بداية

رواية ضحية حبك -5 البارت الاخير

رواية ضحية حبك - غرام

رواية ضحية حبك -5

اختار فرقاك اش على بالك الموت لعبه "
ريما عصبت
ارسلت له
"عطشان: ارويك
بردان: ادفيك
خايف: اهديك
جوعان: دبر نفسك مااكد عليك "
رجع ارسل لها
"احبك انا مغرم فيك"
ريما ارسلت له
"منو انت"
ارسل لها
"تعرف شو الغرام
الغرام
اصغر من الكيلو جرام "
ريما ارسلت له
"يوووه من انت اخلص"
ارسل لها
" انا الحب"
ارسلت له
"تخسي "
ارسل لها
"ياريما بنت عبدالله ال.... اعقلي "
ريما خافت وقفلت جوالها
بعد شهرين
ريما تعلقت بمحمد ومحمد خطبها وقال انه هو اللي مهبل فيها يوم الرسايل
ام شادن كلما وعلقتها بنواف تسوء من ميعاد
ميعاد كل شوي تقرب لهدفها نواف
شجون صارت حامل بالشهر 3 وتحب عبدالاله
عبدالاله اللي ينتظر المولود احر من الجمر
اما نواف اللي مايدري وش يسوي لان علاقته بشادن جالسه تسوء
: الو
:هلا وغلا
: هلا شادن اخبارك وحشتيني
شادن: وانتي اكثر يووه تعالو بسرعه يااني مشتاقه لك
: كذابه
شادن:شجوونه بليز تعالوو وربي اني محتاجه لك
شجون: وه يابعد قلبي انتي
شادن وهي تبكي : انا مهمومه ياشجون جالسه اختناق تصوري نواف مايبيني
شجون مصدومه: وش تخربطين
شادن تبكي: اقولك مايبيني لان مره من الايام كان انا وميعاد بالحالنا جلست ميعاد تسبني وانا ساكته يوم سبتها ابي اوقفها عند حدها الا ونواف دخل ويجيني كف منه
يقول لي شكل اهلك ماربوك ياشادن
شجون: لامااتوقع كذا يصير لا وش جالسه تقولين
شادن: وربي وربي مااكذب
شجون : اوريك ياميعادووه الحيوانه اسطرها بس صبري علي
شادن: متى بتردين
شجون: مدري
شادن : سمعي اخذت قراري لازم ننفصل انا ونواف اقولك كل ماقلت لا ياشادن نواف يحبك وراوح عند ميعاد علشان اتسامح لقيت نواف عندهم تخيلي يناظرني باستحقار
وربي هي اللي بدت ليه كذا يصير فيني عقب ماحبيته بس خلاص ماراح اظل كذا لازم يطلقني وياخذ ميعاد خلاص اهانه خلاص سب وربي طفشت من االدنيا
ياارب خذني وريحهم
شجون: استغفر الله وش جالسه تدعين انا ابيك انا احتاجك قربي انت نصفي الثاني لاتدعين على نفسك
شادن تصرف: يلا باي لازم اقفل
شجون: بايات
سكرت شادن من الجوال
وارسلت لنواف
"
اذكروني عندما يكون القبرُ داري
والحجر الأسود وسادتي
والكفن الأبيض ثوبي
وغدا تمرون على القبور
باحثين عن قبري
فلن تجدو سوى حبي"
نواف منصدم من الرساله قام من مكانه رايح لها
شادن:الحين بيجيك ياشادن الحين لازم تردين له كل شي خلاص لازم تمحينه من بالك ايه لازم تمحينه من بالك
طق طق طق
شادن : ادخل
ريم : وش عندك هنا الموهم نواف تحت يبيك
شادن : قولي له ماتت
ريم : اقول بلا دلع انزلي له
شادن نزلت له وهي معصبه منه
شادن :نعم خير صح بقولك هذي اغراضك وترمي عليه الدبله والطقم وهداياه
شادن :ابي طلاقي يانواف والله يسعدك مع ميعاد
شوي ويجيها كف يمشي مليووووون من نواف
نواف: لو على جثتي ماطلقتك ياشادن واتركي الدلع
شادن وهي تبكي: اي دلع عقب ماجرحتني قلي اي دلع يوم اهنتني قدام ميعاد اي دلع اللي تتكلم عليه يوم نزلت راسي قدامها بس برد هالكف كفوف يانواف
نواف: يلا طسي وطلاق مافيه يلا انقلعي
شادن طلعت وهي تبكي وصلت لصاله شفته بيطلع قالت بصوت عالي : هــــــــــــــــــــــــذي مو مررررررررررررجله يانوافوه الزفت
نواف :هههههههههههههههههه يلا طسي باللي مايحفظك بزران اخر زمن
ريما : اقولك هديل وش صار على نواف وشادن
هديل : اسمعي ابيك تجين انتي والسايق حقكم بسرعه
ريما: طيب طيب
ريما وصلت بيت هديل وطلعت لها هديل وركبت
ريما: وين
هديل بنحجز لشادن بتسافر

الـــجزء الـــتاسع ومــأ قــبل الــآخــيـر

ريما منصدمه : وشووووو
هديل : اوووووووص علشان نواف ماتبيه تقول هو يحب ميعاد وماخذها بس يعذبها
ريما: بس ماتوصل انها تسافر وماتعلمه
هديل: اقولك رافض يطلقها
ريما: الله يهديهم
هديل: امين
شوي جات رساله لهديل من شادن
" وجع هاه حجزتو بسرعه ابي اقرب طياره الليله"
هديل ارسلت لها
"طيب اصبري"
شادن بعد ساعه اتصلت عليهم
شادن: الو وش صار
هديل : ايه اليوم الساعه 1 الليل هاه وش رايك
شادن : حلو خلاص الحين الساعه كم
هديل : ياغبيه عندك الساعه
شادن: مانيب فاضيه اناظرها بسرعه الساعه كم
هديل : 12 ونص
شادن : طيب اهلي كلهم نايمين تعالو خذوني
هديل :يلا بسرعه كلها مسافة طريق

شجون:عبدالاله شففت وش سوى نواف وربي مايستاهل شادن
عبدالاله:ايه المهم وشادن وش سوت
شجون: مدري بس تقول انها تبي الطلاق
عبدالاله: لاحول ولاقوه الابالله

الساعه وحده الظهر1:00
نواف توه قايم من النوم راح ياخذ ششور وطلع يلبس ونزل يفطر عند امه
فتح جواله لقى فيه ثلاث رسايل من شادن استغرب فتح الاوله لقى
"قبل انتـفارق سطرتلك يميني آخر رسالة حب أودعك فيهــــــا .. هذا قدرنا بالهوى صدقني الايام ماتمشي
على مانبيها ودعتك الله وإن قسيييت أعذرني وعيوبي اللي تعرفها..استرها وان كان عذبتك معي سامحني وانسى ذنوبي واغفرهـــــــــــــا"
فتح الثانيه لقى
"
عطيتك كل ما املك ولا فكرت بالمردود
وكل ماتصدمني بجرح اقول احباب طوفها!
"
الثالثه لقى
"نواف اخبارك اليوم ادري بتنصدم بس انت ماخليت لي فرصه قلت لازم انهي كل شي على العموم حبيت اقولك تزوج ميعاد
وانا سافر لبعيد يانواف بعيد لاتخاف علي انا احرس منك يانواف ابيك بالخير تذكرني وتسامحني لاني ماادري اذا بموت اليوم ولالا
كل شي بيد ربي والحين انا اودعك ابي اقولك لعد ترسل لهذى الرقم لاني بغيره يلا باي"
نواف مصدوم كان احد كاب عليه مويه بارده
ام نواف : يمه نواف وش فيك
نواف : ولا شي وطلع من البيت كله
نواف يدور بسيارته وهو يفكر(وشلون ياشادن تركتيني ليه انا احبك حرام عليك ارجعي ياشادن ) وخانته دمعته ونزلت على خده (نواف ارسل لها يمكن
يهديها الله وترجع البنت مجنونه تسوي كل شي)
ارسل لها
"صحيح اني انا المخطي
وانا الجاني وانا المسؤول
ولكن هل هناك انسان في ذا الكون ما يخطي؟"


وظلو ابطلنا على هالحال لمدة سنه ونواف دايم يذكرها في ليله ونهاره وصبحه واكله وشربه ونومه في كل شي شادن
اما شادن كانت مهمومه كثير واشتغلت بــكندآ وربي وفقها
شجون وعبدالاله رجعو معهم سلطان الصغيرون
وريما قرب زواجها من محمد
محمد دايم فرحان لان ريما بتصير له
اما هديل تستنى سعيد الحظ فؤاد
في البر
نواف: يازلايب انقلعو هناك بس ههههههههههههه
عبدالاله: قل والله تبيني اسرع شايفني بايع نفسي ياخي انا عندي مسؤليه زوجه ولد وبيت بكبره فوق راسي وانت فاضي يعني عادي تبيع نفسك
محمد: قسم بالله انك فاضي يانواف ههههههههههههههههه
نواف اثرت فيه كلام عبدالاله وقال: يلا شباب انا دايخ بريح شوي بالخيمه
شجون اللي حست فيه ولحقته للخيمه
انسدح نواف وهو يبكي بصمت
شجون: نواف ممكن اجلس
نواف وهو يبتسم : اجلسي حياك
شجون: تسلم نواف انت مضايق
نواف : وشلون مااتضايق وروحي مو معي ولا بعد ياليتها شهر ولا شهرين سنه ياشجون سننه ااااااااااه بس ليتها تكلمني ولا بس ترسل تطنشني
وربي اني ندمات
رن جوال شجون وكانت شادن فعرفها نواف من النغمه
غاب نورك الا طول في غيابه
عن سما عشقي وعن دنيا خفوقي
الصبر وشلون بتحمل عذابه
وانت بعدك نشف الدم بعروقي
بعدك انت اعلن القلب اقتراضه
ما بقى له شي منك الا شوقك
من يلومه لو فقد بعدك صوابه
وانت نقطه ضعف قلبي وانت روحي
نواف : هاتي برد انا
شجون مدت له الجوال
رد بدون مايتكلم
شادن: الو شجون اخبارك اخبار اهلي ونواف وام نواف وريم ونوف وسلطونه وه وحشني تصدقين يشبهني هههههههه
نواف: احنا بخير انتي كيفك
شادن انصعقت من اللي رد قالت بكل فخر: بخير يانواف
نواف: كيف بعدك عنا
شادن: بخير وربي اني مرتاحه
نواف: يهون عليك عذابنا
شادن: هم عذبوني
نواف: بس هم قالو احنا اسفين
شادن: ماكـل جـرح بلسمـه كلمـة آسف
نواف : هم يحبونك وربك يشهد
شادن: هم اجرحوني
نواف: اذا قال بموت من بعدك بتردين
شادن: لا كرامتي وعزت نفسي ماتسمح لي
نواف:هم ماتو من بعدك
شادن تبكي وتشاهق
نواف يسمعها وهو يزيد: يحبك وربي مستعد يبوس رجلك
شادن : باي وراي دوام
نواف : باي
سكر نواف منها ورمى الجوال على شجون وراح يدور وهو يسمع
غاب نورك الا طول في غيابه
عن سما عشقي وعن دنيا خفوقي
الصبر وشلون بتحمل عذابه
وانت بعدك نشف الدم بعروقي
بعدك انت اعلن القلب اقتراضه
ما بقى له شي منك الا شوقك
من يلومه لو فقد بعدك صوابه
وانت نقطه ضعف قلبي وانت روحي
يا سراب صرت انا اعشق سرابه
لو ظهر لي تم ويرد دمعه في موقي
ليه تبعد والهوا تجهل حسابه
وانت وصلك بالهوا ابسط حقوقي
نواف :( آآآآآآآآآآآآآآآآآآآآآآه يادنيا جيبيها بسك عذاب خلاص يكفي)
عبدالاله من وراه: الحلو وش جالس يسوي
نواف: افكر بروحي
عبدالاله جته فكره: اسمع عندي فكره تقدر تجيبها
نواف وهو فرحان: وش هي
عبدالاله: اسمع بحاول اعرف لك مكانها ورح لها
نواف: بس من مين
عبدالاله: من شجون
نواف: يلا بسرعه الله يوفقك
عبدالاله راح عند شجون
عبدالاله: الا شجونه وين شادن مسافر
شجون: اقولك بس ماتعلم نواف
عبدالاله: ايه
شجون: راحت لكندا

الـــجزء الــعاشـــر والآخـــير

عبدالاله: اها بس وين ساكنه
وبعد ماعرف عبدالاله مكانه وين ساكنه
طيرااااااااااااااان نواف يحجز له
محمد : وين نواف
عبدالاله: مدري عنه
شجون: لايكون علمته
عبدالاله: ايه اجل كذااخليه حرام عليك لازم يرجعون لبعض
ميعاد بصراخ: لالالالالالالالالالا ياحقير ليه كذا عقب مافرقت بينهم
عبدالاله: بس انتي وربي لا اتوطاك مو ناقصني انت ياغبيه يلا اذلفي
محمد :اخاف ترفض شادن ترجع
عبدالاله: افا عليك نواف يعرف لها
ريما: لاتخافوون بترجع
محمد حب يحرج ريما: ريما قالت بترجع فهي بترجع وه ياريما احبببببببببببببببك انا
ريما مستحيه: بس خلاص
شادن بشقتها جتها رساله من نواف فتحتها
"شادن جيتكـ جيتك وربي احبكـ"
شادن استغربت قالت برفع ضطه وارسل له
"ودي اقلك عن الي بخاطري مكنون...
انا خلاص قررت ابعد وهاذي حياتي...
لاتقول بعد ماحبيتك وصرت فيك مجنون...
اي احد مكاني صدقني بيسوي سواتي...
انت عندك من يحبك ويعشقك وهو فيك مفتون...
وانا يكفي معي ربي وباقي ذكرياتي.
كفاية زعل وانسى اني طيبة وقلبي حنون...
هذاكان اول يوم احب واعشق واحاتي

انا ارجوك ماعاد تسئل علي هم عليك اكثر يخافون..
انا برحل عن دنيتك وبحمل معي باقي شتاتي..
لاتقول احبك طز في الحب يلعن ابو الحب ملعون..
ولاتدخل في سين وجيم وتقول اقولك مبرراتي..
خلاص ماعاد بينفع حتى لو بيلومون..

واقلك نصيحة تحطها حلق في الاذون...
يوم انك تنام فكر وين كانت تصرفاتك بالنسبة لتصرفاتي.
تحسبني عندك طفلة بتسكتني بحلاوة وبلون.
لا ياعمري هذا عدى وانتهى وفاتي..."
نواف مااهتم بكلامها وقال بنفسه اجيبها يعني اجيبها
الساعه 4:00 العصر
شادن بالفندق تفكر بكلام نواف امس
شادن: اووووووف طفشت بطلع اتمشى احسن لي
طلعت وهي تتمشى طاح من يدها جوالها
:اوووه طح من يدكـ اتفضلي
شادن وهي ماشافته: شكرآ
:العفوو
عبدالاله: الو نواف هاه لقيتها
نواف وهو يبتسم: ايه اليوم طاح جوالها من يدها بس شكلها ماشفتني ههههههه
عبدالاله: طيب وش بتسوي
نواف: ماعليك خلها علي
عبدالاله: قول وربي اني قلقان
نواف:شوف انا بسوي ....
شادن وهي تفطر سمعت احد يقول احببببببببببك ياشادن التفت يمين ويسار مالقته
شادن(ايه هذا نواف صوته بس وينه نواف لاتعذبني لالاتتوهمين اكيد لاني اشتقت له)
:شااااااااااادن امووووووووووووت فيك
اللي بالمطعم يدورون مصدر الصوت بس مولاقينه
شادن بصراخ:نوااااااااف اطلع ادري انت هنا
:تتزووووووووووووووجيني شادن
شادن تبي تطلع الا ونواف قدامه وجالس على ركبته ويطلع من جيبه الدبله ويقول بصوت علي :شادن بنت طلال الخالدي تتزوجيني
شادن بتبكي خلاص : نواف بلا فضايح وخر وبعدين ليش جيت وشلون ومن عرفك بمكاني
نواف: قلبي ياشادن قلبي وربي احبك تتزوجيني
شادن موقادره خلاص: نواااف عمري ماشلت بخاطري ولا زعلت منك بس طريقتك استفزتني انت اهنتني قدامه كرامتي انجرحت يانواف
نواف: اسف وربي اسف شادن ااااااااااااااااااااااااااااااااااااسفه سامحيني
جت حرمه لشادن : سامحيه يابنتي وتزوجيه ترا فرصه اليوم ماتتعوض بكره
نواف: ايه قولي لها وربي احبها بس راسها عنيد
شادن وهي خلاص تشاهق :احبك يانواف ايه احبك موافقه موااافقه وقسم موافقه
نواف من الفرحه شالها وصار يدور فيها
شادن: يامجنون نزلني خلاص خلاص
نواف:بحجز اقرب طياره ترجعين خلاص
شادن:خلاص
هديل بالغرفه تبكي معها شجون وريما
هديل وهي تشاهق: احبه ايه احبه انا كلي فدوه لعيونه بس هو ليش كذا ليش انا بالذات وش فيني مايبيني
شجون: يابنت الحلال الولد مغصوب تلقينه
هديل : وش مغصوب انتي ماشفتي وش قال لي
شجون : وش قال
هديل: يقول انا ماابي وحده زيك ياهديل انا احب وقرب راح اتزوجها
شجون: بنت لا مااتوقع
هديل: كل يوم اقول كذا الين جتني الدعوه لزواجه زووووووواجه اه ياربي خلاص انا ماعاد اتحمل
كل يوم اجي اقول بقوله احبك بس تصرفاته تخليني مااقول
شجون: تعوذي من ابليس
هديل : برسل له
شجون: وش ترسلين
هديل: الحين تعرفون
وارسلت له
فؤاد بالغرفه ضايق خلقه جته رساله
فتحها لقها من هديل
"صديت عني ولكني على بالك
واناادري انك تبي لك واحد ثاني
جرحت قلبي وخليتك على فالك
ماودي اصارحك وابين احزاني
شكت لك عيوني عنادك وغربالك
نيابة عن شعور القلب ولساني
شكيت لك وانت دايم شايف حالك
ماتدري ان التواضع موقف انساني
غريبه اشكي عليك الحال والجأ لك
وانت السبب في عذاب القلب والجاني
والاغرب كثر ما احبك لحالك
ماعمري اتذكر ان ا لحب بكاني
أموت بك واعشقك واعيش بوصالك
وافديك فوق المحبه قلب مجاني
اعطيك الاشواق وتبادلني اهمالك
المفروض تهتم وتضحي على شاني
اسألك بالله ليه الهجر يحلالك
وليه الحلا فيك ياخذ طابع ثاني"
فؤاد ضاق خلقه زياده وحس ان الدنيا بدت تقلب عليه ارسل لها
"قريبا ساأترك
وأعذريني علي الفرقا
ماكنت ناوي أتركك
بس هاذي الأيام وغدرها
وهذا اللي يبيه القدر
إفتحي صفحة مع غيري
وعيشي أيامك الحلوه
هي شهور مرت بحلوها وبمرها
إسمحي لي غصب عني بفارقك"
جالس ينتظر رده دقايق ويجيه الرد فتح الرساله
"تمنيت ارحل لعالم عليه الفاتحه تقرأ ..
ورفض موتي يواجهني بوجه القادم المخفي ..
فهل شفتوا جسد ميت رفض يستقبله قبره ؟!!
انا هذي معاناتي واظن اللي مضى يكفي ..."
ارسل لها
"نفسي أقول:
إني حزيـن
إني سجيـن
~لكل ذكرى لك معي~
وأبغى أقول:
إني أنــا
أشكي العنا
~وأقول للذكرى ارجعي~
وأرجع أقول:
ليت الهوى
يجمع سـوى
~أهل القلوب اللي تعي~
ونسيت أقول:
من الفراق
الصدرضـاق
~والعين هلت مدمعي~
ببقى احبكـ""
ردت عليه
"
قـالوا: يحـبك قلت: لا تظلمونه
قـالوا : يبيـك قلـت : يا ناس تكفــون
أنـا عـرفته قبل مـا تعـرفـونه
مــا قــال احبك انتوا اللي تقولون
أنـا دخيـل الله لا تجـبرونـه
الحــب من رب السمــا خــالق الكــون

اي محبه واي عشره واي حنان ؟؟!!
واي شوق اللي انت تتكلم عليه ؟؟!!
يعني واثق ان باقي لك مكان
وان قلبي لك يرد لو ترتجيه
قلبي اللي غلطته حبك وصااان
لو يصافح قلبك كنت اقطع له ايديه"
جالس بين همومه مو قادر يرد عليها اكثر خلاص هي مو له
الــــيوم المـــوعـــد المنتظر لمحمد وريما يوم زواجهم
القاعه كانت خياليه واثاثه بـ لون الوردي والابيض الطاولات ورديه والكراسي بيضه والكوشه كلها ورود بلون الابيض والوردي
ريما كانت خياليه بالفستان الابيض والوردي
شجون لبست فستان اسود ماسك على جسمه طالعه روعه
هديل لبست فستان نيلي منفوش من تحت
اما شادن فكانت لابسه احمر طويل مخصر على جسمها<<ماتعرف توصف خخخخخخخخ
ريما: بنات وربي اني خايفه
شجون: لاتخافين وبعدين ماله داعي الخوف
هديل بحزن:ياليت شادن معنا
شجون: ايه والله
ريما: وينك ياشادن ليتك تخففين حزني
طق طق طق
ريما : ادخل
شادن: هااااااااااااي بنات اكيد فاجأتكم هع هع
البنات كلهم ضموها واللي بكى
شجون: انتي وعه
شادن: بلا دلع وش وعه
شجون: وربي بايخه كذا تروحين يعنني بسوين روميو وجوليت انتي ونوافوه بصراحه ماله داعي
هديل:ايه انتي كخه
شادن: وش كخه بعد
هديل: لابس اقلد شجون ههههههههه
شجون: انزلعي يلا تلايطي
هديل : وهـ فديت الزعلانين وين عبدالاله يجي يراضيها
شجون استحت ونزلت ولحقوها شادن وهديل
جلسو يرقصون والكل منهبل على شادن وهديل
جت عجوز لشادن
العجوز: اقول بنتي وش اسمك
شادن : هلا خاله اسمي شادن ليه
العجوز: انتي مخطوبه او محجوزه بصراحه بغيتك لولدي
هديل فطست ضحك: اقول خاله انتبهي ترا يدخل فجاءه نواف ويذبح ولدك ابعدي عن شادن هههههههههههه
شادن: اسكتي بس وش شايفه نواف مجرم زيك
العجوز: هااااااو ومنهو نواف هذا
شادن: زوجي
العجوز : اها الله يوفقكم وبصراحه مو باين عليك يلا اجل مع السلامه
جاء وقت دخول محمد على ريما لان ريما رافضه انها تنزف جلست المصوره تصورهم وطلعوو وجلست ام ريما تبكي وام عبدالاله فرحانه لان اثنين من عيالها
تزوجو
فضت القاعه وماكان فيه الا اهل شجون وهديل وريما وام نواف واهل ريما
هديل: بنات تعالو نستهبل
شجون: وش تستهبلين
هديل : نلعب حبشه افصخو كعبكم خلونا نلحق بعض
ام عبدالله (ام شجون): شجوون وجع تعال خذي ولدك يبكي
شجون: يمه خليه شوي بنروح دقايق ونرجع
شادن :انا مافيني حيل العب
ام ريما: اجل يلا مع السلامه
وراحو يودعونهم بيطلعو
ورجعو البنات يكملون لعبهم
هديل: يمه يمه رووحي الحقي شادن كله انا انا
شجون: مالي دخل انتي اقرب وحده
شادن: انطم هديلوه غايره علشان شجون حبيبتي مالحقتني
هديل: والله ماقلتي حبيبتي الا علشان ماتلحقك
شوي الا وشجون تلحق شادن وشادن تركض الين صقعت في صدر نواف وهو داخل
نواف: اووووه اروح ياقشطه وش هالجمال
شادن: استح
نواف: وهـ وهـ فديتك اه ياقلبي الحقووني
شادن: وبعدين
نواف: اروح زبده بخبز
شادن: خلاص استح اهلك فيه
نواف جلس يغني: وش علي انا من الناس وش على الناس مني
شادن: لا شكلك مطول انت
نواف: وربي طيرتي عقلي بالاحمر يازينك بس ..(رفع يدينه لسماء) ياارب تجمعني بها وتخليها لي وتسترها
شادن: امييييييييين
نواف: امشي ندخل اخل
دخلو وجلسو كلهم مع بعض
شجون: هههههههه نواف في عجيز خطبة شادن لولدها
نواف: وشو وبعدين انا واثق ان شادن راح ترفض.. التفت عليها وقال صح
هديل: يالواثق
نواف: اكيد بكون واثق وانا مالك قلب شادن
شادن: لاتستعجل انا قلت لها بفكر وبرد لك بعدين وعطتني رقمها وكلمت امي
نواف عصب : جيب رقمها بروح اذبحها واذبح ولدها
هديل تذكر كلامها وتضحك: هههههههههههههههههههه شادن طلع كلامي صدق يوم قلت للعجوز علشان نواف يذبح ولدك
شادن: هههههههههههههههههههههههههههههه صح ههههههههههههههه
نواف: الكلام ياشادن صدق ولالا
شادن: وشبك اكيد صح بس ماوافقت قلت انا متزوجه
نواف هنا ارتاح: اشوى ولا بغيت ادعسها هي ولدها
ام نواف :هههههههههههههههههههههههههه ولدي صار متهور والسبب شادن
نواف: وشلون مااتهور علشان كل هالجمال قولي لي يايمه وشلون مااتهور وانا باخذ ملكة جمال والاخلاق والطيبه والعفه
شادن هنا ذابت من كلام نواف
نجي عند المعاريس ريما ومحمد
دخلو الفندق وراحو لجناحهم ودخلت ريما برجلها الايمن
بعد نصف ساعه
ريما: محمد اطلع برا بغير ملابسي
محمد: مانيب طالع شيلي هالفكره غيري قدامي ولا انطقي كذا
ريما: محمد الله يخيلك تكفى
محمد: وبعدين ليش اطلع المفروض اساعدك
ريما : لامحمد تسلم اطلع بس دقايق
محمد: بتتعبين بلحالك خليني اساعدك
وجلس محمد مع ريما
وكذا تزوجو محمد وريما


بعد شهر من زواج ريما ومحمد جاء زواج نواف وشادن
شادن : واللي يرحم امكم كلكم اجلسو ولا واحد يطلع
شجون: استحي وبعدين لو قلتي ابي زفه كان احسن من انك تنطقين هنا زي الحيوانه مع نواف يلا بنات خلونا نطلع
تجي شادن تركض تقفل الباب
شادن: والله ماتطلعون خلاص حلفت ياليتني قلت ابي زفه وبعدين ياغبيه ياشجون كلها واحد مصيري اروح معه
شجون: شفتي انك غبيه
هديل بصراخ : هييييييييه يامهبل اصلآ من قال لي اجلس معكم يامهبل
ريما: احسن ياشادنوه الدبه انا يومني اقولك اجلسي معي طلعتي خلك يلا بنات خلونا نطلع
شجون: صومي ثلاث ايام على حلفك
طق طق طق
شادن من ورا الباب: مين
ريم : افتحي اخلصي
شادن : انقلعو انتم هذي اختي حبيبتي جت
شادن فتحت الباب لريم والبنات هجو ماتشوفون الاغبارهم وشادن تدعي عليهم انهم يطيحون كلهم
ريم: شادن محمد اخوي يقول ان نواف بيدخل
شادن: وشوله يدخل خلوه برا
ريم: وشو انتي صاحيه ولا شاربه شي هذا زوجك يالغبيه لازم يدخل ههههههههههههههههه مهبوله ضربت الفيوزات عندك خليني اطلع بس بيدخل يصور وتنقلعين معه
وتطلع ريم ويدخلون نواف على شادن
نواف: السلام عليكم
شادن وهي ميته خوف من تهديد نواف : وعليكم السلام
ويبدون التصور كان نواف جريئ مره ماخلى ولا صوره الا وشادن مستحيه وتدعي عليه ههههههههههههه<<لا تلومونها
ودعت امها واخواتهاواخوانها وراحت مع نواف
وصلو فندقهم ويدخلون جناحهم
شادن: نواف اطلع نام برا
نواف: وشو منيب طلع
شادن:تكفى
كان نواف عند باب الغرفه وشادن داخل الغرفه تبي تدف نواف تقفل الباب بس نواف ماعطاها فرصه جاء بيمسكها الا وتهج للحمام وتقفل الباب عليها
نواف: شادن اطلعي بسرعه
شادن: منيب طالعه الين تقول ماراح اللمسك
نواف وهو يضحك: ترا بكسر الباب
شادن: مافي امل
نواف: احسن لك اطلعي
شادن: ماابي
نواف: اجل خليني اروح لزوجتي الثانيه
شادن: وشو ومن متى
نواف : يوم كنتي بكندا
شادن طلعت تبي تضربه الا ونواف يهجم عليها

وبعد فتره

* نــــــــــ شادن ـواف يمووت في شادن مايقدر يخليها يوم واحد تزوجو وعندهم بنت وولد
راكــان 15سنه جذاب طويل ذات هيبه ورزه وشخصيه كريم طيب حنون على اخته ياخاف على اهله كثييير ودايم يقول انا رجال البيت يحب كادي رغم انها صغيره
تالآ 9 سنوات بنت تجنن شبية امها بالطيبه والتسامح والعفه تقدرون تقولون شادن الثانيه
* عـــــــــــــــــــ شجون ــبدالاله كل واحد يحب الثاني عندهم ولدين وبنت
سلطان 19 سنه وسيم خلص الثنوي ومقرر يصير دكتور يدرس برا
فـــيصل 15 سنه تؤم راكان جذاب نفس راكان <<مايحتاج شرح لانه شبيه راكان
كادي 9سنوات تحب شي اسمه تالآ وكادي تحبهم مووووت
* مــــــحـــ ريمـــا ــمد تزوجو بعد طلعت الروح عندهم بنت
جـــونا 5 سنوات تجنن صغنونه تخاف من شادن علشان شادن تخوفها
* هديل ومنصور تزوجو زواج تقليدي
هديل نست فؤاد وعاشت حياتها مع منصور تحبه وهو يحبها وهي الحين حامل بالشهر الاخير بولد
*فؤاد عاش حياته مع زوجته بس ماقدر ينسى هديل جاب بنت وسماها هديل عليها وصارت نفس هديل بالتصرفات وكل شي

وهكذا انتهت قصتي وان شاء الله نالت اعجابكم
دامتم كما تحبوون


ادري بتقــولون قــصيرهـ لاني بصراحه مبتدئه والى الان ماشفت ارائكم
وان شاء الله راح انزل روايه ثانيه واطول من هذي قريبآ وتنال اعجاب الكثير
دمتم بــخير

تجميع زهور حسين



تعليقات
    حجم الخط
    +
    16
    -
    تباعد السطور
    +
    2
    -