رواية واخيرا حسيت يا مغرور -3
ابو مهند بعصبية : ماجد ؟؟؟ كذا ماجد حااف بدون احترام ولا تقدير ولا كلفتي نفسك تقولين عمي؟؟؟
ماجد : عبدالله هدي اعصابك انا طلبت منها تناديني ماجد بدون اي شي
ابو مهند : يللا بس بلا قلة ادب
ماجد : انا راضي انت لا تتدخل وبعدين انت ناسي انك ربيتني وياها كأننا اخوان ؟؟؟
ابو مهند : لجين ,, يللا ع غرفتك روحي نامي تأخر الوقت
لجين : حاضر يابوي,,,,, راحت لجين غرفتها وماااجد محترررق
يبي يعرف السالفة بس خرب عليه اخوه
بعد اسبوع تجمعوا الشباب بشاليه عبدالرحمن وفيصل
ماجد ماشاف لجين من اربعة ايام وما امداه يسالها عن سالفتها
ماجد اتصل ع مصعب : الوووو وينكم بتجون الشاليه انت واخوانك؟؟
مصعب : ايه جايين بالطريق الحين , عمي عبدالله جاء
ماجد : ايييه لايفوتك شكله بالبنطلون ههههه
مصعب : يقطع ابليسك يا شيخ يللا جايين باي
في الشاليه كل شلة جالسة بمكان اللي يسبح واللي يسولف واللي سرحان وووووو ,,,, يزيد وعبدالملك جالسين سوا بعيد عن الكل
يزيد : ملووووك وين وصلت؟؟
عبدالملك : لا ابدا ... بس وصلت بيتنا خخخخ
يزيد : بيتكم ولا بيت .......
عبدالملك : يزيد عن ثقالة الدم يرحم والديك
يزيد : نمزح نمزح ... وجع دلوووع
عبدالملك : ودي اقول لك شي بما انك اعز اصحابي
يزيد : انا قايل ما ورى هالسكوت خير
عبدالملك : خلاص خلاص أسكت احسن لي
يزيد : قول قول ما عليك استهبل
عبدالملك : انا احب وحدة
يزيد بحماس : انا اعرفها؟؟؟
عبدالملك : تصير حمار لو ما عرفتها
يزيد بثقة : اختي؟؟
عبد الملك : لالالا بسم الله عليها
يزيد : اقوول كل تبن بس اختي اصلا بعيدة عن خشمك
عبدالملك : خلاص انا اقولك من هي... اخت فهد بنت خالي فارس
يزيد : فجر المكدشة ما غيييرها؟؟؟؟(فجر يوم كانت صغيرة كانت تكدش شعرها )
عبدالملك : على ترااب ايه فجر فديييتها
يزيد : انت شكلك شارب شي ؟؟؟ وهي تحبك
عبدالملك : يالبى عيووونها اصلا ما تدري
يزيد : قول لها طيب
عبدالملك : انت مجـــــــــنوووووون؟؟؟
يزيد : وش فيها عاااادي
عبدالملك : بمخك الفاصل عاادي خلاص بما انك دريت انطم لا تفضحنا
يزيد : هههههه ما عليك سرك انتشر ...هههههه امزح امزح
فهد ومصعب وعبدالله جالسين عالطاولة قرب المسبح يسولفون
فهد : يوووه والله الايام تعدي بسرعة شوف كم اعمارنا الحين
عبدالله : ههههه اتذكر لسة لما نلعب مع البنات في المناسبات والعزايم
مصعب : ههههه قديمة ذي الايام من زماااان والله
فهد : تذكر يا مصعب يوم العيد لما نتفت لولو بنت عمي عبدالله ببلونة موية خليتها تطيح بالدرج هههههه وقعدت تضحك عليها
مصعب بحماس : يلعن شكلك شلون جات على بالك هههههه ايه اذكر وطحت بعدها على طوووول
عبدالله : وش هاللعانة فيك تستاهل ذيك الطيحة هههههههه
مصعب : ههههه هي كانت بتبكي مسكينة عورتها طاحت بقووة ولما طحت انا جلست تضحك علي وساعدتني عشان اقوم ههههههه ايــــــــــــام
عبدالله : بيننا شي مشترك مين الذكي اللي يعرفه؟؟
فهد : انك تقربلنا من طرف عمي عبدالله واحنا بعد صح؟؟
عبدالله :ايه صح,,, وكلنا تربينا سوا,, لسة اتذكر فهد وهو ينطق من فيصل ودحوم هههههههه
فهد : ههههههههههههههههههه عليك مخ مشاء الله هههههه
عبدالله : والله مشتاق العب بالحوش زي اول
فهد : ما دريت انك بزر لسة ..هع انا منقهر عشاني ما شفت اشكال البنات الحين اكيد تغيروا يلعن ابو القهر
عبدالله : يالخربان حتى احنا تغيرنا
فهد : ايه بس هم شافونا واحنا ما شفناهم
عبدالله : والله مدري من البزر انا ولا انت .. مصعب ويييييين يابو الشباب؟؟
مصعب : معكم معكم بس تذكرت شي
فهد : وشو؟؟ ,,,,, مصعب : مالك دخل
عبدالله : تذكرون المطاقة اللي صارت بالمول ؟؟
مصعب : آخر وحدة ؟؟ ايه اذكرها
فهد : اقول لك شي مصعب ؟؟
مصعب : قول ؟؟؟
فهد : نظرات لجين لك كانت غير
عبدالله : انا بعد لاحظت,,,,, مصعب تذكر كلام فطوم عنها وانقهر وعبس وجهه
مصعب : يتهيأ لك انت ويّاه
عبدالله : انت عمرك ما تعترف بالشي الي ما يدخل مزاجك
فهد : وش فيها لجين ؟؟؟
مصعب : ما فيها شي يوووه سكروا الموضوع..
عند خالد وتركي .... خالد ترك تركي لحاله وطلع برة الشاليه وركب سيارته
نهى ونورة كانوا جالسين بغرفتهم نورة منسدحة ومغمضة عيونها كأنها نايمة من ساعة ونهى جالسة ع السرير بملل
رن جوالها وكالعادة نطّت من السرير ركض للجوال
شافت رقم خالد منور الشاشة ابتسمت طالعت نورة لقتها نايمة خذت راحتها وكلمت
نهى : الو .....,,,,, خالد :ليه ماتردين بسرعة لازم اشتاق زيادة يعني؟؟
نهى : ايه تستاااااهل
خالد : كذا ..... طيب
نهى : زعلت ؟؟؟,,,,, خالد : ايش رايك؟؟
نهى : ابغاك تحس فيني وتذوق احساسي توك تتذكرني من 3 ايام؟؟
خالد : حياتي والله اااااسف غصب عني
نهى : لامو غصب عنك لواني حياتك كان سالت عني
خالد : خلاص عيوني اوعدك اكلمك كل يوم اذا قدرت عاد انتي راعي ظروفي بعد ؟؟ اوكي
نهى : اوكي تراك وعدتني وانا واثقة فيك
خالد : ياحلوهم اللي ما يقدرووون ع الزعل وحشتيني حياتي
نهى : وفر هالكلام بعد الزواج
خالد : الحين وبعد الزواج ايش رايك ؟؟
تحركت نورة عالسرير
نهى : باي باي طولنا
خالد : عندك احد؟؟
نهى : ايه نورة اختي
خالد : اوكي باي حبي... سكرت نهى الجوال وتنهدت براحة وجلست ع سريرها
قامت نورة وتعدلت بجلستها .....
نورة : مين الأخ اللي كنتي تكلمينه قبل شوي؟؟
نهى وهي مصدومة :ولا احد
نورة : شوفي بلا لف ودوران انا كنت صاحية وسمعت كل حرف تكلمي اصرف لك
نهى : نورة حبيبتي تكفييين لا تعلميين احد تكفييين لا تعلمين عبدالله
نورة : خااايفة؟؟؟
نهى : ايه نورة خايفة تكفين لا تذليني يرحم امك
نورة : لو انك خايفة ما كلمتيه
نهى : احبه ياناس احبه غصب عني مو بيدي
نورة : تعرفينه عشان تحبينه ؟؟
نهى : ايه اعرفه
نورة : تعرفين اسمه اللي ممكن يكون كذبة بعد
نهى : لا يانورة هو يعرفني ويعرف عبدالله وتركي وابوي وانا اعرف اهله
نورة : مين هو ؟؟
نهى : خالد اخو رغد وفاطمة
نورة بصدمة : اخو مصعب ؟؟؟؟ولد عم لجين
نهى : ايه ويزيد بعد اخوه
نورة : ياهبلة ايش سويتي ؟؟؟ انتي ناوية تفضحين نفسك ؟؟؟
نهى : ليه؟؟
نورة : يمكنه بيفضحك وعنده تسجيلات مكالماتك ياعبيطة
نهى : هو اللي اتصل علي وانا كنت معجبة فيه من اول ولما قال لي من هو عشقته واستسلمت له
نورة : تدرين انك حيواااااانة؟؟؟
نهى ارتبكت وصاحت
نورة : تصيحين ؟؟ تصيحين .. لازم تصيحين ع خبالتك يا خبلة
نهى : وايش اسوي الحين ؟؟
نورة : لاتردين عليه فااااهمة؟
نهى : طلبتك نورة ساعديني تكفييييين
نورة : بحاول ادبر لك حل .. يللا نامي انخمدي يا اغبى مخلوووق على وجه الارض
بلعت نهى السبة ونامت على امل انها تطلع من هالورطة
نهاية البارت الثالث
<< البارت الرابــــــــــــــع >>
رجع خالد للشاليه مبسوووط عالاخير ...
تركي : خالد وين اختفيت ياخي ادورك من ساعة
خالد وهو يدندن : اي ساعة واي دقيقة عن النصب بس .. وهذا انا جيتك فديتك آآآآمرني
تركي وهو يحط ايده ع راس خالد : فيك شي؟؟؟ روقاانك مو طبيعي ياابو الشباب,, وبعدين تعال شلون يعني ايش ابغى تاركني لحالي ومختفي
خالد وهو يلف ايده كتف تركي : خلاص آآآسفين يالحبيب , تركي؟؟
تركي : هلا؟
خالد : تدري اني احبك ؟؟؟
تركي وخره عنه وهو يزاعق : وشوووو اقسم بالله فيك شي
خالد : ههههههه وش فيك انت ياهيييييه
تركي : انت مو خالد انت مستنسخ ,مبدل , موووخالد انت واحد مريض
خالد وهو ميييت ضحك : ههههههه والله انا خالد بن ناصر والله هههههه
ايش فيك امزح معك يالاهبل, امش بس خلنا نشوف ملوكي ويزيد
تركي : يللا يالمهستر
قبل العشاء الشباب مجتمعين كلهم ماجد ومصعب وفهد وعبدالله ويزيد وعبدالملك وخالد وتركي وعبدالرحمن وفيصل
رن جوال ماجد ,,شاف اسم لجين ,,, هوماشافها من 4 ايام وكانت بهالاسبوع مبين عليها تعبانة ,, رد ماجد
ماجد : الووووو يامرحبا
لجين بصوت خفيييف : ماجد انا تعباااانة اطلع لي بسرعة امي واخواني مو بالبيت انا بغرفتي ماجد ....
ماجد بخوووف : الو لجين فيك شي ,, بنت الووو وش فيك تكلمي
لجين والحروف بالشدة تطلع : ماجد بسرعة اطلع بسرعة انا اان ا ااا
وطاح الجوال من ايدها واستمع صوته عند ماجد
ماجد : لولو ,, لولو ردي اكلمك ردي الوووووو
مصعب : وش صاير وش فيك؟؟
ماجد : مدري مدري انقلع بس من قدامي
وقام بسررررعة وخذا سيارته ومسك الخط للبيت
عبدالرحمن بملل : ياشيييين دلع البنات وماجد الملحوس يصدق ويركض لها
فيصل : مشت عليه حركات البنات هع صدق ملحوووس
ومصعب مو معهم كل ماجابوا طاريها تذكر كلام فطوم عنها وكره نفسه اكثر واكثر
وصل ماجد البيت وركض لغرفة لجين اول ما فتح الباب لقاها مرمية بالارض والجوال جنبها مفتوح سكر الجوال وطالع فيها وجهها اصفررر وشاحب وفمها ناااشف
حملها بسرعة للمستشفى ....
الدكتورة : البنت مبين عليها ما تاكل كويس عندها نقص حاد بالتغذية انت تقرب لها؟؟
ماجد : انا عمها وش صاير عليها ؟؟؟ في شي خطير
الدكتورة : لاتطمن بسيطة ان شاء الله بس البنت ناشفة انت عايش معها بنفس البيت؟؟
ماجد : ايه بس لي 4 ايام ما شفتها والله.. اقدر اشوفها؟
الدكتورة : هي الان مغمى عليها لسة زي ما جبتها وتقدر تشوفها بكرة
ماجد : اوكي يعطيك العافية ....
طلع ماجد من المستشفى وراح الشاليه ياخذ اغراضه دخل ماجد الشاليه ولونه مخطوف ومبين على وجهه تعبان
مصعب كان يدخن لحاله وشاف ماجد وهو داخل راح له وهو يركض
مصعب : عسى ما شر وش صار؟؟
ماجد : لقيتها دايخة بغرفتها ومبين عليها الكلبة ما كانت تاكل زين وديتها المستشفى ورقدوها عندهم
مصعب : وليه تركتها لحالها هناك ؟؟
ماجد : ما سمحت لي الدكتورة اشوفها وبعدين جاي اخذ اغراضي يرحم والديك شوف كيسي لونه ازرق هناك ع الزاوية جيبه ونظارتي ع الطاولة اسرع ما ودي اشوف احد يللا
مصعب : دقايق واجيبه ,,,,,, راح مصعب يجيب الاغراض وعطاها ماجد مشى ماجد بسيارته ومصعب ركب سيارته ومشى بالشارع كذا وجالس يفكر فيها اول مرة يفكر باحد كذا بحنية هو معود نفسه ع القوة وماحد يقدر يجاريه ابدا كل شي يهون قدامه مافي شي يوقف بوجهه لابغى شي عشان كذا اخته فطوم شخصيتها بهالشكل ,,, هو اللي مايهمه احد ابدا ما يعطي بال للحركات الصبيانية تبع العشق والحب والحركات هذي اشياء تافهة بنظره هو يشوف الحب يعتبر ضعف بشخصيته وحتى لما فكر الحين ب لجين ما حبها لكن مجرد رحمة وخوف ان اللي صار لها يكون بسببه هو ...
اليوم الثاني الساعة 9 الصباح
صحي ماجد وبسرررعة ع المستشفى اول ما دخل ركض للدكتورة اللي امس كلمته
ماجد : يا دكتورة ,,,
الدكتورة : ما شاء الله عليك جاي بدري .. غرفتها رقم 6 هناك
ماجد : شكرا ما قصرتي
لجين كانت لسة نايمة من امس كلس جنبها ع الكرسي بعد نص ساعة فتحت لجين عيونها اللي تدور بالمكان الغريب اللي هي جالسة فيه وما لاحظت وجود ماجد جنبها
ماجد : صباح الورد يا لولو التعبانة
التفتت له لجين وابتسمت ع خفييييف مو قادرة تتكلم ريقها ناشف اشرت ع كاسة الموية وشربها ماجد شوي شوي
ماجد : بالهنا والشفاء
لجين : تسلم بس ليش انا هنا ,, وتطالع بالمغذي بتكشير
ماجد : هذا يالحيوانة لانك مو مهتمة بصحتك
لجين : وليه حيوانة ؟؟ وش سويت
ماجد : لا ولاشي الله يسلمك . ممكن اعرف انتي وش كنتي تاكلين بالاربعة ايام اللي راحوا؟؟
لجين ببراءة : ما كان لي نفس اكل كثير كنت اكل باليوم سندويشة بس واشرب موية شوي
ماجد بعصبية : لا والله ؟؟؟
لجين : كنت طفشانة ما ودي اكل
ماجد : الطفش ما يسوي كذا
لجين : وش قصدك؟؟؟
ماجد : انتي فاهمة قصدي زين ,, والحين ما عندنا احد وانا مصر اسمع سالفتك ذيك الحيين الحين
بقل حيلة حكت لجين كل شي لماجد حتى مشاعرها بذاك اليوم
ماجد يسمع ووده يرجع ليوم المول ويوديها بنفسه لان هالمشاعر هي اللي هدّت حيله وحطمته , خاف عليها من مصعب المغرور اللي مايهمه مشاعر احد يجرح ويمشي ويطنش ....
ماجد بهدوء : لجين حبيبتي انا شايف وجهك الاحمر دليل انك مستحية انك تقولين لي هالكلام بس ولا يهمك مافيها شي كل العالم تحب وتحمل مشاعر حلوة ان كان لابوها او اخوها او اي انسان في العالم , انا مثل منتي شايفة حبيت وفشلت بس مو كل اللي يحبون يفشلون بس بمجتمعنا هذا قصص الحب اغلبها فاشل
لجين : ادري وانا خايفة من هالموضوع بالذات يا ماجد
ماجد بصوته الحنون : عيوني انا معك لاتخافين ما عاش من يجرحك وانا موجود واللي يلمس شعرة منك انهي حياته فاهمة؟؟
لجين : والله مدري من غيرك كيف اعيش؟؟ مشكوور ماجد الله يخليك لي
ماجد : ههههه امين وانا من دونك ما اقدر اعيش بعد يللا عاد عن الدلع قومي ريحة المستشفى خانقتني
الساعة 4 العصر كتبوا للجين خروج .. لجين وماجد توهم عند باب الغرفة طالعين
فجأة مرت من قدامهم وحدة وفي وحدة تجري وراها وتناديها : روااان روان وقفي , وقفت الحرمة تنتظر اللي تناديها
التفت ماجد لهذي اللي وقفت جنبهم وياليته ما التفت
روان هي نفسها روان اللي بامريكا طالعها ماجد باحتقار تام وهي تطالع فيه وشافت لجين ع بالها ان هي زوجته لانه كان ماسك ايدها بطريقة رومنسية زي ما هي شايفة ...
روان اكتفت من نظرات ماجد المرسلة لها بس ما قدرت تشوفه مع وحدة ثانية بدون ما تخرب حياته
روان قربت عند لجين : مشاء الله ... حمدلله ع السلامة
ماجد وهو يشد ايد لجين : يللا حبيبتي مشينا
لجين اللي مو دارية بشي : ماجد وش فيه؟؟ مين هذي ؟
طلعت براس روان فكرة جهنمية تشعل النار بين ماجد وزوجته (مثل ماهي فاكرة ) .... روان : انا حبيبته اللي لعب علي بامريكا ولما خلص مني هرب وخلاني هناك والحين اشوفه بعيوني مع وحدة ثانية هالخاين
لجين ماتت من الضحك : اها انتي روااااان اللي خبرني عنها عمي هههههه حلوة محاولتك لافتعال مشكلة بيني وبين ماجد ههههه
طالعتها روان بكررره كبير : عـــــــــــــمـــــــــــــــــك ؟؟؟
لجين :يب عمي استغربتي؟؟؟
روان : وليه استغرب ؟؟ يالتافهة انتي وعمك احسن امشي واشوف حبيبي المسكين
ماجد : لاتحاولين تثيرين اعصابي بكلامك ولا تحسبين اني تحسفت ع فرقاك ترى كان يوم عيد بالنسبة لي
روان : هه اعترف انا كنت اذكى منك وقدرت العب عليك يا مسكين ههههه ياليتك شفت وجهك يوم افترقنا يا حليلك فعلا رحمتك
لجين : من جد حقيرة .. مسكين ياماجد طحت بوحدة خاينة مثل هذي وربي ما تستاهلك هالق.....
روان : لاتتدخلين ,, خليك بعيد انا عمري ما اسمع لمبزرة فاشلين مثل عمهم هه فرحانة فيه ذا اللي لعبت عليه حرمة هههههه
رنت كلمة فاشلين باذن لجين وماجد لاحظ ايد لجين اللي رخت قبضتها
كل شي ولا لجين ينعاد فيها اللي صار له هو
ماجد وبشدة ورفع صوت : انقلعي يالوااااطية اذا الوفي صار فاشل الخاين وش يصيييير ؟؟؟ تكلمي يالزبااالة تكلمي ياللعااابة
روان اللي حرقها كلام ماجد : انت الحقير يا ماجد النحس اللي من يوم عرفتك وانا خسرت كل شي حتى بشغلي خسرت صدق منحووس ولا ايش تسمي موت زوجتك قمر باول يوم يالنحسسسس
بنت الكلب بجد جابتها ع الجرح
لجين : ماجد مشينا ما عندنا وقت نضيعه مع هالاشكال امشي
ماجد وهو يتصنع انه مو مهتم بكلامها : خسرتي لانك فاشلة مو عشان شي ثاني , يللا لولو
في السيارة اثنينهم ساكتين الا من صوت مجود اللي قطع الصمت
ماجد :لولو .. لايهمك كلامها هالحقيرة
لجين : انت بعد لاتهتم ادري جرحتك بكلامها الاخير حسيت فيك
ماجد بتصريف : مو هذا موضوعنا
لجين : اجل ايش؟
ماجد : اسمعي كلامي زين ونفذيه موضوع مصعب ماتسوين فيه شي فاهمة؟
لجين : طيب
ماجد : انا بشوف لك السالفة وبدبرها ولا يهمك
لجين : شكرا مجودي الله لا يحرمني منك
ماجد : ولا منك ,, انتبهي تتهوري وتسوي شي من راسك
لجين : خلاص قلنا طيب تحت امرك عمي
اول ما دخلت لجين البيت
ام مهند بزعل : لجين عالمطبخ كلي لك شي يللا
لجين : حاااضر يا احلى ام بالدنيا اسفة خوفتك علي
ام مهند : الله يسامحك يا بنتي يللا عالمطبخ اشووف
لجين : حاااضريييين
اشوفكم بالبارت الخااااامس ترى فيه صدمة للكل >>>عشان احمسكم بس والله حقيقة فيه شي خطييير
قبل ابدا البارت احب اشكر الحلوين المتابعين على رفعهم لمعنوياتي بردودهم وشكر خاص لزعيمتنا واقولك اني قريت الموضوع باذن ربي التزم.
يللا نبدا البارت الــــــــــــــخـــــــامـــــــــــس ,,,,,
بعد مرور سنة كاملة ,, في بيت ابو عبدالرحمن كل الاهل مجتمعين بحفل تخرج عبدالرحمن وفيصل اللي طلبوا حفل تخرجهم سوا .. عند الحريم ..
فطوم كااااااشخةطالعة غير عن كل مرة اخيرا صار شكلها زي البنات لابسة فستان كمان >>هعههع
لجين بفستان خربزي مايل للوردي لتحت الركبة ونورة لابسة فستان احمر كمان لتحت الركبة ,,, نورة وفطوم ولجين وبشرى يسولفون بالمطبخ بعيد عن الازعاج طلعوا البنات ركض يبغون يرقصون اعجبتهم الدقة بس نورة كانت تشرب موية وبتلحقهم دخل عبدالرحمن عشان يحط الكيكة بالمطبخ والتفت وراه وشاف نورة مسنترة (من الصدمة مو قادرة تتحرك) دحوم عنده عادة اذا اعجبه شي يبتسم بشكل خقق يذوووب وتبان غمازته >>اهم شي خخخ
كان شكل نورة تحفة وهي واقفة قدامه و مبين عليها مرعوبة لجون كانت جاية تركض تبي تنادي نورة ترقص معها دخلت عند باب المطبخ شافت دحوم ورجعت ورى انتبه دحوم للجين اخذ مفتاحه اللي حاطه هو ع كرتون الكيكة وطلع بعد اعتذار وابتسامة, دخلت لجين : هيييه انتي مين هذا؟
نورة : م....د....ر....ي ,,, لجين :هههههه شكلك خطييير
كل يوم بخوفك عشان توقفين كذا هههههه
نورة بعصبية : انطميييي يالحيواااانة
طول ماهم ياكلو الكيكة برة ويسولفون ونورة معهم وعقلها خارج نطاق الصالة
لجين : نوني وين وصلتي ؟؟,,,,, نورة : كيف؟
لجين : اقول وين مخك مو معنا ؟
نورة : مين قال .. الا معكم لاتخافين
لجين : ايه باااااين ,,,,,, نورة : انطمي لاتفضحينا
لجين : هههه تفكرين بالمزيووون؟؟
نورة : الحين وبعدين معك يعني؟؟
لجين : اوكي اوكي آسفين هههههه
نهى كانت جالسة مع دانيا وعقلها مو مع الحفلة ابدا لسة تفكر فيه في خالد اللي من فترة ماكلمته من اكتشفت نورة سالفتها وهي ماردت على ولا اتصال ولا رسالة لانها كانت خايفة من تهديدات نورة او اهلها يكتشفوا انها كانت تكلم ,,,, وقفت نهى عند الشباك شافت الاولاد يلعبون كورة ومتحمسين ولمحت خالد وتركي اخوها جالسين يتفرجون على جنب وتركي متحمس ويشجع بس خالد ساكت ويطالع بملل ,, حنت لصوته وضحكته الطويلة الغريبة اللي تعلق الواحد فيه لا سمعها
مسكت جوالها وراحت بزاوية بعيدة عن مكان جلسة الحريم وازعاج البنات
كانت بتتصل بس ترددت وبطلت تكلمه ورجعت للبنات بعد ماشافت دانيا تناديها ,,, عند الرجال ماجد عند باب المجلس يطالع بمصعب له فترة يحاول يسحب منه الكلام وهو كالعادة يطلع من الموضوع بذكاء بدون ما يقول ولا كلمة , كان يخاف يفاتحه بالموضوع لان مصعب ردات فعله غريبة وغير متوقعة... مصعب كان راجع من البقالة وبيده اغراض البنات اللي وصوه عليها دق الباب الامامي مافي احد سمعه من الازعاج اللي جوة ارتفع ضغطه ما يحب يستنى كثير>>>زي اغلبية الرجال طبعا مع احتراااامي
واللي زاد الطين بلة فطوم بدورة المياه الله يكرمكم ورغد نادوها وطنشت
راح مصعب للجهة الخلفية
معليش اعتذر راح اوقف وبرجع باسرع وقت
<< تكملة البارت الخامس سوري تاخرت شوي >>
راح مصعب من الجهة الخلفية عند باب المطبخ وهناك نورة ولجين دق مصعب الباب ,,,, نورة : مييين؟؟؟
مارد عليها لانه ماسمعها .... لجين : ما عليك انا بفتح ....
فتحت لجين الباب وهي واقفة ع جنب مو قدام الباب بس طاح جوالها من ايدها على برة وكانت تبغى تمسكه فطلع شعرها ووجهها برة وشافها مصعب وتنّح سحبت نورة لجين بسررررعة لداخل المطبخ ولجين خلاص بتصيييح
نورة بعصبية : مييين ؟؟ اكلمك ردي علي يالفااااهية
لجين والدموع تنزل : م...ص...ع...ب
صرخت نورة بقوة : ياوييلي ..شافك تكلمي شااااااافك؟؟؟
والأخ مازال برة يسمع .....
لجين بتوتر وخووف : اكيد شااافني ليه ماسحبتيني بسرررعة هاااه؟؟؟
نورة : وش دراني انه هو .. اقلك شي عااااادي انتي ماسويتي شي
لجين : شلووووووووون ما سويت شي شلوووون الا انا طلعت قدااامه
نورة : انتي قااااصدتها طيب؟؟
لجين : لايا عبيطة لا .. وبعدين طالعي شكلي خاااااااااايس
نورة : هههههههههه خايفة ما تعجبينه ؟؟؟؟
لجين : لامو كذا
نورة : اجل كيف؟؟
لجين : اولا انا مستحييية منه وخااايفة لو ابوي يدري
نورة : يابنت الحلال انتي ماقصدتيها وبس .. لاحول ولاقوة الا بالله
طلعت نورة وهي تسحب لجين وتهديها
فتح مصعب باب المطبخ بعد ما تاكد انه ما فيه احد وحط الاغراض وطلع وراح للمجلس بعيد عن الشباب وصار يفكر باللي صار قبل شوي
ماجد استغل فرصة ان مصعب جالس لحاله وجاء جنبه
ماجد : صعوب بسالك سؤال بس تراه محرج
مصعب : هات اللي عندك عادي
ماجد : بس تجااوب
مصعب : اوكي
ماجد : انت تحب؟؟؟
مصعب :هههههههههههه (انفجر بالضحك) لالالا بلا حب بلا خرابيط
ماجد : الحب مو خرابيط يا مصعب
مصعب بعناده الداايم : الا خرااااااااااااااابيط
ماجد : لا
مصعب : قبل اي سؤال ثاني انا بسالك انت تحب؟؟
ماجد : هههههه ايه كنت احب
مصعب : كنت = ماااضي ,, طيب وش صار
ماجد : تزوجتها وماتت الله يرحمها
مصعب اللي تغيرت معالم وجهه وكانه تذكر اللي صار : آآآسف ما قصدت اذكرك والله اني نسيت
ماجد : ما عليك حبيبي اصلا هذي احلى ذكرى بحياتي لانه اليوم اللي اجتمعت فيه معها وسمعتني احلى كلمة
مصعب : اللي هي ...>>>صدق غبي مخفة هالولد
ماجد : هههه احبك يامصعب هي احلى كلمة انا اعرفها
مصعب راح فكره بعيييد وجلس يفكر بنفسه
ماجد : مافكرت انك تسمعها من احد او....
مصعب : او ايش؟
ماجد : انك تقولها لاحد مثلا
مصعب :انت ايش ماكل اليوم ؟؟؟>>يصرف بمحاولة لتغيير الموضوع
ماجد : لاتصرف تراك قدييييم .. جاوب
مصعب : احم شسمه ..ايه بس بعد الزواج مو الحين
ماجد : ومين سعيدة الحظ؟؟
مصعب : والله انك طااااير ياخي مو الحين لسة بدري ع هالكلام هذا
ماجد : يللا عااااد قال بدري ,, اخلص بجد يعني مين؟
مصعب : مافي احد معين
ماجد : مافكرت ب لجين بنت عمك مثلا؟؟؟؟
مصعب تغير لونه : لجين؟؟؟
ماجد : ايه لجين
مصعب : لا ما فكرت
ماجد : وليه؟؟
مصعب : ما احسها تناسبني هذي البنت خيالية بزيادة
زاد خوف ماجد من كلام مصعب عن لجين
ماجد : شلون يعني؟؟
مصعب : بنت عمي خوافة مو قوية ما احس انها من هالعالم اصلا (قالها بضحك)
ماجد :وليه ما تناسبك ياخي ؟؟ احلى شي في البنت لاصارت خوافة
عشان تحتمي فيك مو تصفقك
مصعب : هههههه لا حبيبي اجل 24 ساعة صياح على كل كلمة والثانية تنزل دموعها لا الله يخليك حركات البنات هذي ما ادانيها انا انسان عصبي ماعندي وقت اجلس اراضيها طول الوقت وش هالفضاوة
ماجد : لجين ايه خوافة لكن مو خيالية ابدا بالعكس
مصعب والموضوع بادي ينرفزه : انت ليش تتكلم بهالموضوع الحين ؟؟؟ لسة بدري عالزواج والمسئولية انا رايح للعيال سلام
وقام للعيال وماجد خلاص عزم انه ينسيها هالمغرووور اللي لازم ما ينعطى وجه
ازل ما رجعوا للبيت ماجد نادى لجين معه بالسيارة لحالهم
ماجد :لولو لايكون لسة تحبين مصعب؟؟
لجين : ليش تسال بهالموضوع ياعمي ؟ صاير شي؟؟؟
ماجد : لازم تنسينه هذا ما ينفع لك
لجين تضايقت ,,,
لجين : حتى نورة قالت انه ما ينفع لي
ماجد : وليه ماسمعتي كلامها؟؟
لجين : لووو سمحت ياعمي هالموضوع لا تفتحه معي مرة ثانية
ماجد : براحتك بس بجد هو مايناسبك ابدا
لجين : عمي رجعني البيت فيني نوووم
ماجد : اوكي
بعد مرور شهرين عاديين مرررة
لجين واعمامها كانوا رايحين متنزه سوا (=مع بعض مو اسم المتنزه)
اول ما نزلوا من السيارات راحوا العيال عند الدبابات النارية لجين وفطوم راحوا معهم عشان يتفرجون ...
مصعب وفهد سوو تحدي استعراض حركات مصعب بدا يستعرض ووحدة من الحركات اللي راح يسويها خطييييرة وفهد حذره انه مايسويها بس عنيييييييييييد
بآخر الحركة انقلب عليه الدباب وطاح عالارض بقوة وتقلب
صرخت لجين وفاطمة وركضت لجين بسررعة له عشان تشوف وش صار عليه لا شعوريا
لجين : فطووووم ساعديني تعاااالي بسررعة .. وتهز فيه عشان يقوم
شافت لجين ايده المنشقة والدم اللي يصب منها بشكل كبيير
طلعت منديل قماش يهبل كانت بتهديه نورة بس لما شافت الدم الكثير اللي هي ماسكته بايدها على طوول اخذت المنديل وربطت فيه مكان الجرح
راح فهد يجيب سيارته وشال مصعب وطواالي ع المستشفى
لجين اللي كانت تبكي مع فاطمة بشكل هستيري والدم اللي على ايدينهم بشكله اللي يقطع القلب,, المنزر كان فظيييع جدا راحت لجين مع فطوم يغسلون ايديهم من اللي صار بدورة المياه
فطوم بعد ما هدوا شوي : ليه ربطتي ايده بهالمنديل؟؟
لجين : هذا الشي الوحيد اللي ينربط معي
فطوم : صراحة كان رووعة بس هو هذا الي كنتي بتعطينه نورة؟
لجين : ايه بس مو مهم الحين خلينا نتطمن على اخوك بسرررعة
فطوم : اخوي ولا حبيبك؟؟
لجين : فطوم بلا سخافة والله مو وقتك ايش الكلام اللي تخربطين فيه
فطوم : شوفي انا ملاحظتك من سنتين مشكلتك يبين عليك بسرعة
لجين : الحين اخوك بالمستشفى وانتي تقولين لي هالخرابيط هنا
بعد كم يوم طلع مصعب من المستشفى وراحوا الاهل يسلمون عليه في بيتهم
كانت فطوم معه عند باب غرفته
مصعب : مين اللي رابط ايدي بمنديل اسود؟
فطوم : لجين
مصعب : وهي ايش دخلها فيني؟
فطوم : هي بس ساعدتك يا مصعب باللي تقدر تسويه
مصعب : يللا بس بلا سخاافة منديل صغير بيوقف الدم؟؟
فطوم : ع الاقل اعترف بمحاولتها للمساعدة واشكرها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك