رواية الا الكرامة حبيبي اعمل حسابك -2
مرام اخذت دش ولبست فستان قصير احمر وشعرها ربطته بمسكه صغنونهوتعطرت وجلست ترتب الغرفه
ابراهيم دخل الغرفه:مرام
مرام:هلا
ابراهيم:اجهزي بنروح بيت اهلي وقرب لها وشد ايدها ومن بين اسنانه:اذا احد عرف شي عن
مرام دزته وهي تصرخ:فهمت خلاص مابقول لاحد ان زوجي مو رجال
ابراهيم سطرها كف وطلع
مرام جلست تبكي ومنصدمه توهم ثاني يوم زواج ومد ايده عليها
انتهى البارات
اتمني تعجبكم بدايتها
وابي توقعاتكم
لابراهيم ومرام كيف بتكون حياتهم؟
هل احد بيعرف سر ابراهيم؟
راكان ياترى ايش هالجرح اللي فيه؟ايش قصه ابتهال
نواف وتهاني هل نواف فعلا يخونها؟هل شكوك تهاني بتاكد؟
افنان من ياترى اللي تحبه وتبيه يحس فيها؟
وئام ومنصور؟منصور بيبطل حركاته النسونجيه او بيظل كذا حتى لتزوج وئام؟
وئام ايش بتسوي؟
البارات الثاني
بيت اهل ابراهيم
مرام جالسه مع خوات ابراهيم
وامه
نوره:مرام شفيك ساكته
مرام:شتبيني اقول
نوره:طيب انا من جيتي حاسه انه فيك شي
مرام:لاحبيبتي مافيني شي
رغد:مرام متى بتسافرون انتم
مرام:مادري عن ابراهيم
دخل ابراهيم وناظر بمرام:السلام
الكل:وعليكم السلام
ام ابراهيم:ابراهيم انت شمسوي بمرام
ابراهيم ناظر مرام ع طول:ليش هي قالت لك شي
مرام خافت
ام ابراهيم:لا بس ساكته ولاتكلم
ابراهيم:اها طيب احنا بنمشي الحين
ام ابراهيم:تو الناس
ابراهيم:لايمه ورانا طريق
مرام قامت
وسلمت عليهم
ام ابراهيم:مانوصيك ع مرام يابراهيم
ابراهيم:لاتوصين
ووسلم ع اهله وطلع وهو ماسك ايد مرام
مرام فكت ايدها من طلعو وركبو السياره
مرام:ابي اسلم ع اهلي قبل نسافر
ابراهيم:لا
مرام:ليش
ابراهيم:عشان تقولين لاهلك اني عاجز
مرام:ابراهيم انت زوجي ومستحيل بفضحك واطلع سرك
ابراهيم:بيت اهلك مابنروح له وكلميهم وودعيهم
مرام:اوكي مو مشكله
وظلو ساكتين
مرام طلعت شريط من شنطتها لنوال الكويتيه وشغلته
كانت اغنيه نوال صح
ودخلت جو ع الاقل تونس فيه لين يوصلون جده
بيت ابو هاني
نرجس:ههههههه اي نيوف متى بتجي ان شالله
نايف:والله مادري بس حاليا ماني بجاي
نرجس:اها وسمعت صوت بنت صغيره تقول دادي :من هذي
نايف بربكه:هاه انا مو بالبيت وهذي بنت تنادي ابوها وين امي
نرجس بشك:اها دقيقه اناديها وقامت بصوت عالي:يممممممه
ام هاني:خير تصرخين
نرجس:نايف يبيك بالتلفون
ام هاني:ياويلي قلب امه دق وجلست واخذت السماعه وجلست تكلمه
نرجس راحت لوئام ودقت الباب
وئام:ادخلي
نرجس:وئومه ممكن اكلمك شوي
وئام:ايش هالذوق تفضلي قلبي
نرجس:وئام نايف يمكنه متزوج اجنبيه
وئام:هاه وش تخربطين
نرجس:توني كلمته وسمعت بنت تقوله:دادي ومن سالته ارتبك وقال انه مو في البيت
وئام:طيب يمكنه صادق
نرجس:اقولك ارتبك
وئام:ياشيخه انتي يتهيأ لك
نرجس:مدري يمكن
وئام:طيب ضفي بذاكر
نرجس:ياختي باقي اربع ايام ع امتحانات
وئام:اي بس بختم ياعمري هذي اخر سنه لي
نرجس:طيب وقامت وطلعت
وئام جلست تفكر كيف عقب الامتحانات بسبوع بتتزوج منصور وتسافر معاه تكون معاه بيت واحد وبغرفه وحده وسرير واحد وحست بطنها يعورها
بسرعه شالت من راسها هالافكار وجلست تدرس
بغرفه وسام
جالسه وتخطط ترسم
خلصت وجلست تشوف مخططه
ابتسمت بقتناع واتصلت بفاديه
وسام:هلا فدو
فاديه:هلا فيك
وسام:فدو خلصت المخطط
فاديه:صدق
وسام:اي والله
فاديه:يالبي قلبك كيف طلع
وسام:جنان والله تعرفي هذي اخر سنه لنا بالتقنيه ولازم نعرف فين نبي المشغل حقنا يكون
فاديه:يالبيييييه حمستيني
وسام:اصوره وارسله لك
فاديه:اي ياريت
وسام:اوكي يالله باي
فاديه:بايات
قفلت وصورته وارسلته لفاديه وطلعت عنده اهلها
وسام:قوه
ابو هاني وام هاني:يقويك
وسام باست ابوها وجلست:شخبار ابوي اليوم
ابو هاني:بخير حمدالله
وسام ناظرت بنرجس الجالسه وساكته:شعندها هاديه
ام هاني:خليها نفتك من صجتها يوم
وسام:اي والله
نرجس لفت عليهم:ترا سمعتكم
ام هاني وسام:ههههههههههههههه
هاني دخل:سلام
الكل:وعليكم السلام
هاني جلس:ضحكونا معاكم
نرجس:ويقولون بس انا فيني شرافه وحتى هاني نفسي
وسام:انتي اعديتيه
هاني:اي والله اعدتني
ابو هاني:اقول هاني ماودك تفرحنا وتزوج
هاني راحت ابتسامته:يبه مو وقته هالكلام وانا مابتزوج الحين
ابو هاني:بس انت مانت بصغير بتصك الثلاثين وانت ماتزوجت
هاني:يبه تكفي هالموضوع اقفله ولجاء وقته يصير خير
ام هاني:ابوك معاه حق ياهاني نبي نشوف عيالك قبل نموت
هاني:طول الله بعمركم يمه وكل شي بوقته حلو
ابو هاني وام هاني:الله يهديك
بيت العمه ريما
فاديه جلست جنب امها:يمه شوفي مخطط وسام للمشغل
هناء:مشالله يجنن
بندر اخذ الجوال:اشوف
فاديه: يالقفك
بندر:جنان مشالله عليها وسوم
فاديه سحبت جوالها:ماسمح لك تدلعها
بندر:اقول طسي بس ميت عليها انا عاد
فاديه:بندر ترا جد ازعل
بندر:فهمنا خلاص حقك علينا
اشواق جت طايره:ماما
ام راكان:خير شصاير
اشواق سحبت ايد امها:تعالي بسرعه
قامت ام راكان بسرعه وفاديه وبندر لحقوها
اشواق جلست تخفت باذن امها
ام راكان:خليكم هنا لا احد يلحقني
كلهم:ان شالله
فاديه:اشواق شسالفه
بندر:شرافه زايده
فاديه:مالك دخل اي شوقه شسالفه
اشواق مشت:مابعرفش
بندر جلس يضحك
فاديه انقهرت وراحت غرفتها
ام راكان راحت لغرفه راكان
دخلت شافته جالس ع السرير وصوره ابتهال بيده ويبكي
ام راكان قربت له وجلست جنبه:راكان
راكان مسح دموعه:هلايمه
ام راكان:راكان الى متي
راكان:احبها يمه انا ندمان اني طلقتها
ام راكان:بس يايمه انت عارف انها ماتبيك وقالت لك انها تكرهك
راكان حط راسه بحضن امه:بس انا احبها
ام راكان:انساها يايمه خلاص الله بيعوضك وبتتزوج اللي احسن منها
راكان:مابي اتزوج انا من بعد ابتهال مابي اي وحده
ام راكان:تبي تجلس بدون زواج عمرك كله عشانها
راكان:اي يمه وصار يبكي:مشتاق لها يمه ابي اشوفها لو مره
ام راكان:مايصير ياراكان وحتى صورتها مايصير تظل عندك انت طلقتها خلاص
راكان:ادري بس ماقدر ارمي صورتها
ام راكان:طيب يمه قوم اغسل وجهك انت رجال وعيب تبكي
راكان قام ومسح دموعه وابتسم وحط الصوره تحت مخده وقام راح الحمام
ام راكان اخذت الصوره وطلعت
قطعتها وحطتها بصحن واحرقتها
وراحت اخذت راكان
وطلعته عندهم وجلسو يسولفون
بيت الخاله هناء
ام فهد
فهد وسلطان ونادر
دخلو ورمو حالهم بالصاله
ام فهد:الناس تسلم
سلطان:تعبانين يمه حيل
نادر:اخ اي والله تعبانين
ام فهد:وش متعبكم الشرقيه وش قربها وكل روحتكم يومين
سلطان:ولدك الدلخ ذا اتعبنا والله بس مسهرنا يومين مانمنا
نادر:لاياشيخ انا اجل مسهرك انثبر بس
ام فهد ناظرت بفهد الساكت:فهد
فهد:هلا يمه
ام فهد:شفيك يمه من دخلت ماسمعنا صوتك
فهد :تعبان يمه و دق جواله
اغنيه ابي انساك
قام وطلع برا ورد
فهد:الو
.................الو حبيبي
فهد:فجر انتي ماتفهمين انا مو طلقتك انتي شتبين داقه
فجر:بس انا يافهد حامل
فهد بصدمه وصوت عالي:ايششششش حامل
فجر:اي حامل
فهد:مو مني هالطفل
فجر بكت:تشك فيني والاعشان زواجنا بالسر ماتبي تعترف بولدك
فهد بصراخ:كذابه لي اسبوعين مطلقك ليش توك تقولين
فجر:كنت خايفه
فهد سكر بوجهها وباين التوتر والعصبيه عليه
فهد بخاطره"شسوي الحين انا شالوهقه اللي وهقت نفسي فيها" ودخل
شاف خواته جالسات
امل:فهودي
فهد طنشه وراح لغرفته يفكر بهالمصيبه كيف يتصرف فيها
نجود:شفيه فهد
سلطان:غثنا اخوك هذا ماخلانا نستانس
نادر:اي والله واحنا بعمر الزهور بننبسط
امل:هههههههههههه امحق من زهور
افنان:ماماي ودي اروح لوئام ادرس معاها
ام فهد:ادرسي لحالك وئام ماهي بكبرك ادرسي مع اختك
افنان:بليز ماما
ام فهد:لا
افنان:طيب ليش
سلطان:قالت لك لا انتي ماتفهمين
افنان:وانت شعليك
سلطان:بنت اعقلي تراني اكبر منك
افنان قامت:ايش هالظلم اللي بهالبيت
امل جلست تضحك
ام فهد:قومي لغرفتك ادرسي لك شي احسن لك من الضحك
امل:باقي اربع ايام
ام فهد:ان شالله باقي عشره قومي ادرسي يالله
امل مدت بوز:ان شالله وقامت وراحت غرفتها
نجود:وانا استاذن
وراحت
سلطان ونادر قامو وراحو غرفتهم
ام فهد ظلت لحالها تطقطق بهالتلفزيون
بيت ابو ماجد
جالس ابو ماجد مع ام ماجد بالصاله وعندهم ماجد
شجن دخلت:ماما فين منصور
ام ماجد:اكيد بغرفته
شجن:ثانكس بروح اشوفه وراحت
ام ماجد:ماجد انا وابوك بنكلمك بموضوع
ماجد:امرو
ابو ماجد:شرايك يابوك تتزوج
ام ماجد:شوف ياماجد فاديه اخت راكان بنت ولاكل البنات كامله والكامل الله
ماجد:تو الناس ع اني اتزوج يمه
ابو ماجد:عمرك سته وعشرين كم تبي يصير عمرك عشان تزوج
ماجد:يبه انا مابي اتزوج
ام ماجد:ياماجد خلنا نخطب لك البنت ولو بتاجل الزواج اجله
بس عشان نحجز البنت
ماجد:اها طيب بس ترا الزواج عقب ثلاث سنين
ام ماجد:مثل ماتبي بس يعني نخطب نتوكل ع الله
ماجد:اي يمه اخطبيها
ام ماجد وابو ماجد فرحو
وماجد ماهتم ابد
عند شجن واقفه عند باب غرفه منصور تسمعه يكلم وحدها منقهره عشان وئام
فتحت الباب
منصور فز:شوي واكلمك قفل ولف ع شجن:خير انتي تدخلين بدون احم ولادستور
شجن:مو عيب عليك ماباقي شي ع زواجك وانت تكلم
منصور:وانتي ايش دخلك لتكونين امي وانا مادري
شجن:انا ماسمح لك تخون وئام دامك ماتبيها ليش تزوجها
منصور:انا اصلا ماودي اتزوجها بس اهلنا حيرونا لبعض
وئام:حتى لو حيروكم اذا كنت ماتقدر تسعدها لاتزوجها
منصور:انا عطيتك وجه زياده عن اللزوم اطلعي برا
شجن ناظرته بقهر واحتقار وطلعت
منصور مسك جواله ودق ع البنت اللي كان يكلمها وجلس يسولف معاها وكلام شجن ماهمه ولاحرك منه ساكن
اما شجن راحت غرفتها
ومنقهره ماتبي وئام تاخذ منصور وهو مايحبها ولايبيها
بس شلون تقول لوئام بس صعبه تقول شي عن اخوها وتخرب كلش
قررت تسكت لعلى الله يهدي اخوها
بيت نواف
تهاني جالسه وتلعب بنتها
تهاني:نوف حبيبي تعالي همه
نوف قربت لامها واكلتها شبس
تهاني:شاطره طيب عطى ماما بوسه
نوف باست امها وجلست تلعب بلعابها
دخل نواف:السلام
تهاني:هلا حبيبي وعليكم السلام احط لك الغداء
نواف:لاحبيبتي متغدي برا
تهاني:اها طيب
نواف:انا بروح انام
تهاني:نوم الهنا
راح نواف وتهاني تفكر
قامت لحقت نواف
نوف:امه
تهاني لفت:اجلسي ياماما الحين اجي طيب
نوف جلست
راحت تهاني شافته رامي ثوبه ع السرير وتسمع صوت الدش عرفت انه بالحمام
اخذت ثوبه شمته وكان فيه كالعاده ريحه عطر نسائي
حست انه بتنفجر بس مسكت نفسها وجلست تفتش بجيبه وحصلت اسوره يد
بطلعت نواف ناظرها ع طول وناظر اللي بيدها وارتبك
تهاني:هذي ايش
نواف:هاه هذي انا جبتها لك حبيبتي
تهاني:والله
نواف قرب لها ومسك ايدها ولبسها الاسواره:اي والله ياقلبي
تهاني باست خده:تسلملي حبيبي
نواف:الله يسلمك وقط نفسه ع السرير:تهاني طفي اللايت
تهاني:ان شالله
طفت اللايت وطلعت وقطعت الاسواره من ايدها"كذاب اكيد هذي حقت اللي تخوني معاها"
وراحت عند بنتها وبقلبها نار لن تنطفي حتى تتاكد بنفسها
بجده
عند مرام وابراهيم
بالفندق
من وصلو وابراهيم انسدح وبينام
مرام بعد ماخذت دش ورتبت اغراضهم
قربت لبراهيم:ابراهيم
ابراهيم:هاه
مرام:انا جوعانه
ابراهيم جلس:وايش اسوي لك
مرام:اطلب لي اكل
ابراهيم:لاوالله دقي ع الفندق واطلبي اكل
مرام:استحي
ابراهيم:حيل مقطعك الحياء قومي بس خليني انام
مرام بخاطرها"ياربي انا شسويت له عشان يعاملني بهالطريقه"
ابراهيم:مطوله
مرام حست بنفسها وقامت سكرت الباب وطلعت برا وجلست
اخذت جوالها ودقت ع اهلها وجلست تكلمهم
بعدها انسدحت ونامت بالصاله بدون شعور
المساااااااااااء
بيت ابو هاني
وئام:يعنى هو شيبي جاي
ام هاني:جاي كذا زياره
وئام:لافيه الخير مشالله
نرجس:وانت شفيك حاقده عليه
وئام:كذا من الله ماطيقه
وسام:عاد ماسو لك شي
وئام:يكفي اني مجبوره عليه
ام هاني:حطي شرشفك عليك وروحي لهم ابوك يقول تعالي
وئام بضيق:لاوالله خل يطس بس مابدخل عنده
ام هاني:ياوئام اكسري الشر و
قاطعها صوت ابو هاني:وئام معاك دقيقتين واشوفك وراي
وئام:يبه انا
ابوهاني بصوت عالي:انا شقلت
وئام:ان شالله يبه
وراحت جابت شرشف حطته ع نفسها وراحت مع ابوها
دخلت شافت منصور جالس وحط رجل ع رجل ويناظرها من فوق لتحت بغرور
حست بقهر
جلست والشرشف عليها وطلعت جوالها وارسلت له"انت يالنسونجي خير تناظرني بهالطريقه ماحنا عاجبينك"
منصور جلس يضحك وكتب لها رساله"نسونجي هاه والله لااربيك ياوئام بس اصبري واصلا نوعيتك انتي ماتناسبني بس انبليت فيك"
ابو هاني:هذي البنت جت وتدري ان الزواج عقب الامتحانات بسبوع
منصور:يعني ياعمي ادري مايمديها تجهز واللي مايمديها تشتريه نشتريه بكندا
ودق جواله صوت مسج عرف انه من وئام
فتحه كانت كاتبه له"ايدك وماتعطي بنشوف وش بتسوي وماحد انبلى الا انا انبليت بنسونجي"
رد عليها منصور"طيب ياوئام بوريك النسونجي شبيسوي"
هاني:اقول منصور من هاللي يراسلك
منصور ناظر وئام بطرف عينه:ناس حيل تحبني وتموت فيني
هاني:الله يرزقنا
وئام كتبت مسج"قال ناس تحبني وتموت فيني تخسي مابقي احب الا انت مالت عليك"
وقامت بعد ماسوت ارسال رساله:يبه انا بطلع
ابو هاني:الله معاك
طلعت وئام
منصور شاف مسجها وابتسم بقهر وبداخله يتوعد فيها
قام منصور:وانا استاذن ياعمي
ابو هاني:تو الناس ياولدي
منصور:والله مشغول ياعمي اعذرني
ابو هاني:معذور ياولدي الله معاك
منصور:فمان الله
ابو هاني وهاني:فمان الكريم
عند وئام
جلست جنب وسام:اخ يالقهر شفتي التافه شيقول
وسام:شيقول
وئام رمت الجوال عليها:شوفي بنفسك
وسام قرت الرسايل وانصدمت:صدق وقح
وئام:شفتي شلون
وسام:بس انتي بعد رسايلك تقهر
وئام:لاماتقهر يستاهل هانسونجي
وسام:ههههههه طيب هدي
وئام:من النار اللي بقلبي
نرجس دخلت ورمت كوب ماي ع وجه وئام:هذي الماي عشان تبرد ع قلبك
وئام بصراخ:نرررررررجس
ونرجس ركضت برا الغرفه وئام تركض وراها وسام تضحك
طاحت نرجس ع الارض وئام مسكتها وجلست تشد شعرها:ياحماره شلون تجرائين تكبين ع ماي
نرجس شدت شعر وئام ويتضربون وتعبو و جلسو ضحك
بيت الخاله هناء
ام فهد
سلطان يكلم بالجوال:طيب حبي اشوفك بالمول
نادر ينغز سلطان:وانا اسألها ع بنت عمها
سلطان:هيامي غرور بنت عمك بتجي معاك
هيام:اي عمري بتجي
سلطان خفت لنادر:تطمن بتجي
ورجع لهيام:حياتي انا بقفل الحين ونلتقي بالمول
هيام:اوكي باي
سلطان:باي
سلطان لف ع نادر:تغث هالبنت
نادر:ان شالله تعطيني وجه غرور
سلطان:مادري شعجبك فيها
نادر:ولاشي بس مو انا اللي تردني بنت الفقر
سلطاه:هههههههه منت بسهل
نادر ضحك وقام تجهز وطلعو هو وسلطان راحو المول
عند امل:شفتي يمه عيالك الصياع راحو يغازلون
ام فهد:اعقلي ولاتقولين عن اخوانك صياع
امل:هذا الصدق
دق التلفون وقامت امل راحت لافنان ونجود
وام فهد جلست تكلم جارتهم ام احمد
عند فهد
طلع ركب سيارته ومسك جواله واتصل بفجر
فهد:فجر اجهزي عشر دقايق وانا عندك
فجر:اوكي عمري
فهد:باي
قفل قبل يسمع ردها
وفعلا مامرت العشر دقايق الا وصل لشقتهم ودق عليها دقه وقفل
فجر طلعت له
ركبت جنبه وبشوق:فهودي اشتقت لك ومسكت ايده
فهد فك ايده عن ايدها وحرك بسرعه خوفه فجر
فجر بخوف:فهد وين بتوديني
فهد:الحين تعرفين
بيت العمه ريما
فاديه جالسه بغرفتها تلعب بلياردو بالنت
اشواق جالسه مع امها
بندر طلع من غرفته وهو يغني راب ويرقص ولابس نفس الاجانب بنطلون جنز وسيع وبلوزه وسيعه عليه صوره جمجمه ووحط بلوزته تحت الحزام ويسوي حركات نفسهم
اشواق قامت تقلده ترقص نفسه
بندر وقف يناظرها وميت ضحك
اشواق جلست جنب امها وتضحك
بندر:شعندك يالخبله انتي
اشواق:ههههههه اقلدك
بندر:ماهو لايق وناظر بامه:انا طالع يالغاليه توصين بشي
ام راكان:سلامتك يمه لاتطول برا
بندر:ان شالله وطلع
ام راكان سمعت صوت صراخ راكان:يمه يمه
ام راكان:انا هنا شعندك
راكان:صوره ابتهال وينها
ام راكان:احرقتها
راكان بصراخ:لييييييييش يمه لييييييييش
ام راكان:بس كذا احسن مايصير تشوف صوره بنت الناس وانت مطلقها
راكان:انا كنت عايش ع هالصوره الحين شلون بعيش
وراح يركض فتح الباب وطلع وانقبض قلب ام راكان
ركب سيارته راكان وحرك بسرعه جنونيه
انتهى البارات
توقعاتكم
وئام ومنصور بعد تحديها له ايش بيسوي منصور لها هل بينفذ توعده والا وئام اقوى من اللي كان يتخيله؟
شجن ياترى بتسوي شي يخرب زواج منصور وئام اذا منصور مابطل حركاته؟
وفهد ياترى ايش بيسوي بفجر وين بوديها؟
راكان ياترى ايش بيصير له؟
فاديه لخطبها ماجد بتوافق؟
سلطان ونادر ياترى بيقدر نادر يكسر راس غرور؟
مرام وابراهيم؟
نايف ياترى متزوج نفس مانرجس تقول؟
البارات الثالث
تفاجات بصراحه
ولا رد ع روايتي
الا ردين واللي شاهدوها ماحد رد اكيد ماعجبتكم<<الناس اذواق
وانا بكمل سوا فيه رد او لا<وجهها بارد
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك