بداية الرواية

رواية غلطه وبندفع ثمنها السنين -7

رواية غلطه وبندفع ثمنها السنين - غرام

رواية غلطه وبندفع ثمنها السنين -7

راشد. ايه يايمه مشعل هو اللي كلمنا وقال قولوا حق ايمان .انا اخاف اقولها وهي ماعندها احد ويصير لها شي.
هو طيب وبخير وبكره راح يسوي العمليه وادعوله .
ايمان تدور تلفونها
شيخه. كلميه تحصلينه محتاجج .
راشد. لحد يبكي على الرجال اللي فيه كافيه.
ام ناصر . طمنينا عليه.
ايمان دقت على جوال مشعل بس حصلت مقفله
ايمان. مقفله.
شيخه. راشدليكون هذا مقلب من مقالبك البايخه.
فهد. لا ياعمتي . راشد مايعرف يتغشمر مع البنات
راشد. ههههههههههه بس ايمان مو بنت . شبه عجوز
شيخه. مشعل غلطان يوم كلفك في مهمه
راشد. انا الناس وايد يجوني يكلفوني في المهمه
هذي وحده . ياشر على ناديه. من اللي كلفوني اعلمها خبر وفاة ابوها. بس فواز قال لا انت ماعندك اسلوب .
ام ناصر . احمدي ربك انه ماعلمك ياناديه .. جاني قالي متى شفتي خالد قلت له امس اقل تراك مراح تشوفينه طوووول عمرك..
ناديه. وااااااااااااااااي الله يخليك لا تفكر انك تجي تخبرني بأي شي سوا موت ولافرح اخاف يجيني سكته قلبيه
فهد. اسم الله عليج .
(ناديه استحت شنو فيه هذا )
راشد بصوت واطي يكلم راشد.شكلك نسيت معك احد بالغرفه .قوم خلينا نطلع والله انك فضحه.
فهد قام بيطلع.
شيخه. على وين
فهد. والله اني مادري وين بروح
ام ناصر. اجلس ابرك لك من الدوجه ..ناديه يمه قومي جيبي القهوهـ...
راشد. أي والله ابي اقهوه تعدل راسي بعد المهمه اللي كلفوني فيها .
فهد وهو يجلس. ايه تعبت عمرك في المهمه.. سردتها سرد .
شيخه. ناديه جيبي معك الحلا اللي سويتيه اليوم . خليهم يتقهون منه الشباب.
راحت ناديه تجيب القهوه وايمان كل شوي تعيد الااتصال.
جات ناديه بالقهوه حطتها على الطاوله
ناديه تكلم الشغاله ناظري الصحون في المطبخ جيبيها معك
الشغاله. اوكي..مدآآآآم...
ناديه تصب القهوه عليهم وتوزع الحلا
وام ناصر تهدي ايمان .
راشد . ياشر على الحلا. ايش هذا
فهد .هذا حلا مرررررررره حلو
شيخه. هههههههههه الله يعينج ياناديه استلموج.
ناديه.خليهم هذي من الحره اللي فيهم .
راشد. ههههههههه حنا عطيناكم الكاس من كيفنا
ناديه. شنو تحس فيه اخذنا الكاس منكم في وسط ارضكم وبين جمهوركم.قويه قويه.
راشد.انتم اخذتم الكاس من ارضنا بكيفنا. بس الوعد قدام في قطر حنا لها.
ناديه.مااخذتوه في ارضكم تاخذونه في قطر استريح صقور الاخضر لهاااااااااا.
فهد. اشبك انت سيب البنيه بحالها
راشد.والله مراح اسيبها ايش راح تسويلي راح تضربني
فهد. لا مراح اضربك انت حبيبي قلبي.
ناديه.فهد ترا حاشمتك مااريد اغلط عليك.
فهد يبتسم.ايش قولت لك علشان تهدديني.
شيخه. هههههههههههههههههههههههه
ناديه. اللي مثلكم مايتريق. خسرااااااااااااانين.
راشد. بكيفنا
ناديه. بكيفك وانت تسب المدرب وااللاعبين بغيت اتموووووووت من الحره يوم فزنا عليكم.
فهد.احنا اخذنا كاس الخليج 9 مرات .حنا حبينا نعطيكم فرصه .
راشد. حرام مساكين صار لهم اسنين يفحطو ن يبون كاس الخليج
ناديه. حنا اعيال اليوم..اكبر فوز لنا يوم فزنا عليكم وبارضكم . هذا يكفي.
راشد يبتسم.هدني يافهد عليها اقهرتني.
فهد.انت بس مديدك عليها شوف شنو راح يصيرلك
راشد. عشتو يهدد.
فهد. لا مااهدد بس اعطيك خبر.
شيخه تبي تطفر راشد.ناديه دارين اشلونها ؟؟عادها تدرس بالرياض..؟
ناديه. ابخير اسبوع الجاي راح تتخرج .
ام ناصر. هم مسافروا؟؟
ناديه. لا بعد عرس فواز راح يسافرون للسوريا مع خالي سعود.
شيخه. انتي متخرجه معها من الثانويه العامه نفس السنه .
ناديه. ايه متخرجين مع بعض ومتفقين ندرس طب هي اهلها شجعوها ونا ابوي رفض اني ادرس بالريض واسكن في سكن البنات. ودرست بالخبر في جامعه ملك فيصل.
فهديبي يطفر راشد قال . دارين تزوجت؟؟؟
ام ناصر. لا يابخت اللي بياخذها
راشد فهم على فهد قال خليني اقلب عليه. اذا تبيها ترا مرخوصه لك
فهد. لا انا خلصت..ادور عليك
ناديه. والله خالتي مو مهمله كل واحد يرميها على الثاني دارين خطاطيبها وايد اخر واحد جاها دكتور من الرياض يدرس معاها .
ام ناصر. اربها وافقت ولا زي كل مره تعيي.
ناديه تطالع راشد. هل مره غير مالها عذر المواصفات اللي تبيها في فارس احلامها موجوده في طلال.
راشد. اسمه طلال
ناديه. ايه
فهد. دكتور واسمه طلال والله كشخه.
راشد انقلب حاله. الله يوفقها
ام ناصر اعرفت ان راشد متضايق. لا دارين ماهي طالعه برا ياتاخذ اعيال عمها ولا ولد خالها.
ناديه. اعيال عمها كلهم اصغر منها . واكبر واحد فيهم في الثانويه.
فهد. خلاص ارسلت عليك المناقصه.
شيخه. هههههههههههههههههه يادافع البلاء حتى شغلك تدخله في سوالفنا.
فهد. ههههههههههههههههههه
شيخه.راشد ارسلت عليه المناقصه على قولتك. انت يافهد تقول انك خلصت .من اللي في بالك .؟؟
فهد. ليه مستعجله ان الله عطانا عمر راح تشوفينها
ام ناصر.ليه انتي ماتدرين فهد بياخذ بنت خاله شوق بنت سعد
شيخه. شوووووووق
راشد . ههههههههه وشفيج متخرعه.
شيخه. لا بس شوق ماتناسب فهد .
فهد. مين اللي قال باخذ شوق .
ام ناصر. امك تسولف قدام النسوان فهد بياخذ بنت خاله سعد.
فهد.ا مي تبيني اخذ شوق .. وشوق مو اللي في بالي.
ام ناصر. ليه ماقلت حق امك هذ الكلام وهي تسولف في كل مجلس تقول فهد بياخذ بنت خاله سعد.
فهد.هي قالت لي بس انا ماقلت لها شي ماحبيت اناقشها في السياره عند خالتي عفراء وريم وهيونه
شيخه. هم فسروا سكوتك على انك راضي.
فهد. يظهر جذي .
راشد حب يحرج فهد. زين اطلعت شوق مو اللي في بالك ..ذلحين علمنا من اللي في بالك.
شيخه. اقص يدي اذا انت ماتدري ياراشد .
راشد. هههههههههههههههههه خلي يدج مانبيها.
فهد. اللي في بالي وحده خذت عقلي وقلبي وروحي .
شيخه. هي وحده من جماعتنا
فهد. لا تحاولين
ناديه. اول حرف من اسمها
(فهد يطالع ناديه اقري اعيوني وتعرفين اللي في قلبي)
راشديبتسم. اقول اول حرف.
فهد قام بيروح قبل لا يفضحه راشد. كثر خيركم انعم الله عليكم
راشد. بعد شنو بعد ماخلصت الحلا
ناديه بهمس . بالعافيه
(فهد سمعها. ياسعدك يافهد )
فهد. الله يعافيج
فهد وراشد قاموا بيطلعون اسمعوا ناديه تسئل شيخه
ناديه وين حمدان
فهد وراشد. جووووووووو ه تحصلينه يناظر التلفزيون
ناديه وشيخه. هههههههههههههههههههههههههه.
........................
الله يسلمج يالغلااااااااااااااااا
الجزء 12
مشعل . خلاص ياايمان لا تبكين قطعتي قلبي.
ايمان. ليه خبيت علي.
مشعل:: ماابي اكدر خاطرج.
ايمان.تبكي .
مشعل ايما ن انا بسكر ادري انج مراح توقفين عن البكي ..بس اذا اتصلت ابي اسمع ضحكتج أللي تخليني مبسوط واذا سمعت بكيج يتكدر خاطري واتضايق..يالله مع السلامه .
ايمان ماتبيه يسكر بس مااقدرت البكاء ماخلها تكلم.
......................
في الدوانيه
انا مالي حق احجرعليه هي مو بنت عمي .بنت عمتي . وبعدين فكر فيها هي تخرجت وراح تتوظف اشلون تاخذني وتروح الكويت .
فهد.واذا توظفت وين المشكله.
راشد.ليه انت تشوفها سهله تترك وظيفتها وتعيش بالكويت.
فهد. وظيفه بدالها وظيفة ..انت راح تدبر لها وظيفه ..بس انت تحرك
راشد. علم عمرك اول...امك مسويه اعلان انك راح تاخذ شوق.
فهد.انا تعمدت اقول ان شوق مو في بالي قدام ناديه علشان ما تفسر السالفه على كيفها.
راشديبتسم. انت ازهلك . تعرف تصرف عمرك.
......................
بعد اسبوعين
مشعل سوا العمليه وانجحت ومدد جلسته بامريكا.علشان زوج شيما انتقل الي ولايه ثانيه وشيما موقادره تروح واعيالها يدرسون وهي تعبانه بعد النفاس جاها مرض عليها حراره. مشعل ماراح يترك امه واخته ابروحهم جلس عندهم ومنها يتابع العلاج.واصرت ايمان تروح امريكا مع اخوها راشد بس مشعل رفض انها تجي قال كلهم شهر وبنرجع . ووعدها
و كل يوم يكلمها.
شيخه بعد ثلاث ايام راح تطلع من الاربعين وبترجع الا مارت.
ناديه وايمان بسوق يشترون حق شيخه استعددا بعد ماتطلع من الاربعين.
في السوق
ناديه تكلم خالتها دارين
دارين.وانا كل ماكلمتك ابي شيخه مااحصلك عندها يافوق يابغرفتك اوبسوق.
ناديه. ههههههههههههه اسمعي خذي رقم البيت وان شاء الله راح ترد عليك
دارين زين انتي متى راح تجين.؟؟
ناديه اسبوع الجاي..هاه استنيني نشتري ثوب حق عرس فواز مع بعض
دارين محد معطلني غيركـ.. ..عطيني الرقم
ناديه. ********
سكرت ناديه من دارين.
..................
دارين تكلم بيت ام ناصر
راشد كان توه داش البيت ويسمع التلفون يدق
راشد. الو
دارين السلام عليكم
راشد عرف صوتها. وعليكم السلام
دارين. شيخه موجوده
راشد. ايه موجوده ..منو اقولها
دارين. وحده
راشد يبتسم. ادري انج وحده عيل ثنتين
دارين. قول لها دارين
راشد. دارين ..منو دارين
(دارين يالله ياراشد نسيتني )
راشد . الو
الو
دارين معي..
دارين متضايقه . ممكن شيخه
راشد بهمس . اشلونج دارين
دارين اكتفت ترد بكلمه وحده. بخير
راشد. اخبار عمتي ام سعود
دارين. يسرك حالها
راشد حس ان دارين ماتبي تكلمه
راشد . لحظه انادي لك شيخه.
راشد عطى التلفون شيخه
شيخه منو على تلفون
راشد دارين
شيخه اخذت السماعه
شيخه. هلاااااااااااا وغلاااااااااااااا
دارين هلابك زود ..اشلونك..؟
شيخه.طيبه وبخير ..قدني بطلع من الاربعين وانتي توك تذكرين عندج بنت خال.
دارين.اعذريني ياقلبي تعرفيني اخر سنه وشاده حيلي في الامتحان ومسكره جوالي .حتى ناديه يوم كانت بالسعوديه وبتروح الكويت ماكلمتها ...اخذ اخبارها من امي اذا كلمت على تلفون الغرفه.
شيخه. اشهدنج مصريه. حتى امج ماتبينها تكلمج
دارين. هههههههههههه , لا امي هي الوحيده عطيتها تلفون الغرفه.
اذا فتحت جوالي كل شوي راح تدق علي . وينك وين رحتي خليك مع البنات لا تطلعين بروحك .
تعرفين التوصيات. وعطلتني عن المذاكره.
شيخه . هاذيج عطيتيها تلفون الغرفة.
دارين. لا ياذكياء . الجوال اسمي امبرمج عند امي رقم 5 هي بس تدق رقم خمسه جاري الاتصال , انا شنو عطيتها رقم الغرفه تنتظر احد يدق لها اتلفون.
شيخه.ههههههههههههههه خطيره انتي .
دارين. اخبار اعيالك؟؟
شيخه. رهف تاكل القلب وحمدان صار رجال كله جالس بدوانيه مع خاله فديته
دارين. الله يخليهم لك
شيخه. يزاج الله خير. اقول اخبار الدكتور.؟؟
دارين. مابعد عطيناه رد
شيخه وهي تطالع راشد. انتي موافقه عليه.
دارين. هو بصراحه ماينعاب جمال وولد ناس وخير بس انه ساكن بالرياض . وانا مابي ابتعد عن امي.. ابي اكون اقريبه منها بس اخواني موافقين عليه بس انا وامي مترددين.
شيخه.استخيري .. ان شاء الله يكتبلج اللي فيه الخير.
اجلست تسولف مع دارين وبعدين شيخه سكرت التلفون
راشد. اخبار دارين.
شيخه اعرفت شنو يقصد. تقول اخوانها موافقين على الدكتور بس هي وامها مترددين
راشد قام معصب. ليه تتردد مو هذا فارس احلامها.
قام وطلع من البيت
شيخه شنو فيه معصب .؟؟
............................
بعد اسبوع.
في السعوديه
الساعه التاسعه مساء
راشد وناديه اوصلوا للبيت خوال ناديه
كان عندهم سيارات وايد
راشد. شكلهم عندهم عشاء
ناديه.ليكون دارين وافقت على طلول. واليوم ملكتها
راشد انصدم تخيل دارين تكون للواحد غيره ..ماله داعي انزل واحضر الملكه .
راشد. ناديه انزلي انا بكره بجي اسلم على عمتي والعيال.
ناديه عرفت ليه مراح ينزل. لا عمي مايصير والله ان جدتي راح تزعل عليك.
راشد. مايصير انزل وانا شكلي تعبان من الطريج
ناديه . بننزل وبنسلم عليهم وبعدين بنروح للبيت ابوي
راشد نزل مع ناديه
.............
ناديه تحضن ام سعود
ام سعود وهي تبكي. الحمد الله على السلامه
ناديه وهي تضمها . الله يسلمك .
وجلست ام سعود وراحت ناديه تسلم على مرت خالها سعود وخالتها دارين
وبعدين ارجعت اجلست جنب جدتها.
ناديه تمسك يد جدتها . اخبارك يمه مع السكر
ام سعود. السكر يوم يرتفع ويوم ينزل.
العنود. مثل الاسهم
دارين. هههههههههههههههههههههه تشبيه بليغ
اشوي دشوا العيال سعود وفواز يسلمون على ناديه
قال فواز يالله سووا طريق حق راشد بيسلم على امي
راحوا البنات الغرفه الثانيه علشان راشد ياخذ راحته
...............
راشد . انتم عندكم عشاء
سعود . ايه
راشد. من له
سعود. لك
راشد. اشدعوه .
فواز. يوم امي قالت ناديه راح تجي اليوم بيجيبها راشد
قلنا خلاص عجل عشاهم عندنا .
راشد ارتاح . عساكم على القوه
................................
دارين. راشد هو اللي جابك
ناديه تبتسم. ايه
دارين. من بكره حضري نفسك نروح السوق
ناديه. توني جايه خليني ارتاح
دارين تضربها من عند كتفها بخفيف. شنو تو الناس
بنات عمي فصلوا ثوب العرس وعلقوه في كبتهم . وانا اخت المعرس مابعد شريت . انتظر حضرتج تشرفين.
ناديه. خلااااااااااص يادودو اللي تشوفينه
....... ابيك تروحين معي بيت ابوي
دارين . ليه اجلسي عندنا.
ناديه . لا فشله استحي من اعيال خالي سعود دارين. فديتهم اعيال سعود . والله انهم مايتعدون المجلس كله حارسينه
العنود. اصلن عمتي مراح تخليك تروحين ابروحك البيت
ناديه. لا جدتي مراح تقول شي .
دارين قولي حق امي .
ناديه. دودو لا تلفين وتدورين بتروحين يعني بتروحين.
.........................
في فلة ناديه
غرفة الضيوف
راشد منسدح على السرير
ناديه. اذا محتاج شي دق على تلفون . بروح دودو خليتها بروحها
راشد بعد ماعرف ان دارين ماوافقت على طلال خذا راحته في الحكي.قال::.فديتها. سلمي لي عليها وااااااااااااااااايد
ناديه تبتسم. عمي فيها قبايل لو يدرون خوالي انك جالس تتفدا اختهم حشو ارجيلك حش
راشد. هههههههههه خوفتيني بخوالج.
ناديه. هههههههههههههههههههههههههه
...................
راحت ناديه عند دارين بصاله وهي تضحك
دارين .خير ضحكيني معك
ناديه وعلمتها بساالفه
دارين تطيح على ناديه تمثل انها مغمى عليه
ناديه. ههههههههههههههه اصحي يالخبله
دارين. امممممممممممممممممم اقولك شي
ناديه. قولي
دارين. تعرفين ليه ارفض الخطاطيب اللي يجوني على امل ان راشد يتقدم لي . احيانا كنت اقول ليه هو مايتقدم راشد يخطبني بس كنت في كل مره ادور له عذر.
يوم جاء طلال وخطبني الكل وافق حتى امي وافقت بعد مااقنعها سعود وفواز بصراحه طلال ماينرد عريس لقطه على قولت المصريين بس لو تشوفينه ياندوي يهبل جميل يطرح الطير من السماء يقول القمر روح وانا بجلس مكانك
كنت موافقه عليه بس اخر لحظه في شي منعني .
ناديه.تحبينه
دارين. مااحبه ولا اكرهه عادي حتى في الدوام ماكنت اشوفه واجد .مااحتكيت فيه .استغربت انه خطبني من بين البنات .
ناديه. لا انا اقصد راشد تحبينه
دارين.ليه مااحبه وهو كل تفكيري . من يوم حنا اصغار وهم يقولون راشد للدارين ودارين للراشد . خلاص اتبرمج على ان راشد شريك حياتي مستحيل ابدله بأي رجال .
ناديه. بس هو ماتقدم خطوه وحده يثبت انه يبيك.
دارين. مو هذ ا اللي ذابحني . على كثر الخطاطيب ماتحرك وقال لا دارين لي محد ياخذها غيري..
ناديه. انتي عطيتيه فرص واااااااايد بس هو مااستغلها.
دارين. تدرين ان طلال قال حق بنت اخته انا مستعد انتظر دارين العمر كله.
(بنت اخت طلال صديقت دارين)
ناديه. مقيوله. اللي يبينا عيت النفس تبغيه واللي نبيه عيا البخت لا يجيبه
دارين. انا قلت اذا جاء احد وخطبني وراشد ماتحرك راح اخذ طلال .
ناديه. تاخذين طلال وانت قلبك مع غيره
دارين. وش تبين مني انتظره على امل انه يتحرك.. يمكن هو مايفكر فيني . .
راشد كان طالع من الغرفه وبيروح الحمام وهو مار سمع الحوار اللي دار بينهم.
رجع الغرفه
ماقدر يخبي شعوره اتجاه دارين دز مسج حق ناديه
.................
ناديه ترفع تلفونها تشوف المسج من وين
المسج من راشد
وصلي المسج حق دارين
وصلت حدي بالغلا كيف ما أغليـــك
كـــل الكلام مقصـــر لا يطولــــــــك
من كثر ما أحبك ومن كثر ما أغليك
أحب كـل من حبك ومن كان حولك
وأخذ غـلا من حبني حيل وأعطيـك
حتى أكون بحجـــم حبك وقولـــك
الولهــــــــــــــــــــان.. راشد
ناديه قرت المسج اضحكت بصوت عالي
دارين تبتسم وتطالعها مستغربه من ضحكتها.
ناديه تمد لها الجوال
ناديه. اقري .هذا واحد بايعها اليوم.
دارين اخذت الجوال وقرت .مومستوعبه ظلت دقايق وبعدين قالت.
دارين اشهقت. سمعني . لالالا
ناديه.هدي من روعكي يافتاة.. يظهر خاف من تهديدك.
دارين.ندويه اضريبني .انا احلم.. مو مصدقه راشد يبادلني نفس الشعور.
ناديه. الله يسعدك .
دارين اخذ ت جوال ناديه ..وجلست تنقل الرساله اللي جوالها وتمسحها من جوال ناديه
ناديه. وش تسوين...ليكون ترسلين له.
دارين. ندوي عيب عليك مو انا اللي اسويها.. بس الحقوق محفوظه الرساله مسحتها من عندك
ناديه. هههههههههه ياالغيوره.
..................

الجزء 13

عند راشد
راشد يتذكر كلامها.
طلال مستعد ينتظرني
طلال مستعد ينتظرني
طلال مستعد ينتظرني
جاه صوت مسج شافه من عند ناديه
ابتسم وفتح المسج
لما قراء المسج ضحك ضحكه طووووووووووويله.
(ماتعرف ان التجسس على الناس حرام)
.......................
في يوم جديد
في فلة ناديه
الساعه 9 صباحا
ناديه تصحي دارين
ناديه.دودو يالله قومي..مو انتي تقولين لي صحيني الساعه 9 .
دارين. ندوي حرام عليك خليني اكمل حلمي..
ناديه. هههههههههه والله عمي عرف يجيب راسك
دارين وهي تعدل جلستها.عقبال مااشوف فهيدان جايب راسك
ناديه فتحت عينها على الاخر.
دارين .لا تطالعيني كذا. انتي من يوم جيتي كله تقولين .فهد سوا . وفهد قال. وفهد. وفهد..
ناديه.لا دودو لاتفسرين كلامي على اني احبه
دارين.ندوي. انا دارين خابزتك وعاجنتك عدل.
ناديه اسكتت وبعدين قالت بصوت هادي .اممممممممممم هو يعجبني في شخصيته وثقته في نفسه .قوته.
كل ماشفته اختبص ماادري ليه اذا سمعت صوته اسرح مع صوته للبعيد.
. ابتسامته وااااااااااااي تخبل ضحكته تذوب يادودو. الرجال هذا عذاب. لمست يده . وهي تنسدح على السرير وتمسك خصرها. هز كياني .احس برعشه تدخل في جسمي .
امس ماشفت فهد كانها سنه ماشفته
وحشنــــــــــــــــــــي بقوه.
دارين. شنو سالفة مسكته.
ناديه ارتبكت.هاه ..ااانا قلت مسكته.
دارين. ندوي قولي اخلصي تعرفيني مراح اخليك تطلعين من الغرفة من غير ماتقولين لي .
ناديه.علمتها بسالفه المطبخ وسالفة المستشفى.
دارين < تتكلم بجد من غير ماتمزح<<.ندوي خلينا نكون صرحين مع بعض. جمال البنيه وقيمتها في سمعتها اذا فرطت في سمعتها مراح يكون لها قيمه.شوفي انا احب راشد من زمان .بس ولا عمري فكرت اني ادزله مسج اعلمه اني احبه.
تدرين ليه. الى يتقدم هذي الخطوه صدقيني راح تكوننين في نظره بنت بلا قيمه . راح يشوفك انك انتي اللي قاطه نفسك عليه.
ندوي لا تفكرين انك تصارحين فهد بحبك. مهما طال الزمن ولا قصر .
ناديه. ليه تتوقعين مني اني راح اسويها.
دارين. الشيطان حي مامات.
..........................
في بيت ام ناصر
ام ناصر.والله البيت كله لها
ايمان. البايخه خلتني ابروحي ..فقدتهاحييييييييييييل.
(فهد ايه والله حتى انا احس الديره فاضيه )
فهد. متى نويتوا تروحون السعوديه
ام ناصر. قبل العرس بثلاث ايام.
ايمان, علشان نستانس و نتمشى بالخبر.
فهد . على راحتكم بس علشان اضبط اموري في الشركه. واشوف امي واخواتي.
شيخه. امك بتروح معك؟؟
فهد. ايه وبتحضر العرس وبعد العرس بنحرك المكه.
ايمان.يوه تعب علينا خلوها بعد العرس بومين.
فهد. انا متفق مع راشد وقال زين.
ام ناصر.لا ماعليك منها .
شيخه. كم سياره بتروح
فهد.سيارتي وسيارة راشد.
ايمان. اشدعوه سيارتين خلوها سياره وحده .
ام ناصر.لاسيارتين احسن تشيلنا وتشيل اغراضنا.
شيخه.ناديه بتروح معكم
ايمان.لابتروح مع خالها للسوريا.
ام ناصر.موب على كيفها تروح معي
شيخه. يمه مايصير تحكمين في البنيه..خليهاتروح مع خوالها وجدتها.
ام ناصر. لا انا مااتحكم فيها بس هي حسبت الامانه عندي اذا اعرست وراحت بيت رجلها . قد شورها عند رجلها.
فهد. ايه صادقه امي البنيه مع جدتها.
...................
في سياره ناديه.
ناديه تكلم راشد.
ناديه. دير بالك من الطريق وسوق على مهلك
راشد. ذكرتيني بامي .. توصون على شي
ناديه. سلامتك
راشد.اللي جنبك ماتبي تقولي شي.
ناديه.هههههههههههه قصدك مرت طلال.
راشد. قسم لو تقولينها مره ثانيه لااذ بحك.
ناديه,ههههههههههههه خوفتني
راشد. سلم لي عليه قولي لها اني اسلم عليها بوسي لي عينها قولي لها اني ابوس عينها.
ناديه .ههههههه يوصل يالولهان
.........................
مرت الايام بسرعه.
وناديه تحط على الطاوله باتشي ومعمول سعد الدين وحلويات وفطاير في مجلس الرجال ومجلس النسوان.
دارين . كل هذا علشان اهل الكويت ولاعلشان اللي خبري خبرك.
ناديه بصوت حزين. دودو اللي ماتعرفينه فهد في باله وحده ويبيها.
دارين. من هي.؟؟
ناديه . ماقال من .
دارين تضيع السالفه. اقول دقي على جدتك شوفيها وين بتجي عندك ولا عندنا.
ناديه. لا عندكم تقول بنروح للمعاريس اول وبعدين بيجون اهنا في بيت ابوي.
دارين. يالله خليني اروح البيت واستقبل النسوان.
ناديه. انتظري تو الناس خلينا نتغدا وبعدين نروح مع بعض.
دارين.بتروحين معي . اجلسي العرب بيجونك
ناديه تبتسم..وتحركــ.. حواجبهاا. ايه بروح معك وش مجلسني بروحي..؟؟ بروح استقبل النسوان معك.
....................
في سياره فهد
ريم تكلم هيون
ريم. شنو يجيبه معنا؟؟
هيونه. فهد الي قاله يجي علشان يساعده في السفر
ريم. ماحصل غير هذا
هيونه. شنو فيج على الرجال ..شوفيه ياحلوه عاقل .من يوم ماركبنا السياره ماتكلم.
ريم. وع وع وع من زينه
هيونه. انتي ليه ماتبينه.؟؟
ريم تضيع السالفه. منور عطيني كاكاو.
منيره. لا مابي مالي .
حمد يكلم ريم. اششششششششش صوتك . الرجال يسمعك.
.......................
في بيت ام سعود
في بيت المعاريس
بيتهم فله كبيره وحوشهم كبير وحاطين اللمبات الصفر على بيتهم من كل الجهات. وعندهم اعيال عمتهم

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -