بداية الرواية

رواية اما غرام يشرح الصدر طاريه ولا صدود -74

رواية اما غرام يشرح الصدر طاريه ولا صدود  - غرام

رواية اما غرام يشرح الصدر طاريه ولا صدود -74

السلام عليكم ورحمة الله وبركاته ...
صبــــــــــــاح
المطر يغسل ذنوب الزمن...
يسقي الأرض وما تُنبت..
مســـــــــــاء
الكلمة الطيبة..
تبث بــ النفس الطمئنينة ...
كيــــــــــفكم الـــ ليلااااااااااااااس ..؟؟
أحبتــــــــي في كل مكـــــــــان ..؟؟
ماشاء الله عليكم يا عسولاااااااات...
كل وحدة لها طريقة بتفسير الأحداث..
اتمنى إن بارت اليوم يعجبكم..
واطلب منكم التركيز بــ الحوارات..
وإكتشاف مابين السطور..
وشكـــــــــــراً بحجم السماء لكل المتواجدين معي دائماً..
لازلت ارتقي بكم فكونوا بقربي..
ومن سجلوا عشاني هنا وفي الجوار..
الله يعلي شأنكم تواجدكم شرف كبير لي...
زيزفووونتي الغالية ..
اتمنى ينال البارت على إستحسانك ^_*
ومثل مايقولون أول الغيث قطرة...
البارت إهــــداء لـــ الجميـــــــــــــــــــع ..

البارت الواحد والسبعــــون ..

لا تقولي "
لا تقولي : أنت حبي
ربمّا غرّتك مني
كلمة شاعر ترضي شياطين الشباب
ربما ضلل أهواءك شيء في اكتئابي
ربما أغوتك ألوان نقابي
لا تقولي .... أنا أهواك ...
لأن الليل دنيا شاعريه
و لأن البدر طفل
أسند الرأس على صدر الغمام
مغمضا ً أضواءه ... غير خيوط ذهبية
رقصت في روض عينيك
فراشات سلام
و لأن الشوق ينمو في الظلام
فغداً نصحو مع النور ..
يموت الصمت ... يغشانا الكلام ,,
المرحوم بإذن الله تعالى..غازي القصيبي ..
أبتعد عنها وعيونه في عيونها..
وقبل لا تبتعد عنه وتطلع فوق..
صدمها بكلمته..
علي بهدوء زوجك في المجلس..
حفرت اظافرها بكف يدها..
وحاولت قد ماتقدر ماتبين حقدها..
هديل ببرود مالي فيه حاجة..
تصبح على خير..
تفاجأ من ردها ومن تعاملها الغريب له..
بس كان لازم تروح معه المجلس..
علي ذياب معه..
رمت شنطتها على الكنبة ومشت بخطوات واثقة..
توجهت لـ المجلس وعلي معها..
كانت لابسة عبايتها ولافة طرحتها على راسها..
دخلت والقت السلام بهدوء..
شافت ابوها وأمها ومحمد في المجلس جالسين معه..
وعلي واقف جنبها..
أنقبض قلبها لما شافت ذياب بحضنه وكأنه نايم..
قربت منه بهدوء وهو وقف لها مدت يدينها..
أخذت ذياب من حضنه وهو تركه لها..
صدت عنهم وهي ضامة ولدها..
كان خايف عليها لما تدري بحال ذياب..
مع إنه مايدري وش اللي فيه..
بس لما فحصه بطريقة سريعة ..
ومن كلام أم علي أكتشف إن ولدهـ يعاني من شيء غريب..
مايبيها تنصدم من حال ولدها..
أبوعلي يوبه هديل..أصبري شوي..
وقفت إحتراماً لابوها..ولمناداته لها..
أو كانت بتطلع وتتركهم مع نسيبهم القاسي..
وأكتشفت إن أهلها مو أحسن منه..
لكل واحد منهم طريقة مبدعة بالصد والقهر..
هديل نعم يوبه..
ابوعلي يابنتي تعالي إجلسي نبيك بسالفة..
هديل بكره يوم يا ابوعلي..
علي بقلة صبر ذياب مريض يا هديل..وانتي ماتدرين..
هديل بهدوء وكيف عرفت إن ولدي مريض..؟؟
أم علي يمكن أنتي ما لاحظتي اللي يصير مع ولدك يا بنتي..
بس حالته خوفتني عليه..
لونه يتغير ويغشى وأنتي تحسبينه نايم..
ألتفتت عليهم بنظرات جامدة..
وتكلمت بصوت واثق وقوي..
هديل ماهو بأنا اللي غافلة عن ولدي..
ولا أدري وش اللي فيه..
وبنظرات تحدي وجهتها لغازي.
كملت برفعة حاجب المفروض أبوهـ طمنكم..
وقال لكم وش اللي في ذياب..
ماهو يخليكم قلقانين ومتوترين كذا..
حست بإنتصار لما شافتهم كلهم مصدومين من ردها..
كلهم كان لهم توقع إنها بتنهار وخايفين عليها..
بس ثقتها وقوتها اثبتت لهم العكس..
وإنها ماهي مثل ما يتوقعون..
وهو بالذات شافت الغضب القديم..
الغضب اللي شافته باول ايامها معه..
كملت لما حست إنهم ينتظرونها تكمل..
هديل ذياب بيكون بخير إن شاء الله..
بعد كم شهر بأرجع إيطاليا مع ولدي..
ونسوي عملية لذياب..وأنا بأتبرع له بمادة من جسمي..
كنا بنسويها قبل بس وزن ذياب ماساعدنا لإجرائها..
أم علي بغصة ياقلب أمك..
والله عرفت إن فيه شيء من غشوته..
ومن حالته كل ماوقف يطيح..
هديل بهدؤ الحمدلله يومه الأيام الصعبة راحت..
وحالته ألحين احسن من اول بكثير..
صدت عن أمها وناظرت في غازي..
وكانت ملامحه جامدة غاضبة..
تدري إنه يموووت بهذي اللحظة الف مرة..
ولدهـ مريض ولا يدري عنه..
وبيسوي عملية وهي معه..
وهو مثل الأطرش بالموضوع..حالته حال الغريب..
صرخ قلبها بضيم..
حس بالقهر اللي ياما شربتني إياهـ..
خاف على ولدك مثل ماأحترق قلبي من الخوف عليه..
حرمتني اكون زوجة حقيقية..
حرمتني اكون حامل وأصير أم مثل الخلق..
هذي ثمرة اعمالك تحملها..
هديل بإستفزاز ليش ماتطمنهم يا ابو ذياب..؟؟
وتقول لهم عن حالة ولــــدك..؟؟
علي بخوف المرض وش يكون..؟؟
هديل تتنهد واجتهني صعوبة بأيام الحمل..
وعلى وقت الولادة تعرضت لحادث..
أثر على ذياب بمنطقة النخاع..وكان سبب في ولادة مبكرة..
الحمدلله المستشفى إحتفظوا بالدم اللي كان بالحبل السري..
في بنك لـ الدم وحافظينه برقم هوية..
وساعدهم دخولي في غيبوبة..
بحيث كانت كل أعضائي بحالة خموول..
فقدروا يسحبون كمية من الدم..وعوضوها بدم ثاني من متبرع..
لما نروح لهم إيطاليا بيتم سحب الدم من الحبل السري..
مع الدم اللي أخذوه مني..
وبنسوي عملية لــ ذياب..لأن الضرر بأسفل راسه..
ولما يعطي مجهود كبير يضغط على اعصابه وأحياناً يفقد الوعي..
أبوعلي بحنية لاحول ولا قوة إلا بالله..
الحمدلله على سلامتكم يا بنتي..
أنتي وذياب..والله يقومه بالسلامة..
قرب منها محمد سلم عليها وعلى ذياب..
وأمها كانت بتاخذ ذياب منها بس مارضت تتركه..
شافت إهتمام ابوها وأخوانها فيها..
بس قلبها ماتقبل تقربهم منها..
ولا طبطبتهم عليها..
هجروها من بعد ما سامحتهم ورجعت..
صدوا عنها من غير حق..
أبتعدت عنهم خطوات بسيطة..
وهي تبتسم بمجاملة واضحة جداً..
هديل تصبحون على خير..
ذيبي نام وبانام معه..
وقبل لا تمشي خطوة وحدة..
سمعت صوته الحاد وبنبرته الجامدة..
يامرها بكلمة وحدة بس..
غازي بقوة وقـــفي..
شافت اهلها يبون يطلعون من المجلس ويتركونها معه..
فكان لازم تتصرف وتجبرهم يبقون معها..
أعترفت لنفسها رغم رضاها بصدمته وقهرهـ بهذا الشكل الظالم..
إلا إنها ماتبى تظل معه..
لا تسمع كلامه ولا تتعرض لقسوته..
وقفت قدام محمد مانعته يطلع ورى اهلها..
فهم حركتها وإنها تبيه يظل معها..
حس بإحراج من حركتها قدام زوجها..
واخذ ذياب منها بخفة ..
وقف غازي وقرب منها..
وهي أستقوت بوجود محمد معها..
غازي بغضب بأي حق أخفيتي علي..؟؟
هديل بحقد أنت آخر من يتكلم عن الحقوق..
غازي بحدة كل أوراقه الطبية تعطيني إياها ألحين..
الشرح المبسط اللي قلتيه ما أقنعني..
هديل بمثل حدته هذا ولدي أنا يا دكتور..
وإذا مهتم لـ الموضوع راسل صوفي ترسل لك نسخة..
سحبها غازي له بقوة ماباترك ولدي يموت مثل ماماتت رسل..
هديل بتجبر قلتها لي مرة..
ذق ياموت ماذوقته الناس..
وإن ربي قدر موت ذياب ماهو أنت اللي بتمنعه..
غازي بجمود وكأنه عادي عندك يموت..؟؟
بعد كلمته أنسحب محمد من المجلس وذياب معه..
حس بينهم مشكلة ولازم يحلونها ووجوده يمكن يعقد الموضوع..
هديل بجفاء أنا اللي تجرعت العلقم علشانه..
وأنا اللي عانيت معه ومت بالثواني والدقايق..
لاتظن جمودي اليوم قسوة على ولدي..
صدمتي ورعبي كليتها لحالي عليه..
أنفجعت بمرضه مامعي أم ولا أب ولا حتى زوج..
مالقيت من يطبطب علي او يطمني..
قسوتي جنيتها من اللي أنت زرعته..
غازي إلا ذياب لا تفجعيني فيه..
أنفجعت بكل منهو غالي علي..
حتى أنتي فجعتيني بموتك..
لاتستخدمين نفس السيف..
تراهـ موجع ومايبراء..
هديل بحقد وهذا المطلوب..
ما أبيــــه يبراء..
غازي بوعيد حسابك معي عسير..
والحين جيبي أوراقه لازم اشوفها..
هديل بسخرية تبي تطمن على ولدي..؟؟
غازي وأتطمن على أمـــه..
إذا كان مثل ماقلتي..
فانتي مو ملزومة تعطينه من نخاعك..
أنا باعطيه من عمودي الفقري..
هديل بقهر لو تموت قدامي..
ماخليتك تتفضل علي..
أنا أمــــه ومابيأخذون الا مني..
غازي بهدوء قلتي عوضوا الدم لك بدم متبرع ثاني..
يعني الدم اللي فيك ألحين ماعاد دمك أنتي وبس..
صار مختلط بدم غريب عنك وعن ذياب..
هديل بثقة مابتقدر تخدعني..لا تتفلسف بطبك علي..
الدكتور طمني وإني أقدر اعطيه من النخاع...
غازي بصبر عطيني الأوراق الخاصة فيه وبعدها يصير خير..
هديل بكرهـ لا..
هزها بقوة وهو يهددها..
غازي بحدة أقسم بالله العظيم إذا ماجبتي أوراقه..
لأخذه منك الحين واسوي له كل الفحوصات..
ما ابى اقهرك فيه مثل ماقهرتيني..
ضربته وبعدته عنها..
صدت عنه وطلعت من المجلس..
صعدت الدرج بخطوات مقهورة ومهزوزة..
مو أنتوا اللي تحبونه اكثر مني..
أنا مهتمة فيه وادري وش وضعه..
لو كنت اشوف فيكم خير قلت لكم..
بس انتوا مافيكم خير لا لي ولا لنفسكم..
طلعت اوراقه اللي معها..
ونزلت بخطوات باردة..
عطت الأوراق لــ محمد وخذت ذياب منه..
هديل عطه الاوراق وقله يطلقني..
كلهم أنصدموا من كلامها..
امها شهقة من الكلمة..
وابوها وقف مصدوم منها..
يعرف إنها زعلانة من زوجها..
بس هي قالت إنه مراعيها وطيب معها..
والزعل اللي بينهم اكيد ينحل..مايحتاج طلاق..
أبوعلي هديل وش هذا الكلام..؟؟
هديل بجمود إن كنت مضيقة عليك البيت يا ابو علي..
فـ السموحة منك..
الغربة اللي ضفتني خمس سنين تنتظرني بشوق..
علي بحدة هديل..؟؟
أنتي اليوم مو صاحية..
هديل وش تبون..؟؟أروح معه..
ارضى ارجع له؟؟لا ياهلي..
ياللي ذبحتوني ودفنتوني حية..
ياللي مفتشلين مني بين الناس..
ما بأرجع له.. ومالكم إلا تتحملون مصيبتكم في بنتكم..
وابن جالي لو تقطعوني مارجعت له..
علي بغضب ثمني كلامك قبل تنطقينه..
وفهميني وش اللي صابك..؟؟
هديل بعتب انت حلفت يا علي..
وعدتني تقهر من قهرني..
وانتي يا عسولة شهدتي عليه..
قلت جعل ذنبي ما يتعداك..
واليوم أطالبك توفي بوعدك..
ذنبي لا تخليه يتعداك يا علي..
صدت عن هلها وطلعت لغرفتها..
قبل لا تدخل انفتح باب غرفة هادي وطلع منها..
شافت إرتباكه وصدمته من شوفها..
تقدم منها وهو يرسم إبتسامة باهتة..
وقف يبي يكلمها..واخرسته نظراتها..
تجاهلت وجودهـ وقفلت الباب رافضة لتقربه منها..
جلست ورى السرير وذياب بحضنها نايم..
تكلمت معه بنبرة مخنوقة..
هديل بألم شفهم يا ذياب..يحسبوني عنك غشيمة..
مادروا باللي صار فيني لما عرفت إنك مريض..
سامحهم يا قلبي ماعاشوا اللي عشناهـ..
مابكوا دموعنا اللي عذبتنا..
ولاشافوا الكوابيس اللي حاصرتنا..
ثاروا علي لاني طلبت الطلاق..
يبوني أرجع له..!
وش بقى فيني عشان أرجع..وش يرتجي مني..؟؟
ضـــاع كل شيء..
حتى حلمي اللي حلمته سنين هلي أحرقوهـ..
ليتني مارجعت ياذياب..
ع الأقل يبقى لي حلم أعيش عليه..
كلام الناس مايرحم..وأدري اللي سمعته اليوم..
يتردد بوسط المجالس..
هذي ضريبة رجوعي يا أبوي..
هذا ثمن رفضي حياتي مع ابوك..
حسبت هلي بيعوضوني..بس ماعوضوني..
؛؛؛؛؛؛؛؛؛؛؛؛؛؛؛؛؛؛؛؛؛؛؛
طلع من البيت والغضب معمي عيونه..
ماطرى في باله ابداً إن ذياب يكون تعبان..
وهي كيف كتمت الخبر عنه وعنهم كلهم..
بأي حق تقرر مصير ولدهـ ..
كان لازم تقول له ..
حقدها عليه يسيرها ويسيطر عليها..
يبيها تنتقم منه بس ماهو عن طريق ذياب..
ماقابل ذياب الا مرات معدودة..
وهديل كانت تاخذه منه وتمنعه لا يتعود عليه..
بس مالاحظ أي شيء غير طبيعي فيه..
لانها ماسمحت له يلاحظ شيء..
كانت تلهيه عن ذياب بشطارة..
فقد بنته بيوم ولا هو قادر يفقد ولدهـ..
بنته ماتت وهي مع أمها..
ومستحيل يسمح لهذا الشيء يصير مرة ثانية مع ولدهـ..
لازم يأخذها هي وذياب معه بأقرب فرصة..
أستغرب كلام علي لما كلمه..
يقوله تعال موضوع يخص ولدك..
يظنون إن أنا وأمه جاهلين باللي فيه..
بس معهم حق انا الجاهل بحال ولدي وزوجتي..
تشرح سبب إصابته وتحاول تخفف الموضوع..
حادث..ولادة مبكرة..غيبوبة..
وبعدها مرض ذياب..
لازم اعرف كل اللي مرت فيه وصار معها..
قرر يسافر إيطاليا ويعرف كل شيء صار من صوفيا..
توجه لــ المستشفى التخصصي بـ الرياض..
وقابل صديق قديم له بالمستشفى..
رحب فيه بالدكتور غازي..
ابتسم بسخرية على اللقب المكروهـ من قلبه..
دكتور لم ينقذ إبنته ولا لاحظ مرض ولدهـ ..
أي دكتوور ..؟؟
عرض أوراق ذياب على صاحبه..
وبعد مناقشات طويلة تبين له إن الإصابة بالنخاع الشوكي..
يصير فيه إنتفاخ مفاجىء يكون سبب في فقد ذياب لوعيه..
ويمكن يأثر على النظر عنده والكلام..
يتذكر حركتها الدايمة بمسك يدينه..
وحتى لو يوقف لثواني معدودة..
كانت تمد يدها له عشان يرتكز عليها..
أستغرب غن ولده بعمر السنتين ولا يقدر يوقف ويمشي بإتزان..
تمنى لو تكون قدامه بهذي اللحظة..
ويتمكن من معاقبتها على كل شيء..
على هجرها له سنين..حرمانه من ولدهـ ..
على عذابها ووحدتها وهي بعيدة عنه وعن اهلها..
حس إنه يبي يعاقبها على جرائمه في حقها..
؛؛؛؛؛؛؛؛؛؛؛؛؛؛؛؛؛؛؛؛؛
كانت متحمسة وهي تجهز لحفلتها المختصرة..
وتحاول تكون بأقرب وقت قبل لا ينتفخ بطنها بزيادة..
طلب منها غازي ماترتبط فيه لان سفرته يمكن تتأخر ..
بس هي مارضت ووعدته تأجل الحفلة لحتى يرجع من إيطاليا..
مع إنها لاحظت مثل امها عصبيته وغضبه الغير مفسر..
أمه كانت تعتقد إنه بسبب هديل ورفضها ترجع له..
وكم تمنت لو تنهتي حياته مع هديل بسرعة..
يتركها في حالها..وهو يشوف حياته..
من اول ما التقوا ماريحوا بعض..
شوق بحذر يــومه..
ام غازي هلا..
شوق بتردد امممم أنـ....أنا أفكر أرسل بطاقة دعوة لهديل واهلها..
ام غازي تتنهد شوق خلي البنت في حالها..
شوق يومه تكفين..
انا ادري إنها مابتلبي الدعوة..
بس أبيها تدري إنها تهمني وابيها تكون موجودة..
ام غازي أنتي ماتفهمين..؟؟
البنت ماتبينا ولا تبي قربنا..
شوق يومه مو خسرانين شيء..
بأرسل البطاقة إن حبت تحضر بتكون من اغلى الحضور..
وإن ماحضرت براحتها..
ام غازي أنتي تدرين موضوع الحفلة ماني بالعته ولا عاجبني..
شوق إيه ادري..
ام غازي مالك شغل في هديل..
لاترسلين لها شيء..اللي بينا اكبر من رسميات تافهة..
شوق يومه تكفيييييين مشتاقة اشوفها واشوف ذياب..
خلينا نحاول نصلح الأمور بينا..
بتظل زوجة أخوي طال الزمن أو قصر..
لانه هو بنفسه أكد إنه مستحيل يتركها..
ام غازي بقهر لانه مجنون ومتفرعن بغير حق..
تدرين يا شوق من حسرتي عليها صرت أتخيلك أنتي مكانها..
وحسيت بقلبي يحقد على غازي ويبغضه..
شوفي وش لقت معنا ومع أخوك غير العناء والكدر..
ويوم رجعت لهلها وش سوت..؟؟
ولا شيء..لا شكت ولا فضحت..
لانها لو قالت لهم كيف كانت حالتها معنا..
ماكان أستقبلونا بوجيه مبتسمة وقلوب طيبة..
شوق يومه حالتك ماهي بطيبة من اليوم اللي رجعنا فيه من بيتهم..
ولا تقولين بسبب كلام هديل..لأن أنا وانتي نعرفه من قبل لا تقوله..
قولي لي وش اللي مزعلك..؟؟
ام غازي تبكي مزعلني ولدي..
أنتي ماتعرفين أم هديل من تكون لي..
انا قابلتها في الحج قبل سنين..
هي نفسها الحرمة اللي كانت تبكي على بنتها الميتة..
كانت توصيني أواصلك وأكلمك يوم العيد..
طلبتني ما أكسر في خاطرك ولا أصد عنك..
حسيت بفداحة ذنبنا يوم شفت أمها تستقبلنا بترحيب..
ماعرفتني ياشوق..ليتها عرفتني وطردتني من بيتها..
يا الله كيف سببنا لهم الحزن والضيق..
كيف حرمناهم بنتهم وهي حية..من اللي وجعه اكبر ياشوق..
هديل ولا هلها..؟؟
عشان سعود مات..!
طيب وبعدين..وبعد كل اللي سويناهـ رجـــع..؟؟
قولي يا شوووق رجع سعود بعد ما أحرقنا قلوبهم وعذبناهم..
مارجع..ولدي مارجع..
والمصيبة إن حن ظلمناهم..ظلمنا الولد وظلمنا أخته..
ماقتل ولدنا..ماقتله...يااااارب عفوك يارب..
؛؛؛؛؛؛؛؛؛؛؛؛؛
مانزلت من غرفتها الا بعد ما حلفت امها إن ضيفتها ماهي من أهل زوجها..
رددت الكلمة زوجها..جوارحها وأحاسيسها وكل نبض فيها يرفض الكلمة..
دخلت مجلس النساء وهي تتسأل من تكون ضيفتها..
مابتكون شهد ولا احد صديقاتها اللي كانوا موجودين في الحفلة..
ولا من قريباتها لان أكيد امها كانت بتعرفها..
تنهدت بسخرية على حالها..
يمكن وحدة فضولية من الجماعة تبي تشوف البنت اللي رجعت من الموت..
سلمت بصوت ناعم وتقدمت من ضيفتها..
وقفت قدامها لحظات وهي تتأملها..
تحس إنها تعرفها..ملامحها ماهي غريبة عليها..
وكانت الضيفة تتأملها بنفس النظرات..
بس ضيفتها عرفتها من تكون..
لأنها نطقت اسمها بصوت جريح..
.......... هديل ..!
هديل أنا اعرفك والله..بس ........ أنتي خلود ..؟؟
خلود بإبتسامة إيه يا هديل أنا خلود..
قربت من هديل وضمتها بقوووووة..
أختنقت بالغصة وهي تسمع بكاء خلود..
حست إنها تعرف السبب ورى بكاها..
مدت يدينها ولمتها حوالينها بعجز..
خلود بآسى سامــــحيني..
هديل بغصة مسموحة..
خلود أنا آسفة قلت كلام أكبر مني ومنك..
سيرني حقدي على كل قاتل وقلت اللي قلته..
هديل ماقلتي الا الحق ياخلود..
خلود لا أنتي ما تستاهلين..أنا ماقصدت اللي صار فيك..
لما انتشر خبر موتك حسيت إني بأموت من حسرتي..
ظليت اتذكر شكلك وأنتي مهمومة وكيف أنا قسيت عليك بالكلام..
كان آخر يوم اشوفك فيه..وكان آخر كلام بينا قاسي..
خلود في الماضي شوفي مصيبة غيرك.
هم لهم حق ينتقموا لولدهم وياخذوا حقه من اللي قتلووه .
لو كنتي انتي مكانهم ماراح تتركي قاتل اخوك في خير
راح تعذبيه وتقتليه الف مرة قبل لا يتم الحد عليه ..
عيشي الحالتين وخليك قوية..
ماتنكر إنها فكرت بكلام خلود كثير..
طول ايامها في الغربة كان يمر عليها..
وتمنت لو تشوفها خلود وتشوف كيف أهل القتيل أنتقموا لولدهم منها..
خلود بزعل لا مالهم حق يأخذونك بذنب أخوك..
هديل بجرح أنتقموا لـ القتيل مثل ماقلتي..
بس والله لو كنت مكانهم ماكنت بانتقم لاخوي..
آآآآآآآآهـ ياخلود الله اللي عطى والله اللي ياخذ..
إنتقامهم مارجع الميت لهم..والله مارجعه..
ضمتها خلود بزعل على حالها..
وتكلمت بصوت مخنوق بحسرة..
خلود أنا بنت قتيل..
أبوي مات مقتول..أنفجعت في موته..
كبرت سنين فوق عمري..
أمي الكسيرة..أخواني اليتامى..
عيا جرحنا لا يبرى يا هديل عيــــــــــا..
كرهت كل سراق وحرامي وقاتل..
حقدت على الدنيا والناس..
تمنيت لو التقي بقاتل ابوي..
قابلت امه اللي جات تطلبنا العفو عنه..
تمنيت اذبحها واحرق قلبه على امه..
وبعدها يصير يتيم مثلي..
بأي حق تطلب العفو..؟؟
مدامه قاتل فهو عاق بها وبهله..
وهذي حقيقته ليييه تحبه وتطلب العفو عنه..؟؟
هديل لانه ولدها..
خلود لانه ولدها..هههههههههه تدرين إنه طلبني اتزوجه..
هديل بصدمة قاتل ابوك..؟؟
خلود إيه..طلبني اتزوجه..
يقول إنه يبي يكفر عن خطاهـ ويتكفل فينا..
قلت له روح بر بأمك صل وصم وإتق ربك..
إبداء باول ذنوبك..
وحن مالك علينا فضل بعد ما خذيت ابونا..
هديل بحنية الله يعوضكم خير يا قلبي..
خلود طمنيني عنك..؟؟
هديل تبتسم الحمدلله..حالي يسرك..
مسحت دموع خلود وأبتسمت لها..
هديل بضحكة يابنت صايرة قمر...ماعرفتك..
خلود بابتسامة باهتة بعض ماعندكم..أنتي تغيرتي كثير..
كبرتي وقالوا صرتي ام..
هديل تذكرين لما قلتي لي ولكم ف يالقصاص حياة يا اولي الألباب..
قلت في خاطري بقنوط..وش الحياة المكتوبة على قصاص..
وشوفي ربي كيف اكرمني..
صار عندي ولد..لو يقولون ينعاد الزمن وتعيشين حُرة..
بأصرخ وأقول لا ما ابي غير ذياب..
خلود بمحبة مبروك عليك ذياب..
هديل الله يبارك فيك وعقبالك..
خلود عبست لا ما ابى..كرهت كل بني آدم..
هديل وش اللي ماتبين..؟؟
خلود العرس والبزارين والغثاء..
أمي واخواني أولى برعايتي لهم..
هديل اممممممم شوفي يا قلبي..
انا ماني كفو انصحك لان تجربتي غير عنك..
بس إن الله كتب لك ابن حلال إستخيري والله ما بيخيبك..
خلود بابتسامة الله كريم بس نايوة أعيش عازبة..
وعلى سالفة ما أنتي كفو..
يقولون زعلانة من الزوج عسى المانع خير..؟؟
هديل بنص عين من اللي يقولون..؟؟
خلود بضحكة ههههههه شركة يقولون..
عاد لهم عملاء بكل زاوية بالبلد..
هديل نتغلى يا خلوودي..والله يعدل الحال..
ودعتها وهم متفقين يتقابلون بالجامعة..
عرضت عليها خلود خدمتها بما إنها صارت معيدة في الجامعة..
قررت تكمل دراستها وتبي تكمل أوراقها وتشوف إذا ممكن يستقبلونها..
خرجت خلود بعد ما كلمتها أمها تنتظرها برا..
كانت تنتظرها برا مع لموزين..بعد ماقضت مشوارها..
طلعت الشارع ومشت بإتجاهـ اللموزين..
شهقت بخوف لما سمعت صوت صرير سيارة وبوري قوي..
طاحت على الأرض بعد ماضربتها السيارة..
ضمت نفسها بخوف وهي تنادي على أمها..
فتحت عيونها وهي تسمع صوت قريب منها..
يسألها إذا كانت بخير..
ولما حست بيد على نقابها صرخت وضربت اليد بسرعة..
أم خلود يومه وش فيك..انتي بخير..؟؟
خلود برجفة إيه انا بخير تطمني..
مسفر السموحة منكم يا خالة طلعت بالخط بلمحة بصر..
خلود بقهر وشلل ياخذ أطرافك قل آمين..
إذبحني احسن وخل هلك يطلبون العفو من أمي..
أم خلود بس يومه عيب إسكتي..
هادي سلامات عسى ماصابك شيء..؟؟
خافت منهم وخافت أكثر من رجفتها اللي متملكتها..
ومن الألم اللي تحسه بظهرها..
دخلت نفسها بحضن امها وكأنها تتخبى منهم..
مسفر بجمود إذا تضررتي بنأخذك المستشفى..
شكلك مو بخير..
خلود بهمس يومه خلينا نروح بيتنا..
أم خلود فيك شيء؟؟مستوجعة..؟؟
خلود بتعب لا يالله تكفين..
ام خلود الحمدلله البنت مافيها شيء..
وأنت ياولدي إنتبه لطريقك الله يصلحك..
راس مالي ذا البنت..
أبتعدت عنهم وهي ساندة خلود لها..
ومشوا بخطوات بطيئة..
متوجهين لـسيارة اللموزين اللي تنتظرهم..
هادي كان شخطتها على الشارع أحسن..
مسفر بقهر تراك كنت معي في السيارة..
وأنت شفتها طلعت من بيتكم وكأن الشارع ملكها..
هادي أوف لا تكون من معارفنا وأنت دعمتها..
خلني أشوف هلي من اللي كان عندهم..
مسفر أستغفر الله لو ماوصلتك بيتكم ماصدمت بنت العرب..
هادي ههههههههه جات سليمة..
نردها لك في الأفراح..
دخل هادي البيت ومسفر دخل سيارته..
وظل قريب منهم يراقبهم..
يدري إن ضربت البنت ماكانت بسيطة..
ويشوفها تعرج وتتسند على العجوز..
صد عنهم والتفت على بيت أبوعلي..
علاقته في هادي قوية..
تعرف عليه في إيطاليا..
لما وقع على بيع الأسهم لهديل من غير مايدري..
وبعد ماتقابلوا في السعودية تعرف عليه أكثر..
لف براسه يناظر إذا مشت الليموزين او باقي..
نزل بسرعة من سيارته لما شافها طايحة على الارض وأمها تحاول تشيلها..
راح لهم ركض..
نزل لمستواها وهو يكلم أمها...
مسفر خير وش صار لها..؟؟
ام خلود تبكي طاحت من يدي..أناديها ماترد علي..
مسفر خلينا ناخذها المستشفى..
وإن شاء الله ماعليها شر..قومي معي ا خالة..
وقف ورفعها عن الأرض ..
وأنحنى يشيل خلود وتوجه لسيارته..
دخلها بسيارته من ورى وامها جنبها..
واخذهم على الطوارى..
عاينها الطبيب وطمنهم عليها..
إغماء بسبب الصدمة..ورضة بسيطة بأسفل الفخذ..
صرف لها مرهم وكم حبة مسكنة لـ الألم..
طلعت من الغرفة مع أمها وهي تطمنها إنها بخير..
وجمدت بمكانها لما شافته واقف ينتظرهم..
والعلاج بيدهـ ..
مسفر الحمدلله على السلامة..
عداكم الشر..
ام خلود الله يسلمك ويكثر خير..
مشكور يا الطيب وماتقصر..
مسفر أعذريني ياخالة على ماصار..
وإن شاء الله إنها أخرت الأوجاع..
مشت مع أمها كارهة وجودهـ..
هذا وش يبي مرتزع ولاحقنا المستشفى..
صدق من قال إذا لم تستحي فأفعل ماشئت..
صادمني وفرحان مع وجهه..
وامي مشكور ومدري وشهو..
عاد لو تعزمه على العشاء أحسن..
طلعوا من المستشفى وهي تحاول قد ماتقدر تتحامل على رجلها..
عشان ما تثقل على أمها اللي تسندها..
تلفتت حواليها تدور على لموزين..
وشهقت بقهر لما شافته يوقف قدامهم بسيارته..
مسفر يالله ..
خلود بقهر خير هذا وش عندهـ.؟؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -