رواية لطفاً ورفقاً بي يازماني -3
ضربتها أمي مع راسها وقالت : انتي متى تكبرين ...؟؟!!؟
قامت معصبة ... وطلعت للدرج ..
امي : ويييييين رايحة ... تعالي ...
مشت رفيف بدون أي كلمه ..
أمي : حشى ... مار مافي أبد أحترااام ..
لفيت بمشي ... بس وقفني صوت أبوي : وشلون تبينها تحترمك .. وهي تشوف أخوها الكبير .. ما أحترمني .. اللي يشوفه يقول .. أني مت .. وهو على كيفه يتصرف ..
نزلت راسي .. وقلت : السموحه ابوووي .. كنت معصب منها .. من حنا بالسيارة وهاوشتها .. بس ما فاد ...
حبيت راسه ورحت بسرعه بتجاه الدرج ...
امي : عبدالعزيز
وقفت ولفيت وقلت : لبيه
قالت : تعال تغدا
قلت : ما ابي .. بروح انام .. سلام
وصلت لغرفتي فتحتها ... وتنهدت حاس اني بموت .... 6شهور!!!! وانا هايم فيها .... وافكر فيها .... وابني مستقبلي معاها .... وبنهاية تصير ملك لغيري والله قهر ...!!
رميت ملابسي ,, وتلحفت وانا افكر .... قهر ... قسم بالله قهر .... كنت مستعجل بخلص الجامعه عشان اروح واخطبها بس هه راحت من يدي .... يالـلـه وش هالحظ ..!! ودي بس اعرف من يكون ..؟؟ آآآخ بس
الزمن 5:22 عصرآ
قمت من سجداتي على رجف الباب ... ما قدرت اركز بصلاتي .. أوووووووووف .. بكسر ضلوع اللي يطق ... فتحته بقوة وقلت : خير
نزت ... ورجعت بخطوتها ... وتقوست شفايفها لتحت ... نزلت صوبها وقلت : لمو حياتي مو قصدي
راحت طيران وهي تبكي ..
آخ بس ودي اموووت يمكن ارتاح ... الحين عرفت شعور هذيك البنت ...الله يصبرها ويصبرني ...
{ اسمي عبدالعزيز .... عمري24.... وسيم بقوة ... اغازل ..!! ايه .. بس موحيل .... يعني تعدونهن ع الاصابع .... طويل .... شعري شوي طويل ... ادرس بالجامعه ... مدمن نت ... زين مشعل << احد ربعي ... منتدى ... وصرت كله عليه ... علمت رفيف لعل تجيب بنات ... وقلت لاتعلمين احد انك اختي ... اعرفها بتفشلني .... جابت صديقاتها ... تعلقت بوحده اسمها اميرة من الاميرات << شما ... بس بعدها كرهتها ... انا من عادتي غيور وهي ماتحب كذا ... والوضع عندها ازي .... تسولف مع فلان وعلان ... ماكنا نتواصل الا ع المسن .... كانت دايم تقول عطني رقمك .... وانا اطلع لها اعذار ....[[[ اقتلب الزمن فوق تحت صارت البنت هي اللي تطلب الرقم]]]
المهم بعد مدة ... دخلت بنت ما ادري كيف بيومين ... بس عرفت اني اموت بهالنسانة ... كلامها , رجتها, وسوالفها حاولت اخذ منها المسن ... رفضت .... فسكت عنها ... كنت اشوف اذا دخلت ... اسجل دخولي بسرعه ... واذا نزلت موضوع .... أول من يناظر ويرد هو انا .... هذي بنت عشقتها ... اسمها وهم قدرت اعرف اسمها كان دلع
... كانت حلمي ,,, توم لروحي ,,,, حبها بشراييني ... ماكان يهمني شكلها قد مايهمني انها تكون لي ... آه هذي هي راحت}
رديت ع جوالي وقلت : نعم
قال : هلا والله كيف الحال ..؟؟
قلت : بخير انت كيفك ..!!؟
قال : تمام وينك يارجال من زمان ماجيت للاستراحه ..؟؟
قلت : تعرف انشغلت بهالجامعه
قال : تعال لنا اليوم
قلت : والله موعارف اشوف وارد لك
قال : خلاص بس ياليت تجي مع السلامه
قلت : مع السلامه
انسدحت ع السرير افكر ... وبعد مدة ... قمت وطلعت لاهلي .... نزلت من الدرج
قلت : السلام عليكم
ردوا السلام ... سلمت ع اختي سحر ..... ماشفت لمى اكيد تلعب برا
جلست ساكت
مدت لي امي فنجال القهوة ... قلت : بس بس ما أبي
امي : ليه ..؟
قلت : مو مشتهي يالغالية (وقفت) يالله انا طالع تبون شي
ابوي : وين ..!َ!َ
قلت : بروح لـ ..
قاطعتني رفيف : ابغى اقلام ملونة واقلام مرسم ودفتر للجامعه
طنشتها وقلت : رايح للاستراحه
امي ابتسمت وقالت : لاتتأخر
قلت : ان شاء الله
توي بطلع وقفني صوت رغيف
رفيف : عزوز ابي طلبات لجامعه تكفى
قلت : مو فاضي لك
ابوي يستهزى : لافاضي حق الربع
الله يخسك يارفيفوة .... ناظرتها بذبحها .... عنبوها .. من بنت .. قبل ساعات صارخ بوجهها .. والحين كان شي ماصار .. فاتحة الكشــرة .. أوووووووف ... من مخلوووقة ...
قلت : ارسليهن برساله راح اجيبهن معاي أذا جيت
وطلعت ...
الزمن 10:55 مساء ...
جلسنا بعد ماتعشينا .. ضحك و سوالف ... الاستراحه كانت مـــــــليانة ... ناس تلعب بلوووت ... وناس ع بلاستيشن ... وناس عند التلفزيون ... وناس على الجوال ماسكينها مغازل .. وتبادل اخر ارقام بنات .. وبعضهم على البلتوث واخر مقاطع .. وناس على الاب توب .. وناس جالسه تقلد وتمثل مشية , شكل , حركة فلان وعلان ..
: اقول يالحبيب
التفت ع فواز اللي كان منسدح ووجهه ع التلفزيون .. وقلت : قول ..!!
فواز : وين ساهي ..؟ قلتلك تعال عشان تفرفش مو تكشر
تنهدت وقلت : تعرف هالدنيا ...
تعدل وقال : افا بالسالفه الدنيا .. شمسوية لك ..؟
قلت : ماعليك منها ... قلي صحيح كلام العيال او يمزحون ..!
فواز : بو شو ..؟
قلت : قررت تتزوج وتترك العزابية ..!
جلس يحك شعرة .. اللي شوي .. شوش .. بسبب نومته ... وقال : احم ايه والله
قلت : في بالك احد ..؟
ناظرلي وكانه متوتر : هاه ..!! لا .. امي هي اللي ... احم ... كح كح ... بتختار ..
ضحكت عليه باين انه مستحي بقوة ..
فواز : أقووول زرت متعب ... !!!
قلت : تغير السالفة هاه ..!! ماعليه .. ايه شفته .. (تعدلت وقلت) تصدق حصل لي موقف ..
فواز : اللي هو ..!!
قلت : وأنا طالع من عنده .. ضربت بنت ... لفيت يمين شمال ... ماكان جمبها أحد ... كانت تبكي ... توترت ... مدري شسوي ... قلت اسف ... بس هي شكلها ماسمعتني وقعدت تصرخ مو حاسه بروووحه ...
قاطعت كلامي لما دخل أحد الشباب وقال : الســلام عليكم ..
ناظرت له وقلت : هلا والله ... توك تجي ؟؟ ... وينك!! ... أخبارك؟؟؟
ضحك نايف : أووووووووووف كل هالاسئلة .. شوي شوي ...
ضحكت وقمت وسلمت عليه ...
وجه نظره لفواز وقال : أقوول أبو الشباب ماتبي تسلم .. ؟؟
فواز : أمس مسلم عليك ... مو زين كثر السلام ( ناظرلي وقال )أسرع .. أجلس وكمل ..
نايف : وش السالفه ..؟؟ ( وجلس )
قلت : أبــد بس ..
قاطعني فواز وقال : لااااااااااا .. تكفى ... كملي وبعدين قول لنايف ...
: من يتحدى معي ..؟؟
قام نايف : أنا .. أقول عزوز بعدين قولي ..
راح متجه لبلاستيشن ...
فواز : أييييييييييييييييييه خلاص ..
ضحكت وقلت : متحمس مرة ..
فواز : ياشيخ خلصنا ..
ضحكت وقلت : وين وقفنا ..؟؟
قال مسرع : لما كانت تصرخ ...
قلت : أيووووة صارت تصرخ وتقول : يمـه خوذييني معاك ... وتبكي ..
فواز : أيوووة وش سويت أنت ..؟؟
قلت : ماسويت شي ... أبعدت لما جتها حرمة .. وطلعت
هز راسه وقال : ياحرررررام الله يعينها ...
قلت : أيه والله
فواز : تصدق عزوز سالفتك بايخـه ...
ضحكت وقلت : أولآ مو سالفه .. موووووقف ... ثانيآ أبلع لسانك .. لا أتودس بطنك ..
فواز : لا حقيقة .. تدري أني ودي أضربك ..
قلت : سوها أنت وشوف وش بسوي بك ..
الزمن 10: 11 مساء
تعيجزت اقوم فرديت ع جوالي وانا بمكاني وقلت : نعم
: وينك ..؟
قلت : بالهند وش تبي ..؟
<< كنت أكلمها كأنها ولد .. أبيها تعرف أني عند شباب .. بس عندي أخت دلخ ..
: ياربـــــي .. عزوز لازم تجي الحين ابغى الأقلام
قلت : اقوول ..
رفيف : هلا لبيه آمر ...؟؟!!!
كتمت ضحكتي وقلت : راح اجيبه بس مو الحين
رفيف : متى طيب ...؟
قلت : اذا جيت ..
رفيف : متى تجي ..؟
قلت انرفزها : اذا طقت ببالي ..
رفيف : عزييز
قلت : خير ..؟؟
رفيف : خلاص باي
سكرت منها ... قمت وسلمت على وافي ... جلس قدامنا انا وفواز ... وجلسنا نسولف ..
وافي : شفت المنتدى الجديد اللي لعمر ...!!
قلت : لا وشو ..؟؟
فواز : هذا الله يسلمك ..
قاطعه وافي : لو سمحت هذي سالفتي ..
فواز : اعصابك طيب
ضحكت وقلت : كمل
وافي : ابد بس ان عمر مزين منتدى ويقول ادخلوه .. وشرايك ندخل ..؟
فواز : انا ابي ادخل بأسم بنت ... وانت ؟
قلت : ما أدري انا يكفيني المنتديات اللي أنا فيها ..
وافي : الا شفت منتدى مشعل ..!!
قلت : وشفيه بعد ؟
وافي : قبل امس اعادة تزيينه وتنسيق المنتدى
قلت : يحليله والله
فواز : الا مشعل وينه فقدته ..؟؟
وافي : تو جاي منه هو بالمقهى الـ .. (ضرب راسه وقال) ياويلي منه قالي ناد عزوز
قلت : تو الناس يالغالي
ضحك وقال : والله نسيت
قمت وقلت : يالله بروح له (عليت صوتي) سلام شباب
نايف : وين تونا !
قلت : وشو اللي تونا .. الساعه 11 يالله في أمان الله
نايف : ما قلتلي السالفه ..
ناظرت لفواز اللي قال : ما رااااح تعجبك
ضحكت وقلت : خلي فواز يقولك ... مع السلامه
فولز : مارااااااااااااح اقووووووووووووول ...
: في امان الكريم
: باللي يحفظك
: في حفظ الله
طلعت ... وركبت السيارة ... وجلست ادور بالاذاعه ... اغنية تصف حالي ... مالقيت ... وقفت على
معاك ياحبيبي نسيتني
حاجات جواي تعبتني
سنين قبلك مخصماها
غيرتها ماهي عاجبتني وقفت على الوسمي
خذلك من الواقع عبر ...
واتحسس القلب الكبير ..
ياما عطا وياما صبر ...
وانت ولاعندك ضمير ..
أحذر ترى بيجيك يوم ...
بتصير لي مالك لزوم ..
بين الهواجس والهموم ...
ماينفعك بالحب صون ..
تضحك وأنا لجلك أموت ...
والعمر ياعمري يفوت ..
شفت الزمن في حالتي ...
وقف عقارب ساعته ..
شفت الشقا في دنيتي ...
حصل مناه وغايته ..
يرسم على حلمي بيوووووت ...
تشبه بيوت العنكبوت ..
تشبه بيوت العنكبوت ...
ياهم خذا همك وروح ..
وياصبر صبرني عليه ...
يكفي متاهات وجروح ..
وياجيت انهيه ابتديه ...
والمشكله قلبي معاه ..
كل يوم يتجدد غلاه ...
كل مانصحته قال آه ..
وش حيلته غير السكوت ...
طفيت السيارة .. ونزلت ... وأنا اتمتم بالاغنية ... دخلت المقهى ... شفته على النت .. رحت له .. شكله مومعي ... مركز على الشاشه ... ضربت كتفه ونقز
مشعل : الله يخسك روعتني
ضحكت وقلت : ماتوقعتك خفيف
مشعل : مو خفيف المهم اجلس ابيك
&
ياقلب لو عشت الدهر منت فرحـ ...... ـــان ×× ما عاد لك حيلة ولا لك أستطاعـــة
&
ـيتبعــ
أحداث بالحلقة الثانيه ...
(( قلت بتوتر : وهم ..! ××× تفاجأء وهز راسه ))
(( : اختك الله يوفقها .. ))
(( فتحت الباب ... شفتها ... اي والله .. هذي هي ... ))
(( ابتسمت البنيه حاسة فيني ... فتحته وتفاجأت ... ما توقعت ... ))
((رحت بأتجاه الحمام وجلست اناظرهم ... حسيت بشي وراي ...))
(( تكفين تراني مصدعه ومالي نفس لنقاش ))
(( تحركت بسرعه بدون لا التفت .. اكيد بشوف شي مو عاجبني )) ...
الحلـــــ ق ـــة الثانيــ هـ ..
&
وشلون آفكر في هوى هذي وذيكـ’ ؟ !
وانتي على كل العذآرى . . . { أميرهـ
&
فجر الاربعاء 7|12
الزمن 12:30صباحآ
طفيت السيارة .. ونزلت ... وأنا اتمتم بالاغنية ... دخلت المقهى ... شفته على النت .. رحت له .. شكله مومعي ... مركز على الشاشه ... ضربت كتفه ونقز ..
مشعل : الله يخسك روعتني
ضحكت وقلت : ماتوقعتك خفيف
مشعل : مو خفيف المهم اجلس ابيك
قلت : هلا
مشعل : اولأ اخبارك ..؟؟ بخير الحمدلله
قلت : اوف .. السالفه كبيره .. ما دام انك تسأل عن أحوالي .. وترد لحالك
ضحك وقال : مو كبيرة بس ماني لاقي لها حل
قلت : طيب قول
مشعل : فيه واحد مضايق بنت بالمنتدى .. وهالبنت لها فترة ما دخلت ... وهذاك الولد شوي لعاب .. وأخاف البنت تتأثر ... وشرايك شسوي ..؟؟
قلت : طيب هم بمنتداك صح ..!! (هز راسه) اوكي رح للولد اللي مضايق البنت وقول هذي تكون اختي
مشعل : البنت الكل يعرفها ... مشهوره بالمنتدى .. ودايم تضحكنا بسوالف أخوها الصغير اللي ما عندها غيره ... والولد عارف أسم اختي بالمنتدى ..
قلت بتوتر : وهم ..!
مشعل شكله متفاجاء ... هز راسه وقال : شعرفك فيها ..؟
قلت بتوتر : امم ... ماعرفها بس اشوف ... كله تسب بأخوها علي
مشعل : اها ... طيب وشرايك شسوي ..!!
قلت بغيره : بالله من ..؟؟
مشعل : من اللي من ..؟؟
قلت : اللي مزعج د(فضحت نفسي)كح كح
مشعل : صحه .. صحة
قلت : أحم من اللي مزعج وهم ..؟؟
مشعل : أميرهم
قلت بعصبية : هذا المفروض تطرده من المنتدى ... ماخلى بنت بحالها ...
مشعل : اعصابك طيب .... وشفيك كذا عصبت ..؟؟؟ أنا أبيكـ ..
ماسمعت كلامه الباقي ... كانت عيوني معلقه بالشاشه ... مو مصدق اللي اشوفه ... دلع دخلت ..!! ليش اللحين بذات ..؟؟
مشعل : عزوز وين رحت ..؟؟
قلت : معاك معاك
مشعل : لا ياشيخ
قلت : طيب بسألك .. هو كيف كان ... يعني (نسيت وش بقول لاني شفتها طلعت)
غريبه ليييييش طلعت ..؟؟ وشفيها ... أنتبهت للشريط الاهدات ... حسيت بوجع .. { اهداء الى الغاليه دودو .. الف مبرووووك الملكة ياقمممممر .. منك المال ومنه العيال ... قصدي .. منه المال ومنك العيال .. سوري على الخطا المطبعي ... أختك عايشه حياتي .. }
مشعل : عزووووووووووووووووووووز
لفيت وقلت : هاه ..؟؟ أيه
كمل عني مشعل : هو كيف كان مزعجها ..!!
قلت : ايوه
مشعل : ارسل لها رسائل خاصه ,,, ورسائل الزوار ,,,, وكاتب بماضيع .. شفتها ..؟
هزيت راسي وقلت : لاوالله ما شيكت ابد على المواضيع
مشعل : هاه وشرايك شسوي ..؟؟
قلت : انا أقولك اطردة عن المنتدى ..
مشعل : ما أقدر ..
قلت : مشعل اسألك بالله انت عارف حركات عادل ودارسهن ...
مشعل : ياعزوز فكر معي ولد عمي ,, اخو خطيبتي ,, واطردة من المنتدى ماتصير
قلت : ولد عمك على العين و الراس اخو الزوجه المستقبليه بعد على العين والراس .. اما انه يزعج ويسوي شي غلط وأنا اسكت عشان القرابه ... هذا غلط
مشعل : طيب افرض خطيبتي
قاطعته وقلت : مستحيل تزعل ماهي بالاساس تعرف حركات اخوها ... وكل أمرك لله ... ماراح تزعل ولاتشره ... بالعكس راح تأيد كلامك ...
مشعل : انا عارف انها ماراح تزعل ... بس هو بيزعل ... وحنا تونا ع البر ... تتوقع بيتم الزواج والاخ رافض ...؟
هزيت راسي وقلت : مايقدر يسوي أي شي
&&
ياجعل قلب ما يعزك ويغليك ...!!
عسى البلاء يبلاه ولو كان قلبي ...
&&
قال : انا نبهته أمس وهو لمح لخطبتي
حط يديه ع راسه وقال : والله مو عارف ايش اسوي
قلت : اسمع طيب وشرايك انا اكلمه
رفع راسه يناظرني بنظرات حيرة
قلت : اقوله ياعادل هذي أختي او انت تقوله اخت صديقي
مشعل : تصدق هذي الفكرة حلوة
قلت : شفت كيف (وجلست اغز على عقلي واقول) هذا العقل يوزن بلد
مشعل : أخذ بنفسك مقلب
قلت : اقول اص بس لولا هالعقل كان مالقيت حل .. هه الحين لا الخطيبه ولا ولد العم بيزعلون
مشعل : ايه اييييه ... المهم دريت بفواز ..؟؟
ضحكت وقلت : ايه والله شكلكم بتتزوجون بيوم واحد
مشعل : عقبالك
نزلت راسي وقلت بألم : شكل مالي نصيب
مشعل : وش هالكلام ..؟؟
حاولت اغير السالفة بس مشعل مارضى جلس يهاوش ويتفلسف .. انت مو عارف شلي بالقلب .. كنت ساكت .. وهو يخانق .. بس لما عرض اخته علي .. تكلمت ..
وقلت : مشعل لو ابي الزواج بقولك ... انت ماعليك الحين ...واختك الله يوفقها .... ويجيب لها ربي احسن مني ..
مشعل : عاد أنا قلت لك
هزيت راسي وقمت ..
مشعل : وين ..؟؟
قلت : بروح البيت ..
مشعل : يارجال ... اجلس شوي
قلت : لا .. بروح تأخرت ع الأهل
مشعل : تعال بنلعب على أحد البنات
قلت : لا ياخوي .. بطلنا نلعب
مشعل : اقول امش .. هذي مو من البنات الاعبات .. اجلس أقولك سالفتها ..
قلت : لا مرة ثانية .. يالله مع السلامه
مشعل : مع السلامه
رحت للبيت .. وكالعادة حشرني الوالد بزاوية .. كأني طفل صغير .. وامي ما شفتها ... شكلها نايمه .. سمعت صوت صراخ .. شكل سحور نايمة اليوم ... نزلت كيس طلبات رفيف .. على طاولة الصالة ..
وقلت : هذي أن شاء الله أخر مرة ...
ابوي : يالله روح نام ...
هزيت راسي .. ورحت بأتجاهه وحبيت راسه .. وصعدت لغرفتي .. سمعت دعاويه لي ( يالله انك تخليه لي .. وتبقيه .. وتسعده)
ابتسمت .. أووووووف وش هالصراخ .. طقيت باب غرفة رفيف بقوة .. وتوي بمشي .. لغرفتي ..
سمعت رفيف تقووول : يوووه يمه مومني كلها من سحروووه ... وهالزفت ..
شهقت : أنـــا زفت .. أنا أوريك ..
معقولة ..!! رجعت .. وفتحت الباب ... شفتها ... اي والله .. هذي هي ...
قلت منصدم : رغدووو ..؟؟
ناظرت لي وصرخت : عزووووووووووووووووووووووووز ....
ضمتني وقالت : أشتقت لكـ ... لييييييييش قاطع .. ولا خلاص ... مادامي تزوجت ما تسال ..
قلت : لا والله يالغالية .. بس انشغلت ..
بعدتها عني وقلت وانا امسح دمووووعها بيدي : هاه وشلوووون .. شهر العسل ..مع يسوري ..
قالت وهي تضحك : بخييييير ..
لفيت وجهي لرفيف لقيتها منتفخه يقالها زعلانة .. فاضي لها أنا ..
قلت : من متى وانتي هنا ..؟؟
قالت : من بعد صلاة العشاء ..
سمعت رفيف تتافف .. رفعت حاجب اطالعها ..
قالت بدلع : ما أقبل معجبين ..
قلت : لا ياشيخه .. بالله متى اخر مرة شفتي وجهك .. انتي اللي يشوفك ماتقولين له ما اقبل معجبين .. سمي عليه ..
أخاف ينصدم .. ويجيه أنهيار عصبي ..
ضحكت لما طاحت سحر من الضحك .. ورغد مسكت ضحكتها لما صرخت رفيف : هيييييييييييييه ضحكتن من دون ضروس أن شاء الله ..
طلعت .. يالله مستانــــــــــس مو مصدق .. رغدووو جت .. بقوووله .. أخــــر ماصار .. يالله لــي عنها .. تقريبآ .. شهر .. ما كلمتها .. ولا قلتلها أخر المستجدات .. أخر مرة قلتلها .. كانت عندنا بالبيت .. بقى لزواجها أسبوع ..
كانت .. أمممم قبل .. ثلاث شهووور .. يالله جت بالوقت المناااااااسب ... ياهووو
دخلت غرفتي سمعت طق على الباب .. ابتسمت البنيه حاسة فيني ... فتحته وتفاجأت ... ما توقعت ...
بمكان اخر .... وبزمن مختلف ..
الثلاثاء 6|12
الزمن 10:11 مساءَ
نزلت الجلال ... وفكيت ربطه شعري ورميتها ع السرير ... ورميت نفسي على السرير ... اشتقت لامي لي شهر وكم وانا ماشفتها ... الله يرحمها
قمت وتعدلت ... ورحت بأتجاه الحمام اكرمكم الله .. وكالعادة طلعت القطن والمرهم .. وقعدت اعقم الجرح .. بعد مدة طلعت من الحمام اكرمكم الله .. وتفكيري بأمي مافارقني .. رحت بأتجاه تسريحتي ... و فتحت الدرج ... طلعت دفتري وجلست وأخذت جوالي وفتحته نقلت المكتوب ...
غالــــي بقلبـــي مثــل ذاك القمــر فـــوق ..!
وأسقيـــك مـــن عــذب المشــاعـــر وأزيــدك ..!
هــذا قليــل مــن الغــلأا جــاك منطـــــــوق..!
وإلا بقلبــــي يعلــم الله رصيـــدك ..!
إن جيـــت وإن مـــا جيـت باقي لـك الشـوق..!
وقلبــي مثــل مـــا هـــــو علــى حطـــة ايــدك...!
مسحت ع جبهتي ابعد الذكرى .... جلست مدة على هالحالة .. انفتح الباب ... شفت وجدان واقفه عنده ... تعدلت وسكرت الدفتر ..
وجدان : دلع انا مروحه بشتري المحمول بتيين [تجين] وياي ..؟
قلت وأنا اغلق جهازي : لا ما أبي بس بعطيك الفلوس وانتي جيبي لي
وجدان : لا موبلازم انا معاي
قلت : لالا انا ابي ادفع
وتوها بتقاطعني ... قلت : تكفين تراني مصدعه ومالي نفس لنقاش ... انتي بس جيبي لي ماركة deel
دخلت وسكرت الباب وقالت : وشفيج حاسه بشي ..؟
قلت : لا بس صداع
رحت اتجاه شنطتي ... وطلعت من البوك فلوس واعطيتهم اياه ...
خذتهم وقالت : تبين ايب [اجيب] لج حبه اسبرين ...!
قلت : لا مشكورة
طلعت .. وانا دخلت الدفتر وجلست ... اقرا بأحد الكتب اللي عندي ... هاوو يالله فيني نوم .. سكرت الكتاب وانسدحت توي غمضت عيوني ألا
توي بنام تذكرت جوالي اللي ما استغني عنه .. حاولت أقوم .. بس النوم غلبني .. رحت بملايين الاحلام والكوابيس .. أمــي ,, أبــوي ,, عهود ,, مها ,, وشيخ ..
والكابوس اللي شدني ورعبني هو ..
امشي بطريق مظلم .. ما كنت أشوف شي أبد .. كنت أرجف خايفه .. وأتلفت يمكن أشوف شي .. ماكنت أسمع غير اصوات قطط .. وخرفشت أكياس .. لمحت نور من بعيد .. كنت بركض بس تراجعت .. خايفة .. ناديت بصوت واطي .. لما لمحت الضوء يقرب .. : علي .. يمه .. علي ..
غمضت عيوني لما سمعت صوت الاغاني القوي .. ورحت لاحد الكراتين المرمية وتخبيت وراها .. سكرت أذاني وأنا أردد .. أعوذ بالله من الشيطان الرجيم .. أعوذ بالله من الشيطان الرجيم ..
سمعت صرخه .. عارفه هالصوت هذا صوت أمي .. قمت بسرعة وصرخت : يمممممممماه ..
لكن ما كان فيه غير رايد واقف يناظرلي بنظرات غريبه وبجمبه واحد ما أعرفه يبتسم .. مسكت الكرتون وحطيته قدامي أمنعهم من أنهم يشوفون وجهي .. تقدمت خطوة ما دريت الا أنا اطيح من قمة عاليه ..
قمت مفزوعه .. : بسم الله .. اعوذ بالله من الشيطان .. أعوذ بالله من الشيطان ..
أقتلبت على الجهه الثانية .. وما دريت الا أنا غاطه بسبــــات عميق ...
قمت على حركة بغرفتي .. دورت بعيوني ع مصدر الأزعاج .. شفت علي ماسك شي .. ما أدري وش يكون ..
قلت : علي
لف لي منخرع وقال : بسم الله الرحمن الرحيم
قمت وانا اضحك على ملامح وجه .. قلت استهزى : شايف جني ..؟
قال : ايه
حقرته ... وقربت له .. شفت عنده اكياس وكراتين .. انتبهت للي ماسكه .. شهقت .. لاب توب
ناظرلي وقال : أمون .. حبيت يستفتح الجهاز الجديد بوجهي ..
قلت استهزى : اقسم بس .. يالله قوم بشوف جهازي
رحت للحمام بغسل .. وااي متحمسه .. ودي اشوف عهود .. واشيك على رسايل المانسجر .. بشوف ايش خصائصه .. شالبرامج اللي فيه .. وايه شكلي اسوي منتدى .. وابي عهود معي .. ايوه كذا حلو ..
طلعت .. لقيته ماتحرك شبر من مكانة ..
قلت : لوسمحت .. برا
قال بترجي : تكفين بس شوي
هزيت راسي وانا أحط يدي اليمين على خصري ..
قال : الله يخليك
قلت : قوم اقووول
قال معصب وشكله منقهر : ما يصير ... لاب توب جديد .. وجوال مايوقف عن الغناء والرسايل
قاطعته وقلت : ايه صح .. وين جوالي ..!؟
قال معصب وشكله منقهر : ما يصير ... لاب توب جديد .. وجوال مايوقف عن الغناء والرسايل
قاطعته وقلت : ايه صح .. وين جوالي ..!؟
قال معصب : وانا شعرفني اخر مرة سمعته بالصاله يغني
رحمته انا بشبع في الاب توب بروح اشوف من دق وارسل ..
قلت : خلاص اقعد عليه بس لاتطول
هز راسه مستانس وحول عيونه على الاب .. ابتسمت .. يحليلك ياعلي متغير بقوة وصاير رجال .. آه وينك يايمه تشوفين كيف تغيرنا .. التفت لعلي كان يبتسم لشاشه .. سمعتهم يقولون .. اللي يجلس على الاب توب او البلاستيشن او التي في من قوة التركيز بالشاشه ماينتبه وش يقول الشخص اللي قدامه ... فقلت يالله ما عندي شغل .. خليني أطبق هالنظرية بشوف هو ينتبه ولا لا ..
قلت : أقول علي انت زرافه صح ..؟
ناظرلي بنظرات .. كش عليه .. انتبه .. أبتسمت بتوتر .. ومسكت الجلال .. تذكرت ان سعود مو فيه .. بالمغرب سمعته يقول بروح وبنام برا .. ضربت جبهتي .. واي فرحانة .. ناظرت الساعه .. كانت 11.. ياسلام باخذ حريتي من جلالي مدة طويـــــــــله ... تنهدت .. والتفت على علي وقلت : اخيرآ اعتدل حظي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك