بداية

رواية انا جرحه عندي رقه والحنان بقسوته -9 البارت الاخير

رواية انا جرحه عندي رقه والحنان بقسوته - غرام

رواية انا جرحه عندي رقه والحنان بقسوته -9

بكتب بعد بس بكره لاني مشغوله حبيت اكتب لكم عشان ما تزعلون ^_^
دمتم بود
كريزي
تكملت البارت :
عند نوره اللي تتمشى بين ممرات البيت بتروح عند ساره
وفجأه
معاذ طلع من غرفته وابتسم : هلا والله بالغاليه مرت الغالي صباح الخير
نوره ابتسمت : اهلين فيك صباح النور
معاذ : وش اخبارك لي من امس ما شفتك
نوره : هههههههه من امس مده طويله يعني
معاذ ابتسم : لا بس اسألك عن اخبارك
نوره : والله تمام ماشي الحال مبسوطه وانت كيفك ؟؟
معاذ : والله الحمد لله بخير
جات ام فهد وابو فهد من غرفتهم
ام فهد : هلا والله بمرت الغالي صباح الخير
نوره وهي تحب راس ام فهد : صباح النور
وتحب راس ابو فهد
ابو فهد : وين فهد يا بنيتي ؟؟
نوره : والله فهد عيا يقوم مدري اللحين قام والا لا
فهد جاء من وراء نوره
فهد : لا قام
نوره التفت : يمه خوفتني
الكل : هههههههههههههههههههه
نوره ماتت من الاحراج
ساره جايه تركض
ساره : صباح الورد والجوري
معاذ : ايوه وش عندك مروقه من الصبح
ساره : انا اللي مروقه والا انتوا من صباح الله خير تضحكون
ابو فهد ضرب ساره على راسها : متى بتعقلين
ساره : خخخخخخخ لا بعقل اذا تزوجت ان شاء الله
ام فهد : ولك عين يا قليلت الحياء
ساره : يؤ يؤ اللي يتمنى يتزوج صار قليل الحياء
ابو فهد : اساسا انتي من زمان ام لسانين
الكل : ههههههههههههههههههههههه
ام فهد : يله نكمل كلامنا تحت واحنا نفطر
فهد : يله لاني بموت من الجوع
على الدرج
نوره : انت ما همك الا بطنك
فهد : انتي اسكتي والا اللحين احذفك من الدرج
الكل يضحك على نوره : هههههههههههههههههههههههه
نزلوا كلهم وراحوا على صالة الطعام
الكل جلس
ساره : يمه يمه
ام فهد : خير وش تبين وراك ما تكلين بعدين تتكلمين
ساره : لان مستعجله ابي اتكلم بالموضوع
ابو فهد : ام فهد خل نشوف وش عندها وش تبين يا بنيتي
ساره : ابي اروح عند احلام مع نوره لانها عازمتنا عندها
ام فهد : مدام معاك نوره خلاص روحوا بس لاتطولون
نوره : تسلمين يالغاليه ان شاء الله ما راح نطول
فهد : اساساً انتي تقولين ما راح اطول وطولين وتنسينا وتنسين العالم
الكل : هههههههههههههههههههههههههه
نوره مبتسمه : لا ما راح اطول هالمره
معاذ قام من على الطاوله : سفره دايمه ان شاء الله
الكل : صحـــــه
فهد : وين معاذ
معاذ : على الدوام تغير موعد دوامي لان صديقي ماخذ اجازه
فهد : اها يله اجل نشوفك العصر
معاذ : يله عن اذنكم
الكل : اذنك معك
بعد ما الكل كمل فطور بصمت
راح ابو فهد على مكتبه وام فهد عالمطبخ تشرف عالخدم عشان الغداء
وبقى نوره وفهد وساره
فهد : نوره تعالي الغرفه ابيك بكلمة راس
نوره : طيب اسبقني وانا جايه لك
فهد : طيب استناك
بعد ما راح فهد
ساره : الحقي رجلك لا يموت علينا
نوره : يابنت عيب
ساره : هههههههههههههههههههههههه
نوره : بس بغيت اقولك لاجين نتجهز عشان نروح عند احلام تعالي غرفتي نتجهز
ساره : طيب انا بروح المطبخ اسوي حلى نوديه معنا ما ابغى اروح لها اول مره ببيتها ويديني فاضيه ما فيها شيء
نوره : طيب وانا رايحه فوق
********************************************
نوره دخلت غرفتها
التفتت يمين ويسار ودخلت الحمام (( الله يكرمكم )) ما لقت فهد
نوره تكلم نفسها : وين راح يمكن بالكتب دامه مو هنا
نوره طلعت من الغرفه وتوجهت على مكتب فهد
نوره وهي تطقت الباب : فهد......... فهد ...........فهد ........... فهد
فهد سرحان وبعد ما سمع صوت نوره قال : ايه نوره ادخلي
نوره دخلت: حشى تنقعت برا
فهد ابتسم : معليش كنت سرحان
نوره : ايه وش تبيني فيه حسيت من نبرت صوتك ان في شيء مهم تبي تكلمني فيه
فهد : اجلسي
نوره جلست
فهد : يا نوره امس ما قلت لك عن هيا ولا شيء
نوره : سلمى قالت لي
فهد علت نبرت صوته شوي : انا اللي ابي افهمك كل شيء وبعدين انتي فهميني وش اللي صار وكيف كذا
نوره : طيب
فهد: امس يوم دخلتي علي كنت اكلم هيا
نوره : ادري سمعت اسمها
فهد : طيب قالت لي ان عندها لك صور مو عدله وانك تخونيني غلب علي الشك والله مو بيدي وقالت لي نتقابل بحديقة البيت وقفلت بوجهي وحتى ما خلتنا نتفاهم
نوره : طيب المفروض انك تقول لي هالكلام عشان لو صار شيء بفهم ليش صار لو ان سلمى ما قالت لي كان رحنا في خبر كان
فهدهدى و ابتسم : ادري اني اخطيت عشاني ما قلت لك وهذا اللي جايبك عشانه هنا
نوره : بس هذا
فهد باستغراب : ايه بس هذا
نوره : طيب انا مو زعلانه منك ومقدره شكوك بس يا فهد من هاللحظه ابيك توعدني انك ما تشك فيني ولا تصدق هيا ولك مني وعود الدنيا اني ما اصدق هيا
فهد ضم نوره على صدره : اوعدك يا بعد قلبي
*******************************************
عند احلام اللي بالمطبخ
احلام : يمه شوفي الكيكه لاتحترق وبعدها حطي عليها شكولاته وحطيها بالثلاجه
والحلى حطيه بالثلاجه
ام احلام : طيب بس وين رايحه
احلام : راكان عطاني كول مي عشان كذا بروح ادق عليه
ام حلام : الحمد لله ليش ما يدق انا خابرته ما يفضى جواله من الرصيد
احلام : ههههههههههه مدري عنه
طلعت من المطبخ وراحت الصاله
في الصاله
احلام تدق
راكان : يا هلا والله بأميرتي
احلام : يا هلا فيك
راكان : وحشتيني يا بعد قلبي
احلام : ما يوحشك غالي
راكان : يه ليش ما وحشتك ؟؟
احلام : الصراحه
راكان متوتر : ايوه ابي الصراحه
احلام : اممممممممممممممممممم
راكان مرتبك وزاد التوتر : احلام وحشتك والا لا
احلام : والله اممممممممممممممممممممممممممممممممممم
راكان عصب : ما وحشتك صح؟؟
احلام : بجاوبك بس لما تنجح بامتحاني وهو عباره عن سؤال واحد
راكان روق وهدى : وش هالامتحان اللي من سؤال طيب وش هديته
احلام : اقول لك انك وحشتني ومن قلبي واذا رسبت اقول لك نو نو ما وحشتني
راكان : ومن قلبك
احلام : خلنا من هالسيره اللحين اقول السؤال والا لا
راكان : قولي
احلام : بس ابيك تقول بنفص الصيغه اللي ابيها
راكان : طيب قولي السؤال
احلام : تحبني ؟؟ راكان انت تحبني ؟؟
راكان : امممممممممممم والله اممممممممممممممم
احلام : راكان بلا عباطه
راكان : طيب اعشقك واهواك واتنفس هواك واحبك قد ما قالوها وبيقولونها واحبك بعد اكثر
احلام من الفرح تجمعت الدموع بعيونها ولا قادره تنطق
راكان : هاه نجحت والا رسبت
احلام : نجحت يا قلبي وبمرتبة شرف بعد واحشتني يا نظر عيني والله حيل مشتاقه لك
راكان : بتجبين لي جلطه
احلام : لا تقول كذا جعل يومي قبل يومك
راكان : لا يارب يطول بعمرك وعمري ويبعد العذال
احلام : امين
راكان : احلام ؟؟!
احلام : هلا
راكان : انت تحبيني
احلام : ليش هذا اختبار
راكان : ايه
احلام : انا ابي ارسب فيه
راكان : ههههههههههههههه لا اختبار اجباري
احلام : طيب اسمعني لين النهايه
وقعدت تغني
أكثر من أول أحبك بس ما أبغي أقول
أخاف لو قلت تتغلى على مرة


أنا بصراحه أحبك حب مو معقول
أكبر دليل لغلاتك غيرتي مرة


شف دمعتي لهفتي حتى العيون تقول
أحلى كلام أحفظه ويضيع من نظرة


لما تقول لي أحبك التفت بذهول
ومن فرحتي فيك تخنق صوتي العبرة


لاغبت أحس الدقايق في الغياب تطول
وتشب في غيبتك وسط الحشى جمرة


كل البشر حبهم قطرة غلا وميول
وحبك بحر وش تجي عند البحر قطرة


ما بالغ إن قلت وإن بالغت أنا المسؤول
فأنا أصدق احساس في الدنيا على فكرة


راكان : يسلم لي هالصوت
احلام : الله يسلمك
راكان : يا قلبي انا اللحين وصلت عالشركه اكلمك لما اروح للبيت
احلام : لا تنساني
راكان : وش دعوه انساك انا انسى ناس واهلي ونفسي ولا انساك
احلام : تسلم لي يا قلبي
راكان : في امانه الله وانتبهي على حالك
احلام : ان شاء الله يله مع السلامه
راكان : مع السلامه


ام احلام بصراخ : احلام ووجع تعال احشي معي الورق عنب
احلام : جايه يمه
**************************************
نوره عند باب البيت
فهد طالع على دوامه اللي يبداء من 10 الصبح وينتهي 10 الليل
فهد : يله لا تتأخرين واجد عند احلام
نوره : ان شاء الله يله فمان الله
فهد : فمان الكريم
نوره صكرت الباب وتوجهت عند ساره اللي بالمطبخ
نوره : هاه وش لخبطتي
ساره : لا ما جيتي الا عندي تقولين لخبطت لا هذا انا صلحت حلى وحطيته بالثلاجه
نوره فتحت الثلاجه : امممممممم يشهي
ساره : صكري الثلاجه يا مشفوحه لا يكون حامل
نوره ضاقت عليها الدنيا : هههههه لا مو حامل
ساره : وش دراك حللتي
نوره : ايه يوم كنا بماليزيا حللت
ساره حست ان نوره فيها شيء بس تحسبه من هيا : وش فيك نوره هياء سوت لك شيء ؟؟
نوره تذكرت : ايه صح ما قلت لك
(( حكت لها السالفه ))
ساره : الله يلعنها وانا اللي احسبها صارت بني ادميه طلعت كلبه وحقيره
نوره : لا تقولين عنها كذا مهما كان تظل بنت عمك
ساره : أي بنت عم انا متبريه منها جعلها .. مراح ادعي حسبي الله عليها بس هذا اللي اقوله
نوره ابتسمت : يله نروح نتفرج عالتلفزيون بدال ما نقعد بالمطبخ
ساره : يله
**************************************
بالصاله
ساره تفر التلفزيون
وقفت على mbc max كان فيها فلم رومنسي روعه
نوره : خلينا نتفرج على هذا
ساره : كوني (( الخدامه ))
كوني : سمي ماما
ساره : كم مره قلت لس لا تقولين لي ماما شايفه عيالي يركضون وراي
نوره : هههههههههههههههههههه
ساره : قولي انسه
كوني : ان ساء الله (( ان شاء ))
ساره : صلحي لنا فشار
كوني : طيب انسه
واندمجوا مع الفلم
وجات كوني معها الفشار
حكايت الفلم
(( ان فتاة قرسونه في مطعم تعرف عليها شاب في المطعم اللي تشتغل فيه ومرت الايام وهو يتواعدون وبعدها البنت درت ان عندها سرطان بالدم ومنتشر وما ينفع معه العلاج الكيماوي وكان صعب عليها تقول له ومرت الايام وقال ابو البنت للولد اللي يحبها وكانةا يحبون بعض بجنون وبعدها ماتت البنت وقررانه ما يحب والا يتزوج بعدها ويقعد على ذكرها معه وكل يوم يجي عند قبرها وويوعدها انه ما يحب بعدها
>> وقعد بحسرته خخخ ^_^))
نوره معاها منديل وتصيح ونفس الوضع ساره
ام فهد : يوه يا بنات وش فيكم تصيحون عسى ما شر
نوره وعيونها فيها الدموع : كنا نطالع الفلم وماتت البطله
ام فهد : ههههههههههه الله يهديكم كله تمثيل بتمثيل
ساره : لا يمه كان مؤثر الفلم
ام فهد : ههههههههههه يله احسن لي اقول للخدم ينتشبون الغداء
**********************************
انتهى البارت اكيد عجبكم ^_^
تعبت ما راح اطول عليكم بالبارت الجاي
والبارت الجاي مشوق وفيه احداث كثيره
دمتم بود
كريزي ^_^


البارت القبل الاخير !!.....



الساعه 5 العصر في غرفة نوره


ساره : نوره عطيني الكحل اللي بيدك
نوره مدت لها : الله ساره روعه رسمة الكحل السايل حقتك
ساره : اسوي لك زيها
نوره : ياليت انا حطيت كل شيء بس حطي لي كحل سايل وبعدها بحط روج وبلشر
ساره رسمت لنوره عينها بالكحل وحطت نوره اللمسات الاخيره
نوره : انا رايحه البس
ساره : طيب انا بروح اجيب ثايبي من غرفتي
نوره : طيب استناك هنا
(( مكياج نوره عباره عن درجات البنفسجي والموف بلحاله ومع الكحل السايل زاد روعته وحطت روج موف وبلشر وردي))
(( مكياج ساره عاره عن اسود واصفر >> اتحاديه خخ
ورسمه عيونها بالكحل مفتوح من على جنبين العيون وعند الفتحه حاطه ابيض ورسمت حواجبها وحاطه بلشر مايل للحمار))
(( ملابس نوره بلوزه بيضاء منقش عليها بالموف والبنفسجي وتنوره ميدي (( مو قصيره مره)
بنفسجيه ))
نوره بعد ما لبست ملابسها جت
عند المرايه تطاع نفسها ودق الجوال
نوره شافت الرقم وابتسمت(( دنيتي كلها ))
نوره ردت : هلا والله بالغالي
.........: اهلين وش اخبار حبيبت عمري >> من تتوقعون ؟؟
نوره : تمام انت كيفك ؟؟
.........: بخير جعلك بخير بس وحشتيني
نوره : ههههههه مسرع كلها كم ساعه
............ : لا اللي يعرفك يشتاق ويوله ويحن ويصير دنيا من الوله بثانيه
نوره : هههه فديت قلبك >> تخون فهد ؟؟؟!!!!!
نوره مره ثانيه بعد صمت : حبيبي
.......... : يا روح حبيبك وعيون فهد>> شلخت عليكم اكيد تحمستوا
نوره : بروح انادي ساره تأخرت
ساره فتحت الباب : وش فيها ساره
فهد بالجوال : يؤ يؤ سمعت
نوره : ههههههه حبيبي اكلمك اذا وصلت عند احلام تيب
فهد : تيب ولا تنسين
نوره : لا ما عاش من ينساك
فهد : اجل يله باي وانتبهي على حالك
نوره : طيب وانت انتبه على حالك
فهد : تأمرين امر حياتي
نوره : يله فمان الله
فهد : فمان الكريم
********************
ساره : هاه الاخ مستعجل يبي يجي
نوره : ايه هههههههههههه
ساره يله البسي عبايتك السواق يتنظرنا
****************
عند احلام
اللي في المطبخ في تمام الساعه 6:30
ودق الجرس
وراحت تركض وفتحت الباب
نوره : يالله وش هالحلا يا دوبه صايره حلوه
احلام : هههههههههههههههه والله ما خليتي لي شيء اقوله
احلام : وش اخبارك
نوره : والله تمام
ساره : وانا تحفه ما اشوف ولا اتكلم ولا اسمع
احلام : هههههههههه لا حشى والله ادخلي
**********************
بعد فتره حوالي نص ساعه جاء الكل وكل وحده احلى من الثانيه>> والله تعبانه وبالزور حاطيت لكم بارت وما عندي افكار والله
*********************************
نوره : احلام وين الاب حقك خلينا نقعد نسمع اغاني ونرقص
احلام : طيب رايحه اجيبه
ساره : نوره وش طاري عليك تبين ترقصين
نوره : ولا شيء بس حابه افرفش شوي
********************************************
بعد ما جابت الاب
كانوا يرقصون على غنية اصيل ابو بكر الحي يحييك والميت يزيدك غيب(ن)
ونوره ترقص : عاشوا سرا ورا
والكل يرقص
الا شوي دخلت عليهم ام احلام
الكل جلس في مكان
ام احلام : ارقصوا يا بنات ليش جلستوا
ورجعوا يرقصون ورقصة معاهم
شوي نوره داخت عليهم وطاحت
وودوها المستشفى ودقوا على معاذ
*************************
عند فهد
معاذ : الو فهد مرتك بالمستشفى
فهد : ايش وانت ليش عندهم
معاذ : دقوا علي
فهد : أي مستشفى ؟؟
معاذ : مستشفى .....................
******************************
فهد داخل المستشفى
فهد : وينها
معاذ : داخل يكشف عليها الدكتور
طلع الدكتور راح له معاذ وفهد
الدكتور يكلم معاذ : مبروك يا استاذ مرتك حامل
معاذ ابتسم : ياليت والله بس مرت فهد هي
فهد في حالة صدمه من اللي قاله الدكتور
وتماسك هو واخوه : انت ابو اللي ببطنها
معاذ : اعوذ بالله وش تقول انت
فهد : الحقيقه انا اقول الحقيقه وانا جالس بينكم ولا ادري وش السالفه
معاذ : انت وش تخربط وش تقول
فهد : اطلع برا المستشفى ما ابيك انا
طلع معاذ وراح منهان الكرامه
***************************
دخل عند نوره بضيقه
نوره ابتسمت : فهد انا حامل انا حامل
فهد وعقد نواظره : الولد مني
نوره مستغربه : ما راح اسمح لك تطعن بشرفي مره ثانيه
فهد : الولد مش مني من معاذ هذا اللي قاله الدكتور
نوره : تشك فيني مره ثانيه انا مالي قعده عندك ودني بيتنا
فهد : لا نوره اسف انا......
نوره : اش ولا كلمه خلاص ذليت نفسي بما فيه الكفايه انا بجلس على ذمتك شهر وبعد ملكت اخوي بروح بيتنا وتجيب ورقة الطلاق ولا تتكلم معاي والولد اذا تبيه خذه بس انا مالي قعده عندك
طلعت من الغرفه
وراحت تركض
فهد : نـــــــــــــــــــــــــــــــــــــــوره نــــــــــــــــــــــــــــــــــــوره
نوره راحت ومالها رجعهه
**************************************
بعد مرور اسبوع بعد الملكه تمت بخير وكل الملكات تمت بخير
وبعد سنه الكل تزوج
ولسى نوره ما تطلقت من فهد (( معليش حبايبي ما كتبت التفاصيل لاني حيييل مشغوله لو كتبتها كان طالت القصه وانا مشغوله ))
*******************************

هذا اللي قدرت اكتبه لكم
بكره البارت الاخير ان شاء الله
والله تعبت اعذروني حبايبي
كريزي

البارت الاخير ,,,,,,,,,,,, وصل

بعد سنه
بالسياره الساعه 3,30 العصر فهد يدور بشوارع الخبر
ومشغل المسجل
على من يقول انك تحب من يقول انك وفيت ....
شوي وتجي سياره قدامه
حوووووووووووووووووووووووووووووووء طوووووووووووط
**************************
عند نوره
نوره : خالد انا قررت ارجع لفهد حرام اللي في بطني مع مين يعيش ابيه يعرف ابوه ابيه
يجلس بحظن ابوه
رهام : متأكده هذا اخر قرار لك
نوره : ايه
خالد : نوره انا ما راح اغصبك على شيء تبينه انا اللحين ادق عليه واقوله
نوره : طيب
خالد وهو يدق على فهد
خالد : خير اللهم جعله خير جواله مقفل
******************************
معاذ وهو يفكر بنوره قطع تفكيره الجوال
معاذ : الو
....... : انا اتصل عليك من مستشفى ......
معاذ : اعوذ بالله خير ان شاء الله
........: انت معاذ اخو فهد .......
معاذ : ايه نعم
........ : نبيك تجي انت والوالد تستلمون جثت ولدكم اخوك عطاك عمره
معاذ : لا لا مستحيل انت اكيد غطان
....... : انا مو غلطان ولا شيء انت اخوه وهذا اللي حصل اخوك اليوم سوا حادث في شارع .....
معاذ يبكي : ان لله وان اليه راجعون خلاص انا جاي والوالد
خبر ابوه اللي انهار هو والوالده وراحوا المستشفى
*******************************
بعد سوالف قطع عليهم السوالف الجوال
خالد : الو
معاذ : هلا خالد وش اخبارك
خالد : الحمد لله خير ان شاء الله معاذ في شيء
معاذ : وش اقولك بس فهد عطاك عمره
خالد بصوت عالي : وشــــــــــــــــــــــــو ..
معاذ : هذا اللي صار
خالد : ان لله وان اليه راجعون خلاص انا جاي انا ونوره فمان الله
معاذ : فمان الله
*****************************
نوره : خالد خبرني وش قال
خالد : نوره فهد عطاك عمره
نوره ورهام : وشــــــــــــــــــــــــــــــــــو..
رهام : ان لله وان اليه راجعون
نوره : لا لا لا لا هالكلام مو صحيح لاااااااااااااااااااااااا
خالد : نوره هذا قضاء الله وقدره ما فيه أي كلام على قضاء الله
نوره بصراخ وصياح : لا فهد هئ هئ هئ هئ هئ هئ لا مستحيل انا ابيك ارجع يا فهد اااااااه هئ هئ
خالد ضم نوره : نوره خلاص يا حيبتي اذا تبين تشوفينه تعالي معاي اخر مره تشوفينه
نوره بصراخ : ابي اروووح ابي اوح
خالد:يالله البسي انتي ورهام
**************************
في المستشفى بالغرفه اللي فيها فهد
نوره دخلت من الباب وجات تركض وحطت راسها على صدره
نوره بصراااااااااخ : فهد ارجع الله يخليك ارجع والله كنت ابيك ابي ارجع لك جبت لك ولدك احمد جبته قوم شوفه اسفه ما خليتك تشوفه هئ هئ (( تصيح ))
لالااااااااااااااااااااااااااااااااااااااااااااااا اا فهد احبك احبك هئ هئ هئ هئ
(( ومن هاللحظه ونوره جسد بلا رووووووح خلاص زوجها وحبيبها راااااح وهي ما عطته فرصه خلاص فقدت الامل وفقدت كل شيئ ))
*******************************
الخاتمه....
بعد مرور 5 سنوات
معاذ خطب نوره ونوره رفضت وقالت لا كيف ولدي يعيش مع عمه ويقول له بابا
وبعدها خطب سلمى بنت عمه ووافقت وتزوجوا وكان حب من طرف واحد وبال معاذ مع نوره
ورهام وخالد عاشوا احلى عيشه وجابوا ولد وبنت وحده اسمها مي والثانيه نوره
وراكان واحلام عاشوا في هنا وولدوا ولد وسموه هيثم
وهيا انتحرت بعد مرور سنه من وفات فهد
ودانه تزوجت عبد العزيز وجابوا ولد وبنتين
الولد اسمه محمد والبنت الاولى اسمها هيا والثانيه سلمى
والاولياء جاته جلطه وهو للحين في غيبوبه ابو فهد وهو في المستشفى يشوف جثت ولده
وام فهد عايشه بحزن وغم
وام نوره تداري نوره بين الحين والثانيه
والباقين عاشين مستانسين والحمد لله
*********************
اتمنى انكم ما صيحتوا خخخ ^_^
وان النهايه عجبتكم
دمتم بود
كريزي

تجميع

شموووخهـــ

تعليقات



    حجم الخط
    +
    16
    -
    تباعد السطور
    +
    2
    -