بداية الرواية

رواية جرح المدينة وجرح القلوب الحزينة -14

رواية جرح المدينة وجرح القلوب الحزينة - غرام

رواية جرح المدينة وجرح القلوب الحزينة -14

ناديه: راحت لاخوها تبارك له وراحت لندى وضمتها الف مبروك حبيتي
ام سعود: وقفت ماتحركت من مكانها مصدومه
سعود: وهو خواته يباركن له عيونه على امه خايف انها زعلت عليه
ام سعود: قربت من عند ولدها وجلست تناظره شوي وتناظر ندى وضمته وبكت بحضنه قالت من زمان اتمنى اللحظه الي اشوفك متزوج فيها والحمد لله ان ربي ماحرمني من احلى لحظات عمري
سعود: تنهد براحه وباس امه مع راسها وقال الله يقدرني على اسعادك انت وابوي يمه
ام سعود: خلته وراحت لندى قالت الحين صرتي زوجة قرة عيني وترا غلاك من غلاه ياندى
ندى: باستها مع راسها ويدها وقالت الله يساعدني على بركم
ياسمين: خلاص يالدوبا فكي غطاك تراه صار زوجك
سعود: التفت لندى يشوف ردها وهو فعلا متحمس يشوفهاوحس بضربات قلبه تزيد
ندى: عدلت بنقابها قالت لا ما تعجبني البنت الي تكشف اثناء الملكه
ام سعود: خلوها براحتها وان شاءالله يشوفها يوم الزواج
سعود: يقول بقلبه ذكيه ياندى الى هالحين عندك امل اني راح اطلقك وترجعين لحبيب القلب علشان كذا ماراح تكشفين بس نجوم السماء اقرب لك
ندى: على اذنكم ابروح انام وارتاح
ام سعود: اذنك معاك يابتني
ياسمين: اذنك معاك ياعروووووسه كلوووووووش
ندى: ناظرتها بتهديد وطلعت فوق
ياسمين: يمه خووووفتيني
ناديه وياسمين هههههههههههههههههههه
سعود: ابتسم ابتسامه خفيفه وجلس يناظرها وهي تطلع فوق موزي اول كان بغض بصره عنها
ناديه:تحرك ايدها قدامه قالت هييييييه لاحق تشوفها وتشبع منها بعد الزواج
سعود: ابتسم وقال على اذنكم ابروح انام
فـــــــــي غــــرفة نــــدى
ندى: دخلت غرفتها وقفلتها رمت عباتها ونقابها وبسرعه راحت تاخذ شاور تهدي من اعصابها طلعت وهي عليها روب الحمام ولافه شعرها بفوطه رمت نفسها على الاريكه وتفكرررر بالي صار لها نزلت الفوطه عن شعرها وجلست تخلل اصابعها بشعرها تقول يالله كان الي صار لي حلم انا اتزووووج سعود ماصدق ماصدق
فــــــي غــــــــــر فــــة ســــــ ع ـــــــــود
سعود: منسدح على سريره وحاط يده ورا راسه ويفكر يقول انتصرت عليك ياندى وجبت خشمك صح كنتي ذكيه بس انا سعوود الي ابغاه احصله كاني بحلم اااااااااااااه اخيرررررررررا جبتك ياندى والى هالحين ماشفتي شي ان ماروضتك زي ماتروض المهره ماكون سعوووووود
فــي غـــرفة نـــــــــدى
ندى: لبست روبها وتعطرت وسكرت النور وتتنمى ان النوم يجي عيونها بس النوم الافكار والاحداث طيرته شوي وهي غرقانه بافكارها وسرحان هاالا يدق جوالهاتناظره ماعرفت الرقم خلته دق ثانيه قالت غريبه منو هذا الي يتصل بالوقت هذا وطنشته الا شوي تجيها رساله ردي انا زووووجك سعووود ميلت لام شافته قالت مالت بس انتظرني ارد وخلته شوي يعيد الاتصال طنشته جتها رساله وربي ان مارديتي لاجيك بغرفتك وافشلك عند اهلي ودق عليها ردت خيرررررر
سعود: الخير بوجهي بعدين عيب تردين على زوجك كذا
ندى: انت مصدق عمرك قلت لك هالزواج ماراح يتم يعني ماراح يتم
سعود: لايكثر ترا بكره انا ابوديك للجامعه
ندى: ايش ايش ابروح مع السواق والشغاله كالعاده
سعود: اوووووف ندى تراني ماسك اعصابي قلت لك انا ابوديك يعني انا ابوديك وسكر السماعه بوجهها بدون مايودعها
ندى: تناظر شاشة الجوال وقالت ووووووجع ماعنده احترام لاحد ياربيه بس مكتووووب هالغثيث يكون زوجي ابرتاح مه ومافيه فايده وراي وراي
انتهى هذ الــــــــ ج ــــــــــزء
ايش هو الموضوع الي راح يكلم فيصل هديل فيه؟؟؟؟؟؟؟؟
وهل راح تقبل هديل ام لاااااا؟
ندى وسعود ايش راح يكون بينهم هل سوف تستمر الحرب وبالنهايه تتطلق ندى من سعود ام راح يستمرون مع بعض ؟؟؟؟
انتظرررررر ردودكم
اختكم هـــــ،،،ـمـ،،،ــس]]]

الــــــــــــ ج ـــــزء الـــــ خ ـــــــــا مس والـــ ع ـــشرون

فـــي جــنـــاح هــد يــــل

هديل: كانت جالسه تذاكر شوي الا يدق تلفونها قالت اكيد ندووووش رفعت السماعه بس استغربت الصوت جت تبي تسكر بس لام قال اسمها دققت بالصوت علشان تعرف منو هذا
الصوت: هلا هديل
هديل: من معاي
الصوت: انا فيصل
هديل: ارتبكت وسكتت
فيصل: الو هديل انت معاي او لا
هديل: بلعت غصتها وحاولت تتماسك هلا حياك يــ استحت تقول اسمه
فيصل:هلا فيك زود
هديل: بقلبها قسم موصاحي يكلمني بنفسه
فيصل: مادري كيف ابدا بالموضوع معاك هديل بس الظاهر ا ن امي كلمتك فيه
هديل: ايوه وانا قلت لعمتي رايي
فيصل: الي هو
هديل: تقول بقلبها ياربيه يعني لازم يحرجني مسحت العرق الي نزل من جبينها وخدودها الي ولعت نار قالت طبعا الرفض
فيصل: طيب ممكن اسمع اسبابك
هديل: يوووه قالتها بصوت خافت مره
فيصل: سمعها وابتسم
هديل: ارجوك يابو جنان الظاهر ان عمتي علمتك كل شي ماله داعي اعيد مره ثانيه
فيصل: بحكمته وراجحة عقله امي علمتني بس ابغى اسمع انا منك علشان اناقشك ياتقنعيني ياقنعك
هديل: بقلبها من جد جررررريء شكله انجن
فيصل: هديل معاي
هديل: ايوه معاك
فيصل: ليه رفضتيتي
هديل: اول سبب لانك متزوج
فيصل: بس انا كنت متزوج
هديل: تفاجات كيف
فيصل: لاني طلقت ريم
هديل: عصبت طلقنها علشان تتزوج كلكم كذا يالرجال تبيعون الاولى علشان تتزوجون وتغيرون ومافيكم واحد وفي
فيصل: بهدوءه هديل ماتلاحظين انك استعجلتي بظلمي لانك لسه ماعرفتي السبب بطلاقي لريم
هديل: استحت لانهافعلا استعجلت اسفه اعذرني بس
فيصل: صدقيني هديل انا كنت ابخفي عن كل الناس سبب طلاقي لها علشان استر عليها بس انتي من حقك تعرفين
هديل: لامولازم اعرف بصفتي منو اعرف
فيصل:لانك بالعربي زوجة المستقبل
هديل: ((قالت بقلبها واثق الاخ)) بس انا مراح اتزوج
فيصل: مارد عليها وكمل كلامه هديل انا طلقت ريم لانها حاولت تبعدني عن امي بكل الوسائل وماقدرت اخيرا لجات الى السحر
هديل: شهقت سحر!!!!!
فيصل: تنهد ايه سحر بس الحمد لله كشفتها قبل ماتسحرني سبحان الله فضحتها صديقتها الي ورطتها في السحر هي الي فضحتها لان صديقتها كان غرضها تكشفها وتفرق بيني وبينها واتزوج اختها هذا هو حال رفيق السوء مايجيب لك الا المشاكل ومايدلك الا على الشر ويتخلى عنك اذا ورطت بعد ما واجهت ريم بالحقيقه بكت بقوووووه وندمت وترجتني ماطلقها بس انا رفضت وشرطت عليها بناتي مقابل سكوتي وعدم فضحها عند احدلاني ماضمن بناتي معاها
هديل: طيب ممكن افهم ليه ماسامحتها
فيصل: لان النفس طابت ياهديل
هديل: بس فيه سبب ثاني يمنعني اتزوجك
فيصل: الي هو؟؟؟
هديل: اني عقيم
فيصل: نسيتي ان ربي رازقني ببنتين
هديل: بس اكيد راح تحن لولد يشيل اسمك
فيصل: ماحد يضمن انه يجيه ولد كل هذا بيد ربي حتى لو ضليت مع ريم او تزوجت غيرها مو مضمون ان ربي يرزقني غير هالبنتين وانا الحمدلله مقتنع برزق ربي ولاتنسن ا ن امي وابوي مارزقهم ربي غيري انا ونادين الله يرحمها ورضو بقسمة ربي هاه هديل فيه سبب ثالث
هديل: ايوه
فيصل: الي هو؟؟؟
هديل: الصراحه اتحجج بكل هالحجج لاني وخليني صريحه معاك مابغى ارتبط ثانيه ومابغى احب او اتعلق باي انسان ثاني
فيصل: ممكن افهم السبب؟
هديل: لاني انصدمت صدمه كبيره ومابغى اكررها
فيصل: طيب عندي لك اقتراح يمكن يريحك
هديل: تفضل قوله
فيصل:انتي مريتي بتجربه فاشله وانا زيك ايش رايك نتزوج ونظل زواج صوري بيننا احترام وتقدير بس اهم شي اضمن مستقبلك وادخل واطلع على امي وبناتي وانا مرتاح
هديل: من جدك تتكلم؟؟؟
فيصل: ايوه من جدي
هديل: وعند كلمتك
فيصل: ابكون صريح معا ك انا ماراح افرض نفسي عليك هديل ان مارضيتي فيني كزوج رسمي راح ارضى بالزواج الصوري واحطك فوق راسي بعد
هديل: خير خلني افكر واستخير وارد عليك
فيصل: فرح وقال خذي راحتك ويالله تصبحين على خير وهذا رقم جوالي انتظر ردك ولو برساله وتاكدي هديل لو رفضتي ماراح ازعل راح تظلين بنت خالي وتاج راسي
هديل يسلم راسك
فيصل : وراسك انتظر ردك
هديل: ان شاءالله وعطاها الرقم وسكررر
فـــي بـــيـــت ابــــو ســــ ع ـــــود
كلهم مجتعمين على الفطور
سعود: يالله بنات علشان واديكم للجامعه
نسرين: انا ماعندي محاضرات اليوم
ياسمين: انا محاضراتي متاخره
ندى: سكتت ولاتكلمت
سعود: ناظر فيها يالله اوديك ندى قبل ماروح للشركه
ندى: تناظره بقهر بس ماسكه اعصابها علشانهم موجودين مايحتاج تتعب نفسك ابروح مع السواق
سعود:قام طنشها قال مشينا بصيغة الامر
ندى: عصبت منه بس مابينت قامت وباسة زوجة عمها مع راسها وودعتها
ام سعود: الله يحفظكم يارب لام طلعو قالت الحمد لله الي خليتني اشوف سعود متزوج
فـــي ســـيـــارة ســــ ع ــــــود اللكززس
ندى: ركبت وضربت الباب بقوه
سعود: التفت عليها معصب هيه انتي بشويش على سيارتي
ندى: الظاهر لي اسم
سعود: ذكريني اياه نسيته
ندى: يارب تنسى راعيته وتفكها زي مانسيته
سعود: جرحته بكلامها ناظر الطريق بعصبيه وقالت تحلمين
ندى: حست انها جرحته قالت ليه انت مصمم توديني وتجيبني
سعود: بنفس عصبيته ياشر على راسه بكيفي زوجتي وانا حر فيها
ندى: اووووووووف

فـــــي الـــــــجــــــــا مــــعــــــــــه

هديل: من جدك انتي تتكلمين او تمزحين معاي
ندى: بعصبيه وهذا وقت مزح بالله عليك
هديل: كاني بحلم ندى تتزوج سعود ههههههههههههههه
ندى: وتضحكين بعد
هديل: مسكت فمهما اسفه بس ههه ههه هههههههههههههههههههه
ندى: مجنونه قسم
هديل: قسم موقادره امسك نفسي من الضحك موقادره اتخيل اشد عدوين يتزوجون اتخيلكم مضاربه من اول ليله
ندى: وانتي مصدقه انه الزواج راح يتم وربي لاطفشه حتى يتركني
هديل: ندووووش تعرفين سعود عنيد هادنيه وسايره احسن
ندى: يخسى اسايره ابطفشه حتى يطلقني تخيل ايش يقولي اول ماملك علي من زمان متوعدك اكسر خشمك وجاء هاليوم ياندى تقلد كلامه بتريقه
هديل:يمكن يقولها من ورا قلبه ندى يمكن يحبك ويكابر
ندى: التفت عليها بقوه انجنيتي انتي هدوله سعود يحبني انا مستحيييييييييييل
هديل: وليه مستحييييييييل (تقلدها)
ندى: لانه سعود اكره وحده يشوفها انا
هديل: اجل ايش يحده يتزوجك
ندى: تزوجني تحدي وسعود زي الاعصار مايبغى احد يوقف بوجهه سعود ياهديل انسان حقود مستحيل قلبه يحب
هديل: عجزت اقتنع انسان عاقل وكبير يربط نفسه مع انسانه بس علشان يكسر خشمها مادري بس احساسي يقول انه يحبك
ندى: تناظر قدامها بحزن احساسك غشك هالمره
هديل: ضاق صدرها لام شافت علامة الحزن بوجه حبيبة قلبها ندوو ايش فيك
ندى: مازالت تناظر قدامها وتمشي ماتتخيلن هديل اقسى شي عندي بكل الظروف الي مرت علي زواجي من انسان يكرهني ويتمنى يدوسني تحت رجوله تتزوجين واحد مستحيل يحبك مهما صار تتزوجين واحد قلبه اسود ومنزوع من قلبه أي ذرة حنان
هديل: ضاق صدرها لانها حست بكتمت وضيق صدر ندى حبت تغير الموضوع وتنسي ندى شوي تعرفي ندوو
ندى: التفت عليه ايش هدوله
هديل: شكل امس يوم المفاجات لي ولك
ندى: ابتسمت لك انتي بعد ليه ان شاءالله خير
هديل: خير ان شاءالله بس من تتوقعين خطبني البارح
ندى: منو؟؟؟
هديل: فـــيــــصـــل
ندى: منوووو فييييصل
هديل: ايوه
ندى: وزجته المسكينه
هديل: مطلقها من زمان
ندى: افا ليه؟
هديل: لاسباب تخصه بس مقنعه[[سترت على ريم وماتبغى تفضح سرها وسر فيصل]]
ندى: عاد ماشاءالله عليه فيصل واضح طيب وحبوب واكيد ماطلق ام بناته الا لسبب مقنع بس انتي ايس رايك فيه
هديل: انا علمته اسباب رفضي للزواج كله
ندى: يالدوبا علمتيه كيف علمتيه
هديل: هو كلمني البارح
ندى: شهقت وحطت يدها على فمها خطيرررر يافصوولي
هديل: هههههههههه مجنونه قسم انا زيك وربي تفاجات لاني متوقعته خجول لاني من جلستي عند عمتي ماعمره احتك فيني نهائي لام كلمني غصت بهدومي وانواع الاحراجات بعد
ندى: ياربيه ليه كلمك ليه ماكتفى بامه بس
هديل: شكل عمتي تعبت مني وهو يبغى يقنعني بنفسه
ندى: طيب واقتنعتي
هديل: فيصل هذا عليه كلام مقنع بشكل وصعب تسكرين عليه اجيبه من هنا يجيبني من هنا
ندى: اذكره حكيم ورزين لام يتهاوشون مع سليمان هو وزوجي المحترم اذكره بحكمته وراجحة عقله دفك وخلاهم وطلع ومازود بهواش ولاكلام فاضي وماله داعي اما بعض ناس فسر ذراعانه يبغى يكفخه دفش سبحان الله ماعنده اسلوب هههههههههههه
هديل: ههههههههههههه سعود حار وعصبي بس مادري ليه احسه يحمل قلب ابيض زي الثلج بس يتصنع الجمود
ندى: فكينا من سيرته انتي راح توافقين على فيصل اولا؟
هديل: طبعا انا ضد فكرة اتزوج نهائي بس عارفه ان عمتي وفصيل ماراح يتركوني بحالي وفكرت مادام فيصل راضي يتزوجني زواج صوري ليه اتسرع وارفض ليه مافكر زين واستخير
ندى: ههههههههه حلوه زواج صوري
هديل:هو راضي وقالي ماراح اجبرك على شي اهم شي اني ادخل واطلع للبيت براحتي ويظل بيننا تقدير واحترام
ندى: فديت الحكمين بسسسسس ليته يعطي صديقه الدفش شوي من حكمته وهدوءه بسرعه يالدوبا وافقي عليه
هديل: ابفكر زين واستخير هذا زواج مو لعبه
ندى: باستها الله يوفقك يارب

فـــــي الـــمـــســـتـــشــــفـــى

سليمان: هاه بشريني يادكوتر ليه طلبتني قبل ماشوف زوجتي وولدي
الدكتور: اجلس ياسليمان
سليمان: قلبه يدق طبول وخايف ومتوتر لان وجه الدكتور مايبشر بخير
الدكتور: تعرف أي شي بقدر الله وزوجتك جاها سكر حمل ارتفع كثير واثر على الجنين والحين ولدكم مصاب بضمور بخلايا المخ
سليمان: قام يعني ايش
الدكتور: يعني تكون عقليته متاخره عن عمره بس انتم اذا اعتنيتو فيه وحرصتو عليه وعرفت وان هذا ابتلاء من ربي يمكن تتحسن حالته بس ببطء
سليمان: لا مو معقوله اصبر كل هالسنين ويجيني طفل معتوه
الدكتور: مسكه مع كتفه استغفر ربك ياسليمان ولاتقول عنه معتوه ارجوك احمد ربك على كل شي واعتنو فيه وفيه ودرسه بمدارس مخصصه للي زي حالة ولدكم
سليمان: جلس على الكرسي وقال عارف هذا عقاب من ربي لي لاني حرمة انسانه بريئه من العيال استاهل ماجاني استاهل
ساره: امها وابوها عند راسها وهي جالسه تبكي مستحيل يكون ولدي مجنون
امها: يابنتي استغفري ربك
ساره: ماقدر اتصور ولدي الي تعبت عليه تسعة شهور يكون مجنون وجلست تبكي
ابوها: خلاص حطوه عند دار المعاقين وخلوه
سليمان: توه يدخل عليهم واثار الحزن عليه ولدي مايطلع من بيتي
ساره: بس كيف اربيه تعرف كيف ضمور بخلايا المخ يعني يتصرف زي المجانين ومايفهم شي
سليمان: الظاهر اني متعلم وعارف كل شي بس ولدي يتربى عندي رضيتي او ارضيتي
ابوها: سليمان الله يهديك لاتقسى عليها
سليمان: الظاهر زوجتي وانا حرفيها وطلع وصبخ بالباب
ساره: جلست تبكي بحضن امها شفتو كيف يعاملني من يوم ماطلق العقربه وهو منقلب علي ااااااااااااه بس وجلست تبكي اكثر
ابوها: لايهمك يابنتي تعالي عندي وارمي ولده بوجهه
ساره: لايبه تعرف ان هذا زواجي الثاني ومابغى طليقي ولد عمي واهلنا يتيريقون علي تعرف لام طلقني محمد كيف تشمتو فيني حتى تزوجني سليمان خلاص مليت من الطلاق وكلام الناس االي مايرحم
فـــي الــــكــــــفــــي
سعود: زين ماسويت هديل والنعم فيها
فيصل: بس يارب توافق هديل صاير راسها يابس
سعود: اكيد غيرانت صديقتها وشوف تلين معاك
فيصل: هههههههههههه زوجتك هذي خطيره قسم
سعود: تخيل الى هالحين لسانها طويل وتعاندني على الحبه
فيصل: وانت كيف معاها
سعود: اتلذذ وانا انرفزها
فيصل: هههههههههه مجنون تزوج مجنونه
سعود: المشكله هي تامل اني ابطلقهاماتعرف اني مخطط يكون زواجناخلال الاسبوع الجاي
فيصل: تقدر عليها
سعود: معي سلاحي الاقوى الي يخلي ندى تلين
فيصل: البنت قويه وماتوقعها تلين
سعود: ماعليك سلاحي اقوى
فيصل: الي هو؟
سعود: ابوي ماتقدر ندى ترفض له طلب خصوصا بعد ماتعب
فيصل: قسم انك مكااااااااااار شوي الاتجيه نغمة رساله جلس يقراها ويفتح عيونه اكثر من مره
سعود: ايش فيك تخربطت كذا
فيصل: سعود اقرا هالرساله ابغى اتاكد ومد له جواله
سعود: الحمد لله والشكرهاتها اقراهاالرساله[[ابو جنان فكرت بكلامك واستخرت كثير وارتحت بس اهم شي الشرط الي بينا توفي فيه ... هديل]]
مبروووووووووووووووك وقام وحضنه
فيصل: الله يبارك فيك بس تراك كتمتني يالدوب ههههههههههههه
سعود: ههههههههههههه يحق لك تتغلى علينا
فيصل: يالله على اذنك
سعود: وين؟؟؟؟؟؟؟
فيصل: ابروح ابشر امي وابقولها نهاية الاسبوع ملاكنا وزواجنا
سعود: اووف اوووف ليه عجل
سعود: خير البر عاجله وتعلمت درس منك هههههههههههه
سعود: لام اعجل بملاكي قصدك؟
فيصل: ايه اخاف تفكر بعد وتغير رايها
سعود: اجل زواجنا يبي يكون قريب من بعض ه انت اول الاسبوع الجاي وانا اخرهههههههههه
فـــي غــــرفـــة ام فــــيـــــصــــل
العمه: كانت جالسه على سجادتها ورافعه ايدينها وتدعي لفيصل وبناته وهديل
فيصل: السلام عليكم يمه وباس راسها
امه: وعليكم السلام ورحمة الله وبركاته وباست يده
فيصل: جلس قدامها عندي لك احلى بشاره
امه: خير ياوليدي
فيصل: هديل وافقت تتزوجني
امه: فتحت عيونها بقوه وبان الفرح بوجهه وسجدت سجود شكر وطولت فيه
فيصل: خنقته العبره لام شاف فرحت امه وزادت فرحته بزواجه بهديل وقال بقلبه كلك خير وبركه ياهديل ويارب اقدر اسعدك واعوضك عن ايام تعاستك
امه: رفعت راسها من سجودها ومسحت دموعها وضمته وبكت بدون ماتشعر الحمد لله الي ردك لي ياوليدي ايام وليالي تمنيت زوجة ولدي وولدي وعياله اقوم وانام وهم ببيتي تمنيت اشوفك معاي قبل ماودع دنياي
فيصل: الحمد لله ربي عوضني خير بس يمه ابقولك شي مهم
امه: ايش ياوليدي ومسحت دموعها بيدها
فيصل: ترا هديل ماوفقت علي الا لاني وعدتها اتزوجهازواج صوري يعني هي بغرفه وانا بغرفه بس بينا تقدير واحترام
امه: بس ياوليدي تضر نفسك انت كذا هذا شرط تعجيزي ومافيه رجال يتحمله
فيصل: بس انا يمه مستعد اتحمله يمه هديل مرت بظروف صعبه وصعب تحب بسرعه مره ثانيه انا ابحاول اكسب قلبها ان ماقدرت الحمد لله عندي بنتين وسعادة امي وسكوني معاها اهم شي
امه: هديل ياوليدي مو هديل الاولى الحنونه قسى قلبها شوي بعد صدماتها بس صدقني الي فيه طبع راح يرجع لطبعه وظروف هديل الي مرت فيها موهينه
فيصل: علشان كذا مقدرها وربي راضي عليها
امه: اجل ابروح ابارك لها
فيصل: وعلميها ان ملاكنا وزواجنا نهاية الاسبوع
امه: ليه مستعجل كذا اخاف ترفض
فيصل:ليه ترفض اذا رفضت خليني انا اكلمها واقنعها
امه: اشوف عجبك الوضع وابتسمت
فيصل: ((يقول بقلبه ومن يسمع صوتها ومايعجبه الوضع))لاتنسين يمه ان قصدي شريف واطلبها زواج على سنة اللله ورسوله
امه: لو موقصدك شريف ياوليدي ماخليتك تكلمها من اول بس الحمد لله عارفتك ولدي وواثقه باخلاقك الا صح يافيصل ماطلبت تشوفها
فيصل: أي شوفه يمه اللله يهديك اخبرها وهي صغيره
امه: ماتبغاه يتعلق بس تراها تغيرت ملامحها لام كبرت
فيصل:مومشكله اهم اعلي اخلاقها
امه: مسكت كتفها والنعم فيك يوليدي لاتنسى كلام نبينا((فاظفر بذات الدين تربت يداك))ابروح لها وابارك لها على اذنك
فيصل: باسها مع راسها مع السلامه ولاتنسين قولي لها موعد زواجنا الاسبوع الجاي وان رفضت قولي لي
امه:ان شاءالله

فـــي غـــــــــر فـــــة هـــــــــد يــــــــــل

تكلم ندى بجوالها
ندى: مبروووووووووك
هديل: الله يبارك فيك بس يارب ماكون استعجلت
ندى: لا صدقيني ماستعجلتي ولاشي مادامك مستخيره مايهمك شي
هديل: ان شاءالله
ندى: دقيقه اشوف عندي مكالمة انتظار يوووه زوجي الغثيث
هديل: اجل خلاص ابقفل
ندى: يالله مع السلامه وردت على سعود هلا
سعود: من كنتي تكلمين
ندى: يالليل ليه تسال
سعود: زوجتي ومن حقي اسال
ندى: اووووووف زوجتي زوجتي تراك ادوختنا
سعود: رص اسنانه ووعدل جلسته لانه عصب كم مره اقولك لاتغلطين مع زوووووجك بالكلام((ورص على كلمة زوجك علشان يقهرها اكثر))
ندى:بقلبها الله يعين قالت بشويش كنت اكلم هدوله
سعود: مبروك عليها خطبتها من احسن رجل ربي عوضها خير
ندى: ومبروك عليه زواجه من احلى مراه ربي عوضه خير
سعود: ابتسم وقال بقلبه ماتفوت شي المهم انزلي تحت ابوي يبغانا
ندى: ان شاءالله وسكرت تردها له
سعود: ماقالت مع السلامه بس وربي لاردها لك وادبك وخليك تعرفين كيف تكلمين زوجك
فــــــي غــــــــرفة هـــديــــــــل
هديل:سكرت من صديقتها الا باب غرفتها يطق فتحت لقت عمتها تدخل عليها وتضمها وتبكي
عمتها: ماصدق كاني بحلم من يومكم صغار وانا اتمناك لفيصل واتمنى نادين لمشعل الله يرحمهم ومسحت دموعها
هديل: ضلمت الدنيا بعيونها لام تذكرت اغلى ناسها مشعل ونادين بس فرحت لام حست ان مشعل لو فيه كان يطير من الفرحه
العمه: مسكت يد هديل وجلست هي وياها على الاريكه اسمعي يابنتي ترا فيصل وصاني اقولك ان زواجكم بعد اسبوع
هديل: لا ياعمه ليه العجله كذا
العمه: يابنتي خير البر عاجله ليه نتاخرالا اذا كنتي تبغيني زواجك حفله بقاعه اجلناه وحجزنا لك احلى واكبرقاعه
هديل:أي حفله واي قاعه الله يرحم والديك ياعمه
العمه: خلاص اجل ليه ناجله
هديل: مادري بس ماحس اني مجهزه روحي ودراستي بعد
العمه: دراستك راح تستمر لان زواجكم بس كذا
هديل: حمر وجهها لانها عرفت ان فيصل معلم امه
العمه: حبت تصرف صدقيني يابنتي مارح ياثر على دراستك ان شاءالله وراح تطلعين للسوق وتشترين ملابس فخمه وجاهزه اكثر ماكثر ربي اسواق الرياض
هديل: مادري بس مابغاه الحين
عمتها:هاتي تلفونك
هديل: استغربت ليه؟؟؟
العمه:لان فيصل قالي قولي لها واذا مارضت راح اكلمها انا
هديل: بدا قلبها يدق طبول من الاحراج قالت لاخلاص موفقه الي تبغونه يصير
العمه: ابتسمت وقالت بقلبها والله انك موهين يافصيل
العمه: بكره ان شاءالله راح يحولك فيصل بحسابك مهرك
هديل: أي مهر عمه انا يكفيني خاتم بس او مية ريال علشان بس يكون حلال مابغى منه مهر
العمه: انتي مهرك زيك زي غيرك والحمد لله فيصل بنعمه من ربه
هديل: ضاق صدرها لانها ماتبغى منه مهر وهي شارطه عليه انها ماراح تقوم بكل واجباته بس ياعمه
العمه: لابس ولاشي يالله يابيتني تصبحين على خير مع اني من الفرحه طار عني النوم
هديل: الله يديم عليك الفرحه ياعمه وقامت باستها مع راسها وسكرت الباب وجلست على سريرها يارب تقدرني اسعد عمتي وفيصل وجنان وجنى يارب مانصدم مره ثانيه يارب زواجي من فيصل بداية افراحي ونهاية احزاني ودعتهامع طلاقي ياااااااااااااااااااااارب
فـــي مـــكــتـــب ابـــو ســــ ع ـــــود
ندى: لبست نقابها وجلالها ونزلت وفتحت مكتب عمها ولقت سسعود جالس مع عمها((دايم تلبس جلابيات اذا نزلت تحت علشان مايبان جسمها عند عيال عمها ))
عمها: ناظرها وابتسم لها واشر لها تجلس
ندى: خافت وقالت الله يستر بس
عمها: يابنتي انا ناديتك انتي وسعود علشان ابيكم تسوون زواجكم بعد اسبوع لاني ابسافر ابسوي فحصوات شامله في المانيا والواحد مايضمن عمره
ندى: خافت على عمها وقالت عسى عمرك طويل ياعم وعسى عيني ماتبكيك بس ياليتك تاجل الزواج علشان دراستي بعد ماترجع نسويه
سعود: ناظرها بقهرونرات تهديد بس سكت
ندى: طنشت نظراته ولا كانها تشوفه
عمها: يابنتي انتي حره بس رغبتي افرح فيكم قبل ماسافر قلت لك الواحد مايضمن عمره
ندى: وجعها قلبها على عمها ورحمته الشور شورك ياعم فصل وانا البس
عمها: قام لها وقرب عندها وباسها مع راسها
ندى: تكرم ياعم وباسته مع راسه ويده يالله على اذنك ياعمي
عمها: خذي راحتك وانا عمك
ندى: طلعت وهي ترقى فوق تكلم نفسها قسم عارفه ان كل هذا من تخطيطك ياسعودوووووه
سعود:جرها شوي مع طرف جلالها قال سعوده يبي يصير زوجك رسمي قريبا
ندى: اوووووووووووف التفت له قالت ماحد قالك انك غثيث ولصقه وثقيل دم
سعود: امممممم شوي افكر الا وحده بس الي هي زوجتي العزيزه وغمز بعينه لها
ندى: ياربيييييييييه تبي تجنني انت ورقت فوق بسرعه
سعود: ههههههههههه ان ماغثيتك اكثر ماكون سعود يالعنييييده
((من حض ندى ان سعود مروق هههههههههه ))
انتهى هذا الجزء واتمنى انه فرحكم واعجبكم

اختكم همووووسه شعاري (((امي روووحي)))

الــــــ ج ــــــزء الــســادس والـــ ع ـــشـــرون


طبعا تحدد موعد زواج هديل وفيصل اول الاسبوع القادم وندى وسعود نهاية الاسبوع يعني بعدهم
فـــي بـــيـــت اهــل ريـــم
ريم: تكلم بجوالها فيصل ارجوك فيصل افهمني ماني قادره اتصور انك تتزوج غيري وتبكي
فيصل: ارجوك من فضلك لاتتصلين علي رقم جوالي وغيرته على شانك تجيمن تكلمني بالمكتب
ريم:تمسح دموعها وهي مازلت تبكي الى هالدرجه موطايقيني ياحبيبي انا امووت فيك يافصل احبك موت حياتي بعدك صارت حياتي جحيم تعرف ايش معنى جحيم ياقلبي ارحمني ارجوك يكفي عذاااااب
فيصل: لاحوووول خلاص الي بيننا انتهى
ريم: ابوس رجلك سامحني واوعدك لاسعدك واعيش مع امك واخليها تاج فوق راسي
فيصل: الي انكسر ماراح يتصلح وانتي هدمتي كل شي بيدينك
ريم: انا خايفه عليك من هالقيمه صدقني تقربت منك انت وخالتي علشانها طمعانه بفلوسكم صدقني فيصل
فيصل: عصب جب ولاكلمه وماسمح لك تتكلمين عن هديل بالطريقه هذي لاتنسين انها بنت خالي واخت اغلى اصدقلئي وصديقة اختي وزجتي قريبا مابغى هذره زايده وسكر بوجهها السماعه
ريم: انقهررت ورمت جوالها وجلست تبكي
ام ريم" جلست جنبها على الكنبه وضمتها
ريم: خلاص يماما فصيل راح يتزوج ومافيه امل يرجع لي وبكت اكثر
امها: ياما حذرتك بس انتي الله يهديك ماسمعتي كلامي وجلستي تسمعيت لسماه رالي خربت بيتك وتخليت عنك
ريم: الله لايوفقها ولايسعدها رفعت راسها وابعدت عن امها بس انا مستحيل اتخلى عن فيصل بالسهوله هذي مستحيل وراحت عن امها
امها: الله يهديك ويصلحك بس
فـــي الــــمـــول
هديل وندى كانن طالعات مع سواق فيصل وزوجة السواق والشغال الحبشيه
ندى:اوووف ماحس طلعتي لها داعي ابدا
هديل: ليه انتي معصبه فيه عروس تجهز وهي معصبه ههههههههه

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -