رواية اسطورة الموت -8
قبل صلاة العصر بربع ســاعة
فتحت زينب الباب و صرخت بحماااس: الحمد الله على سلامتكم
حي الله أهالي حفر الباطن و انا اقول ليش المدينة منورة
أثاري عيال اختي نزلو عندنا
راحت بحماس وهي تشيل وجدان من حضن مساعد و تقول: هلا بالقمر
حقتنا هلا بروح خالتها
مساعد وهوا ينــاظر في الحـوش و بقفص الدجاج و 3 الغرف اللي بيبانها
مقفله كان البيت هادئ جدا : زينب فين أهلك ؟
زينب وهي تفتح فم وجدان و تناظر في السنتين اللي طلعت بفمها
: امي في الغرفة مع ابويه تشربه الدواء لان ابويه تعبان و تعب قبل يومين
وكان في المستشفى بسبب الصخونه اللي طاحت بجسمه
وكمان عمر بغرفته اعتقد نايم انت تعرف اخويه عمر دائما يزعلنا
و خصوصا امي و ابويه و انا ماقدر ادخل غرفته لانه يخاصمني
و نبيل في الغرفة عند فوزية يتكلم معاها أنا كأني سمعتهم بإنهم يتكلمو
عنك وهوا يقنع فيها بإنها ترجعلك بس اعتقد اعتقد يعني لا تاخذ على
كلامي تقول ماتبغى ترجعلك بس امـ....
قاطعها مساعد بملل و انزعاج شديد .. نسي انه زينب كلامها كثير
و لمن تتكلم كثير مايقعد شئ في داخلها
تخرج اسرارها بيت اهلها و اسرار الجيران و اسرار القرية
وهي ماتحس بعمرها
أعطاها شنطة وجدان الصغيرة و قال : خلااااص شيلي العيال و دخليهم
عند امهم و انا رايح اسلم على عمي و عمتي
شالت العيال و دخلتهم عند فوزيـة
ركضو العيال عند امهم وهما يحضنو فيها و يسلمو عليها
فوزية بتردد قالت وهي تشيل وجدان : مساعد حط العيال و راح ؟
زينب وهي تحط الشنطة بالأرض : لا هوا جاء قبل شوي
و سألني فين اختك و انا جاوبته بإنك في الغرفة
مع نبيل عشان نبيل كان يكلمك بخصوص
عصب نبيل منها و قال :أووووه منك لازم تفرطي الشريط عنده ماتعرفي
تقولي في الغرفة و بس
لازم تسوي كتاب حياتي يعين
عصبت منها بالحييل فوزية و صرخت عليها : وبعدين تعالي
انتي كيف تتطلعي عند زوجي
ناظرت بأخوها نبيل يشيل وائل و يطيره في الجو و يرجع يمسكة
بهمس قالت : كيف تتطلعي عنده بدون شئ على راسك
نسيتي بإنك ابلغتي و انك محاسبة خلاص
على صغيرة و كبيرة لاتنسي وقوفك عند الغريب و تتكلمي معاه
اخذتي ذنب عظيم .. استغفر الله العظيم
زينب تستهبل فيها : طيب انا ايش سويت ؟؟
فوزية بستهزاء و بنبرة عصبية .. تتنرفز لمن زينب تستهبل
و تاخذ الموضوع بتريقة : سـويتي شئ؟؟ اصلا انتي ماتسوي شئ
انا اللي اغلط و كلنا نغلط
بس انتي معصومة من الغلط.. اصلا الغلط مايتجرء يجي لناحيتك
___
دخل مساعد الغرفة و باس راس صالحة و عبد الحكيم
وجلس قبالهم و هوا يقول: الحمد الله على سلامتك ياعمي
أجر طهور ان شاء الله
عبد الحكيم بغيض سكت .. صالحة وصته مايتكلم مو عشان فوزية
عشان صحته ..لكن كل مايفتكر بكاء بنته وهي عند رجوله
و صوتها كأنه جرس بإذنه تقوله طلقــني ..مساعد خاين
خان امانتكم ..هدم بيتي بيده ..
مــايقدر يسكت ولو ثانيه
:أن شاء الله الأجر عند فوزية وهي تاخذ اجرها من الله
لانها صابرة عليك وعلى خيانتك
نزل راسه مساعد بفشل.. هوا عارف انه غلطان
و الغلط راكبه من راسه لرجله
الشيطـان شاطر وهوا اللي انار له الطريق
بس فــوزية لها يد في الموضوع
هي اللي مسكت يده و بأسلوب غير مباشر قالت
روح اتعرف على غيري
بس مين راح يفهمه !!
: والله أنا عارف اني غلطـان و الشيطان اغواني و انا ماحسيت بالندم
الا لمن عرفت فوزية و كشفت علاقاتي و اانا وعدتها
بإني راح ابطل و اتوب بس هي مااقتنعت بكلامي
عبد الحيكم ..كح بتعب.. عنده البلغم
و البلغم هالكه للأخر
أخذت صالحة المناديل و مسحت فم زوجها
و شربته الدواء.. بصوت كله تعب قال : نحنا اعطيناك البنت
عالأساس انك رجل و النعم فيك
حتى فوزية بنفسها اقتنعت و وافقت فيك
والحين بعد الـ 7 سنين تخونها بعد مابنيتو البيت بالعيال
صالحة تحس قلبها مفطور على عيالها ..فوزية و مشاكلها مع زوجها..
و عمر ماتوظف والله يستر اللي جاي في طريق من ناحية نبيل و زينب
هذا بلاء من ربي بيشوف صبرهم و قوة ايمانهم في المصايب
ولا عقاب من ربي لإنهم ارتبكو ذنب بينهم و بين نفسهم
: إذا بنتنا فيها عيب و شايف فيها غلط
اتكلم لا تتردد و قول انه بنتكم فيها كذا و كذا
عشان نحنا نعرف غلط بنتنا و نلومها
اما انك تخونها من الباب للطاقة كذا بس هبقه راس
عبد الحكيم : وبعدين ايش بقيت للشباب اللي اصغر منك
دام انت اللي عمرك فوق الـ 30 و عندك عيال
ماحترمت عيالك و لاحشمت فيهم
لو وده مساعد يدخل راسه في الوحل.. يحس بالخزي و العار
جماعته ماعرفت بسالفه.. بس امه قال لها كل شئ
و امه اقتنعت بأفعال ولدها.. تشوفه الصح في عيونها
: و الله مو عارف ايش اقول لكم بس
فوزية الله يهديها هي السبب
بإني اخونها
رفع عيونه و ناظرهم .. و نزل عينه و قال : لا طالعوني كذاا هي ماكانت
تهتم بنفسها .. أشوفها دائم بالقميص اللي تلبسه من ثالث يوم يوم
ماتعدل نفسها و لا تتشيك
همها بس عيالها كل يومها عند عيالها جالسة معاهم
تأكلهم تلعب معاهم
اما انا مثل الطوفه ماتكلمني غير تعال شيل العيال للمدرسة
أو وديهم عند جدتهم.. او للمستوصف
عبد الحكيم رجال عجوز .. و تفكيره قديم جدا..
عنده الأهم انه المرأة تهتم ببيتها و بعيالها و بزوجها
:مرة رحت عند الجماعة و ثوبك و سخ ؟؟ مو هي تنفخ في الغدا
و تعشيك و تنظف لك البيت ؟؟
مساعد: هي تهتم وهذا واجبها و يعطيها العافية
بس معاي علاقتي معاها بجفاااااء
أنا مثل السواق عندها يوم تبغاني تتصل علي بس عشان مشاويرها
اقتنعت صالحة بكلامه.. مساعد له حق يدور على الحب و الحنان
من مرأة ثانية .. بأقتناع قالت وهي عاذره مساعد
بحركته: و الله كلامك صح و انا ماطلع لك حجج أو ادافع عن بنتي
فوزية بنتي الكبيرة بس الغلط غلط
وهي غلطت معاك و انا اقوم الحين اتكلم معاها و اخاصمها
وانت تكون شاهد اللي بيننا
عبد الحكيم ناظر بزوجته بصدمة شديدة : انتي ايش فيكي يا مرأة
هذا مو اصول العرب
الحرمة ماغلطت معاه بشئ.. بس ولد بنتك عينه زايغه
صالحة : هوا عينه زاغت لمن مالقى اللي يبغى منه
اجل نحنا زوجناها بسايق ؟
بس تقوله .. قوم و جيب و هات و ارجع
البيت اذا مافيه لا حب و لا حنان بين الزوجين ماهو بيت
عبد الحكيم : استغفر الله العظيم انا مااعرف ليش مقتنعه انه فوزية
غلطانه البنت دام انها تنظف بيتها و تخرج زوجها عند الرجال بأحسن
صورة و مظهر وين العيب ؟ وين ؟
صالحة : عبد الحكيم لا انت تقتنع و لا انا اقتنع
انا فهمت فوزية قبل لاتتزوج وبعد ماتزوجت
انه رضا الله من رضا زوجها
و اعطيتها نصاااايح كثيييرة
عبد الحكيم: بس بنتك مالها ذنب لا تنسي اتزوجت
وهي بعمر 16 سنه يعني كانت بزر
صالحة : والحين عمرها 23 سنه وماهي بزر و ام و عاشت معاه 7 سنين
والمفروض يكون لها خبرة ماهي جاهله فوزية
ماهي بزمننا عشان تكون جاهله
قامت من الأرض و قالت :
انا قايمة اكلم فوووزية .. فضحتنا عند الرجال
بكرة الجماعة يقولون محشوم ابو وهيب دام انه عمل غلطته
ومرته هي السبب
طلعت و لقت قبالها نبيل كان داخل عندهم
سألها نبيل بستغراب : يمــه الله يهديكي مين اللي عمل غلطته
و مرته هي السبب
لايكون قصدك على فوززية
صالحة بعصبية قالت : وفي غيرها اللي مهمله بزوجها و تصيح و تبكي
و تقول طلقوووني طقوووني
هذا يبغالها عمر علشان يعقل راسها
بستغرااب شديد قال نبيل وهوا يشوف مساعد يوقف باب الغرفة
وينزل راسه و يتمتم بصوت منخفض: خير يابو وهيب ايش الحكاية ؟
شمر ثوبه مساعد و قال : مافي شئ بس خلينا نلحق على صلاة العصر
___
كانت فوزية جالسة مع وجدان وماسكة يدها و تلمس بأصابيعها الصغار
وهي تلعب معاها : صغير و عاقل
لباس الخواتم .. كبير و مجنون
ضحكت وجدان على اللعبة وهي تشوف امها تقفل اصباعها و تقول :
لاحس القدور قراض النمل
مشيت على يدها النحيفة و قالت: فين بيتك يانمله .. فين بيتك يانمله
ضحكت وجدان وهي تتمايل عند امها وامها تدغدغها بالقوة
اما زينب مسدوحة في الأرض مع وهيب و وائل وهما يرسمو في الكراس
و يلــونو معاها بالألوان الخشبية
دخلت صالحة الغرفة و قفلت الباب
وجلست قبال فوزية بدون ماتتكلم
فوزية لمن شافت انه امها قبالها..حطت بنتها بالارض و قالت لزينب
: زينب خذي وجدان خليها تلعب معاكم
هلا يمــه ايش قالك مساعد
وده اعرف له وجهة يتكلم بعد سواد وجهة
صالحة : له وجهة يتكلم عشان يورينا سواد وجهك
انا ابغى اتكلم معاكي و ابغى افهم
ليييش ماتهتمي بزوجك و كأنه سواق عندك ؟
فوزية بصدمة .. وصل الامر يخرج نفسه مثل الشعره بالعجين
و يفتري فيها : يمـه من قال هذا الكلام ؟ ومن قال انه مساعد
قلت له انك سواااق ؟؟
صالحة بتفهم قالت : انتي ماقلتي؟ بس حركاتك معاه
فوزية يابنتي الرجال طول عمره رجال
يبغى الحنان و الدلع و الأهتمام من زوجته
مايبغى انه المرأة تنغشل عنه ولو ثانيه من عمرها
فوزية عيونها اجتمعت بالدموع .. و خشمها محمر ..دائما تكون مظلومة
: طيب ايش اسوي ؟ البيت فوق راسي
وعيالي ماشاء الله عليهم حركاين انا انظف من هنا و هما يوسخو من هنا
و الله صرت اقول لمساعد ارميهم عند جدتهم حتى البيت يهدء شوي
ومساعد طوال الوقت عند الجماعة جالس
هوا مايقولي كلام حلو و لا يحسسني بإنه محتاج هذا الشئ
طوال و قته في خارج البيت ومايرجع الا متأخر
حتى لمن العيال يكونو تعبانين هوا مايهتم فيهم و لا يجلس معاهم
صالحة : معلليييش يا فوزية انا كلمتك لانك بنتي الكبيرة و عشان افهمك
حتى لو هوا مايبغى يحسسك المفروض الرجال بطبعه و بكبرياءه
مايحب يطلع مشاعره او يبين اللي يبغى
هوا زوجك و المفروض تعرفي من عيونه
اما من ناحية مايقعد مع العيال انتي كلميه بأسلوب ارقى و بوقت مناسب
بسـألك سؤال و جاوبيني عليه
مسحت دموعها فوزية وهي منزعجة بأصوات عيالها : اتفضلي يمة؟
صالحـة بتفهم : متى اخر مرة لمسك زوجك ؟
سكتت فوزية و هي تصرخ على وهيب و وائل اللي كانو يجرو في الغرفة
و يصرخو و يضربو في خالتهم زينب : بس ياااااااولد انت و اخوك
لاتخليني اوديكم عند ابوكم
لفت على امها و اتنهدت و قالت :ثلاثه شهور ..اخر مرة جاء عندي
و انا كنت تعبانه للأخر عشان البيت و التنظيف و الغسيل وكمان العيال
صرخت بوجهة بدون مااحس و قلت له انا اخلص من عيالك تجيني انت
يله بسرعة اخلص عشان انام
صالحة : ومن بعدها مالمسك صح
فوزية هزت راسها: ولا فكر مجرد تفكير اصلا
صالحة : عارفة ليش ؟ لانك جرحتي كبريائه يا فوزية عارفة انه الملائكة
لعنتك في هذا اليله لانك رفضتي حقوقه
فوزية يابنتي و انا امك خلي الكلام خرص بحلقك
و لاتسمعي من الناس و الجماعه و الكل يتكلم فيكي
هما مايطلعو العيب في رجالك.. هما يطلعو العيب فيكي انتي
انتي يافوزية مقصرة معااه كثير
مثل ماتهتمي بعيالك و بالبيت كمان زوجك له أهتمام منك
مثلا اذا مانظفتي بيتك عدل و خليتي الوسخ يتراكم يوم ورى يوم
مين راح يجي و قتها؟ مو الفيران و الذبان صح ولا لاء
فوزية بهمس وهي تصيح :صح
صالحة : بس ليش جو الفيران و الذبان لانهم راحو اللي انتي اهملتي
ومانظفتي وهما يحبو هذي الاشياء الوسخة
مثلك انتي اهملتي زوجك و تركتي بنت الحرام تركض لزوجك
لانك انتي ماكنتي تهتمي فيه و البنت لمن شافتك مهمله بزوجك
راحت عنده .. يافوزية ربي يحاسبك كل صغيرة و كبيرة
باللي تسويه انتي.. حرمة عاقله تصلي فروضها
وصلاة الليل..المفروض تعرفي انه من الواجب و السنه
انه رجال يبغى هذا الشئ
صاحت فوزية من قلب وهي ترتمي بحضن امها :طيب يمه كلامك بالعين
و العقل صح كلامك
مسحت على شعرها صالحة بتأثر و العبرة خانقتها : لا تاخذي على
خاطري مني .. انا كلمتك عشان ابغى اشوف بنتي مرتاحة
ومبسوطة عند زوجها و عيالها قبل لا اموت
شهقت فوزية و باست رجل امها وهي تصيح : يومي قبل يومك يايمة ..
ان شاء الله ربي يعطيكم الاعمار انتي و ابويه
دمعت عيونها صالحة .. ربت عيال بارين لأمهم و ابوهم
يدور رضا امهم و ابوهم : امين يارب مثل ماتنظفي بيتك يوميا خليكي
نظيفه بعيون زوجك
حتى عيالك علميهم النظافه و لبسيهم احلى الملابس
اذا ابوهم موجود .. لا تخليه يطلع العيب في بنت عبد الحكيم عيب
فوزية وهي بصياحها وماسكة رجول امها : ولا راح يشوف بإذن الله
انا كنت محتاجة احد يقرصني شوي و يفهمني بإني غلطانه
والله لايحرمني منك يايمة و الله في بنات متزوجات و يتمنو النصيحة
من امهم و انا الحمد الله لقيت اللي يفهمني و يرشدني
صالحة وهي تمسح دموعها: حبيبتي فوزيـة الله يهديكي يارب
والله الكل يمدح فيكي من اهل حفر الباطن و المدينه
كلهم يقولو اني ربيت بنات يهتمو في بيتهم كأنهم حريم
بس مايدور اللي بينك و بين زوجك
البيـــــوت اسرار و ان شاء الله السر مايطلع عند جماعته
فوزيـة : ماعليكي يمه ترى مساعد فمه ماينفك
عند الجماعه و يطلع اسرار البيــت
صالحة :ههههه حتى ابوكي عصب عليه يبغى يحط الغلط على زوجك
و يفهمه بإنك الصح
فوزيه مسحت دموعها : الله يرضى عليكم يارب انا بروح اتوضى
و اصلي العصر و اسلم على ابويه
و افهمه بإني غلطانه بس مساعد موجود ؟؟
صالحة بتفكير وهي تقوم من مكانها : والله كان معانا في الغرفة
بس مادري اذا راح مع نبيل
ولا قعدين عند ابوكي
% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %
بعد ماهدئت ليلى من أنفعالها ومن عصبيتها
مر يوم كـااامل بدون ماتسمع صوت عمر أو رساله منه
هي كانت غلطااانه بحقه.. ايش تسوي اذا انها سليطة اللسان
جلست في الكرسي البنفسجي و فرقتها وراها
موضي تحمي الطيران و عهود تركب الأسلاك حق البيانو عند السماعات
مرات اتضاربت هي و عمر
و بالاخير حرق قلبها لمن اتعرف على وحدة ثانية
هي تحبه و تغاااار عليه و تخااف عليه بالموت
اخذت جوالها و كانت تبغى تتصل بس خافت يسمعها كلمتين
ينكد ليلتها
ارسلته له مسج
وآنـآ جـآلس طـرى أسمك عـلى بـأإلـي
و قـلت : ليه انـآ
مقصصـر بـأإلقطع معاك !
ويـوم تذكـرتك ، آخذت جوأإلـي ، خفت / آتصـل \
تعأإتبـني و آلعتـب مآبيه منك آبد بـأإلذآآت ~؛
|قلـبي قـأإل| أرسسـل مسـج للغأإلـيٌ لجل تبيـن له آنك
راضي عليه )
كان عمر جالس في غرفته و قباله الأكل جالس يتعشى لحاله
وهوا يلعن في عيال فوزية
لانهم جوء و اصواتهم عالية وهما يضربو في باب غرفته بالقوة
و يسمع صوت الدجاج العالي
: الله يلعنكم من شيااااطين أووف متى ينقلعو هما على امهم
قام من الارض و بيده السلك حاب يهددهم قبل لايضربهم
عشان يعقلو شوي
لكن التفت لمن سمع صوت المسج
فتح الرســـــاله و ابتسم ببرود.. على كيفها ليلى لمن هدئت و روقت
جات ترسل مسج .. ماني لعبه عندها
لما تعصب ماتبغى احد يكلمها و لامن ترضى تبغى الكل يكلموها
هوا عنده كبرياء و عناد
ولازم مايسامحها حتى لمن تتوب و تعقل
عشان تبطل من جنانها
( ماني صفحة في كتابكـ عشان تنزعها
ولاني ثوب من ثيابك تبدله متى ما بغيت
صحيح احبكـ بس عزتي تمنعهــا
ما اوطي الرأس قد ما وطيت
وكرامتي يالغالي اشيلها وارفعها
وادوس قلبي برجلي وعن حبكـ نهيه (
ارسل لها مسج و فتح الباب و بيده السلك وهوا يخاصم
: مين اللي مسوي ازعـــــاااج وهيب و لا وائـــل ؟
عشان السلك على رجوله
خافو العيـال و جلسو في الأرض وهما يناظرو بسلك اللي بيد خالهم
و يشهقو صيـاح
راح عندهم عمر و ضربهم بسلك وهوا يسحبهم من بلايزهم و يدفهم
:يله انقلعو عند امكم لا بااارك الله فيكم ولا اللي خلفكم
دخل عند امـه و قال لها : متى ان شاء الله تزوجيني
عبد الحكيم انقهر من اسلوب عمر لأمه :لمن تثمن كلامك يا عمر
امك راح تزوجك
عمر بنرفزة :اقول ياشيب خليك بحالك و بصحتك
انا كلمت امي ماوجهت الكلام لك
صالحة بحدة صرخت .. تعبت من حياتها مع عمر : عمـــــرر هذا ابوك
احترم نفسك اذا ماتحترمه لا تحترمني
ضحك عمر و قال : ومن قالك اني محترمك من الأساس
حتى تاخذي مقلب على نفسك
انتي و لي جنبك
حطت يدها على راسها و قالت : لا حول و لاقوة الا بالله
يا عمر تبغى شئ
عمر وهوا عاكف ايدينه و ينفخ في اللبان : ايوة ماتسمعي
انتي اقولك زوجيني
صالحة ناظرته بتعب و قالت : ومن وين اجيب الحرمة
من يوم و ليله و بعدين انت ماعندك وظيفة؟
عمر وهوا يمدغ في اللبانه و يقول : مالك صلاح ان شاء الله
لو اكون معاق تجيبي العروسة و لا و الله اجيبها بالحرام
صالحة وهي تصيح : عمر خلاااااااص لاتعبني الله يخليك
خليني لحالي انا و ابوك
عبد الحكيم نزلت دموعه وهوا ينزل راسه بألم و يتمتم : حسبي الله ونعم
الوكيل منه يارب فكني منه يااارب
قال عمر قبل لا يطلع : طيب ياعجوز انا راح اتركك لحالك
بس بمزاجي تركتك فاهمه بمزاجي
بس لا تنصدمي اذا جبت ولد بالحرام
لانكم انتو السبب انتو اللي تبغوني امشي بالحرااام
بس اذا ماحرقت قلبك و خليتك تبكي من كل قلبك
مااكون عمر سامعه مااكون ولدك عمر
طلع من الغرفة بعصبية كأنه ثور هائج.. وده يضرب كل شئ قباله
انتبهه انه جواله يرن
راح لغرفته و شاف اتصال من ليلى
حتى ليلى كمان مايبغاها !! عنيدة و لسانها مو راحمها !!
رد عليها بعصبيه : نعــــم لك وجهة متصله بعد ماسويتي مسرحيتك
اسمعي يابنت خااالي اصلا انتي قليله ادب ومو محترمة نفسك
وانا قررت اتزوج وحدة شريفة ونظيفة
انصدمت ليلى من كلامه و طلعت من الكوشة وهي تقول بهمس
: وانت شايفني اني نايمة من حضن رجال و لا مرة مسكت جوالي ولقيت
اسماء شباب و صورهم
عمر ايش فيك انا اعذرتك لانك معصب ؟
عمر بنرفزة صرخ بوجها : لااا مو معصب بالعكس مروق
و النقاااش معاكي انتهى يا بنت صالح
انا قلت لامي تدور على بنت محترمة نفسها
مو انتي اللي صوتك يصدح في شوارع
دخلت الحمام و وقفت عند المغاسل و قالت : انا اسفه و مستعدة اتغير
من الحين و اوعدك انه فمي مايتكلم
والله معلللللليش ياعمر معالييييش
انا غبية و حمارة و مافهم
عمر: وتعشيش طول عمرك بعقل حماااار ترى مو ناقص اخذ وحدة بهيمة
ليلى هذا اخر اتصال منك لاني انا خاطب خلاااص
ليلى بدئت تصيح : عمر خلاااص روق و اتعوذ من شيطان
حط غي بالك انا احبك و انا خدامة عندك اذا تبغاني
بس لاتفكر تخطب غيري
عمر انا بياعه كلام لا تاخذ على كلامي اللي قلته
انا ماااعرف بالحب و الغرام انا جاهله
انا انسااانه حقيييرة
بس الله يخليك اعطيني اخر فرصـة
والله ثــم و الله اني راح اتغيـــــر
عمر : اذا بتتغيري اتغيري على نفسك مو عليا
و تبغي شئ قبل لا اقفل الخط
ترى الشريحة بغيرها عشان لاتزعجيني بأتصالك
قفل الخط بوجها و هوا يصر على اسنانه:انا اوريها الكلبه
عشان تعرف اني عنيد و راح احرق قلبها
ماافي احد يطول لسانه علي
انا عمر مو أي احد ثاني
امي ماتتجرء تعاندني تجي انتي يابنت خالي تهينيني
والله لا وريكي يا ليلى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك