رواية عاشر من تعاشر فلابد من الفراق -10

رواية عاشر من تعاشر فلابد من الفراق -10

شريده : ومن قال لك أني بقعد مع النسوان , قعدمت على كذى مكاان , وان شاءالله بيقبلوني قريب ..أنتوا أدعوو بسس ..
أحمد : الله يوفقك ان شاءالله ..بس الدراسه بعد حلوه لو أنت درست وأهتميت وحطيت هدف في راسك وأصريت أنك توصله , بتحس بسهولة اللي تدرسه وأن سهل وسلس .
نغز محمد خصر شريده وقال بهمس : ماعليييك منه , بوحمص مايعرف شيقول ..
ضحك شريده وقال : ايي يبيين عليه من كلااامه ..

حس أحمد أنهم يتكلمون عنه , أبتسم لهم بـ أحرااج . وهو متعود داايماً أن الكل يطنز عليه , لكن عارف إنهم في نفس الوقت مفتخريين فييه ..

قام سعود رايح الحماام ..

ضاحي وهو يحط صحن الكيك : آآه ..يآزييينه من كييك والله ..شي عجييييييب ..

أحمد : آي مشاءالله ..وآيد حلوو ..

ضاحي : أقوول أحمدوه ..جيب لي صحن سعود شكله ماعجبه الكيك ماكل منه واايد ..

راح أحمد مد يده يبي ياخذ الصحن , وفي نفس الوقت طلع سعود من الحمام : هاا هااا ..أشوفك أستولييت على صحني ؟

توه بينطق أحمد ألا يقول ضاحي بحزم : أحمـــدووه ! عييب علييك والله , يعني ماكفتك اللي في يدك تاخذ مالت غيييرك ..عييب والله .

قال أحمد بـ أحرااج : خااليييييي ..

قاموا كلهم يضحكون , وبعدين رجعوا يكملون سوالفهم ..

الساعه 6 ونص المغرب ..

أم بدر : هـــــند .هننننننند ..

هند وهي تطلع من المطبخ : نعميييييين ياست الحبااااييييييب ..

أم بدر : الله ينعم علييج ويعطييج العقل ان شاءالله

هند تضحك وهي ترفع يدها : آمييين ..

أم بدر : قومي قولي حق البنات خلهم يلبسون بنروح نسير على عزبة أم عبدالله ..

هند صرخت بحماس : صصصصصج ؟ والله بنرووووح عند ريمااااااا ..!!

وراحت تركض صوب غرفة البنات وهي تطق آي باب يجي في طريجها , لين دخلت على غرفة البنات : قووومووا يلااااا بنرووح عزبة أم عبدالله ..

صرخوا البناات بوناااسه ..وطالعتهم موضي : وهاي أم عبدالله عندها ملاااهي ؟

هند مستغربه : للييش ؟

موضي : هههههه شوفيهم شلون مستاانسيين ..

هند : هههههههه لاا والله عزبتهم فللله ..وبناتهم وااااااايد ونااااسسسسه ..

وقاموا يسولفون وهم يكشخون , وزرقت فاطمه من عندهم وراحت الغرفه اللي حذاهم ودخلت وصكت الباب

أتصلت على خالد ..

خالد : هلاا حبيبي ..

فاطمه : لقيييييتهاا .! الحين هم بيروحون العزبه أقدر أقعد وأقول لهم مابي أروح ..

خالد : واذا أسألوج ليش مب رايحه شنو بتقولين ؟

فاطمه بتفكير : أممم ..مادري , بقول مابي أروح ّ

خالد : لااا لااا يمكن مايخلونج بروحج , أنتي سوي روحج ناايمه ..ويوم بيقومونج قولي مصدعه وماقدر على الحشره .

فاطمه : أووكي حلوو ..

خالد : يلااا يلااا روحي الحين شوفي لج غرفه فاضيه ونامي فيهااا ..

فاطمه : أوكي باي حبي

خالد بخبث : باي ياقلب خالد أنتي .

أنسدحت فاطمه على السرير اللي في الغرفه وغمضت عيونها عشان تبدأ فـ التمثيليه ..

بعد ربع ساعه تقريباً سمعت فاطمه صوت هند وهي تصرخ : فطووووووم ..فطييييييم ويينج ؟

وأنفتح باب الغرفه : فطوووم ؟

فاطمه : هممم ..

دخلت هند الغرفه : شفييج راقده ؟ قومي يلااا بنروح عزبة أم عبدالله ..

فاطمه بتعب : هند والله مصدعه وراسي يعورني , الله يخليج قولي لهم مابي أروح ..

هند : بس ريماا أكيد بتسأل عنج ..

فاطمه : تعباانه هندووه , مالي بارض للحشره ..شوفي انا بنام شوي وإذا قمت وأنتوا مارجعتوا بجيكم ..

هند : أووكي انا بقول حق كوثر ..

فاطمه نقزت : أمي بتجيني وبتخااف , ويمكن بعد ماتروح ..أنتي قولي لها مصدعه شوي وكلت بندول وناامت ..

هند أستغربت من فزت فاطمه , وبعدين قالت : أوكي خلااص , أنتي نامي واذا صرتي أحسن تعالي ..

وطلعت هند من الغرفه . وأزفرت فاطمه بتعب , وبعدين طرشت مسج لـ خالد وقالت له أن الخطه نجحت ..

دخلوا الحريم عزبة أم عبدالله , والشباب راحوا الخيمه الثانيه ..

أم عبدالله : يااحييالله من جااناا ..تو مانور المكاان ..

دخلت أم بدر وهي تأجب بعصاتها وكوثر ساندتها : ربي يحييج ويبقييج , والبيت منور بـ أهله ..

أم عبدالله : حيااكم حياااكم ..

دخلوا الحريم مع البناات وقاموا ياخذون علوم بعض ,وبعدين دخلوا عليهم ريما والبنات ..

صرخت ريما : هندوووووووه " وركضت ريما لها وحضنها " وحششششتيني ..

هند: وانتي أكثثثثثر يـ الحماااااااره ..

ريما : ليييييش ماتمريييين عليننناا ولا تجيييين ؟؟

أم عبدالله صرخت على ريماا , تخسبقت ريما : نعم يمااا !

أم عبدالله : صج ماتستحين يايه تراكضين ولا سلمتي على خالآتج ؟

ريما أستحت لأنها من الوناسه نست الباقي ..

ضحكت أم ماجد : خلييهم يا أم عبدالله ..بناااات ومتولهات على بعض ..

أم عبدالله : السنع سنع مهمها كان ..

راحت ريما سلمت على الحريم , وقعدت مع البنات تكمل سوالفها ..وبعدين شهقت : وييين فطيييييييييم ؟

هند : فطوم تعباانه شوي وقالت بتنام واذا صحت بتجي ..

ريما : لااااااااااا عاد انا والله مشتاقه لهااااا ..قومي هنووده تكفيين قولي لها تجي ..

هند : ماادري هي تعباانه ماظن بتجي ..

ريما : قولي لها عشان خااطري ..على الأقل بشوفها شوي وبعدين اذا تبي تروح ترووح ..

هند : أوكي بشوف .." وراحت هند حق أمها وقالت لها أنها بتروح تنادي فاطمه , قالت لها تروح بس تاخذ وحده من الخدامات معاها "

جا خالد الصاله وقعد على الكرسي ينتظر فاطمه ..شوي وطلعت من الغرفه وشافته قاعد , خفق قلبها بقوه ورفرفت بعيونها وقامت تبلل شفايفها وهي متوتره وخاايفه ..

حس بوجودها خالد وألتفت لها , وأول ماشافها جات في باه صورة بوسعود ..ملى الحقد قلبه أكثر , وأبتسم لها أبتسامة الخبث اللي طيرت عقل فاطمه : هلااا بقلبيييي هلااا ..

قدم من عندهاا , لكنها بعدت عنه شوي وهو تبلع في ريجها ..

أبتسم خالد : شفيج ؟ خايفه مني ؟

فاطمه : آآ ..لاء بس ..لاء !

قرب منها أكثر وحط يده على خدها ومسح عليه بنعومه وهمس : وحشتيني ..

خفق قلب فاطمه بقوووه لدرجه حسته بيطلع من مكانه وحست بحرووره بجسمها وبـ الحررر ..

خالد وهو يبعد الشيله عن شعرهاا وبنفس النبره : ماشتقتي لي ؟

مسكت فاطمه الشيله : لاء خـاا ..

حط يده على فمها : أووششش ..

قام يسحبهاا بهدوء لـ الغرفه اللي طلعت منهاا وقفل البااب ..

شهقت فاطمه وهي حاطه يدها على حلجها , قرب منها خالد وحضنهاا , وهو يحس ان وده في هاللحظه يذبحها ..

قامت عنه فاطمه وهي تصيييح و تغطي جسمها بـ الشرشف : لييييييييش ؟ خاالد ليش سسسويت جيييييييي ؟

زفر خالد : أوووف , كان هالشي برضاااج وانا ماغصبتج على ششي ..

غطت فاطمه ويهها بيدها وقامت تصييح مره ثانيه , قرب منها خالد وقام يمسح على ظهرها , حست بقشعريره بجسمها وبعدت عنه , قامت تطالعه بعيونها المليانه دموع , كانت تشوف نظرات خبيثه حاقده ! شلون مافهمت نظرااته ! نظراته ماكانت حب وعشق وشوق , نظراته كانت خبثثثث !

صرخت فاطمه علييه : اناا بنت عمتتتتتتتتك , شلوون ترضى عليييي جيييييي شلوووووووون ؟

خالد عصب : ططططططل بنت عمتتتتتي , انا مااااااعندي عممممه ..انا متبري منهاا من يوم ماخذت هالززفت أبووووج !

صرخت فاطمه : لااااااا تغلللللط ياحقييييييييير ..

قدم من عندها وهو معصب ومسكها من شعرها : انا حقييييير ياوصصصخه ياقذرررررره , والله لو أمج مربيتج ماوصلتي لـ هالششكل ..

قامت فاطمه تصييييح وهي تغطي جسمها اللي تكششف , دزها خالد بكل قوته وطاحت من على السرير وقامت تصييح بصووت أعلى , قام خالد بيلبس ثوبه ..

لكن أنفتــــح البـاااب : فـطـوو ..!!! " هــــــــــــــــء " شهقت وماقدرت تعبر !

غياب عبدالعزيز في هالبارت ! شنو سببه ؟

هنادي وخلف ! بتستمر حياتهم وهم ولا كأنهم زوجين ؟

فـــــــاطمـه ! وبعد مافضحت عمرها ؟

ومن اللي دخل عليييهم !

وراشد شنو دوره ؟ وريما ! هل ممكن تغير من موجة القصه !

الجزء السابع

" لن ينبض قلبك أبداً "

حطت يدها على حلجها تكتم شهقتها , مو معقوله اللي قاعده تشوفه ..هاذا خالد ولد أخوها ومعااه فاطمه بنت أختها ! شنو يسوون في غرفه حده ؟ وبـ هالمنننننننننننننظر ؟؟؟؟؟

أفزعها الصوت الخشن : هند , شنو اللي رجعج ؟ " ألتفتت له بسرعه وهي تسكر الباب وتحط يدها على ورى وتسند الباب طالعت فيه بعيون خايفه "

طالعها أحمد بشك : هـند ! شنو داخل ؟

هند بتوتر وهي تتعلثم : آآ ..ها ! آييي داخل ..أممم " وبلعت ريجها بصعوبه " محد .." وبعدي طرت على بالها كذبه " آييي آآآي فاطمه داخل تبدل ..

رفع أحمد حاجبه وشك في الأمر , إذا تبدل ليش هند متوتره هـ الكثر ؟ " حاول يبعد يد هند عن الباب لكن هند كانت شاده عليه وتصرخ عليه " قللللت لك فاااااطمممممه دااخل عييييييب علييييييك .

ويوم شاف أصرارها في عدم فتحه لـ الباب , دزها بقوه وفتح الباب , لكن تشنج من هول الصدمه , غمض عييونه بقووه يبعد عنه منظر فاطمه وهي مغطيه نفسها بشرشف أبيض , وخالد اللي يحاول يسكر أزارير ثوبه المتقطعه .

صد على هند وهمس بـ أستنكار : تبدل !

شهقت هند وأطلقت العنان لدمووعهاا وحاولت تتمالك نفسها وماتطيح على الأرض , ضرب أحمد يده في الباااب بكل قوته وقبض على يده وحطها عند حلجه وقام يعض يده بققققققههههههههر .. ثواني وطلع خالد من الغرفه وهو يلتفت برعب , كان خااايف متصرقع مو عارف شنو يسوي ؟ " أووف انا شنو سويت ؟ شنو اللي خلاااني اسوي هالشي ؟ انا كنت ناوي بس أخليها تتعلق فيني أكثر وأخطب غيرها , مابغيييييت هالششششي يصييييييير , الله يلعنك يابليسس الله يللللللعنك يابليس "

رفع راسه خالد بيكمل طريجه بكل وقاحه وهو يشوف أحمد المتصنم قدامه وهند اللي قاعده على الأرض وتصيح , لكن وقفته الحروره اللي أجتاحت خده وشهقت هند .

ألتفت على أحمد مصدووم منه ! يعطيني كف ! انا أكبببببر منه يعطيييييييني كككففففففففف ؟

توه بيرفع يده خالد وبيضرب أحمد , لكن أحمد مسك يده وحذفها بقوه وهو يصرخ : مببببب رييييييااااااال يااااااحقيييييييييييير مب ريااااااااااااااال .

فتح خالد عيونه على وسعها , وصرخ أحمد مره ثانيه : هاااااذيييي بنت عمتتتتتتتتتتتك عررررررضك , جي تسسوي فييها ياللي ماتخاااااف ربببببببك ..بنت عممممتتتك ياككلللللللللللللب ..ترى العرضضض ديييين ياخااالد ربي بيحااااااااااااسبك , كماااااا تديييين تداااااااااان , كماااااااا تدييييين تداااااااااان يـ أبببببن الكللللللللللب ..

قامت تجول هالكلمه في راس خالد.. العرض دين ,العرض دين , العرض دين , صرخ خالد في نفسه " خااالد شفييييييييك ؟ ياهل ماتعدى العشريييين يخلييك تتخلى عن قوتك وتتراخى ؟ أفضل وسيله لـ الدفاع هي الهجوووم "

صرخ خالد وهو يمسك أحمد من ثوبه : أنااا أكبببببر منـــك يااااحيووووووااااان جي تقووول لييييي

صرخت هند وهي تحاول تبعدهم عن بعض : خاااااالد تكفففففى هـــده , بتذذذبحـــه يااااخااااااااااالد .

وأنهال خالد على أحمد بـ الضرب , صرخت هند وهي تصيييح : ماسسسسسوى لك شششي يااحقيييييييير ماسسسوى لك ششششششششي .

وقف خالد عن الضرب وهو يفكر " ماسوى لك شي ! صح , انا ليش قاعد أضربه وأطلع حرتي فيه ؟ عشانه صارحني بحقيقتي , لاااااااااااء انا ماسويت ششي , انا لازم أنتقم من مبارك هو وكوثر وعيالهااا كلللهم " وعى وهو يشوف هند تصييييح وهي تمسح فم أحمد وأنفه اللي يسيل دم .

ألتفت أحمد على هند : هالموضوع مابيه يطلع فاهمه ؟ " هزت هند راسها بـ الأجابه وهي تمنع دموعها لا تنزل "

وقف أحمد وقرب من خالد وهمس : كما تدين تدان " وصرخ " ياحقييييييييييييييييير.

وطلع من البييت وشغل سيارته وشخطـه برع وهو مو عارف وين بيروح , ضرب يده على حد السكان وهو يقول من بين أسنانه : لييييييش سويتي فيني جيي يافااطمه ليييييييييشششش ؟ ليش خليتيني أحبببج لييييييش؟؟؟ حقييييييره نذذذذلللله , خايييييييينه ,أكررررررهج كثر ماحبييتج أكررررررررهج , وقف السياره على جنب وحط راسه على حد السكان وقام يتنفس بقوه .

" هند "

مسح دموعي وأستجمعت قوتي بعد ماطلع خالد معصب وهو يسب ويلعن في فاطمه وأحمد , أول مره أكتشف أني خوافه ! شلون كنت قاعده مكاني وأطالع فيهم وهم يتهاوشون ؟ جبااااااااانه انا حماارررررره حماررررررره , وبدون أحساس راحت لأقرب طوفه وضربت راسها فيهاا : آآه ..مينوونه انااااا ! الحمدالله والششكر , أأ..

أنقزت لما سمعت صوت جوالها يرن , راحت له ركض وشفته " أم كرشه " رديت : هلاا مريم

مريم : هنوود وينننج ؟ هالكثر تجيبين فطوم ؟

آآخ لو تدرين بـ اللي صاار يامريم , بلعت غصتي وحاولت أمنع دموعي من أنها تطيح وقلت بقوه : مريم حبيبتي فاطمه صخنت شوي وانا قاعده أحط لها كمادات بارده , أرجوج لا تقولين حق كوثر شي عشان ماتجي أوكي . وقولي لها إن فاطمه نامت . واذا سألوج عني قولي بعد أني رحت البيت أنام , اوكي و يلاا باي .

ماعطيتها مجال تناقشني عشان ماتكثر أسألتها وأتوهق , قفلت الموبايل ورجعته الشنطه , أخذت نفس ودخلت الغرفه على فاطمه . شفتها لابسه جلابيتها اللي كانت نايمه قبل , وضامه ريولها لسدها وسانده ذقنها على ركبها وتطالع في الفرااغ !

بلعت ريجي , آآخ ياربي ماعرف شاسوي ؟ أضربها ولا أواسيها ؟ شاقول لهاااااااااا ..!

رحت عندها وحطيت يدي على ظهرها ومسحت عليه , ألتفتت علي برعبب . طالعت في عيونها الجاحظه . كانت نظرتها تخووووف , همست لها : فاطمه .

أسمحت فاطمه لدموعها تنساب على خدها القمحي المحمر وحوطت يدينها على خصري وهي تصييييح بـ ألم وحسره , حسيت بشعوره وبقهرها مع كل شهقه كانت تشهقها , صحت معااااهاا وانا أضربها بتعب لأن يدي ماسعفتني : لييييييش ضيعتتتتتي عمرررررج يافاطمه لييش ؟؟ شلووون كنتي غبييييييييه ؟ انتيييي كبييييييره عاااااااقله " وتدهرج صوتي وماقدرت أكمل وانا أحضنها وأصيييييح معااهاااا , المرأه طول عمرها ضعيفه وتغلبها العاطفه . مالوم مافطمه يوم أنها نجرت ورى عواطفها , لكنها المفروض تكون أقوى من جيييي , "

وقطع علي تفكيري صرخة فاطمه : لو ماجيييناا المزرعه ماصااار اللي صاااااار .." وغطت ويهها بيدينها النحااف "

قلت لها وانا أحاول أبعد يدها عن ويهها : إن لو تفتح عمل الشيطان , أستغفري ربج بس .." وشهقت وكأني أتذكر شي " فاااااطمممممممه !

أرفعت فاطمه راسها برعب : شنوووووو ؟

قلت لها بصدمه وعيون حايره : كم مره سويتيها ؟

شهقت فاطمه بخوف : والله مرررره وحده والله ماجذذذذب عليييييج " ورجعت في نوبة بكااء ثانيه "

غطيت ويهي بـ أيديني : لا حول ولا قوة ألا بالله , لا حول ولا قوة ألا بالله " ورفعت أيديني أدعي . يالله يارب يكون هذا أبتلاء مو عقاااب ..يالله يارب "

وقفت وقلت : بروح أجيب لج كمادات الماي عشان انا قلت لهم أنج مصخنه , مابيج تبين ولا شي ولا تقولين السالفه ولا حق حد لين ماأتفاهم انا مع خالد وأحمد ونحل بلوتكم .

زفرت بقوه ورحت المطبخ , ياااااارب انا صغييييييره ليش يصيييير لي جييييي والله ماقدر أتحمل مااااااقدررررر , أسستغفر الله أسستغفر الله . الله ياخذك يابلييييييييس الله يااااااخذذذك ..

طرت على بالي هنادي ! دمعت عيني , هنادي ويييينج ؟ وينننننج يـ الغااليه وربي محتااجتج أبيييييييج " مسحت دموعي بخشونه وقمت أسوي اللي جيت عشانه "

كانت قاعده بوسطهم , كانت موجوده و مو موجوده , كانت معاهم بجسدها , لكن تفكيرها كله في مكاان بعيييد بعييييد محد يقدر يوصل له ..

أنهاال عليها بـ الضرب بعقاله

أنهاال عليها بـ الضرب بعقاله , وهو يرفسها ويشتمها بـ آي شتمه تجي على باله : اناااا يوووم ابي ششي تعطيينيي اايااااه تفهمييييييين ؟ " وبعد عنها وهي يمسح عرقه بكم ثوبه , وقام يدور مثل المينون يدور الغرشه اللي كانت في يده , ولما أستقر نظره ! شافها تحت ريل ولده اللي لام على روحه بخووف , راح له مثل الكلب المسعور وخذ من تحته الغرشه وعطااه كــف طيييحه من على الدرج .

صرخت دلال : ضرببببتني انا ورضيييت , لكن تضضرب عياااااالي لاااااااااء " وراحت تركض لـ عبدالعزيز اللي كان ينتفض من الخوف وحضنته , وجاها جابر يركض ودفن وجهه في حضنها "

حاول ناصر يسند روحه بـ الكرسي اللي على يمينـه وهو ماسك بطله بـ اليسار , ونزل روحه وخذ عقاله وقام يضرب في دلال وعيالها بـ عشوائيه . مايدري يضرب لكنه كان بس يسمع صرخاات أطفاال يستغيثون وأم مجروحه , طاح العقال من يده من عدم توازنه , لكن قبل لا يطلع من البيت طاح نظره على طفله بفستان نومها القيص وشعرها الكستنائي لاصق في وجهها من البكاء , فتح عينه على وسعهاا , همس له الشيطاان ..وراح لها وهو يركض ومسكها وهي تصرخ : مااااامااااااا لاااااااء مااااااماااااااا .." نقزت دلال وراحت تركض حق بنتها " لاااء تكففففى ياناااصصصصصر إلا بنتتيييييي إلااا بنتي ياناااااصصر خلهاا لييييييييي ..

ضربها ناصر بكل قوته ومسك في شوق بقوه وراح يركض برع الحوش , جابر خاف ولم على نفسه وعلى أمه لكن عبدالعزيز طلع الحوش يركض ورى أبوه خوفاً على أخته الصغيره .

كان يركض مثل المسعور وهو ماسكها ويلهث , تعدى باب الحوش وماقدر يتحمل ثقل شوق لأنها كانت ملياانه وغير أنها تصييح وتراافسس , طااح على الأرض وطااحت شوق معااه , حاول يقوم لكن سماعه لصوت الشرطه وشباب الجيران يركضون أفزعه وخلاااه يترك شوق مكانها ويروح يركض ينجي بنفسـه , لكن كان هذا يومه . ضربته السياره المسرعه

صرخ عبدالعزيز : أبببببببببببببببببببببببببووووووووووووووووووووووي !

صحت شوق من ذكرياتها على حس مريم وهي تقول : بناات قلبي ناغزني , أحس صاير شي ..

موضي : تعوذي من بليس يعني شنو بيصير ؟

مريم بخوف : ماادري والله , خاايفه وقلبي مو مطمني .

ريما بمزح : بتقنعينا يعني أنج تحسين بـ المصيبه بقلبج هههههه .

وقاموا البنات يطنزون ويسولفون ومريم كانت بس تبتسم , لكن قلبها كان يشتعل من الخوف .

في مكان بعيد شوي , قلبين متنافرين .

كانت نايمه القيلوله المغرب ولين الحين ماصحت , قرب منها وفي يده ورده حمرا . قعد على طرف السرير جدامها وهمس : هنوودي " وقام يحرك الورده على خدها " حبيبي . بسسج نووم يلااا قومي .

أنقلبت الصوب الثاني منزعجه , راح الصوب الثاني وقام يعيد نفس الحركـه لكنها صحت وفتحت عيونها بكسل .

أبتسم : مسسااء الخيير ياقلبي , طوولتي .

خفق قلبها بقوه من هالقرب اللي بينها وبينه , فزت بقوه وراحت على طرف السرير . طالعها بنظره مؤلمه حزينه , زفر وقام وترك الورده ع السرير , وأول ماسكر الباب تنهدت هنادي براحه " مسوي فيها رومانسي يعني , بيقومني على ورده حمراا ~ وأشرت بيدها ~ فقدتك "

حذف روحه على الكرسي اللي في الصاله وهو يزفر بضيييييق " آآخ ياقلبي , ليش تعلقت في أنسان عديم أحساس ومتبلد المشااعر , يعني ماتفهم أني أحبهااا ! أبيييهاا أبي قربهاااا , كل يوم أقول باجر تتعود باجر بتعاملني أحسن . عايش معاها كأني دريولها مو زوجها , بصصصبر بصصببببر وبششوف آخرتها ياهناادي , عشاني أحبج بسوي كل شي عشاانج كلل ششي "

أنفتح الباب وطلعت هنادي بجلابيتها العنابيه المايله على البني وفيها نيرات ذهبيه , كانت فاتحه شعرهاا الأسود الطوويل ومكتفيه بـ بودره خفيفه ومسكارا وقلووس . لكنهاا متألقه بطلتها , وقف خلف وبلع ريجه " آآه ياقلبي شكثر بتتحمل , كل يوم تتزين وتمنعني منهاااا ليييييييييييش ؟ " تنهد ونزل من على الدرج وهنادي تبعته .

دخل الصاله وقال : السلام عليكم " وحط راسه على حضن أمه "

أم خلف : وعليكم السلااام هلااا يبه .

وثواني ودخلت هنادي وسلمت وقعدت . طالعتها أم خلف وأبتسمت : هالكثر نووم ؟ طولتتي عليننااا .

صدت عليها هنادي : والله البيت يضيق الخلق , أناام عشان أضيق الوقت .

أم خلف : افاا ! بيتناا يضييق الخلق ؟ " وطقت راس خلف " لييكوون اللي في البيت هو اللي ضيق خلقج ..هاا خلييف ؟ شمسوي في حرمتك ؟

همس خلف بينه وبين نفسه : سأليها هي شمسويه فيني ؟ خذت قلب ولدج يايمه ..

ضربته على راسه مره ثانيه : شفيك تكلم روحك ؟ ماسسمعك .

أعتدل خلف في قعدته : والله يـ الغاليه انا ماسويت لها شي " وألتفت يطالع هنادي " غلطت بحقج ؟

طالعته هنادي وسكتت , وجا قعد عند رجولها وقال بطريقه دراميه وهو يغني : غلطت بحأك ساامحيييني , آآآخر مره سامحيييني , غلطت بحأك وندماان ع الوأت اللي مضى ,

كانت هنادي تطالعه بـ أستغراب وصدمه , وأم خلف تشوفه بحييره وهي مو فاهمه شنو يقوول , وألتفت الكل لما صفقت مشاعل بحراره وهي تشجع بحمااس : فناااااااان ياااخوووي فناااااااان , غير أنك روماانسي صوووتك عجييييب قطعت جووزييييف .

ضحك خلف وقام عن هنادي وقعد يمها .

مشاعل وهي تقعد يم أمها وتحرك حواجبها : زعلاااانه هنووده ؟ قاعد يرااضيييج ؟

هزت هنادي ريلها ومسكت فنجان قهوتها وتوها بتشرب خذاه خلف وشربه وهو يطالعها بـ أبتسامه وهمس : كان خاطري فييه .

أبتسمت مجامله لـ أم خلف ومشاعل وقربت منه وهمست : حركااات اليهاال هاذي خلها عنك , كبر عقلك شوي

كان يكح كح متوااصل لين حس بلوعه وقام يستفرغ , حس إن حيله منهد مسك الحنفيه وقام وقام يرش على وجهه المااي , مسك الكلينكس وقام يمسح وجهه , لف على ورى وشاف طارق

حط طارق يده على كتف عبدالعزيز : عسى ماشر ؟ شفيك ؟

يتبع ,,,,

👇👇👇

تعديل المقال