رواية مها وساره -4
الجزء الرابع عشر
بعد كل هالاحداث بهالويك اند الطوييييييييل..!
رجعوا يوم السبت للمدرسه..
طبعا وكالعاده الشله سحبوا عالحصه وجالسين يتمشون بأرجاء المدرسه..
راحوا لعند صفوف ثالث ثانوي.. وفجأه.... تطلع سلطاااااان البويه....!!!!
بس شكلها كان غييييير ما عرفتها مها.. تطالعها.. تقول في بالها انا عارفه هالملامح بس ويييييين وين شايفتها ؟ استوعبت انها البويه قالت مها : احم.. لو سمحتي..
البنت بصوت ناعم : اهلين..
مها انصدمت وظنت انها غلطانه..: اممم انتي .........
البنت فهمت : اسمعيني يا مها.. انا آسفه عاللي سويته.. انا خلاص تغيرت ! والحين استأذن.. مع السلامه..!
مها ابتسمت من قلب : مع السلامه..
*************
هاهااا.. عرفنا وش صار مع البنت هذي خلاص !
،،،
كملوا البنات مشي.. وكلهم تعبانين من المدرسه ويبون يرجعون البيت.. شافوا بنت طالعه بتستأذن من المدرسه.. وكلهم طالعوا بعض وفكروا بنفس الفكره !! بيرجعون يعيدون ذكريات المتوسط من جديد..!
تركوا كل أغراضهم في الصف وطلعوا على طول برا ورا البنت وقالوا للابلات انهم مستأذنين معها.. البنت كانت طيوبه وهي تعرفهم بفصلهم.. وقالت للابلات ايه هم معاي..
وطلعوا ودقت مها على سواقهم.. ووصلت البنات وراحت البيت..
<< اتمنى انكم فهمتوا الحركه هههههههههه
*****
في احد الليالي.. كانت نايمه وتسمع صوت جوالها يرن ويرن وما سكت !
قامت وهي منزعجه ورفعت التليفون.. شافت المتصل واستغربت ردت وسمعت صوت ساره تصيح !! استغربت وقالت : ألو ساره.. ساره وش فيك ؟؟
ساره : مها تعالي ساعديني تكفين.. خذيني من بيتنا انا انتظرك..
مها بخوف : هاه ؟!! طيب طيب .. انا جايه..!
سكرت التليفون.. وطالعت الساعه، الساعه كانت 1 الليل !! غريبه ! وش تبي فيها ساره الحين ؟
راحت وبسرعه دخلت غرفة فهد.. وهي عارفه ان فهد لو سمع بس اسم ساره بيصحى من النوم ويوديها لعند ساره !! ..: فهد فهد.. قوم الحقني ساره فيها شي وتبيني اروح لها الحيين قووم ودني لساره قووووووم !
فهد فتح عيونه وجلس : ساره ؟ وش فيها ساره ؟!
مها : مدري مدري.. بسرعه ودني لها !
فهد : طيب طيب يلا.. ابدل ملابسي واجي !
مها : طيب..
خذت عبايتها وركبت السياره مع فهد.. وعلى طووووووووول لـ بيت ساره !
دقت مها على ساره وردت عليها ساره من أول رنه..: يلا مها بسرعه انا عند الباب اللي ورا..
وراحت مها لعند الباب اللي ورا وجاتها ساره وهي تصيح..
مها : ساره ساره شفيك تعالي تعالي..
وراحوا لعند السياره وركبوا.. ركبت مها ورا مع ساره..
مها : ساره فهميني وش فيك ؟!
ساره : ابوي يا مها ابوي !
مها خافت اكثر : ابوك ؟ وش فيه ؟ وش سوا ؟!
ساره : ابوي جا وهو معصب ويبي ياخذني من امي.. ومدري وش راح يسوي بأمي.. انا خايفه على امي يا مها.. وخايفه ابوي ياخذني منها !
(على فكره.. قلت لكم في بداية الروايه ان ساره وامها ساكنين عند جدتهم..! وخال ساره اللي هو : ناصر.. اللي يدرس في الخارج كان موجود لـ حسن حظ ام ساره..)
مها : لا تخافين.. نسيتي ان خالك موجود ؟ هو بيتصرف مع ابوك ! لا تخافين.. انتي نامي عندي هالاسبوع ويصير خير..!
ساره يوم تذكرت ان خالها موجود هدأت شوي : طيب.. وشكرا.. مدري كيف اشكرك يا مها..
مها ابتسمت : مب لازم تشكريني .. انا اختك نسيتي ؟
وصلوا البيت.. مها رقت مع ساره فوق..
وفهد نزل يجيب شنطة ساره..
راحت ساره مع مها لغرفتها الواسعه.. وجلسوا عالكنب.. بعد ما هدت ساره.. بدت تعلمها السالفه من البدايه : (وطبعا فهد يوم جا بيحط الشنطه سمعها تبدأ السالفه وقال بيجلس عشان يسمع.. وقف عند الباب بحيث انه يقدر يشوف ساره بس هي ما تشوفه لانها معطيته ظهرها!!) ساره : كنت مع امي بالصاله نشوف تلفزيون وسهرانين لان ما فينا النوم.. وفجأة سمعنا طق على الباب غير طبيعي.. اتصلت امي على السواق قالت له يفتح الباب يشوف مين.. ورجع السواق كلم امي قال لها ان ابوي هو اللي عند الباب.. خافت امي وقالت لي اطلع من الباب اللي ورا.. أما هي فدخل عليها ابوي وانا اسمعه يسب ويصارخ ويدعي عليها.. وما كنت ابي اترك امي.. بس من خوفي انه ياخذني كلمتك وجيت.. وهذي كل السالفه.. والحين انا مدري وش بيصير على امي.. لكن الحمدلله خالي ناصر موجود :)
مها : ايه لا تخافين خالك بيتصرف.. والحين خلينا ننام ونشوف وش مخبي لنا بكره..
انتهى الجزء الرابع عشر..
اتمنى عجبكم..
آسفه على التأخير وآسفه لو كان الجزء قصير شوي..!
انتظروني.. وهالله هالله بالردود :)
والتوقعات..
باااي
هذا الجزء لعيوونكم..!
الجزء الخامس عشر
اليوم اللي بعده قاموا مها وساره وراحوا المدرسه.. كالعاده.. وساره هدت شوي عقب الليله الماضيه..
*********
في منطقه اخرى من الرياض،
في بيت من البيوت،
......: أنا أبي أرجع زوجتي الأولى وأعيشكم كلكم في بيت واحد.. انتي وعيالك وزوجتي وبنتها..
.......: وشو ؟! أفهم منك انك تبي تتزوج علي ؟!
........: اسمعيني يا أم فواز.. أنا خلاص تبت وناوي أعوضكم وأعوض بنتي عن كل اللي فات.. وانا اللي بتزوجها عليك هذي تصير أم بنتي..!
بخبث قالت : يصير خير يا ابراهيم.. يصير خير !
***************
((بنعرف وش قصتها بعدين))
،،،
بعد ما رجعوا من المدرسه..
كانوا مها وساره يتغدون تحت ومها حذرت اخوانها ما يجون لأن ساره موجوده..
أما فهد راح لغرفة مها..
وابتسم بسعاده بعد ما لقى اللي يبيه.. أخذ رقم ساره من جوال مها ورجع غرفته..
كان متردد يرسل لساره رساله أو لأ..؟؟
بس بعدين قرر ما يرسلها.. الا لما يسوي الخطه اللي في باله..
***********
أما عند ريان.. كان يركض بالدرج ومستعجل..
شاف عبدالله تحت.. قال : عبدالـــ..... آآآه
عبدالله : رياان....!!!
راح عبدالله لعند ريان اللي طاح بالدرج.. وشاف راسه ينزف بقوه..
شاله ووداه على طووول للمستشفى..
بس ما علم احد.. ما يبي يخوفهم..
على كراسي الانتظار كان عبدالله جالس.. ينتظر الدكتور أو أي احد يطلع بس طولوا.. وزاد خوفه على اخوه.. وفجأه طلعت ممرضه على طوول راح لها عبدالله وسألها : ها وش صار على ريان ؟؟
الممرضه : والله كان ينزف بقوه وحالته صارت خطيره.. ونحتاج أحد يتبرع بدم..
عبدالله : طيب ما يخالف.. نتبرع بدم..
الممرضه : بس المشكله ان فصيلة دمه نادره جدًا..! واحنا مستعجلين..
عبدالله توهق ما يدري وش يسوي..
فجأه رن موبايله..
رد : ألو ؟؟
ام عبدالله : هلا عبدالله وينك ؟ ريان معك ؟؟
عبدالله ارتبك وما بغى يخوفها.. فقال : والله يا يمه.. ريان طاح طيحه بسيطه من الدرج والحين وديته للمستشفى.. لا تخافين الموضوع بسيط..
ام عبدالله شهقت : يووه يا بعد قلبي يا ريان.. وش صار عليه عساه بخير ؟؟ بأي مستشفى ؟؟ انا الحين بجي..!
عبدالله : لا تخافين يمه.. الموضوع بسيط.. بمستشفى الـ........
ام عبدالله : خلاص بجي..
وجات ام عبدالله ومعها فهد..
قال لهم عبدالله عن كل شي.. لكن للأسف محد كانت فصيلة دمه مثل ريان..!
وحالة ريان صارت خطره مره..!
************
انتهى الجزء..!
ان شاء الله حمستكم ؟؟ ;)
هههههه.. يلا أبي توقعااتكم :
1- وش سالفة الأشخاص المجهولين اللي دار بينهم الحوار هذا ؟؟
2- وش بيسوي ابو ساره مع ساره ..؟؟
3- فهد، وش ناوي عليه ؟؟
4- رياااااان..! وش راح يصير معه ؟؟
5- واخيرًا ليس آخرًا.. مها وش الجديد اللي بيحصل معها ؟؟
وبااااااي :)
الجزء السادس عشر
الساعه 10 ونص الليل..
انتشر خبر ريان في بيت ابو عبدالله..
والكل كان في المستشفى..
كلهم سوو تحليل دم ولكن محد كانت فصيلة دمه زي ريان وللأسف..
فجأه جات الممرضه وقالت ان في واحد الله يجزاه خير تبرع وكانت فصيلة دمه مثل ريان..
كلهم فرحوا وحمدوا ربهم..
وقال ابو عبدالله انه لازم يشوف هالشخص اللي تبرع ويتعرف عليه..
نادت وحده من الممرضات الشخص اللي تبرع.. ودار بين ابو عبدالله والشخص هالحوار ..:
ابو عبدالله : مشكور يا ولدي مدري كيف أشكرك..
الولد : لا تشكرني ولا شي هذا الواجب..
ابو عبدالله : الا انت وش اسمك يا وليدي ؟؟
الولد : عمر الـ.......
ابو عبدالله : والنعم...
*******
بعد كذا نقلوا الدم لـ ريان وبعد ساعات قام.. وتعدى مرحلة الخطر والحمدلله..
،،،
اليوم اللي بعده طلع ريان من المستشفى..
وكان يوم الخميس..
العصر الساعه 4 .. جات ام ساره لبيت ابو عبدالله.. سلمت على ام عبدالله بعد كذا سألت عن ساره بنتها.. ام عبدالله راحت تنادي ساره ومها.. يوم جاو.. سلموا وبعد كذا قرروا مها وامها يطلعون عشان يتركونهم براحتهم..
أم ساره : يا بنتي عندي لك موضوع مهم.. وما يصلح نتكلم فيه هنا.. لازم ترجعين معي البيت اليوم..
ساره : ان شاء الله يمه.. بس أبي اعرف وش صار ذيك الليله ؟؟
ام ساره : بقول لك كل شي بعد ما نروح..
ساره : طيب..
وراحت ساره جمعت اغراضها وسلمت على مها وأم عبدالله وراحت البيت مع أمها..
في بيت ساره وبالتحديد غرفة أم ساره،
ساره : يلا يمه علميني وش صار والله حرقتي لي أعصابي !!
أم ساره : تطمني.. السالفه وما فيها ان ابوك جا معصب يبي ياخذك.. بس أنا طبعًا رفضت.. وقال لي انه تاب ويبي يعوضك عن كل شي.. قلت له ما راح تعوضها بإنك تاخذها من أمها.. وجلس يحكي لي ويحكي لي عن كل شي صار له ومن كلامه حسيت انه صادق وناوي يرجع كل اللي فات.. وانا قلت المسامح كريم بسامحه بس بشرط.. انه يرجع ويتزوجني بدال ما ياخذك مني.. وأبي أتأكد من صدقه.. وإذا صار أي شي ما يعجبني بطلب منه الطلاق..
ساره وهي مو مصدقه من الفرحه : والله ؟!
ام ساره بابتسامه : والله !
ساره دمعت عيونها ولمت امها بقووه وأم ساره بعد دمعت عينها..
بس فجأه ساره قامت وبعدت عن حضن امها : بس يا يمه كيف صدقتيه.. لو كان ما تاب ؟؟ لو كان بس يكذب عليك ؟؟
ام ساره : أكد لي بأشياء واجد..!
ساره : مثل ايش يمه ؟
ام ساره جات بتتكلم بس ساره قاطعتها بحماس : يمه يمه...!
ام ساره ضحكت : نعم ؟؟
ساره : طيب الحين هو من عقبك ما تزوج..؟؟!
ام ساره راحت ابتسامتها..: الا متزوج وعنده 5 عيال بعد.. وعنده بنت كبرك.. بس لا تخافين، بكذا يصير عندك اخوان وتتحقق امنيتك صح ؟
ساره : صح.. بس كيف كبري ؟
ام ساره : ماله داعي أشرح لك لأنك عارفه وضع أبوك "السااآبق".. يوم كنت حامل فيك هو كان متزوج علي بالسر وجاب البنت اللي كبرك..
ساره : اهاا.. طيب يمه انا ما أعرف وش عائلتي.. يعني ايش عائلة ابوي ؟؟
((ساره دائمًا تسمي عائلتها على امها مش ابوها لانها تكره ابوها وتكره اسم عائلتها اللي ما تعرفه أصلًا))
ام ساره : عائلتك وعائلة ابوك هي الـ..........
ساره تحمست : وااااااو نفس عائلة صديقتي البندري..
ام ساره ابتسمت..: عاد تصدقين هذا اسم اختك اللي كبرك.. لحظه.. ليكون هي ؟!
ساره انصدمت كيف صديقتها البندري تطلع اختها من أبوها ؟!!
ساره : لالا .. بس تشابه بالأسماء..
ام ساره : والله جايز..
ساره : طيب قولي لي وين بنسكن ؟؟ مع زوجة ابوي مستحيل !
ام ساره : اي هذي السالفه الأهم.. عاد انتي الله يهديك ما خليتيني اقول..
ساره : وش السالفه يمه ؟؟
ام ساره : مب انتي سألتي كيف أثبت لي ؟؟
ساره : ايه..؟
ام ساره : هو كتب لي أرض باسمي..!
ساره : والله ؟!
ام ساره : ايه.. وغير هذا، سالته وينك كل هالسنين وش اللي خلاك تتوب الحين..؟؟
ساره : وش قال ؟
ام ساره : قال ان الهيئه لقوه مره وهو بحاله الله يعلم فيها .. وحطوه بالسجن لـ 3 سنوات لانهم اكتشفوا عليه اشياء ثانيه.. وانه خلاص تاب وما يبي يرجع زي أول من جديد..
ساره : الحمدلله.. :)
**********
خلاص انحل موضوع ساره.. واعتقد الحين عرفتوا مين اللي كان يتكلم مع زوجته صح ؟؟ هههههه
وموضوع ريان انحل..
بس مها.. البطووله.. إلى الحين ما عرفنا عنها أي شي.. أبي أخلي مستقبلها مجهول..
انتهى الجزء.. ترقبوني بالجزء القادم << حسيت اني كونان ههههه
باااااااي :)
الجزء السابع عشر
بعد مرور شهور..
بكتب لكم موجز عن أحوالهم الجديده،
ساره :
عايشه مع أمها في البيت اللي شراه لهم أبوها..
وكل ويك اند تزور زوجة ابوها واخوانها : عمر 20 سنه ، هيا ، 17 سنه ، ((زيااااد)) << صديق فهد وأخو ((البندري)) ههههههههه وش رااايكم ؟؟ وآخر العنقود لينا أصغر من ريان بسنه !
مها :
كانوا كل شهر يروحون الرياض.. ومع الوقت تطور حبها لـ نايف ! لكن سرعان ما اكتشفت انه يحب "مشاعل" !!
عشان كذا قررت تنساه.. وفعلًا من فتره وهي صايره ما تفكر فيه :)
لـــــــــكـــــــــن ،، مع مرور الوقت شافت زياد اخو ساره.. << أعتقد فهمتوا ؟؟ صارت تحب زياد ! وزياد بعد يحبها.. بس كل واحد ما يدري عن الثاني..!
فيصل :
تطورت محادثاته بالمسنجر مع ساره..
وصار يطلب منها صورتها.. بس طبعًا هي ترفض..! فقرر يهكر جهازها، هكره وشاف صورتها وانصدم.. هذي ساره ؟! ساره نفسها صديقة مها ؟؟
<< مفاااااااااااااجأه..!! فيصل طلع هو فهد بس مغير اسمه !! هاهااااي
والحين هو مش عارف كيف يقول لـ ساره !!
وبس !
انتهى الجزء..
اعذروني لو كان قصير :)
والتوقعات.. توقعوا على كيفكم :)
الجزء الثامن عشر
بعد 5 سنوات،
مها وساره :
هذي آخر سنه لهم بالجامعه..
مها كل يوم يكبر حبها لـ زياد واكتشفت انه هو يحبها لأنه أخذ رقمها من ساره.. وصار يرسل لها مسجات بعد كذا علمها انه زياد.. وقال لها الصراحه وانه يحبها.. أما هي ما قالت له.. بس صاروا يسولفون بالمسجات.. وبعد كذا في يوم من الأيام قرر زياد يتقدم لها، سئلها عن رايها وقالت موافقه.. تقدم لها رسمي من سنه وإلى الحين هم مخطوبين بس، وما تزوجوا.. لأن مها ما تبي تتزوج إلا بعد ما تتخرج..
أما ساره، تطورت علاقتها مع المجهول فيصل، وأخذ رقمها.. وصاروا يتراسلون بالجوال.. كانت تثق فيه ثقه عمياء..
ويوم من الأيام طلب منها يكلمها ويسمع صوتها بدال الرسايل..
في البدايه رفضت تمامًا، أما بعد الإقناع، وافقت..! وصاروا يكلمون بعض كل يوم.. في يوم من الأيام كانت نايمه في بيت مها.. على إن فهد مسافر..
مها كانت نايمه وساره كانت تكلم فيصل.. وطلعت برا الغرفه عشان ما تزعج مها.. لكن بينما هي تكلم فيصل.. كانت واقفه عن الدرج.. سمعت نفس صوت فيصل بالجوال وجمبها بنفس الوقت..!!!! استغربت.. إلتفتت ورا....... وشافت فهد ! شافت فهد واقف عند غرفته ويكلم بالتليفون.. يقول نفس الكلام اللي تسمعه هي من الجوال !! كيف ؟! كيييف الصدمه كانت كبيره مره مره على ساره ! سكرت الخط في وجه "فيصل" أو بالأحرى فهد.. ووفهد كان منزل راسه رفع راسه.. طالعها وبعدها لف عنها.. وقال : ساره، انا فيصل اللي تكلمينه..! تتزوجيني ؟!
ساره : كيف انت فيصل ؟! وليش كذبت علي ؟
فهد : يا ساره انا كنت ناوي ألعب عليك مثلك مثل أي وحده ثانيه من لعبت عليها.. وما كنت عارف ان انتي ساره اللي حبيتها من كل قلبي !
ساره : وكيف عرفت انها انا..؟!
فهد ارتبك : تذكرين يوم ما رضيتي تعطيني صورتك بالمسنجر ؟
ساره بشك : ايه......؟؟
فهد : انا هكرت على جهازك وشفت صورتك ! انصدمت كثير ان ساره اللي أحبها هي نفسها اللي كنت ألعب عليها.. وندمت صدقيني ندمت على اللي كنت أسويه..!
ساره حست بصدق كلامه..! وحست انها يحبها صدق وقررت تسامحه، قالت : طيب أنا سامحتك.. بس لو كنت صدق تحبني اخطبني من ابوي..
بعدها راحت..
وفعلا بعد يومين تقدم لها فهد ووافقت.. والحين هي مثل مها مخطوبه لـ فهد..
يعني مها تزوجت اخو ساره ،، وساره تزوجت اخو فهد :)
أما عبدالله وريم..
تزوجوا قبل سنتين وعندهم خلود اللي عمره سنه.. وعايشين أحلى حياه :)
ريان صار عمره 15 سنه.. وهو مررره طايش < طالع على فهد..!
وصار مزيون مثل فهد.. بس مش أحلى خخخخخخخخ
أما أم زياد.. زوجة ابو ساره الثانيه.. كانت مرره شريره وتسبب مشاكل لساره وأمها.. دايم تتبلى على أم ساره وتشكك ابو ساره فيها..
وعيالها يكرهونها مرره..! وكل عيال ام زياد يحبون ساره وأمها لأنهم طيبين.. وبيوم من الأيام ابو ساره اكتشف ان ام زياد تخونه مع واحد وانها اوسخ اوسخ وحده بالكون..! وهالشي قبل سنتين صار.. فـ طلقها.. أما عيالها ما حزنوا أبدًا لأنها أصلا طاحت من عينهم !
{وهذا ما حصل لهم خلال الـ 5 سنوات الماضيه}
انتهى الجزء..
الجزء القادم راح يكون الجزء ما قبل الأخير..
انتظروني :)
الجزء التاسع عشر وما قبل الأخيييييييير
انا ما قلت لكم وش صار على البندري وعزيز !
وما قلت لكم وش حصل على لماء..
عزيز تقدم للبندري قبل سنتين.. تزوجوا وعاشوا حياه سعيده في البدايه..
لكن المشكله انهم بعد سنه اكتشفوا ان النبدري ما تجيب عيال !!!!
قام عزيز وطلقها..................!!
طبعًا هي اكتئبت كئابه ما بعدها كئابه.. وإلى الحين هي مش متزوجه..!
أما لمااااااااااااء وما أدراكم ما لمااء هههههههههههه
قصتها غير طبيعيه،
تذكرون يوم أقول لكم في بنت اسمها دينا ؟؟ كانت أيام المتوسط معهم في المدرسه وهي كانت جديده وتعرفوا عليها.. تذكرون ؟؟
دينا هذي بنت غنيه مررره ما عندها غير اخو واحد اسمه يوسف ومدلعه بشكل غير طبيعي !
طبعًا هي بالصدفه صارت معهم بنفس الجامعه.. ومره قبل سنه كانت مسويه حفلة عيد ميلاد وما بقى شخص ما عزمته..
وعزمت طبعًا مها وشلتها..
في طريق لماء لـ بيت دينا، صدمت سياره بسيارة لماء.. طلع واحد تقولون ملااااااااااااك تقولون قمرررررر يمشي على الأرض..!!! جماله غير طبيعي..!
وطق دريشة سواق لماء وقام يتهاوش معه < يقطع ابو العربجه !! خخخخخخخ
بعدين لف على دريشة لماء.. طبعًا لماء مااتت من الخوف !!
هو جلس يطالع فيها سنه وما وخر عيونه.. اللي يشوفه يقول ما عمره شاف بنت بحياته..! وهي نفس الشي ههههههههههههههه
بعد كذا لف ودخل قصر كبير.. لفت لماء على المكان اللي دخل فيه.. وطالعت بطاقة الدعوه.. شافته نفس عنوان بيت دينا.. وتأكدت انه اخو دينا..!
دخلت وطول الحفله وهي سرحااانه بالمزيون اللي شافته اليوم !!
أما هو دخل عالم آخر بالفكير فيها..!
وقال انا خاطبها خاطبها !!
بالصدفه كان هو طالع وهي طالعه بعد ما خلصت الحفله.. هو كان واقف بعيد عنها بس لفت نظره الاسواره اللي بيدها ومكتوب عليها لماء..
بعد ما طلعوا كل الناس.. راح يوسف عند دينا،
يوسف : دينا انتي تعرفين وحده اسمها لماء ؟
دينا : اي اعرفها.. ليه تسأل ؟
يوسف : ما عليك مني ليه اسأل.. وش عايلتها ؟؟
دينا : الـ...........
يوسف ارتاح بما انها من عائله محترمه وعلى مستواهم يعني يقدر يخطبها < ايه ولد العز ما ياخذ أي وحده ههههههههههههه
وخطب لماء وقبل كم شهر تزوجوا .. وينتظرون لماء تتخرج من الجامعه عشان يسافرون ويسكنون في أمريكا..!
بعد كم شهر..
{حــــفــــل تــــخــــرج الـــــشــــلـــه}
اللي حالتها حاله وتدور عباية التخرج، واللي تصلح وتصلح في شعرها وما عندها نيه تخلص، واللي مختبصه ومتحمسه.. واللي بتتشقق من الوناسه..
وكل وحده في حالها..
وأخيييرًا بدوا ينادون أسماء الخريجات..!
وآخر خمس بنات ،،،،
مها الـ.............
أنوااااااااااع الإزعاج والتصفييييق والتصفييير..
ومشت مها بكل شموخ على المسرح وبكل فرح وفخر استلمت شهادة التخرج << ياربي بصيح من المشهد المؤثر هههههههههه
ساره الـ..........
آآآآآآآآآآآآآ << صراخ الجمهور هههههههه
ساره مشت على المسرح ووقفت في البدايه < الاخت مستحيه..
والبنات "خلف الكواليس" يشجعونها وتشجيعهم صاير أعلى من تشجيع الجمهور..!!
ومشت واستلمت شهادتها وراحت وقفت جنب مها.. ولمتهااا < لالا الحين صدق بصيح من المشهد ههههههههههههه
لماء الـ..........
البنات قالبينها عرس ويطبلون ويغنون هههه : وحده وحده وحده ،، ليمونه أحلى وحده.. << احم،، البنات دايم يسمون لماء "ليمونه" هههه ((الاسم من تأليف مها طبعًا..))
البندري الـ.......
((نفس الحكايه تشجيع وصراخ)) بس آآآآآآخ.......................... وهي تمشي على المسرح طاحت هههههههههههههههه
وطبعًا كل الجمهور يضحكوووووووووووون أما هي.....
توقعوا وش ردة فعلها ؟؟
قامت تضحك وتضحك وتضحك ....... ضحك ما بعده ضحك.. والكل مستغرب بس زاد ضحكهم من ضحكها < يلا يا شطار احسبوا لي كم مره كتبت كلمة "ضحك" في الجمله الأخيره خخخخخ << بايخه.. -__- المهم..
وكملت طريقها وما كأن شي حصل.. < البنت ما عندها وقت هههههه
استلمت الشهاده ورفعتها.. والبنات لازالوا يصفقون لها < يبون يشجعونها ويوخرون فشيلة الطيحه هههههه
وأخيييييرًا ليس آخرًا..
دينا الـ...........
طبعًا لماء صفقت لها أكثر شي << ايه اخت زوجها هع هع
والحين اجتمعوا كل الشله..
ورفعوا قبعات التخرج ورموووووووووها بالهوااااااااااااااااااا
وبكذا انتهى حفل التخرج..
وانتهى البارت بعد.. :)
أتمنى عجبكم..!
انتظروني في البارت الأخير..
وابي ردوووووود :)
الجزء العشرون والأخير
في القاعه الفخمه.. يوم الخميس،
كانت الساعه 8 ونص ومها وساره يتجهزون لـ..............
زفـــــتـــــهــــــم !
ايه زفتهم.. اليوم زواج مها وساره.. بنفس الليله وبنفس القاعه..
أصروا ان يوم زواجهم يكون مع بعض..! حتى بليلة عرسهم كانوا سوا..
وزفة مها كانت قبل..
مها : ساره والله خايفه
ساره : اجل انا اللي مو خايفه ؟!!
مها : ساره
ساره بطفش : نعم ؟!
مها : وش رايك تنزفين معي ؟!
ساره فتحت عيونها على آخر شي : نعم ؟!! من صدقك ؟ ما رتبنا على هذا الشي كان تكلمتي قبل ؟؟
مها : يلا ساره لو كنتي تحبيني انزلي معي الحين.. والله اللي تحت واجد.. صدقيني بيجيك نفس الشعور بعد شوي اذا جا دورك..!!
ساره بدت تفكر وحست ان السالفه جد..: يوه خوفتيني تراك.. يلا بنزل معك اجل !
مها فرحت : يلا
وتسكرت الانوار اللي بالقاعه وتسلطت الأضواء على الأميرتين اللي واقفين فوق عند الدرج..
كانوا مها وساره كالأميرات..
كان شكلهم انيق وفخم وطالعين يهبلوووووون
كان فستان مها توب وطويل.. وله ذيل طويل من ورا.. وفيه من عند صدرها قلب باللؤلؤ
فستان ساره كان تقريبًا مثل مها بس في بعض الاختلافات..
ان الذيل اللي في فستان ساره اقصر شوي..
ومكتوب من عند صدر ساره s و f يعني ساره وفهد :)
على الزفه الهاديه، نزلوا مها وساره وهم ماسكين يد بعض..!
وصلوا لعند الكوشه وجلسوا..
وكل وحده صورت مع أهلها وبعدين صوروا كلهم مع بعض..
مها : ساره
ساره لفت عليها..
مها : مبرووووك يا أحلى اخت.. والله بينجن اخوي عليك !
ساره دمعت عينها بس مها مسحت دمعتها بسرعه : لالالا مانبي صياح.. خلاص بيخترب الميك اب ترى
مها وساره : ههههههه
ولموا بعض..
في أقرب من هالبنتين ؟؟
حتى في يوم زواجهم كانوا سوا !
ما يفرقهم الا الموت..
معظم الروايات يكون عنوانها اسم ولد وبنت.. على انها روايه رومانسيه وقصة حب..
أما روايتي فـ كان عنوانها مها وساره.. تحكي عن بنتين صديقات وخوات الروح بالروح..
شاركوا بعض أفراحهم وأحزانهم إلى آخر لحظه..
ولو انها كانت مختصره.. لكن أتمنى انها نالت إعجابكم..
وهذي نبذه عن ما حدث للشخصيات الباقيه..
لماء ويوسف :
تزوجوا بعد تخرج لماء وعاشوا في أمريكا..
عبدالله وريم :
قلت لكم عنهم قبل ^^
دينا :
تقدموا لها وااااجد بس انها شايله فكرة الزواج من بالها تمامًا..
فتحت صالون تجميل وشغلها ماشي :)
بنو :
من بعد ما طلقها عزيز وهي عايشه حياه عاديه.. وتقريبًا نست حبها له !
عزيز :
هو طلق البندري بأمر من أمه، مع انه كان يموووت فيها وما يهمه لو ما تجيب عيال..
بس خاف امه تزعل عليه وطلقها !
وإلى الحين وهو ما نساها ابد.. وندم قد شعر راسه انه طلقها..!!
ريان :
لازال طايش لكن يكبر ويعقل ان شاء الله.. مثل فهد كبر وعقل هع هع :)
النـــــهـــــــــايـــــــــــه !
وساااااامحوني على كل الأخطاء اللي بالروايه..
أتمنى من كللل قلبي انكم استمتعتوا فيها !
وأبي راااايكم فيها بكل صراحه :)
رايكم يهمني..
مع السلامه
تجميع
شموووخهـ
اللهم لك الحمد حتى ترضى وإذا رضيت وبعد الرضى ,,, اضف تعليقك