رواية ليتها من جفاها تستفيد -6
رهف: اوكي بروح اخبر ودام عبد الرحمن: هههه روحي
وراحت رهف تخبر ود : ود ..ود قومي عندي لك خبر
ود:افففف رهوووووف.. بره.. مابغى اخبار
رهف: قومي هندوه ولدت
ود فزت من السرير: هااااااه ولدت !!
رهف: يس.. توها سلوم داقه وخبرتني
ود: هههههه يا حليلها.. ألا وش جابت
رهف: حمود
ود: امي درت
رهف:ايه خبرتها انا ..وتقول بروح عندهم
ود: وخري خليني اروح ألبس
دخلت ود الحمام وكانت رهف جالسه على السرير كانت سرحانه ولا يرن جوال ود وشافت "نور عيني"
وردت رهف كان عبد الله متصل في ود
رهف وهي تقلد صوت ود: الوووووووو
عبد الله: هلا والله بهالصوت.. اخبارك يا الغاليه
رهف وهي ميته من الضحك: بخير انت اخبارك؟
عبدالله: دامني اسمع هالصوت الحلو بخير والف خير
رهف : فديتك والله
عبد الله: ياويل حالي كم بعيش
رهف:ان شاءالله طول العمر
عبد الله: وياك طبعا
رهف سكتت وهي ميته من الضحك
عبد الله: فديت الي يستحون
رهف: اقول عبود
عبد الله: عيون عبود
رهف: تسلم لي عيونك ...بس بغيت اقولك شي
ولا ود تطلع من الحمام وتشوف رهف تكلم في جوالها
ود: رهف من تكلمين؟؟؟
رهف: ههههههههههههههه رجلك
عبد الله: رهييييييييييف يا****************ه
رهف:ههههههههههههههههههههه صدقك للحين ماتعرف صوت حرمتك
عبد الله : اوريك يارهيف خلني اشوفك بس
رهف:هههههه وناسه...اجل كل يوم بغير صوتي
عبد الله: سويها مره ثانيه بتشوفين
رهف: بس الصراحه ما توقعتك رومنسي
عبد الله: اقول اذلفي وعطيني حرمتي
رهف: زين اذيتنا حرمتي ..وحرمتي تراها اختي بعد
عبد الله: رهف
ود:ههههههههههه راحت
عبدالله: اضحكي شعليك.... انتي ليه معطتها الجوال
ود:انا ماعطيتها انا كنت البس وانت دقيت
عبدالله: ههههههههههه اختك هذي خبله... الله يخليها لكم ... ويعين ذياب عليها
ود: امين ... اقول ماخبرتك
عبدالله: وش؟؟؟
ود:هند بنت عمي ولدت وجابت ولد
عبدالله: تصدقين كنت متصل اخبرك بس اختك نستني...الا انتي من قالك
ود:رهوف ....سلمى دقت عليها وخبرتها
عبدالله: بتروحون لها؟؟؟
ود:مدري يمكن
عبدالله:اكيد خالتي بتروح
ود: اذا امي بتروح بروح
عبدالله: واكي اجل اخليك ...مع السلامه حبيبتي
ود: مع السلامه
وسكرت ود عن عبد الله وراحت الصاله
وشافت رهف حاطه راسها على رجول امها ونايمه
ود:السلام عليكم
ام عبد الرحمن: وعليكم السلام
ود:نامت
ام عبد الرحمن:ايه .. نظر عيني من جات من الجامعه مانامت
ود: غريبه رهف ما تنام
ام عبد الرحمن: تقول ما جاها النوم
ود:امممم..اقول يمه بتروحين المستشفى
ام عبد الرحمن:ايه ...بس انا وانتي
ود:ورهف
ام عبد الرحمن: خليها نايمه
ود: يمه بتقوم البيت اذا درت رحنا عنها
ام عبد الرحمن:لا هي قا لت لي انها ماتبغى تروح تعبانه اشوي
ود: كيفها انا بروح اجهز
الساعه 5 العصر راح بو عبد الرحمن وام عبد الرحمن وود...و عايلة ابو عبدالله
صحت رهف الساعه 6 وماشافت في البيت حد
راحت للملحق وشافت احمد ومحمد
وسلامه وشوق في الصاله
رهف:اووووووه الشباب عندنا
شوق:اخيرا صحيتي يادبه
رهف:كان صحيتيني يوم جيتي
شوق:لا قلت اخليك نايمه لان خالتي قالت لنا انك تعبانه
رهف: لا بس كان راسي مصدع والحين الحمدلله خف
من في المجلس
شوق: احمد ومحمد
رهف: اهااااااااا خلونا نروح لهم
سلامه: ياحمير يعني البس عباتي
شوق: بقره فرصه تشوفي حبيبك
دخلوا شافوا محمد مقتهر لان احمد فاز عليه
احمد:رهوف شوفي هزمته (6- 2)
رهف:ههههههههه حمود قوم خلني اهزمه
محمد: اشوفك تعالي اهزميه
رهف: واذا هزمته بتعشينا على حسابك
محمد:هههههههه صار بس اذا هزمتك انتي تعشينا
رهف: صار يا بو جاسم
في وسط اللعب دخل عليهم مروان
مروان: هلا بالشباب
وطلع لان شاف البنات موجودين
احمد: مروان استنا لين اخلص لعبتي مع رهف
مروان: طيب بس بسرعه
وهزم احمد رهف
رهف: اف منك خليتني اهزمك عشان تعشينا
احمد: يالله العشا عليك
رهف: طيب بروح البس عباتي وانت روح شغل السياره
محمد: هههههههه هزمك يعني العشى عليك
سلامه : هههههههههههه اسميك بلشتي عمرك فينا
احمد: ههههههههههههههه اوكي انا جوعان
شوق: حتى انا جوعانه
سلامه: انا كمان
رهف: وانت مو جوعان ... تقصد محمد
محمد: انا ...انا مو جوعان انا ميت من الجوع
رهف:امشوا قدامي اشوف
ولا يدخل عليهم عبد الرحمن
عبد الرحمن: وش فيكم؟؟
محمد: اختك رهف بلشت عمرها فينا
رهف : دحوم اليوم هم بيعشوني..اقولهم مابغى يقولون الا لازم اعشيك ..عاد انا قلت لازم دحوم حبيبي معي وش رايك
احمد: انتي تقصين علينا..اقول العشى عليك يعني عليك
رهف: زين...
طلعوا شافوا زياد في وجههم
زياد: وش عندكم وين بتروحون
رهف: اسمعوا من الحين اقولكم الدخلاء مالي شغل فيهم
زياد: مين الدخلاء
رهف: انت ودحوم
زياد:ليه.. وش عندكم؟؟
محمد: رهوف بتعشينا اليوم
زياد:اوووووووه رهوف بطرانه
رهف: تبغى الصراحه ايه بس انت ودحوم مب معشيتنكم
زياد : طيب نشوف
الا يدخل عليهم ذياب
ذياب: زويييييد يا الله بسرعه
رهف هنا تيبست من شافت ذياب
ذياب: اووووووووه الشباب متجمعين هنا
ذياب من شاف رهف استانس
محمد: رهوووووووف يا الله انا جوعان
ذياب: طيب وش تسويلك هي
محمد:انت مالك دخل هي قايله بتعشينا
ذياب:الله حتى انا جوعان
زياد:لاتتعب عمرك تقول الدخلاء مو مباشره عليهم
ذياب: من الدخلاء؟؟
عبد الرحمن: انا وانت وزياد
ذياب وهو يطالع رهف: قصدكم انتوا انا غير صح
رهف:لا لا كذابين بعشيكم كلكم
زياد: ضنيت
رهف: قصدي كلكم ماعدا زياد
سلامه: ليه وش فيه اخوي؟؟؟
رهف: يبغاله قص لسان
محمد:اووووه من تكلم عاد
رهف: اقول بتروحون ولا اهون
احمد:لا تكفين لا تهونين
رهف: اجل قدامي كلكم
طلعوا كلهم من البيت في البدايه عزمهم ذياب يوديهم الالعاب
في الالعاب
ذوق: مشتهيه اركب السفينه من يركب
سلامه: كلنااااااااااا
عبدالرحمن: يالله بروح اقطع لكم تذاكر
ذياب: انا قلت على حسابي
الكل ركب السفينه
شوق: انا بركب قدام
سلامه: وانا معك
احمد: ليه ؟؟؟؟
شوق: اخاف
محمد: انا معكم بجي
رهف: هههههههه تخافون
زياد: ماتوقعت انكم خوافين
سلامه: اجل خبر جديد لك
بدت اللعبه وشوق ومحمد وسلامه نزلوا راسهم تحت
ولاصقين في بعض شوق وسلامه
والي وراهم رهف جنبها ذوق ومن الجهه الثانيه احمد
وراهم ذياب وزياد وعبدالرحمن ومروان
طول اللعبه جالسين يضحكون على الثلاثي
خلصت اللعبه ونزلوا
محمد: ابغا الحمااااااااام بسرعه
الكل: ههههههههههههههههه
احمد: قوم بروح معك
زياد: هههه لايكون سويتها في اللعبه
محمد: انطم
.....
نرجع للمستشفى
بعد ما وصلوا عايلة بو عبد الرحمن وعايلة بو عبد الله
ياسر كان مستانس من الخاطر لانه بشوف رهف
الكل متجمع في غرفة هند
بو عبد الله و بو عبد الرحمن: السلام عليكم
الكل: وعليكم السلام
ودخلوا من بعدهم عبدالله و جوري و ود وام عبد الله وام عبد الرحمن
ياسر انصدم يوم ماشاف رهف
ام ياسر:اقول وين الباقي
ام عبد الله: شوق و ذوق جلسوا مع رهف في بيت عمها
سلمى: ورهف ليه ما جت هي قا لت لي بتجي
ود: كانت بتجي بس راسها مصدع وماجات
ام عبد الرحمن : كانت نايمه يوم نجي
ياسر... رهف تعبانه ليتني جنبها الله يشفيك يا عمري
ياسر راح عنهم بعد ما فقد الامل
سلمى لا حضت ياسر يوم درى ان رهف تعبانه تضايق
سلمى... معقوله يحب رهف لاااااا ماتوقع... انا وش افكر فيه صدق ماعندي سالفه
على الساعه 8 رجع كل واحد بيته
ام ياسر:وش فيك؟؟
ياسر:هاا... لا ولا شي
سميه: هذي حالته من درى ان رهف مريضه
ام ياسر: مافيها الا العافيه ان شاء الله
ياسر: ان شاءالله
بعد ما وصلوا بيتهم راح ياسر لاخته سميه في غرفتها
ياسر: سميه دقي على رهف
سميه: وش اقولها؟؟
ياسر: أي شي ..بس دقي
سميه : طيب بدق
دقت سميه لرهف ....
في هالوقت كانوا البنات جالسين يلعبون قطار الموت وأغراضهم عند ذياب
سميه: هلا رهووووووووف
ذياب: انا مو رهف انا ولد عمها ذياب
سميه: هلا ذياب اخبارك؟؟
ذياب: الحمدلله بس مين معي
سميه: انا سميه بنت عمك طارق
ذياب: هلا ببنت عمي اخبارك؟؟
سميه: الحمدلله ... اقول ذياب وين رهف
ذياب: لحظه شوي.....رهف ...
رهف: هلا
ذياب: فديتك تعالي سميه تبغاك*******> قاط الميانه
رهف: الو
سميه: هلا رهوف اخبارك؟؟
رهف:تمام انتي اخبارك؟؟
سميه: تمام...تعالي ليه ماجيتي مع اهلك
رهف: كنت تعبانه شوي ونمت يوم صحيت حسيت نفسي الحمد لله
سميه: الحمدلله على السلامه
رهف: الله يسلمك
سميه:رهف اخويه ياسر يسلم عليك
رهف: الله يسلمه..اخباره؟؟
سميه: تمام
رهف: سلمي عليه وعلى عمي ومرت عمي
سميه:يبلغ ان شاءالله...الا وش هالصوت الي عندك
رهف: طالعه مع اخواني وعيال عمي
سميه: لحالك؟؟
رهف:لا... شوق وسلامه و ذوق معي
سميه: ههههههه توقعتك طالعه معهم لحالك كان شكلكم طلع تحفه
رهف: تخيلي 6اولاد وبنت
سميه:هههههههههههه اتخيل
رهف: سميه اخليك الحين
سميه: اوكي بس تعالي مع اهلك بيت عمي الاربعاء
رهف: ان شاءالله
سميه:مع السلامه
رهف: مع السلامه
بعد ما سكرت سميه من رهف استلمها ياسر
ياسر: ها قولي
سميه: اول شي تسلم عليك ...وهي ماجات زي ما قالت عمتي راسها مصدع
ياسر:طيب وش سالفة ذياب؟؟
سميه: طالعه وياه
ياسر: نعم ...وش طالعه وياه
سميه:طالعه مع اخوانها والباقي الي ما جوا
ياسر: ضنيت بعد
سميه:هههههههههههه هذا مابعد تخطبها وتغار اجل لو تخطبها وش تسوي بها
ياسر: اااااااااااه متى يجي هاليوم بس
سميه: انت متى تبغى
ياسر: انا كلمت امي تقول اذا جو الا ربعاء بتكلم مرت عمي
سميه:ههههههه لهدرجه مستعجل؟
ياسر:اكيد
سميه: يارب تكون من نصيبك
ياسر:اميــــــــــــــــــــن
......
ذياب: استانستي
رهف: هااااا ....... ايه مشكور
ذوق: رهف تعالي بنروح نلعب
رهف: عن اذنك
ذياب: اذنك معك
خلصوا لعب
بعد ماطلعوا راحوا المطعم طبعا الحساب على رهف وكان الجو عندهم جنان
الاولاد لحالهم والبنات لحالهم
في المطعم
رهف: بنات خلونا نفتح البلوتوث
سلامه: يالله
البنات فتحوا ابلوتوثاتهم
رهف: الله اظاهر كل الي في المطعم فاتح حقه
سلامه: شوفوا في واحد اسمه المزيون
ذوق: يالله خلونا نلعوزه
سلامه: يالله برسله
احم السلام اقول بدون هذره يالمزيون اتوقع انك خايس واصلع ولك كرش وحالتك حاله بس راز وجهك مسمي روحك المزيون يالقرعه شوف عندي لك اسم سم روحك قرنبيط
البنات: ههههههههههههههههههههه
سلامه: استلم هههههههههههههههه
رد عليها
تكفين اشوفك اطلعي بره عشان اشوف وجهك اتحدا ماتكوني عبده خايسه حاطه لك زيت حق الهنود وحالتك حاله بس مخبيتها بالبرقع
يادلع زماني
ردت عليه سلامه
مسكين يالقرعه انا بنت ابوي انزل نفسي لك وع يالله خلني اكل مو فاضيه لك
رد انتي قليلة حيا وطسي اكلي
البنات ضحكوا على خبال سلاموه
جا طلبهم وجلسوا ياكلون وسلامه طفت جهازها
بعد ماخلصوا قالوا لهم الاولاد انهم بيمشون
طلعوا
مروا من شلت اولاد مزيونين
واحد منهم كان يقول
مو شايفها شكلها قفلته
صديقه: اكيد جالسه تاكل
البنات جلسو يضحكون
بعدها راح الكل بيته
.......
يتبــــــع
الجزء العاشر
إعذريني ولو غلطت صعبة يعني تعذريني.. غلطة العاشق بألف.. وإنت سيد الماجدين.. آه أشتكي لك هالجراح.. لا لا.. جرحي نساني السماح..
حني يالقلب الكبير.. انا هجرك مقدره.. والخطا مني صغير.. والعفو بالمقدره..
إنت ماتحس الجروح.. الي من قلبي انزفت.. ليتها بإيدي تروح.. كان بلحظة إختفت
........
يوم الاربعاء الكل راح بيت عمهم سلطان
طبعا ياسر فرحته ما تنوصف فقرر انه يرسل لرهف رساله
رهف كانت في الطريق كانت في سيارة اخوها عبد الرحمن مع ود
عبدالرحمن كان يجنن خواته كل ساعه طالع في ود ويسولف معها
رهف: شوف الطريق
عبد الرحمن:رهف اذا ماسكتي لا اطلعك من السياره
رهف: واهون عليك تخليني هني
عبد الرحمن: اكييد تهونين
ود: ههههههههه
وتوصل رهف المسج
(الا يا بحر الهادي أبي اجلس معك
هالليل وابحكيلك واسولفلك عن غالي
وحشني حيل اخذ عقلي واخذ قلبي ومن
فرقاه سهرت الليل فداه عمري وفداه
رووووووحي وله عيني تشيله شيل)
رهف...اففففففف من هذا صدق فاضي
وكملت سوالفها مع اخوانها
يوم وصلو الكل بيت عمهم سلطان
وسلموا على بعض
راحوا البنات يسلمون على عمامهم
رهف: افرشوا السجاده الحمرا وبثوا الورود
بو ماجد: ليه يا بنيتي؟؟
رهف: انا جيت
الكل قام يضحك على خبال رهف
بو عبد الرحمن: تعالي اجلسي جنبي
رهف: فديت بابا
سميه: عمي بنتك مابتعقل
بو عبدالرحمن: فديت بنتي انا عاجبتني سوالفها
رهف: احم..احم
بو عبد الله: اقول وين حمد
ندى: عند امه
بو زياد: روحي جيبوه نبغى نشوفه
راحت ندى تجيب حمد وعطته بو عزام لانه اقرب لها
بو عزام: ماشاء الله جميل
بو ذياب: طالع على ابوه
ذياب: الا وين فهد
سلمى: في الطريق جاي
ياسر طول الوقت يطالع رهف ولا عليه من احد سلمى لاحظت نظراته لرهف
زياد: اقول عمي ولدكم جمييل بخطبه حق بنتي
بو زياد:انت تزوج اول
بو ماجد: هالعيال ما يبون يتزوجون
بو عبد الله: صدقت ياخوي كل مانقولهم يقولون تونا
ذياب: عمي الله يهداكم تونا مخلصين دراسه وعد مني اول ما اشوف نفسي اقدر اصرف على حرمتي اخطب ...وش تبغون بعد
رهف استحت من كلام ذياب لانه يقصدها
زياد: انا وياك
ياسر: اما انا ان شاءالله قريب ...وهو يطالع رهف
بو عبد الرحمن: من هذي سعيدة الحظ
ياسر: كل شي في وقته حلو يا عمي بس انتوا ادعو انها توافق
سلمى ماتحملت نضرات ياسر لرهف وستاذنت منهم
راحوا البنات للحريم وهنا يجي دور ام ياسر الي ماقصرت في كل حركه تقوم فيها رهف كانت تطالعها
عند العشى راحوا البنات يساعدون ام ماجد في تجهيز السفره
راحت رهف تجهز سفرة الرجال
دخل عليها ياسر وهو ماكان يدري انه في حد..
ياسر استانس يوم شافها قدامه رهف كانت معطته وراها
كانت حاطه الشيله على كتفها
رهف شعرها قصير بس ما شالله عليها اشقر وناعم وعندها غمازه وحده في خدها اليمين
ياسر: طلع ياسر حس ان الي يسويه غلط طق الباب
رهف يوم سمعت حس رجال البست شيلتها ولفت صوب الصوت
رهف: هلا ياسر بغيت شي
ياسر: لا بس عمي يقول جهزتوا السفره************************> كذاااب
رهف: الحين بنجهزها
ياسر: مممممم ....اقول رهف
رهف: هلا
ياسر: مممممم ... لا خلاص
رهف: بغيت شي ؟؟؟
ياسر: لا بس بغيت امي
رهف: بس.. ومتردد تقول
ياسر: خفت اثقل عليك
رهف: لاتقول هالكلام مره ثانيه ترى بزعل عليك
ياسر فديتها ...فديتهاااا... بتخبلني هالبنت
......
راحت رهف تقول لسميه انه ياسر يبغى امه
راحت ام ياسر لولدها
ام ياسر: ها يمه بغيت شي
ياسر: يمه شوفي تكلمين مرت عمي اليوم ...يعني اليوم
ام ياسر: وش فيك مستعجل
ياسر: يمه هالبنت خبلت بي... الله يخليك كلمي مرت عمي اليوم
ام ياسر:ههههههههههه ان شاءالله بكلمها اليوم بس انت روح عند الرجال
ياسر:فديتك والله
ام ياسر: لوتي روح لا اهون
ياسر:ها... تهونين خلاص انا رايح
راح ياسر عند الرجال وامه تضحك عليه ومستانسه ان ولدها كبر وبيخطب
........
بعد ما خلصوا العشى راحت ام ياسر وام عبد الرحمن
للصاله الثانيه
ام عبد الرحمن: خير ياام ياسر
ام ياسر: خير....... خيربس مدري من وين ابتدي
ام عبد الرحمن: خير يا ام ياسر في شي صاير؟؟
ام ياسر: الصراحه يا ام عبد الرحمن ان ولدي ياسر يبغى بنتك رهف زوجه له
ام عبد الرحمن: هذي الساعه المباركه وياسر رجال وما ينعاب بس تدرين يا ام ياسر لازم نشاور البنت وابوها واخوانها
ام ياسر: اكيد خذو راحتكم
عند الرجال
بو ياسر: بو عبد الرحمن بغيتك في كلمة راس
بو عبد الرحمن: عن اذنكم
الكل: اذنك معاك
بو ياسر: ياخوك تدري ان العيال كبروا وحنا كبرنا معهم
بو عبد الرحمن: وش صاير يا خوي
بو ياسر: كل السالفه بغيت رهف بنتك لولدي ياسر
محمد: هذي الساعه المباركه ورهف بنتك زي ماياسر ولدي والله يكتب اللي فيه الخير ...انا بشاور البنت واخوانها وانشاءالله تكون من نصيبه
.......
بعد ماراحوا المعازيم
في بيت بو عبدالرحمن
بو عبد الرحمن: كلمني طارق في نفس الموضوع
ام عبد الرحمن: وش رايك انت؟؟
بو عبد الرحمن: الولد ماينعاب بس ماتدرين بنتك يمكن ما تبغاه وانا مو غاصبها على شي هي ما تبغاه
ام عبد الرحمن: كيفك انت وبنتك
بو عبد الرحمن: والله كبرتي يارهف وصرتي عروس
....
عند البنات الي ناموا بيت عمهم
كان الجو رهيب سوالف وضحك
رهف: ههههههههه والله انك سوالف يا ندووه
ندى:خير وش ندووه
رهف:تكفين لا تقولين لي اصغر عيالك ما اصغر عيالك
ندى: ليه؟؟؟
ذوق: عندها اثنين غاثينها بهالكلمه
سلمى: من؟؟
سلامه: عبود وود
ود:اشوفكم تعودتو تنادونه عبود
الكل:اوووووووووووووووه
سميه: يا الغيره ... بعدين من عاشر القوم اصبح منهم
رهف: عيب عليكم بس انا اناديه عبود
ود: ليه انشاءالله رجلك وانا مدري
رهف: قصدك رجل اختي
جوري: انتوا بسكم لا تلعوزون حرمة اخوي
ندى: ايوه بدا المحامي الخاص
وصل لرهف مسج وكان من ياسر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك