بداية الرواية

رواية اما غرام يشرح الصدر طاريه ولا صدود -21

رواية اما غرام يشرح الصدر طاريه ولا صدود  - غرام

رواية اما غرام يشرح الصدر طاريه ولا صدود -21

كفاية وغدة وحدة تحت مسئوليتي مانيب في حاجة لوغدتين غيرها..
شهد ههههه صدقت والله انهم وغدات ياأبو حسين..
عبدالله والله أنك كفوو و ماانتي بوغدة مثلهم يا أم حسين..
شهد بخبث يابختك ياغادة في ولد أخوك النشمي..
عبدالله تراها ماتعرف قدري..
شهد ماعليك منها يالشيخ ولد الشيوخ..
مانبى نزعجكم خلاص الشيخ قال نمشي يالله ياسامية..
عبدالله يوقف وبصوت عالي علي الطلاق ماتمشون خذوا راحتكم مع خويتكم الوغدة..
بس ان شفت وحدة منكم معتبة الطاولة اسلخها عند الجزار..
مشى طالع من عندهم وشهد تمدح فيه وتنفخه بالكلام..
شهد ياعسى عمرك طويل يا الشيخ الكريم المغوار يافارس البيداء وطاوي الصحراء..
غادة خلاص انكتمي طلع بعد ماطلع روحي...
سامية أنتي مصيـــــــــــــــــــبة..
شهد هههههه ياختي خبرة مع المراهقين والبزارين..
غادة يابنات حاط دوبه من دوبي ناشب لي في كل شيء..
شهد عندنا وعندك خير..بس انتي عامليه مثل مايحب..
احترميه ناقشيه ولاتفرضين عليه رايك بالغصب..
خذي رايه واهتمي فيه..بتشوفينه يلين معك ومايحاول يعاندك بكل شيء..
غادة خليه منك الحين حسابه في البيت..
وش صار على بعثتك؟؟
شهد قالوا يازين جامعات الرياض..
سامية هههه وهم صادقين..
غادة ليه ماتتزوجين سعيدان وتهجين..؟؟
شهد لبى ذا الطاري..بس سعد مهندس ماحن في مقامه عساه البط..
سامية يبط العدوووو وجعوووه
شهد يوجع سعيدان ويقطع مصارينه..
سامية شهيييييد لاتدعين الرجال..
غادة بلى بلى خليها تدعي عليه وش حارك انتي؟؟
عساه البط اللي يبطه هو واللي في بالي..
سامية ياصديقات السؤ الغيبة حرام..
شهد المرة الجاية قوليله يجي يجلس معنا عشان ماتصير غيبة..
واللي في بال غادة خليه يتفضل بعد..
سامية غادة شهودة لاتخلون قلوبكم تقسى..
كونوا طيبات مثل ماعهدتكم..
غادة بالنسبة لي الطيبة ما أكلتني الا التراب..
خليني افصل لي ثوب من القسوة عله ينفعني..
شهد وش ربحنا من طيبتنا وسذاجتنا الا طعووون بالظهر وحن مانستاهل..
سامية ومافيه أحد يستاهل تقلبون قلوبكم وتدعون شخصية غير شخصيتكم عشانه..
غادة القوة ماجاتنا من عدم..اللي تعرضت له علمني درس ما بانساهـ..
سامية يعني راكان انتصر عليك..؟؟
غادة كل شيء بحسابه ومصيري ادفعه الثمن غالي..
شهد لاتعني نفسك عشانه غدوو احقريه مثل ماحقرت سعد..
شوفيني مبسوطة بحياتي بعد ماكنت اظن ان سعادتي معه..
غادة بوعيد لا..أنا لي حق عند راكان ولازم يرد لي الحق..
واللي يسكت عن حقه يستاهل المذلة..
شهد براحتك..الانتقام يمكن يرضيك لفترة قصيرة وبعدها بتفقدي لذته..
سامية تتكلمي من تجربه شهودة..؟؟
شهد تبتسم ايـــه انتقمت لنفسي منه وماني ندمانة على اللي صار..
بس في النهاية هو بيكمل حياته وانا مثل ماتشوفون أحاول اكمل بس ماقدرت..
غادة بالعكس انبسطي باللي سويتيه..
ياليت لو تصير معي نفسي سالفتك ويرجع يخطبني راكان واول مايسالني الشيخ والرجال مجتمعين..
أرد بكل صوتي لا ما ابيه ياشيخ..
شهد في مجلس مليان حريم قال ماله عازة فيني ومايبيني..
وفي مجلس مليان رجال قلت ما ابيه..
سامية واخوانك وابوك وش يكون موقفهم والمجلس مليان رجال ينتظرون موافقتك..
مافكرتوا الا بانفسكم أنانيات..
وعلى فكرة ياشهد ترى سعد خطبك من ابوك مرة ثانية وابوك عطاك له..
بس باقي ما قالوا لك..والحين مالرايك أهمية..
شهد تبتسم بخبث وانا موافقة ..
غادة مصدومة نعم؟؟
شهد ايه موافقة..أهاني مرة وأهنته بالمثل..
جرحني وجرحته..طعني وطعنته..
تعادلنا وش المانع مانبدى من جديد..
سامية يعني مو متوقعة منه جرح او اهانة..
شهد يمكن..بس أكيد بيكون معلوم عنده انه لو جرح بينجرح..
ولو اهاني باهينه..
غادة ولو كسرك ودفنك حية ؟؟
شهد اشرب من دمــــه..
غادة تبتسم ماعاد يمدي..
سامية غادة تفكرين براكان؟؟
غادة من احتقاري له أحتقر نفسي اذا فكرت فيه..
أنا ما باسعى عشان انتقم منه..بس ان توفرت لي الفرصة فما راح اضيعها أبداً..
قاموا البنات من على الطاولة ومايدرون وش المكتوب..
أو اذا تحققت امانيهم هل بيكونون قد كلمتهم وينفذون تهديداتهم..
وينتقمون لأنفسهم..
ورداء القسوة اللذي فصلته غادة لنفسها..
هل تنتزعه يداً ما من عليها أم يصبح جلداً جديداً لكيانها..؟؟
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛
كانوا بالسيارة ماشين من المطار متوجهين للمزرعة ..
مارضت تجلس جنبه فاضطرت ام غازي تجلس جنب طالب قدام..
بعد نظرات تهديد ناظرت فيها لشوق..
وصلوا المزرعة وكانت ماريا باستقبالهم بعد ماكلمها غازي..
شوق طلعت لغرفتها بجناح أمها وقلبت كل اغراضها تدور على بوكها..
مع انها متأكدة ان البوك كان معها في روما..
دخلت أمها وشافت الدنيا معفوسة ..
أم غازي شوق ؟؟
شوق والله بارتب كل شيء بس خليني ادور على بوكي..
أم غازي أنا ابي اعرف وش اللي في البوك وراجك بهالشكل..؟؟
شوق بطاقاتي وفلوس بس..
أم غازي شوق وش اللي في البوك؟؟
شوق جلست بتعب فيه ورقة تخصني وما ابيها تضيع مني..
أم غازي وش اللي في هالورقة؟؟
شوق سر سري أنا..
أم غازي أجل احمدي ربك ان البوك ماضاع..
شوق هاهـ؟؟
أم غازي تمد على شوق بالبوك وتحطه بيدها..
وشوق مصدومة ومو مصدقة انها تشوف بوكها رجع لها..
ضمته غير مدركة لردة فعلها وهي تناظر بامها ودموعها بعيونها..
شوق تضم امها فديتك يومه فديتك..رجعتي لي روحي..
ام غازي تبتسم الله يعين وش هالسر اللي قاطع قلبك..
أشكري طالب لانه هو اللي لقى البوك..
شوق برعب وشهو..طالب وش سوى؟؟
أم غازي هو اللي عطاني البوك..
شوق جلست بسرعة وفتحت البوك ويدينها ترجف تنفست براحة لما شافت الصورة موجودة..
ضمت البوك مرة ثانية..وانتبهت على امها تهز راسها وتروح لغرفتها..
خرجت الصورة وتاملتها وهي تبتسم ..
لفت الصورة وناظرتها من ورى شهقت بقوووة لما قرئت الكلام..
بخط جديد وبقلم جديد وربما بقلب جديد أنكتب المكتوب..
لا لا مستحيل يكون شافها ..
بس اكيد شافها والدليل الكلام اللي كتبه ..
ورى الصورة ...
وقح كيف يسمح لنفسه يفتش بوكي..
قليـــــــــــــل ادب متخلف..
ياربـــــــــــــي كيف احط عيني بعينه الحين..
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛
جالسين بالصالة وعلي يحاول يقنع ابوهـ باللي موصيه عليه هادي..
ابوعلي ما اقنعتني..لا مايحتاج تدرس برا..
غادة وهو صادق ابوي مايحتاج ادرس برا..
علي خليك محضر خير واسكتي..
غادة علاوي ترا الموضوع عني انا يعني انا اللي اسافر وادري برا..
علي أنتي حاولي تفهمي وجهت نظرنا..
غادة اسلم يا ابو عبدالله اسمعك..
علي أنتي مو محتدة على الشغل والحمدلله الخير واجد..
بعد الثانوية ما اخذتي الا سنتين حاسب وبعدها توظفتي..
وانتي كنتي تتمني تدرسي التخصص اللي خبرك بس انا مارضيت..
وانتي ماتعديتي على كلامي..وهديل تمنت طب وماسمحت لها عساها الجنة..
لما قالي هادي عن موضوع دراستك معه في بريطانيا صديت عن الموضوع..
بس الحين اسالك بالله العظيم ياغادة اذا باقي الدراسة في خاطرك والله ما اردك..
غادة وقفت وحبته على راسه عسى عمرك طويل يا الغالي..
والله ويشهد ربي علي ماشلت بخاطري عليك عشان التخصص..
كلمتك تمشي علي ان رضيت او مارضيت..
ما اكذب عليك واقول ماهو في خاطري ادرس هندسة..
ويكون لي تصاميمي وديكوراتي..بس الحين صعب اسافر او ادرس..
علي ليه صعب وش اللي مخوفك؟؟
غادة مو خايفة من شيء بس ما ابي اترك أمي وابوي وهلي..
علي وسلامة هلك هذؤلاء هم بخير..
وترى السالفة كلها طيارة راميتك بلندن وطيارة شاحطتك السعودية..
غادة بجد علاوي ما ابى اسافر او ادرس مو في بالي..
ابوعلي والله ياغادة ان رضيتي بالدراسة مايوديك لندن غيري..
بغصة<<وهديل لوكانت موجودة كنت باوديها تدرس الطب ولو شليتها على ظهري..
غادة تقبل يده الله يرحمها..هديل صارت عند الرحمن..
ولا لها بالطب والدراسة الحين اي حاجة..
مطالب الدنيا يايوبه مالها قيمة عند النعيم اللي هديل تعيش فيه الحين..
عساها من سكان الجنة ..
وأوعدك افكر بالموضوع وارد لك خبر..
آآآآآآآآآآآهـ ياغادة ياليتها بالجنة وانا دافنها بيديني ومطمن عليها..
باكون سلمتها لربي ورديت الأمانة..
بس الغالية ويــــــن؟؟وش صار فيها؟؟
يارب عفوك وورحمتك بعبدك..
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛
في أنترلاكن بسويسرا ,,,
هديل برجفة افسخ جاكيتك..
غازي لا كفاية اللي انتي لابسته..مابتقدري تتزلجي بكل هذي الملابس..
هديل ما ابى اتزلج يامجرم ما قلت لك طلعني بهالثلج..هات الجاكيت..
غازي يمسك يدها ويسحبها وراهـ..ويبتسم على تحلطمها عليه..
فسخته قفازات يدينه ولبستهم على قفازاتها..
حتى الايشارب اللي كان ملفووف على رقبته أخذته من عليه بالغصب..
ولفته على الايشارب حقها..
والحين تطلب منه يعطيها الجاكيت..
هديل ما باتزلج لاتقول ماقلت لك..
غازي أمشي يالدب القطبي..من شاف شكلك قال ماعمرها شافت ملابس..
هديل تثبت قبعت الثلج على راسها وحوالين أذونها ومو باين منها الا راس خشمها وعيونها..
لانها لافة الايشارب على رقبتها وفمها من البرد..
هديل ما باتزلج..
غازي اختاري تتزلجي لوحدك او اخذ زلاجة مزدوجة نتزلج عليها انا وانتي..
هديل اختار اما ترجعني الفندق او دحرج نفسك من فوق هذا الجبل..
غازي ماتتوبين..
اخذ زلاجة مزدوجة وسحبها لها..
صرخت وضربته مع صعوبة الحركة اللي تحس فيها..
بس هو جلسها على الزلاجة وجلس وراها وهو يضمها من ورى ويثبتها..
هديل سبته وشتمته حاولت تعضه بس الايشارب منعها من العض..
هديل لا وقف بانزل وانت تزلج براحتك ما ابى ما ابى..
غازي بهمس خبيث يا الله دعاء السفر..
أول ما انطلقت الزلاجة بدأت صرخت هديل المرعوبة..
كان يتزلج بمهارة بس في نظر هديل كان يرميهم من اعلى الجبل بتهور..
كل ما ارتفعت الزلاجة وضربت في الارض..
كانت تلتفت عليه وتضربه على راسه وبطنه وهو يضحك عليها لما ترجع تتمسك فيه..
وأخيراً وقفت الزلاجة خرجت منها قبله ولما شافته يطلع منها ورجل ع الزلاجة ورجل على الثلج..
دفته بقوووة وطيحته على الأرض..
تدحرج كم مرة وهي ركضت عنده وجلست على ركبها قريب منه..
وصارت تلم الثلج بيدينها وتحطه عليه وكأنها تدفنه وهو يضحك ويبعد الثلج عنه..
غطى الثلج صدره ورقبته وهو كل مارفع الثلج عنه رجعته عليه وتضرب يدينه..
غازي بمرح يعني تبين تدفنيني ولا تسوين رجل الثلج..
هديل لا ابي ادفنك مـــــــت مـــــــــــــــــت ..
غازي بشهقة درامية بسم الله علي من الموت..
هديل مستمرة في دفنه لا لا مـــــــت مت..
غازي طيب وأنتي وش يصير فيك اذا انا مت..
فكري بنفسك ..
هديل مالك شغل انت مــــــــــت والأمور طيبة من بعدك..
غازي فكري بنفسك..
بعدت شوي من الثلج اللي على وجهه وقربت منه..
هديل صدق اذا أنت مت..وش يصير بعدين..
غازي يسحب يده من تحت ركبتها ويبعد الثلج من على عيونه..
غازي لاتخافيــــــن مأمن عليك..بتكونين بخير اذا صار ومت..
هديل اممممممم أجل مت..
ورجعت تدفنه بالثلج سحب يدينه منها وبعد الثلج عنه..
وقفت قبل لايوقف ويمسكها..
ركضت بعيد عنه بس لثقل حركتها ما امداها تبعد الا وهو ماسكها..
غازي وين وين يالدب القطبي؟؟
سدحها على الثلج وهي تترجاهـ مايسوي مثلها ويحط الثلج عليها..
هديل ما باعيدها والله والله..
غازي اسحبي كلامك..
هديل اي كلام..؟؟
غازي لما قلتي اموت اسحبيها يالله..
هديل طيب لاتموت..
غازي رفعها وجلسها ..
هديل بلهانة لاتموت انتحر ..
غازي يهز راسه باسى ماتتوبين..
قبل لا تحزر هو وش ممكن يسوي..
مد يده وسحب الايشاربز من رقبتها..
صرخت وسحبت نفسها منه بس هو ثبتها على الأرض ونزل قبعتها..
انتثر شعرها على الثلج وبان وجها الأبيض خدودها الحمر وراس انفها الاحمر..
شالت بيدها ثلج ورمته عليه..
سوا كورة ثلج كبيرة وقربها منها..
حطت يدينها على وجها بسرعة من دون ماتحسب حساب لاي شيء ثاني..
وبدت تصرخ بهستريا لما حست بالثلج داخل كنزتها على صدرها..
لان غازي دخل كورة الثلج داخل الكنزة..
جلس يراقبهاوهو مبسوط على شكلها وهي تنتفض تبي تخرج الثلج اللي تحسه بيجمدها..
وقفت فسخت الجاكيت الثقيل اللي هي لابسته وسحبت الكنزة الصوفية من تحت عشان ينزل الثلج..
حست الدموع تتجمع بعينها من البرد ولان بعض الثلج علق بصدريتها ماقدرت تخرجه..
صدت عنه واخذت ايشارب لفته على راسها..
وتركت جاكيتها على الأرض ومشت تبي ترجع لاستراحة التزلج..
مامرت ثواني من مشت الا وهو يلفها عليه ويلبسها الجاكيت ويلصقها فيه..
غازي بهمس اذا تبيني اموت..أنا ما أبيك تموتين..
دخلوا الاستراحة جلسها بمكان قريب من موقد النار..
لاحظ انها تقاوم النوم ..
فطلب لهم كاسين من القهوة السويسرية
طلب "اسبريسو" لهديل لانه يبيها تصحى وتكمل اليوم قبل السفر..
وهو اخذ قهوة سوداء ..
شافته وهو ياخذ الكوبين ولما مد لها بكاس..
مارضت تاخذهـ منه..
وقفت وطلبت لها كوب ثاني ورجعت تجلس بمكانها..
غازي بخبث افـــــــا تثقين بالسويسري وماتثقين فيني..
هديل ما اكون تلميذتك اذا ماحفضت الدرس..
نومتني مرة مستحيل أسمحلك تعيدها ثاني..
غازي يرفع حاجب مافيه مستحيل عندي..
نزلوا بالعربات المعلقة مثل ماطلعوا..
توجهوا لمطعم صيني تعشوا ورجعوا الفندق..
كان يشتغل على الاب توب وهي جالسة على الأرض بنفس الغرفة ..
خلص شغله وقفل الجهاز ثم انسدح على سريرهـ..
غازي ويده على عيونه قومي نامي..
هديل وهي لامة مخدة على صدرها وتشوف فلم..
هديل ما ابي انام مو نعسانة..
غازي ورانا سفر بكرة نامي عشان ماتتعبين..
هديل لا تشيل هم يالشايب أنت نام وريح..
عشان تسوق الطيارة ..
غازي يبتسم رايقة اشوف..
هديل عادي بس بجد احس بنشاط غير طبيعي..
غازي هذا من اللي شربتيه..
هديل عصبت ماشربت شيء لا تتبلاني..
غازي من اللي شرب القهوة اسبريسو؟؟
هديل طيب قهوة وش فيها؟؟
غازي الله يسلمك يابيبي القهوة تنشطك وتطير النوم من عيونك..
وأنا طلبتها لك لانك كنتي راح تنامين وحن نتزلج..
هديل ومن طلب منك تشربني قهوة منبهة؟؟
غازي رجع يده على عيونه دايـــخ بانام قومي نامي لاتوهقيني بكرهـ..
هديل تبي تقهرهـ رفعت صوت الفلم عشان تزعجه..
غازي والله اذا أنا شايب فانتي بزر على حركتك هذي..
هديل تستفزهـ نام يالشايب مافيك حيلة..
غازي طيب واذا قام الشايب الحين ووراك حيلته من يفكك منه؟؟
أنتظر ردها بس هي ماردت عليه الا انها قفلت التلفزيون وطفت النور اللي بالغرفة..
جات بتطلع من الغرفة بس هو منعها..
لما مسك يدها فزت بخوف لانه كان نايم على السرير والحين واقف جنبها وقريـــب منها..
هديل بخوف والله العظيم طفيته..
غازي أدري والحين نامي..
هديل ما احس بالنوم ..
غازي لازم تنامي مرت 6ساعات من شربتي القهوة راح مفعولها خلاص..
هديل تحاول تسحب نفسها عنه بس ماقدرت ..
هديل والله مو نعسانة ..
غازي يثبتها على الجدار ويقرب منها أنا وش قلت؟؟
هديل ايه بانام انا نعسانة بانام..بكره ورانا سفر لازم أنام..
ركز عيونه عليها وقرب وجهه من وجها..
غمضت عيونها بسرعة وصدت تبعد وجها عنه وقعت شفايفه على خدها ..
همس باذنها ماكنت ابيها الا في مكانها بس انتي ماتتوبين..
بعد عنها وسحبها بهدؤ سدحها على سريرها وغطاها وهي متخشبة من الخوف..
خرج من الغرفة وسكر الباب ونام بالصالة ..
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛
تشنجت عضلاتها من كثر ماهي شادة اعصابها..
تناظر فيه وهو يلاعب غازي بالألعاب ويضحك معه..
من بعد ليلتهم الاولى في البندقية وهي تراقب تصرفاتها..
قفلت الباب عليها مرة ثانية بس تنبهت وفتحته قبل لا يحس عليها..
حذرت نفسها بانه لازم ماتخلي راجح يحس على شيء..
مسحت كل اللي بجهازها عن الماضي وعلاقتها فيه..
مسحت الذكريات اللي كتبتها على حياة سعود..
أوراقها الخاصة مخبيتها في بيت اخوها طالب في السعودية..
كانت رشا تمسح كل شيء له صلة او ليس له صلة بالسر ..
ســـر قد يقضي على حياتها ان اكتشفه راجح أو اكتشفه شخص ما غيره..
بينما كانت رشا تفكر بسرها وكيف تخفيه..
كان راجح يخطط لـ السيطرة على غازي الصغير..
ومن بعدها على رشا..
جلس جنبها وهو لاصق فيها وغازي بحضنه..
فزت من سرحانها وهي تحس فيه ملاصقها..
ارتبكت وحاولت ماتبين ..
راجح ملامحه طالعة لسميه اكثر شيء..
رشا تبتسم في البداية ماكان الا نسخة ابوهـ بس الحين بدء يتغير..
راجح يكبر شوي ويصير يشبه جده راجح..
بلا غازي بلا بطيخ..خلك شيخ مثل جدك..
قول جدي..
رشا وانت تبيه يسميك جدهـ؟؟
راجح يناظرها أنتي وش تبينه يسميني؟؟
رشا ارتبكت براحتك ا أنا بس سالت..
راجح وانا سئلت..تبين يناديني ابوي..
رشا تسحب غازي منه وتحكم جاكيته عليه بسبب البرد وهي تضمه..
راجح جاوبي..
رشا هو يقول لغازي وطالب بابا..
مدري وش تبيه يقولك..
راجح غويزي وطويلب لازم يدرون انهم خواله وبس ماهم ابووهـ..
أنا لحالي ابووهـ..
رشا رفعت راسها بخوف لا انت مو ابوووهـ..
راجح بأصير ابوووهـ ..
رشا وقفت وبعدت عنه وغازي بحضنها..
رشا ما ابيه يتعلق فيك لو سمحت لاتعلقه فيك..
راجح هو وضامنه بجيبي..
واللي ابيهم يتعلقون فيني باعلقهم وما يقدرون يستغنون عني..
حست ان الهواء ينحبس بصدرها ومو قادرة تتنفس..
الخوف من انه يكشفها بيشل عظامها ..
همست لا..
راجح بلى..
شال غازي منها وجلسه بعربية الاطفال..
لم يدهـ على كتفها ورجعوا الفندق..
وقرار اتخذته رشا ترجع عند غازي قبل لا يفوت الفوت..
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛
دخلوا المزرعة وهديل مصدومة من شكل المزرعة..
الثلج اللي مغطي اسوارها واشجارها..
والثلج اللي مغطي ارضها الخضراء لحتى صارت بيضاء..
غيرها الثلج وعطاها منظر ثاني تماما ..
غازي القسم اللي انتي فيه راح يكون بارد كثير..
انقلي اغراضك للقصر..
هديل بصدمة لا أنا مرتاحة بقسمي..
غازي بحدة لاتراديني..نفذي اللي قلته لك..
هديل بعناد لا..ما ابى..
غازي اعتقد انك صرتي تعرفيني وتعرفين اسلوبي لاتعاندي..
مابيخسر غيرك..
هديل سكتت وماردت عليه ..
نزلت من السيارة وتفاجئت بامه واخته جالسين على الشرفة في هذا البرد..
كانت تعتقد انها اخر مرة تشوفهم في روما..
ماطرى في بالها انها بترجع وتلقاهم في المزرعة..
كملت يبيني اعيش بالقصر واهله موجودين..
لايكون عمه وزوج اخته بيعيشون هنا بعد..
لانهم كلهم محارم لبعض شايف عادي اعيش معهم..
لو يموت ماانتقلت للقصر...
تمنت لو تقدر تصد عنهم وترجع لقسمها الخاص فيها..
لكن كان من الأدب انها تسلم على امه ولو بكلمة بسيطة..
ماهو خوفاً منه على ماهو احترام لهذه الأنثى..
نطقت السلام عليهم..
ردت ام غازي ..
أما شوق ما اهتمت لتواجد هديل وقامت تسلم على اخوها وتحضنه..
هديل تجاهلت شوق وكانها غير موجودة..
سالت أم غازي عن حالها واستئذنت تبي تروح لقسمها..
أم غازي صبت كوبين قهوة مدت لغازي ومدت على هديل..
ماكانت تبي تجلس معهم لانها متضايقة من قرار غازي..
ولانها لاحظت من اول ماصحى من النوم وهو متغير عليها..
وكانه غازي الوحش اللي عرفته باول يوم للغربة ..
ذاك الجلمود القاسي..
تسالت بصمت أين هو غازي الحنون اللذي كانت في رحلة معه طوال الاسبوعين المنصرمين ..
هل مات عندما دفنته بالثلج أم ضاع منها في جبال سويسرا..
من سمح لهذا الجلمود بالعودة..
لا أريـــــــــــــدهـ ..
أخذت الكوب من يد ام غازي واستئذنت منها ..
نزلت الدرجات وشت على الثلج مشتاقة تختلي بنفسها..
وتحاول تفهم وش اللي صار لحتى يقسى غازي ويهددها من جديد..
أول ماقفت عنهم ..تكلمت شوق بقهر..
شوق مغــــرورة..مدري على أيش شايفة نفسها..
غازي بهدؤ يحق لها..
شوق يمكن نست انها خادمة..صحها من اوهامها وذكرها بها الشيء..
قامت شوق ودخلت القصر..ماتبي تتهاوش مع غازي..
أم غازي غرقت ياغــــازي ..؟؟
غازي يناظر بقهوته قلبـــــــــي حقود يومــه..ماينسى..
تنهدت أم غازي وهي تناظر بولدها..
جلست.... جلست والخوف بعينيها تتأمل فنجاني المقلوب
قال يا ولدي لا تحزن فالحب عليك هو المكتوب يا ولدي...
يا ولدي قد مات شهيداً يا ولدي قد مات شهيداً من مات فداءاً للمحبوب
يا ولدي ........يا ولدي
فكرت ودبرت كثيراً لكني لم أقرأ أبداً فنجاناً يشبه فنجانك
فكرت ودبرت كثيراً لكني لم أعرف أبداً أحزاناً تشبه أحزانك
مقدورك أن تبقى أبداً في بحر الحزن بغير رجوع
وتكون حياتك طول العمر طول العمر كتاب دموع
مقدورك أن تبقى مسجوناً بين الماء وبين النار
فبرغم جميع سوابقه وبرغم جميع حرائقه
الحب سيبقى يا ولدي الحب سيبقى يا ولدي
أحلى الأفكار
يا ولدي......... يا ولدي
بحياتك يا ولدي امرأة عيناها سبحان المعبود
فمها مرسوم كالعنقود
ضحكتها أنغام وورود
والشعر الغجري المجنون يسافر في كل الدنيا
قد تغدو امرأة يا ولدي يهواها القلب هي الدنيا
......لكن سماءك ممطرة وطريقك مسدود
فحبيبة قلبك يا ولدي نائمة في قصر مرصود
من يدخل حجرتها من يطلب يدها ..
من يدنو من سور حديقتها ..
من حاول فك ضفائرها يا ولدي
مفقود مفقود مفقود
يا ولدي ............. يا ولدي
وسترجع يوماً يا ولدي مهزوماً مكسور الوجدان
وستعرف بعد رحيل العمر بأنك كنت تطارد خيط دخان
فحبيبة قلبك يا ولدي ليس لها أرض أو وطن أو عنوان
ما أصعب أن تهوى امرأة ليس لها عنوان ليس لها عنوان
يا ولدي ............ يا ولدي
نزار قباني ...


كونوا بخيــــــــــــــــــــر
صدووود ’’’
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت الثاني والثلاثون ,,,

أتدرين كم ذا أحبك؟
لا تسخري يا حبيبه
إني أحبك حتى أكره كل الألي
اجترأوا أن يحبوك
حتى لأكره-أكثر-كل الألي
اجترأوا أن يروك و لم يعشقوك!
المرحوم باذن الله..غازي القصيبي..
بعد رجوعهم بيوم جاها لقسمها وطلب منها تنتقل للقصر..
لكن هديل ظلت على موقفها الرافض..
هديل أنت بس تبي تقهرني..
غازي آيـــــه..والحين لمي اغراضك وامشي معي..
هديل بهدوء الله يخليك ماله داعي تحرجني مع هلك..
وش بيكون موقفي من اخوك وعمك..
لاتقول حالي حال شوق ورشا..لاهم يصيروا محارم لهم..
بس انا مابينا قرابة ولايجوووز..
غازي القصر كبير وانتي بتظلين بقسمك..
هديل بس ماراح اكون مرتاحة..
أنا هنا مرتاحة لا تستكثر علي هالشيء..
غازي بحدة وليش ماتكوني مرتاحة هناك؟؟
لاتقولي عمي واخوي السبب..شوفي غير هالعذر..
هديل بصدق لأني ما ابي اكون قريبة منك ولا من هلك..
غازي أجل تجمدي بهـذا المكان..هذي رغبتك..
طلع من الملحق وتركها واقفة تناظر فيه..
لاتستغرب قسوووته..
بل تستغرب بانها اول مرة يتركها بهذا الشكل..
فلطالما كانت كلمته هي المسموعة..
وتنفذ اوامره ان رضت او لا..
::::::::::::::::::::::::::::::
كانت جالسة ومرتبكة مو عارفة كيف تتكلم معه..وتوصل له قرارها..
شافته بيطلع من الغرفة نادت عليه..
رشا وين رايــح؟؟
راجح نازل عند الشباب ليش فيك شيء؟؟
رشا بارتباك أنـ..لا بس
راجح بــــــــــــــس كملي.
رشا حبيت اقولك بامكانك تاخذ راحتك هنا..
أنا وغازي بنام في غرفتي..
راجح وأنا اشتكيت لك وقلت مو مرتاح؟؟
رشا بقهر لا..
راجح أجل لاتشيلي هم انا مرتاح..
رشا بس أنا مو مرتاحة..
راجح بسخرية وليه مو مرتاحة..أحد تعرض لك لاسمح الله..
رشا مو متعودة أحد يشاركني غرفتي..
راجح على خبري انتي كنتي متزوجة من قبل..وأكيد فيه غيري شاركك الغرفة..
ماله داعي اعذار واهية..
أختنقت من الاحراج..ماتوقعت بيوصل النقاش الى هالنقطة بالذات..
بس قررت ماتخليه يحرجها أكثر..
رشا المهم عطيتك خبر بانتقل لغرفتي..
راجح وأنا باعطيك العلم..أنا رجال مافي وجهي سحى
ولاني بقايل عيب واستحي من اخوانك..لاياحلوة باسحبك من شعرك وارجعك لهذي الغرفة..
واللي عندهـ كلمة يواجهني فيها..
وعشان ماتحرجين نفسك قدام اخوانك حكمي عقلك ولاتتركين غرفتنـــــا..
رشا مابتسويها..
راجح معذورة بعدك ماعرفتيني..بس جربي تعصيني وانتي تشوفين..
طلع من الغرفة وهي واقفة محتارة وش تسوي..
ماتبي تظل بالغرفة وهذا الشيء الاكيد..ع الاقل في الفندق كان يحجز جناح..
الغرفة تكون لها وهو يظل بالصالة..
لكن هنا الوضع غير مافيه الا غرفة وحدة مو جناح..
خايفة تطلع لغرفتها مع شوق وينفذ كلامه..
تخيلت الموقف قدام اخوانها وشوق..
والله شكله من جد مافي وجهه سحى قليل الأدب..
بس هين انا أوريه شغله..
؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
كانوا جالسين بالمكتب وطالب لازال يحقق مع غازي..
بشأن المشروع الجديد اللي ناوي عليه غازي..
لما دخل راجح وشاركهم الموضوع..
طالب حي الله زوج اختي..
راجح يبتسم الله يحييك ويبقيك..
طالب تصدق اني نسيت انك زوج اختي من سنتين..
راجح ماتنلام رضينا بشرط لايرضي الله ولا يرضينا عشان كحيلة العين..
غازي لاتغزل بأختي قدامي..ترى دمي حار..
راجح يالبى كحيلة العين..
غازي لا بالله الكحيلة عندي ماهي بعندك لبى العيون وبس..
طالب مابه كحيلة مثل هذيك اللي شفتها..ويلي ويلاهـ عليها عيووون مصيبة..
ياخوفي اني اكون نضلتها بسم الله عليها..
راجح وغازي مفتحين عيونهم بقوووة ويناظرون بطالب..
طالب وش بلاكم أدري اني ماخذ بنتكم..بس عيون ذيك تجلط..
راجح ياولد استح على وجهك..تتغزل في غريبة قدام هل زوجتك..
طالب لا والله مابعد تغزلت..أنت بس عطني مجال وأتغزل صح ياويـــلي ويلاااه..
غازي يكتم ابتسامته طويلب ماخبري فيك بصاص وعينك زايغة..
طالب والله اني على خبرك يا اخوي..مير اللي شفتها قلبت عقلي والله أنها جـــــرح ..
راجح يمثل العصبية لو اني لابس العقال كان رجع عقلك على حاله..قال قلبت عقلي..
طالب الله جميل يحب الجمال..
غازي وعندك جميلة ليش ماتتغزل فيها..
طالب شف باكون صريح معك..أختك صح أنها حلووة ومملوحة..
بس هذيك مصيــــــــــــــــــبة وجع بشكلها ماخلت شيء لباقي البنات ماخذة الزين كل ابووه..
الشعر ياصلاة النبي..الوجه ماشاء الله..ولا الطول والجسم جــــــــرح..
غازي بحنية والله مامذبوح غيرك قل انها ايطالية لاتتوهق شف من اللي وراك..
طالب وفهم من اللي وراهـ من دون مايلتفت بس تعقب هي وكل بنات الدنيا عند المزيونة معصقل..
مايسكن القلب الا عصقووولتي الحلوة..
شوق بقهـــر طلقنـــــــــــــي ..
خرجت وهي تضرب الباب بقوووة من القهر والزعل..
غازي وراجح ماتوا من الضحك على شكل طالب
وهو يحط أصابعه باذونه من صرخة شوق وتقفيلها لـ الباب,,
طالب ليه ماعلمتوني انها دخلت يالنذل انت واياهـ..؟؟
راجح يمسح عيونه من الضحك وانت فتحت عيونك عشان تشوفنا..مغمض وتوصف مالت عليك
غازي وعجبه الموضوع نرجع لكحيلة العين الايطالية
طالب والله وعسى ربي يسامحني ان كنت كذاب انها ماتمد للغرب ولاهي من أصلهم..
غازي عربية؟؟
طالب خليجية..
راجح غازي لو تدخل اللي خبرك ماسمعتك تقوول نرجع لكحيلة العين..
غازي يبتسم لا كحيلة العين حقتي هي الجــــــــرح يا طالب..
راجح وأنا أشهد..
غازي بنظرات وأنت وش دخلك تشهد..؟؟
راجح أشهد بالحق..هي أطلق من رشا ومن شوق..
غازي بعصبية ماطلبت شهادتك..
راجح ببرود ترى ماشفت منها الا عيونها..
غازي ماهو عشان كذا ماني براضي بلثمتها..
طالب وين كحيلت عينك يا غازي ؟؟
غازي يفتن مالك شغل..
طالب المهـــم أبى أعرس..
راجح واحد مانعك من زوجتك..تراك معرس منذو مبطي..
طالب البلا في ولد أخوك ماعرسني أخته..
غازي وأنت حددت الموعد وأنا قلت لا؟؟
طالب انت المفروض تحدد ..
راجح بما اني كبير العيلة فأنا باحدد..
غازي من وين صرت الكبير؟؟
راجح أنا عمك وأنا الكبير..لاتعصيني..
غازي ههههههههه طيب صدقتك..يالله يا الكبير حدد موعدهم..
راجح الا وش ذا الأوراق اللي قدامك..
أخذها راجح ودرسها بدقة..
طالب مشروع باذن الله ناجح..الله يوفقك فيه
راجح الحين أنت متاكد من قدرتك على هذا المشروع؟؟
غازي بثقة متأكد..
راجح وعندك السيولة الكافية؟؟
غازي يبتسم في بالك تشاركني ؟؟
راجح بخبث والله ماهي بشينة الفكرة..
طالب يمكن تحتاجون سيولة أكبر وش رايكم براس مال ثالث؟؟
غازي هههههههههههه انا أخذ رايكم في المشروع وأنتوا تبون تسرقونه..
راجح هههههههه شف أنا بزنس مان وانت تدري..
ماعرضت المشاركة عليك الا لن المشروع دخل مزاجي..
لو ماتطمنت له ماشاركتك وخليتك تخسر لحالك..
طالب غازي ياخووك عمك ذا نذل ولا وش سالفته؟؟
راجح تراني عمك حتى انت..الحكم على الرضاعة مثل الحكم على الولادة..
طالب بخبث اذا كنت عمي فهذا يعني انك عم رشا..طلقها أشوووف..
راجح تعقب..
غازي هههههههههههه طالب اسحبها قبل يتوطاك..كله ولا رشا..
راجح وتحسبني باخذ بكلام الورعان..؟؟
طالب الله اكبر ياالشايب مابينا الا سنة..
غازي لا اله الا الله وش يفكني منكم الحين؟؟
وش قلتوا في المشروووع؟؟
راجح أنت ماعرضت المشروع الا وانت محتاج شريك صح؟؟
غازي بمفاوضة معي شريك..
طالب يعني مو محتاج شركاء ثانين؟؟
غازي الشريك الثاني شريك بالاسم..
راجح وراس المال؟؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -