رواية لطفاً ورفقاً بي يازماني -5
لهنـــا وبــس ..
لنـــا لقاء ثانـــي ..
أستودعكم الله التي لا تضيع وداعه ..
أحـــــداث جايـــه ..
..(( وقفت .. فتحت عيوني من الصدمه .. مستحيل .. كل هذا صاير )) ..
.. (( نقزت .. متزوجته ســــ ))..
..(( رديت وحطيته سبيكر جاني صوته : حريققققاه))..
.. (( جلست أفكر بكلام سحر : تحبك من قبل لاتسافر .. )) ..
.. (( قلت بغيض : مرض ياخذ عمرك .. )) ..
.. (( قاطعني وقال : حنا تربية وضحى .. )) ..
الحلـــــ ق ـــة الثالــــ ث ــــــة
&
غربتنا غربة ليل يبحث عن نجومة دمعتنا ترى الليل وتبدد همومه
وتبقي الدموع لينا تطفي الأمل فينا ..ماشيين في سكة الاحباب ... ماشين وف كل خطوة عذاب
الزمن 8:15 صباحآ
فتحت الباب .. هدوووء البيت .. رحت مسرع لدرج .. كنت بلف لغرفتي تذكرت رغد .. طقيت غرفت رفيف محد رد .. ألا صح رغيف اليوم ماراحت للجامعه .. محد ركب معي اليوم .. يمكن غايبه .. فتحت الباب لما طولوا ماكان فيه غير رغد ولمى .. اوف نايمه .. اصحيها ..؟ لا شكلها مانامت زين .. اوف خلني ادور سحر ورغيف .. نزلت تحت وبسرعه ع المطبخ .. ماكانن فيه .. غريبه وينهن ..
سمعت صوت ورا المطبخ كنت بطلع .. بشوف من فيه .. بس وقفتني نبراتها .. لما قالت : بتتزوج تزوج بس شوف قبل لاتخطب ورقتي تجيني ببيت اهلي ..
انصدمت ناصر بيتزوج .. كييف شصاير .. خفت اطلع وتنحرج سحر .. اذا بتتكلم تتكلم براحتها واذا ماراح تتكلم ماراح اجبرها .. رجعت وطلعت من المطبخ .. ورحت لغرفتي وافكاري توديني وتجيبني ..
ياناس مومعقوله ناصر ماغيره يتزوج ع سحر ..!! مو كان دايم يموت فيها ..
جلس ثلاث سنين وهو بس يجي يخطبها .. و حنا نقوله توك ماتخرجت توك ماتخرجت .. وبعد اللحاح قدر يخطبها .. وبعده بسنة لما تخرج واشتغل بشركه الكهرب قال ابغى نتزوج .. بس تعب جدتي سلمى منع الزواج مؤقت وقبلوا بس بملكه وهو رضى .. والحين بعد عشرت 8 سنين يتزوج عليها ..!!؟ مو معقول ..
رميت كتبي ع الطاولة .. وانسدحت ع السرير .. طلعت جوالي من جيب بنطلوني .. واخذته وحطيت المنبه ع الساعه 9 و 45 .. رميت نعولي .. وتلحفت بالحاف وعلى طول نمت ..
قمت ع صوت بغرفتي ناظرت شفت سحر واقفه عند الباب مستغربه
قالت بأستغراب : مارحت للجامعة ..؟
قلت بتعب : لا بتبدى المحاظرة بعد ساعتين
جلست .. وحكيت شعري ..
قالت بتشتت : اهاااا .. جابك ربي .. طفشــانة ورغد نايمه
قلت متذكر : أيـــــــــــــه وين رفيف ..؟
قالت : بالجامعه وين بتكون يعني ..!!
قلت مستغرب : من وداهـــا ..؟؟
قالت تبتسم : خخ ما دريت .. أمس جلست تشكى لابوي منك .. عاد أبوي قال خلاص من اليوم ورايح أنا بوديك .. لـيـن أجيب السواق
قلت بقهر : الله يقلعها .. أكيــد الوالد جلس يهاوش ويتوعد فيني ..!! صح..؟؟
هزت راسها بالأيجاب ..
تنهدت وقلت : عشان كذا أمس يقول بكرى لاتزوجت وجوك عيال بتحمل مسوليتهم وووو ..
ضحكت وقالت : أخــــس أخذت حتوته قبل الزواج ..
قلت بغيض : وش حتوتته أنتي وخشتك ..؟؟
أبتسمت وقالت : عزووووز ..
قلت وأنا أفكر وشلون أذبح رفيف .. : هــاهـ ..؟؟
قالت : ياحظ حرمتكـ فيكـ ..
رفعت راسي أناظرها بصدمه .. وش دخل هذا بهذا .. أنا أكلمها برفيف وهي تهني دلع .. آآآه يادلع ليتك من نصيبي .. نزلت راسي .. ياليتك ياليتك حرمتي .. اللي سحر تهنيك فيني .. ليتك أنتي .. ياليتك ..
رفعت راسي لما سمعتها تقول : اقول عزوز ابغى اسألك
عدلت جلستي وقلت : هلا
سكرت الباب .. وقربت كرسي المكتبه لي .. وجلست وقالت : بسألك شي شوي خاص .. اوكي!! ما ابغى أحد يدري فيه .. مفهوم ..؟؟
قلت : اوكي
الزمن 9:00 صباحآ
سكرت الباب .. وقربت كرسي المكتبه لي .. وجلست وقالت : بسألك شي شوي خاص .. اوكي ..!! ما ابغى أحد يدري فيه .. مفهوم ..؟؟!
قلت : اوكي
كنت بداخلي حاس بتقولي سالفة ناصر ..
قالت : امم وشلون ابدا .. ايه .. فرضن انت خطبت ..
ناظرت لي لما ابتسمت بألم وقالت : وشفيك ..؟؟
قلت بألم : ابد مافيني شي يالله كملي
حاولت أبعد طيــف دلــع عن بالي .. ووأركز ع كلام سحر ..
قلت : وقفي وقفي .. عيدي من الاول ..
قالت : أقوول فرضن خطبت .. وبعد مدة طوويله ملكت ع البنت .. وكان شرط البنت ان انت ما تتزوج عليها .. وقبلت انت بهالشي ..
عقدت حواجبي .. ما أتذكر ان سحر شرطت هالشي ..!!
كملت وقالت : بعد مدة قصيره حبيت انك تتزوج .. وهي ذكرتك بشرطك .. وانت قلت ماعلي .. قالت خلاص طلقني .. وانت رفضت .. وش بتسوي بعدها هالبنت ..؟؟!!
وقفت .. فتحت عيوني من الصدمه .. مستحيل ..!! كل هذا صاير وهي ماقالت لي ....؟؟
قلت بعصبيه : ناصر قالك كذا ..؟
شهقت ووقفت بسرعه وقالت بتوتر : لا لا انت فاهم غلط ..
قلت بعصبيه مطنش كلامها : والله لاوريه .. طيب مين يبغى يتزوج هاه ..؟!!
قالت : عزوز والله فاهم غلط .. صديقتي رجلها بيتزوج عليها .. هذي القصه بس
قلت بصوت عالي : سحر لا تكذبين علي .. أصلآ القصــه مكشوووفه ..
قالت : عزوز اقول والله صديقتي مو أنا .. والله العظيم ..
هديت شوي .. ماقدرت أقولها شي .. أخاف اكون فاهم غلط ..
قالت : اجلس عشان افهمك زين ..
جلست ع طرف السرير .. تنهدت براحه .. وجلست .. وسحبت الكرسي لي .. وبدت كلامها : السالفه ومافيها ان صديقتي افراح من كنا بالثانوية مع بعض وهي تحب ولد جيرانهم .. وهو يبادلها الحب .. كانت دايم تجيني وتقول مواقفها .. مرة طلعت بوجهه ، مرة شفته وابتسم لي ، مرة ، ومرة .. كنت ابتسم لما اشوفها مستانسه .. وقبل 3سنين .. جاها وخطبها وملكت وتزوجت ولا قالت لي .. لاني انشغلت بلمى وهي شكلها انشغلت بزواجها .. المهم جا ذاك اليوم واتصلت عليها .. سالتها عن اخبارها وعلومها فاجأتني لما قالت تزوجت .. عاتبتها بس قالت ان زواجها كان عائلي فقط .. ماحبيت أدخل بمواضيع خاصه .. المهم كانت يوم اكلمها لها شهرين معاه .. سألتها : من زوجك ..؟؟ قالت : من الـ.. تعرفينهم ..!؟ قلت : لا والله .. ورجعت اكلمها وتسولف لي عنه وعنها واستمريت اكلمها وتكلمني .. لين جا ذاك اليوم وقالت لي انه رافض انه تحمل وتجيب اطفال ..
قاطعتها وقلت بقهر : ايش هالتخلف انتي من جد تتكلمين ..؟؟
قالت بهدوء : اسكت وافهم السالفة بعدين تكلم ..
سكت ..
كملت وقالت : المهم قعدت تبكي وتلوم نفسها انها وافقت عليه .. حاولت اهديها وفعلآ هدت .. بس فاجأتني لما قالت : انها بتحمل ولما يصير لها شهر بتقوله صراحه سكت ..
قلت: اهااا المسأله مسألة اعناد ..!!
قالت بعصبيه : عزووز لاتقاطع ..
قلت : اعصابك .. ايه كملي ..
قالت : اووف منك بس .. المهم .. ماقدرت اقنعها كانت معنده ودايم تردد لازم اثبت وجودي .. المهم اتصلت مره وعطاني جوالها مقفل .. مرت اسابيع ,, شهور .. ما سمعت عنها شي .. جوالها مقفل .. خفت بقوة وذاك اليوم اتصلت من رقم غريب .. وقالت ماقدرت اسويها يا سحر .. قلت لزوجي بسويها وعصب وضربني وبعد بكرى برجع له قلت ياخبله هذا اخذك لعب .. قالت وهي تبكي بموت ياسحر بموت .. انا قبلت اتزوجه .. و حاولت بأهلي لين وافقوا .. و اخر شي يعاملني كذا .. المهم صارت تكلمني وتراسلني
قاطعتها وقلت : لاتعصبين بس جوالها الاول وينه ..!!؟؟
قالت : مدري عنها .. أنشغلت فيها ونسيت لاسأل جوالها وينه .. المهم كلمتني من شوي و قالت انه يبغى يتزوج وزي ماقلتلك انها شارطه انه مايتزوج عليها .. قلتلها قولي اذا بتخطب جيب ورقتي عند اهلي .. بس هي قالت انه ملك وخلص والحين يخطط لزواج بوحده من اقاربه .. وشرايك شتسوي ..؟
قلت : اول شي تروح ..
نقزت .. لما صرخت وقالت : نسيت لقولك شي ترا أبوها مايدري بزواجها
فتحت عيوني ع وسعهن .. وقلت : كيف مايدري
قالت : عايش برا وأمها هي المسؤله عنها
هزيت راسي وقلت : لاحول و لاقوة الا بالله .. اسمعي قولي لها تروح للمحكمة .. وتقولهم انها شرطت انه مايتزوج عليها وهو قبل .. بس الحين مملك .. وتقول أنا ماأبيه ..
سألتها : هي تبغى تطلق منه ..؟
قالت : ايه ودها اليوم قبل بكرى ..
قلت بهدوء : خلاص انحلت .. راح يطلقونها منه .. بدون اي اذن منه
قالت براحه : ريحتني ..
ابتسمت توي بتكلم دق منبه جوالي .. طفيته .. وقلت بعصبية مصطنعه : اطلعي برا .. جاي مستانس برجع انام وانتي ازعجتيني بصديقتك ..
ضحكت
قلت بمرارة : أيــه أضحكي وش عليك .. انا اللي بجلس ساعات اسمع لعبدالقادر باشة ,, آآآخ بس .. متى افتك من هالجامعه ..
قالت : يالله مابقى الا شوي وبتخلص ..
قلت : اي والله بعيش مستانس طوووووووووووووول العمر
قالت : مع شذوو ..
ناظرتها وقلت منصدم : مين قال ابغى شذى ..؟؟
قالت : حرااام عليك .. شذون الكل يتمناها
قلت ببرود : طيب انا وش علي ..!! انا ما ابيها
قالت : بس البنت تحبك ..
قلت ببرود ممزوج بتطنز : من متى ..؟؟ هي مالها الا سبع ايام عندنا وش هالحب ..!!
قالت : طيب كيف ..؟؟
قلت ببرود : الله يوفقها
قمت وابعدت عنها وجلست اللبس نعولي ..
بالله ماتحسون بغرابه ..!! اولآ سالفة دلع طريت الزواج لامي ورفضت وهذي هي راحت ,, ثانيآ سالفة مشعل وعرضه اخته لي ,, والحين سالفة سحر وعرضها بنت عمي علي ..!!! شسالفه ..؟؟ لهدرجه مثقل عليهم .. تصدقون اشوف اني احل مشكلات غيري .. وما قدرت احل مشكلتي شي غريب والله ..
جاني صوتها وهي تقول : حراام عليك البنت عاشقتك من قبل لاتسافر .. بس شتسوي ما قدرت تقولك .. فقالت لي
قلت ببرود : حلووووووه بعد تبي تقول بكل قوة عين أنها تحبني ..!! ما شاء الله
قالت : لالالا قصدي أنها يعني من زمان مخبيه ويوم شافتني فجرت كل اللي داخلها
قلت : وأنا وش علي تفجر ,, تقتل ,, وش علي ..؟؟
قالت : البنت عاشقتكـ ..
قلت بألم : تكفين سحر لا تعذبيني انا اصلآ مافكرت فيها وما ابي افكر ..
وغزيت ع قلبي بصبعي وقلت : سكنه احد غيرها .. وأنا اتمنى قرب هالمخلوقه اللي سكنته .. بس قولي يارب تكون من نصيبي مو من نصيبه ..
كانت تناظرلي بصدمه .. كأنها ما توقعت أقول هالشي .. حسيت ان هذي المعلومات تكفي ..
قلت بتوتر أخفي حزني : اذا ربي ماكتب لنا نجتمع ..
وسكتت .. طلعت بعد ماجمعت كتبي .. دق جوالي .. رديت وقلت بهدوء : الو
جاني صوته يصرخ : قوووووم
ابعدت الجوال عن اذني .. وسكرته بوجهه .. الحيووووووان .. اح فقع طبلتي .. فتحت باب البيت .. ونزلت الدرج .. ورحت لسيارتي .. فتحت الباب الخلفي .. وأنا أضحك ع خبال صديقي .. حطيت كتبي .. وسكرت الباب .. وفتحت بابي .. وركبت وشغلت السياره .. كان جوالي يدق .. رفعته شفت مطلق يدق رديت .. وحطيته سبيكر ..
جاني صوته : حريـقــقــقــقــــــــــــــــــــــــــــــــــــ ـاه
ضحكت وقلت : قايم مو نايم ..
قال : آآخ يالقهر .. ليش منت نايم ..!!!
قلت : حرره
قال : بلا حره بلا عليها بنك .. يالله انتظرك لاتتأخر
ضحكت وقلت : يالله سلام
سكرت منه .. ووقفت عند الاشارة .. تذكرت صدمت سحر .. تنهدت .. ليش تكلمت .. مو احسن لو خبيت كل هذا بقلبي .. هزيت راسي .. ليش يا عبد العزيز معلق أمالك ع بنت .. ما درت عنك ..!! تنهدت .. وأنا ليش أشغل نفسي .. أصلآ هذا مو حب .. هذا أعجاب فقط .. وشذى مادامها تبيني .. عادي .. ياما سمعت عن سوالفها مع رغد , رفيف , سحر .. وكلهم يذكرونها بالخير .. البنت زينة وماعليها كلام .. بقول لامي تخطبها لي .. ايه كذا زين .. ليش افكر ببنت مادرت عن هواي .. تحركت لبيت مطلق وأنا أحاول ادخل هالفكره براسي ..
ركب وقال : السلام عليكم
قلت : وعليكم السلام
قال بأستهبال : هاااااه صديق كم في حساب من بيت انا الى جا..
قاطعته بضحكتي .. قال بعصبية مصطنعه : لاتضحك ماكملت
وكمل أستهبال : هاه صديق كم فلوس من بيت الى مدرسه كبيره
قلت أكمل أستهباله : والله هدا كلف كتير سوف بابا ادفع كمس مية كافي
(( والله هذا يكلف كثير شوف بابا ادفع خمس مية تكفي ))
قال برووووعه : لابوك يا النصاب نزلني نزلني
ضحكت وقلت : والله مدري كيف بعيش حياتي من دونك
قال ببرود : ليه احد قالك بهاجر ..!! عشان تقول بعيش حياتي من دونك ..
قلت بهدوء : لا بس بكرى اكيد بتتزوج ..
نزيت من الخرعة لمــا قال بصراخ : لااا واللي يرحم والديك لاتكمل .. انا ماصدقت اهرب من البيت عشان هالسالفه
قلت : لاتقول الاهل بيزوجونك ..!!
قال : ايه تصدق اللي يسمع كلامهم يقول عله بقلوبهم ..
قلت بهدوء : عندك وعندي خير
قال بحماس : طيب أنا عندي فكره .. تسكت أهلنا وتحرم تطري الزواج
قلت بأستغراب مع ان بداخلي حاس انه مقلب من مقالبه : وش هالفكرة ..؟؟
قال بصوت ناعم : نتزوج بعض
انفجرت ضحك ..
قال وهو يدزن بنعومه : لا تضحك انا اتكلم عن عم ..
أنفجرت بالضحك بقوووووووة .. قلت بعد ماتعبت من الضحك : اتذكر انه جد مو عم ..!!
ناظرلي بستنكار وقال : انت معندكش ((ماعندك))خلفية ..؟؟
ضحكت وهزيت راسي بلا ..
قال : استقال الجد من الشغل لحساب الدولة فصار العم ..!!
وقفت عند الجامعه وانا للحين فاقع ضحك .. قلت : الله يونسك عن جد قصدي عن عم ونستني والله كنت محتاج لهالضحك ..
قال وهو يغمز : اعجبك بأي وقت تبيني انا بالخدمه
مديت يدي للكرسي الخلفي وأخذت كتبي .. نزل قبلي .. نزلت .. وسكرت بابي ..
سمعت يقول : سلام بدت محاظرتي
عدلت ترتيب كتبي ورفعت عيوني له وقلت : وقف بجي معك ..
قال : لالا وجهك نحس اخر مرة شافك معي الدكتور طردني .. انطق بمكانك
ضحكت وشلت المفتاح عن الباب وحطيته بجيبي ..
كنت ميت ضحك ع حركاته كان يمشي ويلتفت لورا ويقول بطريقه مسرحية : وقف ارجوك
ناظرت الساعه شفتها 10و2 ركضت بتجاهه وقلت : بلا استهبال فاتت دقيقتين ع المحاظره
ركضنا .. الحين يجينا عبدالقادر ويفرمنا ..
دخلنا القاعه وجلسنا وحنا نتبسم لعيونه اللي تناظر لنا من ورا النظاره
بعــد مدة ..
مديت يدي لفووق وانا حاس بتعب ... تثاوبت للمرة المليون .. وحركت رجليي المتخدرات .. ناظرت لمطلق وانقهرت ما يصير هو ينام وأنا لا ..!!
مسكت الورقه اللي كتبت فيه كلمات وخربشات من الطفش .. وعفطتها .. ورميتها ع مطلق .. وقلت : مطلللق قوم
فتح عيونه وقال : هااااه
قلت بغيض : وهوواه .. قوم لابارك الله فيك .. نمت وتركتني اسمع لشرح الباشا
قال مطنشني : كم الساعه ..؟؟
قلت : 10ونص ..
فز .. وقال : غريبه عبدالقادر ما جلس عندنا الا نص ساعه ..!!
وجلس يتلفت هنا وهناك ..
قلت بهدوء : لا تفرح بيرجع .. احد الدكاترة طلبه وطلع
قال بطفش : اوووووووه بس مامنه فكه
قلت بقهر : احمد ربك نايم نص ساعه .. المسكين انا جالس اسمع لهذرته .. ولا ما فهمت شي من اللي قاله
قال ببرود : شسوي لك طيب ..؟؟
ضربته مع الراسه .. بها الوقت .. دخل الدكتور معصب ووراه بندر ..
اعطيت مطلق ضربه بكوعي وقلت بصدمه : تشوف اللي اشوفه ..!!؟
مطلق : بالله من تشوف ..!!
قلت وانا عيوني ع اللي قدام : بندر ورا الدكتور ..!!
مطلق : اييه شفته .. وخلصت .. عاد تصدق حسبتك شايف ملكة جمال انجلترا .. ولا احد ممثلات مشهورات
قلت وأنا للحين مو مستوعب : صدق ..!! هو موجود ..!!
قرب لنا وقال : السلام عليكم
ردينا السلام .. لفيت وجهي .. لقدام اناظر الدكتور .. مو عاجبته وقفت بندر قدامنا ..
سمعت مطلق يهلي فيه ويقول : هلا هلا
شفته وقف .. يبي يسلم عليه .. بس الدكتور عبدالقادر قال بصراخ : بعد ماتطلع من المحازرة التم انت وياه بقهنم وتبوسوا لحد ما تشبعوا
(( بعد ما تطلع من المحاضرة تقابلوا أنت وياه بجهنم وتبسوا لحد ماتشبعون ))
جلس مطلق .. بسرعة الصقر .. كتمت ضحكتي .. جاني صوت بندر وهو يقول : اخبارك عزوز ..!!
ناظرت له .. وقلت بعد فتره : الحمد لله وأنت ..!!
قاطعني صراخ الدكتور : هدوووء .. وأنتا ياواد أوعد بمكانك
(( أنت ياولد اجلس مكانك ))
أبتسمت بندر وقال : بشوفتك بخير ..
وابعد عنا وراح وراء .. سمعت الباشا .. يكمل شرح .. بس ما هتميت .. كنت اناظر بندر مستغرب فيه شي متغير .. لما انتبه ان عيوني تناظر له .. ابتسم بهدوء .. معقوله يكون سواها وماخرج ..!!؟
لفيت وجهي وافكاري توديني وتجيبني
الزمن 10:35 صباحآ
رجعت بالذاكرة لست شهور
وقفت قدامه وقلت بعصبية : لا تقرب ناحيته ..
قال ببرود : مو أنت اللي تحدد وش اسوي ..؟؟ ومن أقرب له ..!ّ
شديت ع يدي لأقوم وكسر سنونه وقلت : جاك العلم يا فهد
ناظر ساعته وقال : اخرتني ممكن تبعد .. وتشيل الزفت معكـ
كنت بشوته بس مسكت نفسي .. وقلت : صدق حثاله
نزلت بأتجاه الجسد الملقى .. وأنا أسمع ضحكت فهد .. وشلت الجسد بين كفوفي .. وحطيته بالسياره ..
وقلت لمطلق : سوق انت انا تعبان
رحنا لاقرب مستشفى كلنا يا الثلاثه بنقالات ..
قمت لما سمعت صراخ التفت ادور الصوت المصدر الصراخ .. بس مافي شي ..!!
يمين ,, شمال ,, قدام ,, ورا ... مافيه صوت ..
يالله توي متأكد سامع صوت التفت بشوف شكل الشباب كان عادي .. منهم يسولف .. ومنهم يضحك ..
كانه مافي شي .. اييه يمكن من كثر التفكير .. أنتبهت لدكتورنا الكريم .. يهاوش .. بس ماأدري وش كان يقول .. طنشت .. شفت شاب قدامي يقول بهمس : خل صديقك يعطينا وحده اعلى ..
!!؟؟؟ .. مافهمته .. وش قصده هذا .. قلت : ايش ..!!
التفت ع مطلق لما شفت يديه تطير بالهوا .. وشكله يشرح قال بصيغة سؤال : اعطيك الحين ..؟؟
ابتسم الشاب .. وهز راسه .. ولف وجهه عنا ..
شسالفه ..؟
ناظرت لمطلق وقلت : وش يبي ..؟
قال بهدوء : يبغى أغنية
قلت مستفهم : اغنية ..!! وش اغنيته انت وخشتك ..؟؟؟
قال بهدوء : اللحين تشوف
جلس يشتغل بجواله .. وانا يوم شفته طول .. تعدلت بجلستي .. وجلست اناظر لسبورات المليانة كله شرح بأزرق ..
جلست أفكر بكلام سحر : تحبك من قبل لاتسافر ..
هل معقولة تحبني كيف هي ..!!
قاطع تفكيري مطلق يناديني ... قلت : سم
قال : سم الله عدوينك .. اختار اغنية ..
مع اني ماني فاهم شي .. بس يالله خلينا نختار .. ثنيت يديي .. وحطيتهم ورا راسي .. وسندت جسمي بأكمله ع الكرسي ..
وقلت بهدوء : الوسمي ..!!
قال : ماعندي ..
قلت بتفكير : اممم طيب عبدالمجيد ..!!
قال : ماعندي ..
قلت : وشعندك بالله ..؟؟
قال : جميع الاغاني ماعدا الوسمي وشلته وعبدالمجيد وشلته
قلت بأستغراب : الوسمي وعبدالمجيد ما عندهم شلل ..!!
قال : كمل بلا تفلسف
ناظرت لشباب اللي ينادون مطلق
قلت : بالله وش يبون هذولا ..؟؟
قال : انت اختار وتعرف ..
قلت : عندك راشد الماجد ..؟؟
قال بحماس : ايه .. وش تبغى من اغانية ..!!!
قلت ببرود : مدري كيفك ..
قال بحماس : تبغى الحب خالد او بلا حب بلا وجع قلب او نسيناكم او ..
قاطعته بسرعه وقلت : بلاحب ..
قال : ماعندي هالاغنية ..
ناظرت له .. فقال : والله ..
قلت : طيب ليش تقولها من الخيارات ..؟؟
قال مبتسم : زيادة عدد .. هاه وش تبي ..!!
قلت بهدوء : نسيناكم ..
قال : ابشر بعزك ..
ركب سماعات الجوال .. وثبتها ع اذانه .. ورجع يحوس .. توي بلف وجهي عنه .. بس لفتني مقطع الفديو شفته سحب سلك السماعات .. وطلع صوت قوي بانحاء القاعه .. يصرخ : مــــاعـــاد بقلبنـــا ذكرى نسينــــاكم ولا لايا..
رجع السلك .. وسو نفسه يكتب .. انا صراحه ماقدرت امسك نفسي .. وانا اشوف الدكتور يصرخ : ابن امه ده يوآف اودامي ويغرد بصوته
( ابن امه هذا يوقف قدامي ويغرد بصوته )
مسكت الدفتر وحطيته ع وجهي .. خلاص بموت من الضحك .. حاولت أكتم الضحكه ماقدرت ... لما كل الشباب فقعوا ضحك ضحكت معهم ... عندي صديق مخفه خبل .. لما حسيت ان القاعه بدت تهدى .. وخرت الدفتر عن وجهي .. وجتني جلطه ... الدكتور جاي لي وعيونه ما طمن ناوي شر .. صراحه مدري شسوي .. مالقيت الا اني اضرب مطلق ع رجله مثل قولة ساعدني ..
شفته يصرخ بعد ماضربته .. ويقول : من معه منديل ..!!
الدكتور : اسكت
مطلق بهدوء : دكتور عبدالعزيز مزكم ..
مسكت نفسي عن الضحك .. وأنا أشوف مطلق يشرح له .. كيف ان السخنة تأثر بشكل مخيف علي .. وتخليني اضحك .. ومن خرابيطه .. حطاني عند الدكتور مريض .. الا مو مريض حطاني مجنون .. صراحه لما شفت الدكتور كانه مندمج .. ماصدقت .. وشلون يصدق خرابيط مطلق ..!! بس الله حق استانست اخيرآ مطلقوة يعرف يسوي شي مفيد .. أوف طفشت من الوقفه بقعد ..
لما حركت رجليي .. ناظرلي الدكتور وقال : من امتا وانت مصاب فيها ..؟؟
( من متى وانت مصاب فيه )
قلت : من ..
قاطعني مطلق وقال : اسبوعين
سكتت وجلست ..
قال مطلق : عزوز حاس بصداع ..!!
ناظرت له من طرف عين وقلت : لا ..
قال الدكتور : انت لازم تروح للمشفى ..
قلت بهدوء : لاوجع بسيط ويعدي ..
قال : اخاف يكون متل اللي فبالي وتكون الحمى الشوكية ..
( أخاف يكون مثل اللي بالي وتكون الحمى الشوكيه )
قلت بدون تفكير : فال الله ولا فالك يالخبل
عيونه اشتبت شرار .. وانا ماسويت شي غير اني بلعت لساني .. سمعت ضحكة مطلق .. وياعلك لسم كلها منك
لف الدكتور وقال بعصبية : تدحك ع ايه ياحمار ..!!
( تضحك ع وشو يا حمار )
ناظر لي مطلق بعصبية وقال بعد ماسكت : انا قايل له أكشف اكيد فيه مرض مميت ..
قلت بغيض : مرض ياخذ عمرك ..
الزمن 11:00 صياحآ
قال : اخاف يكون متل اللي فبالي وتكون الحمى الشوكية ..
( أخاف يكون مثل اللي بالي وتكون الحمى الشوكيه )
قلت بدون تفكير : فال الله ولا فالك يالخبل
عيونه اشتبت شرار .. وانا ما سويت شي غير اني بلعت لساني .. سمعت ضحكة مطلق .. وياعلك لسم كلها منك
لف الدكتور وقال بعصبية : تدحك ع ايه ياحمار ..!!
( تضحك ع وشو يا حمار )
ناظر لي مطلق بعصبية وقال بعد ماسكت : انا قايل له أكشف اكيد فيه مرض مميت ..
قلت بغيض : مرض ياخذ عمرك ..
ضحك كل من بالقاعه وهو ابتسم ..
صرخ الدكتور : ايه ياواد منك له انتوا تدحكو ليه ..؟؟
( هيييييييه ليه تضحكون أنت وياه )
وصص ولاهمس بعد هالكلمه ..
ورجع ناظرلي وقال : انتبه ع نفسك ياواد
( أنتبه ع نفسك ياولد )
جلس بجمبي مطلق .. وهو مبتسم ناظرت له بنص عين ابتسم أكثر .. كنت بضحك بس كتمتها ..
وأخيرآ ... بعد مدة طووويلة ..
وقفت ع رجليي .. ومددت يديي .. الله يازين الحرية .. ياناااااااااااااااس ..
ضربته وقلت بغيض : قوووم ..
قال بخدر : بنام حرام عليك ..
قربت لاذنه وصرخت :حريقاااه ..
قام مسرع .. وطاح .. ضحكت وقلت : تســـتـــــــــــاهل
قال : لابارك الله فيك يالخبل ..
قلت : الخبل ولدك ..
قال يستهبل : من سامي ولا سامي ..!!
قلت اكمل معه : لاهذا ولاهذا ولدك سامي هذاك ..
ضحك وقال : اها قصدك الابيضاني ..!!
قلت : يااسخفك ..
الزمن 1:5ظهرآ
قلت : يمه قلت ماني جوعان والله ..
امي : يايمه بس لقمة ..
قلت بهدوء : طيب ..
نزلت كتبي ع الطاولة .. وقربت لهم .. اكلت اللقمه الاولى .. ورفعت عيني منزعج من صوت غريب .. شفتها نازله ع الدرج .. كسرت عيوني ونزلت راسي بسرعه ..
سمعتها تقول : او سوري ..
وصوت كعبها يخرق اذاني ..
أوف من بنت ماتستحي .. دايم الدوم وهي بوجهي وعذرها كالعاده ..
همست بغيض : سوري ..
امي : قلت شي ..
رفعت راسي وقلت بهدوء : لااااا ..
قمت من السفرة وقلت : أنعم الله عليكم
قالت امي : وش كليت يايمه ..
قلت : بسني يالغاليه ..
قالت : كيفك أجل ..
رحت لجهة باب الصاله وفتحته .. ورحت لمجلس الرجال .. و بعد ما غسلت .. رميت نعولي .. وانسدحت ع الكنب .. ما أبي ادخل اخاف اشوف شهد .. هالبنت صراحه مدري هي ليش كذا .. لبسها ,, اسلوبها ,, كلامها .. يووه كلها ع بعضها تجيب القرف ..
حطيت يدي تحت راسي .. وقلت بصوت خافت : معقولة تكون شذى مثل اختها .. وليش لا ..؟؟
لفيت ع جمبي بصعوبه .. وقلت بيني وبين نفسي .. وأنا ابتسم .. دلع كيف شكلها ..؟؟ طولها ..!! جسمها ..؟؟ شعرها ..!! عيونها ..؟؟ صوتها ..!! وجهها ..؟؟ هل هي مثل ما تخيلتها ..؟؟ من كلامها ..!! بنوته عصبيه تحب الكل .. شعرها قصير بقوة .. وقصيرة .. ونحيفه .. ووعيونها كبار .. ووحبوبه من الجميع ..
تنهدت وقمت وجلست ع الكنب .. ليتها من نصيبي ليتها ليتها آآه بس ..
فزيت ع دق الجرس .. قمت وأنا أحك شعري .. لبست نعولي .. ولما سمعت صوت طق الباب ..
قلت بصوت عالي : طيب ..
قربت للباب .. وفتحته .. ماكنت اشوف شي من اشعة الشمس
جاني صوته لما قال : السلام عليكم ..
قلت بوناسه : وعليكم السلام .. ياهلا والله بياسر ..
وصافحته وسلمت عليه
قال : هلابك
>> عرفتوه ...؟! هذا زوج أختي رغد
قلت وانا ما أفلتت يدي عن يده : اخبارك ..؟؟
قال مبتسم : تمام الحمد لله وانت ...!!
قلت وانا اسحب يده للمجلس : بشوفتك بخير .. تعال اجلس عندي تقهوى وقول اخبارك ..
قال : لالا خلها مرة ثانية ..
وقفت وقلت : بس فنجال ..
قال مبتسم : تسلم والله مرة ثانية ..
وفك يده عن يدي بهدوء ..
قلت : بس اشرب لك فنجال ..!!
قال بهدوء : فنجالك مشروب .. بس اذا ماعليك أمر خل رغد تجي ..
قلت امزح : لاتخاف اللحين تجي طايرة لما تدري انك فيه ..
اكتفى ببتسامة ..
رحت مسرع لباب الصاله بعد ماوادعته .. ولزمت عليه يجي لنا بعد بكرى .. شفتها جالسه مع رفيف .. ياكلن مكسرات ..
ابتسمت ورحت لها وقلت : السلام عليكم
ردن السلام .. قلت لرغد : قومي حبيب القلب وصل ..
فزت وقالت مرتبكة : اللحين ..!!
قلت بترياقه : لا أمس ..
اعطت رفيف ضربه محترمه ع راسها .. وقالت : قلتلك بيجي الله يخسك .. لا استشورت شعري ,, ولا تمكيجت ,, ولا طلعت لي لبس .. اووف كلها منك انتي ومكسراتك ..
وطلعت ع الدرج مستعجله ... شفت رفيف عصبت وقالت بعد ما بلعت المكسرات : ما بك خير يادوبا .. يوم بلعتي نص المكسرات .. وصارن يفحطن بكبدك , وبنكرياسك , وامعاك .. جلستي تلوميني ..!!
ضحكت وقلت : اما عاد المكسرات يفحطن بالكبد والبنكرياس مايصير ..
قالت وهي تناظر لتلفزيون : تركنا كتب الأحياء لك .. انا بنت ما يهمها غير الجاحظ , وكتب البلاغه وعلم النفس ولا بعد تخب علي ..
ضحكت وقلت : صدق بنت ادبي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك