رواية وقت حاجتي ناديتك وما رديت على صوتي -18
...:ايش انت وش تقول فيراس انت صادق والا تكذب
فيراس :ايه صادق ابوي خطبك لك وحده
...:وبأي حق تخطبون لي وانا ماقلت لكم من ابي اتزوج
فيراس وفي وجهه علامه نصر :توك قلت ابي اتزوج
....:تستهبل انت وخشتك انا ماني متزوج
فيراس :فارس تبي تفشل ابوي مع الرجال عمرك مارفضت لبوي طلب معقوله ترفض هاالطلب المصيري انك تتزوج بنت صديق ابوي ......وابوي خطبها لك
فارس :........لارد
فيراس :ابوي خطب لك وخلاص كل شي الأسبوع الجاي خطبتك ياخوي
فارس : الجاي
فيراس :مو راد ابوي صح لاترده
فارس :لا ماني راده بتزوجها لأن مصيري بتزوج ومايحتاج اني ارفض
فيراس :مانبي نعيد قصه يوسف
فارس :لا تخاف انا فارس مو يوسف
فيراس وبوجهه اكبر علامه انتصار :ياالله باي
فارس :مع السلامه
(صك السماعه )
فارس :ههههههههههههه قلت لكم مايقدر يرفض اذا درى ان ابوي هو اللي خاطب له بنفسه
..... :من طالع عليه
فيراس :طالع عليك ياخوي
...:يعني ماشك اني انا اللي قلت لأبوي يخطبها له
فيراس :لا بس ثم تقول له ...سمعتني يا مؤيد
مؤيد :انا مجنون
فيراس :احيانا
مؤيد :اقول قوم ...قوم ...عطيتك وجه زياده عن اللزوم
ــــــــــــــ ــــــــــــــ ـــــــــــ
ماودي أتخيّل حياتي بليّـاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. فـ أنا اروح وياك
ما ابغى أقابل لين أموت .. امنياتي
!
خذني وعذبني على كيفك هناك
!
وان مت .. رجعني على ذكرياتي !!
نزل من الدرج في حاله يرث لها
...:الوليد
الوليد يلف راسه بتعب عيونه كانت حمره من قل النوم:نعم
...:تعال وليد اجلس سولف معي من زمان على سوالفك
الوليد بدون مايحس :لا بروح الحق قبل ماتروح طيارتها
...:ايش من تقصد
الوليد عض على شفايفه :لا..... ولاشي ....رائد
رائد :هلا خوي
الوليد :لا ولاشي
(طلع وترك رائد وراه )
الوليد مقدر اقولك ان اللي كنت احلم فيها عرفتها ووضح وجهها ...عرفت من تكون وبتروح ...وتتركني ...شجون ...لا يارب انك ماتسافرين ...يارب تتعطل الطياره ...والا
يأجلون السفره ...افففف
""
شجون :هييه انت مو على كيفك انا ما احب احد يضرب اخوي تفهم >>>كان عمرها 12 سنه
شجون :ياربيه طيب ما ابي اروح معاه >>يوم ملكه فهده
شجون :اسمع زين جايه غصب عنك رضيت والا مارضيت جايه ...انا مو جايه عشانك جيت عشان رشوه الدبه
شجون تبكي :انت ليه تثد ثعلي انا ماثويت لك ثي
(ليش تشد شعري انا ماسويت لك شي )
""
ياالله على كل مشكله تسببها معاي الا انها حلوه ياالله ياشجون مو متخيل اعيش بدونك ....مو متخيل اروح مكان وانتي مو فيه اااااه ياشجون ااااااااه ياليتك ماتروحين وتتركيني
بعد ما صل ونزل للمطار يسرع لرحله انجيلترا
رجال في العشرين من عمره
الوليد :لو سمحت رحت انجلترا متى
الشاب :ياخوي الرحله الساعه 9 الليل وانت تأخرت اربع ساعات عسى مو راكب
الوليد جلس على الكرسي :لا مو راكب واحد من الأهل بيروح كنت ابي اودعه قبل مايروح
الشاب :اذا وصل دق عليه
الوليد :ماعندي رقمه
الشاب :الله يعينك لما يرجع
الوليد :مشكور ياخوي وما قصرت ...ياالله مع السلامه
الشاب :مع السلامه
ــــــــــــــ ــــــــــــــ ـــــــــــ
خطبت فارس
دخل فارس منصدم
فيراس ميت ضحك على فارس اللي بوجهه علامه الصدمه
فيراس :هههههههههههههههه
فارس سحب فيراس على جنب :ابوي بيخطب لي من بنات خالي جاسم
فيراس :ههههههههههههه ايه
فارس :من هي
فيراس :مدري انت اصبر وتعرف بعدين من هي البنت اللي بيخطبونها لك
فارس :فيراسوه من البنت اللي بتزوجها
فيرس :مدري
فارس :فيراس عن الهبال الزايد
فيراس يروح جنب ابوه ومؤيد وهو ميت ضحك ويترك اخوه معصصصصصب
ابو مؤيد :ياخوي جاسم حنى جايين اليوم نطلب القرب منكم
جاسم :هذي الساعه المباركه
ابو مؤيد : ساعتك ابرك ......ابي اخذ بنتك ريماس لولدي فارس على سنه الله ورسوله
فارس مبتسم واخيرا تحقق حلمه ياخذ بنت خاله
جاسم :والله لو القرارلي كان مارفضت بس القرار الأول والأخير لبنتي وانت تعرف انا ما ازوج بناتي غصب عنهم ...واذا مافيه نصيب اتمنى انك ماتزعل انت عزيز وغالي
ابومؤيد :ان شاء الله مافيه زعل بينى
ــــــــــــــ ــــــــــــــ ـــــــــــ
اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليكـ
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك
ــــــــــــــ ــــــــــــــ ـــــــــــ
...:يعني بكره زواجك يافهده
فهده بخجل:ايه
...:مبروك
فهده :وش فيك يارهف مو فرحانه لي
رهف :الا الله يسعدك يارب بس ...انا زعلانه على شجون لها شهور ما ندري عنها ....وزعلانه على شموخ لازالت مصممه على الطلاق من يوسف
فهده نزلت راسه :ماراح تكمل فرحتي بدونهم
رهف :ليش وحنى مانكفي
فهده :انتو تكفون وزياده ...بس انا بعد مشتاقه لشجو ...وما ودي شموخ تتطلق من يوسف مع انه مأذيها بس على حسب مادريت انه تغير
رهف :ايه هذا اللي سمعته ...وحت الوليد متغير من سافرت شجو
فهده انصدمت :يحبها
رهف :يقال ...وياكثر اللي يحبهم ويتركونه
فهده :بس اللي سمعته انها رفضته ومازال زعلان عليها
رهف :أي والله انتي صادقه ...ودي اسوي أي شي بس مانقدر حنى مالنا دخل في حياتهم
فهده :أي والله انتي صادقه اففففففف
رهف :الله يعين
فهده :وش رايك نزور سحر
رهف :انا ازور عادي بس انتي لا
فهده :ليش
رهف :انت عروس وبكره زواجك
فهده وجهها احمر من الخجل :وجع رهيف
رهف :ههههههههه توني ادري انك تستحين
فهده :خير ان شاء الله
رهف :هههههه خلينا ندخل عن الجو الحار وبعدين تسمرين وينحاش رويكان يقول خدعتوني فيها
فهده :ههه ماتضحك
رهف :ههههه زعلتي
فهده :لا مازعلت بدخل داخل
رهف ابتسمت :ياالله
ــــــــــــــ ــــــــــــــ ـــــــــــ
وليد هل حقيقه يحب شجون ...؟؟
يوسف هل يحب شموخ ...؟؟
شموخ بترجع ليسوف والا لا...؟؟؟
الخامس عشر
ماقبل الأخير
رفضت ان اعيش طفله مهزوزه.....
تهزها الجبال والعواصف .....
ارفض ان اعيش بلا كرامه .....
يحطمها الناس بلا رحمه....
وحتى على بكائها ....
لايرحمها الناس بل يزيد عليها المواجع....
سأبقى انسانه لايهزها كلام الناس ....
ومهما قالوا سأبقا واقفه على قدمي
لن يهزني نكرانهم لي ....
استيقظت من نومي بتعب او يمكن اكذب على نفسي اذا قلت انا نمت طول الليل افكر بشجون ...اول مارفضت قمر ورها حبي صار الموضوع عادي بس ..شجون لا والله العظيم احبها حتى
حالي متغير انا قررت قرار يمكن هذا القرار الوحيد اللي فكرت فيه وان شاء الله بسويه ...شجون يارب انك ترجعين يارب
[قام من فراشه وخذ له شور وبعد ماطلع من الحمام (الله يكرمكم ) لبس ثوب وخذ شمغه والعقال وحطه على كتفه وطلع من الغرفه ]
... :وليد
وليد رفع راسه ثم نزله :نعم
.. :وين رايح
وليد مسك راسه :رايح اللي رايح له
..:بتحضر زواج راكان
الوليد :متى
...(انصدمت ):من جدك ماتدري متى زواج راكان
الوليد يمسك راسه اكثر :لا مدري متى زواجه
....:لا ..انت صدق انجنيت رسمي ...صديق عمرك ولا تدري عنه
الوليد :وش اللي مسلطك علي
...:وليد انا اختك واعرفك وش اللي مغيرك من7 شهور تقريبا وانت متغير وراك وش اللي مغيرك
الوليد :اللي مغيرني ...مغيرني
قامت من مكانها وراحت سحبته وجلست جنبها
.... :قولي ياوليد وش فيك انت ناضرت شكلك باالمرايه وجهك اصفر ذابل وناحف كثير وعيونك حمر اهملت نفسك كثير ياخوي ...مو هذا شكسبير اللي اعرفه
الوليد :القديم راح
...:ليش تقول كذا
الوليد :انتي ماتعرفين شي يارشا ...انا من بعدها خلاص ما عدني عايش مع الناس
رشا <<ما انتبهت لكلمته الأخيره :ياالله ياخوي قولي وش فيك باالضبط انت اذا ماشكيت لي يابعد امي وابوي من تشكيله مو انا اختك حبيبتك ...مو انا اللي من حزنت تقولي
الوليد نزل راسه :.........لارد
رشا :لا ياوليد لاتنزل راسك ...خل راسك مرفوع على فوق محد ينزل راسك لتحت
الوليد رفع راسه :اذا جتك حاله مثل حالتي تعالي اسأليني
رشا :وليد انت وش تقصد
الوليد :بعدين اكلمك ياالله انا طالع
رشا :وليد
الوليد :الله يخليك يااختي خليني براحتي
رشا :طيب
الوليد طلع مسرع ركب سيارته دق جواله على تركي
الوليد :الوو
تركي :هلا والله باالغايب وينك فيه
الوليد :هلا فيك
تركي :وش فيك
الوليد :ابي اشوفك
تركي :انا الحين في ستار بوكس ...تعال هناك
الوليد :معك احد
تركي :لا ...يااالله تعال
الوليد: ياالله باي
صك الخط بدون مايسمع منه رد
ــــــــــــــ ــــــــــــــ ـــــــــــ
..:هلا بابا غريبه اول مره تزورني بغرفتي
ابو زياد :اقول بس اعقلي اول مره والا تكذبين
..:ههههه ياالغالي استهبل معك
ابو زياد انقلب بجديه :رهف
رهف :سم يبه
ابو زياد ماعرف وشلون ينقل لها الخبر :وانا ابوك يارهف ....(ماقدر يكمل)
رهف :قول يابوي بتقبل الأمر
ابو زياد :رهيف وانا مدري جايب لك خبر فيه شؤم
رهف :مدري بس شفتك متردد قلت اكيد خبر شؤم
ابو زياد وفي وجهه ابتسامه :لا خبر حلو
رهف تعدل جلستها :ياالله قول يابابا
ابو زياد :يابنتي انتي كبرتي الحين وصرتي حرمه وانا ابي اشوف عيالك قبل ماتغفى عيني عن الدنيا
رهف :بسم الله عليك بابا
ابو زياد ابتسم لها :يابنتي جاء خطبك مني ريان الـ..... وش رايك يابنتي
رهف بخجل :الشور شورك بابا
ابو زياد :يعني موافقه
رهف بخجل :.....لارد
ابو زياد :يعني نعتبر سكوتك موافقه
رهف وجهها احمر من الخجل نزلت راسه
ابوزياد ابتسم :ههههه خلاص بنقول للولد يستنى
ــــــــــــــ ــــــــــــــ ـــــــــــ
...:يبه انا ابي اتزوج
..(رفع راسه منصد ):حسام انت جاد
حسام :ايه ...طلال تزوج وانا ابي اتزوج
ابو حسام :حسام الزواج ماهو لعب اطفال
حسام بجديه :يبه وانا عمري مالعبت انا جد ابي اتزوج
ابوحسام بهدوء :طيب من البنت اللي تبي تتزوجها
حسام :يبه انا ابي اتزوج قمر بنت عمي جاسم
ابو حسام :خير من بغيت حلى البنات
حسام ابتسم :انا تغيرت يايبه وببدى بزواجي من قمر
ابو حسام :وش قلنا حنى مانبي لعب
حسام :انا ماني العب يايبه انا صدق ابي اتزوج قمر انا مقتنع فيها وابيها
(دخلت عليهم وهي منصدمه من وجودهم في مكان واحد )
..:صاير شي
ابو حسام ابتسم :هلا ام حسام
ام حسام :هلا فيك صاير شي
حسام :لايمه مافي شي بس
ام حسام مرتاعه :بس ايش
حسام وقف وراح وسحبها وجلسها وباس راسها :ابد بس كنت اتكلم مع ابوي بسالفه
ام حسام :وشي
ابو حسام :ولدك اخير بيتزوج
ام حسام ولازالت منصدمه :بتتزوج
حسام ابتسم :ايه يايمه بتزوج وبتشوفين عيالي وتشيلينهم
ام حسام نزلت دموعها :من اللي بتتزوجها
حسام مسح دموعها :بتزوج قمر بنت عمي جاسم
ام حسام :خير من اخترت \
ابو حسام :خلاص ان شاء الله بكلم ابوها بكره
حسام :ان شاء الله
ــــــــــــــ ــــــــــــــ ـــــــــــ
...:وش تقول انت انجنيت
...: ايه عاد ردت علي رد يحبه قلبك
..:تستاهل وبعد ازود
...:تركي الحين اجيبك ابيك تخفف علي وتزيد علي
تركي :وليد انت عمرك ماتفهم ...اذا تحب تروح تخطبها من اخوها مو تروح تسألها كذا ولا بنت بتوافق عليك
الوليد :اااااه يا اني مشتاق لها
تركي :تحبها يا وليد
الوليد :انت تسألني
تركي :والله انك متغير وجهك ذابل رايح فيها مو هذا الوليد اللي عمره مهتم
الوليد ببتسامه صفرا :تغيرت
تركي :طيب قوم خلنا نروح عرس ركون
الوليد :لاما ابي
تركي :لا ياوليد انت كذا بتزعله منك
الوليد نزل راسه :ما لي خلق احس ودي اسوي أي شي عشان بس اشوفها
تركي: لاتخاف انا معك وعندي لك حل بس تروح لزواج ركون
الوليد :والله
تركي يبتسم :ايه
الوليد :ياالله وش اللي مقعدك خلنا نروح لزواج ركون
تركي :هههههه روح غير وانا بروح البيت اتعدل ثم نروح زواجه
الوليد :طيب
تركي :ياالله باي
الوليد :باي
ــــــــــــــ ــــــــــــــ ـــــــــــ
اااااااه احس الدنيا ضايقه فيني ودي ارجع لأهلي وناسي لكن لا خلاص انا قررت قرار واللي قررته خلاص مقدر اتراجع عنه .....ياااه فهوده قلبي بتتزوج اليوم وانا مو موجوده اااااااخ يا وليد انت
ماحسيت فيني انت اللي كنت تعذبني وتألمني من كنا اطفال وانا كنت احبك بس انت ما اهتميت فيني ولا حتى في هواء داري من كنا اطفال ولما كبرنا وجيت اسافر توك تحس فيني توك
تفكر تعترف لي بحبك
(لبست حجابها وطلعت من البيت )
شجون تمشي في شوارع انجلترا تناضر الفرق بين الرياض وانجليترا
...:الأخت عربيه
شجون عضت شفايفها :ايه نعم بغيت شي اخوي
الشاب :انتي سعوديه
شجون لاحووول ذا وش يبي :ايه تبي شي
الشاب :تعرفين وين كبينات التلفون
شجون :لا معليش ما اعرف
الشاب :ايه مشكوره
شجون :العفو
الشاب :انتي جايه هنا وحدك
شجون عصبت :وانت وش عليك جايه وحدي والا مع اهلي افففففف ناس فيهم لقافه \
الشاب :انا مــااقصد
شجون :تقصد والا ماتقصد هذا يسمى لقافه
(راحت وتركته منصدم من عصبيتها )
ــــــــــــــ ــــــــــــــ ـــــــــــ
...:ايدى الحلاوه اهوه
...:وجع فهيده اسدحتي رويكان
فهده بخجل :بسم الله عليه
...:ههههههههه
...:ماعليك منهم بس
...:اقول رشوه وش عندنا في المساندات
رشا :لأني احس في معاناتها ...وانتم لازم مضايقات ياشهيده انتي ورهوه ياالله جعلنا نشوف فيكم يوم
شهد :ههههههه يختي نستهبل
رهف :مو محتاجين لمزحكم المالغ
رها تحرجها :وش اخبار ريان
رهف :وجع انتي وش دراك
رها :ههههههههه الأخبار تنتشر ياحبيبتي
رهف انحرجت
في هاالوقت رن جوال رهف المتصل شجو
رهف :هلا والله بهاالصوت هلا باالغاليه هلا بحبيبه قلبي هلا بروحي ودنيتي كلها (وبكت )
شجون :هههههه كل هذا لي اجل بغيب عشان اعرف غلاتي عندكم
رهف :للحين ماتعرفين غلاتك انتي اهلي وناسي انت القلب (مقدرت تكمل بح صوتها وبكت )
شجون :خلاص يارهيف لاتبكين والله تقطعين قلبي من البكي
رهف :والله مشتاقه لك
رها :يوووووه اكيد انه ريان قاعده تتغزلين فيه
شجون :من ريان... وش السالفه
رهف بخجل :احم ...انخطبت ياشجون
شجون :لاااااا مبروك ياقلبي مبروك
رهف :الله يبارك فيك
شجون :ابي اكلم العروسه الحلوه بس هاه لاتدري انها انا
رهف :اوكي ...فهده
فهده :نعم
رهف :منى تبي تكلمك
فهده بهدوء :هلا منى
شجون :اهلين ياعروسه مبروووك
فهده :مين
شجون : معقوله ماعرفتيني ...انا شجو
فهده دمعت عيونها :شجو
شجون :ايه ....باالمبارك
فهده بكت وبصوت مسموع :شجو تعالي والله مو متخيله اني اتزوج وانتي مو موجوده ....ما اتخيل اروح لمكان وانتي مو موجوده ارجعي ياشجو ارجعي
شجون نزلت دموعها :مقدر يا فهوده ...مقدر ...سامحيني ودي ارجع بس جرحي ما اندمل
فهده ولازالت تبكي:الله ياخذ من سبب لك هاالجرح وخلاك تروحين وتتركيني
شجون :لا يافهوده لاتدعين مو زين
فهده :لهدرجه الجرح كبير
شجون :..........لارد
فهده :شجون
شجون :فهوده سلميلي على البنات الخط بينقطع ياالله باي
فهده :شـــ
انقطع الخط
فهده بكت اكثر
شموخ :شجون هي اللي مكلمه
فهده تبكي : .........لارد
شموخ :هي صح
رهف :ايه ياشمو هي
شموخ :ااااااه يا اني مشتاقه لها ....ومحتاجه له كثير
رها :خلاص يافهيده لا تبكين ....خربتي الميك اب
فهده :كله منه الله لايوفقه ...الله لايوفقه
شهد :من ...وش...وش السالفه
شموخ :فهده ...خلاص
شهده :من تقصدين
فهده :محد ...محد....مو قصدي احد
رهف :طيب خلاص وقفي بكي
رها :المكياج خرب ساره الكوفير راحت
ساره :لا
رها :ناديها
ساره :طيب
راحت وتركتهم
ــــــــــــــ ــــــــــــــ ــــ
دايم افكر لو خسرتك وش يصير.....
واقول دااااايم جعل قلبي قبله مماتي...
مشتاق ياقلبي وعسى دنيتك بخير؟؟؟؟؟
لايابعدهم كلهم ياغناتي....
إنت بحياتي شي ثاني عن الغير ..........
تقدر تقول اجمل حدث بحياتي.........
إنت الفرح ,,,إنت الوفى,,,إنت إمنيه لاوالله كل امنياتي....
من قبل مااعرفك ماحسبت المخاسير.......
واليوم شفني ماخسرتك واحاتي...........
إذا افترقنا بطلبك مطلب صغير........
لاتزورني بين النعاس ومباتي.........
اخااااااف لاجوني طيوفك مساايير......
قلطتهم قلبي ,,,,وتعشوا مماتي........
يعني إذا بتغيب من غير تفكير........
ترجع قبل لاينكسر لك ثباتي........
الطيحه منك تترك سنين تأثير........
من قال ماراح تشمت عدااااااااااتي .........
امااااااااانتك في داخلك شوفني غير.........
وامانتي إني بخليك ذاتي.........
من كثر ماخانت غلاك التعابير..........
معاك أحس اصدق كلامي سكاتي......
لكن تعااال وخل عنك المعاذير..........
شفني شسوي؟؟؟؟ايش عقبي سوااااااتي.........
ارفع يديك لمن يرد المقادير...........
وردد وراي للي تقوله شفاتي.........
يااااااارب عمــــــــــــــرك ياحبيبي تباشير.....
وانا معك اعيش باقي حيـــــــــــــــااااتي.........
((منقول))
ــــــــــــــ ــــــــــــــ
...:الوووه
...:الو هلا والله بهاالصوت هلا شجونه وش اخبارك
شجون:هلا خوي انت وش اخبارك وش اخبار سحوره
...:هههه الحمدلله انتي اللي وش اخبارك
شجون وش اقولك اني تعبانه بدونك يافيصل والا اقول ان جدتك ماتت :ايه الحمدلله ...انت وش اخبارك فصول
فيصل :شجون ماودك ترجعين
شجون ودي يافيصل اجي اليوم قبل بكره :مقدر ياخوي
فيصل بجديه :شجون
شجون :امر ياخوي
فيصل :انا تعرفيني ماعندي مقدمات بدخل في الموضوع على طول
شجون :قول اسمعك
فيصل:اااااه شجون واحد من اصدقاي تقدم لك يبي يتــ
شجون :لا تكمل يافيصل انا ماني متزوجه
فيصل :وانا ماني رافضه
شجون :وليش ان شاء الله انت اللي بتتزوجه
فيصل :لأنك ماتدرين من هو ...وهو بيستناك
شجون :ايه طيب... ياالله مع السلامه
فيصل :مع السلامه
صك الخط
شجون ""
انا مقدر اتزوج يافيصل وقلبي معلق في انسان ومقدر ارجع لوطني بسببك يافهاد من خوفي مقدر يتهيئ لي انك في كل مكان ياالله انك تساعدني
ــــــــــــــ ــــــــــــــ ـــــــــــ
جلس على سرير يفكر معقوله توافقين دلع علي ااااه انا ادري بكل اللي صار لك وادري بعذابك بس عمري ماقلت لك اني احبك
..:سلطـان
سلطان :نعم يمه
ام نايف تبتسم :هاه ماودك تعرف وش ردو
سلطان يتعدل في جلسته :وش ردو يمه ...قولي لي
ام نايف :وافقت
سلطان :احلفي يمه
ام نايف تبتسم :هههه
سلطان يبوس راسه :احلى خبر سمعته
ام نايف :ياالله جعلني اشوف عيالك قول امين
سلطان :امين
ام نايف :ياالله انا بطلع تبي شي
سلطان :سلامتك يمه
ام نايف :الله يسلمك
طلع وسكرت الباب وهي مبسوطه اخرعيالها وبيتزوج
سلطان ياااااه اخيرا حلمي اني اتزوج دلع تحقق وبعيش معها في بيت واحد
ــــــــــــــ ــــــــــــــ ـــــــــــ
دخل بيت لأول مره من اكثر من 9 شهور كان ينام في الفندق مايقدر يدخل البيت وشموخ مو موجدوه فيه
رقى للدرجه شاف المكان اللي طاحت منه تألم بااللي صار ندم اشد الندم يمكن تكون قليله كلمت انا ندمان دخل غرفه المرسم اللي شموخ دايم ترسم فأخذ نضره مالقى ولا لوحه ناضر
للغرفه نضره اخيره قبل مايطلع من الغرفه شاف لوحه اخذها بلهفه يشوف وش كانت راسمه انصدم من الرسمه اللي شافها صوره امـــه وابــــوه وصورته وصوره ابوها وجدها وجده كانو في بيت ابو
فهد القديم انصدم معقوله اكيد في سر في هاالصوره اكيد في شي اكيد في خيط مقطوع
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك