أقسام الوصول السريع ( مربع البحث )

بداية

رواية واخيرا حسيت يا مغرور -6

رواية واخيرا حسيت يا مغرور - غرام

رواية واخيرا حسيت يا مغرور -6

لجين : ونااااااااسة ونااااااسة فلللللة فديتك مجووووودي تعال اليوم طلبتك
ماجد : لالالا ما ينفع .. حفلة عبدالمجيد بعد بكرة بحضرها اول بعدين افكر اذا ارجع ولا لا
لجين : ظلم ما ينفع .... 3 اياااام حرام عليك يالظاااالم حراااام
ماجد : ههههه شسوي هذا عبدالمجيد مو اي احد
لجين : تدري شلون مو منك من اللي يكلمك
ماجد : أفاااااا ,,, خلاص بسكر
لجين : على طووول ما صدقت ,, امزح امزح
ماجد : ايه اشوة
لجين : ماجد ما قلت لي
ماجد : وشو؟
لجين : وشلون راشد عالطبيعة؟
رفع مصعب حاجبه بضيق و ماجد يطالعه ويضحك
ماجد : الله يرجك , وشلون بيكون يعني اكيد مغرور كالبقية
لجين : لالالا راشد مو مغرووور حرااام عليك بالعكس طيوووب
ماجد : ههههه خايسة ... كل هذا واحنا قايلين مغرور بس
لجين : لا اكيد انت فاهم غلط او انك ما انتبهت رشود مو مغرور
ماجد : هههههه طيب طيب احلى واحد رشود ولا يهمك,, شخبار الاهل؟
لجين : كللللللهم بخير ويسلمون عليك وش اخبار اللي معك؟؟
ماجد بنظرة لمصعب : ايه كلهم تمام بس متنرفزين شوية من الحفلة
لجين : ليه وش فيها الحفلة وش صااار؟
ماجد : ما صار شي بس زي منتي عارفة ما يحبون راشد وبالذات مصعب
لجين : لااااااااا عاد مولهالدرجة ,
ماجد : ههههههههههه الا لهالدرجة وازود بعد ,, فيصل اكثر واحد انبسط
تدرين به يحب راشد


المهم كملت لجين وماجد سواليفهم عن اللي صار بالحفلة ...
ورجع ماجد للبيت بعد حفلة عبدالمجيد طبعا
اليوم يوم زواج نورة من عبدالرحمن الكل مبسوووط والبعض سرحان بهمومه والبعض متأمل خير بدنيته ......
عند البنات الكااااشخات ...
بشرى : على وين انتي وياها؟
لجين : بنروح نمشي شوي
بشرى : اركدوا اركدوا عن حركات العيال بعدين تتخرب تسريحاتكم
فطوم : آآآآخر همي ,, اصلا امي رجتني لين سويتها ولا انا مابي
لجين : ههههههه اصلا انتي حدك كاب وثوووب ومفتاح سيارة
بشرى : هههههه اجلسوا هنا اشوف يللا
طلعت نهى برة القاعة وجلست لحالها تفكر شوي ورن جوالها
نهى : الو
خالد : هلا بعيوني
نهى : تسلم عيونك ,, ايش اخبارك؟
خالد : مستااانس لاني سمعت صوتك
استحت نهى : ......
خالد : اوهوووو درينا استحيتي ,, ما صارت انتي ما ينفع احد يقول لك كلام حلو على طووووول مايمدي
نهى : هههههه وش فيك طيب اعصاااابك
خالد : خخخ آسفين ,,, فديت اللي يضحك ,, داري منتي رادة علي استحيتي
نهى : ههههه اوكي ,, خالد؟
خالد : هلا؟
نهى : انا مليت
خالد : من وشو؟
نهى : من اسلوبنا مع بعض
خالد : وشلون يعني ما فهمت
نهى : مدري شلون اقول لك
خالد : ازبديها
نهى : مايصلح كذا لين متى نكلم بعض بالجوال والله ما يصلح
خالد : وايش تبغينا نسوي يعني؟
نهى : مدري خالد تصرف شوف لك حل
خالد : من عيوووني
نهى : اوكي تسلم بااي دانيا جاية لي
خالد : اوكي باي
داخل القاعة بشرى واقفة قدام الكوشة تطالع الكرسي اللي بتجلس فيه نورة
الليلة وتفكر في نفسها تتخيل نفسها معه ... مع اللي دااايم تفكر فيه معااااه اللي هي مايلة له مع عبدالله اخو نووووورة اللي من زمااان وهم صغار كان يقول لها انه يحبها وقدام العيال يصرخ ويتطاق اذا احد لمسها او قال لها شي
يوووووه ذكرياااااااااااااااات,
لجين : بشوووووووووووري خلينا نطلع لنورة نشوفها يللا
بشرى : هاه ؟؟ اوكي يللا
طلعوا البنات عند نورة العروووووووووووووس في هذي الليلة
نورة تخقق شوي عليها الكلمة بعد
بفستانها الابيض الناعم وتسريحتها الحلوة ومكيااااجها اللامع الخفيف النعوووم
طالعة جنااااااااااااااااااان ,,,, ابتسمت نورة بنعومة على غير العادة
فطوم برجتها الدااايمة : نويييير هاه تجهزتي الليلة (ليلة جامدة قوي ) ههههههه
نورة : هههههه الله يرجك ما تبطلين رجة ما تبطلين
فطوم : مسوية طالعة منها ترانا بالهوا سوا يا مرة دحوووم
نورة بس جابوا طاريه وتذكرت انها اليوم خلاص كل شي جد مافي مزح خلااااااص هي اليوم بتصير معاااااااه وله البنت ارتبكت وولعت شوي وتصييييح
بشرى : نوري طالعة قمر
نورة بصوت بالقوة طلع : عقباااالك وياهم ,, الا وين لجين؟
فطوم : الحين اسحبها لك انتي اليوم تامرييييين امر
نورة : هههه شوي شوي عالبنت
طلعت فطوم برة وشافت لجين تصيح
فطوم : وجع يالكلبة ترى مو نااااقصينك البنت ماسكة دمعتها بالقوووة تجين تخربينها انتي
لجين : اوكي بمسح دموعي وادخل اسبقيني
فطوم : رجلي ع رجلك اخلصي تراها تسال عنك
انزفت النوري على انغام اغنية جوة الروح وبعدها مقطع شعري رااااائع
وانواااار خاااافته روووووووووومنسية مررررة >>دخلت جو
تصورت النوري مع البنات واهلها ودحوم زفوه الشباب بطريقتهم المزعجة دوما
في بيت عبدالرحمن ونورة .......
عبدالرحمن : تفضلي حبيبتي نوري بيتك يانورة
نورة والدمووووووع تنزل غصب : تسلم >>بصوت النمل
دحوم : يووووه من زمان استنى اليوم اللي يجمعنا سوا حبيبتي .................. ونورة اشاااااااااارة حمرااااااء
خلاص عيييييب عييييب عيييييييب ماراح ندخل بالتفاصيل عرساااننا يبغون خصوصية نورة بتصفقني اذا ما تركتهم بحالهم ...... احم احم ننتقل لشخصية ثانية نهى وخالد عالتلفوووون كالعاااااادة ,,,,
نهى حاطة سبيكر ماخذة راحتها اليوم على بالها الكل ناااايم بعد التعب اللي صار اليوم
نهى : وشلون يعني لازم نلقى حل ياخالد
خالد : ياعيوون خالد ادري والله ادري بس مافي حل مو ملاقي حل
نهى : اكييييد فيه بس احنا مو ملاحظين
مر عبدالله جنب الغرفة وسمع صوت ولد بغرفة اخته بدت افكار عبدالله تجي وتروح أخذ نفس بقوووووة وفتح الباااااااااااااااااب ,,,, ارتبكت نهى وسكرت الجوال بسرررررعة البرق جات عيون عبدالله المتوتر بعيون نهى الخااااااااايفة كانت لحظة قويييية وصااااااااامتة تبدد الصمت اللي ساد الجو بــــــ ......................
انتهى البااااااارت العاااااااااااااشر
تتوقعون ايش بيسوي عبدالله بنهى؟؟؟؟؟ وايش مصير بشرى هي وقلبها ومشاعرها ؟؟؟ شلون راح تتأقلم نورة مع دحوم وايش المواقف اللي راح تحصل بينهم اشوووووووووفكم بالبارت الجااااااااااااااااااااي باذن الله بكرة او بعده اذا قدرت

<< البــــــــــــــــارت الـــ 11 >>

تبدد الصمت اللي ساد الجو بــ...............
سؤال عبدالله اللي رافض يصدق اللي سمعته اذنه
قال وبحدة : ممكن اعرف مين كنتي تكلمين يانهى؟؟
نهى ماتمالكت نفسها ردت بصوت موو اضح من بكاها
دخل عبدالله لوسط الغرفة وسكر الباب....
عبدالله : نهى ردي ولا تنرفزيني ( وصرخ ) ردي
نهى وهي تشهق: عبدالله ,, طلبتك لا تعلم احد طلبتك الله يخليك افهمني اول بعدين سوّي الل تبي والله ما سويت شي غلط
عبدالله : أنا بأسألك سؤال وجاوبيني عليه ,, هل أنا صدق سمعت صوت ولد؟؟؟ ولاّ أنا متوهّم؟
نهى هزّت راسها بالايجاب فاااااااااااارت أعصاب عبدالله اللي صرخ : كل هذا وماسويتي شي غلط؟؟؟؟<< رجع يتمالك اعصابه مرة ثانية وبنفس سرييييع مخيف >>,,,, طيب يللا وضحي لي وش سويتي يلللا مين هو مييييييييييييييييييين؟؟؟
نهى : هذا الولد ياعبدالله ,,, انا ..... انا
عبدالله المتوتر : انتي ايييييش ؟؟؟ تحبينه
نهى : ايه .. وهو بعد يحبني
عبدالله : لا حول ولاقوة الا بالله ,,, وايش اللي درّاك وشووو؟؟
نهى : هو قابل لي
عبدالله : يــــــــــــا سلام والله طيب ايش رايك اجيك واقول لك اني مو اخوك انا ولد الجيران بتصدقييييني يااااااااهبلة؟؟
نهى : لا يا عبدالله السالفة مو كذا والله انت فاهم غلط وربي فاهم غلط
ولا راح تفهم ابدا ما راح تفهم
عبدالله : طيب فهميني.. انا ابغى افهم
نهى : القصة وما فيها اني اعرفه زين وهو يعرفني وانت تعرفه هو موغريب
عبدالله اللي فااااار دمّه : مييين هووو قوليلي مييييين خليني اذبحه ابن الكلب
نهى : لا ياعبدالله لا صدقني نيته زينة واحنا ناويين نتزوج .. الولد متربي والله متربي
عبدالله : لو انه متربي هالحقير ما عاكس بنات خلق الله بالجوال
نهى : هو ماعاكسني يا عبدالله هو طلب مني اكلمه وانا وافقت
توسعت عيون عبدالله من الشي اللي قاعد يسمعه وهو مو مصدق ويحاول قد ما يقدر انه ما يتهور في تصرفه
عبدالله : ومتى صااااااااااار كل هذا؟؟؟ متى ,,,,, ومسك راسه بقوة من الصدمة وفي الف فكرة وفكرة : يعني ليه كلمت اختي هالولد ليه ؟؟ هل انا قصرت معها بشي خلاها تحس انها فاقدة مشاعر وحنان وحب؟؟
ليش لــــــــــــــيـــــــــــــــش ؟؟؟؟
نهى : هو جاب رقمي من اخته وكلمني واصلا انا كنت مايلة له شوي من قبل ,, بس المشكلة اللي معترضة طريق زواجنا هي ان فوقه اخوان اكبر منه ما تزوجوا لسة ومستحيل هو يتزوج قبلهم
عبدالله وبضيق خلق : طيب مييين هو ميييين تكلمي ؟؟؟
قاطعهم الجوال بنغمته الهادية مقارنة باصواتهم والجو المتكهرب اللي حاصل
عبدالله : ميين ؟؟
نهى : هو
عبدالله : ردي وخليه سبيكر
نهى بقل حيلة : طيب بس خليك ساكت
هز عبدالله راسه بــ ايه
نهى : الو
خالد : الوووو نهى وش فيك ؟؟ ليش سكرتي بوجهي,., صار شي؟؟
نهى : ايه صااار ,, عبدالله درى
خالد بصدمة وخوووف :وشوووووو؟؟ وشلوووون صار كذا ,, وشلون درى ؟؟؟
نهى : هو مر وسمعني اكلمك
خالد : ياويلي ,,, وايش سوّا فيك عسى ما ضربك او عوّرك او شي؟؟
نهى براحة ان اخوها الى الان ما سوّا شي: لا عبدالله متفهم
خالد : ماظنيت يانهى ما ظنيت ... شوفي انا لقيتها اذا احد قال لك شي حطيها فيني اوكي
نهى بصدمة : بس....
خالد : لا بس و لا شي ,,,نهى السالفة كبيييرة هذا شي مو سهل اخاف تبتلشين بسببي
نهى : وانت؟
خالد : هه انا ,,, انا بروووووح ملح ,, السالفة عند اهلنا وراها قتل ابوي اللي هو ابوي راح يتبرّى مني اذا درى .. بس الحين اهم شي انتي
انتي سبق وقلتي لي ودك توقفين مكالماتنا وانا اللي اصرّيت معليش نهى معليش ازمة وبتعدّي اهم شي الحين سمعتك
عبدالله تفاجأ من رد هالولد للموضوع وخوفه على نهى لكن حتى لو القصة اكبر من هالاثنين القصة قصة عرض وشرف ,, مهما كان مايحق له انه يكلمها
نهى اللي انتبهت لعبدالله اللي يفكر وهو محتااااااااااااااار وش يسوي الحين؟
نهى : خالد ... مع السلامة
خالد : معليش نهى انا آسف اني حطيتك بهالموقف سامحيني
نهى : سامحتك بس مع السلامة الحين
خالد : اوكي ,, فأمان الله
اول ما سكرت الجوال ....
عبدالله : خالد مين؟؟
نهى وهي موطية راسها من نظرات عبدالله : خالد ولد عم لجين
وبصدمة كبيـــــــــــــــــــــرة تلقى عبدالله الخبر
عبدالله : خالد اخو مصعب؟؟؟؟؟؟
نهى : ايه واخو يزيد
عبدالله : مستــــــــــــــــــــحـــــــــــيل ما اصدق ,, لالالا مستحيييل اكيد جالسة تمزحين
نهى : والله ما امزح والله
عبدالله : شوفي هالموضوع انا بتصرف فيه ,,,, بس ما هقيتك سهلة لهالدرجة يابنت الـ...... والله ما توقعت هالحركة منك ,, توقعتك اكبر من كذا
نهى اللي صاحت بعد هالنظرة اللي اعطاها اياها اخوها
نهى : وربي آسفة ... غلطة ياخوووي غلطة اعذرني وربي آسفة
عبدالله : حصل خيييير حصل خير ...
وطلع وسكّر الباب وراه بشويييش
قفلت نهى جوالها ونامت بعد بكااااااااااااااااء يقطع القلب ما انتهى الى ان نامت
اليوم الثاني عبدالله من الصبح ما يكلمها ولا يعطيها وجه ولا يسولف معها
عجز عبدالله طوووول اليوم يدور حل ينهي هالموضوع وما يزعل احد ولا يفضح اخته مسكيييين تعب من كثر ما يفكر >>حاسة فيييه
هالمغرب اتصل عليه مصعب يقول له ان الشباب مجتمعين بالكوفي شوب اللي دايم يروحونه ... راح عبدالله والغريب هالمرة ان الكل الكل مجتمع
واحلى شي بنظر عبدالله ان خالد موجود ...
عبدالله : خلّود ,, تعال ابغاك شوي بكلمة راس
ارتبك خالد وبلع ريقه منتظر شي قوي
خالد : طيب
طلع عبدالله مع خالد برة الكوفي شوب
عبدالله وهو مقرب خالد منه : اللي يبغى شي مثل اللي بالي بالك يجي من الباب مو من الشباك يا ذكي
انتبه عبدالله ان خالد مرتبك بزياااادة
عبدالله : لا تخاف يا خالد انا عارف انك محترم واخلاقك عالية عشان كذا ما غلطت عليك لكن لو ان ابوي اللي داري ولاّ حتى ابوك شوف وش بيصير فيك وفيها ,,
خالد : والله يا عبدالله ان نيتي مو سوداء ولا شي ,, والله اني ناوي اتزوجها بس في عندي مشكلة
عبدالله : اذا قصدك عن مصعب ويزيد فأنا أقسم بالله يمديييك وبالراحة بعد
خالد : طيب وشلووون ؟
عبدالله : الحين مو انت تبغاها لك وتبغى كل العالم تدري؟
خالد : ايه؟
عبدالله : طيب يا حمار اخطبها بس مو لازم زواجكم يتم الحين بس اسم انها لك ولما يتقلعووون اخوانك ويتزوجون تزوج وفكّنا من وجع الراس
خالد : بحاول في ابوي ولا يهمك
في بيت ابو مصعب عالساعة 8 الليل
كل العايلة مجتمعة يسولفون سوا
خالد : ابوي؟
ابو مصعب : هلا؟؟
خالد : عندي طلب وأخاف تردني
ابو مصعب : قول ما عليك , وانا عند كلمتي
خالد : ابغاااك .... تخطب لي
ام مصعب : ههههههه يقطع ابليسك من ولد
مصعب : ههههههه والله مو منك
يزيد : هههههههه اشتغل زين اول بعد تكلم ههههههههه
خالد وهو منقهر : انا اشتغل وادرس شلّي حارق دمك انت ويّاه؟؟؟
مالكم دخل فيني .. ابوي انت قايل انك عند كلمتك
ابو مصعب : ما توقعت هذا طلبك
خالد : انت قلت انك موافق مالي دخل.. انا بس ابغى اخطبها الزواج يتأجل لما يتزوجون ذولي النشبااات بعدين خير
فطوم : ومين هي المنحوووسة اللي بتاخذك؟؟
يزيد ومصعب : ههههههه اي والله مييين هي تكلم يالخربااان
خالد بضيق : مالكم دخل
ابو مصعب : شلون مالنا دخل تكلم عشان نخطب لك اياها
خالد : اخت عبدالله الصغيرة
فطوم : نهى؟؟
ابو مصعب : من خوال مهند؟
مصعب : ايه صح عليك من خوال مهند
خالد : هاه ابوي وش قلت؟
ابو مصعب : خليني افكر وارد لك خبر
خالد : طلبتك يابوي تكفى
ابو مصعب : خلاص قلنا لك نفكر ونرد لك خبر

نهااااااااااااااااااية البااااااااااااارت سااامحوني عالتأخير وعلى قصر البارت لكن باذن الله الجاي اطول منه غصب عني حاليا ما اقدر انزل بسرعة زي اول كل يوم كل يوم معليييش بس ابغى رايكم وتوقعاتكم يللا


<< البـــــــــــــــارت الــ 12 >>

نورة وعبدالرحمن في ماليزيا باقي اسبوع على نهاية شهر العسل .... نورة بجد تعبت من الطلعات الكثيييرة ...
راح عبدالرحمن يجيب لهم شي ياكلونه ونورة جالسة بالشقة ,, لما رجع ..
عبدالرحمن : نوووورة ,, حبيبتي وينك؟
نورة : بالصالة ,, يعني وين بكون؟؟
عبدالرحمن : جبت لك شي موووو طبيعي , اتحداااك تعرفييه؟؟
نورة : وش بيكون يعني ؟؟ اكل
عبدالرحمن : لالالا مو اكل ,, شي ثاني غرييييب
نورة : دحووومي اخلص ,, وشووو؟؟ وريني اشووف
نقزت لعنده وفتحت الكيس وطلع .......... تمساااااااااااح صغييييير مرة >> بس اسمه تمساااااح
صرخت نورة بقوووووة : آآآآآآآآآآآآآآآه دحوووووم انت انجنيييت؟؟؟
وركضت فوق السرير ودحوم ميت ضحك على شكلها وهو وراها ,,


عبدالرحمن : هههههههههه شكلك يموووت من الضحك وانتي خايفة .. ههههههه
نورة بعصبية : دحووووم اذا ما طلعته ترى انا بطلع
دحوم : لالا خلاص طيب ,, اهدي
نورة بصراخ : الحيييييييييين طلعه
دحوم : طيب طيب بس انتي اهدي.
نورة : طلعه دحوووم طلعه ,, اذا ما تطلعه الحين لأروح على اول طيارة للسعودية ,, طلعه
دحوم : خلاص خلاص طيب بطلعه ,,, وقف شوي يناظر التمساح بقهر ,, والله انه عاجبني
نورة : عبدالرحمن
عبدالرحمن : طيب ههههه طيب
طلع دحوم يرجع التمساح ونورة بمكانها عالسرير اللهم جلست بس ... رجع دحوم بعد نص ساعة دخل على نورة
وهي طالعت شطارتك
عبدالرحمن : طيب طيب .ه من فوق لتحت ...
دحوم : شفتي الشي الثاني؟؟
نورة : لا ولا ابغى اشوفه
دحوم : مو على كيفك >> بعنااااد يبي يلطف الجو
نورة بعناد اكبر: وريني شطارتك
.. راح عبدالرحمن الصالة يحيب الكيس .. ونورة مغمضة عيونها وسادّة اذانها ..
دخل دحوم الغرفة وشاف شكلها وضحك عليها شوي بهدووووء وقرّب منها ونغزها ببطنها صرخت نورة قام دخل الفراولة بفمها ,,, فتحت عيونها بسرررعة وشافت الفراولة وشافت دحوم يضحك ,,, شالت الفراولة من فمها
نورة : الله .. فراااااولة ,,, ياحبي لك
دحوم : هههههه شفتي كيف؟؟؟؟ >>> اووووكي جبت لكم دحوم ونوير بس هااااااه حركات كذا كذا ماااااتجي معاايا .. عييب انا استحي ,,, أأأأأدددددب خخخخخ
بعد اسبوووع رجعت النوري هي ودحومها للرياض عند الاهل....
ام عبدالله ( ام نورة ) سوّت حفلة صغيروونة عشان رجعة بنتها بالسلامة ,, سوّتها بالاستراحة
البنات في الاستراحة جالسين سوا يسولفون ....
وبشرى وفطوم يتناقرووووون ولجين تسكت فيهم ,
علا : اقووول نهى ... متى تجي اختك ؟؟
نهى : مدري عنها
وهم يتكلمون دخلت نورة ..
نورة : هاااااااااااااااااااي
لجين وفاطمة : نووووووووورة ,, قالوها بصرااااخ
سدّت بشرى اذنها : وجععععع انتي وياها والله لو انها ملكة جمال العالم داخلة عليكم
فطوم : انتي خليك ساااااكتة ولا كلمة فاااااااااااهمة؟؟
بشرى : لا يالعبدة
لجين هالمرة ما وقفت تسكتهم راحت طيرااااااااااااااان لنورة وضمتها
لجين : وحشتيييني يا عروووووسة
نورة : انتي اكثر ,, يللا عقبااالك يااااااااااااارب
فطوم : يا هلا ياهلا .. هاااااه شخبار دحووم وشهر العسل ؟؟
وغمزت بعينها لنورة....
نورة : مااااراح اقولك .. قليلة الادب انطمي يللا >> هالتسكيتة لفطووم وللي مثلها واللبيب بالشارة يفهم خخخ
بشرى : عسااك عقلتي لما زوجوك؟؟
نورة : هههههه لا عيوني طلع هو مرجوووووج اكثر مني
بشرى : الطيور على اشكالها تقع .. مقيوووولة
المهم .. عالمغرب,,,,
نورة بدورة المياه تزيّن شكلها ,, دخلت عليها هيا بنت عم دحوم .. >> هيون بنت حبووبة عسل . دمها خفيف مرجوجة شوي فيها نعومة مو طبيعية لما تبدا ترقص..
نورة : هلا والله هيوون الخبلة ؟!!
هيا : هلا فيك نورة المرجوجة
نورة : هههه ,, ايش رايك بتسريحتي ؟؟
هيا : شينة >> انواااع التحطيم,, بما اننا بدورة المياه استغلي الفرصة وعدليها
نورة : ما احد طلب رايك >> كذب عيني عينك
فتحت هيا عيونها عالاخر وعضت شفتها: لا منتي صاااحية ,, ايش ماكلة اليوم انتي ودحووم؟؟
نورة : سمكة قرش ماليزية هعهعهع
هيا : هه هه هه يرحم امك لا عاد تنكتين ,, سااامجة
نورة : لا تكفييين اضحكي ,, ماالت ,, انقلعي بس
المهم كملوا تزبييد لبعض وطلعوا سوا من دورة المياه >>الله يكرمكم
نورة : هيوووون وش رايك نشوف المسبح؟؟
هيا : قداااااااااام
دخلوا للمسبح ولقوا فطوم تكلم يزيد بالجوال وتخااااصمه
سكرت فطوم الخط وهي تسب وتلعن في يزيد
كانت لجين تنادي فطوم ونورة برة ,
راحت نورة مع فطوم يشوفون لجين وش تبغى ....
هيا كانت تهز خصرها على دقة الستيريو عند الحريم برة المسبح ..
فتح يزيد باب مسبح الحريم متحمس يبغى يكلّم فطوم ..
وشاف هيا اللي لابسة توب احمر وسكيني اسود وتهز خصرها بنت اللذين ..
خقق يزيد وبقوووووووووووووووة ,,,
هيا : آآآآآآآآآآآآآآآآآه >> صرخت بصوت عاالي
وجع ياااقليل الحياء
جات فطوم تركض هي ونورة ...
فطوم : يزيييييييدووووووووووه الكلب >> تبغاها من الله
يزيد بخوف : آسف آسف
قفل يزيد باب المسبح بسررررعة وراح عند الرجال وعقله مع الحلوة اللي شافها جوة ,,,,
أما عبدالله كان واقف عند باب المطبخ يبغى يجيب موية للرجال ,,, سمع دندنة ,, التفت على الصوت وشاف بشرى
تغني بصوت نااااعم سااااااااااااحر لا شعوريا فتح جواله وسجّل صوتها,,,
كانت ليلة رومانسية على اغلبية الاشخاص
سي يوووووو
ان شاء الله عجبكم هالبارت .. ريمو فديتك آسفة اذا كنت ضايقتك وعادي مو مشكلة حصل خير ,, مجنونة والنوري والبقية انتظر ردودكم

<< البـــــــــــــــــارت الـــ 13 >>

بعد رجوع الكل لبيته .... في بيت أبو عبدالله
نهى وعبدالله والوالد والوالدة جالسين سوا بالصالة.....
أم عبدالله : يااااحليلها نوير والله وحشتني سواليفها.
أبو عبدالله : يلللا عقبال العروس الثانية
وطّت نهى راسها بحياء ....
ام عبدالله : ليش هالكلام يا راشد يعني لازم تحرج البنت؟؟
عبدالله : توّه بدري على هالكلام
ابو عبدالله : اليوم فيه واحد كلمني عنها
ارتبكت نهى الا هالشي ,,, كااانت خايفة انها تصير لغيره
عبدالله : ومين هو هذا يبة؟؟
ابو عبدالله : ناصر ابو مصعب ويزيد اخويانك
ام عبدالله : ولمين يبغاها؟؟ لمصعب ولا ليزيد؟؟
ابو عبدالله : لا هذا ولا ذاك يبيها لخالد
لمعت عيون نهى بالدموووع الحلوة .. دموع الفرح
ام عبدالله : غريبة مو هذا ولده الصغير؟
عبدالله : الا هو الصغير
ابو عبدالله :مدري ليش يبي يزوج الصغير اول؟!!
عبدالله : لأن مصعب ما يبي يتزوج الحين ويزيد ما يحب المسئوليات ما بقى الا خالد ..
هنا خلاص نهى ما قدرت تتحمل الجلسة مع اهلها و وجهها احمررر استأذنت وطلعت ركض لغرفتها ..>> يا بعد عمري واخيرا هع
بعد ما انتهت سواليف ابو عبدالله طلع عبدالله لغرفته ونام على صوت بشرى الهادي ....
أما في بيت ابو مصعب يزيد وخالد جالسين سوا بس كل واحد يفكر بحاله
يزيد سرحاااااااااااان بهيون اللي شافها بالاستراحة طبعا هو سأل فطوم بشكل غير مباشر ودرى انها اخت سعيد ولد عم دحوم
والأخ الفاضل خالد دااااخل جو ومستاااااااااااااانس وعلى قولة المصريين : " الدنيا مش سايعااااه " بما ان ابوه خطب له حبيبته >> الله يتمم على خير خخخخ
اما ماجد عفوا أقصد الدكتوور ماجد بكرة اول يوم له في المستشفى ...
بعد اسبوع العايلة الكريمة اجتمعت بالصدفة في بيت العم فارس=ابو فيصل
: ابو مصعب وابو مهند و اختهم ام عبدالرحمن وعيالها ونورة بما انها زوجة ولدهم .
كانوا كل البنات جالسين سوا اللي من عمر 18 الى 24 سنة
كانوا يحشون ب شهد واللي حصل لها مع مصعب لجين ما ضحكت ولا ابتسمت ولا علقت عالموضوع لسة تحس انها منقهرة من مصعب ..
فطوم :وش فيك انتي ووجهك ؟؟ انبسطي ,
لجين : اوكي ,, غيروا هالسالفة البايخة
نورة : بايخة؟؟ اللي صار لهالحقيرة اقل من جزاها
رن الجرس قامت فجر تفتح الباب وهي رايحة :احسن تستاهل قليلة الادب اصلا انا من شفتها ما هضمتها .
فتحت الباب وهي قدامه على طووول من زود الفهاوة والمشكلة ان عبدالملك كان قدامها .. فجر لما تخاف تتصلب ما تقدر تتحرك ولا حتى تتنفس
وعبدالملك يطالع فيها مستغرب ومتعجب بالعادة اللي تشوف قدامها ولد توخر على طول وتسكر الباب بوجهه وهذي واقفة قدامه ,,, عبدالملك شاف كل شي شعرها ثيابها طولها تقريبا خلاص حفظها باقي يعرف مين هي بس.
البنات يطالعوا فجر باستغراب توقعوا انه اخوها او ابوها
عبدالملك : ألووووووو وخري يابنت
سمعت دانيا صوت اخوها وجات تركض وسحبت فجر من قدام الباب
دانيا وهي مرتفع ضغطها : وخري يابنت وانت قاعد تطالع فيها؟؟ صدق انك ماتستحي
عبدالملك : انا ايش دخلني هي واقفة قدامي ,, وبعدين .. وحك راسه بطرف صبعه .. هي حلوة
دانيا بعصبية : والله انك قليل ادب ووجهك قوي .. لو ان خالي فارس شافك ولا فيصل كان رحت بخرايطها
عبدالملك وهو منصدم : هذي فجر؟؟؟؟؟؟؟ مستحييييييل هذي فجر ام الكدش ؟ ما اصدق
دانيا : عبدالملك .. ضف وجهك ولا اعلم امي عليك
عبدالملك : قولي لأمي بعد نص ساعة بنمشي
فجر اعجبها عبدالملك وهي كانت ورى الباب صحيح متنحة لكن تسمع كلامه
اما عبدالملك مو مصدق ان هذي فجر هو صحيح يحبها من اول لكن ما توقع شكلها كذا .
راح ملّوك عند العيال بالحوش ملوك بجد مفهي بعد اللي شافه مو قادر يستوعب ..
يزيد : ملووووك وش صايرلك؟؟
عبدالملك : لا ولا شي بس...
يزيد : بس ايش ؟ اقول لك شي تعال هناك .. سحبه لزاوية بعيد عن الشباب
عبدالملك : شفتها ,, وضحك بهستيرية
يزيد : يالخبل مين هي ؟؟
عبدالملك وهو يضحك : هي
يزيد : حبيبتك؟؟
عبدالملك : ايوة
يزيد : ههههههههههههه الله يرجك هذا وانت بس شايفها خقيت لو تزوجتوا ايش بتسوي خخخخ
عبدالملك باستهبال : عيب عيب ههههههههه
يزيد : دريت باخر خبر؟
عبدالملك : وشو؟
يزيد : انا حبيت
عبدالملك : ياهووووووووووه يا حركاااات مين هي ؟
يزيد :بنت عمك اخت سعيد
عبدالملك وهو منصدم : هيا المرجوووجة؟؟مستحييييل
يزيد : ليه وش فيها ؟؟ كاملة والكامل الله .. فديتها بس يااااحلوها
عبدالملك : لالا منت صااااحي انت خربااان منتهي .. خايس غبي
يزيد : خيييير ؟؟ انت يوم حبيت ما قلنا لك شي .. ولا حلال عليك وحرام علينا؟؟
عبدالملك : انا ما قلت لا تحب .. بس حب وحدة زي العالم والناس مو هيا
يزيد : اعصاااابك انت اللي حبيت زي العالم والناس " فجر " ام التقويم والكدش اذلف بس >> معقدينها بهالكدش مسكينة هع
عبدالملك : الظاهر انك ماقد تصفقت
يزيد : انت البادي ,, لاتغلط على حبايب الناس ماحد بيغلط على حبيبتك فاهم؟؟
عبدالملك : لا والله .. وش رايك تسطرني كف مو احسن؟؟
مصعب سحب عبدالله ورى السور
مصعب : عبوود وش فيك متغير هالفترة؟

يتبع ,,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -