بداية الرواية

رواية طنش تعش تنتعش -7

رواية طنش تعش تنتعش - غرام

رواية طنش تعش تنتعش -7

تــابع الـــبــارت الــعــاشــر
خلود: الله يهديك يامزنه تحطين عقلك بعقله عبير اخبارها ماولدت
مزنه: لاماولدت
خلود:شكلها بطول
مزنه: يمكن المسكينه من قالو لها عمليه قيصريه وهي تمشي ماخلت مكان الا ومشته
خلود: بتجي اليوم ولالا
مزنه: على كلامه بتجي
خلود: زين ومها بتجي
مزنه: ايه هي واميره والهام ورهف ورغد
خلود: يعني مجتمعين اليوم
مزنه: يس
خلود: اقول مزنه ناوي اخطب لـ فهد
مزنه:ومن تعيست الحظ
خلود: وجعه قولي سعيدة حظ افكر في رهف او رغد
مزنه:آمممممممم والله مدري وش اقول لان كلهم يتشابهون حتى في التصرف
خلود:لا رغد احسها احسن من رهف
مزنه: الموهم خليني البس وطسي البسي ولبسي محمد
خلود: اثرك جايبه لبسك بخيله انتي يعني لو تكشختي وجيتيني قبل يشوفنك ولا بتتكشخين لهم
مزنه: طسي بس
خلود لبست بنطلون ابيض وبلوزه بنيه و بالوسط لاف عليها زي الحزام ومن قدام فيونكه كبيره بيضه وتركت شعرها ورفعت خصلاتها بنظارات وحطت ميك اب ناعم مره
طلعت خقه وكيووت مره
اما محمدلبسته ثوب ابيض مطرز بأسود طلع شخصيه
مزنه لبست بنطلون كحلي وبلوزه بيضا مكسره ورفعة شعرها بفيونكه وحطت ميك اب خفيف بس طلعت حلووه مرره
وليونه لبست فستان فوشي
بعد ساعه اجتمعو البنات كلهم في بيت خلود
خلود: عبير قومي امشي برا
عبير: تكسرت رجولي
خلود:قومو بنات نمشي معها
قامو كلهم يمشون
خلود تهمس لمزنه: اقول مزنه وش رايتس اسأل رغد وش رايها بفهد اخوي
مزنه: خليها علي انا بسألها اصبري انتي
خلود: مشكوره ياقلبي
مزنه: العفوو
مها: وش تهمسون لبعض انتم
خلود: ياشين اللقافه
مها: وارثينها من جدتتس
محمد:ماما ابي العب
خلود: ياروح ماما العب مع عبدالرحمن
محمد: عبدالرحمن صغير مايعرف
مها: الله يالكبير
محمد: ايه انا كبير
مها : طيب انا اكبر منك
محمد: ربي اكبر منتس
خلود: عاش حمودي سكت مهاوي خخخخخخخخخ
مها: انطمي انتي
عبير:آآآآآهـ بولد اااه بطني بولد
خلود: وشو وش تولدين هنا عاد
عبير: لحقووني بطني يعوورني
مزنه: وحده منكم تدق على راكان يجي
اميره دقت على راكان
راكان: هلا اميره
اميره: راكان الحق على عبير بتولد
راكان بصدمه: وشو
اميره: اسرع ياراكان
راكان: طيب طيب كلها دقايق وانا جاي
بعد دقايق الا وجاء راكان واخذ عبير واصرت خلود تروح معهم ووصلو المستشفى
ودخلو عبير غرفة الولاده
ولد خلود:
محمد بن طلال/ عمره 29 ملامحه خليجيه يمووت في امه خلود طويل جسمه رياضي حواجبه مرسومه وعيونه عسليه وساع ونظرته حاده وشفايفه صغار بس مره حلوه
بنى مزرعه للعايله
عيال مزنه وطارق:
ليان /22 سنه بنت مزنه الكبيره شبه امها كثير حلوه بس حنونه حيل
اخوها رياض/17 سنه بـ اولى ثنوي دايم ينام في بيت خلود مملوح يشبه ابوه ولد طايش اخر همه الدراسه بس اللي يوقفه عند حده محمد
عيال مها وسعد:
عبدالرحمن /25 سنه يشتغل مع محمد طوله متوسط اسمر عيونه عسليه
غادهـ/ 14 اولى متوسط تشبه امها بس موفاهيه زيها
عيال فهد ورغد:
عهود/14 سنه مع غادهـ تشبه امها في كل شي حتى بالكلام
وعد/11 سنه يسمونها دلوعة محمد كل طلاباتهامنفذه محد يزعلها
عيال عبير وراكان:
فيصل/22 سنه ثاني جامعه يدرس برا
تيلاد/9 سنوات تموت بمحمد بس ياولها من وعد دايم تضربها لان وعد تنقهر منها راح تعرفون ليش تنقهر منها
عيال فراس ورهف:
جنى/ عمرها سنه ونص تشبه جنى مره مشاغبه مره
يوم الثلاثاء في بيت خلود وبالتحديد الدور الثاني
محمد يطق غرفة رياض: رياض افتح لااكسر الباب فوق راسك سامع
رياض فتح الباب وفيه النوم: نعم ياازعاج انت خلنا ننام
محمد وهو معصب منه: نص ساعه تلبس وتجيب كتبك وتنزل فاهم ولا ترا والله لااشيلك بثيابك هذي واوديك المدرسه بها فاهم
رياض: فاهم
محمد: يلا اخلص علينا

الـــبــارت الــحــادي عـــشـــر

نزل محمد وشاف امه تفطر راح حب راسها ويدها
محمد: صباح الخير يمه اخبارك
خلود:صباح النور والسرور بخير ياعيون امك
محمد: دوم يمه
نزل لهم رياض
رياض: صباح الخير
محمد وامه: صباح النور والسرور
محمد: يلا يمه مع السلامه
خلود: وين ياوليدي اجلس
محمد: لايمه تاخرنا يلا رياض
طلعو من البيت وصل رياض لمدرسته وراح لشركته
ليان :يمه
مزنه: وصمه
ليان: بنروح المزرعه بكره
مزنه:ايه
ليان :وناسه
مزنه:والله لو اشوفتس مسويه شي ترا بتندمين
ليان: لامنيب مسويه شي بس بركب من خيول محمد
مزنه:ايه هذي ليان
ليان: احم احم
مزنه: رز ولحم
ليان: اقول يمه رياض ليش ينام عند محمد
مزنه: خليه وش دخلتس
ليان: لايمه انا مو قصدي كذا بس يعني اخاف يقول محمد ماعنده بيت ولا شي
مزنه: لامحمد اعرف قلبه ابيض مايقول كذا
ليان: طيب
بالمكتب
محمد:الملفات الضروريه تجيبها بدر
بدر:ابشر طال عمرك
طلع بدر يجيب الملفات
بعد ماجاب بدر الملفات جلس محمد يوقعها
تيييت تييييت رد محمد
بدر: طال عمرك العم نايف يبيك ضروري
محمد: طيب حوله لي
بدر:ابشر
محمد: هلا وغلا بالعم نايف
نايف: هلابك زووود اخبارك محمد واخبار امك
محمد: الحمد بخير انتم اخبارك واخبار جدتي
نايف: بخير بغيتك يامحمد ضرووري
محمد:طيب اليوم نتقابل
نايف:حلو نتقابل بالكوفي
محمد:خلاص
سكر محمد من عمه نايف وطلع يقابل العم نايف
وصل للكوفي وشافه جالس وراح له
محمد: السلام عليكم
نايف ابتسم: وعليكم السلام
محمد: سم عمي خوفتني
نايف: اسمع محمد زي ماتعرف انت الحين المسؤول وابيك الحين تفكر في اللي بقوله زين بس ماابي امك تعرف الا اذا جاء الوقت المناسب
محمد بقــلـــق:تكلم يعم بدون مقدمات
نايف: اسمع زي مانت عارف ان ابوك قبل ترك امك لاسباب وفي هالفترهـ ابوك تزوج بالسر محد يعرف غيري وزوجته حملت وطلقه علشان يرجع لامك
ولما عرف بحملها جابها لقصرهـ وباثناء ولدتها ماتت
محمد بخوف: واختي
نايف: جابت بنت وجلست اترجا طلال اربي بنته يعني اتزوج واخذها معي بس طلال اللي باله يسويه البنت اخذها السكرتير يربيها وانا بين كل فتره ازورها
محمد: كم عمرها؟؟
نايف:19 سنه توها متخرجه من الثنوي
محمد: ابي العنوان ابي اختي
نايف: يامحمد فكر قبل وش بتقول لامك وراح يصير في امك
محمد: امي وانا اتصرف بس مااخلي اختي عند اغراب وانا ولي امرها وعايش وانا ماابيها تقدم الاغراب على اهلها وابيها ترجع اليوم قبل بكره
نايف: طيب امش نروح تشوف اختك قبل
راحو لبيت ابو عامر السكرتير
طق طق طق
ابوعامر : لحظه لحظه
فتح الباب لهم وضيفهم
محمد:احنا جايين بخصوص اختي فرح
ابوعامر باتعجب: اختك فرح
نايف كان ساكت طوال الوقت
محمد: ايه اختي فرح اللي تركها ابوي طلال لكم والحين جاي اخذها
ابوعامر يحاول يمسك اعصابه: الحين تذكرتوها وينكم قبل
محمد: ماكنت اعرف ان عندي اخت والله لو اعرف كان ماخليتها دقيقه
ابوعامر: صح ان مالي حق ارفض بس طلبه حافظو عليها لاتأذونها
محمد: فرح اختي كيف ااذيها واللي يمسها يمسني يعني تطمن فرح بعيوني
ابوعامر: يلا بروح اناديها لكم
قام ابوعامر رايح لغرفة فرح
طق طق طق
فرح: مين؟
ابو عامر: افتحي يابنتي
فرح: ابشر <<فتحت الباب
ابوعامر: فرح ابي اقولك شي بس ابيك تسمعيني زين
فرح وهي تاشر على خشمها: على هالخشم
ابوعامر: اسمعي يابنتي اليوم جايين لك ضيوف
فرح بمقاطعه: يبه قلت زواج ماابي
ابوعامر: لايابنتي تعرفين ابوك طلال صح وكيف تركك عندي صح
فرح بأستغرب: صح بس ليش
ابوعامر: عندك اخو من زوجته خلود واليوم عرف ان عنده اخت وحلف مايخليك هنا دقيقه ويوم كلمته يحافظ عليك قال فرح بعيوني واللي يمسها يمسني يعني الولد يبيك ترجعين لبيت ابوك
فرح بخوف وعيونها كلها دموع: طيب انزل يبه وانا بلحقك
طلع ابو عامر وراحت فرح تطلع صورت ابوها وتقول بقلبها(الله يسامحك الله يسامحك)
ولحقت ابوها وقلبها طبول طقت المجلس ودخلت
شافها محمد فز وقال بقلبها(ياالله هذي ملاك استغفر الله يامحمد عيب عليك هذي اختك)
محمد قرب لها وقال: اخبارك فرح
فرح: بخير
نايف: تعالي فرح
راحت فرح جنب عمها
وجاهم محمد وقال: صبر الحين المفروض تسالين عن اخباري صح ولا ياعم
نايف: مولازم خلك على جنب
ضحكت فرح وقالت : لاحرام اخبارك
محمد: بخير (التفت على ابو عامر )ابوعامر اليوم بناخذها واغراضها بكره بارسل احد يجيبها
ابوعامر: ابششر
وطلعو كلهم وراحو على اقرب مطعم يتغدون كلهم ولان فرح معهم


ياترا هل راح تتقبلهم فرح ولالا..؟
خلود وش راح تكوون ردة فعلها لما تعرف..؟
انتظروني قريبآ مع بارت جديد



البارت الثاني عشر

وطلعو كلهم وراحو على اقرب مطعم يتغدون كلهم ولان فرح معهم
محمد: فرح وش طلبك
فرح: ماابي مالي نفس
نايف: كذا بتزعلينا
محمد: خلاص بطلب لك معنا (والتفت محمد ينادي الجرسون
جاء الجرسون وطلبو اثنين باستا واحدمكرونة تالياتلي بصوص الألفريدو
وجاهم الطلب واكل بـ تلذذ وحاسب محمد وطلعو
بالسيارهـ
محمد: عمي
نايف: سم
محمد:وش راح تكون ردة فعل امي
نايف: والله ماادري بس امك قلبها كبير اكيد بتقبلها الا تعال بكرهـ بتروحون للمزرعه
محمد: ايه
نايف: زين علشان فرح تتعرف عليهم
وطلو الطريق وفرح تفكر كيف راح يكون شكل مرت ابوها هل راح تقبلها او لا وصحت على صوت محمد وهو يقول فرح انزلي
ودخلو البيت
محمد: يمه الغاليه وينك
خلود: انا فووق بالصاله تعال
وصعدو لها
محمد حب راسها ويدها: اخبارك يالغاليه
خلود: بخير من هذي
محمد: يمه ماابيك تزعلين طيب ولا ابيك تقطعين كلامي
خلود بصبر: طيب
محمد: ابو لما تهاوشتي انتي وهو على الصور تزوج من وحده بالسر وطلقها ومادرا انها حامل ولما عرف انها حامل راح يدورها وراح لبيت ابوها لقى بنته بس زوجته ماتت واخذ البنت و
داها لصديقه وانا يايمه من عرفت ماخليتها هذي اختي قطعه مني كيف اترك لواحد مااعرفه صح هو صديق ابو بس وش يضمن لي انه ماراح يمس اختي يمه الله يرضا عليك لاتزعلين منه
خلود بأبتسمه: هذا ولدي اللي ربيه بعدي ياعين امك اللي سويت صح وبعدين كيف ازعل على ابوك وابوك عند اللي خلقه وش ذنبها هي باللي سواه (قامت ومسكت يدها وجلستها جنبها)
وش اخبارك يابنتي
فرح بأبتسامه: بخير خالتي انتي اخبارك
خلود: لاياقلبي لاتناديني خالتك انت بنتي مثل مامحمد ولدي انا امك ياحياتي
فرح: ابشري يمه
خلود: محمد
محمد: سمي تدللي عيون محمد انتي
خلود: الليله ابيك تروح انت واختك لسوق تشتري لها بكرهـ بنروح للمزرعه وانت تعرف ليان ولسانها
محمد: ابشري
خلود: فرح روحي ارتاحي لين العشاء
فرح: ابشري
راح محمد مع فرح يوريها غرفتها ودخلو وجلس محمد عندها
محمد: اسمعي يافرح اي شي تبينه انا حاضر لو بغيتي روحي فدوه لعيون اهلي
فرح: تسلم محمد
محمد: يسلمك المولى وابيك تاخذين راحتك مااظن اننا اغراب صح ولا امي هي امك وانا اخوك وسندك
فرح: صح
محمد: طيب ارتاحي وانا بروح لشركه
فرح: طابت جروحك
راح محمد لدوامه
وفرح نامت لين يجي محمد من دوامه
فهد: رغد اخلصي انتي وبناتس بسرعه
رغد: طيب حبيبي جيت
وعد: اقول بابا من فرح
فهد وهو يشيلها : هذي اخت محمد تصير بنت عمتك
وعد: فللله
فهد: يلا يارغد انا بالسيارهـ استعجلو
محمد بعد مارجع جلس مع امه وفرح
محمد: اقول يمه من بيجي
خلود:عمك فهد
فرح: عنده بنات
خلود: ايه عنده عهود وعمرها 14 وعد 11 بس شيطانيه حاولي تتجنبين محمد اذا جو
فرح: ليه
محمد: بتأكلك لو ناديتيني
فرح: هههههههههه
ترررررررررررن تررررررررررررن <<الجرس
محمد : اكييد عمي فهد بروح افتح له
راح يفتح الباب ودخلو وسلمو وجلسو كلهم
فهد: اخبارك خلود
خلود: بخير انتم اخباركم
فهد: بخير ولله الحمد وانتي فرح عساك مرتاحه
فرح: الحمدالله
وعد: اقول حمودي ابي اتمشى طفش
محمد: من عيوني كم وعد عندي
وعد: وحده والله يخليها لك
محمد: امين عهود فرح امشو بروح نتمشى
وعد: يـــــــس


توقعاتكم
ان شاء الله التكمله بكرهـ اعذرووني وربي كتبت البارت بسرعه لعيونكم وبكره ان شاء الله راح يرضيكم

التـــكـــمـله

نزل لهم رياض اللي توه قايم
رياض: صباحكم مسك
محمد: اي صباح قول مساء
فهد: نعنبو دارك كل اليوم نايم
رياض: وش اسوي مافي غير النوم يسليني ولا محمد كله طالع
فهد: سلم بالاول
رياض: السلام عليكم اخباركم علومكم وش احوالكم وشلونكم اووه في ضيفه من هي
محمد: بالع مسجل انت
رياض: طالع عليك
فهد: لاوالله منتب طالع عليه لسانك يبيله قص

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -