رواية بعد كذبك لا ترتجي مني نظره -15
خلود بعبايتها تدخل بالكيك وهي تتكلم مصري: سنه حلوه ياقمييييل
ساميه في حالة صدمه ونواف في حالة فرحه..
خلود تحط الكيك على الطاوله بكذب تقول: اسفه على التاخير كنت ادور لك كيك واغلف لك هديه وكذا
وساعدتني لجون لبى قلبها..
ساميه تناظر فيها: انتي موكنتي طالعه بلوزه وبنطلون كيف رجعتي بفستان
خلود بكذب: غيرت قلت عيد ميلاد وكذا ماحبيت وغيرت
لجين تقرب من خلود وتهمس لها: لاتخافين عطيت الملابس الشغاله تغسلها
خلود: ايوه روحي جبيهم ..(تناظر ساميه) ماودك بكيكه وين ايمان(ولفت على نواف الي يناظر فيها)
اشفيك نواف تناظر فيني
نواف: انتي احسن اخت والله
ساميه: تعالي نواف ميلاده في رمضان موالحين
خلود: بالميلادي اليوم ..وبدال ماتقولي كل سنه وانت بخير يارب سنتك تكون مليئه بالخير وبالبركه
الله يطول عمرك وتفعل كل خير وصالح.. موهالكلام الي يسد النفس
لجين: تصب العصير سمووي ريحينا سموي
نواف: قومي طسي عند بوخدود ماتعرف تحتفل دايم تخرب الاجواء الفرحيه
خلود "الحمدلله مشت على خير":نعم نعم هيا ياهذا نخبك
نواف يظربها بخفيف: وش نخبك مانخبك نشرب خمر حنا ..
الكل: هههههههههههههههههههههههههههههههههههههههههه
رجعت الى المجلس وشافت اخوانها .. حامله في يدها سفرة العشاء..
هيفاء تتجاهل نظارات ماجد وتفرش السفره ... فواز يقوم : يلا اجل انا استئذنكم
هيفاء تخز فيه: فوازي وين بتروح حبيبي خلك الحين عشا
فواز : ودي بس معزوم على العشاء معك ابوي ياقلبي وبدر
بدر: انا بروح زوجتي مسويه عشى
هيفاء تعوج فمها: تيب (تلف على ماجد) نزعل عليهم تيب مايتعشون معنا
ماجد ببتسامه " ياحبك لتمثيل " ويناظر فيها : ايه اول اقولك يوسعون مكان
هيفاء انحرجت " وربي سخيف انا غبيه الي كلمتك" :.............................
فواز: قم هذا يطرد علني
بدر: انا بروح لزوجتي احسن
وطلع بدر وفواز .. وتدخل الشغاله بصحن في العشاء... هيفاء تقوم وتاخذ منها الصحن: روحي جيبي
الباقي .. (وترجع تجلس وتوزع الصحون) ..
ماجد بهدوء: هيفاء
هيفاء بدون متناظر فيه: نعم
ماجد: بنتعشى على الارض؟؟
هيفاء تتمصخر: لا حبيبي بعشيك في حظني انت شايف العشا وين؟؟
ماجد يكسر عيونه وياخذ نفس: لمى اتكلم معك لاتتكلمي معي بوقاحه .. وبعدين انا مااعرف اكل على
الارض
هيفاء : يعني شتبي اسوي لك ؟؟ ماجد
وسكتوا على دخلت الشغاله .. وراها ابو بدر .. وطلعت هيفاء ..
ماجد يوقف: هلا عمي
بو بدر: هلابك .. شخبارك شعلومك؟؟
ماجد: الحمدلله اخبارك انت ؟؟
بوبدر : الحمدلله زين تفضل على السفره ..
ماجد يقوم يجلس على الارض وباين على وجهه عدم الراحه ... وهويبتسم لـــ بوبدر :زاد فضلك
هيفاء تدخل بصحن العصير والماي ... وتجلس جنب ابوها ..
ابوها يهمس لها: قومي جنبه
هيفاء تقوم تجلس جنبه : امر يبه تحب اسوي لك سندويش
ابوها: اكلي زوجك بعدين سوي لي ..
ماجد: الله مااكل قبلك يا عمي ..
ابوها: طيب سوي لي
سوت له هيفاء واعطته .. لفت على ماجد : امر وشتبي غير الشورما
ماجد : ابي معها خيار ..
هيفاء تحط حبتين .. ماجد ببتسامه عجبه الوضع: ابي طماطم
هيفاء تحط حبتين .. ماجد : بس خلاص شكرا
هيفاء تمد له وتحول قد ماتقدر ان الاصابع ماتلامس يده .. بس على مين هذا ماجد .. اخذها وناظرها
بنظراته المعتاده لها وهويلمس يده: شكرا
هيفاء" ولعنه ذبحني وهويخز اففف": العفو ..بابا تبي عصير ولا ماي
ابوها: ماي ..ماجد وشتبي؟؟
ماجد: بعدين موالحين ..
ابوها شرب ماي وقام ... هيفاء :وين بابا ماخلصت اكل ؟؟
ابوها: تعرفين ماحب اكثر بالليل تصبحون على خير ..
ماجد :وانت من اهله .. ولمى طلع ابو بدر قام وقفل الباب ..
هيفاء تتجاهل الخوف الي بداخلها وتمثل القوه: انت على كيفك تقوم تقفله بيت ابوك هو ؟؟
ماجد بعناد : ايه ... ويلا بسرعه سوي شاورما لي .. بسرعه
هيفاء تتربع : الله لايهينك سور لروحك انا ابي اكل
ماجد: انتم طالبينه من برى ولا مسوينا في البيت ..
هيفاء : كل شي من البيت ماعدا المخلل
ماجد: ماشاء الله حلوه الشوربا على الشورما على الخلطه هذي كانها من المطعم شي حلو والله
وبطعنا نص هالاكل مالك دخل فيه كله امك (ويجلس جنبها)
هيفاء تبعد: والله مومشغلك وقول ماشاء الله ..
ماجد ينسح على شعرها: حلو شعرك كذا
هيفاء تحطه على جنبه : لاتلمسني تقرفني حيل
ماجد سحبها كلها على جهته وشدد على سنونه: هيوف لاتخليني اسوي شي مايعجبك الفاظك ياحلوه
هيفاء تبعد عنه وتكمل اكلها : افففففف بعد ..
ماجد قام من السفره واخذ جواله ومفتاحه .. هيفاء تترك الي بيدها :انت بتروح؟؟
ماجد: لا برقص مالي ايه بروح سديت نفسي
هيفاء تقوم مكانها " يبغى ابوي يذبحني" : لالا وش تروح خلك خلاص ماعاد ازعلك
ماجد يهز راسه : لا شكرا عن اقرف
هيفاء تمسح يدها وتوقف قدامه وبان فرق الطول بينهم : ماجد بلا دلع خلاص قلت اسفه
ماجد يناظر فيها "انتي روحي من قدامي " سكر عيونه وحرك وجه يمين ويسار يبغى يبعد الافكار الي
براسه: بعدي عني
هيفاء تمسح باقي الاكل من شفته بمنديل الي بيدها: ماجد خلك وبعدين توك تمدح الاكل ماكلت منه شي
ماجد تنح مكانه بعد الحركه الي سوتها له كان يناظر فيها ..لابسه بلوزه سوده شيفون ميدي وفاكه شعرها
وبنطلون جنز رمادي فيه قطع شيفون مبثوثه بشكل غير مرتب .. "هالبنت بتهبل فيني ملامح هالطفوله
عذاب " اخذ نفس وقرص اخدودها : هيوف انا ماحب اطول اكثر من كذا الحين الساعه 11 وانا ماحب
اطول في بيت الناس اكثر من كذا
هيفاء تمسك خدودها و بعفويه تقول: بس انت موفي بيت ناس انت في بيت ... وسكتت ونزلت راسها
ماجد يناظر فيها وهي متسحيه: ادري بيت زوجتي بس زوجتي ماتحبي لمى تحبني ماطلع الا الفجر ..
اصلا مابقى على زواج شي غير شهر
هيفاء : تيب روح بس دقيقه اسوي لك شورما
ماجد ببتسامه : تيب
سوت له الشورما ولفتها بمنديل .. : اخذ بالعافيه
ماجد يسحبها لعنده ويمشها لعنده: حلاتك كذا زوجه مطيعه
هيفاء تبعد عنه: ماجد ابعد تالمني يادب ..
ماجد ببتسامة خبث : تبين تحسين اني دب وماتقدرين تبعدين ؟؟
هيفاء تبعد عنه بسرعه: لالالا شكرا ويلا روح لوسمحت
$$$$$$$$$$$$$$$$$$ &
دخل شقته وهومكشر .. بس لمى شاف بنته تركض له ابتسم ..
مريم: باباااااا حبيبي ماما جات
بدريرفعها :ياعيون بابا انتي (يبوسها) وين ماما ؟؟
مريم: بالمطبح تتبح
بدر: انتي اللغه العربيه عندك دمااار .. واخوك وين؟؟
مريم: نايم ..
بدر : روحي لعبي .. وراح الى المطبخ وهو مكشر.. والتكى على باب المطبخ .. حست فيه منى.. بس
مانظرته
منى : افففففففف
بدر: قلتي شي منى؟؟
منى تقطع الطماطم وهي معصبه: لا بس طفشانه
بدربنظرات احتقار: اقول اطبخي وانتي ساكته ...
منى بعد ماطلع بدر رمة السكين على طاوله وهي معصب ...
$$$$$$$$$$$$$$$$$$ &
يوم جديد .. السبت ..
الفجر ..
الكل نايم الا هو .. ماجاه النوم يفكر " لا ولا طيب ليه انا ..لايكون عجبتها عشان ساعدتها ..ياالله راسي
بينفجر من التفكير انا موقد زواج والله موقد زواج" ..
لف وناظر جوال ضاحي سحبه بخفيف .. ودور الارقام حصل اختي م ..واختي ش واختي س
.. عرف من بداية الحروف منهم منيره .. اخذ الرقم ورجع الجوال مكانه .. "ادق ولا ارسل .. ارسل
احسن اخاف تصيح واصارخ واصحي الدب "..
ناظر الساعه لقاها اربع الفجر ..وكتب كلام ورسل الرساله لها ..هنا حس براحه .. وقام يتروش عشان
بيصلي صلاة الصبح ..
*
*
على صوت المنبه وصحت وطفت المنبه.. وقامت من فراشها ..متعوده تتروش قبل كل صلاه وتستشور
شعرها ويجي الباص لها..وتروح المدرسه ..
هالمره جلست على سريرها تتمدد (تتمغط في روايه اخرى) شافت جوال اختها ينور ..علت راسها شوي
تتاكد ان هي نايمه ولا لا ..
ورجعت النظر الى الجوال ..ابتسمت بخبث .. وضغطت على جوال بتمسح الرساله بس جذبها المرسل
رقم مواسم .. رفعت الجوال وشافت المكتوب ..
||مساء او صباح الخير.. منيره انا مدري وش اقول بصراحه انتي فجائتيني حيل انا مافكر بالزواج الحين
انا مقدر حبك لي ولانظرت لك اي نظره غير احترام وتقدير ..بس انا ماابغى تنتظريني الين مااكون
نفسي ..الله يرزقك بواحد احسن مني .. ولد خالك حمدان ||
نزلت الجوال وهي تناظر في اختها النايمه ..بنص عين وتهمس : الوصخه عراضه نفسك لرجال .. هين
يامنور هين ماراح امسحها ..
وسكرت جوال اختها وقامت من مكانها الى الحمام (وانتم بكرامه) تتروش...
$$$$$$$$$$$$$$$$$$ &
اشرقت وزاد نورها اكثر واكثر وبان صفاء سماء ارض السعوديه ..
الساعه تسع .. في احد جمعات الشرقيه ..
في الساحه الخلفيه .. متجمعين دخان .. جلسات خاليه من اي نوع الانوثه اصوات رجاليه .. حركات
شذوذ .. خلود (خالد) وشلتها متجمعين ...
خلود بحظنها بنت تكلم وحده من البنات: يالله فاتك عيد ميلاد ميمووو
اميره الي بحظنه: الي يسمع حماسك يقول طولت
خلود تضمها اكثر: ساعتين معك قبل الناس تجي .. وقت الحفل خلاص عن الدلع ميموو
سعاد (سعود): تعااااااال حصلت لك الي تبي
اميره: وش الي تبي؟؟
خلود: دخااان (ترفعها وتحطها على الارض )خلك وراجع ياقلبي
سعاد تجي جنبها خلود: هلا هلا لقيت لك الاسواره ههههههههه
خلود: اسكتي ياشيخ نواف واقف لي هنا (تاشر على حلقها)
سعاد: شوف هناك( تاشر على بنت شعرها طويل مصبوغ اشقر ولونها برونز ) هذي هي في قسم
رياضيات .. وماتعطي احد وجه
خلود تناظر : خل وجهها يعجبني ذيك الساعه نتفاهم ..
سعاد: افااا تعطني في ذوقي
خلود تحط يدها على اكتاف سعاد: اقول هجد اسمع كيف ادخل لها انا ادراة اعمال وهي رياضيات؟؟
سعاد تناظر فيها: خلووودي خالد وشفيك بنت بزر ماتعرف تضبطها ..
خلود تناظر في البنت : توها جديده خلها تاخذ اسبوع اسبوعين وتعرفني بعدين اجي لها تكون عندها
خلفيه عندي ..
سعاد: ويسألني كيف بعد ؟؟
خلود: نرجع لشله
سعاد: قداااااام
$$$$$$$$$$$$$$$$$$ &
في الفصل ..
الاستاذه: اختبااااار ولا كلمه
رهف: استاذه صعب الاختبار صعب
شهد تلف على البنت الي ورى
الاستاذه: بنت شهد عيونك في ورقتك
شهد: استاذه ذباااااان ياستاذه (تحرك يدها) اففف
رهف: اي استاذه مره هدو ما عرف اركز قصدي ازعاااااج
شهد: اي استاذه ازعااااااااج (تلف ورى) روان بالله لاتسوي حركات بالقلم تزعجينا
الاستاذه بصرخه: خلااااااااااااااص ولا كلمه قلت انتم في اختبار في ناس تختبر وبعدين معاكم
رهف حطت راسها تضحك.. شهد تحك راسها : استاذه لاتصراخين تسوي ازعاج
بعد ثواني رهف تهمس: شهد شهد
شهد تهز راسها" بــ ايش" :................
رهف تعطيها الورق بسرعه :................
شهد تناظر الورق وتشوف جواب سؤال واحد وتعوج فمها: بالله احلفي ياشيخه تعبتي عمرك
الاستاذه : شهد اخر انذار وباخذ ورقتك فاهمه
شهد: يا استاذه ازعاااااااج مره ازعااج
روان: شهد انطمي ابي احل
$$$$$$$$$$$$$$$$$$ &
بعدين عن الدراسه .. في عالم الحسبات والمنقصات والاسهم .. في احدى شريكات .. في المكتب ..
ماجد يوقف: مشكووور يا استاذ عدنان وانت بعد ياسر
عدنان: ولو حنا في الخدمه واي شي تبي امر
ياسر: لايردك الا لسانك
ماجد: وانتم بعد ..
عدنان: يلا مع السلامه
وطلعوا من عنده .. وراحوا الى السياره ...
ياسر : والله انه رجال
عدنان: اي والله .. شرايك نعزمه
ياسر: من كبر بيتي وبيتك
عدنان: بيت بوعبدالله اخونا .. ينقال نعرف اخونا عليه وشدراك يمكن نكون نسايب
ياسر: خاااطب خاطب
عدنان: يووه نسيت ..
ياسر: اقول حرك حرك
×
×
دخل نواف على ماجد المبتسم ..
نواف ياشر بيده السيار الي فيه ساعه من ارماني : كيفك اخبارك؟؟ يووه الوقت اشوف متى نخلص
ماجد: مبروك تقطعها بالعافيه
نواف يحط رجل على رجل ويعدل شماغه: انا احم احم امس عيد ميلادي بالميلادي واخواتي جابو لي
هديه
ماجد: شدعوه مسوين قطيه على الساعه ؟؟
نواف يحط يده اليسار على الطاوله: لا بس اختي الصغيره جابت الكيك والي اكبر منه الساعه ..
ماجد: والباقين .. وش سووا
نواف:صفقوا وش سوا بعد افرحوا الا ماشفنا الناس متغير عليهم شي امس عند الحبايب
ماجد تنهد: والله مدري ..
نواف يلف كله ويناظر ماجد: هاااه تحبها
ماجد: هذا الي يقول متى انبنى القصر قال امس العصر .. توني ملك عليها ونوادر ماكلمها امدى حبيتها
نواف : نقول استلطاف ..
ماجد مد شفته : ويمكن انجذاب لشخصيه معاندتني ..اول مره اشوف وحده ماتخاف مني
بالعاده يهابوني هي ولا شي ولسانها طويل ..
نواف : قصه لها
ماجد ببتسامه : بس تنخرش وتخاف لقربت منها وجهها يصير احمر .. وابعد عنها على طول
نواف: انا لومنك طول الوقت لازق عشان تتادب ..
ماجد: انا اقرب بس عشان تخاف .. انا لوبقرب منها جد ابي يكون برضاها المراءه انسان موزقاره او
حلاوه..
نواف يصفق بشويش: كلام افلاطوني
ماجد حس على نفسه: اقول قم طس عن وجهي وانا غبي جالس اقول لك ..
نواف يضرب جبهته: غبي مانسيت اسالك شنو شكلها ؟؟
ماجد بدون اي تفاهم شال حق التاريخ واليوم ورماه على نواف ... كان مصنوع من خشب
نواف يمسك كتف : احححححح والله يعور والله
ماجد ياشر باصبعه وبنبرة تهديد: اخر مره تسالني شنو الشكل طيب
نواف يكشر: مالت عليك وعليها اصلا انت شين زوجتك وش بتطلع اشين منك اعوذ بالله .. وقام وهو
الى الان ماسك كتفه
$$$$$$$$$$$$$$$$$$ &
جا نهاية الدوام ..
شهد: رهوف تعالي معي بدال الباص ..
رهف: معليش ماقلت لــ اهلي
شهد: انا شهد وهم يعروفوني قولي ماتبين ..
رهف :لالا والله ودي بس فشله خليها ثاني مره .. وهذا اخوك جا ( تشهق ) من المزيووون الي معها
شهد: المووووووت الاحمر حميداااااان ..
رهف: وه بس وه محلاها هذا حمدان
شهد: ايه ..شفتي القهر
رهف: والله ماالوم اختك لا عرضت عليه الزواج ..جد الولد حرام يضيع
شهد: هااه ماغيرتي رايك
رهف: ولا فيه امل ياروحي .. بس وربي عذااااااااب
شهد: يقولون بواطبيع ماغيري طبيعه ..اموووت في سعود حبي سعود والحين داخله جو مع حميداان
رهف: ههههههههه امزح انا لاتفكرين جد امزح
شهد: مصدقتك ياقلبي مصدقتك..
رهف: تيب رووحي .. ولا وصلتي دقي علي
شهد: على اي شريحه
رهف: اذا شفتي ذيك مقفله دقي على الثانيه
وراحت شهد عنها .. حمدان مشا قبلهم يكره البنات الي يكشفون ولا الي يقطون كلام .. مايحبهم ابد ..
عكس ضاحي الي يرد ويتحرش ..صحيح مايكلم بنات بس يحب يتحرش ويرد على البنات .. على قولته نضيع وقت ..
ركبوا السياره ...
شهد تسكر الباب: الله هالله فتى البراري وشيخ العربان ..جايني لا كذا بيغمى علي من الوناسه ؟؟
ضاحي :اشتغل حركات الهبال عندها
حمدان ساكت ويناظر جواله " هالغبيه ليه ماردت وانا شعلي اهم شي وصلت لها المعلومه اشبلاني حامل همها ":........................
شهد: موفاضيك الظاهر ينتظر عارض ثاااااني ( شدد على عرض ثاني )
ضاحي : عرض ايش
شهد: من شركة السي ان ان هههههههههههههه
ضاحي : هههههههههههههههههههههههههههه (انتبه لشرود حمدان وعلى صوته) هييييييييييه نحن هنااااا
حمدان: هلا امر
شهد تتعمد تعيد الكلمه: شنو تنتظر عرض ثااني يافتر البراري
حمدان لف عليها يناظر : ليه في عرض اول
شهد تلف وجهه: يكمن مدري
ضاحي حس الجو بدا يتوتر : شهوووووود شنو الاغنيه الي تبين تسمعينها
شهد: حط خالد انتي اجمل
حمدان رجع الى جلسته الي قبل وهو ساكت " معقوله غلطت ورسلت لها ..انا متاكد لمى مسحت كل شي من جهاز ضاحي اختي م موش ..تلميحها واضح ..الحمدلله ان ضاحي اخذ الموضوع بطنازه ..الله يستر
الله يهداك شوفي خبالك لوين وصلك "
$$$$$$$$$$ $$$$$$$
واخر شي توقعاتكم ..
حمدان &شهد & منيره ؟؟؟
هيفاء راح تغير معاملتها لماجد ؟؟
والبنت مع خلود شنو تتوقعون العلاقتهم؟؟
ورهف بتظل على حبها الوهمي لسعود ولا بتكتشف؟؟
..." البـــــــــارت الثــــامن عشــــر "...
ــــــــــــــــــــــــــــــــــــــــــــــــــ ــــــــــــــــــــــ
صحه من نومه وطلع من غرفته وصادف ابوه ..
ابوه بتكشرته: متى ينشال الي بيدك؟؟
سعود بخوف: ممم ..مدري ..اسبوع الجاي عندي موعد
ابوه يناظر فيه بحتقار: غبي طول عمرك غبي ..عنبو دارك درج ماتعرف تمشيه ..
سعود نزل راسه على الارض: ............................
ابوه مشى عنه وهو يناظر فيه باحتقار.. سعود يوم سمع تسكريت الباب " ياربي الهمني الصبر عليه ..
متى يموت وربي الفايده الي بتجينا منه اكبر من هو حي .."
مشى وراح الى غرفة رياض .. فتح الباب بدون استئذان .. ابتسم على اخوه .. الي يبتسم وعيونه
تلمع بالحب.. جلس ينتظر اخوه ..
رياض بتكشيره: اسمعي حبي انا بقفل الحين .. (ويلف على سعود) نعم وشتبي؟؟
سعود كاتم الضحكه: حبي وعمري ومدري ايش ..اشفيك خاق اثقل الي يشوفك ماعمرك ولا شفت بنات
رياض: ايه ماعمري شفت ولا كلمت بنات .. ليه قالوا لك انت ؟؟ وبعدين وش تبي جاي؟؟
سعود: يالله يا رياض الى الحين مانسيت
رياض: لمى تقول السالفه لي اكلمك عدل
سعود قام : خلاص لاتكلمني
رياض: على فكره اياد قالي بالسالفه كلها
سعود فتح عيونه على الاخر: من جدك
رياض: ايه وكان بيكلم ابوي بس انا كلمته وقال ادبه.. تصدق ياسعود قليل في حقك الي سواه فيك
انا لومكانه كسرت راسك مالت على وجهك جد الي ستحوا ماتوا
سعود:كيفي انا اسوي الا ابي كيفي (يرن جواله ويرد) هلا حبي ( يشدد على حبي)
ويطلع من الغرفه ...
$$$$$$$$$$$$$$$$$$ &
دخلت البيت ..
سلمت على امها .. وراحت الى غرفتها ..شيكت على جوالها شافت رساله .. افتحتها..
||| لا وصلتي المدرسه ارسلي رساله انا الحين في اجتماع ولا بيخلص
3 العصر |||
ناظرت ساعتها الحين 2 وربع ..ابتسمة ابتسامه شيطانه ودقت عليه عطاها مشغول روجعت دقت الين
مارد
قالت بدلع عشان تعصبه : هاااي ماجد انا جيت يازوجي العزيز
ماجد بحده: قلت ارسلي ماقلت دقي وعن الهبال وسكري
هيفاء: يووه ياماجد لازم نتعرف على بعض اكثر انا جاي على بالي اتعرف عليك الحين( وتحط يدها على فمها
تكتم ضحكتها)
ماجد: ياشيخه انقلعي (ويفقل الجوال في وجهها )
هيفاء: هههههههههههههههههههههههههههههههههههههه احسن تستاهل وياما لك من هالموال
الين ماتطفش وتطلق اف ..
انطق الباب قالت بفرح ادخل ..ودخل فواز وهو مبتسم..
هيفاء ببتسامه: ياااهلا باخوي حياك حياك
فواز : هلابيك زود
هيفاء: امر الحلو ليه زايرني ..
فواز:لا بس جاي اسولف معك ..
هيفاء: تعال نسيت اسألك بدر ليه مزعل زوجته وراحت عند اهلها
فواز: مدري عنها ..يمكن سوت شي غلط
$$$$$$$$$$$$$$$$$$ &
سكرت الباب زين وجلست على فراشها .. وفتحت الجوال وطلعت شريحة اهلها ودخلت شريحة سعود
ولقت موجود من سعود مكالمات ورسايل.. ابتسمت ودقت عليه.. دقت عليه طلع عندها جاري انتظار
رهف تناظر الجوال: اف منه ..كله جاري انتظار(وتحط الجوال على اذنها)
سعود: شسوي اذا عندي اهل مزعجين .. يسعدي هالظهر والصبح والليل وكل وقت الي اسمع فيه صوتك
رهف انحرجت : اسفه
سعود ينقال معصب :لاتقولي اسفه هذي مشاعرك ومن حقك تبينينها لي ..(ياخذ نفس يمثل انه هميان)
لبى هالمشاعر وصاحبتها ..
رهف : سعود معليش تعقل
سعود: وين اعقل وانتي حلوه ؟؟ رهف انا زعلان
رهف: ليه وش مزعلك ؟؟
سعود: رياض يكلم زوجته وانا مااكلمك؟؟
رهف: ههههههههههه انت قلتها زوجته موخويته
سعود بحده: لاتقولي كذا انتي موخويتي انتي حبيبتي.. وبس تتخرجي وانا اكمل دراستي
راح على طول بنتزوج انا مستحيل اتزوج وحده غيرك..
رهف : تيب نشوف
سعود: وانا متى اشوف
رهف عقدت حواجبها: وش تشوف
سعود: اشوفك شنو ماتبيني ؟؟
رهف: هههههههههه راح بالي بعيد الا ابيك
$$$$$$$$$$$$$$$$$$ &
شهد تغسل صحون :ومن الشباك لرميلك حالي ..ومن الشباااك لرميلك حاالي ..
منيره: شعندي فيروز تغني لبناني
شهد تلف تناظر مافي المطبخ الا هي ومنيره ..: شسوي مالقيت احد ارمي نفسي عليه..
(تغسل يدها من الصابون)
منيره من الصدمه .. اسكتت
شهد تلف عليها : انا غسلت الصحون باقي عليك تنضيف المطبخ ..
منيره تمسكها: شقصدك من كلامك
شهد تبعد يدها: والله قصدي انتي ادرى فيه .. ولوسمحتي لاتعطليني وراي دراسه
في هالوقت جات رساله لجوال منيره .. شهد ناتظرت فيها وابتسمت وراحت عنها.. منيره فتحت الجوال
لقت رساله من الاتصالات تبين فيها عروضها .. كشرت منيره وامسحتها وشافت رقم جذبها ..
وافتحت وقرت الرساله وشهقت .. وطلعت برى المطبخ وراحت الى سوسن ..
منيره: سوسن شهد عرفت عنا
سوسن توقف الكوي : كيف؟؟ كانت نايمه
منيره: لا بس حمدان رسل رساله وقال فيها(وسكتت وماعرفت وش تقول)
سوسن بشك: وحمدان يرسلك ليه ؟؟
منيره بكذب: لالالا يروح بالك بعيد هذا هو الغبي رسل وقال لاتعلمي احد حمدان وهي اعرفت
سوسن انا خايفه تقول لــ امي
سوسن ترجع تكوي:لا ماتقول بتهددك وبتذلك بس تقول لا
منيره بعد ماطمنت من كلام سوسن راحت لشهد بكل شجاعه .. فتحت الباب بقوه وشهد مانتبهت
لان كانت تسمع اغاني .. وتمشط شعرها
منيره تحط يد على خصرها واليد الثاني على الطاوله ..
شهد ترفع حواجبهاوتنزل السماعه: نعم يانعجه
منيره: من سمح لك تفتحين جوالي وتشوفين الرسايل
شهد: مثل الي سمحلك وتفتشين جوالي .. اسمعي يانعجه من يوم ورايح مااشوفك ماسكه جوالي
ولا فاتحه فمك علي بكلمه والله هااه تراني حلفت والله اني لقول لابوي ..
منيره وقفت عدل وناظرتها وطلعت من الغرفه .. "ياربي وش هالمصيبه ..الحين وش اسوي
افتحت جوالها وقرت الرساله من جديد ..
||مساء او صباح الخير.. منيره انا مدري وش اقول بصراحه انتي فجائتيني حيل انا مافكر بالزواج الحين
انا مقدر حبك لي ولانظرت لك اي نظره غير احترام وتقدير ..بس انا ماابغى تنتظريني الين مااكون
نفسي ..الله يرزقك بواحد احسن مني .. ولد خالك حمدان || .. امسحت الرساله وضمت الجوال ..
" راح انتظرك الين ما تكون نفسك "
$$$$$$$$$$$$$$$$$$ &
في العصر ... نهاية دوام الدكاتره ..
في مواقف السيارت..
اياد : لا تسلم
علي :والله انك تجي والله انا حلفت وقلت لزوجتي تجي تعال احسنلك قبل مازعل
اياد: ياولد الحلال وشفيك ..امي تنتظرني خلاص
علي : تعال تعال .. عن التصريف دق عليها وقل لها عن العياره
اياد يضحك: صدتني طيب اركب سيارتك وتعال الى هنا عشان انا مااعرف بيتك
علي: من عيوني
×
×
:هاااااااااي
ولاء: هايات كيفك وش هالمفاجاء الحلوه
رهف: ماحلو الا انتي .. وين عمي؟؟
ولاء تسكر الباب: اسكتي تراني حايسه عمك جايب صديقه ويبغى يغديه
رهف تفسخ العبايه: وانا جيت بساعدك ..
ولاء تتوجه الى المطبخ: اهلك شعندهم رايحين بيت اختك
رهف: عمة زوجها بتجي وقالت لاهلي يجيون
ولاء: اهااا تيب يلا تحركي وتعالي
$$$$$$$$$$$$$$$$$$ &
في الصاله في القصر الكبير ...
ماجد : يمه تعرفين او تعرف الطباخه تسوي لنا شورما في البيت
امه: كيف ؟؟
ماجد : هذا انا يوم رحت بيت هيفاء سوت لي شورما وشوربا وسلطه وخلطه حقة الشورما هذا غير
المخلل الجزر والخيار وبطاطس
امه: تعال مايسمونها خلطه اطحينيه موخلطه هي لونها ابيض صح
ماجد: ايوووه لونها ابيض
امه: ماجد ماتعرف الطحينيه
ماجد يحك شعره: لا
امه: تبي اسوي لك زيها
ماجد: ايه نفسي ..
امه: يلا كلها ايام وتسويها لك
ماجد ابتسم : ان شاء الله ..الاتعالي يمه مها اليوم ماجات
امه: اسكت ماقلت لك ..اختك حامل
ماجد بدهشه: مها حامل
امه: ايه بكره بتروح المستشفى تتاكد
ماجد: اهاا ..الله يوفقها
امه: عقباااااال ماشوف ولدك او بنتك
ماجد بشبه همس(يعني يتحلطم): خلها تحبني عشام تحمل
امه:وش تقول
ماجد: اقول ان شاء الله
$$$$$$$$$$$$$$$$$$ &
فتح الباب وهويضحك : تعال تعال بس (يرفع صوته) لاحد يجي الصاله
اياد: بسم الله احم (يناظر الشقه) ماشاء الله رهيبه الشقه
علي يشيل العبايه: يووه هذي بنت اخوي هنا والله هالانسانه خيره
اياد يناظر العبايه وينصدم "هذي نفس عباية ذيك البنت " :.......................
علي (يرفع الصوته): اشفيك ساكت ونتاظر العبايه ؟؟
اياد يناظر فيه وبكذب قال: لالا بس ذكرتني بعباية اختي
علي ياشر على الكنب: اجلس بس اجلس( وراح عنه )
اياد جلس " انا مومصدق اكيد وحده تشبها لان كان النور مواضح على وجهها الي بارز كثير
النقش العبايه الناس ذول اخلاق يارب موهي بس ليه احساسي يقول شي .."
*
*
رهف تحط السلطه: هااه جا خويك
علي يحط عباتها على الطاوله: لاعاد تقطين عباتك في الصاله
رهف: ان شاء الله
ولاء: حلو خويك عنده فلوس
علي يخصر: ليه بتبدلين على هالسؤال؟؟
رهف: لا اعرفها زوجة عمي حنونه ومخلصه بس تبي تظمن مستقبلي
ولاء:هههههههههههههههههههه بالضبط يا بنت حماي العزيز
علي يخز في رهف و ولاء: سلامت حبيباتي فيكم شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك