رواية ليتها من جفاها تستفيد -7
سميه: يا الغيره ... بعدين من عاشر القوم اصبح منهمرهف: عيب عليكم بس انا اناديه عبود
ود: ليه انشاءالله رجلك وانا مدري
رهف: قصدك رجل اختي
جوري: انتوا بسكم لا تلعوزون حرمة اخوي
ندى: ايوه بدا المحامي الخاص
وصل لرهف مسج وكان من ياسر
رهف من افتحته خافت ايش يبغى هذا
(أرسلك حمامة سلام ...بفهمها ورد وغرام
من الولهان .... لاغلى واعز انسان
المرسل: شخص يغليك موووووووووت )
بس كعادتها نست مع السوالف
ياسر لما خبرته امه فرحته ماتنوصف كان ذياب وزياد وعزام جالسين عنده
ذياب: ياسر
ياسر:هلا
ذياب: وش فيك سرحان تفكر في من اعترف بسرعه
زياد:هههههههه شكله الي يبغى يخطبها
ياسر: هههههه صدقت يا زياد
عزام: من سعيدة الحظ ؟؟
ياسر: خلها توافق واقول لكم من
زياد وذياب استأذنوا وبقى عزام
عزام: ياسر شفيك؟؟
ياسر: مافيني شي
عزام: كذاب
ياسر: ليه مبين علي
عزام: اقول ياسر ..من هذي الي تبغى تخطبها
ياسر: اااااااااااااه يا عزام رهف بنت عمي
عزام: رهف ...والله زين ماخترت
ياسر: انا خطبتها اليوم من ابوها بس عمي قال لازم نشاور البنت ولا هو موافق
عزام: اهم شي راي البنت يا ياسر
ياسر: وهذا الي مخوفني
عزام: تخاف من وش ؟؟؟
ياسر: اخاف ما تبغاني
عزام: ياسر انت رجال وماتنعاب ...واذا ماتبغاك هي الخسرانه
ياسر: بس انا احبها يا عزام
عزام: مالك الا الدعاء ياياسر ادعي انها تكون من نصيبك
ياسر: انشاءالله ..وانت بعد يا عزام ادعي لي
عزام: تامر امر ياولد عمي
راح عزام بيته
و ياسر ينتظر احر من الجمر رد رهف
........
الجزء الواحد عشر
يامن اخذت القلب والروح وياك .... لاتفتكر في يوم ابعــــد واخليـــك
ما ذقت طعم الحب يا شوق لولاك....كل الهـــنا شفتـــه بنظرات عينــك
اشغلتني من بد ذولا وذولاك.... دايم مولع بــــك وفكري يحاتـــــــيك
واعلم ترا محدن حبيبي بيسواك... قلبن رخص غيرك وبالحيل شــــاريك
ازعل لزعلك واشتري بعمري ارضاك...يا مصدر الهامي ترا العمر يفديك
حسنك بعيني شاغل البال ذكراك...طيفك يراودني وقلبـــي ينـــاديـك
...
اليوم الثاني جلسوا البنات ونزلو ا يجهزون الفطور
لان عمهم سلطان عزم اخوانه على الفطور
رهف: اقول شوق
شوق: هلا
رهف: ممكن تودين الصينيه للرجال
شوق: خدامتك وانا مدري
رهف: لا بنت عمي يا هبله
سلامه: بسكم انا بوديها
راحت سلامه تودي الصينيه عند الرجال عند الممرات احمد موجود قاعد يكح
سلامه راحت له بسرعه : احمد وش فيك ؟؟
احمد: مافيني شي
سلامه: اجيب لك ماي
احمد: يا ليت
وراحت سلامه تجيب لاحمد ماي
رهف: وديتيها
ماردت سلامه على رهف: وش فيها هذي؟؟
شوق:هههههههههههه مسكينه
رهف: انتي انطمي لا ادوس بطنك
.......
عطت سلامه الماي لاحمد
احمد: مشكوره يا الغاليه
سلامه استحت من رده
احمد: سلامه
سلامه: هلا
احمد: بصراحه ابا اقولك شي بس متردد
سلامه: امر يا ولد عمي
احمد: سلامه انا.....انا.. احبك
سلامه ماصدقت الي تسمعه احمد يحبها احمد الي من وهي صغيره كانت تحبه يبادلها نفس الشعور
راحت سلامه عنه وخلته في افكاره... ياربي وش سويت انا
سلامه دخلت المطبخ ووجها صاير احمر
رهف رات لسلامه: سلامه بسم الله عليك وش فيك؟؟
سلامه: ها... لا ولا شي
شوق: اكيد شافت الحبيب في الوجه
سلامه: شوق
شوق: زين خلاص سكتنا
.....
خلصوا الفطور و البنات راحوا السوق مع الشباب
ام عبدالله: وين البنات
ام ماجد: راحوا مع الشباب السوق
العنود: خالتي وين رهف والباقي
ام عبد الله: راحوا السوق
نوره: وليه ما خذونا معهم
ام عبدالله: والله مدري عنهم
العنود: نوير خلينا نروح عند عمامي احسن لنا هم مافيهم خير
...
في السوق
عبدالله: سمعوا انا رايح مع حرمتي واذا خلصتوا نتقابل عند السياره
الكل: اوكي
راح عبد الله مع ود لحالهم
واحمد ومروان ومحمد لحالهم
وياسر و ذياب و عزام لحالهم
اما زياد و عبدالرحمن وماجد جلسوا مع البنات
جوري: حنا بنروح
زياد: وين انشاءالله؟؟
جوري: بنروح انا وندى ومي معنا ماجد
وراحوا عنهم مابقى الا رهف وسميه وسلمى وسلامه وشوق وذوق
رهف: صفا الجو
زياد: بدا الخبال
رهف: اقول زياد
زياد: خيير
عبد الرحمن: هههه الله يعينك
رهف: انطم انت...اقول دحوم وش رايك تاخذ ذوق وتروح
عبد الرحمن: انا ما عندي مانع
زياد:ههههه ماصدق الولد
شوق: اكيد مايصدق.... من يحصله يتمشى مع حرمته
سميه: خلونا ندخل هالمحل
رهف: انا في خاطري ساعه ...من يروح معي
شوق: انا بروح معاك
سلامه: انا كمان
زياد: خلاص عبد الرحمن انت اجلس معهم وانا رايح مع العلل
رهف: من العلل
زياد: هم العلل مو انتوا
رهف: ضنيت بعد
راحوا محل ساعات
شوق: الله سلامه شوفي هذي حلوه
زياد مسك ايد شوق وحط الساعه على ايدها: حلوه عليك
شوق: هيييييي ايدي ماتـــ ..
زياد انتبه انه ماسك ايدها وهدها: اسف ما نتبهت
وراح عنها وراح لرهف
شوق..ياربي انا ليه تحصلي مواقف وياه
رهف: اقول زياد وش رايك فيها
زياد: حلوه...بس انتي عاجبتك
رهف: انا عاجبتني
زياد: جيبيها خليني احاسب
رهف: خذ الفلوس
زياد:افا يا رهف رجعيهم لا ازعل عليك
رهف: بس يا زياد
زياد: تبيني ازعل عليك
رهف: كيفك دامك ملزم
زياد:هههههههه لوتيه البنت
رهف:طالعه عليك
سلامه: زياد وش رايك في الساعه حلوه حق امي
زياد: لا مو حلوه هذي حق شباب
رهف: تعالي خليني اختار لك حق عمتي
زياد: روحي مع الخبيره
راح زياد يحاسب ساعة رهف ولا يدخل المحل ذياب وياسر وعزام
ذياب :وش تسوي هنا؟؟
زياد: البنات دخلوا المحل ودخلت معاهم
ياسر: اختي هنا
زياد:لا هي مع عبد الرحمن
ذياب: اجل من معاك
زياد: سلامه وشوق ورهف
عزام:اوووووه زياد وش هالساعه الحلوه.. والله ذوقك فنان
زياد:مو لي ... هذي لرهف هي المختارتها
ياسر.... هالبنت كل شي فيها مميز
ذياب: جيب احاسبها
زياد: لا انا بحاسبها
ذياب قرب من زياد: ليه ان شاءالله حرمتك ولا حرمتي
زياد: لا بنت عمي
ذياب: عطني اياها
عطى زياد الساعه ذياب عشان يحاسبها
بعد ما حاسب ذياب الساعه راح محل عطورات ومحل ورود وكم محل ثاني شرى لرهف هديه
رهف: اقول زياد وين الساعه
زياد: ههههههههه ضاعت
رهف: نعم ....وش قلت؟؟
زياد: كانت محجوزه .. وجا راعي الساعه خذها
رهف اشوي وتصيح: لا تقوووول
زياد: خلاص نروح محل ثاني نشوف
رهف: ماابغى خلاص
زياد:خلاص بكره اجيبكم .. وش رايك؟؟
رهف: ما ابغاااااااا خلاص
كانت طول الطريق زعلانه
زياد: ههههههه حرام عليك وش سويت في الساعه شوفها ماده البوز شبرين
ذياب:رحت شريت لها كم شي
زياد: اووووووه يا حركات انت
ذياب: اجل هذي رهف مو أي وحده
زياد:متى بتعطيها اياه
ذياب: بكره او الي بعده
.....
ساروا الشباب البيت بس رهف بعدها زعلانه ولاتكلمت ولاكلمه
يوم دخلو البيت استقبلتهم ام عبد الرحمن
الكل: السلام عليكم
ام عبد الرحمن:وعليكم السلام....رهف وش فيك يا يمه
رهف: يمه شفت ساعه دخلت خاطري بس طلعت محجوزه
ام عبد الرحمن: خوفتيني قلت يمكن صاير لك شي
رهف: بس يمه انا ابغاها
ود: خلاص اجيب لك احسن منها... وش تبغين بعد
رهف ابتسمت لاختها
سلامه:رهيـــــــــــــــف
رهف: نعم تبغين شي؟؟؟
سلامه: ضحكي
رهف:ليه وش شايفتني خبله
سلامه: لا عندك غمازه
رهف:هههههه .. مدري قايله شي جديد
......
في الليل الساعه 11
الكل في بيت بو ماجد نايم ماعدا رهف وسلامه كانوا جالسين في الصاله
سلامه: تدرين يا رهف حظك في ذياب وحظه فيك
رهف: ااااااااااااه يا سلامه لو تدرين اني اموت فيه .....الا ما قلتيلي وش فيك اليوم الصباح
سلامه استحت وقالت لرهف السالفه
رهف: احلفي احمد قالك احبك لا ما اصدق
سلامه: حتى انا ما صدقت في البدايه حمود يحبني يااااااااااي فديته
رهف: استخفت البنت
كان في شخص منصدم من الي سمعه..... رهف تحب اذياب وذياب يحبها
بس ياسر يحبها لان من نظراته لها اليوم وامس يقول انه هو يحب رهف وقلبي يحبه
سلمى ماصدقت الي تسمعه ومو مستوعبه أي شي
من الي سمعته ...الله يعينك يا ولد عمي ويعين قلبي على فراقك
......
اليوم الجمعه
راحوا الرجال المسجد لصلاة الجمعه
بعد ما رجعوا راحوا البنات بيوتهم
كانو اثنين ينتضرون قرار رهف باحر من الجمر
الاول ياسر الي يدعي ان رهف تكون من نصيبه
والثاني سلمى مستقبل حياتها عند رهف
في بيت بو عبد الرحمن
البنات كل وحده راحت حجرتها.... ود دخلت الحمام ( وانتوا بكرامه) خذت لها دش على السريع ونزلت الصاله مع امها
ود: السلام عليكم
ام عبد الرحمن: وعليكم السلام
ام عبدالرحمن: يمه ود ابغى اقولك موضوع عن اختك رهف
ود: وش فيها رهف يا يمه
ام عبدالرحمن: مافيها الا العافيه بس ام ياسر امس خطبت رهف لولدها ياسر
ود ما صدقت الي تسمعه : هااااااااااااه
ام عبد الرحمن: وش فيك؟؟
ود: لا مافيني شي ....بس يا يمه رهف للحين تدرس وهي قايله انها ماتبغى تعرس لحد ما تخلص
ام عبد الرحمن: وهو بعد يدرس ...هو بس بيخطبها
ود: مدري يا يمه سألوا رهف
ام عبد الرحمن: روحي ناديها
راحت ود لرهف الي كانت تكلم صديقتها مروة
رهف: مروة والله كان خاطري فيها
مروة: ههههههههه مسكينه
رهف: انطمي لا اصفعك
مروى: هههه الا اقول وش سويتي في بيت عمك اكيد شفتي ذياب
رهف: ااااااه فديته
مروة:والله خاطري اشوفه
رهف: نعم.... وليه انشاءالله
مروة: ههههه عشان اذا عجبني آخذه منك
رهف: تحلمين فيه يا عمري ذياب يحبني وانا احبه
مروة: وانا احبك
رهف: وانا اكرهك
مروة: وانا الحين بصفعك
رهف: هههههههههه... الا اخبار امك؟؟
مروة: تمام اليوم احسن
ولا تدخل عليها ود
ود: رهف امي تبغاك
رهف: انشاءالله... ميمي امي تناديني اشوفك في الجامعه
مروة: طيب اوكي باي
رهف: بايات
وراحوا رهف وود الصاله شافوا امهم وابوهم جالسين
رهف: السلام عليكم
الكل: وعليكم السلام
رهف: نعم يمه بغيتي شي
....
الجزء الثاني عشر
على بالي كلام الحب ... على بالي تفاصيلك
على بالي شقاوتنا وأمانينا ومشاعرنا
على بالي ليالي إلي سهرناها أغنيلك
على بالي غرام إلي عطاها إجناح وطرنا
........
بو عبد الرحمن: جلسي يارهف
جلست رهف جنب امها
رهف: خير يبه
بو عبد الرحمن: الخير في وجهك يا بنتي ....تدرين يا يمه انك كبرتي وصرتي في سن زواج واختك الحمدلله جاها نصيبها
رهف خافت من كلام ابوها
بو عبد الرحمن: الموضوع يا بنتي ان عمك طارق طلب ايدك لولده ياسر
رهف من الصدمه ما عرفت وش تقول
ام عبد الرحمن: يا رهف الولد ما ينعاب هو ولد عمك نعرفه ونعرف اخلاقه واهله
رهف: بس يا يبه انا مابغى اعرس الحين
بوعبدالرحمن: انا مب غاصبك على شي انتي ماتبينه فكري عدل يا رهف هذا زواج يعني بتعيشين معاه طول حياتك
رهف: انشاءالله... عن اذنكم
وراحت غرفتها وهي مو عارفه وش تسوي ..... لا مستحيل اخذه انا احب ذياب ايه احبه وماراح اكون لغيره
ود: رهف افتحي الباب بكلمك
فتحت رهف لاختها الباب وجلسوا على السرير
ود: رهف انا عارفه انك ما تبينه وانك تحبين ذياب
رهف وهي تصيح: انا ماابغاه يا ود ما ابغاه
ود: عارفه يا رهف بس عمي
رهف: وش عمي ..اضيع حياتي عشان عمي
ود: مدري وش اقولك
رهف: انا بقول لابوي اني ماابغاه
ود: و السبب؟
رهف: ابغى اكمل دراستي
ود: هو بعد يدرس
رهف: دامه يدرس ليه جاي يخطب
ود: هو بس يبغى يخطب
رهف: ود سكري الموضوع الله يخليك
ود: بس يارهف هو ولد عمك وياسر تراه ما ينعاب.....وبعدين ذياب ما تكلم انه يبغاك
رهف: ذياب يحبني تعرفين معنى يحبني ويكفي انه اعترف لي بحبه
ود: بس هذا مو كافي
رهف:هذا كافي بالنسبه لي
ود: كيفك انا قلت لك وانتي حره
ويسمعون طق على الباب
رهف: من؟؟
جين: انا ما دام
رهف: ادخلي جين
دخلت جين وكان عندها صندوق
رهف: جين وش هذا
جين : هدا ذياب جيب
رهف: ذياب!!
جين: يس قول عطي انتي
راحت رهف بسرعه لجين واخذت الصندوق وفتحته
رهف: الله ود تعالي شوفي
راحت ود جلست جنب رهف
ود: اوووووه وش هذا والله ذياب مو سهل
رهف: اااااااه فديته ..... ود شوفي هذي الساعه الي انا ابغاها
ود: اشوف ... والله جنان ما ألومك يوم فزعتي الدنيا عليها
رهف: وتقولين لي اوافق على ياسر وارفس النعمه الي عندي
ود: ههههههههههه
رهف: اقول ود ممكن تخليني انا والصندوق لحالنا
ود: ممكن يا العاشقه
راحت ود عن رهف ودخلت غرفتها دق عبدالله وبين السوالف قالت له عن خطبت ياسر لرهف
ود: وهذي كل السالفه
عبد الله: والله مدري وش اقول
ود: رهف ماتبغاه وانت عارف ليه بس المشكله عمي اخافه يزعل
عبدالله: وين رهف الحين
ود: ههههههه ذياب جايب لها هديه من ضمنها الساعه الي فزعت الدنيا عليها
عبد الله: هههههههه مو سهل الرجال
ود: عاد انا خليتها مع هديته
عبد الله: خليها تتامل هديه الغالي
ود حبيبتي انا اخليك الحين بطلع مع الربع
ود: بتطلع انا ما سمحت لك
عبد الله: لا الله يخليك ابغى اروح لا تحرميني من الطلعه
ود:هههههههههههههه خلاص سمحت لك
عبدالله: شكرا ماما
ود: بس لا توصخ ثيابك
عبدالله: ههههههه تصلحين ام
ود:ما عليك اعجبك انا
عبدالله: طول عمرك عاجبتني
ود: اوكي روح عند ربعك
عبدالله: مع السلامه
ود: مع السلامه
.....
نرجع لرهف الي قاعده تتامل الهديه
اااااااه يا ذياب لو تدري وش يصير من وراك
شافت رهف في الصندوق ورقه .. افتحتها وكان مكتوب فيها
انا اسف لاني خليتك تزعلين بس حبيت اسوي لك مفاجاه وارجو انها تعجبك الهديه
حبيبك ذياب
يااااااااااااااااااااااااااي فديته خلني اتصل في رغد
دقت رهف على رغد
رغد: اووووووووووه رهوف متصله .. هلا والله بالغلا كله.. اخبارك؟؟
رهف:هههههه كل هذا لي
رغد: اكيد وانتي شوي
رهف: ههههههههه تسلمين حبيبتي
رغد: قولي لي اخبارك ؟؟
رهف: رغد
رغد: لبيه
رهف قالت لها السالفه
رغد: أيـــــــــــــه بتأوولي ايه يابت
رهف: الي سمعتيه
رغد: من جد؟؟
رهف : ايه وانا مدري وش اسوي
رغد: جد قرار صعب مره
رهف: جد قرار صعب
.....
في بيت بو ماجد
فهد: اااااه فديت ولدي شوفوه يجنن
ام ماجد: اكيد جميل دام انت ابوه وهند امه
هند: هههههههه وانتي جدته
سلمى: حظه طالع علي
هند:وع بسم الله على ولدي
سلمى: تحمدين ربك انه طالع علي
فهد: ليه حنا مانبغاه عشان نبيه يطلع عليك
ندى:هههههههههههه حرام عليكم شوفو زعلتوها
هند: هههههههههه زعوله اختك
ندى: احلفي هي بعد اختك
فهد: خلاص سلوم لا تزعلين كنا نسولف معاك
سلمى بعدها زعلانه
فهد: قلنا خلاص لايوصل البوز الارض
ام ماجد:هههههههه وش تبون ببنتي خلوها انت وحرمتك
هند:يمه بنتك زعوله
ندى: صدقها
سلمى: انا مو زعلانه
فهد: مبين
سلمى:انا رايحه حجرتي ابرك لي من الجلسه معكم
ندى: لا يا اختي لاتذهبي وانتي مبرطمه
سلمى:هههه سخيفه
ندى:ما السخيفه الا انتي
ام ماجد:بس انتوا وياها ماتحشمون حد
هند: في هذي اشك
ام ماجد: اسكتي انتي ولاتتكلمين
هند:ان شاءالله
فهد: يووو فشلوها
هند:نعم وش قلت؟؟
فهد: سلامتك
هند: ضنيت
...
نرجع لرهف الي كانت تكلم رغد
رغد: لا تخافين ولاشي وزي ما قالك ابوك انه ماراح يغصبك على شي انتي ماتبينه بعدين خلي ذياب يكلم ياسر
رهف: استخفيتي انتي
رغد: تراها عادي
رهف: لا احسه صعبه ... وبعدين ماحد يدري عن الخطبه
رغد: يعني انتي مب قايله لذياب
رهف: مدري يا رغد مدري
رغد: والله مدري وش اقولك
رهف: الله يعين ... اخليك بروح انام واشوفك في الجامعه
رغد: اوكي حبيبتي اخليك باي
رهف: باي
بعد ما سكرت رهف من رغد جلست تقرأ روايه تشغل عمرها من التفكير في موضوع ياسر
ولا تدخل عليها ود
ود: مانمتي
رهف: ماجاني نوم
ود: بعدك تفكرين ؟
رهف: تبين الصراحه... ايه
ود: اهاااااااااا
رهف: ود بقولك شي
ود: خير
رهف: انا خايفه
ود:خايفه من ايش؟؟
رهف: خايفه ارفض ياسر ويزعل عمي وانتي تدرين اني احب ذياب
ود: مدري وش اقولك يارهف
رهف: اف
ود: خلاص روحي نامي
رهف: اوكيه انتي بعد روحي نامي
راحت ود عن رهف
فتحت المسن شافت ذياب اون لاين كلمته
رهف: هلا
ذياب: يا ويل حالي
رهف:اخبارك؟؟
ذياب: ااااااه ولهان عليك... اقول رهوف
رهف: لبيه
ذياب: يالبى قلبك ... رهف لا تزعلين من زياد انا الي اخذت منه الساعه وقلت له يقولك انها محجوزه
رهف: بس انا مازعلت منه
ذياب: والله حظي فيك
رهف: مشكور على الهديه
ذياب: بدينا في الكلام الي ماله داعي
رهف:ههههههه الا له داعي
ذياب: اقول رهوف سكري السالفه
رهف: من عيوني ماطلبت شي
ذياب: ياويل حالي
رهف: ذياب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك