بداية الرواية

رواية غلطه وبندفع ثمنها السنين -6

رواية غلطه وبندفع ثمنها السنين - غرام

رواية غلطه وبندفع ثمنها السنين -6

فهد تضايف من اسالفه. الله يستر علينا وعليه, شنو نبي في الناس نتكلم فيهم.
وضحه. جعل يسقى يجي ذ اك اليوم واخطب حق فهد
عفراء . انت عاد يبي لج سنه على ماتدورين مره الولدج
وضحه. المره موجوده بس هو يتحرك.
فهد. هههه . من هي
وضحه .شوق بنت خالك سعد
فهد ماحب يعترض على امه . سكت
عفراء . اسكوت علامة ارضا.
فهد. هههه
ريم. بصراحه فهد مايناسب شوق ابدا.
وضحه. ليه شنو فيها . ازين كله.
هيونه. شوق مافيها شي بس دفش في الكلام .
عفراء. والله سعد بيفرح الخطب فهد عنده . يوم عيد عنده
وضحه. افا عليج هذا فهد ولد وضحه مايرد .
(فهد ساكت مايبي يقول لا ويفشل امه قال بقولها بعدين.)
في بيت ام ناصر
ناديه. انا اقدر ارد عليها بس حاشمه أمي نوره.
ام ناصر. نوريه هذا طبعها من يوم خذاها احمد و ماتستحي من احد ولا تقدر احد.
ايمان. بصراحه كدرتني . كان ودي اقوم واسطرها.
شيخه. ابو اطبيع مايغيرطبعه ...لا تضايقن ياناديه خليها تولي.
ام ناصر. الله يهديه.
..................
في يوم جديد
عرس حنان
ايمان لابسه وكاشخه وحاطه مكياج ثقيل وحاطه باروكه ومركبه الرموش.
ايمان جايه من اصالون(كوفيره) ودشت الغرفه على شيخه وناديه و راشد وام ناصر.
ناديه اشهقت.ايمان وش ذا باروكه .
ايمان وهي تبتسم و تدور علشان ناديه تشوف
ايمان . ايه حلووووووووه.
ناديه . استغفر الله . لعن الله الواصله و المستصوصله...........
ايمان. عادي كل البنات يحطون شوفي ريم وهيونه.
ناديه بجديه. ريم وهيونه قدوتك . خافي ربك حرام عليك . قولي لي شعرك وش فيه علشان تركبين باروكه .
شيخه. لا بعد حاطه الرموش.
ايمان تكلم شيخه. ليه يعني انتي ماتحطين . يوم عرسج ماحطيتي.
شيخه. يشهد علي ربي اني ماكنت ادري انها حرام . يوم دريت معاد حطيتها.
ناديه. ايمان انتي تضمنين عمرك . ذلحين لو رحتي العرس وصار لك شي ومتي وانتي حاطه باروكه . الواحد مايضمن نفسه.
ايمان. اقول انتي لا تجلسين تتفلسفين علي
ناديه. الدين مو فلسفه .. خافي ربك لا تتعدين حدودك.. توبي اللي الله.
راشد. بصراحه مكياجك مغيرك انتي مو ايمان
الواحد لاجاء يخطب مايخطب بالاعراس . تزيف
ناديه تضحك. العيون عدسات والشعر باروكه . والرموش تركيب. الون البشره الله يخاليك ياعمي الكريم مايقول شي.
راشد. نسوان الله يعينكم على نفسكم.
ام ناصر. جيل الله يستر منه حتى الصدر تركيب
راشد. يادافع البلاء.
ام ناصر. ايمان . يالله لاتاخرينا.
راشد. بروح اصلي واجي القاكم جاهزين.
بعد ماراحت ايمان وام ناصر العرس
الساعه 12 باليل
ناديه جالسه عند شيخه
ناديه حاطه رهف في حضنها. غريبه حمدان عاقل وش عنده اليوم
شيخه. خليه لاتحركينه يجي ويعفسنا
ناديه . ليكون مريض
شيخه . حمدا ن تعال وجاء حمدان يمشي بسرعه
حمدان. نعم ماما.. شيخه تلمس جبهته
شيخه. لا مافيه حراره
ناديه. تعال اشوفك. المسته .مافيه حراره
ويروح حمدان يجلس جنب امه في يده لعبه معه يلعب فيها
شيخه.اقول ناديه شكل ايمان ازعلت عليج
ناديه. انا احب لها الخير . وبعدين من رآى منكرفاليغيره..
شيخه. الله يهديها ..وش كثرهم الي يلبسون باروكه ويحطون الرموش.
ناديه. الله يبعدنا عن الحرام .
اجلسو يسالفون ..بعد نصف ساعه
وحمدان مازال جالس جنب امه
شيخه حست ولدها فيه شي.
شيخه تمسك حمدان
شيخه . حمدان فيك شي
حمدان ياشر على فمه.
شيخه. يعور
حمدان مايرد على امه .. الولد صار لونه ازرق
شيخه صارت تصارخ تفتح فمه وتدخل يده
على بالها غص بحلاوه
ناديه شافت الولد تغير لونه ومعاديقدر يتنفس
البست عبايتها وتبي تشيل حمدان موقادره شيخه ماسكته وتبكي
ناديه. شيخه خليك عند بنتك بوديه المستشفى..
شيخه. ولدي مااااااات
ناديه. انتي هديه ذبحتي الولد خليني اشوفه.وجهه لونه ازرق وصعب التنفس عنده راحت و جابت ماء ورشت عليه علشان يقوم بس مافيه امل يصحى. وشيخه ماسكته ماتبي تفكه.
ناديه تفك يد شيخه واسحبت الولد وطلعت على طول الشارع
حصلت فهد توه نازل من سيارته جاي من العرس
ناديه. فهد الحق الولد بيروح من يدنا
فهدوهو يقرب منها يخز ناديه . وش فيه
ناديه اخنقتها العبر . الولد مايتنفس .
فهد. يالله اركبي بسرعه
ناديه اركبت قدام .موحاسه بنفسها ..هي تكلم فهد ووجهه ماعليه غطى
ناديه تبكي. فهد اسرع الولد صار لونه بنفسجي .
وقف عند اشار ه في سياره فيها شباب
شباب .
واحد من الشباب . يطالع ناديه ويقول ارحمني ياطارق ارحمني
الشاب الثاني. الحلو شكله زعلان
الشاب . اكيد من اللي جنبها طااااااااااااقها
الشباب . هههههههههههههههههههههههههههههههه
فهدعصب. ناديه تغطي .
ناديه حست بنفسها ماعليها غطي ارتبكت تدور الغطى .
ناديه صار وجها احمر . اسفه .
ببعشر دقايق اوصلوا المستشفى
دش الطوارى.. دخلوا حمدان على طووووول
دكتور. لوسمحتوا ممكن برا . على مايخلص الفحص.
فهدوناديه برا .
فهد. شنو صار له
ناديه. مافيه لا العافيه فجى انقلب لونه صار ازرق وياشر على فمه
شيخه على بالها غص بحلاوه.
ايوووووووووووه شيخه تركتها بروحها وهي في حاله موطبيعيه.
فهد يتامل ناديه اشلون تتكلم وحركت يدها وهي تشرح السالفه انتبه على ناديه وهي تقول يوووووووووووووه
فهد بكلم راشد يروح لها
اشوي يدق جوال فهد
فهد هذ ا راشد
فهد. الو
راشد. هلا فهد بشر حمدان طيب
فهد. الدكتور عنده ما بعد طلع...شيخه بروحها في البيت
راشد. انا شفتكم طالعين وانا داش .
فهد. اشلونها ..ناديه تقول موطبيعيه
راشد. هذيهي تبكي وتصايح تحسب ولدها مات
فهد. عطني اياها
راشد يكل وشيخه
راشد. كلمي فهد يطمنك على ولدك
شيخه بصوت باكي .
فهدحس انها على تلفون. شيخه حمدان طيب مافيه شي . شوي وحنا بنجيك
شيخه. ابي اسمع صوته
فهد. الدكتور عنده . اذكري الله . ودعيله. البكئ مراح ينفعج.
فهدجلس يهدي شيخه وبعدين سكر اتلفون والتفت على ناديه الي واقفه جنبه
ناديه تبكي بصمت بس الدموع من تحت الغطى ..فهد درا انها تبكي
فهد. انا اهدي شيخه وتجين انتي..ناديه صلي على النبي.
ناديه. الهم صلي وسلم على نبينا محمد...الدكتور تاخر.
فهد. ان شاء الله خيييير.
اشوي يطلع الدكتور
الدكتور . ماتخفوش الولد كويس .. بس فيه حراره داخليه مرتفعه وتعرض الولد الي تشنج.
فهد. هو ذلحين طيب
الدكتور, اه سيبوه يرتاح شوي عشر دقايق وبعدين حايطلع
الدكتور يجاوب على اسئلت فهد
الدكتور يكلم فهد. شكله ولدك الوحيد اشوفك خايف عليه ..
الدكتور شاف ناديه ماتكلم
الدكتور. ماتحفيش يامدام ابنك كويس الحمد الله ربنا ستر .ديري بالك من ابنك.
الدكتور يكلم فهد. وانتي دير بالك من ابنك ومراتك شكلها تعبانه اوي . وخايفه على ابنها مش مصدقاني انه كويس.
فهد استانس ان تكون مرت ناديه وحمدان ولده اعجبته اسالفه
فهد ابتسم. ماتخفش هم بعيوني الولد وامه .. يعطيك العافيه
ناديه استحت ودشت على حمدان بعد مااطلعت الممرضه.
في غرفة حمدان
ناديه ماسكه يد حمدان. انتي طيب حبيبي
حمدان يهز راسه ايه. ابي ما ما
فهديبتسم ابتسامه عريضه. هذي ماما وهو ياشر على ناديه.
حمدان. لا .
ناديه يبي يحرجني هين. اكون لك امك وابوك واهلك كم حمدان عندي
فهد. هههههههههه ياحظك ياحمدان ناديه اهلك كلهم.
ناديه وش فيه هذا ينكت...بس ياحلو ضحكته تهبل
فهد. يالله حمدان صير قوي علشان اوديك الجمعيه وتشتري الي تبي
حمادن يرفع يده وقال. شوف انا قوي
اشوي جاء الدكتور
الدكتور . ازيك يابني
حمدان يطالع الدكتور وخايف من شكله طويل و جسم عريض
فهد. نقدر نطلع
الدكتور. اه تقدر تطلعوا ..الدكتور يطالع ناديه
الدكتور.تطمنتي على ابنك
فهد ابتسم ابتسامه عريض على شكل ناديه وهي منحرجه
ناديه. الحمد الله
فهد شال حمادن وناديه تمشي وراه
في قسم الطواري في حالة وفاة.
في البنيه تبكي والرجال يهديه
البنته . ابوي ماااااااااااااااااااااااااااااااات
الثانيه تصيح بصوت عالي
ناديه تذكرت موقفها لما مات ابوها وقفت تطالعهم
فهد التفت يشوف ناديه وراه ولا لاء بس حصلها ابعيده عنه تطالع في البنات ..فهد عرف شنو يدور براسها تقرب منها
فهد.ناديه يالله خلينا نطلع من المستشفى
ناديه والعبره خانقتها.ابوهم مااااااات
فهد الله يرحمه هم السابقون ونحنو الحقون
ناديه مو راضيه تحرك من مكانها
فهد مسك يدها وجرها.وشايل حمدان باليد الثانيه. وطلعو من المستشفى واوصلو السياره
ناديه تبكي بصمت وبعدين حست يدها في يد فهد اسحبتها اشوي اشوي
فهد كان ماسكه يدها بقوه مثل الخايف تضيع منه حس بناديه تسحب يدها ترك يدها
اركبو السياره حمدان قدام وناديه ورا
حمدان. ابي ماما
فهد.ماتبي الجمعيه
حمدان هز راسه .ايه .
في السياره حالة صمت
فهد شاغل باله ناديه هو يسمع صوت انينها
وناديه تبكي على الايام الي افقدت فيها اعز الناس امها وابوها.
اوصلو الجمعيه وطلب من ناديه تنزل
بس ناديه ارفضت بحجه انها مالها حاجه بالجمعيه
بس فهد اصر انها تنزل .مايبيها تجلس ابروحها بالسياره.
وبعدين انزلت مع فهد وحمدان
...........................
ام ناصر.هدي بابنتي موب زين عليك كذا اذكري الله.
شيخه تبكي . وينه ماجاء يقول في طريج ..فهد يكذب علي.
ايمان.انا ذلحين مكلمته في الجمعيه يشتري حمدان لعبه.
اشوي يدق جوال شيخه اضغطت ازر الاخضر من غير ماتشوف منو المتصل
شيخه.الو.. فهد وين حمدان
سعيد.ليه حمدان وينه.. شوفيه صوتج تبكين.
شيخه من اسمعت صوت سعيد رمت الجوال صارت تبكي اكثر من اول
ام ناصر خذت اتلفون
ام ناصر . الو
سعيد. خالتي شو بلاها شيخه شو مستوي.
ام ناصر.ماصار الا الخير .. وعلمته بسالفه ..هو طيب وبخير مافيه شي.
سعيد.ذلحين حمدان وينه.
ام ناصر.مع فهدفي الجمعيه ذلحين بيجي.
سعيد.لو انا مادقيت ياخالتي.كان مراح تخبروني .
ام ناصر.ياسعيد هدي اعصابك اذا مادريت اليوم بكره راح تدري.
سعيد. يصير خير ياخالتي.. .بدق على فهد اتطمن على حمدان.
...................
في الجمعيه
فهد ماسك لعبتين ويخير حمدان
تبي هذا ولا هذا
حمدان ياشر على وحده منهم . هذا.
فهد يطالع ناديه اللي ساكته .
فهد.ماتبين شي من الجمعيه
ناديه. لا.
فهد.الحياء راح تمشي . لاتوقفين عند موت ابوج.
ناديه.الحياء تنعاف ماتنبغى اللي مافيها اعز الناس عندي امي وابوي .
فهد.خليج قدوه للغيرج حبي الحياء علشان تحبج.بعدين كمل وهو يطالع ناديه بنظرات تذوب وهو يبتسم. بكره راح تزوجين ويجونج اعيال راح تحسين الحياء لها طعم.
ناديه تطالع مافهمت نظرت فسرتها على انها نظرت شفقه.
فهدموقادر يطالع بوجه ناديه لانهامو متغطيه.
هم كاناو قريبين من بعض بينهم حمدان اللي يقلب اللعب
ياسلااااااااااام جالسين تغزلون في بعض عينك عين قدام الناس
فهد. ابراهيم
ابراهيم.شنو فيك اختبصت .هههههههههه. ابراهيم يكلم ناديه هاه يالمتربيه اشوفج تنطي من يد واحد الي واحد
ناديه ماتحملت كلامه جات بترد عليه بس فهد سبقها
فهديبتسم. اختبص من شنو لاني ماسوي الحرام ولا عيب. وبنت عمك مو نفس خيساتك يوم تقولها تنط من يد واحد الي واحد.ثمن كلامك يابراهيم.
ابراهيم.لو سمحت لا تجيب خيساتي على اللسانك هم اشرف منك..على اقل ماخذت بنت يتيمه والعب بعقلها واسمعها كم كلمه حلوه علشان افلوسها.
فهد. كلن يرا الناس بعين طبعه.
ابراهيم. ذلحين بس عرفت ليش رفضتيني.علشان حبيب قلبج.
ناديه. انا مابرد عليك .ماابي انزل مستواي اللي مستواك . ماابي اعطي واحد مثلك قدر وحشيمه واحد مثلك سرق من عمه مليونين ونصف واحد مثلك مايخاف على عرض اهله يدش عليهم بغرفه ويقول كلام يمس شرفها فوق هذا جاي يخطب واحد مثلك الواحد يستخسر عليه السلااااااااااااااااام.
ابرهيم انصدم من هجوم ناديه عليه سكت وماعرف يرد عليها
فهد قال حق ناديه خذي حمدان وسبقيني على السياره على مااحاسب
ناديه بخوف . لا بروح معك
فهد يبتسم. لاتخافين من احد دام راسي يشم الهواء
ناديه بصوت واطي. يسلم راسك
فهدسمعها .استانس لبى قلبج.
.................
في السياره فهد
يارجال والله مافيه شي احلفلك بالله انه طيب وبخيرو الدكتور يقول معه حراره داخليه هي سبب في اتشنج.
هاك ولدك كلمه
حمدان اخذ اتلفون
حمدان . الو بابا
طيب
بابا ابيك
بكره بتجي
وان احبك بعد
فهد ماحب ناديه تسكت قال خليني اسولف معها::. ناديه شنو صار بخصوص الشركه اذا منتي راضيه ماله داعي تتهربين.
ناديه:: لا مو اتهرب بس انا اشوف انك مو ملزوم بالشركه انا افكر اخلي ابو عماد يدير الشركه وانت تطل على الشركه بين فتره وفتره
فهد:. لا تخافين شغلي وانا اعرف الديره.. ليه تدخلين بينا اغراب
ناديه:. هذا ابو عماد صديق ابوي ..الرجا ل ثقه
فهد:. ولو لا تفكرين انج تدخلين ابو عماد في الشركه
ناديه:. ان شاء الله.
.................
الجزء11
شيخه تضم ولدها وتلمس شعره ووجهه وظهره
شيخه يعورك شي يمه
حمدان. لا
شيخه تضم ولدها وتبكي وحمدان يبادل امه بالبكاء.
ايمان تكلم ناديه. تاخرتوا في الجمعيه شنو شريتي
ناديه. ما لي خاطر اشتري شي.
راشد بصوت واطي.اربك كحلت عينك.
فهديضحك. ههههههههههههه اليوم مراح انام السهره صباحيه
راشد. ههههههههههههههههههههه عجل فيه اعلوم تسر.
......................
في بيت احمد
منى. شعرها اسود وناعم وطويل لين اركبه. جسمها زين حلو.
محمد. هي ريم أي سنه بالجامعه؟؟
منى. سنه ثالثه .انت ليه تسئل عن ريم.؟؟
محمد. مايخصج.
منى . ليكون حاط العين عليها .هههههههههههههه . احلم بس امي توافق تاخذ من بنات عمي ناصر
محمد.وانتي بعد اتركي عنج تلحقين ولد عمج فهد هو بعد ولد عمي ناصر
منى انصدمت يعرف انها تحب فهد.
محمدشاف شكل اخته اشلون مصدومه.هههههههههههههههه
.........................
في غرفة فهد.
دير بالك على ابنك ومرتك
عاد انا اهني استانست كان ودي احب خشم الدكتور
تخيلت ناديه مرتي وحمدان ولدي اعجبتني السالفه.
راشد. هههههههههههههههههههههههه وهي شنو قالت؟؟
فهد. اسكتت ماقالت شي كنها استحت.
راشد. والله ان ناديه مو داريه عن هواء دارك وانت في عالم الحب .
فهد. هذا اللي قاطع قلبي اشلون تدري اني احبها وامووووووووووووت عليها .
راشد. مو شرط تقولها اذا خذيتها قولها . اخاف انك ماتكون من نصيبها شنو راح يكون موقفك منها اذا درت انك تحبها. هل راح تبادلك نفس الشعور ولا بسويلك طااااااااااااااف وانت اللي راح تروح فيها انها درت عن حبك لها وهي مو معبرتك
فهد. صدقت ان شاء الله تكون من نصيبي.
راشدهو يضحك. هذا اذا ابرهيم خلااااااااااااك تاخذ زوجتةالمستقبل.
فهد. على طاري ابراهيم . يوووووووو ه ماشف شنو سوا في الجمعيه .كل اللي صار اليوم ابصوب وابراهيم ابصوب.
فهد علم راشد بالسالفه
راشد.الي متى وحنا ساكتين عن ابراهيم.هذا مورجال اللي يقول هذا الكلام على بنت عمه.هذا يبي واحد يوقفه عند حده
فهد.مو انت كنت تقولي لا تحتك فيه لا تكلمه لا..
راشد قطع كلام فهد.انت عارف انه مايواطنك خلقه .ماحبيت يصير بينكم مشاكل وبعدين يتدخلون اخواني احمد وناصر راح تكبر السالفه والنتيجه معروفه كل واحد بصف ولده. ليه تدخل بين العائلتين مشاكل علشان ابراهيم..
.......................
ام ناصر . يوم رجعنا من العرس ودخلنا البيت اسمع اصياح ..والله ان قلبي وقف قلت احد مات ماطرا على بالي غير رهف قلت اكيد حمدان شلها وطاحت.
ناديه.والله يايمه لو تشوفينها عليها قوه مو على احد افك يدها ابي اخذ الولد منها مو قادره.
شيخه حاطه حمدان في حضنه وهو نايم وتوزع عليه قبلاااااااات وتمسح على شعره.
شيخه. مو في وعيي.
ام ناصر. جيبي الولد خليه ينام عندي .. يرتاح في نومته.
( ام ناصر فارشه على الارض مرقد اتنام عليه هي وحمدان في غرفة شيخه)
نايده. يمه ظهرك مايعورك من نوم على الارض.
ام ناصر. حنا اسنينا كلها ننام على الارض بس ذلحين يوم تطوروا الناس . وانا انام عندشيخه علشان بنتها لا قامت من النوم اخاف تحرمها وهي ترضعها وعيونها فيها النوم.
شيخه. ايمان وينها
ناديه. فوق تكلم مشعل.
ام ناصر. جيبي الولد نوميه في مكانه
شيخه وهي تحط ولدها جنبها على سرير. لا اليوم بخليه ينام في حضني .لبى قلبه . وتحبه على خده.
..................
في غرقة ايمان
ايمان. حبيبي طولت انا مشتاقه لك حيييييييييييل
مشعل يطالع في امه اللي جالسه جنبه بنظرات كلها الم وخوف.
مشعل. عن قريب ان شاء الله.
ايمان.انا حاسه فيك شي ومخبي علي . وياويلك يامشعل ان طلعت امخبي علي ولا قلت لي.
مشعل. ياعمري ياحياتي ياقلبي ياروحي. مافيني شي امي حبت تجلس في امريكا ماحبيت اقولها لا.
مشعل ماحب يطول مع ايمان خاف يقولها بزلت اللسان
مشعل. يالله ايما ن مع السلاااااااااامه اكلمج باجر.
وسكر التلفون
ام مشعل. ليه ماقلت لها.
مشعل حاط يده على وجه . ماقدر يايمه اقولها خايف عليها يصير لها شي.
ام مشعل. مايصير ياولدي لازم تقولها على اقل قول حق احد من اهلها..مايصير تسمع من الناس .
ام مشعل حطت يدها على يد مشعل.سامحني ياولدي في يو م كدرت عليك حياتك مع ايمان اوسببت لك مشكله.
انا ما انكر اني سبب في زعل ايمان يوم اجلست شهر عند اهلها ..انا اشوف التعب باين عليك يوم تركتك ايمان قلبي يتقطع عليك اقول بكره بروح ارجعها . سبحان الله تطلعي شغله وانسى سالفة ايمان
انت الوحيد اللي بقت لي في هذي الدنيا انت بلسم اجروحي انت الوحيد احط راسي على صدرك احس اني اسعد انسانه في العالم
(مشعل يعرف امه من النوع الكتوم ماتطلع اللي في قلبها ..شافها تكلمت ماحب يقطعها في الكلااااام خلها لين تطلع اللي بخاطرها)
انا جبت ثلاثه اولاد وانت يامشعل الرابع
انا يوم جيت امريكا محد فيهم رفع السماعه يتطمن علي
(ام مشعل بدات عيونها تدمع.)
انا امهم اللي ربتهم قلبهم مايحن علي يقلون بنشوف امنا قاصرهاشي ولا ماحتاجه شي.
انا امهم مو مرت ابوهم..اسمع اخبارهم من الناس ولدج علي اليوم سافر للمصر وبيرد بعد اسبوعين اتظاهر قدام النسوان اني ادري وانا ماعندي خبر بشي.
حتي يوم اطلعوا من البيت طلعتهم مالها داعي. علشان شنو علشان قلت حق مرت يوسف لاترفعين صوتج على الشغاله هذي مسكينه جايه من ابلادها تدور العيشه وانتي تهاوشينها ليه هي مو انسانه زيج قالت لي مرت يوسف انتي مالج خص وسمعتني كلام ماينقال.
في اليوم الثاني طلع يوسف من البيت حتى من غير مايقولي مع السلاااامه.
علي اللي ابتسامته ماتفارق وجهه يوم تزوج وهو كله مكشر يطلع من البيت مع حرمته من الصبح الين الليل . وينه عند نسابته حارسهم .
وليد اخر العنقود وينه يامشعل معي في البيت بس مانشوفه .غداء وعشاء يجيه لحد باب جناحه .
ليه يامشعل اخوانك قاسين علي
(ام مشعل صار ت تبكي بصوت مسموع )
شفت محد سوالي قدر حطيت الحره في ايمان المسكينه قلت هي مو احسن منهم بكره راح تطلع مشعل مني بس فكرت انك راح تروح مني كرهت الحياء علشان جذي انا اخذ حبوب نفساني.
اقول حق ايمان راح ازوج مشعل بنت اختى وانا ماابي بنت اختي بس جذي احر قلبها قبل لاتحر قلبي عليك وتطلع من حياتي.
تدري انا ليه جيت امريكا علشان مااسمع اخبار اخوانك من الناس
اذاصارلك شي يامشعل انا اشلون اتحمل العيشه بدونك
الله ياخذ روحي قبل روحك
مشعل ماتحمل دموع امه وقهرها على اخوانه ضمها على صدره بقوه وقال
مشعل.دام راسي يشم الهوء والله ماتشوفين الضيم عندي انا عصاك اللي ماتعصاك. ودموعج غاليه علي .يمسح دموع امه.واخواني مصيرهم بيحسون فيج .
شيماء اخت مشعل اسمعت كلام امها.
والله مايستهلون دمعه وحده منج اجلسي عندي اذا ماشالتج الارض تشيلج اعيوني.
مشعل حب يغير الجو قال وهو يبتسم. بعد هذا الناقص كانج بنتها الوحيده بعد ماتشيلين امج بعيونج
شيماء.هههههههههه انا كلي لها فدوه لعيونها.
ام مشعل.ضايقتك.. وانت اللي فيك مكفيك
مشعل. الله يفرجها
ام مشعل ::انا السبب في اللي صار لك
مشعل . ليه تقولين انتي السبب هذا قضاء وقدر.
شيماء. ان اصابك لم يكون يخطئك وان اخطئك لم يكون يصيبك.
.....................
شيخه. لا تجي بكره . علشان حمدان
سعيد. ابي اتطمن عليه
شيخه. خلاص هذاني طمنتك عليه..لا تحاتي حبيبي
سعيد. شنو قلتي
شيخه .حبيبي.
سعيد. يالله من زمان ماسمعتها منج
شيخه استحت. سعيد يالله عاد
سعيد. هههههههههههههههههه لا مابي اسكر عيديها
شيخه. لا انت مو حبيبي انت روحي
سعيد. انتي ا ليوم ناويه علي
شيخه. هههههههههههههههههههههههههههههه
سعيد. عسى دوم الضحكه موب يوم
....................
في يوم جديد
الساعه خمس العصر
في بيت ام ناصر
راشد. ليه ماتقولها من حقها تعرف
خلاص ابشر
راح اقولها
الله يهداك وكلتني مهمه صعبه
الله يقومك بسلامه
راح ندعيلك
بحفظ الله
وسكر التلفون من مشعل
فهد. شنو فيه مشعل
راشد. وعلمه بالسالفه
فهد. الله يشفيه ويطلعه بسلامه و يرده للديرته سالم .
راشد. اشلون اقول حق ايمان.
فهد. امش انا وانت داخل وبنشوف اشلون نعلمها.
راشد يضحك. علي انا. انت تبيها من الله تدش داخل
فهد. هههههههههههههههههههه دايم ظالمني.
...............
فهد وراشد وام ناصر وايمان وناديه كلهم جالسين بغرفة شيخه
راشد. اشلونج ايمان؟؟
ايمان . كم مره سئلتني يوم دشيت
فهد. اخلص علينا دش على طول
راشد. ايه شنو عليك محد كلفك في مهمه
شيخه. انتم شنو فيكم تساسرون.؟؟
ام ناصر . راشد انت وش عندك .سامع شي
ايمان. لا الله يخليك اذا عندك خبر شين لاتقوله .
ناديه. الخبر الشين يوصل بسرعه والزين يخبونه.
فهد. صدقتي
راشد يكلم فهد قال وهو يبتسم. محد طلب رايك.
راشد. ايمان لو عرفتي ان مشعل اعرس عيلج شنو راح تسوين له؟؟
ايمان بضحك. راح اكسر ارجوله.
فهد.ليه تكسرين ارجوله ادعميه بسياره ابرك لج.
ايمان . اسم الله على رجلي ليه تتفاولون عليه بشين.
راشديكلم فهد بصوت واطي . هذي اشلون تفطن .
فهد. ايمان شنو اهون عليج يعرس عليج ولا تنكسر رجله.
ايمان بضحك. ينكسر رجله ولا يعرس.
راشد.ابشرج رجلج ماهو معرس عليج . رجلج صار عليه حادث صار له ثلاث اسابيع وانكسرت رجله وسواله عمليه و العمليه مانجحت بيسوله بوكره . اللهم اني بلغت فاشهد.
ايمان. انا كنت حاااااااسه ان فيه شي
فهد. احمدي ربج انه مااعرس عليج.
ناديه. ههه انتم من صدق تتكلمون مشعل صارله حادث.
راشد. عمرج شفتيني اتغشمر مع بنات.
ام ناصر. راشد انت تقول الصدق.
راشد. ايه يايمه مشعل هو اللي كلمنا وقال قولوا حق ايمان .انا اخاف اقولها وهي ماعندها احد ويصير لها شي.
هو طيب وبخير وبكره راح يسوي العمليه وادعوله .
ايمان تدور تلفونها
شيخه. كلميه تحصلينه محتاجج .
راشد. لحد يبكي على الرجال اللي فيه كافيه.

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -