بداية الرواية

رواية طنش تعش تنتعش -6

رواية طنش تعش تنتعش - غرام

رواية طنش تعش تنتعش -6

لين وصلت نص الجسر ومن بعده توقفت الاغنية وسمعة زغاريد الحريم التفتت شافت المعرس خالد داخل ومعه اهله وتروح له تاخذه من اهله وتبدآ على اغنية كلها شوق وحب
وبعدها دخل اخوها وامه وسلمو وباركو لها وودعوها وراحت معه للفندق
في الشقه عند ياسر واخوانه
فارس وهو معصب: شفت ياياسر كله منك ماتت ماتت جنى راحت
ياسر وهو حزين: ماكنت بتوقع انها بتموت وربي
فرآس: يلا ياشيخ راحت وهي حزنانه عليك وشايله بخاطره اكيد وربي حرام عليك
فارس: هذا مايستاهلها ابدآ توني ادري انك انسان نذل ياياسر
ياسر: بس خلاص حرام عليكم انا ماتركتها انا احبها بس انت تعرف اني تهورت على بنت عندي بالعياده والحين لازم اتزوجها
فرآس: حرام علينا طيب ماسألت هي وش كانت تقول بقلبها اكيد تقول ياسر حرام عليك بس رحمتها لا مارحمتها ليش نرحمك حنا هاه جاوب
فارس: هذا وين له وجه يجاوب وربي انا استحي من نفسي بس انت
فرآس: اقول فارس امش لانصير مثله من عاشر قوما اربعين يوما صار منهم
وطلعو وتركوو اخوهم بالحاله
بالقاعه وبالتحديد بالممر اللي بين الرجال والحريم كانت خلود تكلم صديقتها رنيم
خلود: لاحبيبتي
رنيم : طيب خلود انا لازم اسكر يلا باي
خلود: مع السلامه وسكرت الجوال وجت تبي تدخل شافت زوله زول نصفها الثاني
طلال: اخبارك خلود
خلود تحاول تخفي شوقها له: بخير بدوونك
طلال ببرود : دوم
خلود جت بتروح بس مسك طلال يدها وقال : سامحيني
خلود:كيف اسامحك وانت جرحتني واهنتني اتركني ياطلال اتركني

الـــبــارت الــتــاسع



طلال بحزن: والله ياخلود اني ماكنت ادري وربي وربي
خلود:.............
طلال: خلود ورب الكون اني احبك مازلت افكر فيك ابرار هي اللي ركبت الصور وربي انا مثلك مصدوم وربي
خلود وهي تنهي النقاش:انتهيت مع السلامه
وراحت خلود داخل وتركت طلال غارق بحزن
بالفندق وبالتحديد شقة طارق ومزنه
طارق:مزنه احبك
مزنه صارت طماطم:.....
طارق: تحبيني .؟
مزنه تهز راسها بأيه
طارق: وش ايه تحبيني ولا لا ابيك تقولينها ترني مو اطرم علشان تكلميني بالاشارات
مزنه قامت من السرير : بروح البس وين الحمام(وانتم بكرامه)
طارق: على يمينكـ بس لاتتأخرين
مزنه:طيب
راحت مزنه تغير ملابسها وطلعت بس مالقت طارق شوي تسمع صكت باب التفتت شافت طارق يناظرها بخبث
قرب منها طارق
مزنه:طار....
قاطعها طارق وهو يحط اصبعه بفمها علشان يسكتها:اششششش
وماحست الا وهي على السرير
بـ شقة الهام وخالد
خالد: وهـ فديت اللي يستحون
الهام بحيا: بس خالد وربي استحي
خالد: اقول الهام ابي اجيب منك 10 عيال وش قلتي
الهام: الله كل هذولا
خالد: ايه
الهام: تراني منيب دجاجه
خالد: وانا قلت دجاجه
الهام: لايعني اذا انت تبي 10 عيال بصير دجاجه بمشي وابيض وراي
خالد فطس ضحك على الهام
بــ شقة مها وسعد
مها: سعد ابي اغير لبسي اطلع تكفى
سعد: طيب خليني اساعدك
مها: سعد واللي يرحم امك اطلع ماابي مساعده
سعد: واذا قلت طلعه مافيه
مها: سعـ...
قاطعها سعد:خلاص كلها لبس بساعدك فيه
قام سعد يساعد مها و..و...و..و..
بعد مارجع الكل لبيته راحو عبير وخلود لبيت الجد ينامون هناك
عبير: صدق وقح جاي بعد 6 شهور يقول سامحيني ولا هذي ابرار احسن جعل ربي ياخذها علشان تفتكين منها
خلود: مهما كان لاتدعين عليها
عبير: تدافعين عليها بعد ما هدمت بيتك
خلود: مادافعت بس مو احنا اللي ندعي على الناس ادعي لها الهدايه وبس اما انك تدعي ان ربي يموت فهذا انا ماارضها لوهي بنتك ياعبير وش راح تسوي مو راح تبكين وراح تدعين لها الهدايه
خلاص فكري في امها المسكينه اذا ماتت ابرار وش راح يصير لها
عبير: مااقول الا طيبتك الزايده ماراح تنفعك بـ دنيا كلها ذئاب
خلود تغيير الموضوع: اقول عبوره وش يسوون الحين البنات
عبير فهمت عليها:يسوون نفس ماسوى طلال بك يوم زواجتس
خلود وهي تضحك: تصدقين اني طردته برا الجناح ههههههههههههههه
عبير: اووما عاد هههههههههههه مسكين
خلود: احسن محد قاله يقرب مني هههههههههههههه
عبير:آممممممم خلود
خلود: لبيه
عبير: لبيتي بـمنى ابي اقولتس موضوع بس سر بيننا
خلود: سرتس في بير ماله قاع قولي
عبير: انا وراكان نحب بعض اوكي وهو قالي انه يبي يتزوجني وعطاني وقت افكر واعلمه قبل مايجي يخطبني رسمي ويعلم اهلي
خلود:عبير اذا انتي تحبينه وهو يبادلتس فـ هذا نعمه اما يكون حب من طرف واحد فـ لاتوافقين وراكان رجال ماعليه كلام
عبير: شكرآ رفعتي من معنوياتي
دخل عليهم الجد
الجد: السلام عليكم
عبير وخلود: وعليكم السلام
خلود: غريبه مانمت جدي
الجد: وشلون انام يابنتي وانا فرحان
عبير: من ايش فرحان فرحنا معك
الجد: فرحان لاني جالس اشوف احفادي يكبرون ويتزوجون قدام عيني وبكره بشوف عيالهم اذا ربي عطاني عمر
خلود قامت تحب راسه ويده : عسى عمرك طويل
الجد بحزن: وانتي خلود منتب راجعه لزوجس
خلود: لاتحاول يايبه خلاص طلال عفته
الجد ودموعه تطيح من عينه وهو يقوم منهم: الله يهديكم يارب ويستر عليكم
عبير: تصدقين خلود مرات احس اني اموووت بجدي كثير
خلود: وربي ان مافي قلب زي قلبه الله يوفقه يارب
عبير: امين


بعد مرور ايام وشهور وسنين
في بيت الجد
خلود: محمد لاتبعد
محمد:تيب ماما
مزنه:يووه ياليان اشربي حليبك
مها:ههههههههه عنيده مثل امها
مزنه: سكتي بنتي احسن من ولدس الفاهي مثلتس
مها فطست ضحك
عبير توها واصله بيت جدها تدخل وتسلم على الكل
عبير: اوووف اه اه اه يابطني متى بولد
خلود: الحمدالله خلصت قبلكم كلكم شوفو حمودي حبيبي رجال
مزنه: مالت عليتس
عند الرجال
راكان: السلا م عليكم
الكل : وعليكم السلام
ابو سعد(خالد): وش صار على خلود وطلال بيتمون كذا
بو حمد: الا طلال هذا هو جاي علشان يشوفهم
بو نايف(حمد):طيب هو يدري عن ولده
بوحمد: والله ياوليدي مايدري الله يهدي اختك
الكل : امين
شوي جاهم صوت طق باب
فتح الباب محمد
محمد: نعم من انت
طلال: انا صديق ابوك يلا يابطل روح ناده
محمد: عيب عليك المفروض انك تسلم بالاول
طلال نزل لمستواه وسلم عليه وبعدها وقف يتأمله وهو يكلم نفسه(ياالله قد ايش يشبه خلود ولا بعد ريحته نفس ريحتها اه ياخلود ماتدرين وش صار بي من بعدس)
بو نايف(حمد):ادخل ادخل حياك
دخل طلال: الله يحيك ويبقيك
طلال: مو كان في شي متغير
بو ليان(طارق): وش اللي تغير
طلال بأستغراب : البزران
بو ليان (طارق) فقع ضحك على طلال
طلال: وش اللي يضحكك
بو ليان(طارق):هذولا عيالنا ياطلال
طلال: لا ماشا ءالله تبارك الرحمن
محمد:عمي بو سعد من هذا الرجال
بو سعد(خالد): تعال محمد هذا ابوك طلال
طلال وقف منصدم من اللي يشوفه عنده ولد ولا كبير بعد وعمره 10 سنين ياالله
بو نايف(حمد): تعال للمجلس بو محمد
راحو المجلس وفهمه ان محمد ولده ومحمد انطلق لأمه يعلمها ان ابوه هنا
خلود وهي تبكي : ابي اشوفه تكفوون
مزنه: طيب هدي
خلود وهي تبكي اكثر: وشلون وهو غايب عن عيني مده كثيره وشلون اهدي وانا لااصبح ولا امسي بشوفته وشلون اهدي وولدي مايعرف ابوه اااه ياطلال وربي اني مشتاقه لك
دخل بو نايف (حمد) على البنات بعد ماتغطو واخذ خلود بحجه انه يبي يكلمها ودخلها على طلال وقفت خلود وهي مصنمه مكانها وهي تتأمله وتقول بنفسها
(يالله ياطلال متغير كثير ناحف والسودا يغطي عيونه ولا دقنه اللي مو مرتب ولا شعره المحيوس يالبى ياطلال فديتك)
طلع بو نايف(حمد) من عندهم علشان ياخذون راحتهم
طلال: خلود شلونك
خلود: بخير انت كيفك
طلال: تعبان بدونتس
خلود:حسيت ياطلال بقيمتي
طلال : قيمتس فوق ماتتصورين ياخلود وغلاتس بقلبي كبير
خلود: اخبار ريفال وخالتي
طلال:بخير يبون رجعتس
خلود: شفت ولدك
طلال: يشبهس
خلود:طلال بتروح عني وتتركني
طلال: على قص رقبتي جعل يومي قبل اتركك
خلود: بسم الله عليك لاتقول كذا
طلال: تخافين علي
خلود: اذا مااخاف عليك ااخاف على منو
طلال: لبى قلبتس
طول الوقت كانت خلود تحس ان طلال مو متوازن وتحس انه يتألم بس من شنو ماتدري
خلود: طلال انت تعبان
طلال: لا منيب تعبان مافيني الا العافيه
خلود: طيب بروح اجيب لك مويه
طلال: الله يعطيك العافيه
راحت خلود تجيب مويه ويوم رجعت لقت طلال طايح في الارض وفاقد الوعي
جلست تصارخ لين جاء حمد بو نايف وشالوه وودوه االمستشفى بس خلود ماتركتهم راحت معهم
بعد ساعتين من القلق والتوتر والارتباك واللي يدعي ان ربي يقومه بالسلامه
طلع الدكتور
الدكتور:وين اخو المريض او زوجته
خلود:انا يادكتور زوجته بشر وشلونه
الدكتور:معه ورم ولازم نسوي له عمليه قبل ماينتشر
خلود منصدمه بس تماسكت :طيب خبيثي أو حميدي ووش نسبة من عملية
الدكتور :حميدي ونسبة العمليه 30%
خلود:طيب دكتور انا خايه افقده واذا فقدته بموت والله اموت بعده وين الورقه علشان اوقع
الدكتور:لاتخافي ببذل جهدي ان شاء الله الحين يجهزون المريض لغرفة العمليه وانا بروح اجهز الورقه علشان توقعين
خلود: طيب الله معك
بعد ماوقعت ودخلو طلال لغرفة العمليه جاءفراس اللي بيسوي العمليه بس انصدم لما شاف اهله كلهم بالمستشفى يبكون راح لهم
فراس: بو سعد وش فيكم
بو عبدالرحمن(سعد): طلال زوج خلود فيه ورم وهو بالعمليه الحين
فراس : صلو ع النبي لاتخافون ببذل كل جهدي
خلود: انت بتسوي العمليه
فراس : ايه
خلود: واللي يسلمك فراس انقذه مالي غيره تكفى
فراس :لاتخافين وادعي ربك
راح فراس لغرفة العمليه
وجلسو الاهل قلقانين
ثلاث ساعات
اربع ساعات
خمس ساعات
ست ساعات
طلع الدكتور فراس: الحين بننقله للعنايه المركزه اذا افاق بعد 24 ساعه فالحمدالله نجحت العمليه واحتمال يدخل غيبوبه



البـــارت الــعاشر


خلود: فراس والله يرحم امك دخلني عليه ابي اشوفه تكفى لاتردني
فراس بأبتسامه :طيب بدخلك عليه بس ماابيك تطولين
خلود: ابشر على هالخشم بس ابي اشوفه
واخذها فراس يوديها لطلال
خلود بعد ماطلع فراس علشان يخليها مع طلال
خلود وهي تبكي: طلال تكفى قوم طلال مالنا غيرك اموت لو خسرتك طلال تكفى وربي احبك وربي طلال قوم علشان محمد قووم طلال وتشاهق وصار بكائها مسموع
طلال الله يخليك قووم طلال ماتدري ايش بيصير فيني لو رحت آهـ ياطلال تكفى قووم تكفى
تييت تييت تيييت <<صوت الجهاز معلن وفاة طلال
خلود بصراخ : طلاآآآآآآآآآآآآآآآآآآآآآآآآآآآآآآآآآآآآآآآآآآل لاااااااااااااااااااا الله يخليك قوم ارجع لنا طلال تتركني كذا طلال خذني معك طلال لاتتركني كذا الله يخليك ارجع
محمد ايه مافكرت بـ محمد طلال ارجع صح ماراح تروح صح بترجع
دخل فراس يبي يطلع خلود ويحاولون في طلال
بعد الصعقات الكهربائيه والمحاولات الا ان طلال رحل الى ربه
بعد ماعدت الثلاث ايام وهي تحمل معاها حزن وهم وكئابه
في غرفة خلود
محمد وهو يمسح دمعة امه: ماما لاتبكي علشان حمود
خلود وهي تحاول تمسك دموعها عن السيل : طيب ياعيون ماما انت
محمد: ماما لاتتضايقين محمد فيه مو انتي اللي تقولين محمد انت رجال البيت خلاص لاتتضايقين انا بكره بشتغل وبشتري بيت ونسكن انا وانتي بالحالنا خلاص حبيبتي ماما
خلود وهي تبتسم لولدها: اوكي حبيبي
محمد: والحين يلا قومي افطري مع حمودي
خلود:يلا
محمد: شاطره ماما
خلود وهي تضحك على كلامه :وشاطر حمودي
شوي الا ويسمعوون الجرس
محمد: لحظه ماما بروح اشوف واجي
راح محمد ورجع معه مزنه وليان
خلود: هلا وغلا تو مانور البيت
مزنه وهي تبتسم لها:هلابك زوود منور باهله
محمد: السلام عليكم خاله اخبارك واخبار ليونه
مزنه: كلنا بخير
محمد: انا بروح ادخل خالي طارق وخلي الخدامه تجيب قهوه مايصير نخلي الرجال كذا صح ماما
خلود وهي تناظر فيه طلال: صح بابا يلا رووح له
راح محمد يدخل خاله طارق
مزنه: اقول خلود الاحظ تصرفات محمد برغم انه صغير الا ان تصرفاته تصرف واحد كبير
خلود: الله يخليه لي قولي ماشاءالله لاتنظلينه بس
مزنه: مالت عليتس انتي وولدتس
طبت عليها خلود : قولي ماشاءالله
مزنه وهي تتوجع: ماشاءالله اتركيني شوفي ليان تبكي ياويلتس من الله
خلود وهي تفك مزنه:خلتس محد قالتس ماتقولين ماشاء الله
عند طارق ومحمد
محمد: تفضل خالي طارق
طارق بأبتسامه:زاد فضلك
محمد: اخبارك خالي
طارق :بخير وانت وامك اخباركم
محمد: الحمدلله بخير وانا مااقصر في امي
طارق:اشهد انك رجال ولد رجال يالذيب
محمد: انا ذيب
طارق: ايه ذيب
محمد اول ماقال له طارق انه ذيب طيرااان لامه يعلمها
وطارق طلع
محمد: شفتو انا ذيب وليان ذبانه
مزنه: ياويلك من الله ذبانه قول فراشه او نحوله مو ذبانه
محمد كانه يفكر بشي:ايه ماما لقيته ابي كيك نحول كول على طول (التفت على مزنه)شكرآ خاله مزنه ذكرتيني باللي ابيه
مزنه وهي منقهره من محمد: اذلف اذلف ياخلود رقم اثنين
محمد: خاله مزنه انا مو خلود انا محمد شكلتس فقدتي الذاكره
مزنه: انتطم ولا كلمه سامع
خلود وهي فاطسه ضحك على محمد ومزنه: بس يامزنه تحطين علتس بعقل بزر
محمد التفت على امه وهو زعلان : الحين انا بزر
خلود: من قال
محمد: انت قلتي تو
خلود: اقول انت كبير مو بزر
مزنه استغلت الفرصه: ايه بزر
محمد: بنتس البزر مو انا
مزنه : اخس الحين انت كبير
محمد: خس ولا كراث ههههههههههههه
مزنه: هههه تنكت
محمد: من قال
مزنه: اسكت خلاص ماابي اكلمك


اعذروني لان البارت قصير وبكره انشاء الله انزل لكم التكمله


تــابع الـــبــارت الــعــاشــر
خلود: الله يهديك يامزنه تحطين عقلك بعقله عبير اخبارها ماولدت
مزنه: لاماولدت
خلود:شكلها بطول
مزنه: يمكن المسكينه من قالو لها عمليه قيصريه وهي تمشي ماخلت مكان الا ومشته
خلود: بتجي اليوم ولالا
مزنه: على كلامه بتجي
خلود: زين ومها بتجي

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -