بداية

رواية بعد كذبك لا ترتجي مني نظره -14

رواية بعد كذبك لا ترتجي مني نظره - غرام

رواية بعد كذبك لا ترتجي مني نظره -14

في احد البيوت..
منى واقفه على باب غرفتها : ابي حقي منه اجل انا يهددني بطلاق
بوسالم يدخل الغرفه: بيجيك حقك بس ماكو دخان بلا نار انتي وش مسويه
منى تناظر فيه وتاخذ منديل: ماسويت شي
ام سالم تدخل: بو سالم لازم تاخذ حقها حنا مولعبه عنده
منى تمسح دموعها: وابي عيالي بعد
بوسالم يجلس على السرير: الحين بدق بخليه يجي
منى: لا روحوا لعنده
بوسالم:عيب نروح لعنده ونصارخ عليه
ام سالم مكشرا: اجل عادي يطقها بنتك يا بوساااالم بنتك
بو سالم: كل شي بتفاهم ينحل خلي الليله تعدي على خير وبكره بعد صلاة العصر انا عنده وماخذ اخوانك معي
منى بحزن: انزين ابي اسمع صوت عيالي
ام سالم : دقي على امه
منى: محد يرد علي موصيهم
بوسالم :استحملي بس هالليله وبكره عيالك عندك
منى تمسح الدموع: طيب
×
*
×
اما من الطرف الثاني بدر اخذ عياله الشقه .. مريم و سلمان .. فتح باب الشقه مريم دخلت الصاله تصارخ..: ماااااااماااا انا دييت (سكتت لفت تناظر ابوها ورجعت علت صوتها) ماااااااااامااااا
" ماما انا جيت"
بدر يجلس: حبيبتي تعالي
مريم تروح له: بابا وينه ماما راحت ؟؟
بدر: ماما راحت عند حرمه قالت لي قول لمريومه لاتبكين ونامي بسرعه
انطق الباب .. مريم فرح : مااااااما دات
" ماما جات"
بدر يحط سلمان على الكنب ويفتح الباب بصدمه: هيفاء
هيفاء تروح وتشيل سلمان وتناظر فيه: اشفيك تناظر فيني
بدربستغراب: اول مره تجين لي بعد مولادة مريم
هيفاء: عشان زوجتك موفيه ... تعال ماتعرف وين زوجتك حاطه حفاطات سلووم لان مهبب الريحه
فايحه
بدر :طيب بس بسكر الباب ..
هيفاء: لاتسكر فواز وراي جاي
مريم تروح لهيفاء: ماما ماراح تذي
"ماما ماراح تجي"
هيفاء تكشر : والله الود ودي يابنت اخوي ماتجي بس لازم تجي عشانك وعشان بوريحه
(ترفع سلمان الي عمره ست شهور) وش هالكيماوي الي عليك سلمووووم (سلمان يضحك) ولا تضحك
بعد..
فواز يدخل ويسكر الباب: وش هالريحـــــــــــــه
مريم تضحك: ههههههه هاادي ثلووم مثوي كخه
" هذا سلوم مسوي كخه"
هيفاء : هههههههههههههههههههه شرح وافي
بدريجي: هذي حفاطته وبجامته وفطوته (يحطهم على الكنب)
هيفاء : يلا سلووم (تضحك ويصارخ) سؤال ولدك على ايش فرحان
فواز: لانه يبخ مسك وعنبر
الكل يضحك حتى مريم سلمان ضحك بعد ماضحكوا..
فواز: غبي استواعبه بطيء مدري على مين طالع
هيفاء: على عمه
فواز: حرم مجوود روحي غيري له يلا تعودي بتصيرين ربة منزل عفوا ربة قصر
بدر:هههههههههههههههه من جد
$$$$$$$$$$$$$$$$&& $$$$$$
يوم جديد ..
يوم الجمعه .. في الظهر .. الكل متجمع في قصر الفيصل ..
تركي بوجمال: ماشاء الله يا بورياض الرجاجيل زحمه كفيت وفيت زين انك اخترت هالصاله
بوفيصل سلطان : اجل يايبه لازم تختار صاله تكون وسيعه وفخمه
الفصيل: انا تارك الصاله على الحريم هم ادرى بهالسوالف
اياد يناظر سعود: تعرف يايبه ماجد واخوانه لهم معازيهم وسعوود ورياض لهم معازيمهم
سعود ببتسامه واضح انها مجامله: انا ماراح اعزم احد انت اعزم يا هلا بمعازيمك(رفع حواجبه)
ماجد: رياض خلاص بعد شهر الزواج
رياض: ايه بس بقى الصاله
فيصل: شوفوا المعاريس الجدد ..
مطلق : ولا وجالسين جنب بعض حركات
جواد: اكرمنا يارب
الفيصل: من الي يتكلم جواد
جواد فشل: ايه
الفيصل: اقول العقل والثقل بس
جواد :ان شاء الله يبه
اياد قام ولحقه سعود ...
اياد يغسل يده : نعم لاحقني
سعود: حركاتك ذي بطلها والبنت الي معي خالتي
اياد يسحب منديل ينشف يده: ماشاء الله وتضمها ومدري ايش
سعود: موشغلك ولم لسانك عني فااهم
اياد ياشر له يمشي: اطلع لا اسوي لك فضيحه .. اووه نسيت انك متعود على الفضايح مره خالي ماسكك
مره عفوا مرااات هيئه .. غير ابوك وعمي وابوي والحين انا
ماخلص كلامه اياد الي ويجه بوكس من سعود .. اياد يحط يده على فمه الي نجرح ويتحسس الدم ..
اياد بعصبيه: وصلت فيك المواصيل تضربني يا البزر
ويبدا الهواش ...
رياض وماجد حسوا في سعود واياد طولوا اطلعوا والحقوهم ... وانصدموا بالي شافوا ..
رياض يبعد سعود: انهبلتوا
ماجد ماسك اياد: دكتووووووور تضرب مفروض تكون راقي تعال معي تعال
اياد: خلني اكسر راسه البزر
سعود: قرب وجرب حظك وربي لا اكسر راسك
رياض سحب سعود الى جهة السيارات .. وماجد الى داخل القصر عند عمته دلال..
$$$$$$$$$$ $$$$$$$$$$
في الجزء الجاي ...
اعتراف من؟؟؟؟ الى ؟؟؟؟؟؟
منى وبدر وش مصيرهم ؟؟
مهاا ليه منقهره ؟؟
ماجد وهيفاء تتوقعون بتعزمه ولا لا؟؟
بتكبر الهوشه بين سعود واياد ولا بس بتوقف على كذا؟؟
واذا في توقع عندكم هاتواا .. وسوري على التاخير ^_^
تحياااااتي لكـــــــــــــم


..*&*.. البـــارت السادس عشـــــر ..*&*..

ــــــــــــــــــــــــــــــــــــــــــــــــــ ــــــــــ
دخل القصر وهو معصب وينزف دم من شفته .. صعد غرفة من غرف القصر وهو معصب ..
ماجد يسكر الباب: اهبل انت اهبل تتهاوش مع سعود كبرك هو
اياد يفتح الثالجه ويطلع ببسي بارد ويلفه حول منديل ويحطه على شفته: اح .. (يناظر ماجد) قاهرني الوصخ قاهرني .. يسوي سواته ويكذب
ماجد: ليه وش مسوي ؟؟ وحتى لو شفته موتكلمه هو كلم اخوه رياض عمي هو لا
اياد يناظر ثوبه الي بعض ازارره متقطعه والي توصخ من الارضيه : والله سواته ماتمر على خير يصبر..
ماجد يتكي جسمه على التسريحه: بزر يبقى بزر سعوود بزر.. انت اكبر منه
اياد : ماجد لاتقول بزر .. البزر مايسوي كذا .. بكل وقاحه عزم خويته ومقابلها قدام الناس ولا همه حد
ربي ستر انو انا الي شفته مواحد من الناس وربي سيرتنا على كل الناس ماجد حس ترى يجي علينا بعد الكلام..
ماجد: طيب كذا .. انت تخيليه يعاند كل شي بتفاهم ينحل لاتخاذها بطق وشغل ناس همج
اياد: يستاهل الي جااه
ينطق الباب وتدخل الشغاله.. بصحن فيه مسحات طبيه وديتول ولزق طبيه ..
ماجد بتريقه: مايجي ثوب مع هالحوسه ههههههه
اياد: من جد يبغالي اروح البيت
عمتهم تدخل عليهم اصغر وحده: هلا بعيال اخواني (تشهق ) اياااد من الي طاقك؟؟
ماجد: هذا شي بسيط بكره يجيك خبر عظييم ياعمه (ويرن جواله) عن اذنكم
دلال: ايووه ياعم الحبيبه تتصل .. اخص
ماجد يطنشها ويطلع ويرد: نعم ازعجتيني
هيفاء " مالت عليك": هلا حبيبي ميموو ترى امي تقول عازمتك على العشاء اليوم ..
ماجد سكت وناظر بالجوال ورجع حطه على اذنه: وش انا اسمي
هيفاء: هههههههه ميموو عن الخبال شوف امي تبي تكلمك ( وتعطي الجوال امها)
ماجد: هلا عمه
ام بدر: هلا بالغالي شخبارك واخبار امك؟؟
ماجد: بخير ياوجه الخير .. انتي اخبارك؟؟
ام بدر: الحمدلله بخير ماطول عليك اليوم عازمتك على العشاء ولازم تجي
ماجد: انا اقدر ارفض طلب بس بشرط خلي هيوف تتطبخ معك
ام بدر: لاتخاف تعرف تطبخ محد يساعدني غيرها ..يلا لا اطول خذ هيوف(هيفاء تاخذ الجوال وتطلع من الصاله )
هيفاء بتكشير: وييييييع واسحب كل كلامي من الحين ..
ماجد: اجل انا ميموو وش هالدلع الخايس ..بزر انا تقولي له ميموو وش ميموو ولا حبيبيك ياختي جبتي لي اللوعه حسيت ودي ارجع ..(ويمسك نفسه لا يضحك )
هيفاء: اقول لايكثر تعال ساعه ثمان عشان تسع ونص تطلع ماستحمل اشوف وجهك اكثر من كذا باي
(وتقفل في وجهه) ههههههههههههههههههه الحين بيولع ههههههههه
$$$$$$$$$$$$$$$$&& $$$$$$
في المستشفى..
سعود والنيرس تلف يده: آآآآآي تعورني انتي
رياض: احسن قلعتك ..في احد يحط راسه في واحد يلعب رياضه ..ولا بعد دكتور يعرف المناطق الي تالم اكثر ..
سعود مكشر من الالم: انت ليه تدافع عنه منو اخوك انا ولا هو(ويقوم)
الدكتور يدخل: ايه ياسعود فيه ايه
رياض بحتقار: انا انتظرك برى ..
وبعد دقايق يطلع سعود ومعه ورقه.. رياض يقوم ويمشي جنبه ..
سعود: يهودي انا ماتسولف معي حتى سلامتك ماقلتها لي..؟!!
رياض مسكر سنونه وهومكشر: لاني كارهك حيل .. اياد مايتهاوش على الفاضي انت وشسوي؟؟؟!
سعود: قلت لك مومسوي شي هويتبلى عليّ
رياض يفتح له باب السياره : اركب بس اركب( يركب سعود وقفل الباب بقوه)
سعود بعد مارياض ركب السياره: الحين ابي افهم ليه معصب؟؟
رياض يطنشه ويشغل السياره ويحرك.. سعود فتح جواله ودق على ابراهيم .. مارد عليه ..ونزل جواله
سعود ناظر رياض: تيب لادخن حشرتني اكره الدخان انا
رياض يناظر فيه بحتقار ويرجع يناظر في الطريق:.....................
سعود: رياااااااض طف الزقااره وربي لاعت كبدي(يرن جواله ويرد) هلا حبي رهووفي
رهف: هلابيك حبي .. وينك ادق وادق ماترد؟؟
سعود: كنت بالمستشفى
رهف بخوف: ليه وشفيك ؟؟
سعود بكذب: طحت ونكسرت يدي ونجرحت شوي
رياض يفتح عيون على الاخر..وبهمس يقول: طحت يانصاب
سعود ياشر له اسكت: ايوه رهوفه معك حبيبتي
رهف صدقت: كيف طحت؟؟
سعود "اهوووه هذي بتحقق": توني طالع من الحمام (وانتم بكرامه) وامي نادتني ورحت لها واركض على الطرج وطحت
رهف: ياااااااحيااتي سلامتك حبيبي
سعود: الله يسلمك ان شاء الله بالعدوو ياارب
رهف: من جد .. وان شاء الله انت الي تسوق بعد
سعود: لا اخوي رياض يسوق والله لو تشوفينه كيف يخزني ؟؟
رهف : ويييع اكرهه سكرتير الهيئه ..
سعود : ههههههههههههههههههههههههههه جبتيها صح هههههه
رياض يعلي صوته: يازينك وانتي ساكته..
رهف: ويييع اكرهه اكررهه سعود لمى توصل وترتاح كلمني طيب
سعود: حتى انا هههههههههههههههههه يلا بااي ..
$$$$$$$$$$$$$$$$&& $$$$$$
في بيت الشعر .. في العصر ..
كان منبطح على الكنب .. ويناظر في جواله .. ويبستم ..تروع على دخلت ضاحي ..
ضاحي: هاااه راح تجي ولا لا
حمدان: لا بجلس هنا بنتظركم ..اكره النوادي لو بر بروح
ضاحي: والله ماغلطت شهد لما قالت فتى البراري
حمدان: ههههههههههه وانت شيخ العربان هههههههه اختك خبله
ضاحي: اخ لو اعرفه كان كسرت راسه ياشيخ
حمدان: من القهر كسرت مرايته ودي براسه والله
ضاحي:اهم شي اختي بخير
حمدان: ايه والله اهم شي هي بخير
ضاحي: اقول طس لاتعطلني ..
حمدان : شوي شوي وانت تتسبح في البركه الي يسمعك الحين سباق ماهر مالت عليك
ضاحي: اسكت يافتى البراري
*
*
*
:تكفين سوسن بس بشكره والله مومسويه شي
سوسن: خبله انتي هذا حمدان فضيحه البنت الي تتكشف قدامه بلغلط راح قال لاهلها شلون انتي بتروحين تشكرينه خبله
منيره: وربي احبه .. ماعليك بروح بغطاي وكل شي وبتكلم معه باحترام
سوسن :بس
منيره: الحين ضاحي وعمي بيرحون النادي وابوي في دوامه .. وامي وشهيد نايمين تكفين راقربي الوضع
سوسن: وين شهد ؟؟
منيره: بمجلس الحريم نايمه ..
سوسن: يلا قدامي
منيره تلبس عباتها : يلا تعالي معي راقبي
سوسن: جوالك خذي
منيره تاخذه: تيب يلا تعالي
ونزلوا تحت ..وراحت منيره الى حمدان..
$$$$$$$$$$$$$$$$&& $$$$$$&&
في القصر ...
مها : وشووو تتعشى ماتتعشى اقول اهجد مكانك بس مايندري وش يحطون في الاكل
ماجد : مها حركاتك بدت تعصبني وعصبيتي ابد موزينه لك
مها بقهر: اصلا قليلة ادب تعزمك بدونا
امها: وكل مره بتعزمه بتقول لنا حلا السالفه
مها: ماجد لاتروووح
ماجد: لا بروح تصرفاتك عدليها ..
امها: وين كلامك عنها قبل
مها: فكرتها وحده سنعه اثاريها كلبه .. ولحجيه وتتعمد تفشلنا وتنرفزني
ماجد بصرخه: هيــــــــــه انتي لمي لسانك عن زوجتي اخر مره اسمعك تقولي عنها كذا لا اكسرك راسك فاهمه (ويقووم من مكانه معصب)
مها: شفتي من ملك وهومتغير
امها: اي رجال مايرضى على زوجته .. حتى انور مايرضى
مها : بس موكذا يمه يصارخ عليّ وكني بزره
امها: مها خلاص سكري هالسالفه عورتي راسي اف (وتقوم عنها)
$$$$$$$$$$$$$$$$&& $$$$$$&
كل ماتقرب من بيت الشعر وقلبها يدق يزداد بكثره.. الي بتسويه موشويه .. بس مافيه الا هالطريقه ..
فتحت الباب وهي ترجف .. جاها صوت حمدان ..
: ضاحي لاتحاول قلت ماابي
منيره برجفه وخوف: انا منيره
حمدان يعدل جلسته ويقوم من مكانه: نعم منيره شتبين؟؟
منيره : انا حبيت بس اشكرك على وقفتك معي.. حمدان هالموقف ماراح انساه لك ابد
حمدان" الله يستر بس": منيره شلي تشكرين انتي زي ..
منيره تسكر عيونها وتقاطعه: لاتقول زي كذا انا ماتعبرك كذا .. حمدان انا احبك يمكن تسميها قلة ادب
انا ماطلبت منك شي ولا قلت شي قليل ادب انا جد احبك .. ادري اني الا اقوله عيب بس الي اطلبه انك
تتزوجني..
حمدان من الصدمه وقف و جلس يحرك عيونه يمين ويسار: وشو
منيره: حمدان اناجد جد احبك ولااتخيل احب احد ثاني الي يجون يخطبون ارفضهم عشانك .. انت ماتتصور كيف اموت من الغيره لمى اسمع امي تكلمك وتدعي لك بزواج اوتقول مواصفات زوجتك
امووت قهر حيل وغيره
حمدان: انتي مستوعبه وش تقولين ؟؟
منيره: ايه عارفه .. انا اهديك نفسي .. وياولد خالي المثل يقول اخذ قلب يحبك ولا تاخذ قلب تحبه
حمدان: بس انا ماحب احد
منيره: بس انا احبك
حمدان: منيره انتي قبـ...
منيره تقطع كلامه: اسفه بمشي بس امانه لاتخبر احد واذا كلامي ماعجبك استر عليّ والله يعيني
باي وراحت عنه..
حمدان جلست على الكنبه مصدوم: هذي خبله ولا تتخيبل ولا شسالفتها في احد يسوي كذا
لهدرجه انا جميل ؟؟ ورى شهد تتريق عليّ وتحطمني ؟؟
بس يمكن انا ماترتاحين لي.. الله يستر بس لازم افكر بخطه اوصل لها انو لازم افكر
*
*
اما منيره عدت من جنب اختها وهي تبكي .. فصخت عبايتها وصعدت فوق تبكي على سريرها..
سوسن: وش قالك ؟؟
منيره وهي تبكي: ماقال شي بس صعب (ورجعت غطت وجهها تبكي)
سوسن: قال بيقول لضاحي والله بيقتلك انا من الحين مالي دخل وان جبتي سريه ذبحتك
منيره: انا وين وانتي وين اطلعي اطلعي خليني لحالي اطلعي
سوسن تطلع من الغرفه .. وقلبها يرقع من الخوف .. اما منيره في حالة انهيار ..: ليتني ماقلت له
صدني صده جرحتني ياحمدان والله جرحتني وتبكي
$$$$$$$$$$$$$$$$&& $$$$$$$$
في الشقه .. بو سالم وسالم و مؤيد ..
بدر : هلا وغلا امر ياخال
بوسالم: لو جد تعتبرني خال ماظربت بنتي وهي ماسوت لك شي
سالم: اخص عليك من رجال تضرب مره مالها قوه
بدر: انا عاذرك يا خالي .. بس انت وش راح تسوي اذا زوجتك ماتكتم سر زوجها وطلع كلام على اهل زوجها
مؤيد :تستاهل كسر الراس.. بس عيالها لاتحرمهم منها
بدر: اليوم اجيبهم لك
بوسالم وهوفشلان: رجع زوجتك
بدر: اعذرني ياخالي بس مثل ماهي اطلعت بدون اذني ترجع لحالها
بوسالم يوقف: سلم على امك .. امسح حركتها بوجهي
بدر " الله يلعنك يامنى" : موزعلان والله يخليك وانا الحين بجي معاكم اباخذها ..
مؤيد: والله انك ولد اجواد يابدر
بدر: تسلم ..
طلع معاهم وهوناوي نيه على منى
$$$$$$$$$$$$$$$$&& $$$$$$$$
في الليل ... في احد الكفيهات ..
نواف: من جدك ؟؟
اياد: والله انا بس اعرف منو البنت راح اقول لاهلها
نواف: وبالله لو اطلعت مالها اهل
اياد: ساعتها بلغة الهيئه عليها
نواف: بلا شغل نذاله
اياد: هذا لا زم يتادب .. فشلنا وان كلش كلش كلمة جدي وقلت بكل بلاويه
نواف: اجل خلك على البنت دور عليها ان حصلتها هذا وجهي
اياد:على قولة جدتي الي بالجدر يطلعه الملاس
نواف: اقول خل جدتك على جنب هو وش صار عليه
اياد: انسكرت يده وشوية اشموخ
نواف: ودروا من مين
اياد: قال طايح لهم ..شفت انه خايف ينفضح خايف من جدي
نواف: جد هالانسان غريب ..
*
*
في كافي ثاني ..
ابراهيم: جعل يده الكسر
سعود: والله لو موخواته بنات عمي كان شبكت وحده منهم
ابراهيم: شرايك ندبر له كم واحد يضبطون اعظام جسمه
سعود: خبل انت عشان انافضح انا لا قفل السالفه..
ابراهيم: نرسل له بنت
سعود: لو ترسل له ملكة جمال العالم ماهزت فيه شعره.. معروف عنه ثقيييل هو وماجد
يرحم امك قفلها سيره مالت عليه
ابراهيم:لعيونك بس
$$$$$$$$$$$$$$$$&& $$$$&&&
على الساعه ثمان.. دخلت امها عليها وهي الى الان محتاره شنو تلبس..
امها: هيوف الى لان مالبستي شي
هيفاء: لا موعارفه شنو البس
امها: فستان
هيفاء: لا مابي
امها: البسي البدله الي لبستيها يوم جاو
هيفاء: لا بدون اكمام لا مابي
امها : مدري عنك ..المهم لاطولين الرجال على وصل
هيفاء : تيب(وجلست ناظر وش تلبس حصلت بلوزه سوده واخذت معها جنيز رمادي ) والله لا اسودها على راسك ياماجد ..ههههههههههه
وكلها نص ساعه ودق جوالها .. رد وهي مكشره: جيت
ماجد : ايه تعالي افتحي لي الباب
هيفاء : تيب
وتنزل تحت وتفتح الباب لماجد .. يدخل ماجد وهولابس الثوب مشخص حده حلاه زايد .. وماسك ورد ..
هيفاء لمى شافته استحت وارجعت خطوتين لورى" وجع طالع مزيون حيل" ونزلت عيونها الارض..
ماجد ببتسامه كان مروق حيل رفع راسها باصبع : السلام عليكم
هيفاء " اشفيني مستحيه " : وعليكم السلام
ماجد: هذا لك (ويعطيها الورد)
هيفاء وردت خدوها حيا : تسلم
ماجد: بنجلس برى واجد
هيفاء رفعت وجهها ومرت نسمة هوا يطيت شعر هيفاء وعلى ضوء القمر مطلعها ملاك قالت بهمس:تيب تفضل
ماجد جلس يناظر فيها بعجاب بعد ثواني تكلم: احم يلا " هالبنت فيها جذابيه "
وادخلوا داخل الى المجلس ..
$$$$$$$$$$$$$$$$&& $$$$$$&&
بوسالم دخل الى البيت وهومعصب .. : منــــــــــــــــــى يامنى
منى تطلع من الغرفه: هلا يبه
بوسالم: الحين اقول لك وش مسويه تروحين يا قليلة الادب وتقولين مومسويه شي وانتي متكلمه على بنت اختي ياقليلة الادب .. انتي زوجه تصلحين
منى: انا ماقلت شي هي اللي تتبلى انا ماقلت
بوسالم: كذابه انتي اصلا طالعه على امك فتانه هذي تربية امك تبين تفرقين وهذا الي جانا من وراك حسبي الله ونعم الوكيل .. اسمعي الحين تشيلين اغراضك بدر جاي بعد شوي ان سمعت اي اعتراض
كسرت البيت فوق روسكم فاهمين..
منى : مابي اروح
سالم يصرخ: تعصي امـــــــــوامــر ابوي ؟؟
منى بخوف: طيب بروح اصلا اعرفكم تكرهوني
بوسالم يلف على زوجته: وانتي عقلي بناتك مالت على هالبنات الي خلفيتهم .. ويدخل غرفته
ام سالم: هذا الي قدرك الله عليه اروح اشوف بنتي احسن لي ..
$$$$$$$$$$$$$$$$&& $$$$$$$$
رن التلفون وردت عليه .. : هلا
:خالد حصلتها البنت
خلود(خالد) تلف يمين ويسار:هلا سعاد
سعاد: اووه جنبك اهلك
خلود بملل: ايه وين حصلتي سوارتك
سعاد: في قسم الرياضيات بس يقولون انها ثقل
خلود: خلاص انا بلبسوها يوم السبت
سعاد: الى هالدره الوضع دمار
خلود: كثير .. يوم السبت نتقابل
سعاد: طيب ..
نواف بعد ماقفلت: وشفيك تكلمينها من غير نفس
خلود: كيفي اكلم الي اكلمه كيفي اف ناس تحب تتحكم (وتقوم من الصاله)
نواف: اشفيها ذي
ساميه: ضاربه افيوزاتها حيل..
نواف : لا تقول اسواره يااي اختي خكريه هههههههههههههههههه
$$$$$$$$$$ $$$$$$$$$
التوقعات ..
لمنيره وحمدان
رهف وسعود
هيفاء وماجد
خلووود والبنت
وهذا الوعد ونفذته ان شاء الجمعه انزل بارت .. لان الخميس وراي طلعه ^_^


..~~{البـــــــــارت الســـابع عشــــر}~~..

ــــــــــــــــــــــــــــــــــــــــــــــــــ ــــــــــــــــــــــ
..صلامبة رجوله .. تحتظن حنان انثى تترجمها شفاه جافه في الحب ..
دخل المجلس وجلس وهو يناظر الاثاث البسيط وصغير بنسبه لمجلس بيته ..
جلس وعدل شماغه وهويلعب السبحه الي بيده..ويناظر الساعه .. بعد ثنواني دخلت
عليه ام هيفاء بشمر وهيفاء وراها ... وراثه من امها البياض وجمال العيون .. وراثه
انفها وشفايفه الصغيره من ابوها .. وقف ماجد احتراما لام هيفاء..
ماجد ببتسامه: هلا عمه
ام بدر: هلابك ياولدي اخبارك؟؟
ماجد: انا بخير ..انتي اخبارك ؟؟ وقبل لا انسى امي تسلم عليك سلام كثير
ام بدربفرحه: انا بخير ..ياحبي لها الله يسلمها ويسلمك يلا اتركم براحتكم
هيفاء تبتسم لامها وبس اطلعت لفت عليه مكشره...
ماجد عقد حواجبه: وش هالوجه هالخايس
هيفاء تعطيه ظهرها وتشغل التلفزيون وتناظر.. ولا كانه موجود .. ماجد قام وطفى التلفزيون ..
وجا جنبها ..هيفاء خافت وابعدت عنه.. بس ماجد مسكها: اشفيك؟؟
هيفاء قلبها يرقع من الخوف: بعد عني ..ترى بصرخ
ماجد يقرب وجهه كثير من وجهها: يلا اصرخي
هيفاء جلست نتاظر فيه متنحه "ياربي شيبي هذا " برجا قالت: ماجد اتركني
ماجد يرسم ابتسامه "عليك عطر يذبح": ماراح اتركك (ويقربها لحظنه اكثر) ابي اسمع صراخك
هيفاء وجه صار احمر تحس بخوف وبحيا .. وتتنفس بقوه والجو صار حار وانفاس ماجد على خدها ..
نزلت عيونها تناظر ثوبه وهي ساكته استسلمت بعد موحاولات فاشله انها تبعد عنه ..
ماجد عض على شفته وناظر فيها واعرف نقطة ضعفها قربه منها وبعد عنها ورجع الى مكانه القديم..
هيفاء اخذت نفس طويل واطلعت من المجلس .. ماجد اخذ نفس " اشبلاني توترت حتى انا .. انا الغبي
الي جاي لها"
$$$$$$$$$$$$$$$$$$ &
صحت من النوم متعكر مزاجها .. لفت يمين يسار وانفتح الباب .. لفت تناظر : نعم
سوسن : امي تقول بسك نوم اجلسي
شهد: وانتي شنو شايفه
سوسن : ااففففففف موناقصتك
شهد تقوم : اقول طسي بس .. وتمر جنبها وتروح الى غرفتها ..
" يالله وش هالنوم الي نمته " ووقفت وهي تسمع الصياح الي صادر من الغرفه ..
عقدت حواجبها ودقت الباب : يالله تسكنهم مساكنهم(ماجاها رد طقت الباب وبقوه ونفس الشي ماجاها رد) انتي هييييييه فتحي الباب (ماجاها رد ولفت ورى) الحين انا شسوي اففف
ماحصلت احد رجعت دقت الباب " لايكون اختي ماتت احسن يووه فتى البراري من بينقذ بعدين "
وتتروع على الصوت الي جاها ..
ضاحي: خبله تسولفين مع الباب خبله
شهد تاشر على الباب: اخته فيه وتبكي اطق وماترد
ضاحي: وشفيها لايكون ظفرها منكسر
شهد: والله تسويها الخكريه ..(تظرب الباب) شف هااه ماترد ولا تفتح
ضاحي عقد الحواجب وراح لها ظرب الباب بقوه: افتحي البااااااااب منووور عن الخبال
شوي ينفتح الباب ضاحي بس سمع فتحت الباب.. شهد معصبه: ليه مقفله الباب ؟؟ وليه توك تفتحين
هااه
منيره : كنت بالحمام ماسمعت اف .. لاتصارخين
شهد: ليه تبكين .. وشفيك؟؟
منيره : مالك دخل (وتروح الى فراشها تنبطح وتغطي نفسها بالكامل )
شهد: وراها بلا هالبنت ..
$$$$$$$$$$$$$$$$$$ &
لجين : عند خوياتها انت ليه تسون سالفه اذا طلعت خلود
نواف : انكتمي انتي.. امي وابوي وين
ساميه : امي صرفت السالفه وقالت انها نايمه ..تدري ايمان كسرت جوالها ولا ردت
نواف: والله ان اليوم بصفقها الحين 11 ولا جات ..
دخلت الشغاله عليهم ... : بابا نواف بابا نواف
نواف: نعم ماناقصني الا الخدم نعم
الشغاله: هدا حارس يقول في يعطي انتا هدا كيس( وتعطيه كيسه فيها ورده حمرا وعلبه )
ساميه: هذي هديه
لجين: اخص اخوي مغازلجي
نواف بستغراب: من الحارس ؟؟
الشغاله: لا يقول هارس من حرمه يقول اعطي بابا نواف هدا كيس هدا كيس مال انتا
نواف يناظر ساميه: والله اني موراعي بنات بس اهايط قدامك والله اني موراعي بنات..
ساميه: موراعي بنات وجايتك هديه
لجين: وينك يا ايمان تشوفين نواف ..
نواف قام من مكانه وقامت وراها ساميه ولحقتهم لجين .. نواف بعد مادخل الغرفه ..
يلف على ساميه الي لاحقته: روحي عند ولدك بوخدود وشتبين جايه
ساميه: افتح الهديه الحين وبسرعه قول من مين؟؟
نواف: اي خليني لحالي اشوف ماحب احد يناظر فيني..
لجين تدخل: هااه من مين الهديه ؟؟؟
نواف: هذا الناقص البزر يحقق يلا اطلعوا
ساميه تجلس : انا مومتحركه من مكااني الا لمى اعرف يلا افتح ..
نواف: انتي اشفيك اشفيك قلت موراعي هالسوالف
ساميه: موراعي هالسوالف وتجيك هديه ؟؟؟ افتح الهديه نواف لا اقول لابوي..
فتح نواف الهديه وطلع كرت وعلبه: والله هالبنت عندها ذوق فديتها..
لجين: هههههههههههههههههههههههه من جد يلا اقرا بصوت عالي هااه عالي
نواف: كل عام وانت بخير يانواف الخير .. وعيد ميلاد سعيد وان شاء الله الهديه تعجبك..
خلود ولجين ..
لجين: اكلت المغلب صح
خلود بعبايتها تدخل بالكيك وهي تتكلم مصري: سنه حلوه ياقمييييل
ساميه في حالة صدمه ونواف في حالة فرحه..
خلود تحط الكيك على الطاوله بكذب تقول: اسفه على التاخير كنت ادور لك كيك واغلف لك هديه وكذا

يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -