بداية

رواية الا ياليت لي قلبين واحبه بكل قلبيني -34

رواية الا ياليت لي قلبين واحبه بكل قلبيني - غرام

رواية الا ياليت لي قلبين واحبه بكل قلبيني -34

تركي:لا احراج ولا شي والملكه بعد يكرا بأذن الله
حمد استانس وباس العم تركي من راسه:والله معرووووف لايمكن انساه لك
تركي:بس ها البيت ههههههههه
حمد ياشر على عيونه:من عيوني من الحين بروح أأثث له بس عمي ماتبي معي ريما تختار ولا
تركي:والله اللي يريحكم
حمد:خلاص اعدل الأساسيات واهي عليها الاثاث -وقام-بنروح نخلص اشغالنا
تركي:الله يوفقك وهاا اي شي تبي انا موجود
حمد:ماتقصر
طلع حمد واهو يحس انه حامل الدنيا فوق راسه:ياربي متى ابي اخلص هالاشغال الله يعين
ماجد:خخخخخخخخخخ اخر شي اتوقعه النسيب مجنووون
حمد:جــــــــــــــابك الله تعال ابيك تطلع معاي
ماجد:لا ابي اكلم ابوي عن شغلك
حمد:ماقصرتوا خلاص استلمت مكاني بس ابي اروح لبيتي تكفى تعال
ماجد:ابشر من عيوني ياعيوني
طلع حمد وماجد وراحو شافوا البيت
ماجد:حمد البيت حلو وصغير يناسبكم بس الحديقه كبر البيت مايصير ماخذه مساحه
<<البيت 600كيلو 250الحديقه ولها باب خلفي -
حمد:البوابه الرئيسيه كبيره تنفتح مباشره على حوش وعلى الجوانب زرع خفيف ورود يمين الفله ويسار الحديقه كبيـــــــــــــــــــره مررررره الفله صايره عالجنب باب الفله ينفتح على الصاله طبعاً متوسطه بس الغريب ان لون البويه عنابي غامق واللمبات اصفر البيت صغيور صاله والدرج على جنب والمطبخ مفتوح بنهاية الصاله وفي دورة مياه-الله يكرمكم- وغرفة للجلسه العائليه ومفتوحه عليها غرفه صغيره كأنها غرفة العاب او شي زي كذا وفيها شباك كبير على الحديقه جنب الغرفه مدخل صغير كله مرايا ماادري وش له وجنب الدرج باب يطلع على قسم الرجال مجلسين قبال بعض وجنبهم دورة مياه-الله يكرمكم- مجلس صغير ومجلس كبيـــــــــــــــــــــــــــــــــــر وباب يطلع من الفله على الحديقه بعد اول مارقيت من الدرج الا في غرفه على اليمين كانها غرفة خدامه وبوسطها غرفه بعد صغيره وبعدين صاله مره اعجبتني شكلها تحفه ومنها لغرفتين بينهم باب-للاولاد شكلها وغرفة النوم للزوجين مره حلوه هي اكبر شي بالبيت كبيـــــــــــــــــــــــــــره مرررره ولونها احمر بعد البيت كله احمر امممم يعني اعجبني بصراحه الا الحديقه مره مالها داعي كبيره ومااستفيد منها ابي اعطيها زيد اسكرها واخلي الباب اللي بيني وبينه من مجلس الرجال واذا عزمت احد ولا شي من بيت زيد يدخلون مايحتاج شي زيد الا غرفتين ومطبخ ودورة مياه ثنتين ومجلس كبير وصاله من يبي يجيه واذا احتاج في بيتي ونحط له الحديقه ينبسط فيها
لفيت على ماجد:شرايك
ماجد:حلو بس هالحديقه مالها داعي
حمد:هالحديقه ابي احطها لزيد واسكر بيني وبينه بجدار هنا
ماجد:بس المجلس يطلع على بيته يصير
حمد:ايه عشان اذا احتاج المجلس يدخل وانا ما راح احتاج له ومابي اذا جوني رجال يدخلون من عند ريما تعرف البيت كله شبابيك يدخلون من بيت زيد
ماجد غمز له:تغار عليها
حمد ابتسم:مـــــــــــــــــــره
ماجد:هههههههههههههههه الله يخليها لك
حمد:آميـــــــــــــــــــــن
ماجد يمشي:حمد متى الملكه..؟
حمد شاق الضحكه:بعد بكرا
ماجـ،ـد:اخـــــــــــس
حمد:ايه ياشيخ بلا احراج يكفي ابوووووك
ماجد:عادي ابوي مايحرج
حمد:الا ام الاحراج
ماجد:هههههههههه اقول يالله انا مواعد ناس ابي اروح


عند العاشق اللولهان يطالع لابوه ومنحرج يتكلم
مشاري:جد شوقي انبسطتو
شوق:ايه رحنا لكل مكان والله فارس ماقصر
مشاري يطالع لفارس:فارس وين راح صوتك
فارس يطالع لابوه ويطالع مشاري بطرف عين :موجود
مشاري يأشر بيده ويقول بصوت واطي:شفيك..؟
فارس تنهد ولف على امه
امل تقول لتركي:ولدك فيه شي
تركي:ماادري والله
امل:كلمه اسأله مو طبيعي ابداً
تركي يقوم:فارس تعال معاي
فارس نز وقام:سم
تركي فتح باب الغرفه ودخل
فارس لف لامه واهو خايف وبعدين دخل عند ابوه:امر
تركي يجلس عالمكتب:مايامر عيك عدو الغالي اجلس
جلس فارس بهدؤ
تركي:شفيك ياولدي
فارس:سلامتك مافيني شي
تركي:امبلا فيك مو طبيعي
فارس ابتسم:اقول لك مافيني شي اذا فيني بقول لك
تركي:انت ولدي انا عارفك الى متى وانت غامض تكلم كأني مو ابوووك يالله فضفض احد مضايقك ناقصك شي نفسك بشي
فارس تنهد:ايه
تركي:آمر ياولدي قول اللي عندك
فارس:يبه ابي اتزوج
تركي عقد حواجبه:بس
فارس نزل راسه:ايه
تركي:سهله ياولدي كلم امك
فارس:يبه بس انا خايف
تركي:تخاف من ايش يابابا
فارس يطالع لابوه(ياربي تسهلها ابوي بدا يعاملني كأني بزر):يبه انت مو عارف اللي انا ابيها
تركي:طيب تكلم
فارس:احلام بنت العم ولدي
تركي عقد حاجبه:احلام
فارس:ايه احلام-وبلع ريقه:ليش..؟
تركي:يابابا انت عارف احلام مين ابووها
فارس:العم وليد
تركي:لا العم وليد مو ابوها
فارس:مربيها بايدينه
تركي:ايه عارف بس مو ابوها وانا ماابي ولدي الغالي ياخذ وحده ماندري مين ابوها
فارس:ليش..!!!!!!!!!!
تركي:انت مو عارف اشياء انا اعرفها ماتناسبك دور غيرها
فارس:يبـــــــــــــــــــــــه احلام شفيها سمعت عنها شي..؟
تركي:حشا لله
فارس:سمعتها طايحه,..؟
تركي:لا والله مااحطها بذمتي
فارس:طيب وش اللي يمنع اتزوجها ..!!!!!
تركي:ماندري اهي من وين جايه ومين ابوها وامها
فارس يقوم:يبه هذا مو كلامك
تركي:الا كلامي
فارس:للاسف كلامك مو منطقي وماله داعي
تركي يقوم وصرخ:انا ابووووك
فارس قرب لابوه وباس راسه:ابوي على عيني وراسي بس حرام عليك تاخذ بالبنت شي مالها ذنب فيه
تركي بهدؤ:فارس انت مو عارف احلام ماندري جت عن حرام ولا عن حلال وانا ماارضاها على ولدي ياخذ بنت مايندرى من وين جايه او من ايش
فارس حط ايده على كتف ابوه:يبه ماتنضلم البنت على شي اهي مالها ذنب فيه يكفي ان اللي مربيها العم ووليد ومتربيه صح
تركي:بس هالزواج انا مو راضي عليه
فارس عصب ورص على سنونه:ليش
تركي:كم مره اقول لك السبب
فارس:مافي سبب ثاني اكييد
تركي:لا هذا كافي انتت تستاهل اكثر من احلام احلام ماتستاهلك
فارس صرخ:يبـــــــــــــــــــــــه ماارضا عليها تقول هالكلام خلاص ماتبي تزوجني اياها لاتقول كذا اهي مالها اي ذنــــــــــــــــــــب -وطلع
(طلعت من عند ابوي الا امي ومشاري واقفين وشوق وراهم وتطالعني مستغربه واشجان وسلمان بعيدين الكل مبسوط بهالبيت الا انا حتى اشجان البزر
شفت عيون امي واهي خايفه ومشاري واهو وده يقول لي كلام تنهدت وشديت على ايدي فككرت اطلع من البيت زي ماطلع مشاري لما كان يبي شوق ووافقوا عليه بسهوله بس انا ماابي كذا مابي ازعل امي زي مازعلت على مشاري ماابي اكسر كلمة ابوي زي ماكسرها مشاري مابي اتمم زواج غصب زي ماسوا مشاري ماابي اخذ احلام برخص وبدون حفل احلام ابي اسعدها ابي انسيها كل اللي فات طالعت امي اللي دمعتها نزلت ابتسمت ومسحتها:يمه لاتخافين ابوي عصب من الشغل مافي شي يستاهل تنزلين دموعك
امل:فارس انت فيك شي
مازلت مبتسم ماابي انزل دمعة من امي انا حيوان بكت امي عشاني:لا يالغاليه بس غلطة بحسابي بالشركه وخفت ابوي يعصب وعصب علي وبس
امل:بس
فارس:بس
امل ابتسمت:لاتزعل الفلوس بدالها فلوس ياامك بس الزعل يدمر بيوووت لاتعصب وانا اتفاهم مع ابوك
طالعتها (ليش اليوم الكل يعاملني كأني بزر) لفيت:سوي اللي بيدكك الغاليه تصبحين على خير
صعد فارس لغرفته وسمع صوت بغرفة ريما الا صوتها انا متأكد اهي مع اريام آخ يااحلام
دخل غرفته واهو خلاص كل الابواب متسكره بوجهه ابوي اذا عصب صعب يرضى


عند العم تركي
امل:تركي خلاص الفلوس بدالها فلوس بس فارس مافي بالدنيا الا واحد لاتزعله والكل يغلط
تركي طالع لها(شتقول):امل
امل:جد حرام عليك فارس مره متضايق انا اعرفه هذا ولدي ومتحسف بس مو بايده غلط بالحساب والكل يغلط سامحه
ابتسم تركي:مين قال لك ..؟
امل:اهو قال لي الموضوع
تركي لمس خدها:خلاص لاتتضايقين بس لحظة غضب
امل:توعدني انك تسامحه
تركي (ياعمري ياامل للحين انتي بريئه يعني ماتدرين شالموضوع ):ان شاء الله
قامت امل:بس وش اللي يقول ماارضاها عليها ..؟
تركي:يعني الشركه يقول ماارضى تخسر
امل:اها ياعمري على ولدي يالله عاد ماتسوى عليك الزعل
تركي:ابشري مايصير خاطرك الا طيب وين ريما اليوم ماشفتها
امل:ابد جالسه عند احلام ميته عليها تقول عســـــــــــــــل هالبنت لا اله الا الله عليها
تركي عقد حاجبه:مبسوطه عندنا..؟
امل:والله ماادري عنها
تركي:اسأليها اذا تبي شي تحتاج شي مبسوطه مايصير تجلس عندنا اخاف تبي شي
امل:تامر امر بسألها يالله
برا الغرفه
شوق:اقول لك والله يقول مااراضى عليها يعني بنت ياحبيبي
مشاري:طيب كيف يقول لامي حسابات بالشركه..!!!!!!
شوق:يعني من متى عمي يعصب على الفلوس انت قول لي بس فارس مايحب يضايق خالتي ويكدر خاطرها وبعدين اهو امض اخوك عشان كذا يبي يخفي الموضوع
مشاري رفع حاجبه:يعني تتوقعين شالموضوع
شوق:مايبي لها كلام فارس يحب بنت
مشاري استغرب:لا كل العالم الا مشاري
شوق:وليش مشاري من انسان مافي انسان الا ويحب
مشاري:بس كلامه واطباعه من اهو صغير مايحب هالسوالف انا اعرفه
شوق:تغيرت الاحوال وبعدين فارس خلاص الحين مو مثل قبل كبير بسم الله عليه تصدق اذا قال لك مااحب يمكن كان بس الحين لا ياحبيبي
مشاري:اها يعني كذا
شوق ابتسمت:اتوووقع مشاري تكفى روح له
مشاري:بس انا عمري ماشفت مشاري معصب لهالدرجه واله خايف اروح له
شوق:ليش خايف روح اهو اخوووك
مشاري:بس اكبر مني ومااتجرء
شوق:لييييش
مشاري:انت عارفه ليش خايف والله
شوق انقهرت :طيب الخبر اليوم بفلوس وبكرا ببلاش
مشاري:هههههههههههه غريبه شوق تنازلت عن شي تبي تعرفو وشووو
شوق:لعيونك ولا مو من طبايعين هالشي
مشاري:مو انا عارف
ــــــــــــــــــــــــــــــــــــــــــــــــــ ــــــ
هنا عالم غيـــــــــــــــــــر الكل بعالمه ومتوحد وبافكاره غارق
ابتسام وتطالع لزياد واهو يبي ينام وماسك بنته ويلاعبها واهي منسدحه ومبتسمه انه رجع احسن من قبل
وبالغرفه الثانيه هدى مع امها تكلمها
وبالصاله هاني مع ابوه ويشكي له البيت من دون احلام
وبغرفة ديم ديم تكلم ناصر
:ايه الحمد لله والله ماادري شلون اشكرك
ناصر:ههههههههههه ياعمري اهم شي ان زياد رجع زي قبل
ديم:واكثر الحمدلله ناصر مو ناوي تجينا والله اشتقت لك
ناصر:هههههههههههه ياحبيبتي والله وانا اكثر بس منحرج من ابوك بيقول هذا كل يوم جاي لنا
ديم:الله واكبر مو كنت قبل تجينا كل يوم ليش يوم خطبتني قلت من جياتك
ناصر:استحي
ديم:لا الولد صار يستحي والبنت ماتستحي لا يالله عاد
ناصر:لعيونك الحين اجي
ديم:هييي لا الحين لاتجي مافي الا ابوي وهاني بالصاله اسمع تعال بكرا ان شاء الله
ناصر:مو بكرا ان شاء الله نبي نطلع للمزرعه
ديم:انا مو طالعه
ناصر:افا ليش..؟
ديم:والله وش اسووي بكرا عندي محاضره الساعه 5 الى الساعه 7
ناصر:بس وحده..؟
ديم:ايه
ناصر:طيب روحي معاهم ومن المزرعه روحي للجامعه
ديم:مو صاحي انت مااقدر
ناصر:يعني ابد مو رايحه
ديم:ايه مافي امل ابي اجي وانام
ناصر:قهر انتي وهالترم الصيفي
ديم:وش اسوي مو انت درسته قبلي ونفس القسم وبعدين خله يسهل علي ياولد الناس
ناصر:طيب -ويتثاوب-مين يبي يوديك الجامعه .؟
ديم:ماادري اكيد زياد ولا السايق
ناصر:لا ياحبيبتي زياد مو راجعع من المزرعه لك والسايق مافي تروحين معاه انا مو رايح بكرا انا اوديك
ديم:هييييييي وش بيقول ابووووي لا تكفى مو رايحه
ناصر:لاياحبيبتي ليش مو رايحه فاتتك محاضرتين وبعدين قسمك صعب ترا وابوك انا اكلمه لاتشيلين هم
ديم:خايفه
ناصر:لاخايفه ولا شي ليش انا وووحش
ديم:لا ياعمري
ناصر:اخ ياحبي لك يالله تصبحين على خير
ديم:وانت من اهل الخير انتبه لنفسك
ناصر:ابشررررريي
ــــــــــــــــــــــــــــــــــــــــــــــــــ ـ
رجع واهو مره تعبان دخل الا مافي الا مشاري وشوق سلم وجلس:وين الباقييين
مشاري:ابد تفرقوا
ماجد:الغريب ان فارس مو موجود واريام هنا معجــــــــــــزه
مشاري:اسكت خلها على ربك
ماجد خاف:عسى ماشر شالمووضوع
مشاري:والله علمي علمك ماادري وشوو هذا اللي صار بين فارس وابوي وازعجهم
ماجد:وش الموضوع من البدايه
مشاري لف على شوق
شوق: فارس كلم ابوي وابوي عصب ورقى لغرفته
ماجد يطالعها:طيب وش الموضووع
شوق:ماسمعنا شي اللي سمعنا صراخ ابوي وبس
ماجد:ابوووي صرخ
شوق:ايه ابوي تركي شكله عن حرمه بس وش الموضوع بالضبط والله ماادري بس اتوفع ان فارس يبي يتزوج وابوك رافض ماادري
ماجد استغرب من جد وتنهد:الله العالم
مشاري:ايوا الله
ماجد يقوم:بروح اكلم اببوي
مشاري:مو صاحي
ماجد:ليش..؟
شوق:يعني ماتعرف ابوي اذا عصب
ماجد:الا بس اول مره يعصب على فارس عادي نكلمه مافيها شي
شوق تفكر:الا صادق اسأله عادي
مشاري:انتم متهورين اسأله وجيب لي خبر
ماجـ،ـد:طيب شوق روحي عند البنات
شوق بصوت واطي:خوش طرده:طيب
مشاري ضحك على شوق وبعدين ماجد حس بنفسه:اسف شوق بس ابي مشاري يجي معي
شوق:ههههههههههه لا عادي قولها على طول ماازعل
ابتسم ماجد:تعال مشاري
مشاري يقوم:انا ماابي اروح لابوي والله مو عايف نفسي ومتهور زيك تبي تروح بحفظ الله انا بروح لغرفتي بنام
ماجد:براحتك
دخل الا امه وابوه جالسين ولا كأن شي صار استغرب :السلام عليكم
امل:هلا والله بالغااااالي حيااك استرح
ماجد يطالع لابوه بتفحص:الله يحييك يمه شخباركم
امل:الحمد لله اخبار حلووه
ماجد:الحمد لله يبه شلونك
تركي ابتسم: بخيـــــــر الحمد لله
ماجد:الحمد لله وين فارس مااشوفه ..؟
تركي عقد حاجبه وهذا اللي استنكره ماجد
امل:ابد راح لغرفته
ماجد:اهاا يمه الحين انتي مو ناويه تزوجين اخوي نبي بزران بعد
تركي طالع لماجد:انت من وين جاي..؟
ماجد عرف سؤال ابوه :جيت من عندد حمد
تركي:احد كلمك قبل تدخل..؟
ماجد يسوي برئ:لا ليش..؟؟
تركي تطمن مبدئي(شكلها جت صدفه):اكيد
ماجد:اكيدييين ليش..؟
تركي:لا بس اسأل
ماجد:ايه يمه نرجع لموضوعنا ماودك تزوجينه خلاص عنـــــــــــــــــس معاذ ماشاءالله زواجه ب8/17 وحنا نبي فارس يتزوج نبي بزران
امل:والله ودي بس مو راضي ابد
تركي:اي بزران واريام واشجان وسلمان مايكفووون واولاد ريما ان شاء الله ومشاري
ماجد:لا نبي عيال فارس يكونون غير عن كل عيال اخواني
تركي:كلهم واحد
امل استغربت:افا ياتركي لاتخلي فارس يسمع هالكلام ويقتنع اهو رافض الزواج بليا هذي الفكره تسمعه هالكلام يحرم يتزوج طوال عمره
ماجد:ايوا الله يبه لايسمعك شلون نبي عيال فارس اهو ولد امي وبكرها بيكون عياله غيـــــــــر عن الكل مو يمه
امل انبسطت:ايوا الله ياولدي وينه يسمع هالكلام كلمه عنه اقنعه
ماجد:مايوافق
امل:لا يمكن اذا سمع كلامك لانك اكبر منه ومجرب يقتنع
ماجد يقوم:خلاص بكلمه الحين ولايصير خاطرك الا طيب
تركي:ماراح تستفيد رافض للابد
ماجد:ليش انت مأيس منه لهالدرجه
تركي:اليوم مكمله راااافض
ماجد:لا انا اقنعه بس انتم شجعوووه وخلوكم معه وساعدوني وساعدووه
امل:ان شاء الله
طلع ماجد واهو مستغررررب من جد رقى ودق على غرفة فارس ومحد يرد فتح الباب ودخل وسكره الا فارس مسكر وجهه بالغطا وباين انه صاحي
ابتسم وسلم
فارس:......
ماجد:فارس مممكن تعطيني من وقتك دقايق
فارس:...........
ماجد جلس جنبه:فارس-ويفح الغطا بشويش الا فارس غارق بالدموع
ماجد مصدوم:لا فارس الا دمووووووووعك ماتصيير فارس عيون اخوك شفييك
فارس طالع له واهو يحس انه لازم يتكلم عمره مافتح قلبه لأي احد بس مايبي ماجد ماجد اكبر مني واستحي منه مااابي ابيها اهي وبــــــــــس
ماجد يمسح دموع فارس:فارس انا مااتحمل الدموع من النسوان واموت قهر لو كنت مااعرفها اما من رجال واخوي لا والله انتحر
فارس:ماجد واللي يرحم لي امك ممكن تخليني لحالي
ماجد:لا مااخليك وبهالوقت بالذات لاتصيح ماتسوى الدمووع
فارس يحط ايدينه تحت راسه:الا تسوى واهي الوحيده اللي تسوى اهي شذنبها ياماجد هذا ذنب امها وابوها اهي مالها ذنب
ماجد حس ان افكاره تتشتت
فارس تنهد ومسح دموعه :اذا اهي درت ان نضريت الناس لها كذا شتسوي بتنتحر وانا ماابيها تنتحر انا ابي اعيشها ابي احسسها بالراحه واحسسها انها طبيعيه وزيها زي الكل
ماجد:فارس ممكن تقول لي شالموضوع بشوويش
فاس:شقول لك اقول لك ان ابوي مارضى اني اتزوج ولا مو مايبي او ناقصه شي عشان يزوجني عذره مايرضى اني اتزوج وحده مالها اهل ليش يقول لاسباب اهي وش ذنبها يقول مايندرى وش اصها ووش فصلها اهي شذنبها انت فكر ياماجد وبعدين العم وليد متبنيها يعني عيب لو انا تزوجت وحده ضايعه اهي انسانه خلوقه الكل عارف هالشي والكل يحسدها على طيبتها يكفي ريما اللي من يوم جت احلام واهي ماتتبعد عنها كل هذا شمعناته معقوله ابوي مايفكر ولو كان البنت فيها شي او معروف عنها شي يكفي انا ماييقدر طلبي ليش يوم انت جيت ماسألك رنا مين اهلها رغم ان قصتها مره قويه ماعارض وقال ماارضاها على ولدي مشاري مارفض يزوجه واهو بزر على وحده برضو بزر كل هذا لانه يحبه ومايرضى انه يبعده عنه طيب انا يعني اسلوب لو ابعد عن ابوي لين يوافق على طلبي انا مو من هالنوع ماابي اكسر كلام ابوي عمري ماعارضته على شي يبيه كل طلباته البيها له طيب اهو ليش مايقدرني ويلبي لي طلبي عمري ماطلبت منه شي دايم احاول مااكون حمل ثقيل عليه حتى الكلام معاه مافتح قلبي له اقول اخاف اجرحه ليش يوم انا بغيت منه شي يرفضني رغم كل اللي اسويه له بعذر قبيــــــــــــح طيب يكفي حبي لها بيقول بزر مايقدر يقدر حبي مو اهو يوم حب امك تزوجها رغم الصعوبات اللي بيواجهها عاتب ابوه وامه وعيال عمامه وعمامه وبنت عمه اللي تنتضره كلهم عاتبهم لانهم ماقدروا حبه طيب اهوو ليش مايقدر حبي ويقول انا جربت قبله الحب وماابي ولدي يتهور لشي مستحيل ومو مقبول ليش ليش بس انا اللي يعارضوني ماجد انت ماتلاحظني انا الوحيد بهالبيت اللي حتى استحي اطلب شي ندمت مليون مره اني قلت لابوي اني احب احلام عمره ماكلمته الا المره هذي المفروض يفرح ويوافق واهو مغمض مو ياماجد ماتلاحظ ولا كلامي خطأ
ماجد اللي مايدري وش يقول مابين الصدمه ومابين ابوه وفارس صاير بالنص ندم انه عرف السبب لانه ماراح يكون بايده شي ابوه مصمم وهذا ماراح يتنازل مهما كان
:طيب وابوي شيقول يعني مايبي احلام ولا الزواج كله..؟
فارس:يقول دور غير احلام
ماجد:وانت مو شايف بطريقك الا احلام
فارس:عمري مااصريت بشي زي مااصريت اني مااخذ الا احلام
ماجد تنهد:والله ماادري وش اقوول لك يافارس
فارس:وش تقول انت بس قول اخطيت يوم اخترت احلام مو حرام عليكم تفكرون ان احلام ماتستاهل احد يتزوجها اهي شذنبها بشي ماحضرته اساسا مكتوب لها
ماجد:خلاص هد الاوضاع شوي واستهد بالله الله ييسر سبحانه
فارس تنهد:ماجد غير احلام مابي ولا تدري زواح اساساً ماابي انا قلت بيفرحون ما يدرون وخصوصاً ابوي اني ابي اسوي شي محد قبلي تجرأ وسواه بس انصدمت
ماجد:ادع ربك يافارس الدعوه زينه
فارس:ممكن اجلس لحالي
ماجد يقوم واهو متضايق وجا يطلع
فارس:اسف ضايقتك وتعبتك بمشاكلي
ماجد:تعبك راحه يالغالي
طلع واهو محتار ومصدوم من افكار ابوه ومن افكار فارس اساسا واختياره لاحلام دخل غرفته الا هدؤ ورنا نايمه وسلمان حاضنته بيدينها الصغيره
قرب لهم ومات على اشكالهم تحفه بدل ملابسه وجلس وحمل سلمان وباسه ونزله بسريره وطالع لرنا الا حاطه ورقه صغيره طالعها(حبيبي اذا جيت صحني)
ابتسم وباسها:نوم العوافي وين اصحييك
انسدح جنبها واهو يحس انه ملك الدنيا يوم تزوج رنا (يعني فارس بيحس بنفس الشعور لو تززوج احلام يعني بينبسط حتى لو قصرت بحقه الله يحقق لك ماتمنى)
طالعها مره ثانيه ولمس على خدها:عاد احلام بتصير لو يوم مثلك يارنو مااتوقع انتي بشر مامثلك احد


العصر كل شخص بعالمه مشغول وديم بعالمها وكتابها (ياربي توفقنا المناهج صعبـــــــــــه مرر ه)
ابو زياد كان مجهز كل شي للرحله:الجوري يابابا يالله نادي امك قول لها تستعجل
الجوري:ابشر يبه ترا ناصر مو رايح معنا يقول زياد
الاب:لا ليش..؟
الجوري:والله ماادري
الاب:طيب ابتسام جابت المويا
ابتسام حامله المويا ويالله تمشي:هلا عمي تعبت
الاب:ههههههههههههه وينه زوجك يشيله عنك
ابتسام ابتسمت واهي مستحيه:زوجي يلبس مو فاضي
الاب:طيب تعالي خلي شذو بحضني
ابتسام تجيب اغراض شذى:تامر امر الحين كل شي خالص
الاب:ايه
الكل تجمع عشان يركب والعم ركب :زياد انت سوق فينا ابتسام هاتي البنت
ابتسام تجيب شذى:عمي تراها مزعجه
الاب:عادي تمون على جددها بزياده خلها تزعجني يالله اركبوا وش تنتضرون
ركب الكل وكانوا مره مبسوطين لما طلعو من البيت الا هاني راجع اهو وابوه مدري من وين
ابو زياد:وقف ابي اكلمهم
وقف زياد وابوه
ابو زياد:شلونك هاني
هاني اللي ماشاء الله جد صاير رجال ويعتمد عليه:بخير ياعمي انت شلونك
ابو زياد:بخير الحمد لله من وين جايين ..؟
وليد:ابد جينا من المعارض ندور سياره حلوه لهاني
الجوري طالعت له وانبسطت (وينك مو حرام عليك من زماااان تبي تشتري سياره وانا مادريت الله يووفقك يارب)
زياد:ايه لااوصيك اول ماتشتريها تركبني اياها
هاني:ههههههههههه تامر امر
وليد:انتم وين طاالعين
ابو زياد:نبي نروح للمزرعه
وليد:اها باللتوفيق
زياد:تعال هاني معانا
هاني:لا لو فيه احلام كان جبتها لكم وجيت معاها بس مي موجوده
زياد:ههههههههههههههه طيب يالله مع السلامه
هاني يرسل بوسات لشذى<<متأكد انها شذى هع هع هع :بايو عمري
وليد:الحمد لله بدو يطلعون عادي
هاني:شيسوون يبه خلاص لازم يخضعون للامر اواقع
وليد:الله يوفقهم ويتمم عليهم السعاده


يتبع ,,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -