بداية الرواية

رواية غلطه وبندفع ثمنها السنين -35

رواية غلطه وبندفع ثمنها السنين - غرام

رواية غلطه وبندفع ثمنها السنين -35

فهد:انا مارفضت تروحين السوق..رفضي انج تروحين معي عمتي ..ابيج تروحين معي انا وبس
ناديه: اهااااااااا يعني اسميها تحكم فيني
فهد: ليه ماتسمينها غيره..واعتقد انج عارف شنو الغيره وماتسوي
ناديه نست اللي حواليها: بعرف ان الغيره ثمرت الحب
فهد بصوت هادي: ناديه قولي .احبك يافهد...اريد اسمعها منج
ناديه ارتبكت الكل يطالعها: الجو مو مناسب
هد عرف انها تتهرب قال وهو ينزل من السياره: انا وصلت عند الباب يالله اطلعي.
ناديه بصوت واطي محد يسمعها: اممممم مابتنزل تسلم على امي نوره وامي نجلاء..هم دوم يسئلون عنك؟؟
فهد: افا عليج لا توصين حريص ...اكيد بنزل واسلم عليهن
مازلنا بصاله والكل مجتمع
ناديه تصب القهو لهم
فهد يشوف خواته مستعدين يطلعون من البيت قال: على ويـــــــن؟؟
ريم: بنروح عند خوالي
فهد: ليه تروحون؟؟
هيونه: اممممممممم عشان باجر بنروح الفندق و....ماقدرت تكمل خوفتها نظرات فهد .
شيخه شافت فهد بيعقد الامور قالت:شنو فيك عرايس وشغلهن مايخلص وباجر بيرحون الفندق يرتاحون والكوفيره راح تجيهم اهناك
فهد:عيل ماله داعي يرحون اليوم باجر انا بوديكم الفندق
ايمان: اليوم الحنايه بتجيهم عند خوالهم
فهد ابتسم وهو يشوف خواته: والله وكبرتوا وصرتن عرايس
ريم: ذلحين نروح ولا اشلون؟؟
فهد: يمد فنجاله للناديه مشان تصب له مره ثانيه: منو بيوديكم؟؟
هيونه: امي برا تنطرنا
فهد قام من مكانه وهو ياخذ الفنجال من ناديه قال بهمس حق ناديه: يالله جهزي حالج بنطلع.....وراح حق امه
شيخه: اخبار شيبيب ومشبب
راشد يبتسم: ينطرون موافقة الهوانم
الكل:هههههههههههههه
راشد التفت على دارين للي جالسه جنبه ..شافها تشد على يده: شنو فيج؟؟
دارين: والدك يرفس حييل
راشد:خليه يرفس ويعطي بوكسات ..ابيه يطلع من بطنج له عضلااااااات
دارين: ايه انت شنو عليك مو شايله في بطنك
راشد:انا مستعد اشيلج واشيله واحطكم بعيوني
دارين: تسلم عيونك
ايمان: هههههه على التغزل ..اقول عرفنا نوع الجنس للي في بطنج
راشد:اتحداج تعرفين شنو في بطنها..واذا طلع غلط اسمحي لي راح احرمج من دخول البيت مدة سنه ..عقاب لج على القافه .
الكل: ههههههههههههههه
ايمان: سنه ياظالم ..هههههههههه بعدين مرتك هي اللي غلطت قالت والدك يعني ولد..
راشد: ليه تنبشين...خليها موفاجئه
اشوي انزلت ناديه لابسه عبايتها وحاطه الشيله على راسه من غير اتلفها ومعاها شنطتها
راشد: على يون ياحرم فهــــد الراهي؟؟
فهد اللي توه داش بعد ماسلم على امه قال: اشاليـــــــه
راشد: لالالالالا مصختوها بزياده
الكل: هههههههههه
فهد يوقف جنب ناديه: ياخي مليت منك مقابلك ليل ونهار .اريد انسى شكلك
راشد: ههههههههههههه ماتقدر تستغنى عني *_^..وغمز عينه حق فهد
فهد: احاول استغنى عنك
ايمان: شيخه شوفي شغلج صكيهم عين
ناديه: لا الله يخليج ابعدي عناااااااا
الكل: هههههههههه
شيخه:انا شهر عسلي اسبوع ...وانتم شهر عسلكم شغال
ايمان: مستمر لا يقبل بلانقطاع
فهد: قل اعوذ برب الفلق
راشد: اسبوع وايد عليج...نظلتي الفندق اللي ساكنه فيه واحترق هههههههه
ناديه:امبيه ههههههههه توني ادري هههههههههه يمه منج زين بعد مانظلتي سعيد ههههههههههه
شيخه: جم مره انظله ولا تصيبه ..هههههههههه
ام ناصر:انشهد العين حق
فهد: تحصلين سعيد يحصن عمره كل يوم من عيونج..يالله حبي نطلع قبل لا تقضي علينا
ايمان: الولد وعمه اليوم صايرين رمنسين
شيخه: اشوف عمتى الاسواره اللي عليج.... تهبل
ام سعود تغطي الاسواره بطرف كمها
شيخه: ههههه ماني نظلتها بس بشوفها اعجبتني
دارين: هذي من عند ندوي
ايمان بتي تقهر ناديه: ليه ماجبتي حق امي زيها
ام ناصر: ماقصرت فديتها
دارين: ناديه جايبه اسوارتين زي بعض حق امي وامي نوره
شيخه:اشوف العجايز يدافعن عنج
ام ناصر:ماحنا بندافع عنها عشان اسواره..قومها فعلها الطيب وبنت الغالين
ايمان تمزح: شيخه من باجر بنروح نشتري خواتم حق العجايز ...عرفنا السر هههههه
فهد: راح تتعبون وماوصلتوا مواصيل مرتي
العجايز: كفوووووووو والله كفو
ناديه ابتسمت ابتسامت خجل
شيخه: اقول .قطه كلامه راشد
راشد: طقوا قبل الاتجيكم العين
الكل: هههههههههههههههههه
بعد جذي طلع فهد وناديه من البيت

الجــــــــــــزء 67

في سيـــــــارة فهد
فهد يبتسم:انا خايف من عيون عمتي شيخه تشتت شملنا
ناديه : ههههههه الله لا يقوله
فهد: مااتخيل حياتي من دونج
ناديه تبتسم: ولا انا مااقدر اعيش من دونك
فهد: حنا الله خلقنا حق بعض ...امممممممم ماتعرفين الحياء مليئه بالمفجائات ...ابيج تحتطين كلامي حلق بذنج ...عمري ماحبيت غيرج ولا راح احب غيرج ياقلبي
ناديه ابلعت ريقها:وش المفاجئة...تعرس علي؟؟
فهد: ههههههههههههههههه يالله مدري اشلون تفكرون يانسوان تفكيركم محدود.
ناديه: وانا اقولك وحطها حلق بذنك ...انت كل شي بحياتي ..ومستعده اضحي مشانك وافديك بعمري..بس الخيانه مابرضى فيها..
فهد فتح عيونه: خيانه ؟؟؟؟ منو جاب يرة الخيانه؟؟
ناديه:انت عطتني حلق وانا عطيتك حلق..
فهد: هههههههه يعني تردينها للي.....مسك يدها وشد عليها..قال انا لج وماني ا لغيــــــــرج......قولي امين
ناديه: امين..
فهد:الله لا يفرقنا..ونبقى دوم احباب
ناديه طلعتها من قلب: اميـــــــــــــن
فهد شغل المسجل وقال هذا اهداء مني لج
وكانت الاغنيه لا اوصيك على حبي
ناديه اندمجت مع الاغنيه قالت : لاتوصيني حبك مدفون بقلبي
.
.
.
اوصلوا السوق
والفوا المحلات .. وناديه مااعجبها شي من سوق
فهد: ولا فستان اعجبج من اللي شفنها
ناديه: موديلات قديمه
فهد:اتركي المهمه علي انا بختارلج على ذوقي..
ناديه ماتحب تلبس لا من ذوقها قالت وهي تبتسم: واذا مااعجبني ..
فهد قال وهو يدش المحل :افاااا ماتثقين بذوقي...صار لج ساعتين تلفين بسوق ومااعجبج شي...عطي الحر فرصه
ناديه فديته: هههههههه
دشوا المحل وعنده شغلات حلوه
ناديه طلعت لها فستان حلو: شنو رايك؟؟
فهد:اممممممم حلو بس عاري..كل جسمج بيطلع
ناديه بخبث: معه شال..
فهد :انتي بتلبسين الشال؟؟..اعرفكن يالبنات وحركاتكم مطوف علي..
ناديه تضحك لانه كاشفها : هههههههه
فهد يكلم صاحب المحل: عندك فساتين غير المعروضه
صاحب المحل: تكرم عينك... عندنا بس اسعارها غير ..حق ناس اسبيشل
فهد فهم عليه: الغالي يرخص الغاليـــــــــن
ناديه فرحانه والفرحه موسيعتها لان فهد مشاعره واضحه مو من النوع الكتوم كان ودها توزع قبلات وتقوله احبــــــــك . بس المكان مو مناسب
صاحب المحل طلب من العامله تجيب الفساتين اسبيشل
اشوي جات العامله ومعاها فساتين كل واحد احلى من الثاني.....
ناديه صارت تتقلب فيهم
فهد شافها محتاره: شنو اخترتي؟؟
ناديه احتارت فيهم: انا تاركه لك الخيار...مو انت تبي تلبسني على ذوقك؟؟
فهد: وانا لها....ابعدي اشوي خليني اختارلج
ناديه تبتسم وهي تفتح له المجال يشوف الفساتين
بعد صراع طويل مع الفساتين.... طلع لها فستان يخبل روعه لون اسود من تصميم شانيــــــــل
اهجب ناديه حيـــــل
فهد وهو ماسك الفستان: راح يطلع علي جسمج وبشرتج وشعرج شــــــــي يخبل
ناديه استحت وفهد يتخيلها بالفستان:راح يطلع علي حلو عشان انت اخترته
فهد ابتسم: يعني نتوكل على الله وناخذه
ناديه هزت راسها يعني يس
فهد يكلم صاحب المحل:لو سمحت مقاس 12 مديم
ناديه تطالعه مستغربه اشلون عرف مقاسها
فهد فهم على نظراتها ابتسم وغمز عينه لها
ناديه بيخبل فيني هذا الرجال
صاحب المحل: فيك تقيس الفستان اهني بغرفة القياسات
فهد: ماعندنا بنات يقسون بالسوق..
صاحب المحل: براحتك..بس حبيت اطمنك محلنا ثقه وماعندنا كاميره بسر وهيك شغلات..
فهد:لا اعوذ بالله ماشكينا فيكم ..جذي طبعنا
صاحب حط الفستان بالكيس شانيل
فهد: جم السعره؟؟
صاحب المحل : الف دينار
فهد عطاه بطاقة الصراف
ناديه تساسر فهد: والله مايستاهل سعره..
فهد:هو عاجبني وانا ابي اشوفه عليج
ناديه: بسـ........ قطع كلامها فهد قال: كلمتي مابثنيها..
.
.
.
.
.
في السيارة فهد وهم رادين البيت
فهد:انا كنت ناوي بعد السوق اعزمج على مطعم نتعشا
ناديه: منو لي غير نيتك ؟؟
فهد: انتي فرتيني بالمجمع جم مره راح وقتنا كله بسوق
ناديه: تعشيني بعد مادفع الف دينار... بصراحه انا افكر اردها لك الف الدينار..
فهد طلعت عيونه كنها تهينه: ناديه صاحيه انتي...انا شنو وانتي شنو كلنا واحد
ناديه خافت من عصبيته: بس المبلغ عود على اقل بعطيك نصهم
فهد:لا تحديني اعطي الفستان الخدامتج.............معقوله ماتعتبريني جزء منج ..حلالي هو حلالج..ولا انتي تشوفيني شي ثاني
ناديه شنو فيه قلب علي .. ياربي منه دوم يفهمني غلط قالت:وش هذا الكلام انا وحلالي فده العيونك
فهد: عيل شنو معناتها حركتج تدفعين المبلغ
ناديه: امممم مااحب احد يكون له دين عندي
فهد: احد؟؟؟ انا زوجج مو أي احد يامدام
ناديه: زوجي على العين وراس...وانا وانت شي واحد ماتفصلنا الفلوس..بس انت دوم تفهمني غلط..
فهد : ايه اقلبي اسالفه علي
ناديه: ههههههه اقصد انت مو ملزوم تشتري لي فستان الف دينار....واستحيت لما دفعت المبلغ وانت الله يرضى عليك عفست السالفه
فهد ابتسم على عفست السالفه: كلامج نرفزني.....واسف اذا فهمتج غلط
ناديه: لا ماينفع تتأسف كذا حافي..
فهد قال بخبث: ههههههههه ماينفع اتأسف بسياره
ناديه افهمت عليه:امبيه مااقصد اللي يدور في بالك.....ودني المطعم جوعانه
فهد: المطعم راحت عليج اليوم مره ثانيه ذلحين بمر محل تلفونات
ناديه: ليه ضروري تمره..
فهد: ايه ضروري حبيبتي مامعها جوال ..وانا بعوضها عن جوالها اللي انكسر..كل يوم اقول بجيب لها تلفون وتاخذني الاشغال عنها
ناديه: يعني لازم تذكرني ..
فهد: ههههههههههههه فديتج
.
.
.
في بيت ام ناصر
بغرفة البنات
ناية لابسة فستآن تستعرض عند البنآت
إيمان : يهبببببل عليج
شيخة : مبين عليه فخم وغاآآلي
دارين : ما شآء الله على فهد ذووويييق
نادية : فدييييته وفديييت ذووقه
إيمآن: أخصص نادية تتفدى
شيخة : زين كان اشتريتي جوال يومج بالسوق بدال اللي نسيتيه باليابان
نادية : ما قصر فهد طلع لي رقم وشرالي جوال عوض بالجوال اللي شريته
دارين تبتسم للنادية تدري إنهآآ ما قالت لهم عن سالفة جوالها
نادية تبتسم وبدلع : يلآ سجلوا رقمي المميز
إيمان : وينه تلفونج ؟
نادية : فوق بداري
إيمان انتبهت على ساعة نادية وتحاول تتذكر وين شاريتها
قالت : إيييييه تذكرت ,, متى شريتيهآ يا الخايسة ؟؟
نادية تطالعها مستغربة : وش اللي شريته ؟؟
إيمان : الساعة اللي عليج .. مو هذي اللي طرت فيها بمكة .. وشراها فهد حق شوق
نادية سمعت طاري شوق تنرفزت : لا حبيبتي .. ما شراها حق شوق
إيمان تدري إن ناية ما تحب طاري شوق فحاولت تستفزها أكثر : عجل شراها حق منو ؟؟
نادية بابتسامة نصر : حق أنآآ
إيمان : ليش شنو بينج وبينه وقتها عشان يشتري لج ساعة بهالقيمة ؟؟
نادية توهقت وش تقول : أمممممممممممم .. حبيبته
شيخة وإيمان يرمون عليها المخدات ويضحكون : هههههههههههههههههه من ورانا
دارين : ههههههههههههههه
شيخة : تضحكين على علوم بنت إختج الشينة .. ؟؟
نادية : لا أحد يلومني لا من حبيت فهد .. سحرني بعيونه
إيمان : لالالالا البنت فلتت بمشاعرها وش عاد يوقف جموح مشاعرها يوم هيضناها ألحين ؟؟
نادية : ههههههههههههههه
دارين : الحب يطلع المستخبي
شيخة تكلم بالسوري : أولك البنت وخالتها فلتانات ع الآخر ههههههههههه
الكل : ههههههههههههههههههههههههههههههههه
.
.
.
نادية دشت الغرفة لقت فهد راد من الديوانيه و منبطح على بطنه ولا بس بيجامه ويقلب بجوالها
ناديه شافته على وضعه قالت : يالله شنو هذي الغرائات
فهد رفع راسه لما سمع صوتها وشافها لابسه الفستان: اشهداني ذويق
ناديه تبتسم: احلف انت؟؟موكني لابسته ؟؟ يعني أنا اللي محليته
فهد : ما اختلفنا يا عمري على جمالج .. بس تنكرين إن عندي ذوق ؟؟
نادية ترفع حواجبها له : أكيد لا حبيبي .. شلون وأنا أول إختياراتك وبرهان ذوقك ؟؟
فهد وضع جوالها بعد ماسجل اسمه عندها باسم روحي تحبه. وبعد جذي وقف قدامها ومسك يدها وصار يلفها حول نفسها وهو يتأملها بأعجاب
لف الذراعه حول خصرها..صار ظهر ناديه لاصق في صدره قال وهو يشوف صدرها بارز من فتحت الصدر: الو تلبسين خيشه هم بيطلع عليج حلو
ناديه: خيشه؟؟هههههههههههه
فهد مازال حاضنها من خصرها :ايه انتم يالبنات خبل كل موضه تنزل تتبعونها
ناديه تتخلص منه قالت وهي تقابله وجها للوجه: وانت وش عرفك بسوالف البنات؟؟
فهد:ليه عايش بدنيا عيوني مغمضه مااشوف اللي حولي
ناديه :لو علي كان غمضت عيونك عن العالم وتفتحه بس للي انا
فهد حط يده على عنقها من خلف وصار يحرك يده بنعومه وهو يتحسس عنقها
ناديه تبنجت من حركته
فهد:وانا مااشوف الدنيا الا فيج.....نزل يده من على عنقها وانتقل الي ظهرها ولف يده حييل على ظهرها
ناديه حطت يدها على صدره واليد الثانيه تلعب بشعره من قدام
فهد: قبل لاتروحين العرس خليني اشوفج؟؟
ناديه تبتسم قالت بمزح: ليه جمارك ..لازم امر عليك تختم علي
فهد: هههههههه لا ياحلوه ..ابي ارقيج من عيون الناس
ناديه عرفت ان فهد بيدش الفندق عند الحريم ..: اذا انت خايف علي من عيون الناس لاتدش الفندق عند الحريم..
فهد عارف تفكير ناديه ماتبيه يتواجه مع شوق حتى لو بصدفه :انا مااحب الدش عند النسوان خايف عليهن يعفون رياجيلهم لا شفوني ...بس مضطر ادش عشان خواتي ..
ناديه تضحك على جملة الاولى : هههههههههههههه
فهد تنح من ضحكتها قال وهو يحضن وجها بكفوفه: ليه انا مااطيح البنات الديره؟؟؟
ناديه:مابعرف كم وحده طرحت من بنات الكويت..بس اللي اعرف انك طرحت فتاة سعوديه..طاحتولا اقدرت تقوم من الطيحه
فهد فهم قصدها ه المقصوده..وزع قبلات حاره على وجها
ناديه دوخت من بوساته كل وحده توديها عالم ثاني مليئ بالعشق والحب والهيام
فهد بعد ماعطها كم قبله حضنها من خصرها قال وهو يمشي وياها رايحين غرفة النوم:اثريني مو سهل قدرت عليـــــج
دشوا غرفة النوم ناديه رحت تغير ملابسها وفهد متكي على راس السرير وماد الرجوله ينطرها تطلع من غرفة التبديل
اشوي طلعت ناديه وهي لابسه قميص نوم لونه وردي فاتح حرير علاق ماسك على جسمها ..قالت وهي تشيك على شكلها في المرايا : امممم ماقلت لي يا فهد اشلون عرفت مقاسي ؟؟؟
فهد يبتسم بخبث قال وهو ياشر على مكان جنبه : تعالي واقولج اشلون عرفت
ناديه راحت عنده وانسدحت على ظهرها في المكان اللي اشر عليه
فهد ابتسم لف على جهتها وانسدح على جنبه الايسر وتكا راسه على يده قال وهو يحرك يده على بطنها بنعمه: انا لما اتحسس جسمج بعرف تفصيلها
ناديه: هههههههههههههه مو يد.. هذي اشاعه مقطعيه
فهد: ههههه ... قال بهمس : اللي يحب ويعشق يعرف كل قطعه من حبيبه .. ويعرف قلبه شنو يبي وشنو يحتاج يعرف مقاس ملابسه ... ويعرف عيونها شنو تبي تقول
ناديه تبتسم تبي توهقه : عيوني شنو تقول ؟؟
فهد ابتسم بخبث قال وهو يمد يده على الابجواره يبي يطفيها قال: تقول تقول تقول ... وطفى النور
ناديه :هههههههه غلط موصـ....قطع كلامه قبله عميقه من فهد
وعما الظلام بالغرفة وبقيا الانفاس تخاطب بعضها بحب وشوق
.
.
.
.
.

في يوم العرس

وقت الصباح
بجناح فهد وناديه
بعد ماتروشوا والتريقو قالت ناديه حق فهد: ارخص للي اليوم بروح الصالون
فهد يبي يلعب بعصابها قال باسلوب جد : من بروح ... لا ماعندي نسوان يرحون حق الصلونات ...تبين ادعيها تجيج اهني بالبيت
ناديه هي حاجزه عند الصالون ومافيها تكنسلهاوتدور غيرها تجيها البيت من غير حجز مسبق : عمتي ايمان بتروح.... وبعدين انا حجزت عندها ودفعت العربون
فهد: من راسج حجزتي ودفعتي من غير ماتردين الشور لي
ناديه تعرف فهد مايتدخل بشغلات النسوان : طيب هل مره اسمح لي ..مابعيدها مره ثانيه
فهد: صلون برا البيت مافيه واذا على العربون فده العيونج ..
ناديه: انا مو رايحه تسوي لي مكياج وتسريحه وبس لا ..انا ابي اقص شعر والصبغه
فهد: بعد تبين تقصين شعرج من غير ماتقولين لي
ناديه توهقت : ماراح اقصه حيل ..تقص لي مدرجات على طوله
فهد:اخر الكلام مافيه روحه حق الصالون
ناديه مدت البوز
فهد قال وهو يطلع بوك من جيبه: مدي بوزج شبرين روحه حق الصالون مافيه.....
فهد طلع مبلغ من بوكه ومده حق ناديه قال : اخذيها
ناديه اخذتها: حق شنو
فهد : حق الصالون .
ناديه بزعل : مو جايبه صالون بالبيت
فهد: ليه؟؟؟
ناديه: كذا مزاج
فهد: ماتقولين لي شنو الفرق بين الصلونات كلهن وحده شغلهن واحد الدواتهم وحده
ناديه: لا بالقص والصبغات فيه صالون احسن من صالون فيه صالون شغلها عدل تقص شعرك وهي واثقه انه راح يضبط وفيه صالونات تلعب مع الحظ
فهد يبتسم: يالله وفرنا عليج قص وصبغات
ناديه تمده يدها حق فهد : خذ فلوسك
فهد عطها نظره احرقتها
ناديه خافت من نظراته: امممم مو محتاجه حق افلوسك طالما انا مو رايحه الصالون ..
فهد: خليهم عندج بتحتاجينها واذا تبين زياده دقي علي ......ادري عندج افلوس مو محتاجه مني شي ...بس انا احب الصرف عليج
ناديه فديتك .. بس لو ترخص لي : تسلم خيرك سابق
فهد قال وهو يطلع من الجناح: اذا راحت عمتي ايمان الصالون روحي معاها......بس روحه بروحج مافيه
ناديه :حرام عليكم تلعب بعصابي وتوترني مع هذا الصبح
فهد وهو يسكر باب الجناح سمع ناديه تحطم عليه قام وضحك
ناديه اسمعت ضحكته افتحت الباب وقالت وهي تشوفه نازل من الدرج قالت بمزح وهي تبتسم : افلوسك اشوي ماتكفيني حق الصالون
فهد التفت عليها وهو ينزل من الدرج : مرني بالشركه نتحاسب
ناديه:ههههههههههههههه فديت اللي مروقين مع صبح
فهد بصوت اعلا اشوي مشان ناديه تسمعه : فديت الضحكه ورعيتها
راشد طالع من جناحه سمع فهد وناديه يتفدون بعض : الصبحنا والصبح الملك لله ...
فهد يبتسم قال وهو يسلم على عمه : صباح الخير
راشد قال وهو يلمس جبهة فهد: صباح النور.....ماعليك حراره
فهد: احد قايلك اني مريض
راشد قال وهم ينزلون من الدرج: لا بس شكيت .. تفدون بعض انت ومرتك مع صباح الله خير
فهد:ههههههههههههههه حسد حسد
راشد :لالالالا مروق بقوه الشيخ ..روقنا معك
فهد : اسمح لي ترويقه حصريا في جناح فهد الراهي
راشد :هههههههه ومتى تبث بجميع القنوات
فهد: يوه اشوفها انتقلت لك بسرعه الترويقه
راشد: هههههههههههه
.........................
وقت المغرب
الكل مشتط من صوب هيونه وريم بالفندق عندهم كوفيره تزينهم معهم امهم وخالتهم حنان
دارين وشيخه جاتهم كوفيره بالبيت
وايمان وناديه عند الصالون
ايمان تمنت ان ناديه ماراحت وياها جننتها بالحنه كل ماجات الكوفيره تركب لها بروكه ولا ارموش تركيب جاتها ناديه تنصحها وتقولها بعض الحديث عن الرسول صلى الله عليه وسلم ..
لين هونت ايمان ماعاد حطت بروكه ولا الرموش تركيب
بعد صلاة العشاء
في بيت ام ناصر
ناديه وايمان ردوا من الصالون قبل مايئذن العشاء بربع ساعه
في غرفة راشد ودارين
دارين هذا شهرها ومحددين موعد ولادتها بعد اسبوع وهي تحس انها تعبانه ومالها خلق تزين .
دش عليها راشد بعد مارد من الشركه هو وفهد : السلام عليكم
دارين قالت بصوت تعبان وهي تلبس حلقها : وعليكم السلام
راشد مااعجبه صوت دارين: سلامااااااااااات
دراين ماتبي راشد يغل باله قالت: اشوي تعبانه
راشد: اذا تعبانه لاتروحين العرس
دارين:والله مالي خلق الروح العرس كلش تعبانه
راشد: اجلس الزم عليج صحتج
دارين: اذا بجلس بتجلس معي امي ..وانا ابيها تروح العرس وتستانس
راشد:امممممممممممم زين جلسي وقولي حق امج راشد بيجلس عندي
دارين تبتسم: وتخلي العرس وتجي تجلس عندي
راشد:جم دارين عندي ...ابيع الدنيا كلها مشان عيونج
دارين تبتسم: تسلم ياقلبي مااريد اتعبك ..روح العرس وانبسط ان شاء لله ماراح يصير لي شي
راشد: حلفتج يا روحي قلبي اذا حسيتي بش دقي علي لا ترددين
دارين تأشر على خشمها: ابشر..ولاتشيل هم
..................
في جناح فهد وناديه
دش فهد الجناح وراح الغرفته
فهد تنح وهو يشوف ناديه مع الاستايل الجديد
ناديه وهي تفتح صندوق التجوري تطلع قطمها الالماس انتبهت علي فهد
فهد يشوف اشلون احلوت بزياده ..غير عن الناديه اللي شافها في صباح
ناديه صابغه شعرها بني وقاصه شعرها مدرجات حيل
ومسويه مكياج ناعم وحاطه روج الحمر ومكثره الكحل بعيونها ومسويه تسرحتها باف لان قصتها مايحتاج تسوي تسريحه ...شافت الباف يناسب قصتها
ناديه شافت فهد حاط اكفوفه على فمه
فهد تقدم جم خطوه لين وصل عندها وهو مازل على وضعه حاطه كفوفه على فمه
اشوي بعد يده من فمه ومسح على ناديه بيده الثنتين
قال : الرقيج من كل عين حاسده
ناديه تبتسم
فهد: الون بني معطيج شكل يهبل
ناديه:احلى علي من الون الاسود
فهد: كلها حلوه ومناسبتج بس البني غير عليج
ناديه : مو احلى من عيونك الحلوه
فهد يتأملها بالنبهار اروج الاحمر يخبل عليها
طالعه بشكل العامه روعه خيال تهبل
انتبه على صوت ناديه وهي تعطيه يلبسها الطقم الالماس كبير مرصع بالالماس الاحمر والابيض
ناديه عطت فهد ظهرها عشان يسكر العقد
فهد بعد ماسكر العقد طبع قبله على عنقها ولمها من خصرها وهمس في اذنها قال: لازم تروحين العرس
ناديه تشوفه من المرايا قالت وهي تبتسم ابتسامه عريضه على الفكار فهد ..:ايه بروح عشان حبيبي بيدش الفندق
فهد : اذا مارحتي.. حبيبج ماراح يروح الفندق
اشوي دق تلفون فهد
فهد: ناس ماعندها ذوق ..خليني اشوفهم منو: الووو
ناديه تلمس مكان قبلت فهد متخدره من حبته
انتهت على صوت فهد يقول اطلعت عمتي ايمان تستعجلني عشان انا بوديكم العرس وراشد بيودي مرته والعجايز
ناديه: انا جهزت لك الحمام
فهد اخذ الحلق :قبل مااتسبح بلبسج الحلق
ناديه ماتبي تستسلم بين يد فهد : لاتضيع وقتك ..روح تسبح
فهد:صج ماعندج ذوق ذلحين انا عارض عليج خدماتي و بالبسج الحلق تروحين ترفضين عرضي
ناديه: ههههههه خلاص لبستهم ..مره ثانيه
فهد شاف الخاتم حق الطقم ..مسك يد ناديه والبسها الخاتم و بعد جذي حب كفها
ناديه قلبها يدق بسرعه هو صج مو اول مره يسويها بس هي تحس هل مره غير
فهد قال وهو يقرص خدها : انطريني لا تنزلين قبلي ......وراح الحمام يتروش (وانتم بكرامه)
راحت نديه تنطره باله لين مايخلص
اشو طلع فهد لابس ثوب اسود والغتره بيضه وريحت العطر تفوح منه طلع شكله مع هيبته ورزته شيخ ولا امير
ناديه تبتسم :عز الله اخطفو رجلي مني
فهد: ههههههههه يخسي مني يخطفني منج
ناديه منهبله عليه كنه هو المعرس مو محمد وابراهيم: ماكنك بالغت بالكشخه
فهد يبي يطفرها قال: تعرفين بدش على حريم لازم الظهر لهم بصوره الحسنه تنسخ بروسهم .. كان نيتي اكشخ اكثر من جذي بس الوقت داهمني
ناديه اذبحتها الغيره:وش رايك مانروح العرس
فهد :ههههههههههههههههه
.
.
.
.
في سيارة فهد
شيخه وايمان راكبين وراء بعد ماحلفوا على ناديه تركب قدام
ناديه في وجهة نظرها مو حلوه تركب قدام وعكاتها واء احتراما لهم تركب وراء وحده من عماتها قدام
ايمان تغمز عينيها حق فهد: انت بتدش الفندق؟؟
فهد شافها من المرايا حق السياره فهم عليها :ايه بدش وامتع ناظري بجنس الناعم
ايمان:لاحطيت عينك على البنيه اشرلي عليها وانا اكمل الباقي
فهد: كفووووا ياعمتي
شيخه : ماشاء الله يافهد عندك خبره بالنساء بتصيدها هل المره غير شكل
ايمان: اولها شوق والثانيه ناديه بنشوف منو اخرتها
ناديه تدري انهم يبون ينرفزونها قالت : اليوم مفتوح كل يطالع من صوب... بأشر على شاب وانتي قوي بالباقي
فهد: وانا ولد ابوي تنقين برياجيل
ناديه: حلال عليك وحرام علي
فهد: الرجال يحق له ياخذ الربع
ايمان: صادق فهد حلال على الرجال و البنت موب حلال عليها تأخذ لها واحد ثاني
ناديه تستعبط: خوووووش معلوم توني ادري
حمدان معاهم على الخط: انا انا انا
فهد: انت شنو؟؟
حمدان: بتزوج ناديه

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -