 20 وبعدين لانه عمرها 19 سنه. بعدين جوزه  36 سنه عندها ولد وبنت الولد فايز عمره 17 سنه بعدين سالي عمرها 15 سنه. بعدين يارا عمرها29 سنه ماتزوجت.
الجده هوازن ساكنه مع بنتها يارا بيت صغيير على قدهم ومره حلو والتحف واليكورات من ذووق يارا يارا هبله بمعنى الكلمه بس لا جاء وقت الجد جد وذويقه بلبسها دايما تمشي على الماركات والموضى...لوجين ماتهتم باللبس بس لاجاء وقت العزايم تشتري احلى مافي السوق بنتها وفاء شخصيتها هادئه تحب الالوان الفاقعه كل الكليه يتطلعون فيها واختها نفس شخصيتها راكان مسجل بالمباراة وشسوي شوي يعجبون فيه البنات *ــــ^...اما سالي وفايز علاقتهم بأبوهم قويه غير عن امهم...اما لانه وساره ماعندهم لا شغله ولا مشغله طول الوقت على النت ولا بالسوق...
ليان:نحيفه شعرها قصير طوييله تحب تحط مكياج بس خفيف
سالي:سمراء وشعرها كيرلي طوول ليان ماتحب تحط مكياج وكأنها ميريام فارس
ساره ولانه سمان شوي ساره عاديه لانه مملوحه طولهم عادي
يارا:عيونها زي هيفاء وهبي وخشمها صغير وشفايفها كبار كأنها منفختتهم وبيضاء مره ماتحب تحط ميكياج
وفاء:قصيره وحلوه ومره تحب الميكياج
بسم الله الحين ببدأ روايتي وانشاءلله تنال اعجابكم.
الجزء الاول..
ابوليان: ليان..ليان
ليان: نعم
ابوليان:شوفي امك خلصت العشا ولالا
ليان:طيب
ليان:يما خلصتي العشا ةلالا
ام ليان:الا خلص بس حطي العصير
ليان:حطيت العصير..يباا يلا العشا جهز
وفجأه رن التلفون ورد ابو ليان وطلعت زوجته..بهذا الموقف وده تنشق الارض وتبلعه
ابوليان:هلا والله ابو سعود
زوجته(أبرار): وشو اللي ابو سعود
ابوليان:اليوم بجيك بالشغل ماراح انسى
وسكر بوجهها وقام يراضيها
في بيت فواز جاء الصبح تقريبا الساعه 8
ساره ولانه عندهم لابتوبات وقاعدات عليه
ساره:اف وش هذا كل يوم على هالحاله يالبنت يالبسوق وش ذي الحياه
لانه:طيب وش تبين نسوي يعني ماقبلونا بالجامعه
ساره:وش رايك ندخل دورات
لانه:ايه والله بدال هالزهق اللي جالسين عليه
ساره:خلاص انا بدخل حاسب وانتي وش بتدخلين
لانه:نفسك
في الكليه وفاء كانت بالمحاضره:
وفاء قاعده ترسل رساله لصديقتها لمياء
وفاء:اليوم وين بتطلعين؟
لمياء:خليها تخلص ذي بعدين نتفق
وفاء:يختي وش ورانا قولي وبعدين لاتنسين ان اليوم اليوم الوطني
لمياء:تصدقين نسيت
وفاء:اقول مدام انه بكرى عطله اسهري عندي عشان لم نرجع من السوق نلبس ونتصور وعلى فكره ترى بتجي ساره ولانه بنات خالي
لمياء:اول مانطلع من الكليه نروح ابو ريالن ونقش سوارات وخرابيط
وفاء:خير ياطفله شافتني بوقت المراهقه تراني كبرت على الحركات
لمياء:اخص ياثقيل طيب وين تبين نروح
وفاء:المملكه
في بيت الزوجه الثانيه زوجه محمد.
ابرار:اف وش هذي الحاله ماعمره جاء بالبيت الا اذا قلتله لكن والله لا اوريك واوري بنتك هذي هين
ابرار قاعده تكلم ايو ليان:محمد تعال في موضوع ابي افاتحك اياه
ابوليان:مقدر معليش سامحيني
ابرار:اوكي لاتجي بس ابي ورقه طلاقي توصلني انا مو حاسبلي حساب بس زوجتك وبنتك
ابوليان:طيب طيب راح اجي بس بعد ماخلص شغلي
ابرار وهي فرحانه ومستانسه عارفه او ماراح يرفض لها طلب
لميس الحين بالمدرسه الساع1 وهي قاعده تستهبل على بنات الكليه
لميس:استاذه وش رايك اليوم نتواعد بالسوق عشان تعرفين اليوم الوطني
سديم صديقتها ميته ضحك عليها
بنت الكليه:وين بتطلعين؟؟
لميس:مدري اشوف اختي
بنت الكليه :اقولك شي
لميس:وشو
بنت الكليه:انتي اسمك لميس ولاغيرتي اسمك يوم شفتي لمس اللي بسنوات الضياع
لميس:لاوربي كلا يقول كيذا انااسمي هذا من اول مانولدت
بنت الكليه:سبحان الله تشبيهينه مره
لميس وبنت الكليه قاموا يسولفون كثير وسديم مستحيه لانها نادر ماتسولف وقامت لميس تغني وقتلها عطيني رقمك وايميلك
لميس:راح اعرفك على اختي
مبارك قاعد بالبيت لا شغل ولا شي وبدأ يفكر بالزواج بدال حياته البطاليه وامه ماتشتغل وقاعده تفطر هي ومبارك
<<بالمدرسه>>
المدرس الرياضه:الشهر الجاي راح يخلون دفعة شباب يعرفون للكوره انهم بيطلعون بالترفزيون
راكان مره استانس:هذا الكلام ولا بلاش
اما جوزه فدايما سفراتها كثيره عشان الشغل وعشان كيذا عيالها مب متقربين منها
والاب مايسافر وشغله شوي ودايما يقعد مع عياله وهم يحبونه اكثر من امهم..
<<الساعه3العصر>>
سالي:يبا الى متى امي تسافر متى بتقعد معنا وتسألنا وش نبي متى بتعطينا حنانها متى تضمني وقت اتاجها في اسئله كثيره استحي اقولها غير امي
الاب:خلاص حبيبتي هي عندها شغل لولا الشغل ماتركتكم
سالي:بس مو كل عمرها تشتغل
الاب:بس هي ماقصرت معكم حملتك 9اشهر وسهرت الليل عشانكم
سالي: ياليتها ماجابتنا ..ليش جابتنا عشان تهملنا
ودخل اخوها فايز بالصاله
الاب:خلاص لاتتكلمين قدامي لاتزودون الانر ناارين
سالي:طيب
في بيت الجده هوازن قاعده تتصل على بنتها عشان لازم كل يوم اربعاء يجتمعون
ترن ترن ترن...
لميس:الو
الجده هوازن:هلا
لميس:هلا ماما هوازن
الجده هوازن:عطيني امك
لميس: طيب
لميس قاعده تنادي امها :يما يما...
ام مبارك:نعم
لميس:كلمي
ام مبارك:الووو
الجده هوازن :هلا.......انشاءلله جايين
ام مبارك:ايه
الحده هوازن:بيجوون بناتك
ام مبارك:بشووف اذا بيجون ولالا
الجده هوازن:مشتاقه لهم
ام مبارك :خلاص بروح اشوف اذا بيجون ولالا واقولك يلا مع السلامه
الجده هوازن:يلا مع السلامه
راحت تسأل بناتها لميس ووفاء وتشوف اذا بيجون ولالا
ام مبارك: لميييييييييس...
لميس:نعم
ام مبارك: وين اختك؟
لميس: نايمه
ام مبارك: روحي قوميها
لميس: لييش؟؟
ام مبارك: اذا قومتيها راح اقولك
لميس :طيب
وراحت لميس لغرفة وفاء ولقتها تكلم لانه وساره عشان تتفق معهم لطلعه السوق
لميس: اقول سكري التلفون بقولك شي
وفاء: طيب ساره اكلمك بعد شوي
لميس: امي تبي تكلمك واكيد عن جدتي
وفاء:ليش؟
لميس: لانها توها داقه
وفاء:طيب وانا وش اسوي
لميس: خلينا نروح وبعدين نفهم وشو السالفه
وفاء: استني بكلم ساره بعدين نرووح
في بيت الجده هوازن يارا كانت بغرفتها قاعده على النت فاتحه ترافيان وفجأه واحد ارسلها رساله قال :ارسلك موارد
يارا:ياليت وقام ارسل وصار كل شوي يحاكيها بعدين طلب منها ايميلها وشوي اليين مااخذ رقم جوالها<<دق علها>>الساعه 5 بالعصر
يارا بكل نعومه: الو
طلال: اهلين>>>>>طبعا هو يشبه عبدالله بو شهري واخوه محمود وه فديتهم
يارا: هلا والله
طلال: كيفك
يارا:الحمدلله طيبه
طلال: دووم
يارا: انت اخبارك؟
طلال:كويس الحمدلله
قاموا شوي يسولفون بعدين قالها ابي اشووفك
يارا: مقدر حنى كل يوم اربعاء نجتمع حنى وخواتي واخواني
طلال: عادي...تعالي تدرين ان اليوم اليوم الوطني
يارا: ايه عارفه...بس مااحب اطلع بالزحمات
طلال: عادي .. عشاني
يارا: اوكي بس وين؟؟
طلال: وش رايك بالمملكه
يارا: خلاص الساعه كم؟؟
طلال:7ونص
يارا:طيب يلا باي
طلال: وش دعوه مليتي مني بالهسرعه
ياره: لا بس فيه مكاكلمات كثيره على المسن>>قاعدين يكلموني
طلال:طيب اكلمك على المسن
يارا: طيب باي
طلال: باي
وش تتوقعون يصير في المملكه؟

الـــــــــــــــبــــــــــــ 2 ــــــــــــارت الثاني
***

في بيت أبرار : انا بفاتحك بموضوع
ابو ليان: زين وشو؟؟
ابرار:بصراحه في وحده تقربلي مسافره برى وتقول انه في بضايع مره تجنن يعني للحريم من شنط وجزم واكسسوارات وميك اب وقمصان وجلابيات و بجايم كل شي وتقول انه مرره رخيص وتقول اذا تبين اجيبلك جبتلك وانا ودي احط البضاعه بالبيت والناس يجون لي
ابو ليان: براحتك وبعدين زين انهم يجون الحريم لاني انا مو طول الوقت بالبيت
ابرار: فهمت قصدك
ابو ليان: لا وش دعوه..يلا تبين شي بروح عند امي تعرفين كل اربعاء لازم نروح
ابرار: انت امداك تجي عشان تروح
ابو ليان: قعدت تقريبا ساعه ونص
ابرار: يؤيؤ وانا مدري كثيره مع السواليف حسيتها نص ساعه
**** ***
وطبعا وفاء تكلم لها ساعتين تقريبا وهي تكلم ساره ولا راحت عند امها
ساره: اسمعي ترى انا بسوي نفسي اني بروح عندك لان ابوي لو يدر كان مايخليني اروح عشان الزحمات
وفاء: طيب الحين بروح لامي بقولها لاتروحين تقولين لابوك
ساره: انتي ابوك يدري
وفاء: ايه عادي
ساره : طيب يلا باي
وفاء: بايو


وراحت وفاء لامها
ام مبارك: واخيرا شرفتي.....اسمعي جدتك هوازن من زمان ماشافتكم وتبيكم تجون
وفاء:طيب ال**ده
ام مبارك: يعني انتي ولميس بتروحون معي
وفاء: لا
ام مبارك:وليش انشاءلله


لميس دخلت وقالت: لا مو رايحين نبي نطلع اليوم للسوق
ام مبارك: وين
وفاء: المملكه
ام مبارك: مين سمحلكم
وفاء: بس انا قلت لابوي ووعدت لانه وساره ولمياء اني اجي
لميس: حتى انا وعدت بنت الكليه وقلت لسديم
وفاء وام مبارك: وانتي وش عرفك ببنت الكليه
لميس: تعرفت عليها واخذت ايميلها ورقمها بس مرره كيوته
وفاء: اكيد مو احلى مني
لميس: تخسين تجين ربعها
وفاء: اليوم بشوفها وبحكم عليها لاني عارفه ذوقك لو كلاس
لميس: شوفي مين يتكلم!!!!!
**** ***
في بيت جوزه الساعه 7 فايز قاعد يتفرج على الترفزيون وسالي قاعده بالغرفه تلبس عشان تروح بيت جدتها ولبست وخلصت وطلعت وفايز طلع لبيت صديفه ووصلهم ابوهم ورجع للبيت الشغاله صارت تعرف وضع البيت فصارت تتقرب من الاب وكل شوي تروح قدامه وتجي وتقوله تبغى شي"...طلع ابو فايز من البيت وهي قامت تفكر وش تسوي عشان تتقرب من ابو فاز بما ا نام فايز عندها شغل ودايما مسافره...


بالنسبه لفايز بدأ يضيع بدوا يضيعونه اصدقائه ويوم جا عند صديقه عطاه دخان(زقاير)
صديقه: يااخي جرب وش بيضرك
فايز: لالا....بتعطيني بالغصب ماابي
صديقه: انت بتجرب مره وبعدين خلاص لا تدخن
فايزمتردد بعدين وافق
فايز: طيب وشلون استعمله
صديقه جمبه وهو يدخن وقال يلا جرب
فايز حاول وجرب وبدأ يكح
صديقه: ترى بالبدايه كيذاا.........المهم وشلون التجربه؟؟
فايز: بصراحه بعذر الناس اربع وعشرين ساعه يدخنون
صديقه بقلبه: بتتعود انشاءلله
**** **
يارا البست وتجهزت وطلعت من البيت ووصلت للملكه وبنفس الوقت وصلت لميس ووفاء وساره ولانه ولمياء وشافوا بعض وقامو يسلمووون
وفاء: غريبه وش جايبك هينا انتي ماتحبين تتطلعين بوقت الزحمه
يارا تصرف: هااه ايه لانه مرررررره زهق بالبيت
وفاء: طيب بتمشين معنا ولامواعده صحباتك
يارا: لامواعده صحباتي
وفاء: اوكيي بااااااي


واول ماراحت وفاء والبنات دقت عليه
يارا: يلا انت وينك؟؟
طلال: يلا انزلي من مملكه المرأه انا تحت
يارا:اوكي
يارا نزلت تحت وشافته وهو ماشافها وقاعد يكلمها
طلال: وينك والله حيرتيني من كثر البنات
يارا: ان تشوف مين حلى البنات وقول وش لابسه عبايه
طلال: امممممم والله كلهم حلوات
يارا: تراني اغار
**** ****
نـــــــــهــــــــاية الــــــــبــــــــــــارت


*تتوقعون ابرار بتنجح في تجارة بضاعتها؟
**تتوقعون وشلون الخدامه حقت ابوفايز بتتقرب منه؟؟
***وين بيوصل فايز لطريق الخطأ اللي وصله صديقه له؟؟؟
****وش تتوقعون يصير بين يارا وطلال ^ــــــــ^ ؟؟؟؟


الـــــــــبــــــــــــــــــ 3 ـــــــــــــــارت الثالــــــــــــــث




***
طلال: طيب يلا قولي لي وينك؟؟
يارا: اووكيه انا لابسه عبايه عليها كرستال لونه موف
طلال: مو محتفله باليووم الوطني
يارا: لا وبعدين شايفتي بزر
طلال: شفتك...يلا افتشي وجهك
يارا: اممممم اوكي انا بدخل هذا المحل استحي افتش قدامهم
طلال:طيب
يارا دخلت المحل وفتشت ويوم طالعلها بس من اول نظره حبها واعجب فيها وعيونه ماوخرت من وجهها وهي مره انحرجت واستحت وتغطت وهي مره اعجبت فيه لانو مره خقق يارا طلعت من المحل وهو طلع وراها يارا بتذوب زي الشمعه وبتغرق زي السفينه وطلعت مملكة المرأه وهو كان بيروم وراها بس استوعب
**** ****
في بيت الجده هوازن:
كانوا كلهم مجتمعين"محمد وفواز ولجين"
رن جوال محمد
محمد:الو
ليان وهي تصيح: يبا تعال بسرعه
محمد: وش فيك وش صاير معك؟؟
ليان: يـــــــــــــــــــــــبا امي تعبانه مدري وش فيها!!
محمد: يلا جاااي
الجده هوازن: وش فيك؟
محمد:مدري وش صاير بعدين اكلمكم
***
في بيت لوجين راكان يكلم بالتلفون وجاه خط ثاني وطلع مدرس الرياضه
المدرس: السلام عليكم
راكان: وعليكم السلام
المدرس: وش لونك ؤاكان
راكان: تمام
المدرس: ماراح اطول عليك بس راح اقولك ان بكره فيه مباراة وراح يطلعون اصدقائك بالترفزيون واذا تبي تشارك باللعب قولي
راكان: اكييييييييييييييد جاي
المدرس: خلاص اجل يلا مع السلامه
راكان: مع السلامه
****
في بيت ابرار جت اللي تقربلها ببيتها وجابت معاها البضاعه
ابرار: مشكوره حبيبتي
قريبتها: تسلمين
ابرار: انا بروح للغرفه بجيب فلوس
قريبتها: لا تجيبين حلفت لا تزعليني>>>ازعلي وطقي راسلك>>>>براا
ابرار: عيب استحي تروحين ولا اعطيك
قريبتها: لاعادي وش دعوه
***
وفاء ولميس ولانه وساره ولمياء انواع الاستهبال لميس دقت على بنت الكليه وشافتها وسلمت عليها وعرفتها على البنات طبعا بنت الكليه اسمها غيدا واول ماشافوها اعجبوا فيها وفلهـ وصارت تمشي معهم وبدت تاخذ وتعطي معهم وحبوا شخصيتها وخاصة وفاء وجت الساعه وحده بالليل وتوهم يطلعون >>من كثر الزحمه >> ورجعت مع وفاء ونزلت لمياء عند وفاء ولبسوا وخلوا لميس تصورهم وسهرت عندها لما الساعه 4 الفجر بعدين رجعت البيت
**** ***
وبعد مافكرت الشغاله ولقت الحل عشان تتقرب من ابو فايز والفكره هي : لما تنضف غرفته تاخذ شي منه وتسحره
**** ***
اما بالنسبه لابو ليان وبنته بالمستشفى وهي تعبانه مرررررره وقعد ابوليان وليان يدعونلها وناموا بالمتشفى الى ماجاء الصبح
**** ****
فكرت ابرار انو يكون عندها ولد تكون مستانسه فيه وتحضنه وفكرت انها تتعالج عند دكتور
**** ***
دق تلفون فواز 11بالصباح
ابوليان:فواز تعال بسرعه ولا تناقشني الوضع مايتحمل الانتظار
فواز: طيب جاي
وراح فواز للمستشفى بأسرع ماعنده ولقى ليان وضعها مره انهيار وودوها غرفة مهدئات وابو ليان يصيح ويدع لها
طلع الدكتور :البقى براسكم
ابو ليان منهار ويصيح ومدري وشلون يقول لبنته
وراح عند فواز وقاله وشلون اقول لليان
فواز: خلاص انا اقولها مردها بتعرف
ابو ليان: استنى الحين حالتها صعبه
فواز: طيب
ابو ليان دخل عند بنتهوهي مره تعبانه وتصيح
ليان: وشلون حالة امي
ابو ليا،ن:لاتشيلين هم الدكاتره ماطلعوا اول مايطلعون ويقولون لنا بقولك
**** ***
في بيت ابو ساره الساع2بالصباح ساره تنادي امها عشان تروح هي ولانه للمطعم يفطرون وراحوا وبدوا يقنعون امهم والام عيت
ساره: تكفين الله يخليك نبي نشم هوا مرره زهقانين
لانه: تكفين حبيبتي
الام: ايه اذا جاء وقت الطلعه تترجون وتقولون حبيبتي وانا بحياتي ماسمعت ذي الكلمه
ساره: خلاص عاد وافقي
الام: لا
لانه: لييييييييييييييييش؟
الام: عشان ابوكم مايهاوشني مني ناقصه
ساره: بس عشان كيذا يختي تؤبريني كلها ساعه
الام: طيب بس 10 دقايق عشان تجهزون
لانه : تامرين امر
ساره: ابشري
الام: عيارات اخلصوا راح من الوقت دقيقتين
****
اتصل ابو ليان بأم مبارك وقالها تروح البيت عشان تجيب كراسي عشان اذا الناس جوا ماتكفي الكنبات
ام مبارك: خلاص الحين رايحه بيتك يلا مع السلامه
ابو ليان: مع السلامه


**** ****
نـــــــــهاية البــــــــــــــــــــارت
* وش بيصير على طلال ويارا ^ـــــ^؟
**وش بيصير على الشغاله وعلى خطتها !.)هل بتنجح.؟
***هل من الممكن ان ابرار تتعالج ؟
****وش بتسوي اذا درت ليان ان امها توفت؟
***تتوقعون بيصير موقف اذا راحوا المطعم )لانه وساره؟
***
كل هـــــــذا واكثر ترقبوه بالبــــــــــــارت القادم
استمـــــتعوا حبايب قلبي
والعذر والسموحه ان كان فيه اغلاط املائيه


دمــــــــــــــــــــتم بــــــــــــــــــــحب *ــــــــــ^

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -