رواية الا ياليت لي قلبين واحبه بكل قلبيني -33
تركي:ريما هذي احلام اخت سسامي خوذيها عندك
ريما انبسطت ان احد بيجلس عندها:ياهــــــــــــــــــــلا والله
احلام تقرب لها وبصوت واطي:اسفه صحيتك من النوم
ريما:لا حبيبتي تعالي البيت بيتك
تركي:يالله سامي يبي يدخل
ريما سحبت احلام وغرفتها مباشره:تعالي حيااااااك ربي نور بيتنا
احلام انحرجت:بوججودك
ريما:فكي عبايتك واجلسي
احلام فسخت واهي منحرجه وجلست:ريما مره اسفه
ريما:هههههههههههه عادي عمري والله عادي وبعدين حنا بالعطله لازم النوم يخرب وينحاس بعدين ننام ها تبين تنامين هنا
احلام ابتسمت:ايه ابوك اصر اننا نجلس هنا
ريما:ايه لازم وين بتروحين لو ماجيتي هنا وكم يوم بتجلسون..؟
احلام:مدري والله
ريما:تعالي تبين فطووور
احلام:عادي
ريما تدق على الخدامه:آتيا جيبي فطوووووور غرفتي اوكي
احلام:ريما نامي عادي
ريما تاشر لها اش:وجيبي فراش بعد
احلام:هههههههههه طيب اسفه
سكرت ريما:وش تقولين ..؟
احلام:مااقول شي
ريما:خـــــــــرش
احلام:ريما وين شوق ورنا مااشوف احد
ريما:ههههههههه راحو خلوني
احلام:ياعمري يعني فضى لك الجو
ريما:ايه والله تشوفين ضايقه فيني يالدنيا
احلام:ليش عسى ماشر
ريما تتنهد:احلام ماادري محتاره انخطبت والحين الخطيب العزيز تحت عندنا ماادري اذا قال ابي اشوفها اوافق ولا لا
احلام:ليش ماتوافقين
ريما:ماادري ويمكن يبيني املك بدري
احلام:عادي فليه وخليه يملك بدري وكلميه عشان ترتاحين له بعد
ريما:جد
احلام:ايوا الله جد
ريما تقوم:احلام انتي باي صف..؟
احلام ابتسمت:رايحه لثالث ثانوي
ريما:ماشاء الله حلو طيب خلينا نطلع بالصاله
احلام:طيب ونجيب اشجان واريام ابيهم اشتقت لهم
ريما:ههههههه اريام عند فارس واشجان ماادري وينها
احلام:اف وين تبي عند فارس
ريما:دايم جالسه عنده
طعوا بالصاله وجلسو يفطرون
احلام:لايكون احد يقوم
ريما:لا توهم ينامون وين يقومون
احلام:اهاا وناسه بيتكم ماشاء الله
ريما:ايه لان في شوق ورنا ومها وبالعطله بعد تعرفين
احلام:الله يخليكم لبعض
لفت انتباههم صوت اريام واهي تفح الباب وتركض:باابي<<مابي
فارس طلع وراها:اريوووم ياعمري تعالي
اريام وقفت فجاءه: عمتو
فارس اللي ماانتبه حضنها:مسكتك
اريام تأشر على احلام:عمتو
لف عليها ووقف فجاءه ونزل اريام وهرب
احلام:هيي الله يلعن بليسك ياارياام
ريما ماتت ضحك:احلام عادي ماصار شي
احلام:ياسلام مو تقولين نايمين
ريما:عادي فارس اصلاً حيوي ويمكن ماامداه يطالع لك خلي الوضع فـري
احلام تنهدت وحضنت اريام:شخبارك حبيبتي
اريام:فارس وين خالو فارس
احلام:اقول اش انتي وخالك
ريما:هههههههههه وخالها وش دخله
احلام:والله احراج يوووه روحي شوفيه انتبه لي ولا لا
ريما:ابشري ومن عيوني كانه شافك راح ملح
احلام:اقول مناك روحي شوفي بس
راحت ريما واهي ميته ضحك دخلت عليه الا نايم:فارس
فارس يحاول انه مايطالعها:نعم
ريما تكتم الضحكه:فارس اريام ليش مانامت..؟
فارس:ماادري انا قومتها وعجز انومها مره ثانيه
ريما:ايه خلا اهم شي انها نايمه قبل
فارس يلف لجهه الثانيه:ايه
ريما قربت له:فارس شفيك..؟
فارس وباين انه منحرج:ريما مين عندكم..؟
ريما ضحكت:يش.؟
فارس:أسال
ريما:عندنا ضيفه وحده من زميلاتي
فارس:بس باين انها صغيره
ريما تعجبت(امداه يطالعها):ليش انت وش دراك
فارس:شفتها
ريما بحماس:حلووه
فارس:الله يخليها لاهلها
ريما تنهدت:ماعندها اهل
فارس قمز:كيف
ريما تنهدت:بعدين اقول لك يالله نوم العوافي-وطلعت
فارس:ماعندها اهل كيف ياعمري منهي ياربي تكون بعونها
ريما تضحك:ماشافك يقوم كأني شفت رنا على باله انك رنا
احلام تنهدت:اشوا يعني مادرى
ريما تكذب عليها:لا مادرى
احلام تطالع اريام:ياعمري نامت
ريما تحملها:فارس يبيها احلام كان فيك نوم
احلام تنهدت:تقريباً
ريما:روحي عمري نامي على سريري
احلام:ليش..؟
ريما:ولا ماتحبين
احلام:الا عادي
ريما:خلاص انا سريري كبير نفرين نامي معاي
احلام:لا ماتاخذين راحتك
ريما:اصلاً انا مو نايمه ياحبيبتي وشوفي اغراضك حطتهم الخدامه بغرفتي خوذي راحتك عالاخر البيت بيتك
احلام انحرجت:ياعمري والله ماتقصرين
ريما:لا شدعوا انتي اختي هالايام
احلام:ههههههه
دخلت ريما لا فارس مازال يفكر قالت بصوت واطي:فارس خوذ اريام
فارس حمل اريام:نامت شنومها..؟
ريما:احلام نومتها بسم الله عليها تموت عليها
فارس:والحين اهي وينها..؟
ريما تجلس:راحت تنام
فارس:منهي هي
ريما:اخت سامي وصلت تو معى سامي تقول مشتاقه لاولاد اخوها
فارس:اها طيب الحين نامت
ريما:انا لله ايه
فارس:طيب وش اللي تقولين مالها اهل..؟
ريما:ايه ياعمري عليها -وقالت له سالفتها-
فارس نزلت دموعه
ريما انصدمت:فارس تصيح..؟
فارس يحاول يهرب من نضرات ريما:اهي باي صف..؟
ريما:رايحه لثالث ثانوي
فارس:وطيب معاملت ابو سامي لها حلوه..؟
ريما:والله ماادري ترا انا اول مره اشوفها بس كنت اكلمها من مها ولا رنا
فارس:يعني مالك علاقهه فيها
ريما:نو نو فارس ليش تصيح انت رجال
فارس تنهد:رحملتها اجرها عند ربها ان شاء الله طيب شيقولون باخلاقها
ريما:مها مرررره تمدحها ورنا تموت عليها تقول قمـــــــــــــة الاخلاق ماشاء الله
فارس:سبحان الله
ريما تقوم:بروح انام انا
فارس:روحي وسكري الستاره
ريما:اوكي
طلعت وفارس مازا يفكر بااحلام :يعني في ناس كذا ماعندهم اهل مو مصدق ابداً هل ابو سامي مسعدها ولا لا
ــــــــــــــــــــــــــــــــــــــــــــــــــ ـــــــــــــــــــــــــــــــ
كل اللي بالبيت صحصحو ونزلوا للغدا وبدوا ياكلون الا ريما توها تنزل
فارس طالعها ووده يسأها بس مايدري كيف
تركي:حيا الله العرووس
ريما ابتسمت:الله يحييك وين الباقي
مشاري:ابد انا وشوق هذا المهم قدامك ومها مع زوجها وماجد مع حمد ورنا معاهم هههههههههههههه
فارس:وين الضيفه
ريما ابتسمت:ماقامت من النوم
امل:خليها قولي للخدامه لاتقومها
ريما:ايه قلت لها
امل:متى جتك..؟
ريما:امممم الساعه 6ونص
امل:انبسطتي..؟
ريما:مره الحمد لله انها جت ياعمري عليها
امل:ودي اشوفها
ريما:روحي قوميها
فارس بسرعه:لا يمه لاتصحينها فشله
تركي طالع له بطرف عين وضحك
اريام:فارس ابي مويا
فارس:لا حبيبتي المويا بعد الاكل مووو
اريام:ايه ابي ماعليش بس اليوم
فارس:خلاص بس اليوم انتي قلتي طيب
اريام ابتسمت:طيب
ريما بدت تاكل وقلبها مو معاها ابداً
امل قامت:روحي صحي البنت ياريما مايصير كل هذا نوم
فارس:انتي وش تبين فيها تنام ولا تقوم
شوق تقو باذن مشاري:الله العالم ان اخوك حاط عينه عليها
مشاري:الضاهر
شوق:الا متأكده ميه بالميه
امل:شتقولون انتم .!!!!!!!!!!!
شوق انحرجت وكملت اكل:اقول ودي اليوم نروح للشاليه
مشاري:ومها
شوق:ومها فيه زوجها مو راضيه
تركي:خلك من الشاليه الحين انتي قدمت اوراقك واليوم الصباح جاك قبول تبين تبدين دوام ولا لا
شوق:جد ياعمري ياعمي والله ماقصرت-لفت على مشاري-:شرايك اداوم..؟
مشاري:لا اذا بدو العالم بالدوامات داومي
شوق:خلاص
ريما قامت:الحمد لله
تركي:افا مااكلتي شي
ريما:بروح للبنت اكيد قامت
تركي:شوفي خليها تطلع تدور مو بس بالبيت لاتمل
ريما:ابشر
امل تطالع لفارس:اليوم فض نفسك لهم
تركي:لا في السايق
ريما:لا نبي فارس احسن من السايق
فارس:طيب فاضي
اريام تقول باذنه:معاذ اليوم يجي
فارس:ههههههههههههه ياعمري-وقال لها-لا مانبيه في عمتو موو
اريام ضحكت:صح
ـــــــــــــــــــــــــــــــــ
حمد:طيب اسألها
ماجد:ايه خلاص ترا والله مليــــــــــت كل سافتنا ريما
رنا تمسح سلمان:ماجد خل خالي ينبسط
ماجد:بس انتي الحمد لله اللي سمعنا صوووتك واعطيتينا وجه
رنا:حرام عليك والله من مشوين وانا اسولف
ماجد:باين وخلود ماختنا بحالنا اخذت كل وقتك
رنا:شسوي كل اسألتها وينك ووين جالسه ووش عنددك اليوم
حمد:ايه يعني مو رايحه لها
رنا:لا وين الرياض زحمه هالايام
حمد:اي رياض اهم هنا
رنا مصومه:بجده..؟!!!!!!!!!!
ماجد:يووووووه وانت ماتعرف تكتم المفاجاءات
رنا:ياسلام وانا اقووول العالم مي طيبيعيه اليوووم هييييين ياخلود ماجد بروح لها
ماجد:ههههههههه ياعمري انا عازمهم اليوم
حمد:ماشاء الله بيت ابوك امتلا
ماجد:ايه ابوي يحب يشوف البيت مليان وكله ضيوف عندنا اليوم مية ضيف
حمد:عساه دايماً مفتووح
رنا:امين ياعمري عمي تركي والله مايقصر باي احد
سلمان:ماماااااا
ماجد:ايه ماما دايماً تناديها اما انا حتى النطق ماتنطقني
حمد:حرام عيك عاد هذا ولد الغاليه
رنا:اقول لاتغيرون الموضوع ابي اشوف خلووووووود تكفى ماجد
ماجد ياشر على عيونه:من عيووووني تامريني امر حبيبتي بس متى تبين
رنا انحرجت:مايامر عليك دو العصر ان شاء الله
ماجد:الحين يأذن
رنا:ايه بروح البس والبس سلوم ونروح
ماجد يقوم:يالله وحمد بتروح معانا
حمد:لا انا ماابي ابي انشب بفارس خلود مالي يومين عنها
طلعتت رنا من المجلس وراحت للصاله الا العم تركي موجود سلمت عليه وجلست
تركي:شفيك دخلتي
رنا انحرجت:سلامتك يبه
ام:رنو تبين شي
رنا:لا سلامتكم ماتقصرون
تركي يبوس سلمان:رنا انتي بنتي والبنت ماتستحي من ابوها
فارس:ايوا الله تكلمي عادي اللي تبينه ماجد زعلك بروح اذبحه
رنا:لا هههههههههه بس يبه خلود جت من الرياض وودي اروح اشوفها عادي
تركي:افا ازعل منك البيت بيتك والمكان مكانك واللي تبينه يصيــر وماجد ماراح يرفض
رنا:لا وافق
تركي:ابد بالحفظ وخليها تجي هنا افا البيت بيتهم وجلال ولدي ازعل عليه
رنا تقوم:ابشر اقول لهم يبه الصلاة ترا اذن
تركي:ابشري
رقت بخفه واهي مبسوطه ومعاها سلمان لبست بدقايق وصلت الا ماجد داخل:ها خلصتي
رنا تلبس عبايتها:ايه
ماجد:ماشاء اله تبارك الله رنا كل ماكبرتي احلويتي
رنا:هههههههههه وانت احلا مني بكثيــــــــــــــــر
ماجد يحمل ولده:وسلوم احــــــــــــلا
ــــــــــــــــــــــــــــــــــــــــــــــــــ ــــ
كانو خالصات وركبو السياره
فارس ركب:احم احم:خلصتو
ريما:رنا مت ادق عليها ماترد مادري وش فيها
فارس:رنا راحت في بنت خالها بجده وراحت لها
ريما تدق لمره المليون:ايه مو معناته ماترد علي
حمد طالع للمتص ورد:..........
ريما:ياسلام يعني جت خلود ونسيتينا رنو ترا حنا طلعنا
حمد:ياهـــــــــــــــــــلآ واله بهالصوووو بسلامتكم قلبي ترجعون بالسلامه
ريما انصعقت:وين رنا
حمد:في خال رنا رنا شافت خلود ونستك حتى جوالها خلته عندي من الحماس بس حمد ماينساك مهما كان
ريما:اها طيب اذا جت خلها تكلمني
حمد:من عيوووني ياعيوني
ريما:مع السلامه
حمد:انتبهي لنفسكك
سكرت منه واهي ميته خووف
فارس:ماجد
ريما ارتبك:ايه
فارس:اهاا ريما خوذي اريام تراها ازعجتني
اريام:ماابي
فارس:روحي قلبي لعمتو ريما
اريام تمسكه مع رقبته:لا مااابي
فارس بعدها:شوفي الحين نصدم السياره ونمووووت
اريام بعدت عنه:لا ماابي تموت بروح اسفه
راحت عند احلام وحضنتها طالعه لها فارس وابتسم وماخفت هالابتسامه عى احلام
شوي الا دق جوال احلام
شوق:ردي
احلام بصوت واطي:بعدين
شوق:لا ردي الحين عادي والله
ريما:احلام عادي ياعمري خوذي راحتك ردي
احلام انحرجت وردت:الو
هاني:هـــــــــــــــــــلا والله بالطش والرش هلا باللي نستنا
احلام ضحكت بصوت واطي:هلا فيك هاني خلاص
فارس عرف انه هاني ابتسم على احلام اللي يالله تتكلم
احلام:بعدين اكلمك انا بالسياره
:يووه هاني يالله عاد اعقل الله يسلمك هههههه يالله انتبه لنفسك لا لاتسبح انت رجلك تعبانه لا هاني صحتك اهم من الوناسه والله ازعل لا اذا رحت الجلسه الاخيره اسأل الدكتور ايوا ياعمري انت فاهمني يالله وانتبه هههههه بحفظ الله
ريما:سلامات شفيه هاني
احلام بصوت يالله ينسمع:الله يسلمك بس يلعب كوره بالنادي وجاه شد ورمى الكوره وتعبت رجله
ريما:اوووف والحين شلونه..؟
احلام:الحمد لله راح للدكتور اخر مره ويقول تحسنت مره بس باقي جلسه وحده
ريما:اها ياعمري
فارس:مايشوف شر
احلام بينها وبين نفسها:مايجيك
شوق تطالع لمعاملت احلام باريام واستغربت مرررره اول مره يحن قبها للاطفال(شلون لو جاني بنت بكون زي احلام ماالضاهر)
هل اولاد شوق بيجون ومتى..؟؟
وفاة جود وش التأثيرات اللي بتصير بعدها ووش اللي بيتغير..؟
حمد وريما هل يملكون بدري ولا تتأجل..؟
فارس ودخول احلام لحياته وش الاسباب ووش اللي بيتمم العلاقه..؟
واخيراً فارس بتتغير حياته ولاكن هل العم تركي والعم وليد بيوافقون على هالحب ويقدرونه..؟
ناصر وانقلبت حياته والله يوفقه ولاكن ديم بتقدر تنسيه رنا واهو ينسيها سامي..؟
اشيــــــــــــــــــــاء كثيــــــــــــره بتصير بالجزء الثامن بأذن الله ^_^<<طولت عليكم حبايبي
ــــــــــــــــــــــــــــــــــــــــــــــــــ ـــــــــــ
_*(الفصــل الثامن)*_
عند ديم وزياد
جت ابتسام ومعاها شدى سلمت وجلست وكالعاده هاديه
زياد ابتسم:ابتسام ماأكني زوجك بوسيني ناديني كلميني انا مزعك ولا مقصر معاك ليش كأنك زعلانه علي والله مااقدر اشوفك كذا
ابتسام طالعته مستغربه:لا حبيبي والله مو زعلانه عادي
زياد:بسومي تعالي ابي اضمك والله مشتاق لك تعالي اشوف
ابتسام طالعت لديم مصدومه (انهبل ولا شفيه بسم الله عيك)
زياد:بسوم ووالله اسف قصرت معاك كثيــــــــــــــــر بس تعرفين شقد احب جوود وصدمه والله اسف ماابي اشوفك شايله بخاطرك او متكدره
ابتسام قامت وحضنته:ياعمري عادي مو شايله بخاطري ابداً والحمد لله انك انت من نفسك حسيت فيني زياد انا محتاجه لك شذى محتاجه لك ارجع زي قبل
زياد بعد عنها:من عيوووني ارجع بأذن الله هاتيها شذى هاتيها
ابتسام جابتها له وحطتها بحضنه
زياد ابتسم:اشتقت لك يابابا وينك حبيبي انتي ياعيوني
شذى ضحكت وباسها زياد وطالع لديم:ديم شجلسك هنا قومي اشوف
ديم استحت وقامت رقت بهدؤ
دخلت على غرفة امها الا تدعي :يالله تشافي زياد يالله ياربي ترجعنا زي قبل يالله انك اعلم بحالنا يارحمن يارحيم تشافي اولادي كلهم
ديم باست راس امها:يمه زياد ابشرك رجع زي قبل
ام زياد طالعتها:والله
ديم ابتسمت:جد وابتسام الحين عنده
ام زياد تقوم وتطالع لهم من الدرج:ياربي تتمم الفرحه عليهم شوفي شذى مبسوطه
ديم:يمه انزلي لهم
ام زياد:لا فشيله يبي يكلم زوجته
ديم استانست:خربي عليهم تكفيـــــــن
ام زياد:انتي انزلي
ديم ابتسمت:طردوني
ام زياد:ههههههه شلون تبيني ارووح
ديم:عادي يمه انتي امه والله عادي
ام زياد استانست ونزلت بشويش
ابتسام:وامك يازياد نبي نرجع زي قبل واحـــــــــــــسن
زياد:تامرين امر كم بسوووم عندي بسوم والله مشتاق لك مررره -وحضنها
ابتسام:والله وانا اكثر ها زياد تعال نروح لامك
ام زياد:مايحتاج انا جيت
زياد ترك ابتسام وقام وارتبك:هلا هلا يمه حياك
ام زياد:ههههههههههه الله يحييك ويبقيييييك واخيراَ الغالي رجعت لنا روح لابوووك تراه قلقان عليك
زياد انحرج واعطى بنته لابتسام:خوذيها
ابتسام اللي منحرجه اكثر منه:تامر امر
ام زياد:هههههههههههههههههههههههههههه عادي ليش تستحي انت رجال لايهمكـ احد ياعيوني يالله ناد ابوك
الجوري وديم نزلوا والجوري مره مبسووطه:السلام عليـــــــــــكم
زياد:هــــــــــــــــــــــلا والله
الجوري:يمه هدى ترا تبي تجي
ام ياد:البيت بيتها
الجوري تصفر:الحمد لله ياربي تتمم علينا
زياد تنهد:بس مهما كان جوود
ابتسام تسكته:زياد روح قلبي جيب عمي والله حرام نخليه قلقان
زياد عرف قصدها امه:ابشري من عيوني كم بسوم عندنا-وابتسم وطلع خلاهم
ــــــــــــــــــــــــــــــــــــــــــــــــــ ـــ
بمجلس العم تركي كان جالس اهو وحمد فقط لاغير وسين جيم عن الشغل ويفهمه وحمد مبسوووط عالاخر
تركي تنهد:الله يوفقك ياولدي بس تقدر تترك الرياض
حمد ابتسم:اوووه اتركها عادي
تركي:طيب والحين مستعد وماخذ احتياطاتك
حمد عقد حواجبه:من اي ناحيه ..؟
تركي:ابي من ناحية النقل والبيت والاغراض
حمد:سهله بس انا لحالي كل شي بيكون جديد بأذن الله
تركي:حمد انا ماابيك تكون بعيد عني عندنا هنا بالحي بيت معروض للبيع بشتريه لك
حمد:لا ياعمي ماتقصر انا اشتريه بس وين..؟
تركي:شفت مشغل ال..... هذا اللي هنا قدامه شارع عام اهو على الشارع العام مباشره تراه كبير ماتقدر عليه
حمد:لا بأذن الله اقدر اخذه بشوفه ان شاء الله
تركي:اقول لك غالي شوف تشتري النص وانا النص
حمد:عمي والله احراج اكثر من كذا
تركي:مافي خلاص انت تشتريه وانا علي الاثاث
حمد:لا
تركي:والله من زعل
حمد:عمي واللي يرحم لي والديك ابي احس اني انجزت شي بحياتي استفدت من فلوسي بهالبيت عالاقل
تركي:واخوك مو هنا.؟
حمد:الا اخوي يدور له على شقه تمليك لانه ماعنده احد ولا ازيدك من الشعر بيت جلال بعد فيه
تركي:ايه جلال ابوه وصاني ادور له بعد على بيت ولقيت له مناسب ومو بعدين عن هنا بس انت لازم اساعدك
حمد:تبي تساعدني
تركي:اكيد انت ولدي
حمد ابتسم:ماابي منك الا ريما هذي اكبر هديه بحياتي ابي املك بدري
تركي:ابشـــــــــــــــــــــــــــر لك اللي تطلب بس اذا تبي الملكه اليوم انا موافق بس وو بنتي لازم اعطيها هديه كبيره
حمد:خلاص عليك تأثيث الغرفه والصاله وانا الباقي
تركي:وعلي اعدل المجلس اللي برا لزيد اعدل مطبخه وافتح له باب من ورا وابني له
حمد:بس اهو مايبي
تركي:لايدري في زي الحديقه ورا البيت وفيها مجلس انا اعدلها لزيد مايصير يجلس بشقه 250متر مناسبه له مرره
حمد:كذا تحرجني
تركي:لا احراج ولا شي والملكه بعد يكرا بأذن الله
حمد استانس وباس العم تركي من راسه:والله معرووووف لايمكن انساه لك
تركي:بس ها البيت ههههههههه
حمد ياشر على عيونه:من عيوني من الحين بروح أأثث له بس عمي ماتبي معي ريما تختار ولا
تركي:والله اللي يريحكم
حمد:خلاص اعدل الأساسيات واهي عليها الاثاث -وقام-بنروح نخلص اشغالنا
تركي:الله يوفقك وهاا اي شي تبي انا موجود
حمد:ماتقصر
طلع حمد واهو يحس انه حامل الدنيا فوق راسه:ياربي متى ابي اخلص هالاشغال الله يعين
ماجد:خخخخخخخخخخ اخر شي اتوقعه النسيب مجنووون
حمد:جــــــــــــــابك الله تعال ابيك تطلع معاي
ماجد:لا ابي اكلم ابوي عن شغلك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك