بداية

رواية انتحرت فاحبني -1

رواية انتحرت فاحبني - غرام

رواية انتحرت فاحبني -1

بسم الله الرحمن الرحيم
كتبت قصه قبل فتره من وقت الا ان الظروف لم تحالفني ان اكملها وقد اعلنت للكثيرين ممن قرء روايتي بتوقف الا انهم رفضوا ذلك بشده
الااني كل مره احاول اخراجها من المشكله اراني ادخلتها اخرى يمكن تقولون انها اطول روايه
وانا ان وضعتها بين ايديكم لك حتى اتشجع واكملها وارى مقتراحتكم ونظرتكم لشخصيه التي رايتموها ؟!!
لاني وعدت كثيرات من صديقاتي في منتدى وانا احسبهم كذلك وخواتي بأني اكملها
الا اني اجد صعوبه لضيق الوقت وكذلك واهتمامي بالادب من حيث نثر او شعر في كثير من منتديات وحياتي العامه
اخواتي قالت لي ان اكتب قصه حياتي مستعينه بواقعي الا ان هذا الامر بالفتره الحاليه شبه مستحيل لضيق الوقت وظروف التي امر بها
اترككم مع القصه عنونتها

 " انتحرت فاحبني "

"الفصل الاول,الجزء الاول"

كانت الغرفه بارد مظلمه مخيفه اه ااه ااه بكاء مر قاعده على سرير قدامها حبوب البنامول وحبوب ثانيه تفتح قصديره قصديره وبكاء يزيد يزيد ما كان في احد في البيت الكل طالع هذي فرصتي علشان ما اضعف ابي اموت ابي ارتاح تعبت تعبت اه ااه ااه وزادت البجي الاهلها كانوا معزومين على العشى اهي ماراحت اعتذرت منهم جمعت كل الحبوب من العلبه الي شرتها خلاص خلصت حطتها قدامها قطت الكرتون وصفائح القصدير بقى الحبوب الحين اكلها ورتاح امسكته بسرعه "اخمطه"مثل جاهل الي فرحان عنده حلو مايبي احد ياخذه او يدري احد انه عنده ملت كفها الاثنين قربت الحبوب من فمها قربته قربته قربته ...ترن ترن ترن التفتت على كمديون"كمندينه او طاوله الي تكون قرب السريرفيها دروج"جرارات",بكل غضب وحزن منو هذا الي خرب علي لحظتي حتى في اخر لحظه امنكد علي
... الو
اماني الو نعم
... هذا مو تلفون حمد علي
اماني لا نمره غلط وقعدت تشاهق
فهد اكيد انت متأكده؟"لانه صار له كم يوم ما كلمته
اماني وقالت بكل حزن غضب جنوني انت شتبي ليه خربت علي
فهد بغضب لانه ما يتحمل مرأه تصرخ عليه رد عليها برود اسف إذا انا خربت عليج بس والله الدنيا ما تسوى الحزن الي انت فيه"قالها من غير نفس"كان بيصك بس سمعهاتقول
اماني انت شكو "وهي تشاهق"انت خربت علي انتحاري الحين بجون اهلي وانا ما مت وكله سبه منك.
فهد منصدم من الي قاعد يسمعه يبي يتكلم ولا يسمع طوط طوط طوط
انا الحين رجعت لج ياحبوبي يلا مره ثانيه يلا راح ارتاح اموت يلا اخمطت مجموعه من الحبوب شالتها قربتها قربتها قربتها ...ترن ترن ترن مثل اول مره اخذت السماعه من غير ما تشوف الرقم على انها اتعرف ان هي النغمه تدل على انه مو من اهلها او رفيجتها يمكن السبب انها خايفه تاكلها او تبي احد يردعها ردت
اماني تشهقق ا لو
فهد تكفين لا تموتين رجيتج لا تموتين والله حرام ما تدرين ان ان الانتحار حرام ويدخل صاحبها الناروالله حرام تكفين اختي تكفين لا تموتين
اماني انت شكو من ولاك علي ولي امر انت انت اشتبي ؟"قالتها وهي تصارخ"
فهد حرام عليج والله حرام قولي لي مشكلتج يمكن انا اقدر اساعدج بس حاولي تكفين لا تنتحرين
اماني بعد تفكير قصير خلاص ماراح انتحر بس بشرط "الهدف انها يوصل احساسها لاهلها ولدها صح وتكون وصيه"
("ملاحظه :"عندما يريد الانسان الانتحار يكون في حاله جنونيه مضطرب المشاعر خوف,حزن ,كأبه ,ضيق,الخ من المشاعر السالبيه التي تحفزه على الانتحار وشعور بضعف والاستسلام والاحساس ان المشكله التي هو فيها اعظم من الدنيا كلها وهذا وجهه نظري انا ")
فهد شنو يلا قولي "مسايره لعقلها"
اماني تسمع قصتي "بصوت حزين"
فهد هاء شنو؟اممممم خلاص اسمع
اماني ابتدي معاك من كنت صغيره انا ما عشت طفوله سعيده اي صح انا بظل امي وابوي بس ماكانت سعيده من حيث راحه والاستقرار امي وابوي كل يوم الصراخ كل يوم طق بامي بس الطفل في طبعه يحاول ينسي نفسه بلعب كبرت وكبرالحزن معاي كل صيف انسافر يم خوالي نقعد باجازه الصيفيه اهناك كانوا خوالي مايقصرون معانا لانهم يدرون ان ابوي بخيل علينا كان في احد من اعيال خوالي يحبني وانا طفله ما كنت ادري بس كنت ارتاح له "بكت وتشاهق"
فهد كملي "كان يبيها تتكلم لانها في بدايه المكالمه قالت ان اهلها بجون وهي ماماتت علشان جذي يبي يماطلها"
اماني كبرت دخلت مرحله المراهقه كنت اتعرض لمو ضايقات كثيره بسبب شكلي انت ليه جذي انت عكس خواتج انت ليه انت ليه؟!كنت ارجع من المدرسه اسال امي يما ليه قالت لانج قمر ويغارون منج انا ابتسمت قالت اختي الكبيره صج القرد بعين امه غزال انا اقولج انت انولدتي وفيج وفيج وفييي وزادت يكاء اهي اهي
فهد كملي انا اسمع تكفين قولي
اماني قالت فينييييييييي وبسرعه قالته "تشوه خلقي"
فهد ها شنو ما فهمت الي قلتيه
اماني فيني تشوه خلقي قالتها برود وهدوء
فهد سكت ما عرف شنو يقول .............
اماني اكمل؟
فهد اي كملي
اماني لما قالتها طالعت امي لقيت جواب ابصمتها هذا اهو السبب الحين عرفت ليه انا غير عن خواتي من ذاك الوقت وانا منعزله الناس خفت طاقتي كنت العب واضحك وضحك كنت مرحه محبه للحياه بس تغيرت 180درجه لا360درجه صرت اميل للقعده ابروحي ما احب احد يطالع بوجهي والغريبه ان في فتره مراهقتي كان لي معجبات ما ادري ليه مع ان شكل مثل قرد وعيوني نقط الماء وجهي مثل المقلى وخشمي مثل قرد وكبرت كبر همي من شكلي قلت حق امي يما ابي اسوي عمليه تجميل امي لا انت قمر ما عليج من الناس تغيرين خلقت الله رحت كلمت اختي كبيره احلام ابي اسوي عمليه تجميل روحي اقنعي امي تكفين,قالت خلاص لا جيت مع بعلي اكلم امي وصج كلمتها وافقت ورحنا الطبيب بعد الفحوصات قال قال ...واسكتت
فهد خاف انها افطنت للوقت قال اختي وينج كملي انا اسمع كملي
اماني اخذت نفس قوي قال ان وجهي ما اكتمل نموه في فتره الحمل بعدين سال الوالده ان كان اكلت ادويه وهي حامل فيني قالت اي عطاني دكتور علاج مضاد حيوي في شهري الرابع اكلتها لمده 10ايام بعدين وقفته اهو قال لي لمده 21يوم بس انا خفت قال هذا اهو السبب حدد لنا العمليه والحمدالله شو فلوس من اختي ومن امي واخو المتوظف قدرنا نجمع3الاف دينار وشي وانجحت العمليه بس باقي عمليه ثانيه ما قدرنا انسويها بسبب السعر بعدها جوني خطاطيب واجد بس ابوي وافق على واحد من جماعه وملكني عليه من دون ما ادري "وزادت بكي بالم وحزن كبير "
فهد عجل هذا سبب ...سبب حزنج
اماني هي هه هه اه ه اه "تشاهق"كنت انا برابعه ثانوي طموحي اني اصير مدرسه انكليزي وانا بالصف ولا اسمع وحده من الجماعه تقول"هذي ملكه من يصدق هذي الجيكره مشت وانا الحلوه مامشيت,انا استنكرت الي سمعته احس ان الدنيا دارت فيني ما قدرت اتحمل اليوم وحسيته طويل غثيث جت الهده"انصراف من المدرسه" رحت على طول لامي اسالها الي سمعتها صج او لا امي قالت صج انا اهني الدنيا دارت فيني ما تحملت الخبر اغمى علي قمت لقيت امي تبكي علي وعرفت انه واقع لا ما حاله مشت الايام وضاع حلمي كل يجي كل يوم يزيد همي وحزني وخوفي من المستقبل اهملت دراستي وانخفضت همتي بس كنت عند بنات الدنيا مو واسعتني ابتزوج وسافر شهر عسل يعني وناسه كنت البس قناع السعاده بالمدرسه وقناع رضى بالبيت علشان امي ما يزيد السكري عليها تخرجت بنسبه ضعيفه ما اهتميت لانهم قالوا لي انهم ما يسمحون للمراه انها داوم المراه لها بيتها بدت العطله الصيفيه وقرب معاها العرس جاءالعرس دخلت البيت زوجيه ويالتني ما دخلتها عشت عذاب اهانات كل يوم مشاكل يا منه او من اهله تعبت كلما اجي لاهلي يردوني ليما حملت وزدات مشاكلي مع حمالي جسم ما كان قادر يتحمل ضغط نفسي وجسدي من البيبي ليما ولدت وبغيت اموت بولاده لولا الله ماكتب لي حياه جان الحين انا ميته بعد الولاده زادت مشاكلي معاه ومع اهله انا اهني ما قدرت لميت اغراضي ورحت بيت امي وامي اصرت اني ارد بس انا عيت وكلمت اخوي وابوي كلهم حمقوا اشلون وليه ما قلتي لنا احنا ادبه يهينج ويذلج احنا إنأدبه"يؤدبونه"صارت هوشه بين الشياب والشباب وزوجي المصون قال"احمد ربك اني اخذتها انت قالت انها مزيونه وين غير القبح بعينه واعلمه تحمد ربها جبت لها طفل تتسلى فيه لاخر العمرو لا قلي منو هذا الي يبي ياخذها اهي وشكلها"صدق والله صدقه اهي اهي وارجعت تبكي مراره اكثر
فهد اختي انا رجال واعرف فكر الرجال هذا بس يبي يكسر مجاديفج يبيج تحسين بفضله عليج يبيج دايم منكسره وذليله وتكونين عبده له علشان تهونين عن طلاق
اماني هذا الكلام بعد ما اعطاني ورقتي ما صدق على الله اني رحت ولا جابها على طول انا لو مرايه تتكلم لسبتني وانكسرت لقبحي انا حتى اولدي يخاف يشوفني بظلمه
فهد عندج ولد تبين تموتين تخلينه لمنو منو بشوفه منو ؟!!!
اماني امنتك يااخي انك توصل لاهلي رساله قولهم اني والله احبهم بس ما اقدر استحمل اكثر انا انجرحت ياناس زوجي خاني خاني وانا ما قصرت معاه اهي اهي تكفى ياخوي
فهد دقيقه انا عندي طريقه تخليج تموتين بسرعه من دون ما تتعذبين طيب ما قلتي لي انت اشلون تبين تنتحرين؟
اماني عن طريق الحبوب
فهد لا هذي تعذبج انت وينج؟
اماني بغرفتي بسرعه علمني ما ابي اتطلع الشمس من دون انا ما اكون ميته
فهد تعالي البحر وراح اعلمج اشلون
اماني انت تتطنز علي "تتمسخر اوتستهزء"
فهد لاء
اماني بكل عصبيه ولحظه جنون علمني انت وينك؟
فهد من استغرابه من السؤال جاوبيها انا في بحر.... ليه؟
اماني دقيقه
فهد يبي يسال ليه؟ جان يسمع طوط طوط
قعد فهد يعيد الي صار انا كنت اتكلم مع مراه انا عمري ما سويتها ولا كانت تبي الانتحار وهي حزينه وبدى يسترجع كل كلمه قالتها ما انتبه والا تلفونه يدق رد
... الو
صوت مراه ها شسالفه اليوم صوت الحريم وراي
فهد الو نعم منو معاي
اماني هذا انا
فهد انت منو؟!
اماني انت وين انا وصلت وين مكانك ممكن تطلع لمصافط السيارات
فهد على طول تذكر انها قالت دقيقه و اجي المسكين ما حس بالوقت الي مر عليه شقول .....
اماني انت وينك ابي اكلمك
فهد يلا انا جاي انت وين؟ "طلع لها كان قاعد بأحد الكراسي لي اقريبه من شاطئ,"اصلا جذي موجود بذاك البحر طاولات وكراسي"
اماني عند مصافط السيارات
فهد انتظر ما لقى احد يلا انا واقف ما اشوفج !
اماني انا داخل سيارتي الجيب لاند اكروزر لونها فضي انا الحين اطلع
فهد يشوف ذيك البنت الي نزلت من ذاك الجيب طولها وجسمها جسم غزال يبي يتأكد لان الي يشوفها مو مثل وصفها اقول انت وين انا ما شوفج انت تشوفيني انا واقف قريب من الحمامات عزج الله
اماني اي شفتك الحين اجي
فهد طوط طوط
فهد كلما قربت كلما زاد دقات قلبه قاعد يشوف وحده غير غير وصفها لنفسها اهي كل مانها تقارب تقرب تقرب بكل غضب
اماني انت منو سمحلك انك تتطنز علي منو انت منو تكون ؟ليه تحسبني مجنونه "تتكلم بكل صراخ وضيق"
فهد ما نطق ولا كلمه كان مثل مسبه ماتكلم كان يشوف وحده الحزن مغطي عليها وجهه وجهه بيبي فيها برائه
اماني حست انه قاعد يخزها وهي قاعد تصارخ وتسب استحت وتذكرت انها ما عليها نقابها بسبب الغضب والحزن الي فيها وتذكرت كم ساعه الحين يمكن يردون اهلها وهي بره حطت شيلتها على وجهها وصدت عنه وقالت ياولد الناس لا تتمسخر على قلوب تعابه استأذن
فهد ذاب اكثر لما سمع صوتها صوت بيبي حلو ناعم هادي قال انتظري انا ما تمصخرت عليج بل عكس انا صاج
اماني اشلون تبيني اغرق نفسي "بكل غضب"
فهد لا بس تعالي وعلمج شوفي البحر و.....
اماني قاطعته هذي مو اول مره اشوف البحر
فهد بس تعال وشوفي فيه السر موتج
اماني انت حتى الحين قاعد تتمسخر علي
فهد لا ورب البيت ما اتمسخر
اماني الحكي معاك فاضي ابروح البيت استأذن وراحت
فهد نداها شاف مافي فايده راح اسايرها اختي ممكن طلب انت راح تنتحرين اليوم صح
اماني اي اخلص شنو الطلب"بكل ضيق غضب"
فهد انت ما قلتي اوصل لاهلج رساله كيف اوصل وانا ما اعرف اسمج اواسم اهلج اوعنوانهم
اماني وقفت فكرت اسمي اماني علي ال...انا ساكنه منطقه ال....شارع..منزل.. جاده..
فهد ما انتبه للاسم كان همه انها تشوف البحر لان من يحب,يحب يشكي لمحبوبه من كل جوارحه مره ثانيه علشان اكتبها على التلفون انا بطئ خلنا نقعد اهناك قدام عند الكراسي الي اهناك "راح عنها علشان تتبعه وصج اتبعته علشان توصل الوصيه لاهلها
فهد قعد على الكرسي اي قولي لي مره ثانيه واقعدت قالتها كانت تقولها ببطء وكلمات غير مفهومه وعينها على البحر بدت تسرح نزلت الشيله على وجهها وبدت تقرب للبحر قعدت حيل اقريب الماء اتركته يلمس ارجولها وفهد معاها قعد اقريب منه يتأمل وجهه الحلو الي القمر الي عكس ضوئه على وجهها الابيض لاحظ دموع عينها تنزل بسرعه وراء بعض وبدت تبكي تبكي يعلى صوتها يعلى يعلى
فهد ساعات الدموع تريح الانسان كانها بلسم لجروحنا وتغسل اهمومنا وضيقنا وتريحنا "ظلت تبكي وهو يراقبها"مر ساعه ولا يطلع صوت
ترن ترن ترن انتبهت اماني لتلفونها وارتباك بان على وجهها شافت الساعه 11:30بليل واخوها يدق على طول التفتت على يمينها شافت فهد
وقالت اماني ميته خوف:هذ اخو حمد يدق شقول له ؟
فهد:اااا قولي له انج بالمستوصف حسيتي بتعب وتنتظرين دورج زحمه
اماني:خلاص راح اقوله
حمد الو اماني وينج ادق عليج الباب غرفتج ما لقيتج فيج شي انت وين؟
اماني ما فيني الا العافيه بس انت تدري انا ما رحت العزيمه لاني تعبانه وانا الحين بمستشفى البريطاني انتظر دوري لا تخاف ان شاء الله ما فيني شي."تحاول تخفي خوفها"
حمد خلاص انا اجيج
اماني لا لا مافي داعي يلا حبيبي جاء دوري الحين لاتجي دقيقه وانا جايه
حمد خلاص انتظرج
اماني اوكي باي
حمد يلا باي
اماني:هذي اول مره اكذب في حياتي
فهد:المهم انج تنازلتي عن فكره الانتحار الانسان الضعيف اهو لي يلجأالى اسهل الطرق ولا يقدر يواجهه الحياة وانا احس انج قويه وخاصه انج ام وشكلج الصغير كم عمرج؟
اماني:عمري 22بس الكل يعطيني اكبر من عمري "تقولها بكل حزن"
فهد:انت تبالغين انا الحين اول مره اشوفج وملامحج جدا روعه ملامحج بيبي بريئه انت مثل القمر في اكتماله
اماني بعصبيه:شكرا على تعاطفك معاي ومجاملتك حلوه بس لا تكذب علي استئذن
فهد:اماني انا ما تعاطف معاج بصراحه هذي اول مره اتكلم مع مرأه و اول مره اشوف قمر يتكلم
اماني:شكلك خرتها شكرا بس شكلك فهمتني غلط انا ماني من البنات يالي انا بنت قبايل وما عندي خربيطك ان كان للشرف عنوان انا عنوانه
فهد:ونعم بس اتمنى انج تعيشين لولدج ولا تصيرين مثل امي كانت مثلج ماتت وخلتني وياليتها خالتني اموت معاه او ماخلتني وحيد لا من اب واخ ولاعم ولاخال وحيد غريب في ارضي
اماني حيل تأثرت بكلامه تخيلت انه هذا ولدها الي قاعد يتكلم كله حقد وحزن وحده شكرا للمره الاف يااخ
فهد:اسمي فهد
اماني :ونعم يااخ فهد يلا استئذن ياخوي مع السلامه
فهد:المهم انج ما تنتحرين حرام اولدج يعيش بخوف وحده ويحس بنقص والفراغ خليني ليما اوصلج للسيارتج صار الوقت متأخر
اماني مشت معاه صج الوقت متاخر وساعه 12وهذي اول مره تحس بالخوف بحياتها ما اطلعت بالليل بروحها بس كان امطمنها فهد وصلت السياره اشكرته واعتذرت منه قال
فهد:ممكن طلب
اماني:شنو؟
فهد:ممكن احتفظ برقم تلفونج علشان..
اماني:لا يرحم والديك امسح رقم تلفوني الحين قدامي
فهد :ان شاء الله مسك تلفونه ومسح رقم من مكالمات الصادره وخلاها تشوف معاه بعدين ودعها
اماني طول الطريق تفكر شقول حق اهلي, ومرت على صيدليه شرت فيتامينات وحديد وادخلت البيت لقت امها واخوها حمد مستقبلينها بخوف
الام:ها يابنتي عسى ماشر ها اشقال الطبيب تكلمي؟!
حمد:يما الله يهداج شوي اشوي على البنت ها يلا تكلمي
اماني:ما قال شي خطير قال فيني بس ارهاق وفقر الدم بسيط وعطاني فيتامينات وحديد بس
الام:الحمدلله بس ليه ما انتظرتي احد يواديك لو صار لج شي ولا شي لا سمح الله مره ثانيه لا تسوينها انزين يلا روحي ارتاحي الحمدالله بكره اجازه ما في معهد
اماني:يلا اعذروني
ادخلت غرفتها تمنت لو ولدها عندها تضمه بس ابوه ياخذه كل ويك اند طالعت غرفتها قاعد تطالع الحبوب يالله انا ليه ضعفت يما واجهت اكبر من الظروف الحمدالله الي ارسل لي فهد جان الحين انا ميته ومن اهل النار وفشلت اهلي الحمدالله الله ياخذك ياشيطان اشلون خليت هالفكره تصيرحلوه في بالي استغليت ضعفي بس الحمدالله ان الله نجاني .

("الجزء الاول الفصل الثاني")

في الجهه الثانيه كان فهد يراقب اماني من اول ما ودعها إليما بيتها كان خايف عليها حس بالمسؤليه اتجاها ليما تأكد انها ادخلت البيت راح يمشي في الشارع حس بنصر والفرحه وانجاز انه قدر ينقذ نفس كادت ان تموت لو اني ما غلط برقم خويي يالله نسيته خليني ادق قبل لا يزعل رفع التلفون ترن ترن الطيب عند طاريه
حمد من غير نفس الو
فهد لالالا الله يسامحك من غير نفس يالحبيب وانا اخوك خويك لضاقت بك الدنيا لالا مو كذا تكلمني الله يسامحك
حمد انا الله يسامحني ولا انت ياظالم صارلي ساعه قاعد في المطعم انتظرك ليما جاء الكرسون يقولولي"بابا خلاص انا يبي سكر"طردني وكل سبه منك وانا الله يسامحني انا ظالم على العموم الله يسامح جميع الحين علمني شنو سبب نسيانك في ست كدا ولا كدا الي ما خذ قلبك يتهنى به علمني يلا يانبيل
فهد الله عليك بالع استريو شوي شوي علي فوق كل هذا انا ماني من نوع الرخيص هذا بس والله لو تدري شنو صار لي مراح تصدق
حمد والله اشصار والله شوقتني شكلها اخرطي ههههههههههه
فهد شرها مو عليك اشره علي انا الي قاعد اكلمك
حمد افا زعلت ها طلع منو زعول فينا انا ولا انت ها
فهد خلاص ماني قايل المهم انت اشلونك
حمد الحمدلله ابيض بابيض انت اشلونك
فهد حمدلله ابيض باحمر
حمد لا إسالفه فيها مرأه انت فيك شي امنتك قلي ولا تزعلني عليك ما تعهدنى انا وانت منخبي على بعض انا وانت جسد واحد
فهد اي بس انت الله يهداك ما تخلي احد يتكلم
حمد سموحه تعال البيتي انا انتظرك في الدوانيه وخلني افهم شنو صار معاك ولي خلاك تنساني
فهد انزين الحين وين بيتك دلني اياه
حمد انا في منطقه ال...ش...م... ج....
فهد حس ان هذا العنوان مو غريب عليه فساله حمد انا قبل هالمره جيتك في بيتك الجديد
حمد استغرب من السؤال لا ومره هذي اول مره تشرف بيتي كل مره اعزمك تقول ما احب قعدت البيت
فهد خلاص يلا أحمد ربك انا ما طلعت من المنطقه الي انت فيها
حمد ها ليش اش جاء بك الى هنا في ارضي ويحك ارجع ورائك حتى لا ادق لك عنقك ياغلام
فهد انا غلام ياهذا ويحك كيف تتجرأ علي وانا فهد الفهود فارس الذي يخافه كون كله
حمد الله الكون حشى سوبر مان مو فهد
فهد هههههههههههه يلا انا دخلت قطعتكم وين بيتك
حمد يلا انا بطلع قدام البيت
فهد شافه واستنكر هذا هو البيت الي فيه اماني لالالا هذا اخوها اي صح اهي قالت حمد اخوي يالله وانا رايح اقوله اني قعدت مع اختك وانقذت حياتها عزاالله اني معين خير نزل من السياره يسلم في وجهه ابتسامه صفره ياالله اصطنعها وسلم وكأن راح قبره بأيده
حمد حس ان خويه مو طبيعي بس توقع انه يستحي مو ما خذ راحته حيالله فهد الفهود دخلت الى ارضي يامرحبى
فهد بابتسامه صفره هلا فيك ايها الجندي
حمد خسأت كيف؟ الا تعرفني ياهذا؟!
فهد لا ياخوي ما اعرفك ممكن تعرفني عليك انا معجب ههههههههه
حمد هههههههه انا الامير حمد ههههههههه
فهد ونعم بس وين قصرك ماراح اسالك وين شعبك لان يبدوا انهم كلهم هاجروا يوم انك صرت حاكمهم هههههههه
حمد هههههه ان قصري مخبيه لليوم الاسود هههههه ههههاي حياك تفضل البيت بيتك
فهد ههههههههه حلوه لليوم الاسود هههههههههه
ادخلوا لدوانيه وقعدوا يسولفون شوي ولا قال فهد الله عليك ياحمد الله عليك
حمد ها اشفيك ؟
فهد صارلي ساعه عندك ما فكرت تجيب ماء شي خوش مضيف
حمد والله الاهل نايمين طالعه حمد بوجهه ابتسامه
فهد:ها اشفيك تطالعني جذي؟
حمد:جتني فكره اشرايك نروح نطبخ مثل قبل تذكر


يتبع ,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -