رواية يا حبيبي احلى الفصول فصل حبي وحبك -1
رواية يا حبيبي أحلى الفصول فصل حبي و حبك يا خجول
الكاتبه : ع ــزيزة آلنـ[فـ]ـس
يسعدلــــــي صباحكم ومساكــم يالغالين
اولا راح اعرفكم على روايتي بشكل عام
المحور مش من البدايه يعني محور الروايه راح تعرفونها فالنهايه
يعني لاحد يحكم من البدايه ارجوكم لاتحطموني
لأن في روايتي الأولى مره احس بتحطيم مافي ردود
وانا طبعا مااستسلمت لأني احب الروايات واحب ارويها فعشان كذا
وثانيا اتمنى لكم قراءه ممتعه
فطوم في جناحها مشغله الأستيريوعلى اغنية كح كح بس وش تسوي مشتهيه تسمعها
ذلني قلبي ولاله مصلحه
الحقيقه شمس والواقع سراب
المس ابكفي تراب وامسحه
انقفل قدام وجهي كل باب
ذلني قلبي ولاله مصلحه
الحقيقه شمس والواقع سراب
المس بكفي تراب وامسحه
انقفل قدام وجهي كل باب
وزد عليه الجورقلبي اجرحه
هات ماعندك من انواع العذاب
عذبه لي طاب خاطرك اذبحه
اقتل ابقلبي زهر حلم الشباب
وهي تدندن معا اللحن
وشوي وجوالها : اذا ناوي تروح ابفهم وين اروح تخليني اعيش بعدك بألم وجروح
فطوم : هلا
دانه : فطوم
فطوم : لبيه ياقلب فطوم
دانه : لبيه وحدك ان قلت لبيه يذبحني لبيهك ويذبحني الصوت
فطوم : وان طاح قلبي ميتن فيك خليه
دانه : يربي اسكتي ترى صوتك يذبحني لاوتغنين مقدر ياناس
فطوم : ياربي اموت ولا اذبحك هههه < وحطته على سبيكر
دانه : فطوم عجلي تراني مشتاقه لك موت
فطوم : اوكي حبيبتي دقايق بس خليني البس
دانه : اوه لم الحين مالبستي
فطوم : يس لم الحين
دانه :وانا منزمان لابسه من الظهر مالت علي
اقول فطومتي كني اسمع صوت رابح
فطوم : وذلني قلبي ولاله مصلحه
دانه : اقول طولي عليه وخليني والبسي
فطوم : اوك وطولت على الأستيرو
وتركت دانه تنطرب معاه
وخلصت لبس وتكشخت ورجعت لدانه
فطوم : الوووو
دانه : هلا بهالصوت مابغيتي
فطوم : تعرفين اليوم مشتهيه اتكشخ عشان كذا طولت والا انا اجي بيتكم واتكشخ متى صارت هاذي
دانه : يصير خير انتي حتى لحالك تتكشخين طيب يلا لاتتأخرين تراني انتظر
فطوم : اوكي يلا باي حبي
دانه : باي تيك كير
طيب بريك
فطوم بنوته مغروره بس حبوبه وجسمها رشيـــق وبيضه بياضها غير طبيعي يعني بيضه مره ودايم تكون مورده وعيونها رمادي فاتح ووساع شوي ومكحلين وشعرها سود سواد وناعم مره مثل
مايقولون قطعه وانفها وسط وشفايفها موردين
وجمالها كله طبيعي
وتحب تهتم فمظهرها وبالمدرسه مو ممتازه مره بس اذا اشتهت صارت دافوره صح وعمرها 18 اخر سنه ثنوي وهي طبعا بنت عز
وبسرعه تعصب بس تجيها مرات بااااااااارده مره وخصيصا معا البزوره تحبهم ودايم بارده معاهم ومو اي احد تثق فيه وتسمع كلامه وشوره
ودانه صديقتها مووووت يموتون في بعض صديقات روح بالروح
مايستغنون عن بعض يعني لو يوم مايكلمون بعض فيه مايدرون وش بيصير فيهم
ابوها قصي غني عنده شركه خاصه غير ان كل العايله لهم شركات كثيره
وامها الحنونه نوره ومحافظه على نفسها
واثنينهم مدلعين اعيالهم
وعندهم زياد عمره 25 يحب فطوم ويقولها كل حاجه مايخبي عنها ولا شي
وهو بالمثل جذاب عيونه واسعه بس عسليه وشعره مايل للعسلي
وفله معه رومنسي بزياده
وعندهم نواف في ثالث ثنوي المفروض في اول جامعه بس راسب
ماتهمه الدراسه مره بس لعاب يحب يلعب على البنات
وفاطمه تكره اللعابين يعني بينهم عداوه وهو جذاب اكثر من اخوه زياد لأن فيه شبه بسيط من فطوم
وعزوز نسخه من اخوه زياد يدنن
بس شعره اشقر وعيونه زرق
عمره 3 سنين
نزلت فطوم للصاله وشافها عزوز وزياد و نواف
عزوز : اتومه وين اتلوحين
فطوم : بلوح لحبيبتي ياحبيبي انت
نواف : اكشخ بنات اخر زمن صار عندهم خويات
فطوم ماسوت لنواف سالفه :
زياد انا رايحه تبغا حاجه
زياد : سلامتك حبيبتي انتبهي على حالك
فطوم : تأمرني انت
ووصلت بيت دانه اللي على قدهم
ونزلت فطوم ورنت الجرس
ياسر : مين
فطوم : احم احم الشيخه فاطمه
ياسرفتح الباب ودخلت
ياسر : اختي الخبله فديتها انا وضمها بشوق وانشالله ليه هالغيبه اسبوع يالظالمه اسبوع
فطوم : هههههه الحين اسبوع غيبه هاه يعني وش اسوي انت ليه ماتتصل علي
ياسر : حقك علي ياقلبي
ودخلو داخل وهم يضحكون
ام ياسر : يالله تدوم هالضحكه
فطوم : هلا بأمي هلا شخبارك انشالله بخير
ام ياسر ضمتها : والله بخير فطوم شهالغيبه
فطوم : يايمه خلاص تراها اسبوع رحت الأمارات اقضي وجيت
ام ياسر : الحمدالله على السلامه
فطوم : الله يسلمك وتوها تفصخ عباتها
وطلعت عطرها وجلست تتعطر
ياسر : فطوم عطرك رجالي
فطوم : ايه بس احبه تفضل تعطر منه
ياسر وهو يتعطر : بس تصدقين مره حلو
فطوم : فدوه لك خذه عندي غيره بالبيت
ياسر : شكرا
فطوم : العفو
ونزلت دانه : كني اسمع صوت يذبح يشبه صوت فطوم
فطوم : دانوه اشفيك على صوتي تراه ماسلم منك
دانه وهي تركض لها : فديت قلبك بس وضمتها وفديت صوتك احبه يجنني مااستغني عنه
فطوم : فديت روحك وقلبك وكلك ياروحي انتي
ياسر : لا وبعد وش تفدون بعض
فطوم دانه : فدينا يسوووور
ياسر : اقول فد فدتو فيني لم قلت امين خلوني اروح اخذ لي شور احسن
وجلسو دانه وفطوم سوالف
ومبسطين
دانه : فطوم
فطوم : اعيونها
دانه : روحي جيبي الببسي والشيبس تراهم جاهزين فالمطبخ
فطوم : يالعجازه طيب بجيبهم بس لو تكرمتي جهزي المسرحيه
دانه : اوكي غلاتي
وراحت فطوم تجيب الببسي والشيبس والهذره
بريك بسيط
دانه بنوته اسم الله عليها بشرتها برونزيه وشعرها عسلي في خصل ذهبيه وعيونها بنيه وتموت في فطوم وهي اخر العنقود ومره فري وبسرعه تتنرفز ومتعلمه طوالة اللسان من فطوم ههههه
بو حامد عنده شركه ويحاول يمشي امورها وطيوب وحبوب ويحب دانه وفطوم مره
ام حامد تعز بناتها دانه وفطوم يعني فطوم بالنسبه لهم بنتهم
وعندهم حامد البكر متزوج وعنده اعيال
خالد 17
خلود 15
فيهم شبه من بعض مره فله
وياسر الخقق يذوبون عليه البنات ونكوتي
عيونه عسليه تذبح وشعره بني ناعم على ورى ويحب الكشخه دام فطوم و دانه معه عمره 25
اوكي بــاك
فطوم وهي شايله الشبسات والحلويات وحالتها لله : دنو بالله عليك بناكل كل هذا
دانه : لا افا عليك بيجي بابا بيبسط معانا
فطوم : واي وناسه
وشوي ودخل بو حامد
فطوم فزت وطارت فحضنه : هلا يبى هلا اخبارك اشتقت لك لا تدق ولا تسأل
بو حامد : يابنت لا تخربين تشخيصتي
فطوم بزعل : يبى شدعوه كسختك اهم مني
بوحامد وهو يعدل عقاله : ياجعل الكسخه فدوه لعيونتس تعالي بعد وهاذي احلى بوسه واحلى ضمه للقاطعين
دانه : بابا لا ترى كزا انا اغار
بو حامد : اذا انتي ماتغارين من يغار
دانه : امي
فطوم ودانه : ههههه
بو حامد : لا تسمعتس وتحسبني مسوي بلشه وتوريتس الغيره على الأصول
البنات : هههههههههههه
ام حامد وهي نازله من الدرج : بو حامد وش عندك
بو حامد : الله يهديتس يالغاليه انا اسوي شي يلعب بأعصابتس ياجعلني الموت لو سويتها
ام حامد : اسم الله عليك فال الله ولا فالك يالغالي بعيد الشر
دانه وفطوم : الله يطول بعمر روميو وجوليت
بو حامد وام حامد : وشهو اي رورو واي جوجو
دانه وفطوم : هههههههه
دانه : اقول يبى يمى ورى ماتجلسون
بو حامد : يلا انا جاي
وجات ام حامد وبسطو على مسرحيه من مسرحيات طارق العلي
وجاء مقطع موت يضحك من المسرحيه القديمه حاميها حراميها
كان طارق العلي يرمي فرحان العلي بالبركه الصغيره هههههه
المهم وهم يضحكون من دون سابق انذار
جوال فطوم : تبي تقنعني انك صح تبي تعلن علي فوزك
اقولك ضب طريقكك رح ترى حامض على بوزك
فطوم : هههه الو
نواف : فطوم ا م ا زي ع ماهو قادر يتكلم
فطوم : نواف هدي شوي شوي وش فيك
ابغى توقعات هاه
وهاذي بس البدايه مقدمه
البــــارت 2
فطوم : نواف وش فيك قول اخلص
نواف ظل ساكت شوي
فطوم : نواف وش فيك
نواف : هاااه مافيني شي يلا باي
فطوم : باي
سكرت الخط
فبالها : حمدالله والشكر خوفني احسب فيه شي
دانه : فطوم شفيك وش فيه نواف
فطوم : لامافيه شي الظاهر انه يبي يلعب بأعصابي شوي
دانه : الحمار انا اوريك فيه
فطوم : اقول بس اتركيه عنك
فالمزرعه
بو زياد جواله يرن
بو زياد : الوو
ام سعود : قصي
بو زياد : يمى
ام سعود : ايه امك
بو زياد : امري وش بغيتي
ام سعود : شوف يا قصي اخر تنبيه لك بكره فاطمه تكون موجوده عندي فاهم
بو زياد : يمى انا مقدر استغني عن بنتي
ام سعود : ومن يقول انها بنتك هاه
بو زياد : يمى كذا والا كذا هي بنتي انا اللي مربيها
ام سعود : جزاك الله خيربس خلاص البنت ترجع لي
بو زياد : يمى
ام سعود : خلاص انتهى كلامي معك
وسكرت الخط
بو زياد خلاص يحس راسه بينفجر مايقوى على فراق بنته
مايقدر وامه مش عند الباب امه بالكويت يعني مسافه بعيده
بيت بو حامد
خلصت المسرحيه بو حامد طلع معا ام حامد
البنات شغلو الأستيريو مره يحبو الطرب والرقص
خصيصا فاطمه تحب الرقص والرياضه
وكانو مشغلين اغنية القوس قوسك عبدالمجيد
ويرقصون بأندماج
ونزل ياسر وشاف هالرقص ماقدر وصار يرقص معاهم
وياسر يقلد فطوم بالرقص
ودانه وفطوم انسدحو من الضحك مو عارف يقلدها شكله مره يضحك
وكان لابسه ثوب ومشخص
فطوم خذت عقاله وبدت ترقص مثل الشباب اختنا فالله خبيره
وياسر تلثم
دانه جلست تصورهم < مره فالينها
وفطوم تحرك خصرها لم الحين ماحد قدر يسويها مثلها
وخلصت الأغنيه
ياسر : فطوم وش هالرقص تعرفين تقلدين الشباب وانا حتى اقلدك مو عارف
فطوم : احم احم خبيره بالرقص مادريت
ياسر : خلاص نتعلم من خبرتك يالخبيره
دانه : شوفوا المقطع ولا احلى
وجلسوا يشوفون المقطع كان جد خطير
فطوم : ارسليلي المقطع الله لايهينتس
ورسلت لها المقطع
ياسر : يامهبل هبلتوني بروح للربع بيجيهم شي مني
بعد هالهبال
دانه : هههههه احلى هبال وربي
فطوم : اصلا يحصلك هبال مثل هبالنا
ياسر : طيب يامهبلين انا طالع تأمروني بشي
فطوم + دانه : سلامت قلبك وروحك وعقلك وكلك
ياسر : الله يسلمكم
طلع ياسر وهو يضحك
بو زياد كان عند البحر واتصل على فطوم
فطوم جوالها : بس قول ابغى وانا اقول حاضرانت الوحيد اللي كلامك اوامر
فطوم : هلا يبى هلا
بو زياد : هلا بفطومتي هلا انتي الحين ببيت دانه
فطوم : ايوا
بو زياد : طيب اذا خلصتي تعالي البيت لاتروحين المزرعه
فطوم : انشالله يبى
وسكرت الخط
دانه : وش به البابا
فطوم : يقول لاتروحين المزرعه تعالي البيت
دانه : يلا فكه عشان تطولين عندي
فطوم : هههههه يالخبله اذا ابوي يبيني مااطول عليه
دانه : هاذي اللي بذبحها الحين انا مابعد اشبع منك
فطوم : طيب صبي مني بعد خخ
دانه : هه هه هه بايخه
فطوم : يابعدهم هالزعوله فديت بطول بس شوي
دانه : اثر الزعل ينفع خخخ
فطوم : مالت بس وانا اللي مطاوعتها
دانه : فديتك بس لاتخليني ازعل جد
فطوم : ناس ماتجي الا بالحمره
دانه : لا انا اجي بالصفره خخخ
فطوم : صايره تستخفين بزياده اشك ان الخبيتي جاب معاك نتيجه
دانه : اسم الله علي
وجلسو اهبال واستخفاف مايخلص خخخ
فالكويــت
.........: ياجده مايصير جذي
ام سعود : امبلى يصير
.........: طيب انا مابعد اخلص جامعه
ام سعود : مالي شغل لك هذا الترم تجي تكمل الجامعه هنا بالكويت
.........: حاضر ياجده تحت امرج
ام سعود : يلا معاالسلامه
.......: معا السلامه
سكرت الخط
انتهى البارت
تتوقعون فطوم بترضى تروح الكويت ؟؟
ونواف وش كان يبغى منها جد كان بس يبي يلعب بأعصابها والا في شي ثاني ؟
؟
["]
البارت 3
ام سعود : خير حتى انت تجي من هناك معا عمر
.........: يعني انتي وش تبين فينا
ام سعود : قلت لكم تجون يعني تجون وقولو لجهاد هذا ان كلمته بيجنني وقول للباقي
....... كاتم ضحته : طيب تحت امرك مالك الا اللي يسرك
وسكر الخط
الساعه 12 فطوم لسه داخله بيتهم
نزلت من السياره دخلت من الباب الكبير الفخم البني على ذهبي
وماشافت احد على طول فصخت عباتها ونقابها ورمتهم معا شنطتها على الكنب اللي بالممر
وراحت للأصنصير فالدور الثالث لمكتب ابوها
وضربت الباب
بو زياد : مين
فطوم : فطوم
بو زياد : تفضلي يابنتي ادخلي
دخلت فطوم
وحضنت ابوها : يبى اشتقت لك كل هذا شغل مانشوفك ابد
بو زياد : والله تعرفين انا بتقاعد ولازم اهيء اخوك عشان يكون تمام التمام في شغله
فطوم : يبى اشفيك شكلك موعاجبني تعبان فيك شي
بو زياد : تعالي يابنتي وجلسها جنبه وهو حاضنها
بو زياد : فطوم شرايك تروحين تدرسين الجامعه بالكويت
فطوم : يبى وش فيك انت عارف هالشي مستحيل مايصير مااقدر على فراقكم كلكم
بو زياد : لا يصير متى مانحصل اجازه بنجيك
فطوم : هم مايصير مايكفي اشوفكم من اجازه لأجازه
بوزياد : يابنتي انا ابيك تدرسين بالكويت ومنها ابيك تشوفين جدتك
فطوم : يبى انت تعرف اني مقدر ارفض لك أي طلب بس هالطلب مقدر انفذه
بو زياد : واذا قلت لك انا ماني راضي عليك اذا مارحتي
فطوم : يبى
بو زياد : فطوم الا هالشي لاترديني فيه
فطوم : يبى يعني لازم بالكويت اكيد انا بستخف هناك
بو زياد : بس لازم تروحين عشاني روحي
فطوم : يبى > دموعها مكتومه
بو زياد : فطوم واللي يسلمك اذا تحبيني وتعزيني ماترفضين والله لو بيدي كان ماخليتك تروحين
فطوم ساكته ماتتحمل ابوها يترجاها
فطوم ودموعها في عينها مستحيل تبكي مستحيل : يبى خلاص على امرك بروح بس
بو زياد : بس وشو
فطوم : مراح اظل هناك مده طويله
واحنا نقدر نخليك بعيده عنا مانقدر
فطوم : طيب يبى انا بروح انام تأمرني بشي
بو زياد : سلامتك
وطلعت وركض لغرفتها
وهلت ادموعها
مسكت سلسالها اللي على رقبتها وباسته
وصارت تكلم نفسها
: بشتاق لكم وربي بشتاق
ونامت وهي على ذا الحال
فالصباح الساعه 9
صحت على التلفون
فطوم : خير
بو زياد : فطوم للحين نايمه يلا الطياره الساعه 5 العصر
فطوم : يبى ماجهزت شي
بو زياد : يلا انتي قومي عشان تجهزين اغراضك
فطوم : حاضر يبى
وسكرت التلفون
وراحت تلبس لها لبس عادي لأنها امس نامت على السوفا وبملابسها
وغيرت ولبست
برموده بيجي كذا لم نص ركبتها اسود رسمي شوي
وبلوزه كم طويل حرير رسميه وفوقها سديري بنفس لون البرموده
"]ورفعت شعرها بشكل مالها خلق خصل طايحه على وجها
ودخلت غرفة الملابس
وفتحت شنطها الطقم
وخلت الشنطه صغيره لبعض الأغراض المخصصه
وبدت شوي شوي على راحتها
لم جات الساعه 12 خلصت
ونزلت شافتهم كلهم جالسين بالصاله
راحت جلست عند زياد شوي وبتنط بحضنه لأنه حاضنها مره بيشتاق لها
ونواف طلع صدق انه بسس هوشات معاها بس اذا راحت معا مين بيتهاوش ومين بيصرخ عليه ومين بيتكبر عليه
ومين بيجنن
عزوز وهو توه صاحي من النوم
جا وجلس نفسه بحضن فطوم وجالس يفرك عيونه وشعره كشه
عزوز : اتوم يلا نلعب بليستيسن
فطوم: اول قوم نغسل وجهك وتفرش اسنانك عشان نلعب
عزوز : تيب بس سيليني مابي امسي
فطوم : ياعجاز
وشالته
زياد : يبى انا بروح معا فطوم الكويت
بو زياد : لا منت رايح ويلا روح الشركه وهذاني جاي
زياد طلع من البيت مو متحمل بيشتاق لفطوم
حمد : تتوقعون ليش تبغانا الجده
جهاد مبوز : اوووه مابي ارجع وكل شوي روحه وجيه اه بطفوله تعب علي
عمر ساكت ولاكلمه الا شوي
: تصدقون عاد تحمست ابي اعرف وش تبي عجوزنا هه
ووقفو بيطلعون من شركتهم بيروحون البيت
نرجع الرياض
فالسياره بو زياد : فطوم لا اوصيك لاتقلين احترامك معا جدتك او معا أي احد تراني عارفك وكاشفك
فطوم : انشالله يبى
بالكويت الجده كانت بالمستشفى فالعنايه في غيبوبه
بالفله
فطوم لسه واصله وكان وراها سياره
نزلت وشعرها طاح على وجها رفعته بيدها
ونزل السايق اغراضها
التفتت على السياره اللي وراها استغربت ليه ماحد نزل وكانت مظلله
وشافت واحد جاي عندها كأنه بودي قارد : انسه فاطمه
فطوم هزت راسها بأيه
جاسم : احنا كنا بنتظارك جدتك مو هنا جدتك بالمستشفى فغيبوبه وعماتك راح يجون يشوفونك الساعه 10
فطوم : اها طيب قول للسايق يجي الساعه 8 بروح المستشفى
جاسم : حاضر
ومشت فطوم بثقه
ومشت كان البيت مره واسع لو تتكلم تسمع صدى صوتك
وكان قدام وجها فالوسط الدرج ويمين الدرج كانت الصاله وكان البيت مره يحسسك بالدفا ومره راقي
راحت وجلست فالدرج ضمت رجولها لصدرها ونزلت راسها
ماكلمت دانه اليوم تحس روحها ماهي متحمله
طلعت جوالها وشافت 40 مكالمه من دانه خلاص اتصلت عليها
دانه : الو فطوم حياتي اشفيك فيك شي صار لك شي ليه ماتردين فطوم
فطوم تبكي بصمت ماتقوى على فراقها
سكرت فطوم السماعه
ونزلت راسها شعرها الأسود الناعم نزل
وشوي الا والباب ينفتح رفعت وجها وشافت شي ماتوقعت تشوفه ثلاث شباب بجمال ربي وهبهم اياه
جهاد جسمه متناسق مو نحيف مره بس معضل شوي وشعره اشقر وعيونه سود وشفايفه مورده وبشرته بيضه وعمره 21
حمد حنطي شعره بني شوي فاتح وقصة شعره خطيره وشفايفه مورده وعيونه معبره ونحيف ومعضل شوي واطول من جهاد بشوي وعمره 22
عمر ابيــــض وشعره اسود طويل لم رقبته وناعم ونحيف مره بس معضل شوي متناسق جسمه وعيونه سوده ومكحله وشفايفه مورده وعمره 22
وانتبهو لها
جهاد قرب منها : السلام
فطوم : وعليكم السلام
جهاد : مين انتي
فطوم : انا فاطمه الظاهر الجده ماقالت لكم اني بجي هه وطلعت لفوق
نزلت مره ثانيه شافت خدامه :
Where is the kitchen
سيتي : مدام اكل جاهزفي غرفة طأم
فطوم راحت غرفة الطعام وجلست بتاكل وهي ماتاكل وتزط الا اذا كانت مكتئبه
وكانت تاكل بشراسه
وشوي الشباب داخلين
كلهم : مساء الخير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك