بداية

رواية بعد كذبك لا ترتجي مني نظره -21

رواية بعد كذبك لا ترتجي مني نظره - غرام

رواية بعد كذبك لا ترتجي مني نظره -21

من هاوااي الى السعوديه ..
في الصاله ..
ام ضاحي ترفع السماعه وتتصل على اخوها الي بالرياض : الوووو
: هلا وغلا بعمتــــــــي الغاليه
ام ضاحي : مين حميداان
حمدان: ههههههههههه ايه حميداان على قولتك
ام ضاحي: الله يغربلك قول امين وين اخوي
حمدان: طااالع انتي اخبارك ؟؟ياعمه
ام ضاحي: والله زينه طيب امي عندكم ولا طلعت
حمدان: اي جدتي عندنا .. انتظري شوي اناديها..
شهد تدخل على امها وتتخصر : منو تكلمين ياحلوه؟؟
ام ضاحي: بقول لاهلي ان وافقنا على خطيب منيره اختك
شهد تفتح عيونها: بالله
ام ضاحي: ايه وشفيك ..
شهد طلعت بدون ماتتكلم وهي تركـــــــــض الى غرفتها ... وتدخل وتشوف سوسن تستشور شعرها.. ومنيره تتفرج
على المجله..
شهد: بنـــــــــــات امي تكلم الرياااااااض
منيره تسكرالمجله : كلمت بيت خالي خالد
شهد: ايه جدتي عندهم اكيد بتكلمهم
سوسن: اكيد تخبرهم ان وافقنا على الرجال
منيره بعصبيه: وليه ان شاء الله .. باقي التحاليل يمكن ماتضبط هي بس تروح تقول فلانه انخطبت وبس
وش هالخبال اففففففف
شهد و سوسن يناظرون بعض مستغربين من العصبيه ..
منيره ترمي المجله وتقوم تدخل الحمام ... سوسن تاشر لشهد انه منيره مجنونه ...
شهد بهمس: مسكينه خايفين ينظرون يوسف ولا ايش
*
*
من الطرف الثاني في الرياض ..
الجده تسكر التلفون وتلمح ولدها خالد: خـــــــــــالد
خالد: هلا يمه امري
الجده: منيره بنت اختك انخطبت
حمدان بصدمه: شنوووو
الجده: ولعنه فقعت طبلت اذني ..
خالد: ومن اي عايله
الجده: من جماعتنا بس نعرفهم من بعيد
حمدان: يبه موالبنت لولد عمها واذا ماعندهم ولد عم ولد الخال
الجده: اقول بلا هرج فاضي اخلص يقولون اسبوع الجاي ان اضبطت التحاليل بيملكون
حمدان وقف: انا مابيها تملك
خالد : وانت وش تبي؟؟
حمدان: ابيها يايبه
خالد: البنت صار لها سنين منطقه هناك عند اهلها وراك ماخذتها هااه ولا الحين حلت لمى اخذوها الناس
حمدان: كنت كذيك الفتره لسى ماشتغلت الحين اشتغلت وابيها
الجده: انت تبي تسوي مشاكل ..الناس من جماعتنا نعرفهم
حمدان يطنش جدته ويناظر ابوه: يبه الله يخليك ابيها
خالد يناظر فيه : انتظر
حمدان بعصبيه: وش انتظر وش يبه لاتهبل فيــــــــــــــني
خالد يجلس وهوكاتم الضحكه: يمكن التحاليل ماتظبط ساعتها نخطب
حمدان: ويمكن تظبط انا وش استفيد
خالد: اخذ اختها سوسن ..سوسن بعد حلوه
الجده تبغى تقهر حمدان: لا منيره احلى وحده فيهم اعرفهم بنات بنتي
حمدان:شنو تبون تقهرووووني انتم
الجده +وخالد: ههههههههههههههههههههههه ههههههههههههههههههههههه
حمدان يوقف: اذا ماخذت منيره مابي احد غيرها (ويطلع )
$$$$$$$$$$$$$$$$&& $$$$$$$$
في الشرقيه...
في الليل.. الساعه تسع
رهف تدخل الصاله: ماما وين امي؟؟
احمد يناظر فيها: طالعه
رهف تلف بتطلع: طيب
احمد يرفع صوته: رهف
رهف توقف وتناظر فيه: نعم
احمد: وشفيك وين طوالت لسانك الي قبل وشفيك ليه صايره هاديه حتى كلمة احمدي ماصرتي تقولين
رهف تبتسم: والله يا احمدي طفشانه شوي
احمد ياشرتجلس جنبه: امري تبين نطلع
رهف: ياليت بس امي بترجع مابتشوف احد خلها الجمعه لان الخميس في عمامي
احمد: اممممممم الجمعه مواعد ربعي
رهف: احمدي ممكن اشتري هديه لخويتي في عيد ميلادها
احمد: اي خويه؟؟
رهف: هيفاء لاجات بتكون عيد ميلادها
احمد: اوكيك.. ماتبين نطلع الحين.. ومنها نشتري وعلى حسابها
رهف توقف: اكيــــــد بس اعطيني 10 دقايق اعطي خبر العله وانزل عباتي
احمد: عييب اختك
$$$$$$$$$$$$$$$$&& $$$$$$$$
يوم جديد
الساعه 10الصباح... يرن التلفون البيت
ام ضاحي : الله يستر من الي داق هالوقت
بوضاحي: يمكن اهلك يباركون لك
ام ضاحي ترفع السماعه: الوووو
: الووو هلا يا ام ضاحي
ام ضاحي بفرحه: هلاااااااا بزوجة اخوي هلا ام حمدان
ام حمدان: وش الاخبار؟؟
ام ضاحي: والله بخير
ام حمدان تبعد شوي السماعه: ولد بكلمها الحين خلاص فك عني حمدان وبعدين..
ام ضاحي: وشفييه ولد اخوي صاير مطيور
ام حمدان: يبغى يخطب
ام ضاحي: وهذي الساعه المباركه وعقبااااال ضاحي وسوسن يارب
ام حمدان: عاد ماسالتي منو وده فيها
ام ضاحي: مين؟؟
ام حمدان: بنتك منيره
ام ضاحي تشهق: منيـــــــره بس منيره مخطوبه
ام حمدان: يوووووووه يا اختي بتفضلين الغريب على القريب وانتم مواول ناس ترفض
لاتكسرين بخاطر ولدي
ام ضاحي: والله مدري وش اقول لك ولد اخوي ماينعاف بس لازم اكلم البنت وقبل ابوها
ام حمدان: خذو الراحه .. حمدان يسحب التلفون .. عمه تكفييييييييين لاتوافقون عليه انا ابيها
ام ضاحي تمثل العصبيه: اقول انطم وسكر فمك البنت حلت بعينك لمى انخطبت يارب الكل يوافق الا هي عشان تتادب
حمدان: عمه عن النذاله .. انا بصير زوج بنتك
ام ضاحي :شوف الولد ..طيب انا ماراح اوافق عناد فيك ..ويلا انقلع عن وجهي عطلتني عن رجلي
وتسكر التلفون في وجهه
بوضاحي: حمدان يبغى يخطب منيره
ام ضاحي: ايه... وشرايك؟؟
بوضاحي: الناس الي اخطبوها
ام ضاحي: ماحصل نصيب
بوضاحي: الناس عندك لعبه انتي وزوجة اخوك
ام ضاحي: لاهم اخسروا ولا حنا خسرنا ..لاهم جابوا شي ولا حنا عطيناهم شي.. الموضوع كلام الى الان
بوضاحي: انتي قولي لناس مانبيهم.. انا مالي وجه
ام ضاحي : اليوم العصر بس قبلها بشوف راي بنتي منيره
بوضاحي: زين اجل
ضاحي يدخل الصاله: السلاااااام عليكم
بوضاحي+ ضاحي: وعليكم السلام
ضاحي: وين الفطور؟؟
امه: فطرنا وخلصنا تبي كان جلست بدري
ضاحي: الساعه الحين 10 الحين وقت الفطور
ابوه : ومتى الغدا ثلاث العصر.. متى دوامك
ضاحي: دوامي من الظهر الين الليل ..(يناظر امه)يعني شلون ابي فطور ..
امه: صبر عمرك بشي لين الغدا
ضاحي : وين خواتي؟؟
امه: نايمين ..على طاريهم منيره انخطبت
ضاحي: اعرف يمه يوسف
ابوه: لاغير هالمره الي خاطب ولد خالك حمدان
ضاحي: الحمااااار ماقال انه بيخطب اختي
امه :ههههههههه ماعلينا وشرايك اخذلك مها اخته
ضاحي: وشحركات عيال الابتدائي يمه اخذ قلمك واعطيك قلمي واعطيك من بطاطسي واعطيني
من بطاطسك.. حلوه اخذ اختي لازم اخذ اخته اجل على كذا كل واحد ماخذ اربع على زوجته
امه تظربه على كتفه: انا قلت وشرايك ماقلت لازم ميته عليك بنت اخوي
ضاحي: ولا انا متقطع
ابوه: انا بروح اريح شوي لاجلست منيره لاتكلمينها الا اذا انا موجود
ام ضاحي تهز راسها : طيب .. (تناظر في ضاحي وتبتسم )
ضاحي: حرمه اعقلي زواج مابي
ام ضاحي تظرب رجله: حرمه في عينك انا امك
ضاحي يمد يده: هلا يمه كيفك اخبارك يلا مع السلامه ...ويطلع..
ام ضاحي: هالولد مدري متى بيترك هالخبال
$$$$$$$$$$$$$$$$&& $$$$$$&&
في الفصل ..
الكل منتبه الا هم .. شهد تحط راسها على الطاوله وتلف راسها على جهة رهف وتسوي نفسها رهف ...
شهد: وشفيك خلاص عاد انسيه؟؟
رهف: انا زعلانه على حالي احس اني غبيه وحيل غبيه
شهد: هذا الي يقولك غلطة الشاطر بالف
رهف : اي والله آآآآآخ اجل انا واحد زي كذا يلعب على عقلي مدري وين رحت
شهد: اتركنا من هالخايس ..تتوقعين حمدان لا وصل له خبر وش بيسوي
رهف: والله على الراسله الي رساله لاختك ذيك المره عادي عنده الوضع
شهد اسكتت:.................
رهف تظرب يد شهد: ليه تسالين حمدان تحبينه؟؟
شهد تبتسم: ما احبه بس احب شكله يجنن
رهف تسكر عيونها وكانها تذكر شكله: يذبح
شهد: حييل احسه من مستوى جمال زوج هيفاء
رهف عقد حواجبها : لااا وين ذاك غير .. هبيه ملك هذا
شهد تكتم ضحكه وتناظر ورى رهف..
رهف حست فيها ابتسمت ورفعت راسها ..شافت المدرسه ابتسمت اكثر ..وهي كاتمه الضحكه
الاستاذه: شايفينا نسولف عشان حاطين روسكم على طاوله
رهف+شهد يهزون روسهم بـ لا ..
الاستاذه: ابي افهم انتم ماخذين سنه ثالثه لعب كذا ليه ؟؟
شهد تناظرفيها: منو قال حنا بس كثرت المعلومات في راسنا خفنا تطيح حطينا روسنا على الطاوله
رهف تحط راسها على الطاوله وهي تضحك ...
الاستاذه: قومي من مكانك وروحي جنب لطيفه
شهد : لاااااا مابي ابي ابي رهف بسكت والله بسكت والله
الاستاذه: وان سمعت صوت
شهد: بقوم من نفسي
الاستاذه تبعد عنهم وتكمل شرح....
$$$$$$$$$$$$$$$$&& $$$$$$$$&
في الجناح خلود ..
اميره: ههههههههههههه بعد صوره كذا
خلود تضمها من ورها : يلا ابتسمي
اميره: خلاص ههههههه فديتك خلوودي حلوه مفاجاتي جيتك بلا موعد
خلود تبوسها: ايه حيل حلوه من الصباح الين العصر وانتي عندي كل مره سوي كذا(ينطق الباب يبعدون عن بعض) افففففففففف
اميره بعد ماطلعت خلود .. اخذت الجوال واخذت منه كم رقم ...
خلود تدخل وكنها مرتبكه : اميره ماراح تروحين بيتكم
اميره : اف وش هالطرده
خلود: عهود هنا
اميره " وهذا المطلوب" : بالله تطرديني عشان عهود
خلود: لا بس انتي تضايقين منها
اميره تتخصر: وهي وشتسوي هنا
خلود: تذاكر للجين
اميره تاخذ الكيمرا الي فيها الصوره: ابي اشوفها.. وتلبس عبايتها وتتر كها مفتوها بدون ماتسكرها
خلود: طيب
اميره وخلود يطلعون يرحون لعند لجين وعهود..
عهود اول ماشافت اميره بفستانها الشفاف عقدت حواجبها:.............
اميره بغرور: هاي
عهود: هايات
اميره: كم تدرسين .. ابي ادرس ولد اختي واختي الصغيره
عهود انحرجت وخلود حست فيها ..
خلود: اميره وشفيك انهبلتي
اميره: انا ماقلت شي بس قلت كم تدرس ماتبي فلوس هم دايم الي يشتغلون هالشغله بيغون فلوس
خلود بحده: امـــــــــــيره لسانك
لجين: والله هي انسانه ذربه تعرف متى تجي وتعطي احد خبر.. موزيك جايه موقايله لحد همجيه
اميره: انتي اسكتي بزره زيك ماتتكلم
خلود: اميره انقلعي بيتكم
عهود: لا انا الي بروح
لجين تمسك فيها: والله ماتروحين الي تطلع من جناحي
اميره: ياعيني ليه تبين تظبطين الجو حق دودي وعهوود
عهوود تحاول تفكر يدها من لجين..
خلود بين اسنانها: اطلعي ياميره دام النفس عليك طيبه اطلعي
اميره: طيب انا بطلع بس هذا وجهي ان شفتوا بعض مره ثانيه..
خلود تدفها لبرى : اقول اطلعي بس ولا يكثر
$$$$$$$$$$$$$$$$&& $$$$$$$$
صحت من النووم .. وطلعت من الغرفة النوم .. ونزلت تحت..
شهد: وين امي ومنيره وضاحي..
سوسن ببتسامه: في خبر بمليون ريال
شهد: وش؟؟
سوسن: حمدااااان على قولتك فتى البراري خطب
شهد بصدمه: امااااااانه مين؟؟
سوسن: منيره
شهد كشرت: بالله ومن قالك
سوسن: امي .. واخيرا اختنا بتعرس عقبالك شهووود
شهد: قطع اسم الله عليّ ماعلينا وشراي اختك
سوسن: اكيد بتوافق حمدان ينعاب
شهد " مالت عليك وعليه وعليها" :.............
سوسن: وشفيك ساكته وتخزين فيني
شهد: انقلعي .. وطلعت من الصاله ..." ياربي ابي اعرف وش يصير مالي الا النافذه "
وراحت عند نافذت ابوها .. وفتحت النافذه بشوش عشان تسمع ..
منيره: والحين هو ماحلت يخطبني الا لمى خطبني ولد الناس
ابوضاحي: انا معك والراي رايك وانا ماراح اجبرك على شي غصب
ام ضاحي بعصبيه: لا بتجبرها شنو تفضل الغريب على ولد اخوي اسمعي ولد اخوي بتاخذينه يعني بتاخذينه
منيره: طيب يوسف جا قبل حميدان
ام ضاحي ترفع صوتها والى الان معصبه: انتي ماتستحين تقولين اساميهم قدامي انا وابوك
منيره: وانا قلت شي غلط اسامي الي اخطبوني
ابوضاحي: ياحرمه ليه هالصراخ احترميني شوي
ام ضاحي: والله بنتك قاهرتني بتسوي مشاكل
منيره: الشي الغصب موزين
ام ضاحي : والزين انك تعصيني وتسوين مشاكل بيني وبين اخوي
منيره: انا مابيه ماااااااا ابيه .. وتطلع من الغرفه ..
ام ضاحي بصراخ: غير ولد خالك مافيه فااااااااهمه
شهد شافت منيره طلعت راحت لها فوق .. منيره لمى شافت شهد دخلت الحمام مالها خلق نقاش
شهد تمسك منيره وطلعها من الحمام : مالها داعي تبكين في وسط الحمام
منيره: وانتي وشتبين تبين تشمتين
شهد كسرت خاطرها: يابعد قلبي.. انا اختك يمكن غرت انك بتاخذين مزيون بس تراني ماحبه ابي زيه
بس .. انتي موتحبينه ليه ترفضينه
منيره وهي تبكي: انا ولعبه وقت مايبيني ياخذني وقت مايبيني يتركني
شهد: انتي متاكده من شعورك جد ماتبينه جد
منيره: ايه ماابيه
شهد: الحين انزل واكلم امي .. وتركتها وقبل ماتطلع ..
وقفها صوتها :شهـــــــــــــد
شهد تلف : امري
منيره: لاخلاص ابيه
شهد: يوم انك تحبينه هالقلق ليه
منيره: قاهرني
شهد تضمها: الله يوفقك ..ويرزقني بمزيون
ام ضاحي تدخل والكل يتروعه ..
شهد :بسم الله الرحمن الرحيم وشفيهم جيش المغول هاجم
ام ضاحي: ياقليلة الادب انا امك
شهد: وشتبين
ام ضاحي: انا بنزل الحين وبكلم الناس وبقول ماحصل نصيب بكره الصباح بالكثير الظهر
تقولين لي موافقه فاهمه على حمدان
شهد انقهرت من جبروت امها: انتي بكيفك بكيفك ..الزواج بالغصب هو
ام ضاحي: لاتخليني اركب راسي واعرسك على ولد عمه سيف
شهد تتخصر: نعم نعم بلا سيف بلا خنجر بلا رمااااااح انا مومنيره والله اقلب الدنيا فوق راسك وراسه
منيره تظرب شهد عشان تسكت..بس شهد تكمل ولا همها احد.. انا غير ورجاء بعدي عني ماناقص غير
بوضروس سيفووه .. وتطلع من الغرفه وهي معصبه
$$$$$$$$$$$$$$$$&& $$$$$$$$


في المستشفى ..
سعود يرفع راسه ويناظر في عمه: هو ليه مايفوق من الغيبوبه
عمه تركي ياشر لها انه يطلع .. سعود يطلع من العنايه .. وقبل مايطلع لف على ابراهيم وقال بهمس: وحشتني قووووم يالغالي
وطلع وهودموعها على خده..
عمه تركي: ترى حالته مامنها امل الكل ظرب جا على راسه والراس في كل المراكز
سعود يمسك يده عمه: يسفرونه واذا ماتسمح حالته نجيب احسن الاطباء بس لايروح مني وربي اروح وراه
تركي لمى لصدره وجلس يبكي سعود زي الاطفال .. ابراهيم كل حياته وهو اعز صديقه عنده اصلا ماعنده
الا ابراهيم .. وقف بكي لمى حس بايد على كتفه ..
سعود يمسح دموعه: نــواف
نواف: ايه نواف كيفك ياسعود
سعود: ماشي الحال
نواف: والله ياخوي الدموع ماترجع احد ولاتشفي احد مالك الا ربك الكريم صل وادعي له وان شاء الله
بيشفيه .. ياناس كانو الدكاتره ياسين منهم بس ربك كريم واشفاهم ..لاتيأس من رحمت ربك
سعود تنهد وضم نواف الي بادله الضمه..
تركي جلس وهو حزين على حال ولد اخوه ..
اياد: السلام عليكم
الكل: وعليكم السلام..
اياد من دون نفس: اخبارك ياسعود واخبار ابراهيم؟؟
سعود يجلس جنب عمه : ماشي الحال
اياد: الله يكون بالعون يلا نواف
نواف: لا روح انا بجلس مع سعود شوي
سعود لف عليه: لاتعطل عمرك عشاني تكفى(ناظر اياد) وقفتك معي وكلامك شكرا
اياد: اروح يانواف ولا لا
نواف: لا بجي معك
$$$$$$$$$$$$$$$$&& $$$$$$$$
مر اسبوعــــــــــــــين على هالاحداث ..
اميره وخلود انفصلت علاقتهم ..وبدات خلود تتقرب من عهود ..
اياد كل يتهرب من علي واخر شي اخذ اجازه... الكلمه الي يرددها "مالي وجه اناظر فيه"
ابراهيم الى الان في العنايه .. وسعود حالته النفسيه مــــره تعبانه والكل لاحظ عليه هالشي ... وقل اكله
اما رهف صارت هاديه كثير من بعد الي صار لها ..
شهد خبالها واصل وتحاول كثير ترجع رهف زي قبل..
وافقت منيره على حمدان الي طاير من الفرحه .. وحدوو الملكه بعد ماتتطابقت التحاليل..
ماجد وهيفاء ماتغيرت علاقتهم مع بعض ..كل شوي مزعلها ماجد ونفس الوقت يراضيها .. بس هالايام
طايره من الفرحه لان كلها يوم وتجي السعوديه..
*
×
*
اليوم الاربعاء.. في الليل
بكره بتوصل طياره هيفاء وماجد .. الكل مبسوط .. وفرحان لرجعتهم.. في العصر في بيت الفيصل..
الجده مزنه زوجة الفيصل تولولش: كككككككككللللللللللوووووش بكره السبع بيوصل هنا مع القمر
ام ماجد: مصرين انهم يجون هنا
ام جهاد عمة ماجد: وليه مايجون بيت ابوي وشفيه
ام ماجد: لا موعلى كذا .. بس امها تبي تشوفها مثل مالي حق اشوف ولدي هي بعد تبي تشوف بنتي
مها: الله لايهينهم يجون هنا شنو تبين نتراكم فوق بعض في بيتهم
ام ماجد تظربها: حمدي ربك على هالنعمه
ام رياض بهم جالسه وساكته :.........................
ام عبد العزيز تدخل وراها بناتها وبنات ام سطام اختها: السلام عليكم..
الكل رد السلام والا ام رياض لانها ماحست فيهم ..
ام عبدالعزيز: ام ريااااااض وشفيك
ام رياض تنتبه لها: هلا يا ام عبدالعزيز
ام عبدالعزيز: حنا نسلم ترى
ام رياض: لاتلومين ياختي ولدي متقطع قلبي عليه عايش ولا كانه عايش وبالي كله معه
شمايل: لو انا بدال عمي وسعود ذبحت ابو الولد
ام رياض: الابو يابنيتي مايسون له شي
عبير تعدل شعرها: الله يكون بعونه الا وين زوجة عمي ام نايف
شمايل تناظر فيها: زوجة عمي وينها ولا ولد عمي وينه؟؟
عبير تكش عليها: سخيفه
الكل: هههههههههههههههههههههههههههههههههههههههه هههههههههههههه
*بنات الفيصل ...
ام جهاد وهي اكبر العمات .. وعندها ثلاث اولاد.. جهاد ..زين..ايمن..
اربع بنات .. عبير .. ليان.. حوريه ...رباب
ام سطام وعندها ولدين سطام ومهدي
..واربع بنات ..شمايل ..ونجلاء ..وبشاير.. سارا
.. ام عبد العزيز .. عندها اولاد عبدالعزيز ..ومناف وجراح
وبنتين .. جنا ..وانجوم
واخر وحده دلال..*
$$$$$$$$$$$$$$$$&& $$$$$$$$
اياد ينبطح على الكنب ويحط يده على راسه : آآآآآآآه وربي تعبت
جواد: يلا تهنا وارتاح عندك اجازه اسبوع
اياد يناظر فيه: لايكثر ترى راسي مصدع وين لمياء
جواد: مدري ليه
اياد: ابيها تدلك رجولي
نتزل لمياء من الدرج كاشخه...
اياد يرفع راسها ويناظرها: على وين
لمياء تجلس على الكنبه الي قدامه: اليوم الاربعاء..
اياد : على بالي الاحد ادري اليوم الاربعاء .. انا قلت على وين ..ماقلت وش اليوم
لمياء:طيب طيب بروح بيت جدي نساعد عماتي على تزين البيت لماجد وزوجته
جواد يعوج فمه: الله والعمات عاد
اياد يناظر فيه: عيب ولد هذول عماتك
لمياء: لاتغلط على العمه ام جهاد ام الحبيبه
اياد يشيل المخده الي جنب خصره ويرمي عليها: لمي لسانك طيب
لمياء: افففففف بقوم احسن لي
جواد: من جدك بتاخذ عبير
اياد: لا
جواد: بس امي كلمت امها
اياد: ولا كاني سمعت شي ..
جواد: اهم شي اخطبو لي ..سوسو
اياد: يالله بالعقل (يقلد صوت جواد بتريقه) سوسو
جواد: وانت عبوره الدلوعه هههههههههههههههههههههههههه
اياد ابتسم وماعلق..
جواد: ترى هم موجودين يمديك تغير النظره
اياد بحده: سكر فمك
امهم تنزل: يلا وين لمياء ومحمد
جواد: مع ابوي في المكتب
امهم تناظر اياد: مابتروح
اياد: مالي خلق احد بصعد فوق انام.. (شال شماغه وقام)
امه: الله يهداك
اياد وهويصعد الى الدرج: اللهم امين ..
$$$$$$$$$$$$$$$$&& $$$$$$$$
في قصر نواف ...
في الحوش .. الكل متجمع ماعدا نواف ..
ايمان: وربي ابوي له فقده ماخصل هالمشروع
ام نواف: باقي ولا واذا خلص بياخذ عمره
ايمان: الله يجيبه بالسلامه
خلود وهي تشرب الشاهي: ماشاء الله عليك يوم انك تسالين عنه وفاقدته ليه ماتدقين ليه لازم هو يدق
ايمان بستغراب: ليه انتي تدقين ؟؟
ام نواف بعتاب: ابوك زعلان عليكم كلكم الا خلود و نواف هم يدقون ويسألون
ايمان: والله كله انسى يمه هالعيال ومشغوله في حوسة البيت
خلود تناظر فيها: ولاتنسي بعد مشغوله في التفتيش الغرف و.... وماكملت الكلام لان ايمان قاطعتها
ايمان بعصبيه: اقول انطمي دام نفس عليك طيبه ميت عليك انا
خلود ترش عليها بقايا الماي الي في الكاس: لاطولي لسانك لا اكفخك
نواف يمثل العصبيه: بس بس انتي وياها عفانا الله قطوه وفار كله تتهاوشون
خلود: ماتشوف اختك
نواف يجلس: جب انتي وياها اوص ولا كلمه (يلف على امه ) شرايك وانا مسوي فيها كبير المكان ورجال
ام نواف: رجال غصب عنهم صرخت ولا ماصرخت رجال
ساميه: اقول لايكثر لا بهالفنجال على راسك
نواف ينزل راسه وسوي روحه مؤدب: ان شاء الله عمتي
الكل:هههههههههههههههههههههههههه ههههههههههههههههههههههههه
يرن جوال خلود وترد بعصبيه: نعم اميره
اميره: انا داقه اقولك حاولي تحسني اخلاقك عشان موتك قرب وخل الناس تذكرك بخير
خلود بسخريه: والله
اميره: وسلمي على الحلوه عهووود ههههههههههههههههه يلا ياكلبه باااااي وتقفل في وجهها
خلود تحاول تمسك اعصابها..وترقع السالفه لان الانظارعليها: اوكيك نتفاهم السبت باي .." هين يااميره
اذا انتي وصخه انا اوصخ منك ..اجل انا تهدديني والله لا اخليك تندمين وتبكين بدال الدموع دم"
نواف بصراخ: هـــــــــــــــــــــــيييييييي انا هناااا وين طرتي
خلود : ولعنه اذني مالك دخل .. وتدخل داخل القصر
$$$$$$$$$$$$$$$$&& $$$$$$$$
.. يــــــوم جـديـد يـوم الخمــــــــــــيس وصل هيفاء ومــــاجد..
في المطار .. الساعه تسع ..
هيفاء تركض: فوااااااااااز ( وتضمه ) وحشــــــــــــــــــــــــــــتني حيل حيل
فواز: ههههههههههههه وانتي اكثر بس خلاص ذبحتيني وخري
بدربعد ماسلم على ماجد: مالي سلام
هيفاء تضمه: وحشتني انت بعد لبى قلبك
ماجد: احم احم
فواز يسوي روحه خايف : بعد بعد زوجها جا
الكل: هههههههههههههههههههههههههههههههههههههه هههههههههههههههه
بدر: يلا امي سبقتني على بيت جدك
ماجد : خذوا اختكم معاكم مطلق اخوي جا
مطلق يضمه: هلا بالغالي
ماجد: هلا بيك
مطلق منزل راسه: هلا زوجة اخوي الحمدلله على السلامه
هيفاء: الله يسلمك
فواز يمسك يد هيفاء: يلا نطلع من المطار..
*
×
*
في القصر
الحريم الكبار في الصاله الداخليه .. وفي الصاله الخارجيه البنات .. والمجلس الخارجي فيه الرجال
اياد يدخل المطبخ: احم احم
عبير تلف حجابها اي كلام وتلبس عبايتها : هلا اياد ادخل
اياد" يااااااااااا اللله اففففففففففف" : هلا عبير خلص الشاهي
عبير: ايه ادخل اخذهم
اياد: على يدك نقش حنا ماتعطيني اياهم
عبير بدلع تتخصر: ثقيل
اياد: اقول لايكثر ( يدخل وياخذ الصحون ويطلع )
عبير تلف على نجلاء الي متخبيه ورى الثلاجات : شفتي ماتغير هذا اسلوبه
نجلاء: على ايش تحبينه من حلاته
عبير: كل على بعضه حلو بتشوفين بيتغير بعد مايملك عليّ
نجلاء: اقول يازين مطلق بس
عبير: ويييييييع ويييع قطع طالعي من اخوه بعدين تكلمي
نجلاء: خلينا نمشي ونشوف ست الحسن والجمال زوجة مااجد..
عبير: تراها شينه
$$$$$$$$$$$$$$$$&& $$$$$$&&
في احد الاسواق الشعبيه ...
ام ضاحي : شوفي هالساعه حلوه
شهد: مدري .. خل نشوف غيرها
ضاحي : والله انك انتي مع خويتك سامجين لازم هدايا مفروض هي الي تجيب موانتم
شهد: اليوم عيد ميلادها ...وبعدين لايكثر ..
في مكان ثاني بنفس المحل...
منيره: اي وحده حلوه هذي ولا الثانيه
سوسن: من جدك بتشترين طقم ساعات
منيره: ايه يوم الملكه نلبسها مع بعض ..
سوسن: الرمادي احلى لان غامق وانتم فاتحين ..
منيره تلف ونتاظر الكل مشغول مع شهد: كم ذول لو سمحت

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -