بداية

رواية تدري انا وياك قصتنا مثل شمس وقمر -9

رواية تدري انا وياك قصتنا مثل شمس وقمر - غرام

رواية تدري انا وياك قصتنا مثل شمس وقمر -9

( خذت جوالها ودقت على امها منيره ) : الوو يمه
الجده : هلاا يمه وينك
ريما : انا بالغرفه تكفين الله لايهينك تعالي شوي
الجده : وش فيك
ريما : مافيه شي بس السحاب مو راضي يمشي معي ابيك تسكرينه لي
الجده : طيب يمه جاايه
[ دخلت الجده الجناح وشافت نايف ]
الجده : نايف انت هنا
نايف " قام وباس راسها " : هلا يمه ايه يغيتي شي!
الجده : سلامتك بس ريما نادتني أزين السحاب ليش ماساعدتها
نايف : اي سحاااب ..؟!
الجده : حق فستانها
نايف : ماقالت لي شي
الجده : اجل رح سووه لهاا
نايف : تااامرين أمر
طلعت الجده من الجناح / وطق نايف الغرفه على ريما
ريما : ادخلي يمه
نايف : مراااحب
ريما " إلتفتت لـ نايف ماتبيه يشوف ظهرا المكشوف " : هلااا نايف بغيت شي
نايف : سلامتك بس امي منيره ارسلتني اسوي السحاب حقك
ريما : هاااااااااه
نايف " تقرب منها " : اسوي سحاب فستانك!
ريما : لاا خلاص انا اسويه
نايف : افاا انا بالخدمه تعالي بس
ريما : .. اا ... ااا ماافـيــ .. ـه داعي
نايف : يللله راح الوقت علينا << وراح وقف وراها وسكر السحاب بصعوووبه
وباس ريما من رقبتها
ريما " تجممممممممدت " : ......
نايف : يله عجلي ولا ......
ريما : لا خلاص << وهي محممممممممره من الخجل
نايف : ههههههههههههههههههههههههه
[ وماحب يحرجها اكثر وطلع ]
.......................................


مر الوقت بسرعه و الكل كان يثني على البنات
رجعوآ البنات عالساعه 3 الفجر للبيت دايخين وتعبانيين ..
الجده : يله تصبحون على خير ولاتسهرن يابنات
حنان : اي سهر والله فيني النووووم احس اني بدوخ " وقامت تنام "
منال : يييي والله تعبت وذا الكعب تعبني
ريما : مره عالي قلت لك خذي الثاني بس انتي الله يهديك عنييييده
منال : وش قالوا لك ريما [ لان ريما طويله بس مو مرره ] ياختي بطووول
نايف : هههههه مالك امل تصيرين مثل حبيبتي
ريما " توردت خدوها من الخجل .. ياربي يحب يحرجني "
منال : اقول انت وحبيبتك بطلع اناااااام
وقفت ريما : ههههههههه ياقلبي منوله تعباانه مره
نايف : وانتي عسى ماتعبتي
ريما : اي والله رجولي مو شايلتني امي الله يهداها كرفتنا اليوم كرف مو صاحي ههههههههه " ووقفت "
نايف " وقف مع ريما .. وشالها فجأه "
ريما : هييييه نايف نزلني
نايف : يابنت اعقلي لانطيح سوا
ريما " ميته من الحيا " : ....
نايف " وصل الجناح ومو عارف يفتح الباب "
ريما : اصبر انا بفتحه " ونزلت شوي وفتحته "
نايف " دف الباب برجله ودخل .. توجه للسرير وحطها عليه "
ريما " بهمس وهي منزله راسها " : مشكوور
نايف : العفوو " وقرب منها وباس جبينها / وطلــــــع "

" الجـزء الخامس عشر "


بعد مرور عدة ايام .. وبعد سفر الضيوف اللي جو يحضرون عرس سالي
العمه ام فيصل تتصل في امها ( الجده منيره ) : مساك الله بالخير
الجده : هلاا بك وشلونك
العمه : بخير اقووول يمه فيصل جته بنت
الجده : ماشاء الله مبرووك عساه تتربى بعزكم
العمه : امين وحنا ترا نبي نمشي بكرا لـ حايل روحي معنا ياميمتي
الجده : وين ياوليدي ما اقدر والله
العمه : الله يعين يله يالغاليه تآمرين على شي
الجده : سلامة عمرك
..............................................
الجده : ريماااا
ريما : هلاا يالغاليه
الجده : دريتي رهف وفيصل جتهم بنت
ريما : صدددددق ماشا ءالله الله يبارك لهم فيها
الجده : امين ... بس لاتنسين تكلمين عمتك وتباركين لها
ريما : مافيها شور اكيد بكلمها
الجده : وابيك تدقين على فيصل ابارك له واسأل عن رهف
ريما : تامرين امر
الجده : الوو
فيصل : هلاا ياكل الخير
الجده : هلابك ياوليدي مبروك ماجاكم وجعل ربي يبارك لكم فيها
فيصل : الله يبارك فيك يالغاليه
الجده : بشّر شلون رهف اللحين
فيصل : مالها فتره طلعوها من غرفة العمليات واللحين حالتها مستقره الحمد لله بس انتظر تصحى
الجده : الله يكتب اللي فيه الخير وسلم عليها وان شاء الله اكلمها لاصحت
فيصل : سلمتي يالغاليه
الجده : فمان الله
توجــه فيصل لغرفة رهف دخل بهدوء لقاها نايمه جلس عالكرسي جنبها ومسك يدها
بعد فتره بدت رهف تصحى : احـ .. ـم ف يـص ــ. . ل
فيصل " رفع راسه " : ياعيون فيصل الحمد لله على سلامتك " وباس يدها "
رهف " ابتسمت بتعب " : الله يسلمك ياحياتي .. وش جبت
فيصل : جبتي بنووته تهبل مثل امها
رهف : الله يخليك لي
فيصل : ولـــي ياحبيبتي .. رهووفه وش تبين نسميها
رهف : جـوري
فيصل : احللللللى جوري والله تم يالغاليه والله يبارك لنا فيها
فيصل : صح ترا امي والبنات يجون بكرا بالطياره
رهف : صددق
فيصل : ايــه طارت من الفرحه امي يوم بشرتها
رهف : ياحياتي يوصلون بالسلامه ان شاء الله
فيصل : وامي منيره تسلم عليك
رهف : الله يسلمها
..........................................
من بكرا وصلت ام فيصل ومعها منال وحنان جلسوآ عند فيصل وكل يوم يزورونها و ام رهف جت كمان وصارت تجلس عند رهف
سالي جتهم بعد اسبوعين بحكم شهر العسل (*_^)
.................................................. ....


نايف : هلااااا ياكل حياتي
ريما : هلا فيك شلونك يالغلا
نايف : بخيييييير
ريما : عساه دووم
نايف : امين اقول حبيبتي
ريما : .. هلا
نايف : عندي لك بشاره
ريما : بشرني الله يبشرك بالخير
نايف : اممم ان شاء الله انا الليله عندكم
ريما : هاااه
نايف " يمـزح " : هااه هذا رد
ريما " بعدم تصديق " : بتــــــــجي !!!!
نايف : لابرووح وش فيك ريما
ريما : والله ماني مستوعبه حبيبي اشتقت لك كثييييير وانت من زمان ماجيت وشفتك
نايف : وش قلتي!!!!!!
ريما : اقول ماني مستوعـ ...
نايف : لا .... قلتي ياحبيبي !!!!!!!!!!!
ريما : ........ إيـه مو انت حبيبي وكل حياتي
نايف : الله ياريما احس اني بصرررخ من الفرحه
ريما : هههههههههههههه تركد تراني ابيك سليـم
نايف : لا لا انتي ناويه علي اصبري لاجيتك
ريما : هههههههههههههه
نايف : اقوول ياغلاي بروح اللحين يجون رجال عند ابوي
ريما : اووكي
نايف : اقوول ريومتي
ريما : ياعيووونها
نايف : يابنت تركدي هونك علي
ريما : طيب بغيت شي
نايف : ههههههه اي بغيت تحطين الجوال على خدك وافتحي السبيكر
ريما : ليييييش ؟؟؟؟؟!
نايف : بعضك ههههههههه
ريما : ههههههههههه طيب بس بشويش ههههههه
نايف : اسمحيلي يالغرام ما اقدر اقاوم
ريما " ووووووووولعت من الخجل "
نايف : ياهوووه ريما
ريما " بهممممس " : هلا
نايف : كني اشوف وجهك اللحين طماط
ريما : ...........
نايف : ههههههههه طيب حطي الجوال وافتحي السبيكر
ريما " بإستغراب " : طيـــــب
( وحطتـــــــــــــــــــــــه )
نايف : اموووووووووووووووووواه
ريما " بحالة صدمه وخجل .. مشاعر متضاربه ومختلطه " : ........
نايف : ريموو حياتي بسكر اللحين
ريما " بهممممس " : فمان الله
نايف " بخبث " : ماتبين تعطيني شي !!!!!!!!
ريما " تذكرت اللي صار وزاد خجلها " : لا لاجيت نتفاهم
نايف : اااااااااه وش يصبرني
منال : نواااااااااافوووه
نايف : بسم الله وش فيكم
منال : اخلص علي " وترفع صوتها عشان تسمع ريما " يكفي مكالمات مامليت منها
ريما : ههههههههههه طيب نيوف فمان الله
نايف : ههههههههه فمان الله ياقلبي
منال : بددددري والله اصبر ترا مامن عجله
نايف " بيهبل بـ منال ومسك الجوال كنه بيتصل "
منال : وش تسووووووووووووووي؟؟؟
نايف : بكلم
منال : يااااااااااربيييييييه الله يعين ريما عليك
نايف : يااربي من لسانك انتي " مشى لها ومسكها مع اذانها وطلعها " : اللحين بجي
منال : اي اي طيب شل ييدك
...............................................
ساره : ريمووووووو باركي لي
ريما : مبروووك بس على ايش
ساره : انخطبت هههههههههههههههه
ريما : هههههههههههههههه مبسوطه بدال ماتستحين وتعتكفين بغرفتك اسبوع ههههههههه
ساره : هههههههههههههههههه
ريما : ومن سعيد الحظ
ساره : ولد خالتي يوسف
ريما : لااااااا يوسف يوسف
ساره : ايه يوسف يوسف
ريما : الف الف مليوووون مبروووك ياغلاتي
ساره : الله يبارك فيك وترا ملكتي بعد اسبوعين وانتي اول الحاضرين
ريما : مايبي لها اكييييييييد
..........................................
قفلت ريما من ساره //
الجده : على ايش تباركين
ريما : سااارونه انخطبت
الجده : ماشاء الله الله يبارك لهم في بعض
ريما : امييييييين
الجده : يلللله يمه انا بروح انام وانتي لاتتأخرين وتسهرين
ريما : يممه نايف بيوصل الليله انتظريه
الجده : وصوله متأخر وانا مافيني حيل انتظر اشوفه بكرا وبعدين بخليكم على راحتكم (*_^)
ريما " استحت .. وابتسمت " : براحتك
على الساعه 2 بالليل
جالسه ريما بالصاله تتفرج على التلفزيون وتذكرت ان نايف قالها مايطول ويوصل
جاء نايف من وراها وغمض عيونها :
ريما " خافت بالاول .. ولمست يده // ونقزت " : ناااااااايف
نايف : ياعيوون نايف
ريما : الحمد لله على سلامتك
نايف : الله يسلمك " وسلم عليها "
جلس بالصاله مع ريما ....
ريما : عن اذنك شوي
نايف : وين ؟؟!
ريما : دقيقه وبرجع
.............................
رجعت ريما : نيوفي العشا جاهز تفضل
نايف : ياقلبي ماني جوعان بجلس معاك لاحقين عالاكل
ريما : لاااا مو على كيفك يله " وجت قومته "
نايف : هههه حاضر ماما
ريما : ههههههههههههههههههههه
....................................
نايف : تسلمين لي حبيبتي
ريما : الله يسلمك خلصت
نايف : الحمد لله
ريما : بس ماكملت صحنك
نايف : خلاص ..
ريما : لا مو خلاص يله عشان تكبر وتتربرب ههههههه
نايف : هههههههههههههههههه
ريما " مسكت الملعقه وأكلت نايف " : يلله نيوفي افتح فمك
نايف : ههههههه احس اني بززر << = يعني طفل :)
ريما : ههههههههه
نايف : خلاااص والله بنفجر
ريما : ههههههههههههههههههه طيب " ونزلت راسها تزين صحنها عشان تشيله "
نايف " يناظر لريما بحححححب "
ريما " رفعت راسها واستحت من نظرات نايف "
نايف : حبيبتي
ريما " رفعت راسها " : سـم ياعيون حبيبتك
نايف : الله يخليك لي ولايحرمني منك
ريما " بإبتسامه " : آمين ويخليك لي


رفعت ريما الصحون وساعدها نايف بعد ما اصر انه يساعدها
.............................................
ريما : ناايف سهر مافيه سهر اللحين تنام وبكرا يصير خير هههههههههههه
نايف : هههههههههههههه حاضر
وتوجهت مع نايف لجنآحه : تفففضل
نايف : يزيد فضلك " وبخبث " تفضلي
ريما : طقته خفيف على صدره " : ماتنعطي وجه يله روح نم
نايف : ههههه امرك تصبحين على خير
............................................
من بكرا الصباح
طلع نايف من جناحه
الجده : هلا نايف الحمد لله عالسلامه
نايف : هلااا ياكل الخير الله يسلمك
وباس راسها وجلس معهم
جت ريما : صح النوم
نايف : صح بدنك
الجده : اقوول يمه خلي رشيده تحط الفطور
ريما : جاهز يالغاليه تفضلوووا
................................
العصر راحت الجده منيره لام فيصل
نايف : ريما قومي البسي بنطلع
ريما : اووكيك ثواني
داروا بالمجمعات وهم مبسوطين
ريما : نايف تعبت بنجلس
نايف : اوكيه تعالي نجلس هناك ونشرب عصير
..........................................
نايف : ريما ممكن سؤال
ريما : تفضل
نايف " اخذ نفففففففس " : صورتي من وين جبتيها ؟؟؟
ريما : اااااا اي صوره
نايف : شفت صورتي بغرفتك
ريما : اااهااا هذي اخذتها من عند حنان
نايف : اهاا تصدقين استغربت من وين جبتيها
ريما " ابتسمت "
ورجعــوآ البيت
.....................................
العمه ام فيصل : ابشرك يمه فيصل حصل له نقل
الجده : لااا ماشاء الله الحمد لله بدال ماهو بعيد عنك
العمه : الحمد لله وابشرك بعد فيه واحد متقدم لـ غلآ
الجده : ياعسااه مبرووك
العمه : للحين ماوافقت غلا
الجده : ليش مو زين الرجال
العمه : والله فيصل يمدح فيه وعبدالله يعرفه بعد يقولون مشاء الله عليه رجال بمعنى الكلمه
بس باقي غلا قلت لها تستخير والله يكتب اللي فيه الخير
................................
بالبيت ...
نايف : ممكن سؤال ثاني
ريما " ابتسمت " : تفضل
نايف : تدرين انك تعنين لي حياتي كلها بدونك ما اقدر اعيش انتي بالنسبه لي كل شي كل شي بس ..... انا وش اعني لك ؟؟؟؟؟!
ريما " سكتت شوي " : انت كل حياتي انت " ودمعت عيونها " انت امي وابوي واختي واخوي وروحي وقلبي وحياتي وزوجي وحبيبي ونور عيني ووووو ....... ا . .ااا .. كل حيااااااتي " وهي ماسكه دموعها بالغغغغصب "
نايف " ضمهاااااا بقووه وتملك "
ريما " بحضن نايف حست بالامان وماقدرت تتحمل دموعها وانفجرت بكاء "
نايف : خلاص ياحياتي اشششش
ريما : توعدني ماتتركني
نايف : اوعدك ياغلاي مايفرقنا الا المووت
ريما " رفعت راسها وبسررعه " : بسم الله عليك عشان امووت وراك على طووول
نايف " مسح على شعرها ورجعها لحضنه "
.......................................
مـــــــر يومين على وجود نايف
نايف : ريما ياحياتي ما اقدر اكثر من كذا
ريما : طيب بس انتبه على نفسك " ونزلت منها دمعه بصممت "
نايف " مسح دمعتها وباس جبينها " : لاتضيقين خلقي
ريما " مسحت دموعها بسررعه " : خلاااص هااه " وابتسمت من بين دموعها "
نايف " ضرب خشمها بخفه " : ههههههه .. يله فمان الله
ريما : فمان الله
طلـــع نايف متوجه للشرقيه بسيارته ..
وهو بالطريق قعد يسترجع كلام ريما وتضايق عشانها وما انتبهه للطريق //
صدمت فيه شاحنه طاح نايف على طرف الشارع فاقد الوعي
وسواق الشاحنه فقد الوعي
تجمعوا الناس وكانت السيارات قليله دقوا على الاسعاف وجاهم بعد وقت نقلوا نايف وسواق الشاحنه
......................................

" الجزء السادس عشر "

.........................................
ريما " قاعده تكلم ساره " : ساره اكلمك بعدين
ساره " استغربت " : شفييييييك ريما
ريما : مدري احس اني متضايقه بدق على نايف اشوفه
ساره : عيني خير مافيه الا العافيه
ريما : ان شاء الله وقفلت
ودقت على نايف لكن جواله مغلق استغربت وزاد خوفها عليه
......................
بالمستشفى بالرياض //
طلع الدكتور للرجال اللي اسعفهم : انت تعرفهم
الررجال : لا والله بس انا اللي دقيت عالاسعاف
الدكتور : لالااسف سائق الشاحنه توفى
الرجال : ان لله وانا إليه راجعون طيب والرجال الثاني
الدكتور : والله حالته صعبه يلزمنا دم فقد كثيير من دمه ونزف بالمره
الرجال : انا حاضر اللحين اروح اتبرع
الدكتور : جزالك الله خير
ووصى عليه عشان يخلصون بسررعه
تبرع الرجال //
ونقلوا الدم لـ نايف
طلع الدكتور ...
الرجال : بشر يادكتور
الدكتور : للاسف الرجال حالته صعبه ودخل حالة غيبووبه
الرجال : لا إله الا الله
الدكتور : تعرف احد من اهله
الرجال : لا والله بس معي محفظته وجواله
فتحها الرجال ولقى بطاقته قرا الاسم وقدر يتوصل لرقم ابو نايف من البطاقه : الوو
ابو نايف : هلا
الرجال : السلام عليكم
ابو نايف : عليكم السلام والرحمه
الرجال : معي ابو نايف
ابو نايف : وصلت خير امر يالاخو
الرجال : بصراحه ولدك نايف صار عليه حادث
ابو نايف : وشوووو
الرجال " ماحب يخوفه ": تطمن مافيه الا الخير بس ياليت تحضر
ابو نايف : وييييين
الرجال : مستشفى ....... بالرياض
ابو نايف : تم ساعتين بالكثير وانا عندكم انا بالشرقيه
الرجال : على خير
........................................
نقلوا نايف للعنايه المركزه وهو فاقد الوعي وفي غيبوبه
..........................................
ابو نايف : مناااااااال حنااان
منال " جت تركض " : ســــــــــــم
ابو نايف : يللله بنروح الرياض البسي عباتك وعلمي اختك
منال " خافت " : خييييير يبه
ابو نايف " يحط جواله واغراضه بجيبه " بالطريق استعجللللي
..................................
وصلوا للرياض ونزل منال وحنان في بيت الجده عند ريما //
دخلت حنان و منال وشافت ريما وشكلها متوتره وامها منيره عندها
منال + حنان : السلام عليكم
ريما : نايف فيه شي ؟؟؟؟؟؟؟!
منال : اااا
ريما : منال تكفين فيه شي
حنان : لا تطمني .... صار عليه حادث بسيط وابوي " مايمدي حنان كملت الكلام الا ريما اغمى عليها "
الجده : ريماااااا " وراحت لها رفعتها .. رشيييييده هاتي ماء
مسحت وجه ريما بالماء عساها تقوم
ريما : نااايف << وقعدت تبكي
الجده : ياوليدي مافيه الا كل خير للحين ماندري وش فيه منال روحي دقي على ابوك اسأليه وش صار
منال : صار
" دقت لكنه يعطيها مغلق " : يمه مغلق
ريما : رشيييييده
رشيده : يس مدام
ريما : قولي لمحمد يجهز السياره
الجده : طيب تعرفين بأي مستشفى هو ؟؟
ريما : يالله " اليأس حل .. لكن لمح بريق الامل " الا الا بدق على ناديه اسألها
ودقت على ناديه قالت لها تتأكد وتسأل الرسبشن عن حالة نايف هي عندهم ولا مشفى ثاني
قالت لها ناديه انه بنفس المستشفى
سحبت ريما عباتها ومعاها الجده ومنال وحنان وراحت
.............................
دخلت ريما : اخوي في حاله حادث على طريق الشرقيه وينها
الموظف : تفضلي هذاك الدكتور اللي تابع ...
ريما " تركته ومشت "
الجده : الله يجزاك خير ياوليدي
ريما : دكتور وشلون نايف
الدكتور : انتم اهله
الجده " بقل صبررر " : اييييييه
الدكتور : تفضلوا معي للمكتب
ريما : استتتتتتعجل الله يخليك
........................
الدكتور : يؤسفني اقول لكم ان نايف الان في حالة غيبوبه
ريما " شهقت " : هييييييييييييه
منال : طيب هو حالته مستقره
الدكتور : الحمد لله لكن الاصابه اكثر شي جت على راسه وكسور بالرجل وكتفه
ريما : ياااااااااربي << وقعدت تبكي
الجده : جزاك الله خير
وسحبت ريما ومنال وحنان كانت في حالة صدمه الجمتها .. وطلعوا برا يشوفون ابو نايف
منال : يييييييبه
ابو نايف " ضم حنان ومنال وريما " : مافيه الا كل الخير الحمد لله اللي عدت على كذا لو صاير فيه شي وش سويتي ادعوا له بالسلامه واللحين هو محتاج دعواتكم البكاء مايفيد
ريما : ابي اشووفه


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -