أقسام الوصول السريع ( مربع البحث )

بداية

رواية واخيرا حسيت يا مغرور -7

رواية واخيرا حسيت يا مغرور - غرام

رواية واخيرا حسيت يا مغرور -7

يزيد : انت البادي ,, لاتغلط على حبايب الناس ماحد بيغلط على حبيبتك فاهم؟؟
عبدالملك : لا والله .. وش رايك تسطرني كف مو احسن؟؟
مصعب سحب عبدالله ورى السور
مصعب : عبوود وش فيك متغير هالفترة؟
عبدالله : ما تغيرت
مصعب : الا .. مو علينا هالحركات
عبدالله : يلعن ابليسك يعني لازم اقول لك كل شي؟؟
مصعب : هههه عارفك ما تعرف تخبي
عبدالله : انا ....
مصعب : تحب؟
عبدالله : وجع قاري افكاري ,, كلب
مصعب : كلب يعضك .. ومين هي؟
عبدالله : بنت خالي
تعدوا الشباب باب المطبخ الخلفي يعني صاروا وراه ,, شوي الا وينفتح الباب ... والطريق الوحيد اللي يودي للحوش الامامي هو الممر اللي نزلوا فيه .... البنات
نورة : يللا يالخايسة
لجين : اصبري اصبري
بشرى : وين بتودينا؟؟
فطوم : اقوول دزيها بس انتي وياها وخروا خلوني امشي وهي تطالع بشرى .. لألفك بكف محترم
بشرى : جربي يالعبدة...
ابتسم عبدالله ودق مصعب وهم متخبيين اشر له مصعب انه يسكت
نورة : يللا لولو تعالي سريييع
لجين : ليه؟
نورة : نشوف مصعب زوج المستقبل
فتح عبدالله عيونه بقوة وطالع مصعب من فوق لتحت ومصعب مطنش
لجين : يللا بس ومين قااال انه زوج الفهاوة .. فكيني بس
بشرى : اقووول خلي عنك انتي تحبينه
لجين : طيب لو فرضنا اني احبه هو يحبني؟؟
فطوم : ايه
لجين : هه يللا بس يللا .. لو يحبني كان خطبني انا مو شهد وعلى فكرة انا ما احب اتعلق بوهم

تتوقعون وش اللي بيصير ؟؟؟
تقريبا احنا بالاجزاء الاخيرة وبدت الاحداث القوية اللي تجي ورى بعض
فيه مفاجآت قوية تنتظركم ان شاء الله يكون هالبارت نال اعجابكم


<<البــــــــــــــــــــــــارت الـــــــــ 14 >>

نورة : يوووووووووووه ههههههه
بشرى : وش فيك تضحكين؟؟
نورة : ياحليلك لجووون غيرانة من شهد؟؟
لجين : وععع بسم الله علي هذا اللي ناقص اغار من هذي اللهم لا شماتة ,, على ايش جمالها ولا اخلاقها بذمتك على ايش
نورة : يؤ يؤ خلاص ,,,
فطوم : امي غصبته عليها
لجين : ما يقدر يقول لا؟؟؟؟؟؟
فطوم : قال لا الى ان تعب
لجين : عالعموم الله يهنيه ويوفقه ,, وبس فكرة ,, مصعب ما فكر فيني ولا جابني على باله
نورة : لا والله شكله بياخذك قريب وبتلحقيني
فطوم : ويللا جعل بشرى تلحقكم
بشرى : لالالا وش تبين تسوين فيني ؟؟؟ وشو انا قاعدة على قلبك؟
فطوم : اييييه قاعدة على قلبي شوية عليك
بشرى : ول ول منك انقلعي بس
نورة : شوووفي بشرى ترى باااين انك تحبين يعني مو علينا
لجين : ايييه حتى في عرس نورة كنتي سرحانة بالكوشة يااادبة على بالك غافلة عن حركاتك
بشرى : لا عيوني ويني ووين الحب يللا بس
فطوم : صدقووووني ان ورى هالاعصااب والزعل قضية ,,
نورة : تكلمي عااادي مين هو؟؟ هاه ما اسمع؟؟
بشرى : جعلك ماااااا تسمعين وش تبغون مني اوووف
لجين : بشووري من الاخر مييين هو؟
نورة : الظاهر انه فيصل ولد عمك يا لجين انتي وفطوم
بشرى : لا وعععع بسم الله علي مالقيتي تشبكيني الا بهالفاهي المضيع
لجين : اجل ميين؟؟؟ وجلسوا يفكروا شوية
فطوم : لقييييتها
بشرى بخوف : مين اتحداااااااك
فطوم : ههههه شفتوا انها تحب ؟؟ هههههه ولد عمتها عبوووودي
سكتت بشرى و صار وجهها احمر ووطت راسها
لجين : وجع يالكلبة وما تتكلمين؟
نورة : اخوي عبدالله اخوووي؟؟؟ مالقيتي بهالدنيا الا هذا
لجين : وش فيه عبدالله ما شاء الله عليه عاقل
نورة : ايه صح عااااقل واااااضح ,,, حبيبتي مافيهم واحد خالي كلهم راعيين حركاااات
لجين : لا موكلهم
فطوم : الا كلهم انتوا ما جربتوا انا ونورة مجربين
لجين : لحظة نوري وقلنا متزوجة انتي وشو؟؟
فطوم : اخوااني ياعسل ,,,
لجين : وش فيهم؟
فطوم : انا اقول لك .. مثلا عندك مصعب للحين ما عطاني منديلك الاسود الكشخة
لجين : يمكن رماااه بالزبالة صدق فااااهية
فطوم : لا عيوووني ما رماه ,, ذاك اليوم كنت داخلة احط له ثيابه المكوية بالدولاب وشفت طرف منديلك طالع من تحت مخدته ياعيني طلع
صعوب رووومنسي ويزيد هالاسبوع مدري وش صاير له مستااانس وصاير هااادي منقلب مليون درجة وخلودي راعي الحركات كلها رومنسي حنووون
ويزيد هاليومين صاير مثله
ضحكوا البنات على سواليفها ودخلوا جوة البيت
عبدالله : اوووه الحمدلله ما كشفونا
مصعب : الحمدلله يللا نروح للأولاد هناك بسرعة
عبدالله : لحظة اي منديل اسود كشخة؟؟
مصعب : سالفة صارت زمان ,, وانت ليش تتلقف يللا مشينا
عبدالله : طلعت تحبهاااا عشان كذا رافض بنت خالك ومسوي تصرف طووول ذيك الايام
مصعب : ههههه ايش على بالك؟؟ يللا بس خلينا نروح
عبدالله : اااااه الحمدلله طلعت تحبني
مصعب : وبعدييييييييييين؟؟
عبدالله : هههههههههههههههه يللا
المهم بعد رجوع الكل لبيته الساعة 3 الفجر دانيا تكلم فجر عالمسن
دانيا : فجوري سوري عاللي سواه ملوك الزفت اليوم
فجر : لا عادي مو مشكلة ,, اصلا انا الغلطانة وقفت قدامه بس والله غصب عني
جاها عبدالملك من وراها وشاف المحادثة ...
عبدالملك : احم دانيا امي تحت بالمجلس تبيك
دانيا : يوووه مشوااار المجلس
ملوك : قولي لخويتك امي تبغاك وروحي
دانيا : طيب
راحت دانيا لأمها وجلس عبدالملك عالمحادثة
ملوك : فجر ايش رايك بعبدالملك؟
فجر : من اي ناحية؟
عبدالملك : من كل شي
فجر : عادي
عبدالملك بقهرر : عاااادي؟؟؟؟
فجر : ايه .. ليش وش فيك؟
عبدالملك : ولا شي ,, طيب مافي احد في بالك؟
فجر : لا ياااا دانيا انتي سألتيني هالسؤال مليووون مرة وارجع اقول لك لا
عبدالملك : طيب اقول لك شي بس ما تزعلين
فجر : طيب
عبدالملك : ولا تسكرين المحادثة
فجر : طيب اخلصي
عبدالملك : انا عبدالملك مو دانيا
فجر : دودو خلي عنك الحركات البايخة
عبدالملك : بأفتح الكاميرا عشان تصدقين
فجر : اوكي
فتح عبدالملك وشافته فجر وانفجعت
فجر : ايه خلاص طيب .. باي
عبدالملك : انا ما قلت لك كذا عشان تقولي باي
فجر : وش تبغى؟
عبدالملك : فجر انا اقول لك بكل صراااحة اني ... احبك
فجر : شلووون ؟؟ استحي على وجهك
عبدالملك : انا من 3 سنين احبك وما درى عني غير يزيد ولد خالي ناصرو انا ودي اعرف رايك قبل لا اتقدم لك
فجر : ملوك سؤالك محرج تدري ولاّ لا؟؟
عبدالملك : هههه ادري .. طيب شوفي بعطيك 3 ايام تفكرين بعدين بتصل على تلفون بيتكم الساعة 9 المساء خليك جنب التلفون
وقولي لي رايك ايه او لا وسكري عااااادي اللي في بالك قوليه , اتفقنا؟
فجر : اوكي تصبح على خير
عبدالملك : وانتي من اهله حياتي
استحت فجر وطلعت من المسن وملوك لسة جالس
جات دانيا : ملوووك شتسوي؟؟
عبدالملك : ابد صديقتك طلعت وانا جلست على النت شوي
دانيا : قوم يللا قوووووم
في اليوم الثاني في بيت ابو مصعب الحلوين جالسين يفطرون سوا
ام مصعب :مصعب تعال ياولدي افطر قبل لا تروح ,,, جاء مصعب وجلس يفطر معهم
فطوم : يمة وش بتسوون في زواج مصعب؟؟ يللا نبغى نفلّها شوي
ام مصعب : ايه ياولدي على فكرة ,, اللي سويته بشهد غلط
مصعب : غلط ؟؟؟ شوفوا تبغوني اتزوج شيلوا ايديكم من الموضوع وانا ادبره
يزيد : مصعب اخلص بسرعة
خالد : والله انه صادق, ترى مو انت بس اللي تبغى تتزوج , هذا وانا جاي قبلك وفاتح الموضوع
يزيد : انت خليك ساكت يا بزقة , ما ناقصنا الا انت
خالد : ما البزقة الا انت
يزيد : اقول انطم لا اقوم عليك الحين
فطوم : بس يالورع انت ويّاه ,, الحين اللي بيتكلم فيكم بيتسطّر
مصعب : ههههه عاد كل شي ولا تسطير فطوم يا شباب ههههه
فطوم : وانت متى ناوي تشيل قشّك وتذلف؟ >> ما عندها وقت
مصعب : مالك دخل
فطوم : مين بتخطب عشان تقهر العبدة شهد؟؟
ام مصعب انقهرت وسكتت شوي : ايه على مين مخطط؟
يزيد : أفااااا مخطط على وحدة يالخااايس
مصعب : ما الخايس الا انت
ام مصعب : وبعدييين , بس انت وياه


خالد : مصعب خلي عنك التصريف وتكلم
مصعب نزّل راسه وتكلّم بصوت ثابت : ..... بنت عمي عبدالله
يزيد : لجين ؟؟؟ غريبة
فطوم : ليه غريبة؟
يزيد : مو انت كنت ما تطيقها ؟
خالد : وعلى قولتك المدلعة؟
مصعب : انطم انت ويّاه و ماااالكم دخل
فطوم : هههه ده كاان زماااان .. هاه ام مصعب وش قلتي
ام مصعب : والله يا ولدي هي بنت حبوبة وطيبة وحلوة لكن ما كان ودي انك تاخذ من اهل ابوك
جاء ابو مصعب على هالكلمة ,, : وش فيهم اهل ابوه؟
ام مصعب : علاقتنا فيهم مو قوية مررة بس
ابو مصعب : راح تقوى مع الوقت ان شاء الله ... ايه ومين قرر ياخذ ولدي
فطوم : لجين بنت عمي
ابو مصعب : بنت اخوي عبدالله حلو حلو زين ما اخترت يا مصعب
مصعب : شكرا .. يللا انا ماااشي مين بيجي معي؟؟
يزيد : انا .. اصبر بس اجيب اللاب من فوق واجيك
فطوم لمصعب : ايييه كالعااادة صرّف وانحاااش , مسوي شخصية
مصعب : شفت يبة هذي هي تغلط قداااامك
فطوم : اوووف .. وش قلنا لك؟؟
عدّت الـ 3 ايام تبع تفكير فجر .... الساعة 9 المساء فجر جالسة جنب التلفون
رن التلفون ورفعت السماعة بسررررعة
فجر : الو
عبدالملك : الووو .. فجر؟
فجر : ايه


عبدالملك حب يستهبل معاها شوي
عبدالملك : ايه انتي فجر ولا ايه هذا جوابك؟
فجر : ايه انا فجر
عبدالملك : جوااابك يااااا قلبي؟
فجر بربكة :ااااااايه
وقفلت السماعة بوجهه قعد ملوك ينااااقز ذيك الليلة
ام مصعب : هاه يا ناصر متى بتكلم اخوك عن بنته؟
ابو مصعب : مدري
ام مصعب : يللا عاد نبي نزوجه ما صدقنا انه وافق ودي اشووف عياله
ابو مصعب : ولا يهمك انا اوعدك بفرقعهم كللللهم ويجونك احفاد بالدرزن ههه وش رايك؟
مصعب : اوووف اوووف لهالدرجة قاااعدين على قلبك؟؟ ولا تبغون ترجعون ايام زمااان لحالكم؟؟؟
يزيد : ههههههههه
ابو مصعب : يا عيال اللذين .. قاعدين تتسمعون علينا ؟؟
مصعب : لا والله توني جاي ومعاي يزيد
يزيد : اكشششخ ايش الرومااانسية هذي .. والله مااايمديني
مصعب : هيييه لا تحرج ابوي ما يكفيك وجهه صاير زي الليمونة هههههههههه
ابو مصعب يصرف : اقووول جهّز نفسك الليلة بنخطب لك وبعد اسبوعين ان شاء الله نخطب لخالد رسمي اذا ما صار في راس يزيد وحدة
يزيد منقهر : الا في راااسي وحدة اجل تخلي خويلد يخطب وانا لسة
مصعب : هيه انت اعرف مع مين قاعد تتكلم و عدّل طريقة كلامك
ابو مصعب : طيب خلاص انت بعد اسبوعين وبأخطب لك اللي تبيها
يزيد ركض وباس راس ابوه : فديييتهم يا ناااااس ابوي احبك والله احبك
ضحكت امه على خباله وابوه بعد
يزيد : والله ما ناقصنا الا خالد الورع يخطب قبلي
جاه خالد : هييه انت ورع بعينك احترم نفسك
ابو مصعب : حتى انت هنا ؟؟ يا سلام سلّم
مصعب : هههههه ولا يهمك بكرشهم لك الحين واخليك تاخذ راحتك وغمز بعينه وناظر امه وانتي يمة ديري بالك عليه لا اوصيك وتكفوون لا تتهورون


ابو مصعب حط ايده على وجهه وام مصعب مسكت الخدادية ورمتها عليه
ام مصعب : صدق انك ما تستحي
مصعب وخالد ويزيد : ههههههههههه ههههههههههه
خالد : ابوي والله مالك داعي ,, هذا وانا جاي اول واحد وطلبتك تخطب لي رحت تخطب لهالبعارين قبلي
مصعب : بعااارين في عينك يااااااا تيس
يزيد : تكفى يالزين ماتشوف وجهك هذا وعيونك اللي كأنها مصاقيل
خالد : ارحمنا يا اجمل شاااب بالعالم مين فاكر نفسك اورلاندو بلوم؟؟؟ ههههه
مصعب : هههههههههه لالا محسب نفسه زاك ايفرون ههههه
يزيد : انت يا مصعب ماحد يضمنك مرة معي ومرة ضد ي خالد يا أبو وجه ما علي منك بأخطب قبلك عنااااد فيك يا بزر
خالد : اصلا مووو منكم ,, على فكرة تراكم تزوجتوا بسببي انا اللي فتحت الموضوع
جات فطوم : وجع صكيتوا راسي يالورعاااان ... يااااااا هلا والله حتى انت يا مصعب صاير زيهم؟؟ الظاهر قالوا لك بنزوجك استخفيت
مصعب : اولا احترمي نفسك , ثانيا انا مالي دخل انا انسان محايد هم يتطاقون وانا اعلق واضحك بس
ابو مصعب : هاه؟؟ خلصتوا ... الله يرجكم من عيال مهاااابيل
ام مصعب : الله يعين حريمكم بعدين يجوني يصيحون
خالد : ياااا فديتها مين يقووول تصيح مني؟؟
يزيد : اصلا تروح تشتكي علي احش رجووولها
فطوم : حشى هتلر منت اخوي
مصعب : اصلا اذا اشتكت بتشتكي من الدلع الزاااايد
يزيد : هههه علينا ؟؟ الظاهر مصعب دلعه بكفوووف هع
مصعب : وش رايك اوريك كيف ادلعك؟؟ تعال تعال والله اني احبك يا يزيد
يزيد : لالا انا ما أداااانيك
مصعب : وحدة وحدة علشاااني
يزيد وهو يبعد : لا لا لا .... لااااااااااا وراح يركض ومصعب وراه
وخالد مفهي بالصالة سرحان جات فطوم ووقفت قدامه ...
فطوم : الو الو خااااالد وين وصلت عسى ماهو غرفة النوم؟
خالد : هاه ؟؟ كيف؟؟ انتي ليش حاطة دوبك ودوبي ؟؟ ايش اللي حارق رزك يالعااانس
فطوم : عانس بعينك يالثوووووور
خالد : اجل بذمتك قوليلي مين اللي بياخذ وحدة تصفقه؟؟
فطوم : انت والحين اوريك
ركض خاالد وفطوم وراه عاد انقلب بيت ابو مصعب توم اند جيري بنسختين خالد + فطوم و مصعب + يزيد
ام مصعب : قوم قوم يا ناصر سوي اللي تبغاه لا تستناهم وانا بدخل المطبخ
المهم عالساعة 7 المساء
ابو مصعب ينتظر ام مصعب وفاطمة يخلصون عشان يروحون يخطبون لجين لمصعب
ابو مصعب : يلا يا ام مصعب تأخرنا
فطوم : يللا يللا جايين بس خمس دقايق
ابو مصعب : قبل نص ساعة قايلة لي خمس دقايق >> هههه هذي حالتي مع ابوي مع اني والله ما تأخر هع
فطوم : هه هذاني جييييت
ام مصعب : يللا انا خلصت
ابو مصعب : يللا عالسيارة
انتهى البارت ان شااااء الله عجبكم فيه وحدة قالت لي اذا نزل بارت خبريني
بس والله اني ناسية مين هي اذا قريتي هالبارت واللي قبله اعذريني ترى والله نسيت ايش نكك


<< البــــــــــــــــارت الـــــــــــ 15 >>
في بيت ابو مهند ......
ماجد كان توّه جاي من دوامه عند الباب وتو ابومصعب وعياله جايين ....
مصعب : سلاااااام ماجد شخبااااارك؟؟؟
ماجد : تمام بشوفتكم ... تفضلوا حياكم .. هلا والله بأخوي ناصر حياك
ابو مصعب : هلا فيك
عند الحريم لجين مستغربة جية بيت عمها بوسط الاسبوع مش بالعادة.,,,
لجين : هلا والله حياكم ,, تفضلي يا عمة
ام مصعب : كيفك يا بنتي شخبارك؟؟
لجين : انا بخير دامك بخير تفضلي
دخلت ام مصعب غرفة الضيوف
فطوم : كيفك وحشتيني يااا عسل
لجين : اليوم اكيد شااااربة شي ؟؟ ايش الذوق هذا
فطوم : انا من عرفت نفسي اصلا ذووووق
لجين : وااااضح ,,,, تحركت فطوم عشان تدخل الغرفة مسكتها لجين من ايدها وسحبتها
لجين : مكانك موووو هنا اطلعي غرفتي انتي ورغد وانا الحقكم
فطوم ورغد : اوكي
عند الرجال ......
ابو مهند : يا حليلك يا مصعب لما كشخت احلويت ما عرفناااك
مصعب : ههههه تسلم ياعمي هذا من ذوقك
خالد بصوت واطي ليزيد : شف قاعد يتميلح قدام عمي
يزيد ما استحمل : ههههه تعلمني فيه ,,, اقول خلينا نسوي زيه وش رايك؟؟
خالد : انا بسوي العن من كذا وبتشوووف
يزيد : هههه كان يطردك عمك من بيته بعدين نشوف شطارتك يا روميو
خالد : لالالا مدام فيها طردة والله اجلس مكاني وانطم ولا كأني فيه
انتبه مصعب لأخوانه يتساسرون ,,, نغز يزيد واعطاه ذيك النظرة
يزيد تعدل بسرررعة كل شي ولا مصعب >> متووووحش
خالد : وش فيك سكتت؟؟ ايش كنت بتقول؟
يزيد : اووووص مصعب ناظرني بحقد اخاف يقوم علي
خالد : ههههه والله انك ورع تخاف من نظرة هه ,, شوي الا ومصعب يناظر خالد بقوة يعني انطم انت وياه
تشوفون خالد غاااص بثيابه ويزيد فاااااااطس من الضحك وبصوت واااااطي : توك تقول ورع هاه؟؟
خالد بهمس : هذا مصعب
ضحكوا اثنينهم بصمت عشان لا يقوم عليهم لانه بجد تنرفز من ضحكاتهم
ماجد : لحظة لحظة ايش قصتك اليوم كااااشخ ؟؟؟ لا يكون عرسك وانا مدري هههه
ضحكوا يزيد وخالد يبونها من الله فيهم ضحك ومصعب خانقهم ....
ابو مهند : ايش هالزيارة الحلوة عساها دوم ياخوي
ابومصعب : والله ياخوي جايك بطلب وما ودي تردني
ابو مهند : ابشر من الحين اذا اقدر عليه رقبتي سدادة.
ابو مصعب : والله احنا جايين نخطب لجين لولدي مصعب ,, وش رايك؟
ابو مهند : والله مدري ايش اقول لك
ماجد :قول ايه عالطااااير ..مصعب ما عليه خلاف منا وفينا
وغمز ماجد لمصعب
خالد : اووووخص من قدك صعووووب ,,
مصعب ناظر بخالد بطرف عينه : صعوب بعينك ... اهجد بس
ماجد : اووووهوووو مين قدي مسوي شخصية اقوووول بس يللا
يزيد : هههاي .. اقول عمي .. والله انك تنفع تعال بيوم خطبتي صير واسطة
ماجد : اذا وافق مصعب اجيك
يزيد : هاه مصعب وش قلت؟؟
مصعب بلعانة : انا اقول لا
ماجد : لعيوووووونك الف لا
يزيد: هيييه ماجد ما لأمك دااااعي
ابو مهند : عني ياخوي موافق بس باقي راي البنت
ابو مصعب : ايه من حقك
ماجد : عبدالله طلبتك انا اقول لها
ابو مهند : طيب .. اصلا ما يقنع راسها اليابس غيرك
ماجد : فديييتك بس حااااااااضر
في غرفة لجين .....
لجين : زيارتكم مو لله ... مرررة غريبة احس بشي غريب
فطوم : اقوووول يللا بس قال غريبة قال
رغد : والله بجد ... احنا نجيكم كثير
لجين : وااااااضح كثير .. بس بالعزايم
رغد : مشاااااء الله اللي يسمعك يقول عزايمنا شوي
فطوم : هههههه صااادقة كل شوي عزيمة كل شوي عرس كل شوي واحد ناجح اوووف
لجين : عقباااال نجاااحك ونجاااحي ورغووووووودة ياااارب
فطوم : شووووف كيف ... هالبنت تقهرني بس تفكر بالدراسة
لجين : فطوووم جاوبيني ... ايش سبب الزيارة؟؟ وراكم شي
فطوم : مفاااااااااااجأة تعرفيها بعدين
رن جوال لجين ...
لجين : الووو هلا بالزين؟؟
ماجد : هلا فيك .. اسمعي قولي للي عندك تراهم مطولين خليهم يرتاحون
لجين : من عيوني .. انت وينك؟
ماجد : رايح اجيب عشاء جاهز
لجين : اوكي ,باي
ماجد : باي
فاطمة : ايش سبب اتصاله؟
لجين : يقول انكم مطولين وهو رايح يجيب عشاء
المهم بعد ما راح ابو مصعب وعياله ..... في المجلس
ماجد : هههه يا حليلهم
ابو مهند : والله خايف اقول للجين ..
ماجد : وليه خايف ... قلت لك خليها علي
ابو مهند : اخاف ترفض او تسوي زي لما خطبها رائد
ماجد بنرفزة : هذا غير .. هذا مصعب ولد عمها مو واحد مغازلجي خاااايس ,, والله العظيم !!
ابو مهند : طيب .. اجل انا بدخل اناديها لك .. وتكلم معاها
لجين جاااية تركض : يااااااااا هلا آآمر؟؟
ماجد : ايش عندي مبسوووط .. الله لا يغير عليك ,, تعالي اجلسي
لجين : يممممة ,, ورى كلمة اجلسي شي
ماجد : فديت اللي يلقطها عالطاااير .. ايوة فيه شي
لجين : وايش هو؟؟
ماجد : عندي لك خبر .. بس أخاف يزعلك
لجين بتوتر : قول
ماجد : تعرفي ان مصعب من اول خطب شهد ؟؟؟
لجين بتملل : ايــــــــــه؟؟
ماجد : وفسخ خطوبته منها .. صح ؟
لجين : ايوة .. والزبدة؟
ماجد : بصرااااحة ,, بقول لك بس لا تزعلي
لجين : مااااااجد قول
ماجد : مصعب
لجين بخوف : ايش فيه؟
ابتسم ماجد بمكر : خطب وحدة ثانية
لجين : هه ,, اصلا توقعتها ,,,,, مش مشكلة الله يهنيه
ماجد : اسمها
لجين وهي قايمة : ما يحتاج اعرف مين هي ,, ما ابغى اعرفها ما يهمني
ماجد : متاكدة؟؟
لجين : ايوة ... وهي رايحة ... تصبح على خير
ماجد : عالعموم اسمها لجين عبدالله ..وقفت لجين بمكااااانها انصدمت كأنها تسمع اسمها لالا مو حقيقة لفت على ماجد
لجين : هاه؟؟
ماجد : هههههااااي .. ايوة .. واختها ليان واخوها مهند وعندها عم حلوو يخقق اسمه ماجد؟!!
ابتسمت لجين بخجل وطااااااااارت لعمها وضمته..
تركته شوي ومشت معطيته ظهرها ... تصبح على خير بصوت بالقوووة طلع
ماجد : لجووووون .. راااايك
لجين : تعرفه انت فماله دااااعي تستغبي وراحت تركض لغرفتها موو مصدقة
يوم ملكة لجين .... لجين طالعة تخقق بفستان نيلي ضيق للخصر بعدين نازل بحرية بقصة مثلثة من عند الصدر وكريستالات ناعمة شفافة
موزعة بترتيب عالفستان شعرها الطويل مفتوح ملفوف بالفير ومكياج سموكي وروج وردي ناااعم
فطوم : يااااا حليلها بتصير زوجة العبيط مصعب
نورة : هههههههه يا بعد عمري عليها .. ما تملين سب فيه؟
فطوم : انتي ما تعرفينه عشان كذا راحمته بس خليك تقعدين معه ربع ساعة ما اشوفك الا منتحرة زين اني صااابرة على غثااه للحين
نورة : هههههه منتي بصااااااااحية ابدا..
فطوم بتنغيز لبشرى الساكتة : يالله ياااااارب عقبااال بشرى وعبووودي
وبشرى مطنشتهم ... نورة : ماااا عليك ادبرهم واشبكهم سوا ,, الا عقبالك انتي
فطوم : ويييييين ؟؟ طيب طيب >> تسلك
انزفت لجين وهي مرتبكة خلاص بتموووووووت كل العالم تطالع فيها البنت رااااايحة وطي
بشرى : يااااا حياااااااااتي شوفيها ترتجف
فطوم : هالبنت تقهر خواااااااااافة
نورة : شوفي ايدينها احس المسكة بتطيح ,, يا بعد عمري
المهم .... نادوا لجين بعد ما وقعت عشان تدخل لمصعب بالغرفة
فطوم : خشّي هنا يا عسل
لجين : فطومي والله خااااايفة
فطوم : وليه خااايفة .. تراه ما ياكل ,, بس انه عبيط عاد استحملي
لجين : فطووووم انا خاااايفة ما راح ادخل
فطوم : على كيف أمك هو ؟؟ اقول يللا بس ادخلي عن حركات البزران
سكتت لجين منها وهي شوي وتصيح
فطوم : لجووون .. ترى جوة المصورة بتصوركم وبتطلع وانا بطلع وكلنا بنطلع >> نذلة نذلة هالبنت
لجين : يمممممااااه , لا تخوفيني
فطوم : بعديييين بتقعدون لحالكم انتي وياه بس .. مافي احد حتى انا مو موجودة وتصفق كفوفها ببعض ولجين خلاص رجليها ما تحملها
حاسة انها بتطيح
فطوم : اركدي هااااااه؟؟
لجين : انطمي ياااا زفته يا حيوانه ... خوفتيني اكثر من ما انا خااايفة
فطوم : هههههههههههاااي
دخلت لجين بالقوووووة وعيونها بالارض بس انفتح الباب التفت عليه مصعب وشافها ... شافها ويحس انه بيطير ما بغى هاليوم يجي
فتح عيوووونه عالاخر ما توقعها كذا ... وصلتها فطوم بالدف الين عنده
فطوم بلعاااانة : وهذي عروستك جبنااااها لين عندك
مصعب : يعطيك العافية
بس تكلم من هنا والبنت خلااااااص ذابت من هناك
تصورت هي وياه واستعبطت على المصورة شوي لأن المصورة تطلب منهم حركات مصعب بحياء ينفذ ما يرادد
ولجين تناقز من جوة طبعا وتروح تسحب المصورة على جنب وتعيد الاسطوانة : انا ما اقدر انا استحي حراااام عليك لا تعذبيني انا ايش سويت لك
ويتقطع قلب المصورة وتحس انها سوت شي كبير بحق لجين وتبطل >> هههههاي
بعد ما خلصوا والمصورة اخلاقها بخشمها من لجين ... وطلعت
فطوم : يللا رغووودي نطلع ونخليهم لحااالهم
هنا لجين خااااافت حست انها بجد بتمووووت
لجين : لالا لا تروحين خليك
<< واخيرا نطق الحجر >>
ضحك مصعب عليها بصوت واااطي
فطوم بحركات غبية : برجع بعد شوي لا تخااافين ,, يللا رغييد فكينا
طلعوا البنات وسكروا الباب ولجين ميتة من الخوووف والربكة والفرحة وكل احساس تجمع فيها ذاك اليوم
مسك مصعب يدها .. انتفضت لجين عالخفيف ووطت راسها عالاخييير
مصعب : احم .. الف مبروك .. تضايق من انها موطية راسها ما شاف من ملامحها شي
لجين بهز راسها بمعناة الله يبارك فيك
مصعب : لولو ارفعي راسك .. ابغى اشوفك زين .. ما قدرت المح منك شي كله موطية راسك ولافة لفطوم كنها هي المعرس مو انا
شافها مررة مستحية رفع راسها بطرف اصابعه وقعد يتأمل بوجهها >> كأنه مضيع شي .. ام التعليق رومنسي هاه؟؟ خخخ


يتبع ,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -