رواية واخيرا حسيت يا مغرور -2
مشى مصعب للمجلس ..... كانت لجين واقفة بتطلع بس تكمل السالفة مع ماجد ومعطية الباب ظهرها .. احرجها ماجد بكلمة وطلعت تركض وهي تضحك
بس جات رجلها برة المجلس صدمت بمصعب ..... لحظات صمت
بغت تطيح لو ما مسكها جسمها ضعيف وهو جسمه قوي وكتوفه عريضة
رفعت راسها وشافته ... ابو العيون السوووود
مصعب : احم اسف ... (مصدوم كيف قدر يتكلم ؟؟؟ شلون طلعت الكلمة مايدري )
وخرها عنه بشكل غريب كأنه رافض وجودها حوله
ركضت بدووون اي حركة راسا لغرفتها ,,,,, طالعت نفسها بالمرايا
خدودها حمر وعيونها مدمعة اووووف حر ...
اما عند باب المجلس مصعب لسة ما دخل واقف مصدوووم
يحاكي نفسه : مستحييييل تكون هي بنت عمي تغيرت يا عااالم ... ملعووون مهند الورع كذاااااب ما قال لي ان اخته هنا ) ضبط شكله ودخل...
مصعب برزانته : سلام
ماجد : هلا والله حيّاك ... وين اخوانك الكلاب ما يجون
مصعب: هههههه جايين وراي بس راحوا البقالة وبيجون الحين
فوق عند لجين .... رن جوالها وردت بدون ماتشوف مييين
نورة : سلام يا بطة
لجين : نورة ... ااا هلا هههلا ...كيفك؟؟
نورة : انا تماااااام بس انتي صوتك مو عاجبني ليش مرتبكة ؟؟؟
لجين : مو مرتبكة انا
نورة : اوكي اوكي تبغيننا نكذب على بعض مو مشكلة
لجين : تبغين الصراااحة انا بموووووت .....>>>> حكت لها اللي صار
نورة : هههههههههه هههههههههه
لجين : مدري من وين طلع لي بسم الله ... ليش تضحكييين ؟؟
نورة : ولاشي بس احس ان مصعب عاجبك .. بعد قولي لا ؟؟؟
لجين :بلا قلة ادب ايش عاجبني ذي بعد ؟؟؟
نورة : الظاهر ما شفتي نفسك شلون تناظرينه امس
لجين : نووووورة
وبكذا انتهى البارت الأول يا حباااايب وش تتوقعون يصير؟؟؟؟
لكل اللي ساندوني بالردود وغيره الف الف شكر باذن الله اشوفكم بكرة ببارت جديد
<< ااـــــــــبــــــــــــارت الـــــثــــــــــانـــــــــــي>>
تكملة محادثة نورة و لجين ,,,,,,
لجين بعصبية : ياااااا شينك لا علقتي ع الواحد ما تفكيييينه
نورة : ههههههه وش قلنا لك عاد المهم لجوني وش تحسين الحييين؟؟؟
لجين ببراءة : من اللي صار قبل شوي خاااايفة ... وكملت بعصبيتها ... ومرتفع ضغطي منك
نورة : ههههههه خلاص قلنا سوووري
لجين : عالعموم بكرة بنروح استراحة بتجون؟؟
نورة : والله امي ما قالت لي شي وبعدين اكيد اذا انعزمنا بنجي
لجين : اوووف قهر ..
نورة : تعالي فطوم بتجي؟؟؟
لجين : اكييييييد ...
نورة : اجل صعوبك بيجي خخخخخ
لجين : طيب تدرين شلون ... كلي تـــــــــــبــــــــــــن وباااااي
سكرت بوجه نورة الخط ....عالساعة 10 المساء
ابو مهند وماجد متكيين بالمجلس..
ماجد : تصدق عبود مشتااااااق للاستراحات والمسبح مع الشباب اووه ياهي ايااام
ابو مهند بحزم : ايش <<ويقلد صوته بسخرية>> عبود , هذي؟؟
ماجد : ليش مو اسمك عبدالله وانت اخوي عاااادي وش قلنا يالشايب.. نمزح نمزح
ابو مهند : المهم وش رايك نعزم خوال العيال؟؟
ماجد : صدق انك .... (ماكملها) لسة ما عزمتهم يعني شلون تاخذ رايي اول؟؟
ابو مهند : مو منك من اللي يكلمك.. ورمى الخدادية بوجه ماجد وطلع من المجلس
في الصباح الساعة 8
مهند ينطط بالدرج وهو لابس شورت (بس)
لجين : مهند انزل بالصالة واركد ... اجلس يا ولد الأوادم اجلسسس
مهند :طيب ليييه؟؟ انا فرحان من زمان ما رحنا استراحة خليني وروحي
لجين : كلنا فرحانين وما سوينا مثلك
مهند : لأنكم مووو فلة
لجين : طيب يالفلة انزل تحت ممكن؟؟
مهند : حاااضر يا احلى اخت بالدنيا
لجين :ياليت كل يوم استراحة ههههههه
وصلوا الاستراحة وريّحوا كل(ن) بقسمه ... بمعنى الرجال بقسمهم والحريم بقسمهم
ابو محمد (ابو بشرى) اعتذر عن الجية عنده شغل
الساعة 11 الظهر وصلوا بيت ابو عبدالله للاستراحة.. نورة : سلاااااااام
لجين من طرف خشمها : وعليكم... ورفعت حاجب وطالعت نورة وطلعت برة الغرفة وجلست مع نهى وعطت نورة الخااامس وكأنها مش موجودة وتركوها لحالها
يوم اجتمعت كل العااايلة الكريمة واليوم في شخصية جديدة >>>يا كرهي لها
جات اليوم مع الحاضرين بنت خال فطوم <<<شــــــــــهــــــــــــد>>>اللي بمثل عمر لجين ونورة
عند الزرع جلسوا البنات
لجين : يووووه من زمان عن الاستراحات
فطوم :مين اللي حجزها لنا فديييييته؟؟
لجين برفعة حاجب : مجووودي لبى عيووونه اللي مو عاجبك
فطوم بقررف : وعععع
لجين : مو عاجبك اطلعي منها فديته هو اللي عرض فكرتها وهو اللي حجزها
فطوم : سيرته ترفع ضغطي مع انه واخيرا سوى شي كويس.. عالعموم يا بنات اعرفكم ببنت خالي شهد
لجين : هلا والله شهودة كيفك ؟؟
شهد وهي تطالع لجين من فوق لتحت وبدلع : تمام .. وسوري اسمي شهد مو شهودة اوكي؟
لجين : آسفين حياتي شهد ولا يهمك
فطوم : وليه تعتذرين ما قلتي شي مو عاجبها تصك راسها بالجدار
نورة : شهد سلامات وش فيك تناظرينا كذا؟؟؟
شهد : يووووه ياربي <<بدلع ماااصخ >> وش عليكم مني قرررف
لجين : بنات وش فيكم هدّوا شوي وبعدين براحتها عيونها وهي حرة سيبوها بحالها خلاص
فطوم : بنات ودي اتسبح ...
لجين : انا كمان قومي .. واللي بيجي حياه الله سامعيييين
قاموا كل البنات للمسبح بس نورة مسكت لجين وتأخروا عن البنات
نورة : ليه ما تكلميني؟؟
لجين : انتي ادرى ... نورة : على تلفون امس؟؟
لجين : وش راااايك ؟؟
نورة : خلاااص عاد ترى مليييت
لجين : اوكي بس لا تعيدينها يللا امشي المسبح وخلينا نستانس
طلعوا البنات من المسبح لان العيال بيدخلون وراحوا جلسوا عند الحريم بعد ما صلحوا اشكالهم
ام مصعب : ياحليلهم العيال امس ما ناموا من فرحهم بالاستراحة
ام مهند : انا وعندي مهند طلّع لي شيب براسي امس اجل انتي شتقولين؟؟
ام مصعب : هههه انا ماينرفني الا يزيد ما يخلي احد بحاله هالولد الله يهديه خلود عليه حركات بس مو زي يزيد
ام عبدالله : الله يعين ياختي ياشين العيال ويا محلاهم هالبنوتات
نورة تضحك على كلام امها مع لجين
فطوم : اقووول يمة اشوفك ما ذكرتي صعوب ولا كأنه واحد من هالبايخيين اخواني ولاّ حبيب القلب ؟؟
ام مصعب : ياحليله مصعب بسم الله عليه هادي وفي حاله ما يكلّم احد هو صحيح عصبي لكن مايسوي زي اللي تسويه هالسوسة فطوم
اول ما طروا مصعب شرقت لجين بالبيبسي
نورة : بسم الله عليك لجوني
طالعتهم شهد باستحقااار واااضح للكل ... والحريم على مزحة ام مصعب لبنتها
لجين ونورة طلعوا برة الغرفة
نورة : لولو؟؟
لجين : امري؟ ....
نورة : ما يامر عليك عدو .. بس ليه يوم طروه شرقتي؟؟؟
لجين : لسة ما تبتي تسالين بالموضوع؟؟؟
نورة : يا حياتي اعترفي وريحي نفسك ليه الخجل انا اختك عاادي والله احكي
ترددت لجين وبعدين تكلمت : بصراحة نوري انا مدري وش حسيت يوم شفت عيونه
يوم رجعنا من المول وربي عجزت انام كل شوي اتذكره
نورة : هههههه ياحياتي يالخبلة هذا اسمه حب
لجين : وش دراك جربتي ؟؟؟؟
نورة : لا بس تعلمت من كثر ما اسمع واشوف
لجين : انا نسيت اشكالهم عيال عمي من زمااان ما شفتهم بس...
نورة : بس ايش؟
لجين :يوم سمعت صوته صار ودي اشوف شكله
نورة : وشلون شفتيه؟؟
لجين : وربي تغير وصار طويل عيونه صارت مررررة حلوة يا نورة
نورة : ههههههه يالخايسة كل هذا وما حسيتي بشي؟؟؟
لجين : على تبن .... خلاص قفلي الموضوع
نورة : ليه ؟؟ استحيتي ..
لجين : يوووووه خلاص عاد يا سخيفة
شوي ولحقوهم البنات ... فطوم : وينكم انتوا؟؟
لجين : طلعنا نشم شوية هواء ليه؟؟
نورة : وانتوا ايش سويتوا؟؟
فطوم : ولاشي
شهد بدلعها الماصخ : الا ... عمتي جميلة تكلمت عن صعوبي وكذا تعرفون سواليف كذا>>> آآآآآخ ودي اقتلها يلعن شكلها
فطوم : ما انتبهت
شهد : انتي مع جوالك شلون تنتبهين
لجين : وايش قالت عمة جميلة؟؟
شهد : لا ابدا سواليف عن عيالها بس ما همني الا مصعب
لجين تنرفزت من اسلوب شهد الباااايخ وحتى نورة وفطوم
نورة : وليه ما همك الا مصعب؟؟
شهد بضيق : اكييد لأني احبه يا الله والله فهمكم ثقييييييل
لجين : وهو يحبك ؟؟؟
فطوم : ههههههه تخيلي بس مصعب يحبها هههههههه
شهد : اوووص انتي .. وانتي <<تاشر على لجين >> هو فيه عنده احلى مني؟؟
فطوم : انتي يال ..... تسكتيني ؟؟؟
شهد : يوووه خلاص آآآسفين توومي>>>تتمصلح
نورة : فيه احلى منك يا روح امك <<قالت كذا عشان لجون >>
شهد : ومين هذي اللي تساوي نفسها بملكة جمال عائلة ال......... >> ثقة
نورة حطت ايديها ع راسها وهي تقول : يا مكبرها هالكذبة عند ربي بس يامكبرها
مــــــلـــــــــــــكــــــــــــة جـــــــــــــمـــــــــــــال .. ياهوووه استحي على وجهك تكذبين عيني عينك؟
شهد : ماطلبت رايك المعفن يا الدبة عساها انتي اللي بيفكر فيها صعوبي؟؟
نورة : مع احترامي لفطوم اذلفي انتي وصعوبك
فطوم : تيك ات ايزي خذي راحتك اشتمي فيه لين بكرة ما امانع
نورة : واللي بتاخذ مصعب منك هي هذي
واشّرت ع لجين ,, اللي طالعتها شهد بنظرات حقودة وفطوم بنظرة استغرااااب
لجين : وش فيكم تطالعوني كلكم يمة .. هي اللي حكت مو انا
نورة : لجوني بنت عمه وبنت العم لولد العم
شهد : وانا بنت خاله وهالمثل قديم ومغبر للناس اللي مثلك اما المثل الجديد هو ولد العمة لبنت الخال
فطوم :تخرفين امثال انتي ووجهك اللي كانه وجه قرد
شهد : تومي قلبو خليك بعيد
نورة : طيب يالمخرفة لجين احلى منك وملامحها هندية
شهد : وعععع من زينهم الهنود الحين الغرب احلى
نورة : وش دخل الغرب بالسالفة؟؟
شهد : انا ملامحي غربية
فطوم : ويييييييييين وين وش فيك اليوم تناقزين بعيد؟؟
نورة : يكفيك ان لجين شعرها ناعم وطويييييل مو زيك
شهد : ايام الشعر الطويل راحت الحين الموضة الشعر القصير يالفاهييين ,, وبعدين اذا لجين واثقة ان مصعب بياخذها نسوي تحدي
لجين : اوكي هاتي اللي عندك
شهد بدلعها ومصاختها : تصارخين باسم صعوبي هنا والحين وبصوت عاااالي <<قالت كذا وهي متاكدة لجين بترفض وهي لو قالولها صارخي تقول اوكي >>
لجين: انتي عبيطة ولا تستعبطي ؟؟
شهد : لسة ما كملت التحدي...
لجين : اللي سمعته كفاااية اللي تطلبينه مستحيييل
شهد بضحكة مايلة : وليه مستحيل؟؟
لجين : ايش بيقولون عني الحريم بعدين اذا انتي ماتربيتي بكيفك اسمحي لي انا آآسفة
هذا مش تحدي هذي قلة ادب
شهد :تخافين من حكي العجايز اللي ما يقدم ولا ياخر يا جبانة بكذا اقول انك انسحبتي؟
نورة : بس انتي مافزتي لسة يالوصخة
شهد : وايش رايكم اثبت ان مصعب يحبني؟؟
لجين بعصبية : اثبتي يللا اثبتي وريني
شهد : اوكي اوكي اعصاااابك
راحت شهد للمسبح ,, كان المسبح فاضي والعيال لسة ما جو
شهد كانت لابسة توب قصير احمر فوق الركبة <<بـــــــــــــس>>
اول ما سمعت صوت العيال جايين سوّت نفسها تبي تركض عشان تطلع من المسبح <<وهم يشوفون>> وطاحت بالمسبح وتمثل انها تغرق (شهد ممثلة ممتاااازة)
مصعب اول ما شافها طب يساعدها لجين بجد انقهرت وقفت ورى الباب وحكت: لا تساعدها تراها تستهبل
مصعب طنشها لانه شاف شهد تغرق بجد العيال طلعوا من المسبح ووقفوا برة
فطوم : مصعب تراها كذابة
وقف مصعب بعد ما طلعها من المسبح .. وعطاها ظهره ينتظرها تقوم عشان لبسها مرررة مبين كل شي فيها
شهد : كح كح اه شكرا مسعب ( =مصعب ) حبيبي انت انقذت حياتي
مصعب : لا شكر على واجب اختي
وقفت شهد بعصبية ولفّت مصعب لجهتها : انا مو اختك انا احبك مصعب احبك متى بتفهم متى
انصدم مصعب من وقاحتها لجين بهاللحظة انهااااارت وركضت بعييييد
مصعب سطرها كف لزقها بالجدار : يا وقحة
وطلع برة المسبح ... طلعت شهد من المسبح وضحكت عليها نورة وفطوم
تلفتت نورة حولها تدور لجين وينها وين اختفت راحت تدور عليها
لجين اللي انهارت احلامها بعد اعتراف شهد لمصعب اللي سكت وهو راضي بنظر لجين
لجين تكلم نفسها وهي تجاهد الدموع اللي رافضة الا تنزل على خدودها:
خلاص هم اثنين بحبون بعض ليه ادخل نفسي بينهم ليييه هو يحبها هي
( ابـــــــــــــو العـــــيـــــــون الســـــــــــــود ) لشهد مو لي مصعب لها
وما استحملت انهارت بالبكي ما قدرت تثبت لنفسها انها ما تحبه عجزت
سمعت نورة شهقتها ورى الشجر وجات لها وجلست جنبها
نورة : ليه تصيحين ؟؟؟ انتي ماشفتي وش سوا لها؟؟؟
لجين : ماشفت ولا ابغى اشوف ما ابغى ولاشي ولاشي يذلف هو ويّاها الله يهنيهم
نورة : يالعبيطة وش الله يهنيهم اسمعي
لجين : قلت مااااااابي ماااابي اصلا انا ما احبه بكيفه بكيفه انقلعي عني خلاااااص
راحت تركض واتصلت باللي دايم يفهمها ويحتويها
عند الرجال مصعب بطّل يتسبح كره نفسه .. وجلس مع دحوم وفيصل وفهد وماجد
رن جوال ماجد : هلا والله باحلى بنت بالسعووودية فديت الصوووت وراعيته انا
فهد : حركــــــــــاااااااات عمي مخاوي وحدة
فيصل : وش يدري امك انت هذي حركات كباااااار
مصعب وعبدالرحمن : ههههههههههه
ماجد بعصبية : بس خلاص ابغى اسمع .. لولو حياتي شوي شوي عشان افهم وش فيييك؟
لجين : عمي طلبتك بتوديني ولا لا؟؟
ماجد : جايك جايك الحيين ولا يهمك.. سكر الجوال وقام وسط استهبالات العيال
مصعب : يالعاشق معقولة تترك الاستراحة عشان بنت ههههههه شكلها لاعبتبك لعب
قعدوا يضحكون عليه كلهم
راح ماجد لباب الحريم ينتظر لجون ....
وهي تلبس عبايتها جتها فطوم : خير ع وييين رايحة؟؟؟
لجين : البيت انا تعبانة وودي ارتاح
فطوم : وش فيه وجهك احمر كأنك صايحة ؟؟؟
لجين : اقول لك تعبانة وخري عني فطوووم
طلعت لجين ركض من الاستراحة لسيارة ماجد على طووووو
اوكي ياحبااايب انا مخي فصل نكمل بكرة باذن الله
تــــــكـــــــــــمــــــــلـة البارت الثاني
ماجد : هلا بعيوووون ماجد
لجين : هلا فيك عمي تكفى بسرعة امشي
ماجد : طيب ,,وهو يحرك السيارة ,, بس قولي لي اول وش فيك؟؟
لجين : تضايقت من وحدة وما قدرت ارد عليها
ماجد : اوووف هذي قوية .. الظاهر انها ضايقتك مرة صح؟
لجين : ايه جرحتني ياعمي جرحتني وما قدرت استحمل عجزت
ماجد : طيب هل هي تستاهل تتركي المكان لها يا لولو؟؟
لجين : صدقني انسحابي اهون من مواجهتها والأذية اللي بكسبها اذا واجهتها
ماجد : لا السالفة قوية ... مين هذي اللي ما تستحي ميين (قال كذا يطيّب خاطرها)
لجين : خليها حسابها عند ربي
ماجد : اوكي براحتك ... لجون؟؟
لجين : هلا
ماجد : انا حاسس انك مخبية عني شي بس ليش مدري ؟؟ احنا عمرنا ما خبينا شي عن بعض لولو صح؟؟
لجين : غلطان انا مو مخبية شي
ماجد : انتي شكلك ناسية اني اعرفك اكثر من نفسك ؟؟
لجين : لا مو ناسية وبعدين ربي يشهد على معزتك في قلبي يا ماجد
ماجد : طيب ليه ما تقولين لي ايش فيك ؟؟
لجين : لا تشغل بالك ما فيني شي
ماجد : بتقولين ولاّ ازعل؟؟
لجين : طيب شوف انا اذا جاء الوقت المناسب اخبرك اوكي؟؟
ماجد : شفتي انك مخبية شي ؟؟؟ ومتى هالوقت ان شاء الله
لجين : اذا جاء اجيك بنفسي واقول لك اوكي؟؟ ,, ليش وقفت هنا؟
ماجد : باسكن روبنز يعدّل مزاجك ومزاجي هعهع
لجين : ههههههههههه
ماجد : دوووووم هالضحكة يارب
اول ما جاب الايسكريم
لجين : الله يعوّض عليك عمو
ماجد : لحظة لحظة انتي من يوم جيت من امريكا وانتي معلقة عمي وعمي .. ما تقولين لي من متى وانتي تناديني عمي؟؟؟
لجين : ههههه ليش انت مو عمي؟؟
ماجد : عندك الشيبان فارس وناصر هذولي ناديهم عمي اما انا لا فاهمة؟؟
لجين : اوكي ... ماجد
ماجد : هلا
لجين : البنت اللي جرحتني هي شهد بنت خال فطوم تذكرها؟
ماجد بقررف : ايه اذكرها الدلوعة اللي مو لايق عليها الدلع وععع وهذي النتفة ما تقدرين تردين عليها؟؟؟ ما هقيتك ضعيفة يا بنت ال..........
لجين :انا مو ضعيفة بس هي قهرتني
ماجد : وانتي كذا توضحين لها انها فازت عليك يالخبلة
لجين : والحل؟؟
ماجد : ارجعك وربيها عشان خاطري ... وش قلتي؟؟
لجين : اوكي اذا انت شايف كذا رجعني يللا
ماجد : حاااااضر مدام هع
لجين : ههههههههه... آسفة تعبتك معاي
ماجد : انتي الا مصرة تسوين رسميات يا بنت الحلال فداك لو تقوميني من نووومي وانا مواصل 3 ايااااام هع
لجين : هههههههه
اول ما دخلت لجين الاستراحة شافت شهد قدامها طالعتها من فوووق لتحت ومشت عنها
نورة اول ما لمحت لجين جات تركض
نورة : هلا واللللله تو ما نور المكان
لجين : النور نورك
نورة : مشاء الله بهالسرعة غير رايك عمك؟؟
لجين : وش دراااك بعمايل بماجد انتي ...هههه
نورة : هههه خلاص كل يوم اناديه اذا زعلتي
لجين : يكون احسن لانك ما تعرفين تراضين الواحد لا زعل
جلست لجين مع نورة بعيد عن البقية شوي
نورة : وش رايك الحين بما انك روقتي اقول لك اللي صار؟؟
لجين : اللي صار بايش؟؟
نورة : اللي صار بمصعب وشهد بعد ما رحتي
لجين بضيق وشوي وتصيح :لا تجيبين لي سيرته يرحم امك يا نورة
نورة : ليه معقولة بطّلتي كرهتيه عشان ساعدها؟؟؟
لجين : اصلا مين قال اني حبيته عشان اكرهه
نورة : ردة فعلك ع اللي حصل هي اللي قالت
لجين : نوورة لو سمحتي سكري هالموضوع اذا تبغيننا نبقى اصحاب
نورة : طيب براحتك .. خلينا نتمشى ممكن؟؟
لجين : يللا
المهم ,,,,,,,, بعد ما رجع الكل بيته
الساعة 1 الليل .... في بيت ابو مصعب فطوم بغرفتها تفكر باللي صار
تذكرت فطوم لما شرقت لجين بالبيبسي لما طرو اخوها وعرفت ليش عصبت وبان عليها لما تكلمت شهد ان مصعب يحبها آخر شي وضح لها ان لجين تحب اخوها
بس هالتنكة اخوها مين يفهمه؟؟؟؟
مصعب : الوووووو وين وصلتي ؟؟
فطوم : هاه ؟؟ ,,, لا معك معك
مصعب بحزم : بنت لا يكوون تحبين واحد ؟؟
فطوم : ههههههههههههههههه انا احب واحد هههههههههههههههه انا اكره الجنس الذكري كللله واتمنى اسوي له اباااااادة بنووي بعد هههههههه يلعن ابليسك ضحكتني
مصعب : طيب يالنووي تصبحين ع خيير
فطوم : مصعب وقف شوي بسألك
مصعب : وش عندك؟؟؟
فطوم : وش اللي سويته اليوم مع شهد بالمسبح؟؟؟
مصعب بنرفزة : وش سويت ما سويت شي الكلبة ال ....... ال........
حيوانة وقحة بغيت اذبحها بنت ال.......
فطوم : انا ولجين قلنا لك انها كذابة
مصعب : وانا لما اشوف احد يغرق بنتظر حضرتكم تقولون لي هو كذاب او لا؟؟
فطوم : مسكينة لجين
مصعب : وش فيها خوية راشد ؟؟؟
فطوم : انقهرت وتضايقت من اللي صار تصدق احس انها .... انها ......
مصعب : انها وشوووو اخلصي
فطوم : هي ما قالت لي شي بس احس انها تحبك مصعب
مصعب بعصبية غريبة : تاكل .... وانتي بعد تاكلين تراب ... صدق قلة حياء هذا اللي ناقصني والله ... وطلع من الغرفة
فطوم : وش قلنا لك وجع ...
فطوم تدري ان اخوها تضايق الحين ولا راح يهدا لكن هو لازم كان يدري وعلى ايدها كمان
نهاية البارت الثاني اشوفكم بالبارت الثااالث
باذن الواحد الأحد
البــــــــارت الثــــــالـــــــــث
في بيت ابو مهند ... الساعة 2 بالليل
لجين جالسة بغرفتها عجزت تنام لسة تفكر باللي صار حست ان الدنيا ضاقت بها طلعت من غرفتها ومشت للمجلس تبي تسولف مع ماجد اللي دايم تلاقيه قدامها اذا احتاجته...
شافت البيت كله ظلام الكل نااااايم بس لمحت نور لمبة المجلس من الشباك
راحت طيران له ,,, سمعت صوت التلفزيون شغّال يعني ماجد صاحي
دخلت المجلس شافته نايم عالارض جنب الكنبة تنهدت بضيق وجلست عالكنبة اللي نايم جنبها ماجد
فتح ماجد عيونه وسحب رجل لجين بقووة
خافت لجين وبغت تصرخ طلت على ماجد لقته يضحك بشكل هستيري
لجين : دايم هذي عاداتك البايخة .. متى تبطلها متى؟؟؟حركاتك ذي من يوم ما عرفتك
ماجد : هههههه فاتك وجهك وانتي خايفة (وقعد يقلدها ) هههههه
تصدقين شي حلو اني زي ما انا ما تغيرت ...
لجين : ايش قصدك ؟؟؟؟
ماجد :قصدي انك تغيرتي كثييير منتي لجين اللي اعرفها
لجين : تتوقع احد غيرني يعني ؟؟
ماجد : ايه بس هذا مو اي احد
لجين : كيف يعني ؟؟؟
ماجد : يعني اللي ممكن يكون غيرك مبين عليه قوي ولاّ شلوون يقدر يغيرك؟
لجين : ارتاح مجودي مافي احد يقدر يغيرني غيرك انا زي ما انا
ماجد : صدقيني لا .. وين لولو اول اللي تسوولف واجد واللي تضحك كثيير الحين كله مادة البووز وساكتة
لجين وهي تضحك على تعابير وجه ماجد : لجين تعلمت يا ماجد ان الكلام الكثير مامنه فايدة والضحك بدون سبب ما لأمه داعي
ماجد وهو مستغرب : وش هالحكمة اللي نزلت عليك فجأة؟؟
لجين : هههههه شفت شلون ... الحين بس عاد عن الحركات الماصخة
ماجد : قصدك سالفة انك تغيرتي؟؟
لجين : ايوة .. ماجد خلاص عير الموضوع
ماجد : اوكي .. ,لولو
لجين : عيونها؟؟
ماجد : لسة ما جاء الوقت عشان تقولين السالفة؟؟
لجين : يوووه ياشينك انا قلت لك لاجاء الوقت انا اجيك واقول لك
ماجد : لقافتي ما تسمح لجوووني
لجين باستهبال : اوكي بسامحك هالمرة
ماجد بمعالم الصدمة ع وجهه : لااحسن تعالي اعطيني كف؟؟؟
لجين : ههههه مزح مزح ,, عمي قول لي
ماجد : اقول لك ايش؟؟
لجين : ايش هي المواقف الذكية اللي حطيت نفسك فيها بامريكا؟؟؟
لاحظت لجين وجه عمها اللي تغير لونه وتكدّر
ابتسم ماجد ابتسامته الغريبة القديمة نفسها اللي ما غابت عن بال لجين لحظة
هي تعرف هالابتسامة كويس ولا راح تنساها ابدا,,,,
بدت الذكريات تسيطر ع الجو اثنينهم قاموا يتذكرون بصمت
لجين تذكرت المرة اللي راحت يوم جاء ماجد من امريكا لما حب وحدة من بنات الجيران وكان اسمها (قمر) البنت اللي سحرت ماجد في حديقة الحي اللي هم ساكنين فيه ... تطورت الاحوال على ماجد العاشق اللي وقفوا اخوانه في وجه حبه وزواجه بسبب انه قمر نسبها مو زي نسب ماجد
اي اقل منه ,, ماجد ما خلى كلمة الا وقالها ولا طريقة ولا اسلوب الا استعمله وبعد عذاااب وطلعة الروح رضيوا انه يتزوج على مسئوليته
ولسة اخوه ناصر كان مو راضي ع الزواج بعد
زبدة الموضوع ان صباحية العرس كان اسوء يوم مر ع العايلة لأن العروس توفت كذا قضاء وقدر قام ماجد يصحي عروسته عشان طيارتهم وما ردت عليه ,,, اللي بعد هذا معروف ماجد انهار وجاته حالة اكتئاب فضيعة
ضعف جسمه وبهت لونه ويوم جاء الكل يعزيه كان يبتسم نفس هالابتسامة الغريبة اللي ما يبتسمها الا في مصيبة
طالعت لجين عنها وهي تتذكر يوم العزاء وقطعت حبل ذكرياته: عمي عسى ماشر وش فيك؟؟
ماجد : ولا شي بس تذكرت شي ضايقني
لجين : لالالالا الحين عرفت ان حتى انت تخبي علي بعد
ماجد : لجين ليه تذكريني كل ما احاول انسى يجي احد يضايقني ويذكرني
لجين : اذكرك بايش ماجد ؟؟ انا قلت سولف لي عن امريكا
ماجد : وهذا اللي انا مابي اتذكره .. تذكرين سفرتي لامريكا بعد اللي صار؟
لجين : ايه اذكر
ماجد : لما رحت امريكا جلست سنتين ع حالتي نفسها اللي سافرت فيها
هناك قابلت مجموعة شباب خليجيين كانوا ستة 3 اولاد و3 بنات
وحدة من هالبنات سالتني عن حالتي اللي ما تسر احد
حكيت لها سالفتي ونزلت دموعها مع انها بنت قوية
خبرتني ان خطيبها مات بحادث قبل سنة وقد ايش كانت متعلقة فيه وانه مات زعلان عليها مدري من ايش... ,,, انا حنيت عليها قطعت قلبي
وتقولين كانت فيها كثير ملامح من قمر وتصرفاتها بدت تعلقني فيها الى ان اقنعتني اننا مناسبين لبعض كانت تفهم علي زيك يالولو
لجين : وبعدين ؟؟
ماجد : بعديييين يا طويلة العمر ,,, سوينا خطوبة غير مؤكدة يعني لسة باخذ شور ابوك وناصر بعد اسبوع رحت لها الشقة لقيت الباب مردود
لجين : ليه رحت شقتها؟؟
ماجد : نست جاكيتها بسيارتي وطلبت مني اجيها الساعة 9 وانا جيتها 7
لجين : وبعدين ؟
ماجد :رحت وانا عند باب بيتها سمعت صوت رجّال وصوت ضحكاتها
دخلت يالجين والقاها بحضنه تخيلي لقيتها بحضنه
لجين ودموعها بعيونها : يعني خيانة؟؟؟؟
ماجد : استغفال مو خيانة ,,, كانت تلعب علي بما انها تدري ان اخوي عنده شركات كبيرة ويبغاني اشتغل معه وانا اللي رفضت
لجين : ايش سوت يوم شافتك؟؟
ماجد : هه قامت تكلمني وسطرتها ذااك الكف ورميت جاكيتها ودبلتي ع الارض
لجين : وما جات تعتذر؟؟
ماجد :هههههههه تعتذر؟؟ ياعيوني راحت تشوه صورتي بالجامعة وقالت للشباب اني خنتها مع امريكية وش رااايك ؟؟؟
لجين : صدق حقييييرة ... ياحياتي يا ماجد
ماجد : ماعلينا
لجين : اسفة اني ذكرتك ماجد
ماجد : عااااادي .. المهم هذا انا حكيت قصتي وانا الحين مصر اسمع قصتك
لجين : ادري فيك عنيييييد وانا طالعتلك بس امري لله بقول
ماجد : وانا اسمع؟؟؟
لجين : والله ..... ,,, دخل ابومهند المجلس : لجين ؟؟ صاحية
لجين : ايه والله ما جاني نوم يابوي قلت اجي اجلس مع ماجد شوي
ابو مهند بعصبية : ماجد ؟؟؟ كذا ماجد حااف بدون احترام ولا تقدير ولا كلفتي نفسك تقولين عمي؟؟؟
ماجد : عبدالله هدي اعصابك انا طلبت منها تناديني ماجد بدون اي شي
ابو مهند : يللا بس بلا قلة ادب
ماجد : انا راضي انت لا تتدخل وبعدين انت ناسي انك ربيتني وياها كأننا اخوان ؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك