رواية تدري انا وياك قصتنا مثل شمس وقمر -10
ابو نايف " ضم حنان ومنال وريما " : مافيه الا كل الخير الحمد لله اللي عدت على كذا لو صاير فيه شي وش سويتي ادعوا له بالسلامه واللحين هو محتاج دعواتكم البكاء مايفيد
ريما : ابي اشووفه
ابو نايف : ممنوع يابنتي الدكتور مانع الزياره عنه
ريما : بس شوي والله بس شوي << كان حال ريما مثل المجنونه او مثل الطفل اللي اخذوا منه لعبته ويبيها
ابو نايف : طيب اسال الدكتور
الدكتور : ممنوع يا اخ
ابو نايف : اا ..
ريما : الله يخليك بس شوي تكفى
الدكتور " استسلم لريما وحالتها اللي تقطع القلب " : طيب بس بدون صوت وازعاج
ريما : خلاص " وراحت وقفت عند باب الغرفه تدعي وتقرأ قبل ماتدخل "
ابو نايف " حط يده على كتفها " : شدي حيلك يابنتي نايف محتاجك قويه لاتضعفين
ريما " اكتفت بأنها تناظره "
ابو نايف " فتح لها الباب " : يلله سمي وادخلي
دخلت ريما بهدوووووء طاحت عينها على حبيبها وزوجها وكل حياتها .. نزلت منها دمعه لكن مسحتها " انا لازم اكون قويه مافيه شي يأثر علي نايف محتاجني قويه ابوي قال لي انا بنت رجال هو قال مارح يتخلى عني وعدني .. ان شاء الله بيقوم "
وراحت وقفت عند راسه مسحت على جبينه وباست راسه ومسكت يده وباستها
: نايف يالغالي سلامة عمرك ماتشوف شر / نايف انا محتاجتك لاتخليني انت وعدتني تكون معي لاتروح مثلهم وحطت يدها على جبينه وقعدت تقرأ كل اللي حافظته من القران
منال : يمه منيره خلينا نروح البيت يقول الدكتور مافيه فايده من قعدتنا
الجده : وريما؟
ابو نايف : انتم روحوا مع محمد وانا بجيبها واجي بعدين ماترضى تتطلع اللحين
الجده " تنهدت " : الله يعين
حنان : يله يمه يله منال
دخل ابو نايف الغرفه شاف ريما حاطه راسها على يد نايف وتبكي بصمت
ابو نايف : ريما يبه قومي نروح للبيت
ريما : وين اقووم ماني متحركه من هنا " وناظرت نايف " يمكن يحتاج شي ومايلقاني
ابو نايف : استهدي بالله يابنتي روحي للبيت وصلي وادعي له يقومه بالسلامه
ريما : ياعمي ..
ابو نايف : يابنتي ممنوع تجلسين هنا هذي العنايه المركزه وهو مو حاس فيك
ريما : الا يحس فيني " التفتت لنايف " مو صح ؟؟
ابو نايف : ريما يابنتي كل يوم اجيبك من صباح ربي بس اللحين لازم نطلع عشان حالته ماتسووء والدكتور طلب مني اطلعك
ريما " بعجز وقهر وقل حيله " طيب " مسحت دموعها بقفى يدها .. وباست نايف وهمست بإذنه " : نايف يالغالي شد حيلك تراني انتظرك لاتتأخر علي اللحين بطلع وانا ماودي بس الدكتور طلب مني اطلع وبكرا من الصبح وانا عندك "
وطلعــــــــوا
عبدالله جاء وخوالها جوو كلهم
و فيصل انتقل للرياض
سالي رجعت للرياض هي وزوجها سليمان
..........................................
مرت الايام وريما كل يوم عند نايف تقرأ عليه وتدعي له وتسولف له كل شي يصير معها اليوم
: تدري ياغلاي اشتقت اسمع صوتك والله اشتقت لك واشتقت لضحكتك وهمسك كلامك وكل شي قوووم يالغالي لاتتأخر ماشبعت نوم صار لك ثلاث اسابيع على هالحاله ماوحشتك ما اشتقت لي قوم رد لحياتي فرحتها لاتخليني وعدتك نكون مع بعض دوم ووعدتني ماتخليني واعرفك ماتخلف الوعد
دخلت النيرس : مدام خلاص اليوم لازم يطلع
ريما " باست نايف " : بكرا بجيك من الصبح
وطلـــــعت
.................................................. ....
ساره اجلت ملكتها عشان ريما
وخوالها يروحون ويرجعون
منال تجي كل اسبوع مع ابو نايف مايقدر يجي يوميا
ريما اصرت على خالها يكمل الزواج وبعد اقناع اقتنع عبدالله يتزوج لكن حنان طلبت يكون الزواج عائلي رفضت ريما وقال لاتأجلون زواجكم اذا الله كاتب لنا انا ونايف شي بيصير
صار الزواج عائلي وعبدالله قال لحنان اذا فاق نايف يسوون حفله كبيره
..............................
بعد اسبووع :
ريما " ماسكه يد نايف وتناظر له "
عندها جدتها وعمتها ام فيصل
الجده : يمه ريما ماتعبتي
ريما " بشحوووب وكسل من قل النوم والاكل " : لا بنتظره يقوم مايطوول
العمه : ريما يايمه قومي
ريما : ياعمه انا راحتي عنده خلوني هنا
الجده : انا رجولي ماتشيلني تعبت والله يام فيصل دقي على محمد يجيب السياره عند البوابه مافيني حيل امشي
العمه : تامرين " وطلبت لها كرسي "
.................................................. ..........
ريما " جالسه وتراقب النبض وحاطه يد نايف على فمها "
يسلا بي زمان الهم واصبح له اسير
واخضع لهموم الزمن وينشغل بالي
واصير له لعبتن في يد طفلن صغير
يوديني مره يمينن ومره شمالي
واذكر عشق الغلا في هبووب عصير
وتطريلي سيرته وافتح له مجالي
تذبحني تناهيد شوقي لخلي مير
عيني تهل الدمع وامسحها بشالي
شييييبت من الغلا وانا توي صغير
وتشب بي نار الغلا بطاري الغالي
ابتسي على طاريه دون تقصير
وإليا نشدوني علامك قلت حلالي
علمني الغلا وحرة الشوق دون تحذير
واصبحت اتبعه وانا ناسين حالي
تركني وحيد ورحل دون تبرير
واليوم اذكره ولمن اشكي جور الليالي
اما يجي حبيب الروح مخير
ويرجع لقلبي واصبح له انا غالي
والا فمان الله وموفق يالغلا خير
عقبك بدت قصة موتي واغتيالي
.................................................. ..
النبض وصل 80
ريما " راحت تركض زي المجنونه تدور الدكتور "
.................................................
" الجزء السابع عشر "
والاخيـــــــــــــــــــــر
بعد سنتين ..
ريما جالسه بالحديقه لحالها متضايقه صار لها فتره تفكر بمووضوع شاغلها
جاء من وراها وحط يده على عيونها : الحلو يفكر بإيييييش؟؟
ريما : فيك اكيييد
: وش فيك ؟؟
ريما : مافيني شي
: مو علي انا اعرفك من نظرة عيونك
ريما : متضايقه شوي
: احد مزعلك
ريما : لا بس ...
: كملي
ريما : قل لي شخبار حنان وحملها
: الله يتمم عليها عقبالك
ريما " شاردة الذهن وتفكر ومي معاه "
: " قرب منها وباسها على خدها "
ريما " فززت " : خرعتني
: اللي ماخذ عقلك يتهنى فيه وسوا حاله زعلان وقام
ريما " ابتسمت بنفسها .. الله لايخليني منه ومن طيبة قلبه وحبه وكل شي فيه .. قامت وضمته من ورا وهو واقف عند الورد بالحديقه " : فيه غيرك شاغل بالي وفكري وعقلي ومخليني بلا عقل
نايف : ههههههههههههههههههههههههههههههههههه " ولفها مقابله "
ريما : ههههههههههه عساها دوم الفرحه ويانا
نايف : امين بوجودك معاي " وحط ورده حمرا بشعرها " شفتي كذا احلى بالورده ياوووردة حياتي
ريما : نزلت راسها
نايف : مووضوع الحمل شاغلك
ريما " انصدمت " : وش دراك
نايف : انا اعرفك من عيونك تبين هالشي يخفى علي مبين عليك
ريما : صار لنا سنه وزياده وماحملت اخاف ..
نايف " حط يده على فمها " : لاتخافين ولاشي الحمد لله مافيه شي مو قبل اسبووع سويتي تحاليل عند ناديه
ريما : ايه بس
نايف : لابس ولاشي وبعدين انا مابي الحين " وقعد يغني " احنا كذا حلوين
مابي احد يشاركني فيك ابيك لي لحااااااااالي " وضمها لصدره "
.................................................
بعد سنه ..
عبدالله وحنان ملتهين بـ بنتهم رنا وينتظرون اخو او اخت لها في الطريق .. عايشين حياتهم بكل سعااده وحب
سالي وسليمان ينتظرون ولادة سالي اللي قربت
غلا تزوجت ومع زوجها بشهر العسل
منال تخرجت من الثانوي
ساره كملت مشوار حياتها مع زوجها وحبيبها يوسف واللي ربطهم ببعض اكثر بنتهم ريما
.................................................. ..................
نايف : ريماا ولدك ذا ذبحني مدلع زياده خذيه عني كب القهوه عالملفات اللي لي اسبوع ازين بهن
ريما : ههههههههههههه فديته ركوووني خله يلعب وبعدين وش فيه ولدي لازم ادلعه
نايف " يناظرها بطرف عين " : ايه دلعيه على حساب غيرك << يعني انها انشغلت عنه بهالفتره
ريما " عطت راكان المربيه .. وراحت لنايف وقفت على راسه وشالت الملفات من يده وجلست بحضنه " : انت كل حياتي لاتقول هالكلام مره ثانيه
نايف " حب يستهبل " : لاا انتي ماتحبيني طوول اليوم مع ولدك ومهملتني
ريما " حطت يدها على رقبته " : ماعليك منه بزر
نايف : لا والله انا اللي بزر تسولفين معي كذا
ريما : ههههههههههههههههههههههههه
نايف : هههههههههههههه ايه العبي علي
ريما : طيب غمض عيونك
نايف " بخبث " : وش بتسووين صرت اخاف منك انتي وولدك
ريما : ولدي ماله شغل بيني وبين حبيبي
نايف : مدام فيها حبيبي تآمرين امر " وغمض عيونه "
ريما " قربت منه وباسته بسرعه وخجل وجت بتقوم "
نايف " مسكها بسرعه ووجها مووووووولع من الخجل " : وين وين توناا
ريما " ساكته وتحاول ماتحط عيونها بعيونه "
نايف " مسك ذقنها ولف وجهها له .. " : تدرين انك كل حيااتي " وباسها يعبر عن حبه وغلاتها بقلبه اللي سكن حبها واستقر بقلبه من الطفوله ومازال يحبها وبيظل يحبها لاخر عمره "
انسى كل الناس خليني احضنك غمض عيونك وانسى بحضني نفسك
انسى عمرك وانسى عمري امتزج بيا وصير عطري
ليش وانا وياك احس بالوقت يجري
انســــــــــى كل الناس
كل النآس خليني أحضنــــــــــــــــــــك
هذي اول مره احس كلي عشق آه
اعطيني فرصه اتنفسك خاااف اختنق
ويااااااك انت تأكدت اني قبلك ماعشت
وعلى كل لحظه بدونك ياحبيبي تندمت
انســــــــــى كل الناس
كل النآس خليني أحضنــــــــــــــــــــك
........................................
النهايـــــــــــــــــــــــه
:)
( تدري انا وياك قصتنا مثل شمس وقمر )
كانت اولـى رواياتي ..
كتبتها عن واقع عايشته
همــسه ~
( اجعل الامل دائما مرافق لك فـ بدونه لانحيا )
ملاحظه :
لا احلل ولا ابيح من ياخذ القصه بإسمه
لانها تعب وجهد شخصي ..
للكاتبه / ( هو يدري اني ادري اني احبه ..؟! )
النهايه يوم 7/7/ 1430هـ
الساعه 3:7 ص
تجميع
شموووخهــ
اللهم لك الحمد حتى ترضى وإذا رضيت وبعد الرضى ,,, اضف تعليقك