بداية

رواية الا الكرامة حبيبي اعمل حسابك -1

رواية الا الكرامة حبيبي اعمل حسابك - غرام

رواية الا الكرامة حبيبي اعمل حسابك -1

للكاتبة : داااانه
السلام عليكم
اخباركم اعضاء غرام؟
انا عضوه جديده
حبيت تكون اول مشاركاتي
بروايتي الاولى
جاني يقول احبك بعد مااهاني وداس كرامتي لا الكرامه حبيبي اعمل حسابك
وروايتي هذه لن تكون كاباقي الروايات
ساتحدث بها بكل احترام وصدق لعاداتنا بالسعوديه
ولن افعل كاباقي الروايات
ان تصادف احد بطلاتي ابن عمها او احد تصتدم به وتقع بحبه لا
بس ساجعل كل شي واقعي من حياتنا ومجتمعنا
زواج تقليدي
وزواج اجباري
وزواج تحير
روايتي ساتحدث بها عن الحب بين الازواج
ساتحدث بها ع التضحيه بين الازواج
والحب من طرف واحد
وعن البعض الذين يبحثون عن الحب لفتقادهم للحب من ازواجهم
ساتحدث بها عن الخيانه الزوجيه
ساتحدث بها عن المراهقه المتاخره
ساتحدث بها عن نتيجه الزواج من الاجانب
ساتحدث بها عن نزوات الرجال
ساتحدث بها عن الزواج بالسر
ساتحدث بها عن الانتقام والندم والتحسر
ساتحدث بها عن بعض زواجات الاقارب ومانتيجته
لن اطيل عليكم بالحديث
وسانزل البارات الاول
ملاحظه<اعلم ان روايتي لن تعجب الكثير لاني رايت اكثر القراء ببعض الروايات يحبون ان يكونو الابطال جميلين واثرياء واصحاب قصور ولكن ان ستكون روايتي متوسطه جدا
<<

البارت الاول

بإحدى البيوت
أناس يعيشون بحال متوسط
اعرفكم ع عائله ابو هاني
هاني اكبر العيال عمره تسعه وعشرين ومو متزوج انسان عادي جدا وموظف بشركه
نايف اصغر من هاني
عمره اربعه وعشرين ويدرس بالخارج طب وحلو لكن حلا عادي
وسام تدرس بكليه تقنيه تخصص تجميل عمرها اثنان وعشرون
شعرها كستنائي وطويل عيونها عسليه وحلوه
وئام تدرس باخر سنه ثانوي عمرها ثمانيه عشر شعرها اسود قصير وناعمه طفوله جدا
نرجس عمرها سادس عشر تدرس بثالث متوسط لانها رسبت سنه وملقوفه وفله
نرجس تركض عند وئام:وئام وئام
وئام:بسم الله الرحمن الرحيم وش بك
نرجس:بسولف لك عن اللي صار بالمدرسه
وئام:ههههههه ياحبك لسوالف يالله قولي
نرجس:تخيلي انفال كانت بالحمام مع هند و
وئام صرخت فيها:نرجسوه وجع
نرجس جلست تضحك:خن اكمل والله حرام ماكانو يسون شي بس استاذه مها الحقيره من شافتهم ودتهم الاداره وجلست انفال تبكي رحمتها وشهرو فيهم بالطابور
وئام:لاياحبيبتي مافي دخان بدون نار
نرجس:لاوئام والله حرام ماسوو شي
وئام:الاستاذه ماراح تتبلاء عليهم
نرجس:ههههه لا وتقول ابله مها بنسمي الحمام ملتقي الاحباء
وئام:هههههههههه حلفي
نرجس:والله
وئام:هههههههه قسم انكم فله
نرجس:لاوتخيلي غاده تهاوشت مع استاذه ساره وجرتها من ايدها وغاده دزتها واستاذه ساره سطرتها كف وغاده جلست تصرخ وشوي وتصيح
وئام:ههههههه ايش هالخبال اللي عندكم
نرجس:لا و
دخلت ام هاني:نرجس قومي ذاكري ولاحقه ع السوالف
نرجس:يمه ابي اسولف لوئام عن اللي صار بالمدرسه
ام هاني:قلت قومي
نرجس:اوف وقامت راحت لغرفتها
ام هاني جلست جنب وئام:انتي كيف متحملتها
وئام حطت راسها ع كتف امها:شسوي بعد ماقدر اسكتها
ام هاني ضحكت وبعدها ناظرت وئام وكانها تذكرت شي
وئام:شفيك يمه
ام هاني:اي ولد عمك منصور يقول يبي يقدم الزواج
وئام:اوف يمه مو بكيفه قلنا بالاجازه خلاص هو مايفهم
ام هاني:يقول جته بعثه
وئام:وخير ياطير خل يسافر ولرجع يصير خير
ام هاني:يابنتي ترا ابوك موافق يعنى رفضك لابيقدم ولابياخر
وئام:اوف بس مو كافي انكم حيرتوني له بعد تبون تزوجوني غصب
ام هاني:ياوئام خلاص احنا كلنا عارفين انك لمنصور ومنصور لك
وئام:بس انا هالنسونجي مابيه حرام عليكم تظلموني معاه
دخل هاني:استحي ع وجهك تكلمين ع ولد عمك وحطي بالك بتزوجين منصور غصب وزواجكم عقب شهر
وئام:طيب بتزوجه بس والله لااطلع عيونه
هاني:ههههههه صدق خبله لتزوجتي منصور بتعرفينه عدل ترا ماينلعب معاه
وئام:نشوف وقامت وراحت غرفه وسام
ام هاني:مايصير ياهاني تجبرون اختكم ع واحد ماتبيه
هاني:يمه هالموضوع منتهي من زمان وابوي قرر وخلاص
ام هاني:الله يهديكم
هاني:الوالد وينه
ام هاني:بروح اشوفه
وقامت راحت لابو هاني
بغرفه وسام
وئام:وسام قولي لي شسوي
وسام:مابيدك شي تسوينه الا انك ترضين
وئام:ماهميتهم اكون راضيه والا لا هم قررو وخلاص
وسام:دامك عارفه هالشي ليش متضايقه
وئام:لاني ماتخيل نفسي اكون مع هالنسونجي بيت واحد
وسام:وئومه حبيبتي لاتضايقين نفسك وخليك عاتي انتي ناسيه ان بكرا زواج مرام
وئام:اي فديتها تلقينها تحاتي بكرا
وسام:ايه والله ياحياتي مرومه بتزوج
دخلت نرجس ونطت جنب خواتها:شتسولفون عنه
وئام:ياحبك لشرافه
نرجس:اي قصيمه وتعرفين فينا شرافه
وسام وئام:هههههههههههههههه
وئام:اتكلمي عن نفسك
نرجس:اها بس اي وسام خن اسولف لك شصار بالمدرسه اليوم
وئام وهي تقوم:الله يعينك
وسام قطت نفسها ع السرير:اي والله
نرجس:وجع عاد خليني اكمل وظلت تسولف
وئام راحت غرفتها وجلست ع سريرها تفكر بحياتها الجايه
بيت ابو ماجد
مرام:اوف منصور عن السخافه هات الكيس
منصور يحرك حواجبه:نو نو
ودق جواله نغمه هلا باللي متصل لي خلاني اقوم من محلي
رمى ع مرام الكيس وطلع برا
رد ع الجوال
منصور:هلا وغلا هلا باللي متصل لي هلا بليونتي
ليان بخجل:هلا فيك ياروح ليونتك
منصور:كيفك؟
ليان:بخير انت كيفك؟
منصور:والله حمدالله تمام
ليان:دوم
منصور:وحشتيني
ليان استحت وسكتت
منصور:ماراح تقولي حتي انت وحشتني
ليان ساكته
منصور:طيب انا بقولك عن نفسي اشتقت لك حيل
ليان:........
منصور:ليان
ليان:لبيه
منصور:احبك
ليان بصوت خافت:وانا بعد
منصور:انتي ايش
ليان:احبك
منصور:هاه
ليان:احبك
منصور:ماسمعك
ليان بصوت عالي:احببببببببببببببك
منصور:اه ياقلبي
ليان:حبيبي هذي اخر مكالمه لي معاك
منصور:افا ليش
ليان:اختباراتنا بتبدا
منصور:اها اي معذوره قلبي والله راح افقدك حيل
ليان:وانا كمان بفقدك
بغرفه مرام جالسه
وتفكر بكرا بزواجها من ابراهيم
ماتعرف عنه شي لا شيحب او شيكره عصبي اوهادي بس شافته بالشوفه الشرعيه وبس وبالملكه ملكو وماشافته
وحتى ماكلف نفسه يطلب رقمها
"ياترى كيف بتكون حياتي معاك ياابراهيم"
اندق الباب
مرام:ادخلي شجن
شجن:شدراك انها انا
مرام:ماحد يغثني غيرك انتي ومنصور والا ماجد كاف خيره وشره
شجن:الحين احنا صرنا مزعجين
مرام:حيل اشو بفتك منكم بكرا
شجن:نشوف اذا ماراح تشتاقين لنا
مرام:تصدقين شجن ان حيل خايفه
شجن:واي؟
مرام:انتي اكثر وحده تعرف انا ماعرف شي عنه
شجن:ايه بس راح تعرفينه بعد ماتعشرينه
مرام:مادري بس انا حيل خايفه
شجن:قومي حبيبتي توضي وصلي
مرام:ان شالله
قامت شجن وطلعت
شافت ماجد جالس بالصاله جلست جنبه:مجود شتسوي
ماجد:انتي ايش شايفه
شجن:شايفه انك تطقطق بجوالك
ماجد:شاطره اصفق لك
شجن:مالت عليك والله منصور احسن منك
ماجد:قومي انقلعي عني بس
قامت شجن وصادفت امها وابوها
شجن:يمه ولدك هذا المزاجي شتوحمتي عليه من جبتيه
ابو ماجد:شجن
شجن:وانا صادقه يبه مزاجي ولدكم
ام ماجد:لاتجينه ولايصير مزاجه عليك
شجن:طيب ومشت وبتروح غرفتها سمعت صوت منصور يضحك
قربت تسمعه شيقول
منصور:ههههههه اي هذي حبيبتي اللي اعرفها
شجن بخاطرها:وجع هالادمي زواجه عقب شهر ومابطل خرابيطه
وراحت لغرفتها
اعرفكم عليهم
ماجد الكبير عمره سته وعشرون وظابط ومو متزوج انسان مزاجي مملوح ورزه
منصور عمره اثنان عشر وبيدرس طب برا ومغرور وعلى قوله وئام نسونجي جميل اجمل شاب بالعايله له سكسوكه تذبح وخشمه سله سيف عيونه حاده شفايفه حلوه شعرها لرقبته ومحليه اكثر
مرام عمرها واحد وعشرون
وحلوه وهاديه وشعرها يوصل لنص ظهرها وطيوبه بزياده
وزواجها من ابراهيم زواج تقليدي
شجن عمرها ثمانيه عشر مع وئام ناعمه وحلاها عادي بس انيقه حيل بنفس السنه

اليييييوم الثاني

بيت ابو هاني
نرجس رافعه فستانها وتركض:هنو
هاني وقف ورفع حاجبه:وش اللي هنو
نرجس بهبال:ادلعك
هاني:اقول اعقلي بس وبطلي هبال شايفتني بنت
نرجس:اوك اسفين يااستاذ هاني
هاني:شتبين خلصيني
نرجس:ابيك توديني بيت خالتو هناء عشان البنات يجون معانا وودينا بيت عمتو ريما
هاني:لايكون انا سواق عندكم وانا مادري
نرجس:لاحشا محشوم بس انت تعرف عيب نروح مع السايق بدون محرم
هاني:اكيد مابسمح لكم اصلا
نرجس:هاه البس عباتي
هاني:خلصيني معاك خمس دقايق وبروح واخليك
نرجس ركضت:ان شالله
ولبست عباتها وئام لبست عباتها معاها وطلعو
ركبت وئام قدام:هاي خيو
هاني:هايات انتي معاها بعد
وئام:يس يس
نرجس:بسرعه هاني حرك
هاني:طيب
وحرك
وصلو بيت خالتهم هناء
هاني:دقي عليهم خل يطلعون
وئام طلعت جوالها:ان شالله
ودقت ع نجود
نجود:الو
وئام:هلا وغلا نجوده
نجود:هلا فيك يابعدي كيفك
وئام:تمام والله انتي كيفك؟
نجود:تمام والله لتس وحشه
وئام:فديتك ياحياتي حتى انتي
هاني ناظر بوئام:احلفي
وئام توها تنتبه:نجودوه خلصينا انتي وخواتك اطلعو ترا تاخرنا
نجود:ههههههه داقه سوالف من اليوم وتوك تكلمين
وئام:اي يالله خلصينا
طوط طوط
قفلت بوجهها وناظرت بهاني:الحين يطلعون
نرجس:هاني عادي انزل
هاني:لاوالله مافرحتي
نرجس:اوف
شوي طلعو بنات خالتهم وخالتهم
الخاله هناء:السلام
الكل:وعليكم السلام
نجود:وئام انزلي تعالي وراء
وئام:افا عليك ونزلت
والخاله ركبت قدام
نرجس:امل اشوف وش لابسه فستان
امل:بلا خبال بس تشوفينه بالزواج
نرجس:وش فيها افتحيها بس وناظرت بهاني:لاتناظر بالمرايا
هاني:لاياشيخه
نرجس:اي والله بشوف فستان امل لاتناظر
هاني:شوفيه بالزواج ماراح تموتين
نرجس:ياخي ماقدر
هاني بحده:نرجس وبعدين
نرجس مدت بوزها:ان شالله
امل:تستاهلين
نرجس عطتها كوع:انطمي وناظرت باافنان الساكته:فنو
افنان:..............
نرجس تهزها:فنو
افنان:هاه هلا نرجس
نرجس:شو فيك وين سرحتي
افنان بخاطرها"باللي مو حاس فيني":معاكم ماسرحت
نرجس:واضح حيل
افنان ناظرت بنجود وئام اللي داقينها سوالف:ساحبات علي اشوفكم
وئام:انتي سرحانه
افنان:انطمو بس
هاني:اقول خالتي فهد وسلطان ونادر وينهم
الخاله هناء:طالعين لشرقيه كلهم
هاني:اها غريبه فهد ماقال لي
الخاله هناء:والله مادري عنهم
وصلو بيت العمه ريما
وكلهم نزلو
هاني حرك لزواج
نرجس وامل من دخلو رمو عبايتهم وجلسو مع اشواق
نرجس:شوقه التركواز عليك خقه
امل:اي والله
اشواق بثقه:عارفه
نرجس:تلايطي بس
تهاني وهي شايله بنتها:وئام وفنو ونجود دشو داخل بيدخل نواف
نجود غمزت لها:اشتاق لك
تهاني حمر وجهها:وجع اتركو اللقافه عنكم
وئام:من حمر وجهك عرفنا ان الرجال مو ناويها ع خير
تهاني شالت المخده بترميها عليهم وكلهم هجو
دقت تهاني ع نواف ودخل
نواف حضنها:اشتقت لك
تهاني شمت مع نواف ريحه عطر نسائي بس كذبت نفسها:وانا بعد اشتقت لك
نواف ابعد وابتسم:صدق
تهاني بدلع حركت ازارير ثوب نواف وشافت ع قبه الثوب روج
بس مابينت لنواف شي:اي صدق الا نواف انت وين كنت
نواف:كنت عند الغسال عشان الشماغ قلت لك
تهاني:اي صح بس انا نسيت
نواف:عادي حبيبتي
تهاني حطت بنتها بيدين نواف:هاه اروح البس عباتي عشان توديني لزواج
نواف:اي حبيبتي انتظرك بالسياره انا
تهاني راحت والشكوك من شهر تلعب فيها وحاسه بخيانه نواف لها بس ماتبي تستعجل تبي تطيح عليه وهو يخونها تبي تتاكد من شكوكها
لبست عباتها وطلعت مع نواف وراحو لزواج
وئام:عمتو بندر وينه نبي نروح تاخرنا
العمه ريما:هذاني ادق عليه
نرجس:كانه بياخرنا دقي ع راكان
الخاله هناء:لو الله يفكنا منك ومن لسانك احنا بخير
نرجس بعبط:لو افتكيتو من لساني كيف بكلمكم كيف بتفهمون علي
فاديه:مانبي نفهم عليك نبي نفتك منك
العمه ريما:بنات يالله قومو بندر وراكان برا
قامو البنات ولبسو وانقسمو بسيارتين
نرجس وامل واشواق والعمه ريما مع راكان
افنان وئام وفاديه ونجود والخاله مع بندر
بسياره راكان
راكان مشغل اغنيه راحت ولاعلمتني لماجد المهندس
وداخل جو مندمج
راحت ولاعلمتني حتي ولاكلمتني
بيديها للعذاب ولسهر سلمتني
يعني نست من اكون وكيف حالي بيكون عشان بس تعرفو شقد هي ظلمتني
راحت راحت ولاعلمتني
راحت وانا اسأل وراها ودموع عيني تهيل معقول لحد هذا انا فراقي سهل ماتدري اني ابيها وقلبي تعود عليها وعشت مخدوع فيها الين مالمتني
راحت راحت ولاعلمتني
لو قلت بندم احس حرام بيها الندم لاني ماشفت منها غير التعب والالم وان كان هذا جزي ع جروحي وعنايا ببعد وربي معاي وانسى انها عذبتني
راحت راحت ولاعلمتني
كان مندمج مع الاغنيه اللي تمثل جرحه وماحس بدمعته اللي نزلت
ام راكان:يمه راكان شفيك
راكان حس بنفسه ومسح دمعته:هلايمه مافيني شي
ام راكان لفت وبخاطرها"الله لايسامحك يابتهال ع اللي سويتيه بولدي"
نرجس:راكان شغل طق بالله
راكان:ابشري
وشغل لهم طق وجلسو البنات يسولفون بصوت واطي وداخلين جو مع الاغاني بنفس الوقت
بسياره بندر
مشغل اغاني اجنبيه ويرقص وحده خش جو
فاديه:بندر ارحمنا وحط خليجي
بندر طنشها وكمل استهبال
افنان:اخوك فلته
فاديه:انا ماني راحمه الا زوجته بكرا
وئام:هههههههه اي والله
نجود:تلقينها كل يوم هواش والسبب هالاغاني
الخاله هناء:بسكم حش
البنات جلسو يضحكون
وصلو الى القاعه
ونزلو ودخلو
بعرفكم ع عائله ام راكان
راكان الكبير وكان متزوج حب زوجته بس ابتهال ماحبته وصدمته ولهم خمس شهور مطلقين طبعا ابتهال مو من العايله عمر راكان سته وعشرون يشتغل مهندس
بندر عمره ثلاثه وعشرون
يحب الراب والاغاني الاجنبيه وفله ومعطي الدنيا اكبر طناش
يدرس اداره اعمال وحليو
فاديه عمرها اثنان وعشرون تدرس مع وسام بتقنيه قسم تجميل وعيونها عسليه فاتحه وبشرتها بيضاء حيل وناعمه وفرفوشه ويعتمد عليها شعرها قصير اسود
اشواق مع امل ونرجس بنفس السنه بثالث متوسط
تهاني عمرها الخامسه والعشرون متزوجه من سنتين عندها بنت عمرها سنه بس وحلوه ع امها شعرها مدرجات كستنائي يوصل لنص ظهرها مرتبه وراعيه بيت طيبه لكن اللي يوط لها ع طرف يويله
عايله الخاله هناء
فهد اكبر عيالها عمرها ثلاثين سنه ورافض شي اسمه زواج<بس ماحد يدري ع الخافي
سلطان عمره سته وعشرين
خاطب ونفس منصور راعي بنات
نادر عمره تسعه عشر ونفس سلطان ومنصور ورهيب يدرس محاسبه
نجود مع وئام بنفس السنه
وحيل ربع نجود فله ورجه بس وقت الجد جد ومملوحه وشعرها يوصل لكتوفها اسود
افنان اصغر منهم بسنه ورومانسيه زياده وحلوه بمعنى الكلمه لها غمزات شعرها طويل ناعم بني وعيونها ناعسه وشفايفها صغنونه
وامل سبق التعريف بها ضمن اشواق ونرجس
وئام ونرجس حصلو امهم وسام جاين قبلهم
طبعا راحو عند مرام
وئام بصراخ:تجننين
مرام:تسلمين
البنات باسوها وباركو لها والتمو حولها
نرجس وامل واشواق
طلعو وجلسو يرقصون وقامو بالزواج
وباقي البنات ظلو مع مرام
دخلت ام ماجد:بنات اطلعو ابراهيم بيدخل عشان يتصور هو ومرام
البنات قامو طلعو
وقلب مرام يدق بسرعه من الخوف
دخل ابراهيم
مرام وقفت منزله راسها
ابراهيم ابتسم وقرب لها:مبروك وباس خدها
مرام برجفه:يبارك فيك
المصوره:يالله امسك خصرها عشان نصور
مرام رفعت راسها
ابراهيم مسكها وباس عنقهاوصورتهم المصوره
واخذت لهم كم صوره جريئه
بعدها طلع ابراهيم وسلمت مرام ع اهلها وطلعت<لانها ماتبي زفه
ركبت مع ابراهيم وحرك للفندق
والزواج قامو فيه البنات
بعد العشاء وذهاب المعزومين الكل رجعو بيتهم
بالفندق
ابراهيم جالس ع طرف السرير معطي مرام ظهره ويبكي
مرام لافه الشرشف عليها ومنصدمه
ابراهيم مسح دموعه ولف ع مرام ومسكها من فكها:ليش تناظرني كذا شفقانه علي
مرام هزت راسها بلا
ابراهيم صرخ فيها:كذابه واضح عليك راحمتني اني مو وماقدر يكملها
مرام دزت ايده وصدت
ابراهيم قام وطلع بالصاله
مرام انسدحت وهي تصيح:انا تزوجت واحد مو رجال يارب ارحمني

اليييييوم الثاني

بالفندق
مرام اخذت دش ولبست فستان قصير احمر وشعرها ربطته بمسكه صغنونه
وتعطرت وجلست ترتب الغرفه
ابراهيم دخل الغرفه:مرام
مرام:هلا
ابراهيم:اجهزي بنروح بيت اهلي وقرب لها وشد ايدها ومن بين اسنانه:اذا احد عرف شي عن

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -