رواية واخيرا حسيت يا مغرور -4
مصعب : وهي ايش دخلها فيني؟
فطوم : هي بس ساعدتك يا مصعب باللي تقدر تسويه
مصعب : يللا بس بلا سخاافة منديل صغير بيوقف الدم؟؟
فطوم : ع الاقل اعترف بمحاولتها للمساعدة واشكرها
مصعب : اشكرها على ايش حركات بنات وقلة ادب
لجين سمعت كل الحوار هذا لما كانت جاية تنادي فطوم من غرفتها
فطوم لمحت وجه لجين اللي مو راضي يصدق اللي تسمعه اذنه
فطوم : مصعب هي ما قصرت جزاها الله خير
مصعب بقررف : لاتجيبين سيرتها قدامي مرة ثانية
ودخل غرفته ولجين راحت ركض لدورة المياه تغسل وجهها من سيل الدموع اللي نزل اول ما طلعت من دورة المياه شافت فطوم قدامها
فطوم : لولو ماعليك من كلامه اللي سمعتيه هو دايم كذا ما يعني الكلام اللي قاله
لجين : عادي فطوم حصل خير بس لا تقولي انه ما يعني كلامه هو يعنيه حرف حرف
فطوم : تكفين لا تحطين بخاطرك شي تكفين مصعب طيب والله العظيم
لجين : هو طيب بس مع اللي يحبهم خلينا نروح للحريم اكيد فقدونا
بعد ما سلموا عليه اهل لجين وخلصوا هم الحين رايحين للبيت
طلع مصعب بحجة انه يكب الزبالة بالشارع ع اساس انه بخير ما يبغى احد يكلمه كان واقف بوسط الشارع والتفت وراه كان خالد يناديه وفجأة كان فيه سيارة مسرعة جاية صرخت لجين : انتبه وراااك سيارة(طلعت تلقائية)
رجع مصعب ع ورى ومشت السيارة جنبه بالضبط والتفت عليها وهي طنشته وركبت سيارة ماجد
ماجد : ما فاد كلامي المرة اللي راحت فيك , لسة تحبينه
لجين : هه الموضوع ابشرك انتهى عندي
ماجد بخووف : ليه وش سوالك الكلب؟
لجين : هدّي اعصابك ما صار شي بس سمعته يتكلم عني مع فطوم
ماجد : وش قال بالضبط
لجين : قال كلام كثيير بس خلاص مو مهم هذا الحين
ماجد : وايش المهم يا آنسة؟
لجين : انه بخير !!!
استغرب ماجد منها وفي قلبه يتوعد مصعب والا مصر يعرف وش قال عنها
انتهى البارت الخامس يا حلوييين
<<البـــــــــارت الســـــــــــادس>>
كانت نهى جالسة بغرفتها لحالها تفكر بخالد ونظراته لها وهي طالعة مع اهلها من الحفلة قررت في نفسها انها ترجع تكلمه وتطنش نورة وكلامها
اتصلت نهى على خالد اللي جاها صوته التعبان ع الطرف الثاني
خالد : الو ...
نهى : الو ,, خالد ؟؟
خالد : مين؟
نهى : معقولة نسيتني ؟؟ امداك بهالسرعة تنسى صوتي؟؟
خالد : مين انتي؟؟
لاحظت نهى ان صوته بالشدة يطلع
نهى : خالد فيك شي؟ صوتك تعبان
خالد : حرارتي مرتفعة شوي والزكام هد حيلي
نهى : خالد انا نهى
خالد بضيق : وتوك تتذكريني الحين ؟؟
ما استنى ردها سكر الخط
عاتبت نهى نفسها كثييير لانها طنشته بزياادة وتستاهل اللي صار واكثر
اما عن خالد فكان اساسا تعبان واتصال نهى زود تعبه اكثر
اتصلت نهى مرة ثانية طالع خالد جواله وشاف رقمها هالمرة وتنهد بضيق وما رد ونهى كرامتها ما خلتها تتصل مرة ثانية
اليوم الثاني ... الشباب اتفقوا يجتمعوا بالكوفي شوب اللي متعودين يطلعوا له دايما ... كلهم كانوا مجتمعين وفجأة جاهم فهد ومعه مصعب اللي مو طايق جلسة البيت ابدا , ماجد شافه وتنرفز لما تذكر كلام لجين يوم طلع مصعب من المستشفى
عبدالرحمن : هلا والله
مصعب : هلا فيك
مصعب : سلام عمي ماجد ؟؟ شخبارك
ماجد في نفسه : عمت عينك انشاء الله
ماجد بدون نفس : عليك السلام . الحمد لله
فهد : اعصاااااااابك وش فيك؟
مصعب : مين هذا اللي رافع ضغطك؟
ماجد : ولا احد انا اليوم مزاجي زفت
مصعب : ولا يهمك اعدله لك ههههه
جلس معهم ماجد نص ساعة وقام بيروح
الشباب : وين ياهوووه تو الناس
فهد : اجلس يا عمي ماوراك لابيت ولا زوجة اجلس بس
ماجد : تكفى من زين جلستكم يعني؟
فيصل : ليه مستعجل؟ مواعد لك وحدة وماودك تتاخر؟؟؟
مصعب : وش درااااكم عمي عنده حبيبة سرية هههههه
ماتوا الشباب من الضحك وهم ينرفزونه
دحوم لما قالوا حبيبة سرية تذكر البنت اللي شافها بالمطبخ يوم الحفلة اللي مانسى شكلها ولا غابت عن باله من ذاك اليوم
مشى ماجد عنهم وهو مطنش كلامهم وتعليقاتهم الباااايخة>تعرفون حركات عيال هع
بعد ماراح بخمس دقايق
مصعب : اعذروني يا شباب
راح مصعب لموقف السيارات وشاف ماجد لسة واقف ويكلم جوال وقف قريب منه بحيث يسمع وش يقول لكن ماجد ما انتبه له
ماجد : يا لجووني يا حبيبتي انا داري انك لسة تحبينه وقاعدة بس تلعبين علي ... الا تكذبين .. شوفي عيوني الحقيقة هي ان مصعب ما ينفع لك هو ماعنده اسلوب ولاذووق ولا ماكان جرحك بكلامه .. حتى لو مايدري
اقلك شي هدي الموضوع لا احد يسمعك انا جاي البيت بعد ساعتين وباخذك نتمشى ونتفاهم .. يللا سلام
ركب ماجد سيارته ومشى , وحتى مصعب بعد
وصل مصعب لبيتهم وطلع فوق لغرفته اول مادخل جات عينه على منديل لجين الاسود المرمي جنب الملابس المغسولة خذاه مصعب وجلس ع سريره يتامله ويفكر بكلام ماجد للجين عنه وانها كانت واقفة وهو يكلم فطوم وسمعته بس هو وش ذنبه اذا كانت في بنت تحبه ؟؟ والله صعبة
شلون يتفاهم معها وهو صدق ما عنده اسلوب مع احد؟؟؟
تنهد بقوة وانسدح عالسرير
في بيت ابو عبدالرحمن
جلس دحوم مع اخته الصغيرة دلال بعد ما ترك الشباب بالكوفي شوب
دحوم : مين البنات اللي جو حفلتنا اتحداااك تذكرينهم لي
دلال : كثيييير .. (وذكرتهم كلهم له).. والصغار:
دحوم : وقفي بس لحظة .. البنات الكبار وش لابسين ؟؟ اتحداك
اذا كنتي بطلة
دلال : لجين لابسة فستان قصير خربزي ونورة بنت خالتها لابسة فستان احمر قصير بعد...و
دحوم : وقفي وقفي فيه احد ثاني لابس احمر؟
دلال : يووووه اسئلتك باااايخة اووف لا بس عمتي فادية مرة عمي فارس
عبدالرحمن وهو بيتشقق من الوناسة : فدييييييتك الحين اجيب لك احلى حلاوة ,, سلملم
في بيت ( ابو مصعب )
خالد بغرفته : تفضل
طل مصعب اول شي براسه : سلام , لسة مانمت ؟
خالد بتعب : وش رايك؟؟ انت وش تشوف
مصعب : هههه وش فيك ياخي ؟ اهدا جاي اسولف معك شوي
خالد باستغراب: عفوا؟ عيد اللي قلته ما فهمتك ؟؟؟ جاي تسولف ؟ معي انا ؟؟ متاكد
مصعب : هههههه ايه معك ليش ما ودك؟
خالد : لاموكذا بس وين فهد عنك؟
مصعب : ما ودي اجلس معه .. المهم قول لي ليه وجهك تعبان
خالد : لاني تعبان يا ذكي
مصعب : لا غير الزكام والحرارة انت فيك شي ثاني
خالد : غريبة مزاجك مكيف اليوم ورايق؟؟؟!!
مصعب : وليش هي غريبة؟
خالد : لأني من يوم يومك وانت معصب وطفشان
مصعب : ما علينا .. خلّوود عندي لك سؤال بس اخاف احرجك
خالد : اسأل عااادي
مصعب : تراه محرج مررة عادي؟
خالد : ايه ياخي عاااادي قول وش عندك؟
مصعب : انت قد جربت تحب؟
خالد انفجع ما توقع هالسؤال ابدا
خالد : انت اليوم مو طبيعي ماهي عوايدك تسال هالاسئلة؟؟ وش فيك
مصعب : ههههههه توهقت صح؟؟
خالد : تدري انك فاااصل؟؟ لا ما توهقت
مصعب : تكفى خالد جاوبني
استغرب خالد ان مصعب ترجاه وهو مصر يعرف؟؟!!!
خالد : بصراحة مصعب .. ايه بس لاتعلم احد بذمتك
مصعب : لاتخاف من هالناحية تطمن ,بايش حسيت يوم حبيت يعني شلون عرفت انك تحب؟؟
خالد ميت ضحك ع شكل مصعب وهو يسال بس مو مبين
خالد : يعني زي اي واحد يحب بالعالم
مصعب : ابغى جواب مقنع, اشرح
خالد : اوكي , يعني اعشقها اكثر من نفسي اشتاق لها ولشوفتها اموووت اسمع صوتها آآآآآآآآآآخ يا مصعب احبها
مصعب :يؤ يؤ وش فيك ؟؟ استح على وجهك تراني هنا
خالد : ههههههه واخاف عليها ومابي احد يقرب منها
مصعب : اوووف كل هذا ؟؟ والله فضاوة افكر زي كذا
خالد : هه فضاوة؟؟ انت ما عشت اللي انا عشته
مصعب : الحب ياخي يقلل من هيبتك شوف نفسك مو خالد الاولي
خالد : ههههه لاحبيبي ما يقلل من هيبتك عن الفلسفة صعوب هذا تفكير رجعي وبعدين انا خالد الاولي بشوية بهارات خطيرة بس هع
مصعب : طيب ..... توه بيكمل كلامه قاطعه ىخالد
خالد : مصعب انا كنت اكلمها
مصعب : مين هي ؟
خالد : وش فيك مضيع ؟؟ اللي احبها
مصعب : وبعدين؟
خالد : بعدين صرت اتصل عليها وما ترد علي
مصعب : تتوقع خيانة يعني؟او ممكن نستك؟
خالد : مدري , بس اليوم اتصلت علي بعد سنة كاااملة تخيل
مصعب : وايش قالت لك؟
خالد : ما خليتها تكمل كلامها سكرت الخط
مصعب : كفوووو يالذيب
خالد : لا انا اعرفها زين هي اكيد عندها شي بس انا من القهر سويت كذا
مصعب : وما اتصلت عليك مرة ثانية؟
خالد : الا بس انا طنشتها والحين باكلمها
مصعب : عادي اشوفك وانت تكلمها؟
خالد : امممم اوكي بس لاتتكلم
مصعب : حط سبيكر , هز خالد راسه بلا
مصعب : اوكي يللا دق
شافت نهى جوالها ينور وكانت هي تصيح من قلب شافت رقم خالد مسحت دموعها بسرعة وردت وهي لسة تشهق من البكي
نهى : اااالو
خالد : نهى اسف ما قصدت اسكر بس....
نهى : مافي داعي تتعذر..
خالد : والله اسف ... ليش صوتك كذا؟؟
نهى : مافيني شي
خالد :عن النصب انا اعرفك زين ردي جاوبيني
نهى : ابكي , كنت ابكي وانت السبب ارتحت الحين
خالد وهو ناسي ان مصعب جنبه : نهى انتي عذبتيني وفوق كذا ماتبغيني ازعل؟؟
نهى :طيب قبل لاتسوي اي شي افهم انا ليه سويت كذا
خالد : صح انا اسف حقك علي , مسحي دموعك وربي غالية, جاوبيني ليه سويتي كذا؟
نهى :كنت خايفة , تذكر اخر مكالمة؟
خالد : ايه ,,, حكت نهى السالفة وكلام نورة
خالد : ما تنلام اختك خايفة عليك وانا متفهم هالشي , بس انتي مو واثقة فيني ؟
نهى : الا بس خفت يطلع كلامها صدق
خالد : شوفي انا مستعد اسوي اي شي يخليك تثقين فيني
نهى : حتى انك تتقدم لي؟
خالد : نهى صعبة وربي صعبة انتي عارفة هالشي مافي داعي تضغطين علي اكثر
نهى : ليش صعبة ياخالد لييييش جاوبني؟
خالد : ياحبيبتي انتي عارفة ان فوقي اخواني يزيد ومصعب لسة ما تزوجوا عشان اتزوج انا وانا لسة ادرس وحتى انتي ,, شفتي شلون
نهى : صح كلامك ,,, بس ماينفع كذا نظل نتكلم اخاف انكشف يا خالد
خالد : نهى وربي يشهد على كلامي اني احبك وامووت فيك لا تحرميني صوتك مرة ثانية تكفيين
نهى : خالد انت قايل بتسوي اي شي صح؟
خالد : ايه
نهى : كلمني مرة وحدة بالاسبوع عشان لاابتلش
خالد : بس نهى ... تنهد ,. اوكي بس عشانك
نهى : يللا خلودي تصبح على خير
خالد : يازين اسمي على لسانك يللا تصبحي على صوتي
سكر خالد الخط وهو ماوده وتنهد بقوة وبراحة وابتسم بعدها بشكل غريب
مصعب : احم احم شكلك نسيت اني جنبك يالعاشق
خالد : ههههه نسيت نفسي ونسيت الكووون كله
مصعب : منت صاااحي ابد , اتركك مع احلامك وانا اروح انام اصرف لا انعدي منك بس
خالد : ههههههههههههه اوكي
راح مصعب لغرفته وهو يفكر بالكلام اللي قاله ماجد عنه للجين وانه قاسي وما عنده اسلوب تنرفز وحب يثبت انه العكس( عنيد كالعادة ) اتصل على تلفون بيت عمه الثابت ام لجين كانت في بيت اختها وليان نايمة ولجين كانت رايحة للمطبخ وسمعت رنة التلفون وراحت ركض له
لجين : الوووو ....
مصعب : ...........
لجين : الوو ؟ مين معي , ترى بسكر ان ما تكلمت
مصعب : الو
لجين اللي حست بكهرباء تمشي بجسمها زي عادتها دوم لما تسمع صوت ولد
لجين : أأأألو مين معي؟
مصعب : مين انتي ليان؟؟
بسبب صوتها الصغير
لجين : لا انا لجين بس مين انت؟
مصعب : اااا احم انا ... مصعب
خافت لجين وتلقائيا قفلت السماعة من الربشة الزايدة
حتى هو ارتبك بعد بس لسة براسه يقولها كلام هو مجهزه في نفسه
ياترى وش هو الكلام ؟؟؟؟؟ اشوفكم بالبارت الجاي
<< البــــــــــارت الســـــــابــــــع >>
بعد ماسكرت لجين الخط بوجهه زاد عناده واصراره عالاتصال عليها مرة ثانية مع انه مرتبك موووووت لكن لازم يثبت انه عكس الكلام اللي انقال عنه وانه احسن من كذا >> طبعا في نظره الشخصي
اتصل مرة ثانية واكييييييد ردت عليه لجين
لجين : .......
مصعب : الوو
لجين : أ..أ..ألوو
مصعب : ما يحتاج أعرف عن نفسي اتوقع عرفتيني >>وااااثق
لجين : ااايه (وبخوف من انه يفهم غلط) والله آسفة ماقصدت اقفل الخط وربي بدون قصد
مصعب : عاادي عاادي مو مشكلة , كيف حال عمي ؟
لجين : بخير الحمدلله
مصعب : ... اعطيني اياه >>حيوااان ياخي دق ع جواله هع
لجين : مش موجود بالبيت الحين
مصعب : وعمي ماجد >> لزوم التاكد ان الجو خاااالي
لجين : مدري ما شفته اليوم بس اكيد انه بخير
مصعب : ايه ..... و .... وووكيفك انتي ؟؟؟
لجين والاطراف بدت تبرد : ...... ا..ا.. انا بخير, (بتصريف) وكيف فطوم؟
مصعب : هي تمااام اكيد واذا كان قصدك انها ممكن تمرض او شي فهذا مستحيييل لان المرض اذا قرب بتجيه سكتة قلبية دماغية ماتفرق ههههه>>مسوي ينكت هو ووجهه هههه ماتلاحظون بهالبارت حشيت فيه كثييير هع
لجين : هههه (بصووت صغييير) وعمي وعمتي ؟
مصعب : كلهم بخير >>يبي يخلص, العايلة كبيرة
لجين : اها؟؟؟
مصعب : لجين شوفي .....
لجين بجد انصدمت اول مرة يناديها باسمها الكامل الحقيقي دايما يناديها لولو زي اغلبية هالعايلة
مصعب يكمل : ترى الكلام اللي سمعتيه ذاك اليوم من ورى قلبي يعني ما كنت اقصده يعني لا تزعلين >> مايعرف يقول اسف ابدا ابدا
لجين : ا ا اوكي..
دخل ماجد الصالة وشافها متسندة عالجدار وماسكة التلفون
ماجد : لجوووون ,,, التفتت عليه
ماجد : مين عالتلفون؟؟
لجين : ماجد تعال التلفون لك بسرررعة
اول ما وصل لها : مين ؟؟؟
لجين وما ودها حتى تقول اسمه مستحيييية
لجين : ولد عمي ناصر
ماجد برفعة حاجب : وهم مشاء الله 3
لجين : امسك واساله مين انت ,, وانا اخليك واروح غرفتي
ماجد : اقوول ترى خدودك حمر
سمعه مصعب وهو كاره الشي اللي قاعد يسويه اي انه يعترف بمشاعره لاي احد
لجين : اوكي امسك بس ,,,, وراحت عنه
ماجد : الوووو
مصعب : الو هلا عمي
ماجد كشر بقرف : ايه ايه هلا مصعب
مصعب : ابغى اقابلك ضروري بموضوع خطير اجيك البيت؟؟
ماجد : خير ان شاء لايكون مصيبة
مصعب : ههههههه بالنسبة لي شوي ههههه يللا اجيك؟؟
ماجد : لا احسن نتقابل بمكان عام وش رايك بكوفي شوبنا >>صار حقهم يعني ههع
مصعب : اوووكي تمام يللا انا رايح هناك لا تركني وتجحدني
ماجد : اوكي خلاص باي
تقابلوا اثنيناتهم بالكوفي شوب وقال مصعب لماجد عن احساسه تجاه لجوون
وانه يبغاها وان الكلام اللي انقال عنه غلط بغلط
ماجد شوي ويطيييير من الفرحة بهالخبر تاسف من مصعب ومشى للبيت يزف الخبر السعييييد
ماجد : يــــــــــــــا لجييييين تعالي المجلس سرييييييع
راحت تركض عسى ما شر وش صاير له يصارخ لييه
لجين : هلا عمي وش فيك؟؟
ماجد : سوري تركتك لحالك وما عندك احد بالبيت
لجين : عااادي مو مشكلة
ماجد : مصعب
لجين بخوف : وش فيه؟؟
ماجد بغمزة : يحبك
لجين بتناحة وميلت راسها على جنب : هــــــــــــاه؟
ماجد وهو ميت ضحك من الونااسة : يـــــــــــحــــبك مصعب مخقق علييييك
لجين واللون يقلب احمررر راحت تركض لغرفتها وما خلت صديقة الا وخبرتها بان مصعب يحبها واخيييرا
في بيت ( ابو عبدالرحمن ) دحوم جالس لحاله بالصالة شوي الا وامه عنده ,, ام عبدالرحمن : دحوم ,, بايش تفكر؟؟
دحوم : ولاشي يمة
ام عبدالرحمن : ياولدي اذا كان بخاطرك شي قوول لا تستحي
عبدالرحمن : يمة انتي قايلة انك بتخطبين لي والى الان ما شفنا شي
ام عبدالرحمن : يا ولدي ما لقينا لك للحين , لا صار ببالك وحدة تكلم
دحوم : ايه يمة فيه ,, بنت خالة مهند ولد خالي
جات دانيا عالسالفة ...
دانيا : مين قصدك ؟؟؟ بشرى؟
دحوم : لا اسمها نورة
دانيا بتنغييز : مشااااء الله عارف اسمها بعد؟؟ امدااااك؟؟؟
دحوم : انتي ولا كلمة اوووووص .. هاه يمة؟؟
الام : خلاص يا ولدي خلنا نشوفها ونكلم اهلها ويصير خيير
بعد اسبوع من هالكلام راحوا اهل دحوم لبيت اهل نورة يخطبوها له
طبعا بعد موافقة نوري على المزيوووون .....
نورة على طووول لازم لجووون تدري
نورة : الووووووو يااااهلا والله
لجين : يقطع ابو الروقااااان ... هلا فيك وش عندها رايقة؟؟
نورة : احم احم باااااركي انا مخطووووبة
لجين : والللله ؟؟؟ ياااحركااااااااااات مين قدك الحييين ؟؟؟
نورة : ولد عمك يالهبلة
لجين : اي واااحد ؟؟ >> على بالها شي ثاااني
نورة : ههههه ايش فيك لا تخافين اسمه عبدالرحمن
لجين : ووووجع ان شاء الله هذا ولد عمتي مو ولد عمي
نورة : ههههههه
يوم ملكة نوري صارت الملكة عائلية بما ان البيت كبير ويوسع المعازيم الاقارب طبعا
لجين وبشرى وفطوم واقفين جنب بعض ونهى ودانيا وفجر ورغد وعلا يرقصون سوا
لجين : والله مشاء الله علا رقصها تووووب
بشرى : عكسي انا تماما اختي علا وحتى دانيا يرقصون احسن مني
فطوم بضيق : اصلا مو منكم ,, انتوا وسواليفكم النااايمة
بشرى : ما عجبك اذلفي
فطوم : اذلفي انتي
لجين : يوووووه خلاص انتي وياها وجع دجاجة وديك
انزفت النوري مع دحوم على موسيقى رومنسية روووعة
بعد ما تصورت هي وياه وخلصوا وطلع دحوم لجين طااااارت لها بسرعة وضمتها بقووووة
لجين : الف الف الف مبرووووك حياااتي
نورة : عقباااالك انتي والبنات عيووووووووني
لجين : والله مو مصدقة انك بتتزوجين
نورة : والله وانا بعد مو مصدقة نفسي
بشرى : وربي انها ملكة
فطوم : يعني بالعربي يا لجين انقلعي احنا نبغى نسلم بعد
بعد الملكة بيومين طلعت لجين السوق مع نورة يتقضون اغراض العرس ووووو... الخ
في البيت ابو مهند على اعصاابه منتظر لجين ترجع ,,,, اول ما دخلت لجين من الباب
ابو مهند : هلا والله هلا ببنتي
لجين : هلا بابا ,, كل هالترحيب لي؟؟؟
ابو مهند : تاخرتي يا عروسة
لجين : هههههه سوري بس عروسة مو كانه بدري على هالكلمة؟؟
ابو مهند : لما تريحين شوي تعالي لي المجلس انتظرك
لجين : اوكي ... راحت لجين بدلت ثيابها بسرررعة وجات للمجلس
لجين : سلااااام .. هلا ابوي آمر
ابو مهند : ما يامر عليك ظالم يا بنتي ..
التفتت لجين لماجد باستغراب : ايش القصة؟
ماجد : ابوك يقول مفاجاة
لجين : والله ؟؟؟ وش هي
ابو مهند : يا بنتي كل واحد بهالدنيا ياخذ نصيبه اللي مكتوب له
لجين : ابوي خوفتني والله ,, ايش فيه؟؟
ابو مهند : يا بنتي فيه واحد تقدم لك
استحت لجين ووطت راسها
ماجد كانت عيونه على لجين بعدين التفت لاخوه
ماجد : ومين سعيد الحظ؟؟
ابو مهند : رائد ولد صديقي
رفعت لجين راسها بصدمة والتفتت لماجد بمعنى تصرف دبرني
ماجد وهو يدور تصريفة : ايه بس ياخوي لولو لسة تدرس ما خلصت
ابو مهند : مو مشكلة تكملها وهي في بيت زوجها
ماجد : بس ياخوووي
ابو مهند : لا تبسبس ولا شي الولد محترم واخلاق وماله في الخرابيط دايم مع ابوه في الشركة انا شايف ان مصلحتها تتزوجه مو كل يوم يجيك واحد محترم مثل رائد
لجين بترجي : ابوي
ابو مهند : نعم يا بنيتي؟؟
لجين : انا ما ودي اتزوج
ابو مهند : يا بنتي حياة الحرمة في بيت زوجها >>يا كرهي لهالمثل
لجين : بس انا ما ابغى
ابو مهند : فكري زييين اول وانتظر رايك بعد اسبوع انا قلت لعمك ابو رائد اني برد عليه بعد اسبوع ,, روحي قولي لامك تحط العشاء يللا
لجين والدموع محجورة بعيونها : طيب
طلعت من المجلس وهي تطالع ماجد بنظرة انسانة مكسورة وبعد ما خبرت امها راحت غرفتها وبكت بكت ليين نامت ,,,
اليوم الثاني شاف ماجد لجين تتمشى بالحوش لحالها
ماجد : لجين
لجين : هلا؟
ماجد : خلينا نتمشى بالسيارة شوي
لجين : مالي خلق والله
ماجد : اقوول بلا كلام فاضي استناك برة اخلصي
لجين : اوووكي
..... وفي السيارة
ماجد : ما عليك من ابووك
لجين : وشلون ما علي منه ما شفت اصراره امس؟؟ لا ومسميه عمي
ماجد : طيب في راسك شي نسويه عشان نوقف هالزواج؟
لجين : انا ما تعودت ارفض لابوي طلباو اقول له ( لا ) او ارادده
عمي تكفى دبرني والله اني خااايفة
ماجد :وشلوووون؟؟
لجين : كلمه يمكن يرضى
ماجد : اوكي بس ماظنيت ابوك يرضى
رجعوا للبيت وكلهم يفكرون بطريقة تخلصهم من هالزواج
ماجد لحاله بالمجلس وقرر انه يعلم مصعب
ماجد : الووو
مصعب : الووو ياهلا
ماجد : يا هلا فيك .. شخبارك؟
مصعب : تمام ,, مو عوايدك تكلمني كذا صاير شي؟؟
ماجد : ايه عندي لك اخبار
مصعب : هاتها ,, اكيد كويسة
ماجد : لا ما ظنيت تعجبك صعوووب
مصعب : خير ؟؟ وش فيه تكلم
ماجد : لجين اانخطبت يا مصعب
مصعب : هاه ؟؟ وش قاعد تقول انت؟؟
ماجد : هذا اللي صار
مصعب : بس بس ..طيب انت ليه ما قلت شي؟؟
ماجد : وش تبغاني اقول ؟؟ مصعب يحبها لا تزوجونها!!!
مصعب : ما علينا ,, وهي وش قالت؟؟
ماجد : هي رافضة طبعا بس عمك مصر يزوجها هذا الزفت
مصعب : غريبة , عمي عمره ما غصب عياله على شي
ماجد : وهذا اللي محيرني ... عالعموم لازم نتصرف باي شكل
مصعب : اوكي يصير خير ,, سلام
ماجد : باي
بعد اسبوع راح ابو مصعب وعياله لبيت ابو مهند
فطوم : لجووون الحيوانة الجاحدة اللي ما تسال
لجين : فطوم مو وقتك والله ... امشي ع غرفتي بس
وفي المجلس عند الرجال ......
ابو مهند : يا هلا والله باخوي وعياله
ابو مصعب : يا هلا فيك
شوي ودق باب البيت
ابو مهند : مهند روح افتح الباب هذا اكيد ابو رائد
ماجد : قصدك ذاك اللي ......
ابو مهند : ايه هو
ابو رائد : السلام عليكم
ابو مهند : يا هلا وغلا ومسهلا
دخل رائد : يا هلا فيك عمي
ابو مهند : نورت البيت يا رائد
رائد : النور نورك
مصعب وهو يطالع رائد بدأ يتذكره وتنعاد صورة الموقف قدامه وفجأة
مصعب بصوت عالي : هذا انت ؟؟؟؟ ومعالم الصدمة والقهر على وجهه
رائد لما شاف مصعب وتذكر مين هو خاف يفضحه
ابو مهند : تعرفه يا مصعب؟؟؟
مصعب : وشلون ما اعرفه بس وشلوون؟
رائد وهو يتصنع البراءة : هلا مصعب وشلونك؟؟
طالعه مصعب وهو شوي ويقوم عليه وطلع برة المجلس ولحقه ماجد
ماجد : مصعب .. هييييه استنى وش صاااير لك؟؟
مصعب : خيير؟؟
ماجد : اعصابك ياهوووه .. تعرفه؟
مصعب : انت لو تدري مين هو دخلت الحين وقتلته
ماجد : مين هو طيب؟
مصعب : هذا المل...... اللي عاكس لجين بالمول ذاك اليوم
ماجد : انت متاكد؟؟
مصعب : اقلك ايييه متاكد لو يغيب عني سنين ويجي باعرفه
ورجعوا الشباب للمجلس
ابو مهند : ماجد ومصعب ليه تاخرتوا علينا؟؟
ماجد : ولا شي ياخوي ولا شي
ابو مهند : عن نفسي انا موافق يا ابو رائد والله نتشرف بنسبكم
ابو رائد : واخبار بنتك عساها بخير؟؟
ابتسم رائد بخباثة ومصعب مطرطع من القهر
استاذن ابو مهند عشان ياخذ كلمة لجين الاخيرة
ابو رائد : لا تنسى الاخبار الزينة بس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك