رواية لطفاً ورفقاً بي يازماني -4
ياسلام باخذ حريتي من جلالي مدة طويـــــــــله ... تنهدت .. والتفت على علي وقلت : اخيرآ اعتدل حظي
ما رد .. يعرف يحقر هو وخشته .. بروح افحط بالبيت قبل لايجي سعود .. تراجعت وسرحت شعري وربطته .. وطلعت .. اووه وجدان مطوله صوت التلفزيون .. آها اكيد خالي مو فيه .. عشان كذا مستغلة هالشي .. مشيت على اطراف اصابع رجليي .. ورفعت جلابيتي عن مستوى الارض .. كنت بداخلي احاول اطلع امي من بالي .. وارجع دلع اللي قبل .. وأبعد هالكابوس اللي شفته .. عشان كذا غصبت نفسي وحاولت افكر بمقلب بسويه في وجدان ..
لمحت سولا تناظر لي بأستغراب .. ابتسمت بوجهها .. وحطيت السبابه على فمي وقلت : اششش
مشيت على الدرج شوي شوي ولما وصلتها هزيت يدي بالهوا وقلت بهمس : وين وجدان ..؟ ..
سولا : what..؟؟
(( ماذا ))
تعديتها وقلت : ماعليك ..
نزلت اخر درجه وانا امشي على حبه ونص .. تذكرت نغمة النمر الوردي .. تن ترن ترن تراا ترررراا ..
وايقت شفتها جالسه تبسم .. التفت لتلفزيون .. واستغربت .. حاطه على دعاية عطر .. تضحك على ايش ..!؟ بسم الله أصوات الرجال هذا من وين طالعه ..
دخلت بسرعه وقلت : هالوووا ..
تقدمت منها وقلت : وطي صوت التلفزيون لأعلم عليك ...
حطيت يدي ع خصري وصرت اقلد كلام الامارتيين : خالوة
مدري ليش حسيت وجدان تبكي قبل لا اجي لها .. الوجه والخدود محمرة .. وشفيها .. لا هذي هي تبتسم .. يمكن يتهيالي .. كانت تحرك شفايفها كأنها تخبرني عن شي .. مافهمتها ..
فقلت مستغربه : قلتي شي ..؟
لما حمر وجهها زيادة .. قلت : أقول وجدان من شوين سمعت صوت رجال يضحكون ويسولفون سمعتـ ..
فقلت مستغربه : قلتي شي ..؟
لما حمر وجهها زيادة .. قلت : أقول وجدان من شوين سمعت صوت رجال يضحكون ويسولفون سمعتـ ..
: احم احم
وقف شعر جسمي ..معقوله ..!!
لفيت وليتيني مالفيت .. شهقت .. وحطيت يدي ع فمي امنع شهقاتي الثانيه .. حاولت اتحرك بس رجليي مو راضية تتحرك .. كالعادة لما اطيح بمواقف محرجه ..
لا تبتسم لا تبتسم .. يالله نزلوا عيونكم .. نزلوها .. ياربي رجليي انغرست بالأرض .. ومن المستحيل احركها ..غمضت عيوني بقوة ..
دلع حاولي تحركين .. حاولي ..
حسيت بأحد يحركني .. فتحت عيوني .. لقيت وجدان متشبثه فيني .. تحركت بسرعه بدون لا التفت .. عارفة اذا التفت بشوف شي مو عاجبني .. وبنجلط بعــــــد ..
هذا وش جابه!! .. وايش يبغى!! .. مين معاه؟؟ .. اوف راسي بينفجر ..
فتحت باب غرفتي .. ولمن شفت علي .. حسيت بتعب وخمول .. راسي بينفجر .. ماقدرت اتحمل ..
بصيح بس مو قدام علي .. لا لا مستحيل اصيح قدامه ..
اسرعت بخطواتي للحمام .. سكرت الباب وجلست على الارض ..
كيف ..؟ كيف جا ..!؟ هو .. هو بال .. مو فاهمه .. يعني جاي!! .. دلع وشفيك؟؟ .. قومي .. عادي .. ولا كان شي صار .. بس .. قومي .. قومي .. هاه ..
قمت عن الباب ووقفت ع مراية الغساله .. وافكاري توديني يمين وشمال .. جلست اناظر وجهي عشان ابعد افكاري .. تنهدت وجلست اللعب بشعري .. بعدها بشرتي .. بعدها فتحت درج المراية .. وجلست ارتبه .. اشغل نفسي .. سكرت الدرج .. وجلست اناظر المراية ..
يعني اليوم أنا حالمه بكابوس .. وبعد طحت موقف يرووووع .. لالا أنا متأكدة .. أنا سمعته .. والله سمعته ..
فزيت لما دق الباب ..
يمه بغيت اروح وطــي .. تنحنحت .. جاني صوت علي وهو يقول : انتي هيه .. وجدان واقفه لها ساعه .. عند الباب .. تنتظرك .. يالله اطلعي ..
قلت بغيض : زيين ..
بللت وجهي بموية .. وطلعت .. شفت علي .. منسدح على السرير وقدامه الاب .. رحت لجهة الباب وفتحته .. ماشفت وجهها .. كنت متوترة .. متأكدة انها تناظر لي .. شفتها رفعت يدها لي .. اخذت الجوال .. من راحه يدها .. وحطيته بجيب جلابيتي .. وسكتت .. رفعت عيوني لها .. ونقزت لما انفجرت من الضحك .. ناظرت لها مستغربه .. قربت لي وضمتني .. وجلست تدور فيني .. شفت علي يطالع مستغرب .. وياشر بيده .. شسالفه ..
قلت وانا منفجعه : ما أدري
بعدت عني وقالت : بيتحقق حلمي بيتحقق ..
قلت بأستغراب : ايش هو حلمك ..؟؟
فتحت يدينها وصارت تدور بوسط غرفتي ..
وقالت : بتزوج حمدان .. واي
ناظرت لعلي اللي رفع يديه ويتحمد الله على العافية ..
قربت لي وقالت : حمدان .. حمددان ..
قلت : اووه ادري ان اسمه حمدان بس منو هذا ..؟
قالت : ربيع سعود .. ساكن بالبحرين ..
قلت : يحليله والله (تذكرت اني ما شفت معاهم حرمه بالمجلس ماغير خالي وسعود وشايب وهذا حمدان كيف تتم الخطبه وأمه أو أخته مو فيه .. يعني هذي عاداتهم ..؟؟) طيب كيف ومتى خطبك ..!؟
قالت : من ساع خاطبني .. شفيج .. يوم تدخلين علينا وهو ..
حطيت يدي ع فمها اسكتها .. ابعدت يدي وقالت : علامج ..!؟!!
مسكتها بقوة ,, ورصيت ع فمها ,, وعضيت ع شفتي .. الحين بيذبحني .. غمضت عيوني لما صرخ ..
جاااك الموت ياتارك الصلاة .. بعد ثواني .. فتحت عيني اليمين .. واستغربت ..!! ماجتني ضربه من هنا .. وفتحت عيني اليسار .. ولا هنا .. وابعدت يدي عن فمها .. وحطيتها على خدي .. ولاجاني كف .. تلمست شعري .. ولا جتني مست شوشه .. شسالفه .. تعدلت بوقفتي ولفيت نظري له .. كان متحمس وهو يناظر الشاشه ..
سبحان من يغير ولا يتغير .. اللي قدامي علي!! .. مو معقوله .. وين اللي اذا كحيت بوسط السوق .. شرشحني .. ورماني بدون تفاهم بالسيارة وشحني طوالي للبيت ..
قلت : علي ..
مارد .. يعني هو ما انتبه .. للي قالته .. الحمدلله ..
التفت لوجدان .. وضربت على كتفها بقوة .. وقلت بهمس ممزوج بغيض : ياملا الهندري بغيت توديني بستين داهية ..
ناظرت لي مستغربة .. ويدها على كتفها ..
قلت بغيض : امشي جدامي .. يخرب بيتك .. أمشي واوعك تفتحي فمج
قالت : هيه وشفيج كل دقيقه محوله على لغة ..
قلت : ملكش دعوة .. انتي بس امشي لا بارك الله فيج ..
وضربت راسها مع وراء ..
قالت متنرفزة : هييه لاتستوين ثجيلة دم .. وتطحين فيني ضرب
قلت بتحطيم : اوف بس .. طيب ..
طلعنا انا وهي لغرفتها ... جلست بسرعه على السرير وجت و جلست مقابلي
قلت : اسمعي ..!!
قالت : اوكِ ..
قلت : افهمي .. !!
قالت : اوف يالله تحجي ..
قلت : مستعدة .. !!
قالت بطفش : هيه
قلت : نبدا ..!!
قالت متنرفزة : اووف هيه
قلت : متأكده ..!!
قالت بعصبية : دلـــــــــــع
قلت : ماتبين اتصال بصديق ..!!
اجابتني قرصه او قبصه على فخذي .. مسحت بيدي على مكان القبصه وأنا اتوجع ..
وقلت : حشى مو يد انثى ناعمه ورقيقه يد ديناصور اح أححح ..
عصبت وقالت : قولي ماشاءالله
قلت : ماني قاي ..
سحبت كلمتي لماشفتها ناوية تقبص وقلت بسرعه : لااله الا الله .. ما شاء الله تبارك الله
ضحكت وقالت : هيه ناس ماتيي الا بالعين الحمراء
قلت : ايه المهم وش كنا نتكلم فيه .. ؟؟
قالت : والله ناسيه ..
قلت : اتذكر اننا بدينا .. والله ما أدري ..
سمعت صوت جوال يدق .. دخلت يدي بجيبي .. وأنا مبتسمه .. اخذت جوالي .. كشرت لما جاني صوت وجدان وهي تقول : مرحبا الساع .. اخبارج .. وييييه .. عارفه دومج بوتمبه ..اوه سدي حلج ..
كنت اناظرها وابتسم .. احس اللغة الامارتية لغه غريبه جدآ .. خخ .. احسن كلمه اعجبتني هي صخي .. يعني اسكتي .. عجبتني .. وبعد اعجبني امم .. ايه .. الحوي .. وتحجي عدل .. وو خالوه وأميه ..
تنهدت وقمت من السرير ورحت لنافذة ووقفت عليها ..
ذكرى امي تطاردني ..
فجر الاربعاء 7|12 .. متلائم مع وقت عزوز
الزمن 12:5 صباحآ
فتحت النافذه .. كانت على الحديقه .. اخذت نفس .. وحطيت يدي على النافذة .. وبديت احكي لامي أخر أخباري ..
آآآه بس فديتك يايمه .. تصدقين اشتقت لهواشك وصراخك علينا .. وضربك لي لما احارش واتي .. ايه واتي اللحين عند خالتي .. بتسافر بعد كم أسبوووع .. أبتسمت .. تلقينها الحين تتهاوش هي وماجدة وماجد .. تصدقين عند خالي خدامه اسمها سولا .. الله يكفيها شري .. اليوم زعلت من علي .. وحطيت حرتي فيها .. آآآه يايمه تصدقين علاوي صاير بعض الاحيان مطيع وهادي .. ومايصرخ .. كلنــا أشتقنا لك .. مسحت الدموع اللي نزلت .. اليوم اول يوم .. صارلي فيه موقف .. طلعت بوجه خطيب .. اوه نسيت لقولك وجدان انخطبت للي تمنته .. يمه توقعين لو انتي فيه .. كنت بكره رايد والرجال كلهم!!! .. تصدقين الحين لو مر شاب من عندي .. كرهته .. احس بحقد عليه .. تصدقين يمه حتى سعود اكرهه ما أطيقه .. الوحيد اللي ارتاح له هو خالي .. آه يا يمه مشتاقه اتقهوى معاك .. ذاك اليوم كنت اعيد ذكرياتي معاك .. لقيت ان لك 5 أيام ما طلعت من غرفتك .. وكنت انأ اللي اروح لغرفتك .. وانتي مانزلتي .. توقعت ان اللي فيك بس ارتفاع ضغط .. مسحت دموعي .. بعض الاحيان اللوم نفسي واقول لو سألتك بيوم وشفيك .. كان اللحين أنتي عندي .. استغفرالله .. انتبهي يادلع لو تفتح عمل الشيطان ..
: دلع
لفيت عليها بدون لأتحرك .. وقلت بهدوء : هلا
.. ناظرتها انتظرها تتكلم بس كانت ساكته ..
قالت : في خاطرج شي قولي فضفضي لي ..
ابتسمت .. شفتي يمه .. آآه مدري كيف بوفي جزاهم .. وجدان , سعود , خالي .. حاطينا فوق روسهم .. ليش احسهم اغراب ودايم شعوري اني جالسه عند ناس ماعرفهم .. تتوقعين بيوم بعيش معاهم مرتاحة ..؟؟؟
تنهدت وشلت يدي عن النافذة وقلت وانا اقرب لها : توقعين في يوم من الايام برجع دلع اللي الكل يح ..
انفتح الباب فجأه وصرخ : تم تم كل شي تـــــــــــم
صرخت وجدان وراحت له .. وضمته .. لما ما انتبه لي أسرعت .. و تخبيت ورا الستاير .. حسيت نفسي غبية ليش ما دخلت للحمام ماكان احسن لي ..
لما جاني صوته حسيت بالفشيله ودموعي بدت تصب .. تدرون وش قال ..
سعود : وجدان منو اللي خاش ورا الستاير ..؟
ضحكت وجدان وقالت : هاي دلع
سعود : اوه مالقت الا هالمكان تخش فيه .. احووج شو هاليد عليج .. سوري دلع .. ماكنت عارف انج هنيه ..
وجدان : خلاص اطلع
سعود : هاه لا خليني وياج ..
صرخت وجدان : ابوووويه
سعود : اووف انزين مالت عليج
اتسكر الباب .. بعده جاني صوت وجدان : دلع طلعي لاتقولين عيبج المكان ..
لفيت عيوني باتجاه النافذه ومسحت دموعي .. تنحنحت اعدل صوتي وقلت بمزح : تبين الصراحه عجبني ..
ماسمعت صوتها .. لفيت وفتحت الستاير شفتها منسدحه وتناظر للا مكان ..
همست : وجدان
ماردت ..
قربت لها وناديتها : وجدان ..
.. قامت فجاءه وضمتني .. وهمست : دلع خبريني شلي معذبج .. ؟؟ أعتبريني مخدتج اللي بتحفظ كل أسرارج .. وبتساعدج أذا طحتي بمشكله .. قولي علامج ..!!؟؟
تشبثت فيها بكـــل قوتي .. وقلت بضيق : والله مشتاقة لها .. مشتاقـــة لريحتها .. لضحكتها .. لتعصيبتها .. لاوامرها .. لمزحها .. لضربها .. مشتااااااااااااااااااقة .. والله بعض الاحيان .. أقوم من نومي وأقول كل هذا كابوس .. أمي ما ماتت .. كيف .. توها صغيرة .. توها ..
أبعدتني عنها .. وجلستني على السرير وقالت : دلع ما بلومج على احاسيسج .. بس المفروض .. أنج أذا اشتقتي لها .. تجلسين وترفعين يدينج لربج .. وادعي أن ربج يجمعج فيها .. ادعي يادلع ..
حاولت أمسك دموعي ,, وانا اسمعها تنصحني .. وتنبهني على نفسي وعلي ..
لفتتني لمحة الحزن بعيونها لما قالت : أنتي عشت مع أمج .. ضحكتي معاها .. عرفتي ملامحها .. بكيتي على صدرها .. زعلتي منها وعليها .. أنا ما جربت من هاي الاشياء شيء أبد .. ولدت يتيمه مو عارفه .. وين أميه .. كنت أذا تعبانه .. اشكي حالي بنفسي .. أذا قمت من نومي خايفة .. ما كان هناك من يهديني .. ويحاول ينسيني وش مزعجني ..
تهت بعد كلمتها .. للمـــاضي البعيد ..
قبل سنوات عديـــدة ..
قمت مرتاعه وصرخت : يممممممممممممممممممممماه ..
بعد ثواني أنفتح الباب وجاني صوتها الخايف : وشفيك ..؟؟
قمت من سريري ورحت لها وضميت بطنها وأنا أبكي .. ضميتها بقووووتي ..
وقلت وأنا أشاهق من البكي : لا ..لا تخـ تخـليـ ني .. نامـ ي عنـ د ي الـ يـو م ..
شالتني وضمتني لصدرها وقالت : بسم الله عليك .. بسم الله عليك .. بسم الله عليك ..
سدحتني على السرير وجلست تحته .. وهي تقرا ما حفظته من القران .. حسيت براحه ..
وقلت بتعب : يمه أبوي ليش يصرخ ..
مسحت على شعري وقالت بألم : قولي الله يهديه .. قولي ..
غمضت عيوني وقلت : الله يهديه ..
حبت راسي .. وانسدحت بجمبي ..
حاولت أرســـم على وجهي أبتسامه .. لما خلصت كلامها .. ناظرت لها وقلت : مشكورة يا وجدان ..
قالت : اتمنى اني أتجرب منج وأكون شرات اخت لج ..
قلت بمزح مصطنع : أكــــــيد يا اختي أنتي .. أنتي شرات أختي وأكثر فديتج والله .. هاه وشرايج فيني ويا لهجة الامارات ..؟
ضحكت وقالت : أنصحج لا تتحجين جدام أحد لغتج يا حلوووة ...
قلت : ليش وشفيها لغتي .. خباااااااااااااااااااااااااااااااال مناج مناج تكونيين مثلي .. أأأ قصدي شراتي ..
ضحكت .. طق الباب ..
وجدان : منووو ..؟؟
سولا : your father want you
(( أبيك يريدك ))
وجدان : ok
قامت وقالت : ياربي مدري وشلون بتعيشون من دوني ..
قلت : هاااااااااه ..؟؟
قالت بدلع : بكرى بروح ويا حمدان .. جيف بتتحملون تعيشون من غير ماتجوفوني .. وتأخذون رايـ ..
قاطعتها وقلت بترياقة : أحلفي بس .. أقول أمشي ..
وكملت بدلع وأنا أمشي للباب : لأ شوتج ..
فتحت الباب .. وطااااااح قلبي ..
لما شفت نعول رجال قدام عيني .. بلعت ريقي بصعوبه .. وغمضت عيوني ..
ليكووووووون سعود لا يارب رحمتك .. يااااااااااااارب ..
فتحت عيوني لما جتني كفخه على راسي .. رفعت راسي .. شفت علي قدامي .. حطيت يدي ع مكان الكفخة
وقلت : أأأأأأأأح ليش تضرب ..؟؟
ضربني مرة ثانيه .. وبنفس المكان وقال : ليش أضرب أنا أعلمك ليش أضرب .. مرة ثانية يالخبله .. أذا طلع بوجهك أحد وما تدرين من يكون .. بس ميقنه أنه رجال .. مو تنزلين راسك .. لا أما قولي ( نعم صوته وصار يقلد البنات ) وراك وراك .. أو أدخلي بأي غرفة .. فهمتي ..
وضربني للمرة الثالثة .. قلت : عمـــــــــــــــى ..
وأسرعت لما شفته ناوي يكمل تكفيخ ..
دخلت غرفتي وسحبت الجلال من التسريحه .. ونزلت مسرعه ع الدرج .. امم ميته جووع .. دخلت المطبخ وجلست اهمس : اشكي بالليلي والحق الليل بنهار ..
حالي عصيبآ والله اللي داريبه ..
هممم هامم همم ..
فتحت الثلاجه وجلست افكر : وش اخذ امم ...
انتبهت لخيار .. اخذته وانا مستانسه : واي ربي يحبني
.. وقطعته شرائح .. يمي امووت بالخيار وخاصه مع الملح .. يطلع رووعه .. يعجبني الشي المالح مثل .. امم ايه الجبنة المالحه .. وو شيبسات افضل ليز ملح وخل .. ويعني اموت بكل شي مالح ..
سكرت باب المطبخ .. اخاف يدخل سعود علي فجأه ..
حطيت الصحن ع الطاوله وجلست أكل .. تفكيري بأمــــــــي ..
فزيت لما جاني صوت وجدان : يازطيه ليش تاكلين وماتقولين لي اكل وياج ..؟؟
اخذت قلاص المويه من الطاولة وشربت منه .. ولما حسيت النفس رد لي .. ضربتها بكتفها وقلت بغيض : ياملا الهندري وقفتي قلبي ..
قالت وهي تحك مكان ضربتي : احووج يدج يد ديناصور مو بيدي
قلت : اسكتي بس .. نشبتي اللقمه بحلقي ياملا الهندري ..
قالت : علامج متصادقه انتي والهندري شنو معناته ..؟
قلت بهدوء : حمى تجي الانسان وبسرعه تقتله
شهقت وقالت : وانتي خبله تقولينها لي ..
رفعت يدي وقلت : يارب تصيبها حمى الهندري
ضربتني من كتفي وقالت : هيه فال الله ولافالج .. اسحبي دعوتج
قلت : نو واي
قربت بتضربني .. قلت : والله لو ضربتيني لا آآآي .. أنتي وشبلاك بس تقبصيني ..!!
قالت : لاتهددين لابارك الله فيج .. صج مابك ذوق ولافي اخت تقول لاخته جي
قلت : اعصابك ياحلوة امزح
قالت : اسميج ترفعين الضغط
ضحكت وقلت : وشو اسميج الله ياخذ عدوينك
قالت مستغربه : مافهمتج
قلت وأنا اضحك : الحمدلله انك مافهمتيني لانك اذا فهمتي بتفقعين ضحك علي
قالت : شووو جايفه جدامج مهرج ست دلع ..!!
قلت وانا اقلد لهجتها : لا الشيخه شايفه جدامي بنت خالوة و اختي وجداني
قالت : ياخدية وجفيها لغتج الاماراتيه متكسره وحالتها حاله ..؟؟
قلت وأنا احاول اقلدها : او انج تطنزين صخي يا يا امم ايه وجداني
قالت : اووف منج ليه تقولين وجداني اسمي وجداااااااان ..؟؟
هزيت كتوفي وقلت بصراحه : دايم اذا قريت روايات يدلعون شيخه شيخاني , شوق شوقاني , ريم ريماني , سيف سيفاني .. فقلت اكيد كل بنت ولد اماراتي هذي تدليعته
ضحكت وقالت : خدية وطول عمرج خدية طيب قولي لي امم سعود وش دلعه الاماراتي ..؟؟
قلت بسرعه : سعوداني
فقعت ضحك وقالت : بنفجر بسبتج شنو سعوداني انتي ويهج ..
.. تعدلت وقالت : امم علي
قلت : لاما بقول عشان ما تضحكين علي
قالت بترجي : قولي بس هالاسم ابا اضحك من زمان ما ضحكت جي
قلت ابتسم : يسعدني اني اكون السبب في شوفت ضحكتك الحلوة علي علياني ولعيونك ..
وغمزت بعيني لها وكملت : وحمدان حمداني
جلست على الكرسي ميته من الضحك .. كانت تقول شي بس مافهمتها .. كلامها مقطع ..
قلت وأنا أضحك لضحكها : خلاص عاد .. الله يغربلج خليتني مهرج على نفسي
صرخت بقوة وهي تضحك : ماروم ماروم خلاص بنفقع بسبتج
ضحكت وجلست على الكرسي .. بعد مدة سكتنا .. وكل ماتجي عيونا في بعض .. نرجع نضحك .. استانست اليوم ضحكت كثير اخاف بس بكرى تنقلب نكد .. الله يستر بس ..
ناظرت لوجدان ضحكت .. ودزت وجهي بقوة .. ااح احس ان رقبتي راحت من دزتها .. الخبله طيرت رقبتي .. حطيت يدي ع رقبتي وقلت بألم : وه بس حتى ماتعرفين تمزحين
ضحكت ع وجهي وقالت : آسفه .. حقج علي آسفه
الزمن 1:56 صباحآ
قلت وانا احاول ابعد الالام اللي بدت براسي : لا والله رقبتي راحت من مزحتك .. والله ما أحس فيها
هدت شوي وكأنها خافت .. قربت وقالت : لا لا سوري ماكنت عارفه اني بألمج
قلت بمزح : شفتي يوم اقول يدك يد ديناصور ..
حسيت انها بتصيح .. فحاولت أهدي الوضع ..
فقلت بمزح : اوف معلومة جديده الديناصور اذا مزح على خواته وخواته ردوا المزحه يبكي
قالت بحماس : يعني ماتشكين بأس ..!!
هزيت رقبتي شوي شوي بالرفض
انقزت .. قمت وابعدت عنها .. قلت : هييه وين ناقزه وشتبين ..؟؟
قالت : بعفد عليج
؟؟؟ : تعفدين علي ..
قالت : هيه بطلع كل غيظي
قلت : اها يعني هالكلمه كلمة مضاربه .. طيب وش معناته ..؟؟
قالت بصدمه : ماتعرفين اعفد عليج ..!!
قلت : لا ما أعرفها
قالت : لالا عن صج اتحجى ..
قلت : والله ما أعرفها
قالت : انا الحين أعرف كثير من كلامكم بس دعاويكم ما أعرف غير الله يغربلج
وجلست تفكر وقالت بأستفهام : وو هذي مالتج ياملا الجودري ..
ضحكت .. وقلت : هندري مو جودري
قالت : بالله كيف عايشه ..؟؟
استغربت سؤالها فقلت : عادي عايشه حياتي مث ..
قاطعت كلامي .. وقلت : اوه صح نسيت اشكرك انك شريتي الاب توب .. تسلمين والله
ابتسمت وقالت : لاشكر ع واجب خيتو .. بس شنو ذكرج فيه ..؟؟
قلت وأنا أهز كتوفي : مدري كذا نط
كملت : ماقلتي لي وش موديل الاب حقك ..!!
قالت : موديله HP
قلت : يتربى بعزك
قالت : شووو ..؟؟؟؟
ضحكت وقلت : محسنوه ولد خالتي لما جبت الجوال جاني وقال حقك قلت ايه ابتسم وقال يتربى بعزك
ضحكت وقالت : خبال هاه محسن والله خبال
قلت : بقووووة
قالت : شكلك متعلقة فيه
هزيت راسي وسكت ..
الزمن 2:30 صباحآ
قلت : هااو فيني نوم ..
قالت بقرف : خيبه شهالاصوات استحي ع دمج .. بوجه زواج وانتي تثاوبين جذي ..
ضحكت وقلت : اربع اشياء مستحيل تفارقني .. تثاوبي .. ضربت الكتف اما بمزح او بجد .. اكل الموالح .. العناد وطوالت اللسان ..
قالت : الله يعين ريلج عليج ..
تقدمت وقالت : الا صح متى زواجج ! ماتحدد ..؟
تنهدت وسندت ظهري ع الكرسي وقلت وأنا اناظر لبعيد : صراحه ما أدري عن رايد
قالت بطريقه مسرحية : وااي ملامح ويهج تقول انج متيمه بحبه
ضحكت .. صراحه مدري ليش .. يمكن لاني بداخلي متأكده اني ما أحمله اي شعور غير اعجاب بشخصيته .. او يمكن لاني ماأبي اسمع الكلام اللي بيزعجني .. او يمكن لاني اتمنى يكون هالشي ..
قمت وقلت : بنام .. بتنامين؟
هزت راسها وابتسمت .. رديت لها الابتسامه ..
وقلت : تصبحين ع خير
قالت : وانتي بعد
صعدت لغرفتي وجاني صوت اغنية اعرفها .. بس من وين طالع هالصوت .. جلست اغني معاها : على خير اشوفك كان حنا من الحيين .. مصير الليالي تجمع الحي مع حيه ..
انتبهت لجلابيتي تنور .. وضحكت .. وكلمة وجدان تتردد ببالي خدية .. والله هالبنت اللي يجلس معاها يصير خديه .. مثلها .. دخلت يدي بجيبي وطلعت الجوال .. ناظرت لرقم .. ******0554 .. انا متأكدة اعرفه بس ميين .. هل معقوله رقم ابوي .. بس أنا متأكدة اني حافظته .. من .. بسم الله .. ليكون رايد .. سكر الخط .. امم بكيفه ..
انتبهت للمكالمات والرسايل .. فتحت عيوني .. الله من من كل هذا ..
10 مكالمة و5 رسايل .. رحت للمكالمات 7 من نفس الرقم اللي تو يدق ******0554 .. و2 من رايد .. و1 من عهود .. ماشاء الله صايرة من الشيوخ .. ما يقدرون يستغنون عني .. رحت لرقم وشفت متى دق .. دق من
6 المغرب الى 12 .. والله غريب .. وشلون ما سمعته .. آآآها يمكن لما كنت بالمطبخ ..
اما رايد داق .. الساعه 9 ونص الى 10 الأ ربع .. وعهود 4 العصر .. غريبه كان بيدي كيف ما نتبهت .. اها اكيد دقت الشوق والوله .. هذي الدقه ان انتي بس تدقين دقه وتقطعين وصديقتك تردها لك ..
انتبهت لنفسي واقفه بنص الدرج .. دخلت غرفتي شفت علي نايم ع السرير والاب توب مفتوح بجمبه .. سكرته وجلست ع السرير بعد ماغطيت علي .. بشوف الرسايل ..
.. اول رساله من رايد (( وينك كم مرة دقيت ليش ماتردين ))
الله اللي يشوفك سي سيد رائد يقول داق مليون هي دقتين وبس
ثاني رساله دعايات (( اسمع وخلي جوالك يسمع تكبيرت الصلاة بصوت المؤذن يوسف الخترش
ارسل 1 الى ****
(5 ريال– يجب توفر الوسائط) ))
ثالث رساله من رقم غريب غير اللي مشوين *******056 (( دلو اخبارك انا ماجدة باركي لي طلعت جوال ))
واخيرآ جاها جوال
رابع رساله من الرقم اللي مار علي ******0554 (( اذا حابه تفضفضي قولي ))
هاه وش .. صراحه مافهمت شي .. وش معنى هالرساله ..
خامس رساله من عمتي وكالعاده فاضية ..
ياحياتي ما تعرف تستخدم الجوالات .. هاوو .. مططت يدي لقدام .. وفليت شعري وحطيت مؤقت الجوال على خمس بقوووم أصلي .. انسدحت بجمب علي .. ورحت بعالم الأحلام ..
الزمن 2:00 صباحآ
بعد ماطلع من عندي ابوي .. تذكرت دلع .. وبسرعه اتجهت لمحمولي وشبكت النت .. دخلت المنتدى ماشفتها من المتواجدين .. دورت احد زميلاتها .. او صديقاتها .. ماكان فيه احد .. اخ منك من بنت .. انتبهت لعادل (اميرهم) وحقرته لما سلم بصندوق المحادثات .. حسيت بتعب فطفيت المنتدى ورميت نفسي ع السرير .. وكل تفكيري دلع بكرى بتدخل واذا دخلت وش أقول .. اخاف تنسحب من المنتدى ..
فزيت من السرير وشهقت : لا يكون ناوية تنسحب
رجعت انسدحت لما تذكرت .. دلع متزوجه انساها ياعزوز انساها
الاربعاء .. 7|12
الزمن 7:55 صباحآ
قمت مستعجل وسكرت المنبه فتحت الباب لقيت رغد عنده .. شطفتها ورحت للحمام وانتم بكرامه غسلت وطلعت .. لبست لبسي ومسكت الكتب و نزلت وانا اتأفاف بيمسكها حجه الوالد عشان يهاوشني ..
دخلت الصاله وقلت : صباح الخير
ناظرلي وقال : هه مقدم يا شيخ
وبدأت صباحي بسيفونية ابوي المعتادة .. منها : هذا كله من سهر امس ، قوم لاتتأخر ، حاول تقوم مبكر ، وقف كل لك لقمه ، يالله ما بقى لك الا هالسنة شد ع نفسك .. وهكذا
بعد ما سكت حبيت راسه وأتجهت لامي وحبيت راسها وقلت بهمس ترياقه : رضي حبيب قلبك علينا
مسكت أذني وقالت بحيا : قوم قوم عني
قلت : اااي طيب بعدي يدك
بعدت يدها .. ضحكت وحبيت راسها وقلت : استودعكم الله
وناظرت لأمي وقلت : ياحبايب قلبي
امي : عزوووز
طلعت وجلست اضحك وانا اسمع امي معصبه ع ابوي اللي ميت من الضحك ..
تنهدت ونزلت الثلاث درجات و اسرعت لسيارة ... دخلتها .. وابتسمت .. اكيد مستغربين ليش نضحك ع كلمة حبيب قلبي .. هذا الله يسلمكم .. امي يوم ولادتي .. كنت مولود قبل الموعد
بشهرين يعني ولدت بسابع شهر .. المهم النيرس او الممرضه قالت احتمال انه يكون شوي تعبان .. عاد امي ماتحملت لانها كانت فاقده قبلي بنت وولد .. وقعدت تصيح جيبوا لي ولدي جيبوه لي .. حاولوا يهدونها بس ابد مارضت .. جابوني لها .. وجلست تبكي من الفرحه وقالت ياحبيب قلبي .. ومسكتها لين الوالد غار وقال : مادام ولدك حبيب قلبك انا وش اكون
قالت امي : انت قلبي
بس الوالد ما دخلت مزاجه .. هذي قالها لي ابوي قبل شهر .. من طلعتي من المشفى .. ومسكتها ع الوالده ..
خخ ..
دقيت ع مطلق .. زميل لي بالجامعه
جاني صوته الباين انه ماقعد من النوم : الوو
قلت : مرحبا
مطلق : هذا وقتك !!.. خير وش تبي ..؟؟
قلت : ايا اللي ماتستحي هذا جزاي
قال : عزيزوووه تكلم وش تبي ..؟؟
قلت : قووم بسرعه دقايق وانا واصل عند الباب
قال : وشتبي ..ّ!!
قلت بترياقه : ببوسك مشتاق لك ..
قال : اوف اتذكر انك ماتحب هالكلام ..
قلت : وللحين ما احبه المهم يالله الحين نتأخر ع الجامعه ..
قال : صاحي انت الساعة الحين 8 ..!!
قلت : ادري وش قالولك ..؟؟
قال : وشفيك اليوم ماعندنا محاضرات مبكرة المحاظره الاولى تبدأ من 10 ..
قلت : اووه نسيت ..
قال بترياقة : اللي ماخذ عقلك يتهنا به ..
قلت : اقوووول ضف وجهك و ارجع نام .. بروح اتسدح مانمت زين
قال : طس يالمليق يوم طيرت النوم من عيني تقول ارجع نام
ضحكت وقلت : ايه يالله سلام
قال : سلام
سكرت منه وطوالي رجعت للبيت .. فتحت الباب .. هدوووء البيت .. رحت مسرع لدرج .. كنت بلف لغرفتي تذكرت رغد .. طقيت غرفت رفيف محد رد .. ألا صح رغيف اليوم ماراحت للجامعه .. محد ركب معي اليوم .. يمكن غايبه .. فتحت الباب لما طولوا ماكان فيه غير رغد ولمى .. وين سحر ورغيف .. نزلت تحت وبسرعه ع المطبخ .. ماكانن فيه .. غريبه وينهن ..
سمعت صوت ورا المطبخ كنت بطلع .. بشوف من فيه .. بس وقفتني نبراتها .. لما قالت : بتتزوج تزوج بس شوف قبل لاتخطب ورقتي تجيني ببيت اهلي ..
انصدمت ناصر بيتزوج .. كييف شصاير .. خفت اطلع وتنحرج سحر .. اذا بتتكلم تتكلم براحتها واذا ماراح تتكلم ماراح اجبرها .. رجعت وطلعت من المطبخ .. ورحت لغرفتي وافكاري توديني وتجيبني ..
ياناس مومعقوله ناصر ماغيره يتزوج ع سحر ..!!
..!! مو كان دايم يموت فيها ..
جلس ثلاث سنين وهو بس يجي يخطبها .. و حنا نقوله توك ماتخرجت توك ماتخرجت .. وبعد اللحاح قدر يخطبها .. وبعده بسنة لما تخرج واشتغل بشركه الكهرب قال ابغى نتزوج .. بس تعب جدتي سلمى منع الزواج مؤقت وقبلوا بس بملكه وهو رضى .. والحين بعد عشرت 8 سنين يتزوج عليها ..!!؟ مو معقول ..
رميت كتبي ع الطاولة .. وانسدحت ع السرير .. طلعت جوالي من جيب بنطلوني .. واخذته وحطيت المنبه ع الساعه 9 و 45 .. رميت نعولي .. وتلحفت بالحاف وعلى طول نمت ..
&
لاجارت الدنيا ترى الروح تفداك ... مادام قلبي يابعد عمري يهواك
ومادامني حي مستحيل أنساك ... وبأبقى أحبك إلى يوم ألقاك
وإذا حال الزمن بيننا ياملاك ... أرجوك ماتنسى قلب أغلاك
عايش بدنياه وهو باقي على ذكراك
&
لهنـــا وبــس ..
لنـــا لقاء ثانـــي ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك