رواية غزلان -7
وطول الوقت غازي ميت عليهاا ضحك لما خلص غازي من تمشيطهطلع عطر دنهل وقام يتعطر منه وبعدهاا دخله بالدرج وراح جلس جنب
غزلان اللي لافه وماتطالعه ...
غازي: ويمسك ايدهاا : زعلان ياقميل
غزلان: وتسحب ايدهاا .. لاتكلمني
غازي: ذكريني بطلبك اللي طلبته من شوي
غزلان.. وتناظره وبعدها نزلت عيونهاا وقالت بصوت واطي : ابي امي
غازي: ما اسمع
غزلان: ابي امي
غازي: اوكي
غزلان: اوكي شنو
غازي: ماتبين امك
غزلان: وتعدل جلستهاا : أي ابيها بتجيبها لي
غازي: اللحين غزوله تطلب وانا مااجيب لها ليش ما استحي
غزلان: ونزلت راسهاا مستحيه : ايه بس انا غلط عليك انا اسفه
غازي: لا ماينفع معاي الاسف
غزلان:بفرح .. قول اللي تبيه وانا انفذه بس اقبل اسفي
غازي: وهو يمسح دمعتهاا : دموعك مابي اشوفها مره ثانيه
غزلان: خلاص دامك بتجيب امي دموعي ماراح تنزل
غازي : واذا نزلت
غزلان: تفكر : امممممم ودني السرداب
غازي: وماتخافين منه
غزلان.. بدلع طفولي : امبلا اخاف بس عادي كله يهون وامي معاي
غازي:بعطف .. تحبين امك
غزلان: اكيد احبها في احد مايحب امه
غازي: انا عندي ام وما احبها واجد
غزلان: عاد انت حاله شاذه
غازي: شنوو
غزلان: وتسكر حلجهاا .. لالا خلاص خلاص انا اسفه
غازي: هههههههههههههه اوكي اللحين انا وانتي اتفقنا نجيب امك واذا مارضت تجي معاناا
غزلان..وتكشر : ليش هي ماتبي تشوفني
غازي: لايمكن تبي تشوفك بس ماتبي تجي هني
غزلان: ويضيق خلهاا وكانت تبي تبدي تبكي
غازي: لالالا حنا شنو اتفقناا
غزلان. وتمسح دموعها : خلاص خلاص ما اعودهاا
غازي: انزين كليتي شي
غزلان: لا بس شبعانه
غازي: تبين تتغدين
غزلان: لا مو مشتهيه
غازي: انتي تخليني ما اجيب امك
غزلان:لا خلاص باكل
غازي: شنو تبين
غزلان: أي شي
غازي: على ذوقي
غزلان: كيفك
وبعدها طلب غازي لهم غدا وتغدى هو وغزلان ..
الجــــــــ 8 ــــــــزء
نيكول: وكيف بتجيب امهاا وهي ميته
غازي... وهو يربط كرفتته قدام المرايه: كذبت عليها
نيكول: حرام البنت حيل مبسوطه وحطت امال انك بتجيب امهاا
غازي: كلهاا اسبوع وتنسى اصلن بعد كم يوم بنروح لخوهاا
نيكول: أي صحيح شو عملت مع فارس
غازي: بعد 4 ايام اقابله واخذ بضاعتي وفوقها كم مليون وبس
نيكول: وغزلان
غازي: شفيهاا
نيكول: شو راح تعمل فياا
غازي: تجلس هني معززه مكرمه
نيكول: وليه مابتعطيا لاخوهاا
غازي: وليش اعطيه غزلان اصلن تضينن انه بيعيش عشان يشوف غزلان
نيكول: حرام عليك تفطر ألب هالمسكينه
غازي: وانا مقدر اعطي فارس اخته يظن انه انتصرعلي ولا اقدر استغنى عن غزلان
نيكول: ليه بتحبهاا
غازي: اخذ الجاكيت منها ولبسه : نيكول صايره فضوليه هذا من كثر ماتقعدين
مع غزلان
نيكول: هههههه بدك شي مني أبل ما روح
غازي: لا بس حطي بالك على غزلان
وراح غازي يخلص اشغاله اما نيكول فراحت اخذت لها اغطيه سرير
وراحت لغزلان
اول مادخلت غرفة غزلان شافت الغرفه كلها ملابس على الارض محذفه
وغزلان قدام المرايه تسكر ازرار قميصهاا
نيكول: لك شو هاد غزلان
غزلان: تعالي شوفي شرايك ألبس هذا ولا هذا لا جت امي
نيكول.. بقلبهاا : الله يصبرك يا ألبي
غزلان: وين سرحانه نيكول جالسه اكلمك
نيكول: ايه كلياتن حلوين
ودخل عليهم غازي ..
غازي: اووف اووف شنو هذا
نيكول: تضحك ... عم بتنأي لها فستان لما بتجي أما
غازي: ههههههههههههههههههههههههههههههههه
غزلان.. تتخصر: ليش تضحكون مو عاجبكم
غازي.. ويقلدها : لأ
نيكول جالسه تشيل الملابس من الارض
غزلان.. بعصبيه : نيكول ماخلصت خليهم بمكانهم
نيكول: امرك وحطت الاغطيه وطلعت من الغرفه
غازي .. ويقرب منها : ليش عصبتي عليهاا
غزلان.. تكتف ايدينهاا : لانكم جالسين تضحكون علي وانا ماسويت شي يضحك
غازي: اللحين كل هالعفيسه وحالتك حاله ثوب فوق الكبت واحد على الستاره وما يضحك
غزلان: بختار ثوب حلو لا جت امي
غازي: وماتعرفين تختارين وترجعين مكانه
غزلان: لا انا عفيسه انزين ماقلت شرايك بهاذا
غازي .. ويطالع : متأكده انا جايبه لك
غزلان: لا ماخذته من راجوا أي انت جايبه
غازي: هههههههههههههههههههههههههههه هو مو حلو بس انتي محليته
انزين ليش ماتجربين هذا
غزلان: لالا قصير حيل
غازي: واذا
غزلان: من زين كراعيني اطلعهاا
غازي: اهاا أي احسن مابيك تطلعينها لاني اغار
غزلان: وليه اتغار وحده من اهلك
غازي .. وماحب يبين لها شي : لا بس مسؤوله مني وما احب احد يطالعك
غزلان: أي صح انزين وين بتروح
غازي: وليش تسألين زوجتي
غزلان: لا بس مسؤول مني وماحب تروح وماتعلمني
غازي: لا والله
غزلان.. وتمد لسانه .. وتروح وتخليه
غازي.. غزلان غزلان تعالي جايب لك شي معاي
غزلان .. وتركض عنده وتوقف قدامه : شنو جايب
غازي.. شي حلو قولي شنو
غزلان: اممم يمكن يؤؤ شنو خلصني ماعرف
غازي: يماا ياكثر ماتعصبين جايب لك .. ويطلع لهاا صندوق صغير مخمل لونه احمر وعليه بعض الكرستالات اللي نازله من سلاسل..
غزلان: الله خاتم يهبل يجنن مشكور غازي ماتقصر
غازي:وبس هذا اللي قدرتي عليه
غزلان.. وهي تلبس الخاتم وتطالعه بنبهار .. وش تبي
غازي: قولي يا حياتي ياقلبي ياعل عيني ماتبكين
غزلان: هي هي هي يبأه أبلني لو قلتهاا
غازي: انزين عطيني الخاتم
غزلان: ماكو ماني معطيتك حره حريره
غازي: ويبي يمسك غزلان عشان ياخذ منها الخاتم
لكن غزلان نطت فوق السرير وماقدر غازي يمسكهااا وكانت غزلان ميته
ضحك على غازي
غزلان: ههههههاي ماتقدر تصيدني
غازي: اقدر ولا تحديني اصيدك واعضك
غزلان: ماتقدر ماتقدر ماتقدر
وقام غازي نط على السرير بيمسكها لكن غزلان بخف الريشه انفلتت من بين
ايده وغزلان ميته من الضحك على طريقة غازي وهو يلحقهاا
كانت ستاير السرير مفتوحه وغزلان وقفت بالجهه المقابله والستاير حجبت عنها رؤية غازي
غزلان : غاااازي انت وينك
غازي : ويمسكها من ورى : انا هناا
غزلان: أأأأأأأأأأأأ وخر عني ياحمار
غازي : ههههههههههههههههههه صدتك
غزلان: وتصيح : يماااا بيعضني وخر عني
وهي تحاولت تتفلت من ايد غازي قدر غازي يخطف منها الخاتم
وبعدها تركهاا
غزلان: عطني الخاتم ليش تاخذه مني يا حرامي
غازي: ويرفعه فوق : تعالي اخذيه
وبحكم قصر غزلان ماقدرت توصل له تنط تنط بس ماتوصل له راحت وقفت فوق السرير ونطت امسكت ايد غازي وخذته من ايده
غزلان: وتطقه مع ايده : مره ثانيه لا تتعودهاا
غازي: ايي والله تعور بس ماقلتي شرايك فيه
غزلان: وهي تجلس على السرير حلو حييييييييل
غازي: بس مو احلى منك
غزلان: ادري اني احلى وين الجديد
غازي: يالمغروره
غزلان.. فجأه: اللــــــــــــــــــــــــــــــــــــــــه عليه حرفي من داخل
G&g بس منو G الثانيه
غازي: ويطق راسهاا : هذا حرفي اناا
غزلان: وليش تحط حرفك
غازي : عشان تذكريني
غزلان: بس ما احتاج شي يذكرني فيك
غازي: وليه
غزلان.. استحت : بس جذي المهم تأخرت عن دوامك.. وتمسك ايده وتجره لين عند الباب ... يالله مع السلامه
غازي: وانتي سالمه
ويطلع غازي يروح لشغله
اما غزلان نامت وهي ماسكه الخاتم وحاظنته من كثر فرحتهاا فيه
على ان غازي مغرقهاا مجوهرات بس ماعجبوها كثرهذا
...........................................
فارس: منسده نفسه عقب وفاة امه على ان صار لها مده بس
متضايق انه ماجلس معاها اخر سنينه وفاقدها حيل
نواف: يافارس قوم شوف شكلك يخرع كم صارلك مو حالق اللحيه
وبسك شرب ذبحت نفسك
فارس.. ماسك البطل وهو سكران حده : مالك شغل فيني واطلع برى
نواف: مايصير اللي تسويه قوم اصحى
فارس: واصحى ليش انا مبسوط كذاا
نواف .. يامر صبحي : روح صلح لنا مطاره قهوه بسرعه
فارس.. يغني : عزاااااه ياقلبي من الهم ههههههههههه هم هههه
نواف : لا حول ولا قوة الا بالله الرجال استخف
وبعد جهد جهيد صحصح فارس معاهم
نواف : صحيت فارس
فارس: معاك اخص بروح اناام
نواف: بكره موعدناا غازي
فارس: اوكي جهزتوا كل شي
نواف: كل شي مثل ماطلبت
فارس: خلاص روح شوف شغلك انا بنام
وراح نواف يتأكد من كل شي لقى كل شي سليم
واما فارس بسابع نومه
........................................
مريم: جراح شيل هالكراتين وخل الباقي علي
جراح: المهم السياره اللحين فل بروح اودي الاغراض هذي وان جيت ألاقي كل شي جاهز
مريم: انشالله
كان ولدهم ناصر يلعب بالسيارات
مريم: ماما ناصر شيل ألعابك عشان بنروح بيت جديد
ناصر .. لا مابي
مريم .. وتجلس عند ولدها : وليش ماما
ناصر.. نلوح ونحلي عزلان ويمه كبيره
مريم .. وظاق خلهاا : لا مانروح ونخليهم هم بيجون لنا بنحط لهم غرفه كبيره
وانت بتنام معاهم
ناصر: لا ماابي ابي عزوله ويمه انا بلوح معاهم
مريم: بس البيت الجديد حلو في حمام سباحه
ناصر : بفرح : ونسبح وازد
مريم : ونسبح وازد
ناصر: وعزوله معانا
مريم : أي وعزوله معانا
ناصر: وانا اصب على راسها ماي وهي تبكي ههههههههههههههه
مريم: هههههههههههههههههههه يالله نقووم
ناصر: ويركض يلبس نعاله
راحت مريم كملت شغلها وخلصت وجلست تنطر يوصل زوجهاا
ولما وصل حملوا غراضهم وراحوا لبيتهم الجديد
مبتعدين عن ذكريات بيتهم القديم
..................................
غزلان: لا تكذب علي
غازي: ألبسي وشوفي وين بوديك
غزلان: وان طلع كلامك كذب
غازي: سوي اللي تبينه فيني
غزلان : وتنقز .. بروح لفارس اللله وراحت تركض تلبس ملابسهاا
وقف غازي ينطرها تخلص
غازي: يالله اخرتيناا
غزلان: خلصت خلصت بس نيكول بتروح
غازي: أي بتروح انتي جاهزه
غزلان: ايي
غازي: ماودك تجلسين معاناا
غزلان: لا
غازي: وتتركيني بروحي
غزلان: اممم عندك نيكول
غازي: بس مابي نيكول ابيك انتي
غزلان:وش تبي فيني
غازي: بعدين من اتهاوش معاه
غزلان : ايه عشاان تحرق اعصابي
غازي: ههههههههه يالله مشيناا
وراح غازي مع غزلان ونيكول بسياره وحده وراهم سيارتين غير اللي متفقين معاهم يجون لا لزم الامر
وبعد ساعه وصلوا للطياره الخاصه وتوجهوا الى مصر مكان اللقاء
بعد ساعات وصلت الطياره لمكانها المخصص نزلوا وركبوا لمزين
تعبت غزلان من الرحله واول ماجلست على المقعد طاحت لكم شخير
ولان السياره تهتز راس غزلان يروح يمين ويسار غازي كسرت خاطره
وسند راسها على كتفه وخلاها تكمل نومتهاا
اقل من ساعتين وصل غازي وربعه لمكان التلاقي ولقى فارس واصل قبله وينتظرهم نزل غازي هو وربعه وخل نيكول وغزلان بسياره وحرص عليهم ان غزلان ماتنزل من السياره الا لما يعطيها الاذن
غازي: هااه فارس واصل من بدري والله وقمت توصل بمواعيد
فارس: تلميذك انا وين غزلان
غازي: في الحفظ والصون هدي علامك مستعجل
فارس: لاني انسان مشغول وماني فاضي
غازي: اول البضاعه والتعويض
فارس : اشر لهم ووروه من بعيد البضاعه والتعويض
غزلان : نيكول هذا اخوي فارس شوفيه تغير حييل حيل صار
يجنن فارس .. وكانت تبي تنزل لكن نيكول منعتهاا
غازي : ياشر لهم جيبوا غزلان
وراح محمد طلع لهم غزلان ووروه من بعيد
غزلان كانت بتركض بس مسكهاا غازي مع ايدهاا وقربها عنده
الجـــــــــ 9 ـــــــزء
فارس : غزلان فيك شي
غزلان : لا انا بخير
فارس : وتطمن ومن بعيد أشر لربعه انهم يبدون الهجوم واللي ماكان بالحسبان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك