بارت مقترح

رواية تسلط امرأة -6

رواية تسلط امرأة - غرام

رواية تسلط امرأة -6

يوم زواج مرام
البنات طقمن لبس واحد نهى ودينا وهيا وفاء وماغيييييييير ندى تبي تكووووون مميزه عنهن
هيا : ايش فيها لو لبستي مثلنا .......يطلع اكشخ
ندى : لابعيوني اخاف اعجبهم ويزلو في وحده منكم ويخطبوها ويروح نصيبي
دينا : شوفو تفكير البنت وين راح
ندى : اجل تحسبوني مغفله مثلكم
دينا : حسافه لو ناصر موجود كان ..... وتكتم الضحكه
ندى : ليييييييه وهو ماجاء من السفر
دينا : لالالالا.......وفكه منه.... وياحلات البيت من دونه
ندى : حرام ...لاقولي عنه كذ
دينا ومن متى هالكلام
ندى الي زعلت من كلام دينا : من يوم ورايح ومشت عنها تركته
دينا طالع بهيا : ايش فيه
هيا الي اكتفة بهزء اكتوفه
ثاني يوم الصباح
دينا وام ناصر جالسين يفطرو
دينا وهي طالع ام ناصر وأول مره تشوفها بحال هذي وحسة بضعفه ام ناصر من دون عيالها ايش : فيك ياعمتي سرحانه ومن يوم ماسافر ناصر وانتي ماتاكلي
ام ناصر وهي وهي تمسح دمعتها بطرف شيلتها : قوللللي كيف يجني نفس وولدي مدري عنه حتى الاتصال مااتصل
دينا : انشاء الله هو بخيييير ولاتنقلي هم
ام ناصر هاالبيت بكره مافيه احد غير انا وانتي مرام الله يسعدها راحت لبيته
وياسر يجي البيت كانه ضيف ويطلع
وناصر الله اعلم بحاله
شوفي الدنيا وش سوت فيني
دينا وخنقتها العبررررره : وانا وين رحت ياعمه ان شاء الله ماراح اقصر فيك
ام ناصر : والله انتي الخير والبركة ....... ومادام لي غير انتي الله لايحرمني منك
وسامحيني يابنتي على الي كنت اسوييييه معاك
دينا ودموعها على خدها : وتجلس عند ركبتها خلاص ياعمة انتي مثل امي وحتى لو زعلتيني
عمري ماراح اشيل عليك بقلبي
ورمت نفسها بحظن ا م ناصر
.......
.....
في بيت ابو خالد
خالد له اسبوع واصل من السفر واهله من يوم ماجاء وهم ملزمين انه يزوج
وبعد التفكيررررر قرر انه يفرح ابوه وامه
ابو خالد : قلت لك البنت هذي لالالالالالا .... وانا ادور لك احسن منها بالف مررررره
خالد : بس البنت عاجبتني ......و اهلها فيهم خييييير
ابو خالد: الخير في كل مكان وبنت عمك اول من الغريبه
خالد بنت عمي مافيها شيء ......بس انا ابي نهى وغيييييييرها ما اخذ
ام خالد : خلاص يابو خالد الولد رايد البنت ونهى الف واحد يتمناها ولاتقطع نصيبه
واحنا ماصدقنا يطري العرس
ابو خالد : مدري وش اقول .... الله يجيب الي فيه الخير
خالد : اميييييييييين
ام خالد : اجل من بكره اروح واخطبها لك
خالد ماتقصري يالغاليه ويقوم يحب راس امه وابوه ويطلع وهو طاير من الفرحه
.......
في الفندق الصباح
فهد نايم ومرام ساعه تصحي فهد
مرام فهد قوووووووم يلل
فهد ويثاوب : كم الساعه .....
مرام : عشرة ونص
فهد ويقوم بسرعه يووووه تاخرت
جهزي نفسك ورانا سفر ...... على بال ما اجيب فطوووووور
مرام لسع مصمم على السفريه
فهد : ايييييه وبرى السعوديه ماني طالع
مرام طيب الله يخليك
فهد خلاص حجزت وانتي عارفه شهر عسل السعودييييييين
عمرة ..وجدة ... وان سوى معروف وداها الطايف
طيب نروح أي ساعة
فهد بعد صلاة الظهر
مرام حلو بعني يمديني اسلم على امي
فهد : وميييين قال ابي اوديك لامك
مرام وتقوم من السرير : لييييييييه حرام عليك ماروح لامي
فهد : ايش تبغي الناس يقولو عنا ...... عروس من اول يوم تروح لاهله
مرام : طيب امي متى اشوفه
فهد بعد اسبوووووع
ويقوم من السرير وبسرعه يتحمم ويطلع
......
.......
في شقة عمرجالس يشرب وخالد منسدح على الكنب ويلعب بجوووواله
باركلي ياعمر خطبت
عمر الي كان يشرب بايسن ويوم سمع خطبت خالد شرق
خالد بسم الله عليك .... ايش فيك
عمر : اح اح ..... انت مصدقك تتكلم ...... احلف
خالد : وليييييييييه الموضوع هذا فيه كذب
عمر : غريبه ..... ومين هيا العروسه الي اخترته
خالد....... نهى
عمر الي من الصدمه قام وجلس جنبه انت صاحي ..... مالاقيت غير نهى
خالد : وش فيها نهى .......وبعدين يكفيني انها تخاف ربه
عمر : اشهد انت منت صاحي
خالد : لييييييييه لاني فكرت اخذ وحدة لطلعت من البيت اثق فيها ماهو اسكر عليها الباب
عمر واهلك يعرفهم
خالد : اييييييييه هم جيران
عمر : كيف نهى جيرانكم وانتم بحي وهم بحي
خالد وهو ماهو فاهم : لالالاالبيت جنب بعض ....شكلك مخبط
عمر : كيف اخبط وانا اعرف وين بيتكم وبيت عبدالله الحمد
خالد : مييييييين عبدالله الحمد
عمر: ابو نهى
خالد الي اطلق ضحكه هههههههههه هههههههههه ومن الضحك طاح على الارض
عمر ان من اول اليوم انك منت صاحي
خالد وهو ياشر له وماهو قادر يتكلم من الضحك
عمر انا طالع لا خلصت ضحك تعال لي
خالد ويقوم ويمسكه خلاص اسكت
عمر فهمني وش السالفه
خالد انت لخبطت انا اقصد نهى بنت جيرانا .... ماهو نهى بنت عبد الله
وبعدين انت من عقلك انا اخذ نهى ...... مانقصني غير الاشكال هذي
عمر : وش فيها نهى اظن بنت تخاف ربها ....وفوق هذا كله ابوها خووووش رجال
خالد اسكت .... محد حطك محامي عنه
عمر انا لا محامي ولاشيء بس .....وقطع كلامه وكان ذكر شيء .....واقول اشريك اخطب
نهى ... علشان نكوووون متعادلين
خالد : تنكت انت وجهك قلت بنات...... ولازم اصفي الحساب الي بين
عمر لييييييه...... انت مانسيت
خالد وعمري ماراح انسى
...... ....
في بيت جدة فهد
فهد : وشلونك يالغاليه
جدة فهد : بخير دايم انك بخيرياوليدي
فهد: ان بخير يايمه مانقصني غير شوفتك
جدة فهد : وشلون عروستك ولييييييه ماجت معاك
فهد : البنت تستحي ....... وان شاء الله راح تملي من
ولا ناويه تطردينا......
جدة فهد : هذي الساعة المباركة الي تسكن انت وحرمتك عندي
اجل تامري شيء احنا مسافرين
جدة فهد : بحفظ الله ورعايته ياوليدي
...... .....
في بيت ام احمد
وفاء : احمد هااااااااااه وش قررت نخطب لك دين
احمد وهويحس راس وفاء : انا ماقلت الين مايطلع في راسك نخلة
وفاء : بسم الله علي خرعتني
ام احمد يوليدي انت وش تنتظر لين البنت طير منك
احمد : بس الوقت ماهو مناسب وانشاء الله راح افرحك فيني قريب
وفاء لتكووووون حاط عينك على احد .....يمكن منى بنت عمي
كل شي جايز
احمد : صح على طاري بنت عمي عبدالله عنده دورة ست شهور وقلت له تعال اسكن عندن
ام احمد : الله يحييه يوليدي .... واحنا اول فيه من الشقق المفروشه
وفاء : يووووووووه انا ماني مستحمله احمد علشان استحمل عبد الله
احمد ويطالع فيها بنص عين : وانشاء الله ناويه تجلسي معاه
وفاء هااااااااه ......مين قال
احمد : كلامك يقول
وفاء الحمد الله السلام ما اسلمه عليهم .......كيف تبغاني اجلس معاهم
احمد مدري عنك
ويدق الجرس
وفاء شكل هذي دين
وتقوم بسرعه وتركض على الباب
وفاء اهلين يالقاطعه ...... وينك
دينا : بسم الله علي...... اول دخليني معدين تكلمي
وفاء ادخلي ..... بس تغطي احمد موجود
دينا ليييييييييه ان شاء ناوي يجلس و يسولف معان
وفاء : اص لاتفضحينا .......هو يبي يطلع ماهو جالس
دخلت وفاء دينا غرفة الضيوف
وراحت لاحمد
وفاء يللا ياحمد وريني عرض اكتافك
احمد طيب اشوف النظرة الشرعيه
وفاء وهي تمسك راسها النخله لسع ماطلعت النخلة
احمد :هههههههه طيب ازرعيها ههههههههه
...... .......
ندى جالسة بغرفتها ودموعها تسيل على خدها انا الي لعبت بالنار
ووقعت بشر اعمالي والله ياناصر ماكنت اقصد حاجه بس ارجع اذا ماهو علشاني
علشان امك المسكينه
نهى دق الباب وبسرعة مسحت دمووووعها
ندى ادخلي
نهى ايش فيك حابسة نفسك في الغرفة
مصدعه وقلت ادور النوم
نهي : طيب مانتي راحيه معاي عند هي
ندى وتنقز بسرعة من السرير : اكييييييييييد اروح معاك
.......
....
في غرفة وفاء
دينا جالسه .......وفاء تتامل حالها بالمراي
وفاء: انا موافقة بس بشرط
دينا خلاص شرطك موافقين عليه من دون ماتقوليييه
وفاء: لا اول اسمعيييييييه
دينا : كلي اذان صاغيه
وفاء ....... ان ياسر مايخطبني الا بعد ماتنخطبي
دينا : وش هالكلام ....... وش دخلك فيني
وفاء : هذا شرطي ...... ماعجبك ابطل
دينا : خلاص مقبوووول هالشرط..... والف مبرررروك مقدم
وفاء وتلتفت عليها وعيونها كلها دموع: الله يبارك فيك ....... وانشاء الله افرح فيك قريب
دينا يااااااااااااااااه .... وش السعادة الي انا فيه
الحمد الله ربي عوضني على سنيني الي راحت
مرام صارت لي مثل الاخت
وياسر مثل الاخو وراح افرح فييييييييييه قريب
وناصر افتكينا منه......
وعمتي الحمد ندمت على كانت تسوييييييه معاي وصارت لي مثل الام
ووووووواوووووو
احس اني في حلم
وفاء : تصدقي دينا احس عمتك وراه شي....... يعني هي تبي مصلحه منك
او مخبيه شيء
او .... يووووه مدري ....بس ماني مرتاحه له
دينا : لا تخوفيني
وفاء اسمعي خليك حريصة ولا تسيري مغفله
دينا حرام عليك انت وش قاعدة تقولي
وفاء دينا في الزمن هذا المعروف وراه مصلحة وماهو لله
دينا لا ان شاء الله عمتي ماهي من النوع هذ
وفاء حذرتك
دينا : ريحينا من السالفه هذي وقولي وش قصة ولد عمك الي يبي يجيكم
وفاء : هذا عبدالله ولد عمي سالم ساكن في الرياض وجته دوره عندن
دينا : طيب مزوج هو
وفاء :لا بس سمعت انه ناوي يزوج
.....
في بيت ام ناصر
ام ناصر جالسه وعينها على التلفون الي ماتفارقه تنتظر ولدها يتصل
دينا وتوها جايه من بيت ابو احمد : شخبارك ياعمتي
ام ناصر بخير يابنتي
دينا : انا طالعة غرفتي تبغي شيء
ام ناصر اجلسي عندي .....طفشت من الجلسة لحالي
دينا وهي تحب فوق راسها و تجلس جنبها : وهذي جلسة
ام ناصر : الله يسعدك يابنتي ..... واشوفك عروسه وازفك بيدي لزوجك
دينا الي استحت ونزلت راسها : ان شاء الله
ام ناصر : مريم اليوم اتصلت وسلم عليك
دينا وينها الدبه مااشوفها تزورن
ام ناصر : تعرفي حامل.... والحمل في الشهور الاولى يتعب
دينا : ومرام شخبارها ماتصلت .......
ام ناصر الا وتسلم عليك وهم الحين في مكة
دينا :يا بختها تاخذ عمرة
ام ناصر :الله يتقبل منها .....وان شاء الله لاجاء ناصر اخليه يودينا عمرة
دينا صدق ياعمه ...... صدق والله
ام ناصر : اييييييه بس هو يوم يجي
دينا: ان شاء الله يجي ونروح كلنا عمره
.....
......
تمرررر الايام ولا يبقى على الدراسة غير يوم
في الكازينو
عمر وخالد وبدر جالسين بدر يشيش وخالد ساكت ولا يتكلم وعمر لاقي له واحد ويسولف معاه
بدر : ايش فيك...... تعبان
خالد لا مافيني الا العافية.... بس في موضوع شاغلني
بدر وش هو يمكن اساعدك
خالد : لا مااظن
عمر وهويدخل عليهم فجاءة
انا عارف الموضوع ....... نهى صح
خالد اييييييه .....عندك مانع
عمر ياعيني على الحب اجل لزوجتها كيف تسوي
خالد وقتها يحلها الف حلال
ويقطع كلامه اتصال
خالد وهويطالع في الجوال هذي لمى عن اذنكم
عمر : اجلس بس عارفين سولفكم
خالد وهويكلمها : هل
لمى اهلين ....... الحمد الله على السلامه
خالد وهو يزفر : الله يسلمك
لمى ايش فيك خالد ......عندك احد
خالد .....ايه عندي عمر وبدر
لمى : اجل جمعة
خالد قولي وش عندك ....مشغول
لمى ماني مطوله بس اقولك بكرة انا رايحه الكلية .... ونسيت اسم البنت
وابيك تذكرني فيه.......
خالد وعلى طول اتعدل جلسته هااااااااااه اسمها نهى عبد الله الحمد
لمى : مشكووور.....تامر شي
خالد : ايه ..... ابيك تبيض الوجه
لمى بضحكة : مايحتاج وجهك ابيض من دون ابيضه
بس ابشر كلها كم يوم وارسال لك الصورة .......واحاول اجيب لك رقم جواله
خالد والفرحه ماهي واسعته : مشكوووووووره لمى
لمى يللا عن اذنك
بااااااااااي
خالد الحمدالله شباب .....بعد كم يوم معزومييييين على السهرة عندي
عمر : ليييييييييه لاقي صيده تحمل
خالد اييييييييييه قربت اصفي الحساب
بدر : لتكوووووون البنت الي كبت عليك الكول
خالد : وهويسك على اسنانه : ايييييييييييييييه والله لانشوف من يضحك في الاخر
عمر : اجل انا علي العشاء
خالد : وقتها تفكيرنا ماهو في العشاء يالخبل
عمر لايعيوني احنا العرب لازم نكرم ضيفنا وبعدين نسوي الي نبيه
وضحكو كل الشباب
.....
.....
ثاني يوم في الكلية
وفاء ودينا جالسات يفطرن في الكفتري
وكل وحدة لقمتها بفمها وماهي قادرة تبلعها من الي يشوفه
دينا وهي تبلع اللقمه :شوفي هذي وش لابسه
وفاء: الله يرحم على المدرسه مريول وشبره وقبة
دينا :بصراحه ماتوقعت ان في السعودية مثل هالجمال هذا ....حشا كنا في لبنان
وفاء :ولاتوقعة انا الكلية فيها التحرر الي اشوفه
دينا وكنها ذكرت شيء وتخبط على جبتها : صح نسيت ندى وعدتها نتقابل في المصلى
وفاء : عااااااااااد وين المصلى احنا اول يوم نداوم واخاف نضيع في العالم
دينا .....اقول ماكنها هذيك ندى
وفاء:اييه ناديها بسرعة قبل ماضيع
دينا الي راحت ونادت ندى
ندى :وينك ساعة وانا ادورك
دينا: ايش اسوي زحمة ومامعي جوال اتصل عليك
ندى: طيب وين وفاء خلينا نروح له
وراحن لطاولة الي جالسة عليها وفاء
وفاء : وينك .......كانت جبتي الماما علشان ماتضيعي
دينا: ما تلام من الزحمه
ندى : لايعيوني ماضعت .... بس راحت لهم وقلت ماسلمتوني كتب
دينا ووفاء مات ضحك
دينا :صاحيه انتي
ندى : اييييييه صاحيه وليه مايسلمونا كتب ..... يعني لازم نشتري ...
وبعدين ماكثر الله غير من فلوس السعوديه
دينا: والله ابو متعب ماهو مقصر.... والمكافئة وين تروح
ندى لا المكافئة للكشخة ......والكتب عليهم ......
وفاء طيب من الحين قدمي معروض لابو متعب ....وماراح يقصر ......خاصة اذا كان منك
ههههههه هههههههه
.....
في الجهة الثانية
هيا ونهى جالسات يسولفن ومعاهن نوره صديقتهن
لمى وهي ماخلت احد في فسم الفيزياء سنة ثاني ماسالت عن نهى
لمى : السلام عليكم بنات
هيا : هلا فيك اختي بغيتي شيء
لمى : لو سمحتي انا مستجدة جديدة وماني عارفة وين قسم الانجليزي
نهى : في المبنى الاصفر
لمى مشكووورة اختي
بس لو دلوني عليه معرف احد هن
هيا لييه انتي مانتي من هن
لمى : لالالالاانا من القصيم " يالقصيمه تبلتكم "
نورة : يعني من ديرتي
ي بس ماهو باين عليك انك قصيمية
لمى وانقهرت : لا انا اصلي من مصر بس ساكنه في القصيم
نورة اجل كذا تعالي امشي اوريك وين المبنى
وراحت نورة مع لمى
والله العالم وش مخبية لمى بنيته
....
الظهرفي الكلية
نهى وهيا جالسات يلبسن عند البوابة علشان يطلعن
هيا : ما كن هذيك نورة
نهى : ايييييه خلينا نتظره
نورة : اهلين بنات ....... طالعات
هيا ايييييييييه ......شكلك عجبتك الجلسة
نورة: اقول تو الناس..... وخلينا نشبع منكم
نهى ......مرة ثانية ان شاء الله ...... صح شخبار البنت وصلتيها لمبنى حقه
نورة : .... ايه بس مارتحت لها .......
نهى : البنت مافيها شيء ......وعادي لو تسال
هيا : اشتغلت الحاسة السادسه
نورة : بس..... اخاف اظلمها ....صح ايش دخلني فيه
في دبي
ناصر وهو يدخل مكتب المدرب عبد الرحمن
هاااااه دكتور اظن الدوره هذي كافيه
المدرب : ان شاء الله بس باقي اختبار القدرات ونكون انتهين
ناصر: طيب متى الاختبار
المدرب: الي صبرك الاسابيع الي طافت يصبرك هاليوم
ناصر : مشمكوووور دكتور والله يجزاك الجنة على وقفة معاي
المدرب : لاانا ماسويت الا الواجب وكثيير تقابلني مثل حالتك وازود وكل هذ من التربية الخاطيه
وانت الحمد الله عرفة كيف تساعد نفسك مع الدورات المكثفه في الفتره الاخيره
وخاصة دورة الثقة بالنفس .... وصناعة القرار....
ناصر : طيب ماابي اخذ من وقتك دكتور وعن اذنك
.....
......
على الغداء في بيت ابو خالد
ام خالد وهي مترددة : والله مدري وش اقولك ياوليدي
خالد : قولي يمه اشوفك مانتي على بعضك
خالد : بس ان شاء الله ماتزعل ....... والي خلقها خلق غيره
خالد وهو بدى يعصب ......خير يمه .... وش الي خلقها يخلق غيره
ام خالد البنت ياوليدي رافضة ....... وتقول تبي واحد ملتزم
خالد وهو يقوم من الاكل : ولييييييه وانا وش فيني كافر
ام خالد : حشا ياوليدي معصوم .......بس كل واحد وتفكيرة
خالد : انا طالع ومن الحين موضوع الزواج ماتفتحيه معاي الين تحج القرة على اقرونه
....
......
في بيت ام ناصر
ام ناصر جالسة ولا تتكلم ومريم ومرام ودينا ساعة وهن يسولفن
دينا : والله الكلية حلو ......كانت كملتي
مرام : لاياشيخة افتكينا ...... من زود الفلاحة
مريم : لاتصيري خايبة مثلي وكملي دراستك
مرام : لا يعيوني النومه الصباح تسوى الكلية والي فيه
دينا : ياحبك لنوووووم .... ماتشبعي انتي .....
ويدق الجرس وتقوم ام ناصر وتسرع على الباب "هذا اكيد ناصر"
ياسر : اهلين ياالغالية ويحب راس امه
ام ناصر بخير وهي طالع وراها محد جاء معاك
ياسر : لا مثل مين
ام ناصر : اخووووك الي ماندري في أي ارض
ياسر : الرجال الحين مستانس وانتي الي حارقه حالك
ام ناصر وهي تدخل ودموعها في عينها : واخاف اموت ووليدي ماشفته ولافرحة فيه
مريم : لاتقولي كذا يمه وان شاء الله بعد عمر طويل
ياسر : الله يهديك يمه كل ما اشوفك تقلبيها نكد
ام ناصر والله غصب عني وش اسوي
مرام : ان شاء الله يرجع قريب
دينا وهي تضحك : شكلي بسوي مثل ناصر علشان اشوف غلاتي
مرام : لا انا شكلي بجلس عند امي واشوف غلاتي عند فهد
ياسر فكونا من سولفكم ....وقولو لي وش الاخبار
مريم وهي تغمز بعينها : اخبار مييييييييين حدد
ياسر وهو فهم مقصد مريم : اخبار الكل.......بدون تحديد
مريم : انا في الشهر الثالث وكلها اسبوع وادخل الرابع
وابراهيم حلق شعره
وشهد غيرنا حليبه
هههههههههه ههههههه
مرام: وانا جالسة في البيت لاشغل ولا مشغله
ودينا .......اخباري ..... اممممم بطلت ماعندي اخبار عندى نشره جويه
ياسر : عاد كلش ولا انشره الجويه حقت ابي اعرف احوال الطقس
مرام : طقسها ولا طقس الجيران
ياسر لا طقسك ههههه تافة..... ريحين
دينا واستحت تقووول شرط وفاء : العروس وافقة والباقي عليك
ياسر الي طار من الفرحه وووووواووووو ااخير مابغت توافق من بكره اروح اخطبه
دينا : بس وفاء
ياسر يقاطعها : بس ايش
دينا :امممممم وفاء ماتبي الحين الملكة
ياسر: اجل متى
دينا : تقول بعد كم شهر ....
ياسر وانقهر بزياده : على كيفه تشرط
مريم : من حقها ويمكن البنت تبي تتزين لك وتسوي فرمته من جديد
هههههههه ههههههههه
ياسروكانه اقتنع : انا راضي فيها كذا .... بس املك
ام ناصر : واخيرا تكلمة ....... خلي الملكه يوم يجي اخووووك
وماانتظرت رده وطلعة غرفته
......
.....
في يوم الاربعاء في بيت ابو نايف
ام نايف جالسة تسولف مع جارتها في التلفون.... ونهى بغرفتها جالسة
وندى تقلب في القنوات
نايف : يبه ..... كلمة ابراهيم عن موعد الزواج
ابو نايف : اييييييه وقال نرد عليكم
نايف : ليييييه هي خطبه من جديد
ابو نايف : وش هالكلام ..... الناس لازم تشاور وتتفق معدين ترد
نايف : خلاص انا مصمم ان الزواج بعد عيد الفطر
والراي لي
ابو نايف : الحمد والشكر الله .... مدام الراي لك ليييييه تشاورني
نايف الي استحى من ابوها : لا مااقصد ...... ويدق جواله عن اذنك خويي ينتظرني
ام نايف : وهي تسكر السماعة
ابو نايف ترى ألليلة معزومين عند ابو محمد ولده ملك ومسوي الملكة باستراحة
ندى وهي تنقز من مكانها من الحين انا رايحه
ام نايف : لا انتي اجلسي في البيت ونهى تروح
ندى :لالالا والف لالالا انا احتج
ابو نايف : بنت قصري صوتك
ندى : اسمعي يمه ماهو كل يوم ماخذه نهى تستعرض فيها عند الناس
وانا مرزعه في البيت اليوم سوي تشكيله واستعرضي في اظمن لك اني راح اعجبهم
ام نايف ينت استحي على دمك وش هالكلام
ابو نايف : بالله خذيها معاك لاتفضحنا ويمكن احد تعجبه ويريحنا منه
ندى وهي طايره من الفرحه : يهووو يحي العدل وتركض بسرعة على غرفته
.....
في بيت ابو احمد
احمد : حيا لله ولد العم
عبد الله : الله يحيك وشلون الولدة وفاء وشلونه
احمد : الولدة بخير وشوي تجي تسلم...... و وفاء اححممم ممنوع السؤال
عبد الله : ماتترك حركاتك بنت عمي عيب اسال عنه
احمد : لاماهو عيب .... صح منى لسع على حلاه
عبدالله وهو يضحك : وحده بوحده
ام احمد وهي داخله المجلس حيا الله مين جاءنا زراتنا البركة
البيت منور بوجودك ياوليدي
احمد : لايمه انا صلحت النور كان محترق
عبد الله: مايحتاج تصلحه نوري يغطي عليه
صح ياعمه
ام احمد البيت منور فيك وفي احمد
احمد اجل من الحين رايح اقطع الكهربه
واخليه منور في
عبد الله: ياشينك لاخفيت دمك
.....
.....
صحت دينا من نومها وهي مفزوعه وحسة بشعورغريب
اول مره تحسه قامت من السرير
ومرت على غرفة عمتها لقتها نايمه طالعة الساعة وشافة الساعه ثلاث
نزلت المطبخ تشرب موي
وهي تشرب المويا بعدتها عنهاوكانها ذكرت شيء
اول مره يجي على بالها ناصر
ليكون مات
استفغر الله اتفاؤل على الرجال
غريبة مايدق ولايسال
حست بالخوف من يوم أذكرت الموت
سرت رعشة في جسمها خلتها تنتفض

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -