بداية الرواية

رواية اخوه يعيشون في صراع مع الزمن -3

رواية اخوه يعيشون في صراع مع الزمن - غرام

رواية اخوه يعيشون في صراع مع الزمن -3

البست عباتها الكتــف وطرحتها بهمــال وركبت السياره
تركي وهو يعــدل طرحتها : كذا الناس يلبــسونه
نزلت راسها بأحراج وسكتت
تركـي لف عليها مقــابلها بالضبط وقال: رحيل قولي لي قصــتك والله مو قادر انام الليل وانا افكر
رفعت راسها واهي تناظره بـ براءه وســاكته
أمـا تركي على طــول خــق من نظراتها ولف راسه على جهة الشبــاك وقلــبه اشوي ويطلع من مكانه
يــوم هدا اشــوي لف عليها شافها تناظر الشباك بحــزن
تركي : رحيل
التفت عليه : هلا
تركي : ماراح تقولين لي سالفتك
رحيل : انت ليه تساعدني تعرفنــي صح ..؟
تركي : لا والله ماعرفك
بلعت رحيل غصتها واهي تحــاول ماتصيــح قدامه
تركي : انتي تعرفين اهلك كلهم
رحيل : اعرف امي وابوي
تركي : عندك خوات اخوان
رحيل : ايي عندي بس ماعرفهم
تركي : كيف ماتعرفينهم
رحيل : مدري
تركي : رحيــل وربي حيرتيني تكلمــي عــدل
رحيل : سالفتي طــويله وصعبــــــــــه مستحيل تفهمها
تركي : بس انتي صغيره كيف سالفتك سالفه ومدري شنو
رحيل : ماعشت حياتي الا 16 سنــه لكني ذقــــــت الويل والعذاب منها وكأنهم مليـــون سنه
تـركي : انا ابي اسمعها كلها
رحيل ببتسامه باهته : راح تمل
تركي : ما أمـــل بس انتي تكملــــــــي ..
لفت على وجهها على شبــاك مره ثــانيه وبدت تحكـــــي قصتها لـ تركي
...{ أذكر وانا صغيره كنت العب مع أخـوي واختي وامي كانت تربينــا وتحبنا وماتفرق بينـــا
وفجــأه كل شــيء تغــير صــار عمري عشر سنــوات وامي تزوجـــت
كنت أنــا اكبر من اخوي واختي وكان زوج امي دايم يحاول يحتك فيني وقلت حق أمــي بس ماصدقت
وبعديـــن مـدري زوج امي وش قال حق امي وفجــأه صــرت في غرفه صغيره وفيها حمــام
وكــان الأكل وكل شــيء يوصلني من الخدامه اللي كانت تضربني وتعذبني صرت ماشوف اخوي واختـي حتى الحين ماذكر اشكالهم كثـير
ست سنــوات وانا بذيك الغــرفه و فــي اليوم اللي اخذتني منها
أنـا كنت نايمه ومسكنــي زوج امـي وربط عيــوني علشان ماشوف شـيء وركبـني السيــاره
كنت صاحيه بــس أســوي نفســي نايمه ابي اسمع امي وزوجها وش يحددون مصيــري
وسمعت إنهم بتركونــي عند نفس المجمع اللي اخذتنــي منه
وبـــس وانتهت قصــتي يوم انت أخذتني ..}
تركي بفضـول : طيب انا اشوفك ماتعرفين تلبسين غطاء يعني ولا مره لبستي
ضحكت رحيل بخفه وقالت : من كان عمري عشر سنوات وانا بالغرفه ماعمري لبست طرحــه
تركي : طيب زوج أمك سوه لك شـيء ..؟
رحيل : لا
تركي : ولا حتى يوم كنتي بالغرفه
رحيل : يوم كنت بالغرفه ماشوف احد الا الخدامه
تركي : والخدامه وش كانت تسـوي لك ..؟
رحيل : كانت تعذبني وتضربني
تركي : بدون سبب ..؟
رحيل : زوج امي كان يقولها اضربيها تصــور ان الغرفه اللي انا فيها تطــل على غرفة الخدامه وزوج امي دايم يكون عندها
تركي بفهاوه : كيف يعني
رحيل انحرجت وغيرت السالفه : وين بنروح
ضحك تركي على غبائه ولاحظ كيف رحيل غيرت الســالفه
عدل جلســته وصار يســوق ويوم وصــل عند الاشــاره
قال وهو مبتسم ابتسامه خبيثه : كنتي تشوفينهم
رحيل مافهمت : اشوف من ..؟
تركي : الخدامه مع زوج امك
نزلت راسها بأحراج واهي من داخل تسب نفسها
تركي : ههههههههههههههههه
مدت بــوزها ولفت تشــوف النــاس
تركي : اممم رحيل
رحيل : هلا
تركي : بجيب لك مــلابس من ملابس خواتي انا ماعرف حق مــلابس البنات
رحيل : ؟
تركي : يعني بجيب لك مــلابس منهم وبشــوف ذوقك يشبه حق منو من خواتي وبشتري لك زيها
اكتفــــــــت رحيل بـ بتسامه
: بدر انت خايف من شيء ..؟
بدر : ......
: بدر أنت لازم تقول لنا كل شيء ترى القضـــيه مو سهله لانا اكتشفنا البيت المهجور هذا مو بيت نــوره
بدر : أجــــــل بيت منــــــــــــو ...؟!
: أنت كنت تظـــن بيت منو ..؟
بدر : بيت نـــوره
: يعني أنت تدري إن هذا بيتها
بدر وهو منزل راسه : إيي ادري
: وليه ماقلت من قبـل
بدر : مــدري
: بدر أنت لازم تتفاعل معانا علشــان نعرف من القـــاتل
بدر : وطــيب انا وش راح يكـــون مصيري ..؟
: اذا مو انت القاتل اكيد راح نفرج عليك
بدر : طـيب وابــوي توعدنــي مايوصل له شــيء ..؟
: دامك مو انت القاتل ليش خايف من ابوك ؟
بدر بكذبه : ابوي مايتحمل اي ضغــط عليه
: وانت مو خايف يسأل عنك ..؟
بدر : لا انا قلت له اني مساافر البحرين وبظل اسبوع
: وانت واثق ان القضيه راح تخلص بعد اسبوع ..؟
بدر : يعني متى راح تخلـــص
: اذا ماتجاوبت معانا اكيد راح تطــول القضيـــــه
وسن : بناااااات قومو لا يفوتكم أبــوي مع زوجتـــه
كل البنات راحو عند الشبــاك يشوفون ابوهم
الريم : ويـــــــه هذي صغيره مرره
ساره : ههههه يعني شرايك اكيد بيتزوج صغيره تبين ياخذ وحده كبر امهاتنا
وجن : انا ماتوقعت ياخذ وحده كذا
الريم : قلت لكم بس انتو قلتو لا عاقل ابوي مايسويها
اسيل : بعــــــدو خلــوني اشوف
قامت الريم وجلست جنب فداء اللي ماقامت وراحت اسيل مكانها
اسيل : واااي خقــــــــــه زوجــة ابوي
وسن تضربها على راسها : وجـــع شنو خقـــه بعد انتي انا احلى منها
ساره : إييي مره أنتي احلى منها
فداء : كم عمرها تقريبا
وجن واهي تلف عليها : كبـــرك 24
فداء : والله من جدكم ويـــــع ليه ابوي ياخذ هالعمر
اسيل : ولا بعد مصبغه شعرها اشقر
الريم : والله ماخليها تعيش هنا مو كيفها
وسن : ماحد حار قلبه من زواج ابوي غير الريم
ساره : ههههههه ايي علشانها اخر العنقود وامها اخر وحده ابوي تزوجها
وجن بجديه : الريم حبيبتي ماعليك منه اكيد في النهايه ابوي راح يرجع لنا
اسيل : هههههههاي وش قالت يرجع لنا قالت
وجن : اييي بيرجع لنا يعين بعيش طول حياته مع هذي
فداء : طيب انتو وش فيكم مكبرين السالفه الشرع حلل اربع وخلاص عاااد
فــي العماره اللي باين من شكلها ان عمارة نـاس فقراء
وتين جالسه وتنتظر بنــدر يمرر عليها ..
اتصلت على صديقتها أمل ..
وتين : امــل انتي متأكده إن سعود في مطعم اونو
امل : ايي والله متأكده
وتين : انا الحين بروح مع بندر مطعم اونو وبشــوفه
امل : احســه ماراح يهتم
وتين : لا انا ادري ان سعود يحبني بس يكابر واذا شافني مع بندر بعصب وبيعترف لي بحبه
امل : ههههههههاي مره واثقه
وتين : أكيد واثقه انا وتين صحيح اني فقيره وعلى قد حالي بس يكفــي جمالي اللي الكل يدور علــيه
امل : والله ماحد طاح ضحية حبك في سعود الا بندر
وتين : أمــل يلا اكلمك بعدين بندر اتصــــل
سكرت من امل وردت على بندر ..
: وينك تأخرت
بندر : انا جنب العماره يلا اطلعي
طلعت وتين واهي لابسه عباه ع الكتف المرصص على جسمها ومليان كرستال وشعرها الكستنائي الناعم نصــه طالع ولابسه نظاره شمسيه وحاطها مرطب شفايف أحمر اللي معطي شفايفها حلا زود على حلاه
وركبت السياره : هاي وش فيك تأخرت
بندر ببتسامه حلوه نادر مايبتسمها : كنت مشغول اشــوي
وتين : طيب يلا سوق لا نتأخر
بندر عقد حواجبه : نتأخر على منوو ..؟
وتين برتباك : اقصـد بتصير صلاة المغرب
مارد عليها وشغل المسجل على اغنية راشد الماجد
تفنن
تفنن في طروق الحب شرقني وغربنــــــــــــــي
معك يا زين دوخات الهوى ويا حلو مشـــــواره
وغرد في سما سمعي ابي تحكي وتطربنــــــــي
سواليفك مطر عمري .. ربيعي ضحكة ازهـــاره
حبيبي يا بعد كلي وكلك صدق تعجبنـــــــــــــــي
بغيباتك وصداتك وتلويعك وتكــــــــــــــــــــراره
تجنن كل ما اشوفك احس انك تذوبنـــــــــــــــي
وتضيعني من الدنيا .. وتشب بخافقي نـــــــــاره
جمالك ناهب قلبي وتفكيري وناهبنــــــــــــــــــي
دلالك يارقيق العود .. عود تعزف اوتـــــــــــاره
تولعت بتصانيفك .. وتعذيبك يولعنــــــــــــــــــي
وعلى اي حال راضي بك شمس العمر وانــواره
بعد مــاوصلو المطعم اجلسو في الطــاوله قبال بعض وشالت وتين النظاره
وبانت عيونها الوساع مكحلـــه ولابسه عدسات ورموشها مطولتهم زود عن طولهم
بندر وهو يناظرها بحب : آمـري وش تبين اطلب لك
وتين : فوتشيني وكولا
بندر : وبعد
وتين : بـس مابي شيء
بندر : أكيد ..؟
وتين بملل : يوووه خلاص قلت مابي شيء
نزل عيونه تحت وهو يناظر الطاوله وهو عاض على شفته رفع عيونه وابتسم لها غصب
وقام من الطاوله
تأففت وتين من حركاته واهي تلف يمين ويسار تدور على سعود وأخيرا شافته على يمينها جالس مع اخوه
بعد خمس دقايق رجع بندر وجلس مكانه
وتين تبي تلفت انتباه سعود مسكت يد بندر واهي تقول : بندر حبيبي
بندر جــمد من كلمــة حبيبي أول مره وتين تقولها له
كملت وتين وقالت : تحبنـــي
بندر : أنــا مو بس أحبك أمووت فيك بس أنتـ انتي مدري ساعات احسك قاسيه
لفت وتين عيونها على سعود اللي يطالعها بشـراره وقالت : والله مو قاسيه انـا بعد أحبــك واذا قسيت عليك سامحني لاني ادري مافي احد يحبني في هالدنيا غيري فديتك
بنــــــدر ماقدر اوصف لكم شعـــوره أول مره يشــوف وتين كذا
وتين اللي عشقها من كــــــل قلبه وبس مره بحياتها قالت له احبك واليـــوم ثاني مره
من زمان ماسمعها منــها حــاس بشعور حلـــو
ارتــاح قلبــه كثير من كلامــها وتطمــن إن وتين لما الحين تحبـــه
عــنده عادي تكــون قاسيه معاه بس الأهم إنها تحبــــــه
// // // //
أنتهـــــــــــــــــــى ـآ
فــي البـــآإرت اللي بعـــــــــده
: إيييي نعم أنـــا قتلتها
: الريم تغيـــرت كثير من أبــوي تزوج مو الريم اللي نعرفها
: فـــــراس لا تتدخل في شيء مايعنيك
فراس : بــــس هذا أخــوي
: تركي أنا احبـك
أنتظــــــروني الثلاثاء




الجزء الثـــاني

الفصــل الثــالث ..

دخــل تركــي القصــر وعلى طول فــي غرفته ..
ومن أول ماقفل الباب ضرب راسه بقــوه : يـــوه نسيت اشتري حق رحيل جوال يــاربي
بــس فكره الحين بدخل غــرفة خواتي وأخذ منهم مــلابس واشوف رحيل زي ذوق مين من خواتي
دخــل أقــرب غرفه غرفة ســاره
ساره على طول : خير وش عندك بغرفتي
تركي : الخير بوجهك يا أم الخير بس امي تبيك
ساره : اصلا امي مو موجوده في البيت لا تكذب
تركي : انا مو كذاب امي في دور خالتي ام بدر رووحي لها
ساره : رجعـــت ..؟
تركي : اييي
طلعت ســاره من غرفتها وراحت فــوق
فتح تركي كبت الملابس وشــاف
تــنورة كاروهات أحمر مع حزام أسـود وبلــوزه بدون اكمام سـودهـ وفيها من فــوق ورده حمـراء حلوه
خذها وطــلع بــره الغرفه ..
صـعد فــوق وهو خـايف يكــون أبــوه موجود..
طق الباب بســـرعه وفتحته الخدامه
: بابا كبير موجود ..؟
سيتي : No
تركي : طيب يـلا أذلفي عن وجهي
دخــل غرفة اسيل وماشافها موجوده فتح كبت الملابس بسرعه
طلـــــعت عيونه من كثـر مايدور على مــلابس ..
اللي يشــوف كبت اسيل يقول هذا له خمس سنوات وماحد رتب المـلابس
هو صحيح اسيل ماتحب ترتب مـلابسها تخليهم على فوضتهم
أخذ بلــوزه على طــول لــونها ابيــض سادي وفيها كتابات بالأنجليزي بجميع الألوان الفاقعه
وكتابات بالعربـي وكل شــيء وكلهـا بخط اسيل وبسيل..
ابتسم وهو عاجبتــه الفكره : فـكره حلوه بشتري بلــوزه لونها ابيض سادي واكتب انا ورحيل فيها
أخذ البلــوزه وهو يحـاول يقــره شيء من اللي كاتبته اسيل بس مافهم ولا كلمــه
كل اللي عــرفه إن هذي البلــوزه ذكرى حــق اسيل وبسيل
رجع البلــوزه مكانها وطلع بــره الغرفه ..
ودخــل غرفة فداء وماشاف فداء موجوده
شــاف برمودا جينز مليانه بالكرستال مع بلـوزه سيـر (سيـور) لونها ابيض سادي
سحبها وطلــع بســـرعه
وهو يصعد فــوق شـاف ساره واهي تمسح دموعها
راح لها وهو مستغرب : ساره شفيك تبكين
ساره واهي تصارخ : كلـــه منك ماحبك ماحبك ... ونزلت تحــت
تركي : وش فيها يــوو ليكون ابوي موجود وصرخ عليها
فجأه انفتح الباب وطلع أبــوه بهيبــــته وهو يقول : وش عندك واقف هنا
تركي برتباك : آآآآآ هذا بـس ساره بلوزة هذي
بو بدر : تتكلم بالألغــاز انت
تركي : لا إيي مساعد مساعد
بو بدر : وش فيه مساعد
تركي : لا مو مساعد بدر
بو بدر بعصبيه: تكلــــــــم عــدل
تركي بسرعه : بس كنت ادرو بدر
بو بدر : وانت تستهبل بدر اخوك في الكويت وحتى اذا كان هنا تتصل عليه مو تصعد له فــاهم
مـــاشاف بو بدر الا غبـــار ولـــده : ان الله وان اليه راجعـــون
// // //
: حســـام أحمد آل *****
بدر وهو يبلع ريقه : وش فيه
: حصلنا علــيه بصمــات في جثــة المقتوله نوره فيصل آل *****
بـدر بصدمــه : لا مسستحيل مستحيل حســـام مستحيل يســـويها
: وليش تستبعد عنه هذا الشـيء لا تنسى إن كان يحــاول قتــل أمه
بدر بخوف: أنــا مدري عنه انتو استدعــــوه وسألوه بس انا مـــالي شغــل والله مالي شغل
: بــدر حاول تتجاوب معانا
بدر : اللي عنـــدي قلته لكم
: بس ماقلت لنا شنو علاقتك مع نـــــوره وليش كثر الأتصالات اللي بينكم
بدر : علاقاتنا كانت صداقه
: طـيب دامها مثل ماتقول صديقتك لـيش مابلغت على طــول يوم انك شفتها مقتوله
بدر : .........
: بـــدر إذا راح تـظل ســاكت راح نستدعــي ابوك
بدر : لا لا تكفى إلا ابوووي
: أجل جــــــــاوب على كل اسألتنا
بدر : ماعندي أجــوبه بس انا مالي شغــــل والله مالي شغل
: طيب انت شاك فــي منو ..؟
بدر : ولا أحـــد
: طيب أنت يوم تروح تزورها وش كنت تبي منها ..؟!
بدر :.........
: بدر ســوري احنا لازم نستدعــــي ابـــوك
بدر وهو يصارخ : لا والله مااااااااالي شغل باللي صاااااااار والله العظيم مالي شغل وانا مو أنــا اللي قتلتها
سحبــه العسكــري وقطـــه في النظاره
في اليـــــــــــوم الثــاني
في الصبـــاح مثــل كل يـــوم البعض يروح الجامعه والبعض المدرســه والبعض بسابع نـــومه
الريم : اليــاس يلا قوم تأخرت ع المدرسه والله سوير بتذبحنـي قووم بسرعه
الياس : لاحووول حلاص الريم مو لازم تروحين المدرسه
الريم : شنو ماروح المدرسه بعد انت تبي ابوك يذبحني
الياس : طيب رووحي مع اسيل
الريم : اسيل بتروح مع بسيل
الياس : روحي معاهم
الريم : اليــاس انت تدري ابوي ماراح يوافق اروح معاهم قووم الياس
قــام اليــاس بعد الحاح من اختــه الريم ..
في السيـــاره ..
الريم : الياس شفت زوجــة ابوي
الياس وهو مندمج في السياقه : لا ماشفتها
الريم : صغيره يمــكم كبرك
الياس : اكيد يعني تبينه يتزوج كبيره
الريم : طيب تتوقع تجيب منه عيال ..؟
الياس : اذا الله كاتب بتجيب بس انتي وش حارك
الريم : ماحبها
الياس : ليه ماتحبينها يمكن تطلع طيبه وحبــوبه
الريم : لا مو طيبه ولا حبوبه اصلا اهي تزوجت ابوي علشان فلوسه بس
الياس : من جدك كيف عرفتي
الريم : احساسي يقول
الياس : اقول انزلي ولا يكثــر وش قالت احساسي
الريم ماده بوزها : دووب
نــزلت ودخلت المــدرسه وراح اليــاس جــامعته
دخــل وشاف أخـوه بسيل وفيصل ...
الياس : الســلام
: وعليكم الســلام
فيصل : اقول الويس مو كان محاظرتك تبداء الساعه ثمان
الياس : ايوه
فيصل : يووه ليه جاي بدري من الساعه ست
الياس : مو عندي أخت علـــه غصب اوديها المدرسه
بسيل : والله لو انا منك بعد ماوديها ارجع انام
الياس : مدري خلاص طاار النــــــــوم
فيصل : هههههه الله يعينك يـلا انا بروح محاظرتي تامرون على شيء
بسيل : سلامتك بس لا تنسى برجع معاك البيت
فيصل : مو فااضي انت ماراح تخلص محاظرتك بســرعه ارجع مع بندر .... ومشى
بسيل : والله إن تبــــــن بعدين استحي اقول حق بندر برجع معاك
الياس : ههههههههههههههههههههههه حلوه تستحي منه ليه مو اخوك
بسيل : الا أخــوي بس استحي عمري ماسولفت معاه
الياس : ههههههههههه
بسيل : المهم ماعلينا اسيل تقول إن زوجــة ابوي خقق صج ..؟
الياس : مدري ماشفتها وانت وش عليك منها خقق ولا ليكون خربك ترووك
بسيل : ههههههه لا بس يعني اقــول
اليـاس بضيقه : الريم تغيـــرت كثير من أبــوي تزوج مو الريم اللي اعرفها
بسيل : ليه وش فيها ..؟
الياس : مــدري بس كلامها اليوم خوفني تقول ماحبها وان اهي متزوجه ابوي علشان فلـوسه
بسيل : ماتعرف خرابيط البنات يعني
الياس : المهم متى محاظرتك ..؟
بسيل : نص ساعه وتبتدي ليه ..؟
الياس : امممم بس بغيت اقولك نطلع بره الجامعه نتمشى شــوي
في السياره ..
تركي : رحيل انتي اي سنه المفروض ..؟
رحيل : اول ثانوي
تركي : ماتفكرين تكملين
رحيل : الا ودي اكمـل أنت تدري انا ماعندي أحد وانت أكيد بيجي اليوم اللي تروح و ...
قاطعها وهو يقول : مستحيل اتركك
رحيل : هههه تضحك علي ولا على نفسك بتجلس معاي اشوي وبعدها بتروح عند أهلك
تركي : انتي بتصيرين اهـلي
اسكتت رحيل واهي مو فاهمه منه شيء .... ويوم شافها ساكته مشى و شغل المسجل على أغنية
بلغ حبيبك وقله باخذك منه ..
هذا هو الحل مافي حل ثاني ..
ماقدر آقعد وآشوفك بس وآستنى ..
كل يوم عنك بعيد يزود جنآني ..
من يوم شفتك و آنا في دآخلي ونه ..
ولعت قلبي ترى شبيت وجدآني ..
قله ترى آموت لو ماتبتعد عنه ..
لازم آنا آهواك ولازم آنت تهوآني
وصلـو و فتح الباب وهو يقول : أنزلي
رحيل : وين ..؟
تركي : اول مره تجين الواجهه ..؟
رحيل نزلت راسها : ايي
تركي ببتسامه حلوه : طيب قــومي
نــزلو ولبــس النظاره الشمسيه والتفت عليها : انا حلو صح
ضحكت رحيل واسكتت
تركي : طيب وش رايك اسوي كدش بشعري
رحيل : شنو كدش ..؟
تركي : اممم يعني اسوي شعري كشــه
رحيل : من جـدك لا كذا أحلى
تركي : طــيب
مشـــو جنب بعــض و أول مره تركي يمشـي مع بنت من غير مايمسك يـدها ولا شـيء
كان يمشــي جنبها ويـدينه فـي جيبه أمـا رحيل تمشـي بهـدوء ..
كــان بدر ماسك خــده وينـاظر أبــوه بعتب
بـو بدر بصراخ: علمــني أنــا وش قصرت معااك علشان تصير قاتل ومدمن مخدرات انا اللي كنت اعتمد عليك في كل شيء سويت لك اللي ماسويته حق اخوانك انت ذراعي اليمين يابــدر كذا تســوي فيني وتنــزل راسي بالأرض
: لـو سمحت أخـوي ممكن تهدا وترتاح
بـو بدر : أنـا وين ارتاح و ولدي قـاتل ومدمن مخدرات
بدر وهو يصيح ويصارخ : أنـــــا مو قـــــاتل والله مــو قاتل انا مالي ذنب
: بـو بدر أحنا مابعد نتأكد منو اللي قـاتل نـوره ونبيك تساعدنا وتخلي أولدك يعترف فـي كل شيء
بدر : مـاعندي شيء اعترف فــيه واللي عندي قلــــته
بو بدر : جب ولا كـــــــلمه وبتقـــــول كل شــيء وأول شــيء علاقتك مع هالزفت نوره وحسام
فــي مـدرسة الثــانويه .. الســـاعه وحـده الظهـر وصـار وقــت الخرُوج
ساره : يــاربي اليــوم تأخرو علينا
اسيل : السواق في الشركه عاد الحين شــوفي منو راح يتنــازل ويمر علينا
الريم : حتى أبــوي أول مره ينســانا كذا أكيد من هالتبن زوجتــه
لفو ساره واسيل على بعــض وكتمــو ضحكهم
جات لهم المناوبه : أنتو خوات
ساره : ايي
المناوبه : طـيب وحده منكم تتصل على اهلها المدرسه مابقى أحد فيها
ساره : اسوول قومــي اتصلي على بسيل
اسيل : مابي لا تتصلون على بسيل تــوه راجع من الجامعه وتعبان
الريم : طيب اتصلي على ابوي
اسيل : انــا اتصل على ابــوي لو على مــوتي والله ماتصل سوير قومي اتصلي عليه
ساره : هــا انـا اتصل على ابــوي تبــوني أندفن الريم انتي اتصلي
الريم : مــابي حتى أنـا اخاف
المناوبه : أنتو جالسين تتعــازمون عطــوني رقم أبـوكم وانا اكلمه
اسيل : ايي والله صح فــكره حلــوه
خذت المنــاوبه رقم بــو بدر واتصلت عليه بــس ..( لم يتم الــرد .. ومره ثانيه وثالثه وكل على هذا الحال ( لم يتم الرد
ساره : يــو ليكوون ابوي صاير فــيه شيء
اسيل : بسسم الله عليه لا تفاولين يمكن نسى جواله في البيت
الريم : ولا يمكن العقــربه زوجتــه أخذت الجوال
تأففو من الريم اللي كل أشــوي تدخل زوجــة ابــوها في السالفه
ساره : اسيلــوه خلاص مافي الا بسيل اتصلي عليه
اسيل : بسيــل انســي اتصل عليه ماتفهمين تــوه راجع من الجامعه
المناوبه : ويعنــي شلـــون راح تجلســون لما العصر ماعندكم أخــو غيره ..؟
الريم : إلا عندنا بس مانعرف رقمهم
المناوبه : طيب ورقم بيتكم
ساره : ماعندنا كل واحد وله جــوال
المناوبه : لاحووول
اسيل : الريموو ماتعرفين رقم الياس ماصدق
الريم : لا والله ماعرفه
ساره : ايي لقيت فــكره اتصلو على جوالي وانـا اعرف تــركي ملـقـوف لازم يـرد على جوالي
المناوبه : يلا خلصينا عطيني رقم جوالك
في الجامعه ..
الياس : يــالله كيف كذا سيــارتي أختربت
بسيل : والمشكله اني ماجبت سيارتي وبندر وفيصل مشــو
الياس : يعني والحــل ..؟
بسيل : مــدري أنـا فيني نــوم
الياس : طـيب عطني جــوالك اتصل على مساعد ولا فراس يجــون
بسيل : مساعد و فراس فـي هالوقت في سابع نــومه وفيصل تلقاه تــوه راجع وهم نايم و مستحيل احد يصحى
الياس : طيب والحــل ......!!!
بسيل : تركي أتصل فــيه
اليـاس : طيب عطنـي جوالك جوالي طـافي
مــد بسيل جواله وأخــذه اليــاس .. وهو يتصل على تــركي ..
عند تـركي ..
فـي السياره واقف قدام العماره
تركي : خلاص رحيل بكره بمــر عليك وبوديك نفـس المدرسه اللي فيها خواتي وتسجلين عندهم
رحيل : أوكــي خلاص
تركي : يـلا باي
رحيل واهي تفتح الباب : باي
نزلت رحيــل ورن جــوال تــركي ..
تركي : الوو
الياس : وأخيـرا’ حنيت علينا ورديت
تركي : منوو ..؟
الياس : انا الياس ياتبن
تركي : ايي وش تبي
الياس : تعال لنــا الجامعه ضـروري
تركي : فاضي لكم أنـا وين سيــارتك ..؟
الياس : سيــارتي اختربت وبسيل ماجا بسيارته
تركي : وبندر وفيصل وينهم عنكم ..؟
الياس : راحو
تركي : طيـب مسافة الطريــق وانا عندكم ..
فـي المدرسه
المناوبه بعصبيه : وبعــدين معاكم ماتشوفون حـــل
ساره : اسيل وبعدين معااااك خلاص اتصلي على بسيل وفكينــا
مدت اسيل بوزها واهي تقول : مابي
المناوبه : اسيل لو ماتعطيني رقم اخـوك الحين والله لأرجع واتركك انتي وخواتك
اسيل : انزين خلاص خلاص بعطيك رقمــه بس انا اكلمه
اتصلت المناوبه على جوال بسيل ..
الياس فتح الباب اللي قدام علشان بيجلس
اسيل وهو يبعده : رووح زين انا بركب قدام يلا روح طس وراء
الياس ناظره بحتقار وركب وراء
وفي وسط الطريق بسيل رن جــواله : الوات
اسيل : الوهاااااااات بســول
بسيل : اسيل بسم لله من وين طلعتي ومنو جواله
اسيل : هذا جوال المدرسه عيــوني نايم صح ..؟
بسيل : لا توني راجع من الجامعه
اسيل : يــو ليه
بسيل : كنت جــاي مع فيصل وراح والياس اختربت سيارته وتنقعنا في الشمس
اسيل : يــو حتى احنا متنقعين في الشمس تخيل السواق ماجاء لما الحين و ..
قاطعتها المناوبه : يــلا عااد قاعده تقولين له قصــة حياتك انتي
اسيل : بسـول خلاص اكمل لك السالفه في البيت بس خــل احد يجي لنا
بسيل : اوكي الحين اقول حق تركي
اسيل : طيب لا تتأخر
بسيل : اوكي باي
اسيل : باي
المناوبه : وش قال ..؟!

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -